А.Баттөр

Аюулгүй байдал, Батлан хамгаалах бодлого

 

Монгол Улсын Ерөнхийлөгчийн Аюулгүй байдал, батлан хамгаалах бодлогын зөвлөх

Төгссөн сургууль

  • Москвагийн Олон улсын харилцааны дээд сургууль /1984-1989/
  • Веллингтон, Шинэ Зеландад Викторийн Их сургууль /2000-2001/
  • Европын Стратеги, олон улсын харилцааны төв Брюссель /2009-2010/

Боловсрол, мэргэжил

Дээд, Олон Улсын харилцаа, Хөгжлийн ухааны магистр

Ажилласан туршлага

  • Монгол Улсын Гадаад хэргийн яам, атташе /1989-1992/
  • Монгол Улсын Элчин сайдын яам Парис, БНФУ, соёлын атташе /1992-1996/
  • ЮНЕСКО Байнгийн төлөөлөгчийн газарт Парис, БНФУ, дипломат ажилтан /1992-1996/
  • Монгол Улсын Гадаад хэргийн яам, Төр захиргааны удирдлагын газрын захирал /1996-1998/
  • Монгол Улсын Боловсрол, Соёл Шинжлэх ухааны яам, Гэгээрлийн сайд /1998-2000/
  • Infrastructure Consulting CO Ltd, Зөвлөх, хувь нийлүүлэгч /2000-2004/
  • Монгол Улсын Гадаад хэргийн яам, дэд сайд /2004-2006/
  • Сатмон ХХК, хамтарсан дарга /2006-2008/
  • Монгол Улсаас БЕНЕЛЮКС-ийн орнууд, Европын Хамтын нийгэмлэгт, Онц бөгөөд Бүрэн Эрхт Элчин сайд /2008-2012/
  • Монгол Улсын Батлан хамгаалах яам, дэд сайд /2012-2015/
  • Монгол Улсын Ерөнхийлөгчийн аюулгүй байдал, гадаа бодлогын зөвлөх /2015 оноос/

Гадаад хэлний мэдлэг

Орос, Англи, Франц

Цахим шуудан battur@president.mn


  • “Монгол Улсын аюулгүй байдлын орчин-Батлан хамгаалах бодлого” сэдэвт эрдэм шинжилгээний хурал болов

    2017-04-11

    “Монгол Улсын аюулгүй байдлын орчин-Батлан хамгаалах бодлого” сэдэвт эрдэм шинжилгээний хурал ҮБХИС-ийн “Тэмүүжин Өрлөг” сургуулийн хурлын танхимд өнөөдөр болов.

    Уг хуралд Монгол Улсын Ерөнхийлөгчийн Тамгын газрын дарга Ц.Баярсайхан, ҮАБЗ-ийн нарийн бичгийн дарга Ц.Энхтүвшин, УИХ-ын гишүүн, Батлан хамгаалахын сайд Б.Бат-Эрдэнэ, УИХ-ын Аюулгүй байдал, гадаад бодлогын байнгын хорооны дарга Ж.Энхбаяр, УИХ-ын гишүүн Г.Мөнхцэцэг, Б.Батзориг болон БХЯ, ЗХЖШ, ГХЯ, БСШУЯ, ҮАБЗ-ийн харъяа Стратегийн судлалын хүрээлэн, ШУА, МУИС, ХСИС, ХУИС, Дипломатын академи, Үндэсний тагнуулын академи зэрэг олон байгууллагын төлөөлөл оролцлоо.

    Аюулгүй байдлын орчин өөрчлөгдөж байгаатай холбогдуулан Монгол Улсын аюулгүй байдал, батлан хамгаалах бодлогод тулгамдаж байгаа асуудал болон түүнийг шийдвэрлэх арга замыг эрдэмтэн, судлаачдын дунд хэлэлцүүлж, хурлаас гарах үр дүн, санал, зөвлөмжийг холбогдох байгууллагуудад хүргүүлж, эрдэм шинжилгээ, судалгааны гарын авлага болгох үүднээс тус эрдэм шинжилгээний хурлыг зохион байгуулж байгаа юм байна.

    Дэлгэрэнгүй
  • Цэргийн төв эмнэлгийг Цэргийн гавьяаны улаан тугийн одонгоор шагналаа

    2017-04-06

    Монгол Улсын Ерөнхийлөгч Цахиагийн Элбэгдоржийн зарлигаар өнөөдөр Цэргийн төв эмнэлгийг Цэргийн гавьяаны улаан тугийн одонгоор шагналаа. Одонг Монгол Улсын Ерөнхийлөгчийн Аюулгүй байдал, батлан хамгаалах бодлогын зөвлөх А.Баттөр Цэргийн төв эмнэлгийн байлдааны туганд хүндэтгэлтэйгээр зүүн өгч, шагналыг ёслол төгөлдөр гардууллаа.

    Цэргийн төв эмнэлгийг Цэргийн гавьяаны улаан тугийн одонгоор шагнах тухай Монгол Улсын Ерөнхийлөгчийн зарлигт “Тулгар төрийн 2226 жил, Их Монгол Улс байгуулагдсаны 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жил, Цэргийн төв эмнэлгийн 96 жил, Монгол цэргийн өдрийг тохиолдуулан батлан хамгаалах салбарын бие бүрэлдэхүүний эрүүл мэндийг хамгаалах үүргээ нэр төртэй биелүүлж, улс орныхоо батлан хамгаалах хүчин чадлыг бэхжүүлэхэд үнэтэй хувь нэмэр оруулсан тус байгууллагын үе үеийн ажилтан, албан хаагчдын хичээл зүтгэлийг өндөрөөр үнэлж Монгол Улсын Цэргийн төв эмнэлгийг Цэргийн гавьяаны улаан тугийн одонгоор шагнасугай” гэжээ.  

    Дэлгэрэнгүй