Сан Марино Улсын төрийн тэргүүд наадмын мэндчилгээ дэвшүүллээ
Үндэсний их баяр наадмыг тохиолдуулан Сан Марино Улсын төрийн тэргүүд Дөниз Бронзетти, Итало Риги нар Ерөнхийлөгч Ухнаагийн Хүрэлсүхэд мэндчилгээ дэвшүүллээ.
МЭНДЧИЛГЭЭНД:
“Үндэсний их баяр наадмыг тохиолдуулан Танд болон Монголын найрсаг ард түмэнд Сан Мариногийн ард түмний нэрийн өмнөөс болон хувиасаа чин сэтгэлийн мэндчилгээ дэвшүүлье.
Эрхэм хүндэт Ерөнхийлөгч Танд гүн хүндэтгэл илэрхийлж, ажлын амжилт, танай ард түмэнд хөгжил цэцэглэлт, гэрэлт ирээдүйг хүсэн ерөөж байгааг хүлээн авна уу” гэжээ.