МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖИЙН AСEM-ЫН ДЭЭД ХЭМЖЭЭНИЙ УУЛЗАЛТЫН ЗОЧДОД ЗОРИУЛСАН НҮҮДЭЛЧДИЙН НААДМЫГ ХААЖ ХЭЛСЭН ҮГ

Administrator 2016-07-15 23:19:00

Эрхэм хүндэт зочид оо,

Эрхэмсэг хатагтай, ноёдоо,

Ази, Европын орнуудын төр, засгийн тэргүүн нар, хүндэт зочдод болон AСEM-ын 20 жилийн ойд зориулсан Монгол наадам манай үндэсний ёс жаягын дагуу өрнөөд ийнхүү өндөрлөж байна.

Монголын сайхан орон, сайхан уламжлал, нүүдлийн соёлын дээжисийг шингээсэн Монгол наадмын хүндэтгэл, ёслол, агуулга, өгүүлэмж бүрээс Та бүхэн Монголыг таних мэдлэг дурсамжаа зузаатгасан гэдэгт эргэлзэхгүй байна.

Манай сайхан оронд Та бүхнийг дахин тухтай саатан морилохын ерөөл өргөж, энэ удаагийн наадмыг жаргаая.

Манай оронд ирсэн зочин бүрийн сэтгэл өөдрөг, дурсамж дүүрэн байг ээ.

2016 оны 7 дугаар сарын 15