Австралийн хамтын нөхөрлөлийн улс орнуудын Ерөнхийлөн захирагч Петер Коснрөүв Үндэсний их баяр наадмыг тохиолдуулан мэндчилгээ дэвшүүлэв
Австрали улсын баатар, Цэргийн гавьяаны дээд одонт, Генерал, Австралийн хамтын нөхөрлөлийн улс орнуудын Ерөнхийлөн захирагч Петер Коснрөүв Үндэсний их баяр наадмыг тохиолдуулан Монгол Улсын Ерөнхийлөгч Х.Баттулга болон Монголын ард түмэнд баяр хүргэсэн захидал илгээжээ.
Захидалд:
Монгол Улсын Үндэсний их баяр наадмыг тохиолдуулан танд, Монгол Улсын Засгийн газарт, Монголын ард түмэнд өөрийн зүгээс болон Австрали улсын Засгийн газар, ард түмний өмнөөс халуун мэнд хүргэе.
Авсрали, Монгол нь хоёр талын хамтын ажиллагаа, үнэт зүйлс, нийтлэг ашиг сонирхолд нийцсэн найрсаг харилцаатай улс орон билээ. Хамтын ажиллагаа өргөжихийн хэрээр манай хоёр орны урт хугацааны харилцаа улам бүр хөгжиж буйд миний бие таатай байна.
Австралийн тэтгэлэгт хөтөлбөрийн шугамаар бий болсон хүмүүс хоорондын харилцаа, олборлох салбар дахь Австрали мэргэжилтнүүдийн мэдлэг, ур чадвар, туршлага солилцооноос гадна байгалийн гамшиг, эрсдлийн үед авах арга хэмжээ чиглэлээр хоёр улс урт хугацаанд хамтран ажиллаж ирлээ. Гамшгийн эрсдлийг бууруулах Азийн сайд нарын бага хурлыг 2018 оны 7 дугаар сард зохион байгуулахад Монгол Улсад туслалцаа, дэмжлэг үзүүлэх ажлын хүрээнд Австрали улсаас сайн дурын арван ажилтан 2012 оноос Монгол Улсын Онцгой байдлын ерөнхий газарт ажиллаж байна. 2017 оны долдугаар сард гарсан гал түймрийн гамшгийн улмаас учирсан томоохон хэмжээний гарз хохирлыг даван туулахад Монгол Улсад тусламж үзүүлэн ажилласандаа бид баяртай байдаг.
Хоёр улсын найрсаг харилцаа цаашид илүү өргөжин, бэхжинэ гэдэгт миний ибе найдаж байна” гэжээ.