ᠡᠷᠬᠢᠮ ᠬᠦᠨᠳᠦᠲᠦ ᠠᠷᠠᠳ ᠢᠷᠭᠡᠳ ᠡ᠂
ᠡᠷᠬᠢᠮ ᠵᠣᠴᠢᠳ ᠭᠡᠶᠢᠴᠢᠳ ᠡ᠂
ᠡᠷᠬᠢᠮ ᠬᠦᠨᠳᠦᠲᠦ ᠨᠠᠭᠠᠳᠤᠮᠴᠢᠳ ᠠ᠋᠂
ᠲᠤᠭᠤᠷᠭᠠ ᠲᠤᠰᠠᠭᠠᠷ ᠮᠣᠩᠭ᠋ᠤᠯ ᠤᠯᠤᠰ ᠤᠨ ᠨᠡᠢᠢᠰᠯᠡᠯ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠠᠴᠠ ᠲᠥᠷᠥᠷᠦ ᠶᠣᠰᠣᠨ ᠤ ᠶᠡᠬᠡ ᠪᠠᠶᠠᠷ ᠮᠣᠩᠭ᠋ᠤᠯ ᠨᠠᠭᠠᠳᠤᠮ ᠤᠨ ᠡᠨᠡ ᠭᠡᠭᠡᠨ ᠰᠠᠢᠢᠬᠠᠨ ᠡᠳᠦᠷ ᠦᠨ ᠬᠠᠯᠠᠭᠤᠨ ᠮᠡᠨᠳᠦ ᠢᠢ ᠨᠠᠭᠠᠳᠤᠮᠴᠢᠨ ᠣᠯᠠᠨ ᠲᠠ ᠪᠦᠬᠦᠨ ᠳᠥ ᠪᠡᠨ ᠳᠡᠪᠰᠢᠭᠦᠯᠵᠦ᠂ ᠠᠮᠤᠷ ᠢ ᠠᠢᠢᠯᠠᠳᠬᠠᠨ ᠮᠡᠨᠳᠦᠴᠢᠯᠡᠶᠡ᠃
ᠮᠣᠩᠭ᠋ᠤᠯ ᠤᠨ ᠲᠤᠯᠭᠤᠷ ᠲᠥᠷᠥ ᠢᠢᠨ 2226 ᠵᠢᠯ᠂ ᠶᠡᠬᠡ ᠮᠣᠩᠭ᠋ᠤᠯ ᠤᠯᠤᠰ ᠤᠨ 811 ᠵᠢᠯ᠂ ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠤᠭᠰᠠᠨ ᠤ 106 ᠵᠢᠯ᠂ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ 96 ᠵᠢᠯ᠂ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ 27 ᠵᠢᠯ ᠦᠨ ᠣᠢ ᠡᠨᠡ ᠵᠢᠯ ᠲᠣᠬᠢᠶᠠᠵᠤ ᠪᠠᠢᠢᠨᠠ᠃
ᠮᠣᠩᠭ᠋ᠤᠯ ᠤᠨ ᠰᠠᠢᠢᠨ ᠨᠡᠷᠡ ᠢᠢ ᠥᠨᠳᠥᠷ ᠲᠥ ᠡᠷᠭᠦᠵᠦ ᠶᠠᠪᠤᠭᠠ ᠬᠦᠮᠦᠨ ᠪᠦᠷᠢ ᠢᠢᠨ ᠬᠠᠯᠠᠭᠤᠨ ᠰᠡᠳᠬᠢᠯ᠂ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠥᠪᠡᠷᠰᠡᠳ ᠢᠶᠡᠨ ᠥᠪᠡᠷᠰᠡᠳ ᠲᠥ ᠪᠡᠨ ᠡᠵᠡᠨ ᠪᠠᠢᠢᠬᠤ ᠶᠡᠬᠡ ᠤᠬᠠᠭᠠᠨ ᠳᠡᠭᠡᠷᠡ ᠡᠬᠡ ᠣᠷᠣᠨ ᠮᠢᠨᠢ ᠥᠭᠡᠳᠡᠯᠡᠨ ᠳᠡᠪᠵᠢᠵᠦ ᠶᠠᠪᠤᠨᠠ᠃ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠮᠢᠨᠢ ᠪᠠᠲᠤ᠂ ᠲᠤᠭ ᠰᠦᠯᠳᠡ ᠮᠢᠨᠢ ᠴᠡᠬᠡ ᠪᠠᠢᠢᠨᠠ᠃ ᠬᠥᠳᠡᠯᠮᠦᠷᠢᠴᠢ᠂ ᠬᠢᠴᠢᠶᠡᠩᠭᠦᠢ ᠮᠣᠩᠭ᠋ᠤᠯ ᠢᠯᠠᠵᠤ᠂ ᠬᠥᠭ᠍ᠵᠢᠯ ᠳᠡᠪᠰᠢᠯ ᠦᠨ ᠶᠡᠬᠡ ᠵᠠᠮ ᠳᠤ ᠲᠡᠮᠡᠦᠯᠵᠦ ᠪᠠᠢᠢᠨᠠ᠃
ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠡᠨᠡ ᠡᠳᠦᠷ ᠴᠤ ᠭᠡᠰᠡᠨ ᠪᠢᠳᠡ ᠬᠢᠵᠦ ᠬᠡᠷᠡᠭᠵᠢᠭᠦᠯᠬᠦ ᠪᠡᠷ ᠵᠣᠷᠢᠵᠤ ᠪᠤᠢ ᠣᠯᠠᠨ ᠠᠵᠢᠯ ᠢᠶᠠᠨ ᠰᠠᠨᠠᠵᠤ᠂ ᠲᠥᠯᠥᠪᠯᠡᠵᠦ᠂ ᠶᠠᠷᠢᠵᠤ ᠬᠡᠯᠡᠵᠦ ᠪᠠᠢᠢᠬᠤ ᠶᠣᠰᠣᠲᠠᠢ ᠭᠡᠵᠦ ᠪᠢ ᠪᠣᠳᠣᠵᠤ ᠪᠠᠢᠢᠨᠠ᠃ ᠤᠯᠤᠰ ᠣᠷᠣᠨ᠂ ᠠᠷᠠᠳ ᠢᠷᠭᠡᠳ ᠦᠨ ᠮᠠᠨᠢ ᠡᠮᠦᠨᠡ ᠲᠤᠯᠭᠠᠮᠳᠠᠭᠰᠠᠨ ᠠᠵᠢᠯᠭᠦᠢᠢᠳᠡᠯ ᠶᠠᠳᠠᠭᠤᠷᠠᠯ᠂ ᠢᠷᠭᠡᠳ ᠦᠨ ᠠᠮᠵᠢᠷᠭᠠ ᠤᠯᠠᠮ ᠪᠦᠷ ᠳᠣᠣᠷᠠᠳᠠᠭᠤᠯᠬᠤ ᠳᠤ ᠨᠡᠷᠮᠡᠭᠡᠰᠦ ᠪᠣᠯᠵᠤ ᠪᠠᠢᠢᠭᠠ ᠵᠠᠷᠢᠮ ᠥᠷᠢ ᠢᠢᠨ ᠠᠰᠠᠭᠤᠳᠠᠯ ᠢ ᠰᠢᠢᠳᠬᠦ ᠳᠥ ᠠᠩᠬᠠᠷᠤᠯ ᠢᠶᠠᠨ ᠬᠠᠨᠳᠤᠭᠤᠯᠵᠤ ᠪᠠᠢᠢᠨᠠ᠃ ᠮᠥᠨ ᠡᠳ᠋ ᠍ ᠦᠨ ᠵᠠᠰᠠᠭ ᠢᠶᠠᠨ ᠰᠡᠷᠭᠦᠭᠡᠨ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ᠂ ᠪᠦᠲᠦᠭᠡᠨ ᠪᠠᠢᠢᠭᠤᠯᠤᠯᠲᠠ ᠢᠢᠨ ᠶᠡᠬᠡ ᠠᠵᠢᠯ ᠢᠶᠠᠨ ᠴᠠᠭ ᠠᠯᠠᠳᠠᠯ ᠦᠭᠡᠢ ᠥᠷᠨᠢᠭᠦᠯᠬᠦ ᠲᠣᠮᠣ ᠵᠣᠷᠢᠯᠲᠠ ᠪᠢᠳᠡᠨ ᠦ ᠡᠮᠦᠨᠡ ᠪᠠᠢᠢᠭᠠ ᠢᠢ ᠨᠠᠭᠠᠳᠤᠮ ᠤᠨ ᠡᠨᠡ ᠶᠡᠨᠳᠡᠷ ᠡᠴᠡ ᠪᠢ ᠵᠣᠷᠢᠭᠤᠳᠠ ᠳᠤᠷᠠᠳᠴᠤ ᠪᠠᠢᠢᠭᠠ ᠶᠤᠮ ᠠ᠋᠃
ᠮᠣᠩᠭ᠋ᠤᠯ ᠬᠡᠮᠡᠬᠦ ᠨᠢᠭᠡᠨ ᠨᠡᠷᠡ ᠢᠢ ᠶᠢᠷᠲᠢᠨᠴᠦ ᠢᠢᠨ ᠴᠢᠬᠢᠨᠡ ᠳᠠᠭᠤᠷᠢᠰᠬᠠᠵᠤ ᠪᠤᠢ ᠮᠣᠩᠭ᠋ᠤᠯ ᠨᠠᠭᠠᠳᠤᠮ ᠮᠠᠨᠢ ᠪᠢᠳᠡᠨ ᠦ ᠨᠢᠭᠡᠨ ᠴᠢᠬᠤᠯᠠ ᠥᠪ ᠰᠤᠶᠤᠯ ᠪᠢᠯᠡ᠃ ᠲᠥᠷᠦᠲᠦ ᠶᠣᠰᠣᠨ ᠤ ᠶᠡᠬᠡ ᠤᠯᠠᠮᠵᠢᠯᠠᠯ᠂ ᠲᠡᠦᠬᠡ ᠰᠤᠶᠤᠯ ᠤᠨ ᠭᠠᠢᠢᠬᠠᠮᠰᠢᠭ᠂ ᠲᠦᠮᠡᠨ ᠣᠯᠠᠨ ᠤ ᠰᠡᠳᠬᠢᠯ ᠦᠨ ᠴᠡᠩᠭᠡᠯ ᠬᠣᠣᠰᠯᠠᠭᠰᠠᠨ ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠮᠠᠨᠢ ᠳᠡᠯᠭᠡᠷ ᠵᠤᠨ ᠤ ᠰᠠᠢᠢᠨ ᠴᠠᠭ ᠲᠤ ᠡᠢᠢᠨ ᠬᠦ ᠡᠬᠢᠯᠡᠵᠦ ᠪᠠᠢᠢᠨᠠ᠃
ᠡᠬᠡ ᠲᠡᠦᠬᠡ᠂ ᠬᠡᠯᠡ ᠰᠤᠶᠤᠯ ᠢᠶᠠᠷ ᠢᠶᠠᠨ ᠪᠠᠬᠠᠷᠬᠠᠨ ᠣᠮᠣᠭᠰᠢᠳᠠᠭ ᠮᠣᠩᠭ᠋ᠤᠯ ᠬᠦᠮᠦᠨ ᠪᠦᠷᠢ ᠢᠢᠨ ᠰᠡᠳᠬᠢᠯ ᠳᠤ ᠨᠠᠷᠠ ᠭᠡᠢᠢᠭᠰᠡᠨ ᠨᠠᠭᠠᠳᠤᠮ ᠤᠨ ᠰᠠᠢᠢᠬᠠᠨ ᠡᠳᠦᠷ ᠵᠣᠨ ᠣᠯᠠᠨ ᠤ ᠮᠢᠨᠢ ᠰᠡᠳᠬᠢᠯ ᠲᠡᠨᠢᠭᠦᠨ ᠴᠣᠭ ᠵᠣᠯᠪᠣᠭᠠ ᠳᠦᠭᠦᠷᠡᠩ ᠮᠣᠷᠢ ᠨᠢ ᠬᠤᠷᠳᠤᠨ᠂ ᠪᠥᠬᠡ ᠨᠢ ᠬᠦᠴᠦᠲᠡᠢ᠂ ᠬᠠᠷᠪᠤᠭᠠᠴᠢ ᠨᠢ ᠮᠡᠷᠭᠡᠨ ᠪᠠᠢᠢᠭ ᠡ᠃
ᠳᠡᠯᠡᠬᠡᠢ ᠳᠥ ᠭᠠᠭᠴᠠᠬᠠᠨ ᠮᠣᠩᠭ᠋ᠤᠯ ᠨᠠᠭᠠᠳᠤᠮ ᠳᠡᠨᠵᠢ ᠳᠦᠭᠦᠷᠭᠡᠨ ᠡᠬᠢᠯᠡᠵᠦ ᠪᠠᠢᠢᠭᠠ ᠢᠢ ᠳᠠᠶᠠᠭᠠᠷ ᠣᠯᠠᠨᠠ ᠳᠠᠭᠤᠷᠢᠰᠬᠠᠨ ᠵᠠᠷᠯᠠᠶᠠ᠃
ᠰᠠᠢᠢᠬᠠᠨ ᠨᠠᠭᠠᠳᠤᠭᠠᠷᠠᠢ᠃
ᠲᠤᠭᠤᠷᠭᠠ ᠲᠤᠰᠠᠭᠠᠷ ᠤᠯᠤᠰ ᠣᠷᠣᠨ ᠮᠢᠨᠢ ᠬᠥᠭ᠍ᠵᠢᠨ ᠪᠠᠳᠠᠷᠠᠭ᠃
ᠲᠦᠮᠡᠨ ᠣᠯᠠᠨ ᠮᠢᠨᠢ ᠠᠮᠤᠷ ᠠᠮᠤᠭᠤᠯᠠᠩ ᠵᠢᠷᠭᠠᠭ᠃
