Азербайжан Улсын Ерөнхийлөгч баяр наадмын мэндчилгээ дэвшүүллээ
Үндэсний их баяр наадмыг тохиолдуулан Бүгд Найрамдах Азербайжан Улсын Ерөнхийлөгч Ильхам Алиев Ерөнхийлөгч Ухнаагийн Хүрэлсүхэд мэндчилгээ дэвшүүллээ.
МЭНДЧИЛГЭЭНД:
“Азербайжаны ард түмний нэрийн өмнөөс болон хувиасаа Танд, Монголын ард түмэнд чин сэтгэлийн баяр хүргэж, сайн сайхны ерөөл дэвшүүлье.
Бид танай найрсаг улстай хөгжүүлж буй харилцаандаа чухал ач холбогдол өгдөг бөгөөд хамтын ажиллагааг харилцан сонирхсон салбаруудад шинэ агуулгаар баяжуулах таатай нөхцөл бүрдсэнийг тэмдэглэхэд таатай байна.
Хоёр орны ард түмний эрх ашгийн төлөө хамтын хүчин чармайлтаа тууштай үргэлжлүүлнэ гэдэгт итгэлтэй байна.
Танд эрүүл энх, аз жаргал, ажлын амжилт, Монголын найрсаг ард түмэнд энх тайван, хөгжил цэцэглэлтийг хүсэн ерөөе” гэжээ.