“Цагаан алт” үндэсний хөдөлгөөний хүрээнд Элчин сайдын яамд, олон улсын байгууллагуудтай нягт хамтарна
Монгол Улсын Ерөнхийлөгчийн санаачилсан “Цагаан алт” үндэсний хөдөлгөөнийг эрчимжүүлэх зорилгоор Гадаад харилцааны яаманд Элчин сайдын яам, олон улсын болон хөгжлийн түнш байгууллага, мэргэжлийн холбоодын төлөөлөлтэй зөвлөлдөх уулзалт зохион байгууллаа.
Уулзалтаар харилцан ашигтай хамтын ажиллагааг өргөжүүлэх, үйлдвэрлэл, борлуулалт, хөрөнгө оруулалт, экспортыг нэмэгдүүлэх, худалдааг хөнгөвчлөх, хамтарсан төсөл, хөтөлбөр хэрэгжүүлэх, хүний нөөц бэлтгэх, чадавхжуулах, үзэсгэлэн, бизнес форум зохион байгуулах талаар санал солилцов.
“Цагаан алт” үндэсний хөдөлгөөн нь ноос, ноолуур, арьс, ширний салбарын хөгжлийг дэмжих, эдийн засгийн төрөлжилтийг нэмэгдүүлэх, малчдын амьжиргааг дээшлүүлэх, түүхий эд бэлтгэлийн тогтолцоог сайжруулах, нэмүү өртөг шингэсэн бүтээгдэхүүн үйлдвэрлэлж, экспортын орлогыг нэмэгдүүлэх зорилготой юм.
