Монгол Улсын Ерөнхийлөгч, УИХ-ын дарга, Ерөнхий сайд нар азай буурлуудын амар мэндийг айлтган золгов
XVII жарны “Элдэв эрдэнэт” хэмээх модон могой жилийн сар шинийн баярын өглөө Монгол Улсын Ерөнхийлөгч Ухнаагийн Хүрэлсүх, УИХ-ын дарга Дашзэгвийн Амарбаясгалан, Ерөнхий сайд Лувсаннамсрайн Оюун-Эрдэнэ нар азай буурлуудаа хүндэтгэн, амар мэндийг нь айлтган золгов.
Төрийн ордонд нийгмийн зүтгэлтэн, алдарт эх, эрүүл мэнд, боловсрол, хөдөө аж ахуй, батлан хамгаалах, уул уурхай, аж үйлдвэр, үйлчилгээний салбарыг төлөөлсөн 82-101 настай азай буурлууд хүрэлцэн иржээ.
Төрийн золголтод оролцсон ахмадууд:
- Донойн Гомбо – 101 настай /Эрүүл мэндийн салбарын ахмад ажилтан/
- Дашийн Лхагва – 91 настай /Үйлчилгээний салбарын ахмад ажилтан/
- Тавхайн Баатар – 90 настай /Хошууч генерал/
- Очирын Рагчаа – 88 настай /Аж үйлдвэрийн гавьяат ажилтан/
- Цэрэндашийн Өлзийбаяр – 87 настай /Алдарт эх/
- Долгорын Даваанамжил – 86 настай /Мастер оёдолчин/
- Дугарын Рэнчинханд – 84 настай /Хөдөлмөрийн баатар/
- Бэгзийн Очирбат – 83 настай /Хөдөө аж ахуйн гавьяат ажилтан/
- Чилхаажавын Авдай – 82 настай /Хөдөлмөрийн баатар, Ардын багш/
