ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨ᠎ᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠭᠡᠷᠭᠡᠢ ᠯᠤᠪᠰᠠᠩᠳᠣᠷᠵᠢ ᠢᠢᠨ ᠪᠣᠯᠣᠷᠴᠡᠴᠡᠭ ᠦᠨ ᠬᠠᠮᠲᠤ ᠪᠠᠶᠠᠨᠵᠢᠷᠦᠬᠡ ᠳᠡᠭᠦᠷᠭᠡ ᠢᠢᠨ 48 ᠳ᠋ᠤᠭᠠᠷ ᠰᠤᠷᠭᠠᠭᠤᠯᠢ ᠳᠤ ᠪᠠᠢᠢᠷᠢᠯᠠᠬᠤ 8-1-1-3 ᠳ᠋ᠤᠭᠠᠷ ᠬᠡᠰᠡᠭ ᠦᠨ ᠬᠣᠷᠢᠶᠠᠨ ᠤ ᠰᠠᠨᠠᠯ ᠠᠪᠬᠤ ᠪᠠᠢᠢᠷᠢᠨ ᠳᠤ ᠰᠠᠨᠠᠯ ᠢᠶᠠᠨ ᠥᠭ᠍ᠭᠦᠯ᠎ᠡ᠃

ᠲᠤᠰ ᠬᠡᠰᠡᠭ ᠦᠨ ᠬᠣᠷᠢᠶᠠᠨ ᠳᠤ 1.726 ᠰᠣᠩ᠋ᠭᠣᠭᠴᠢ ᠪᠦᠷᠢᠳᠬᠡᠭ᠍ᠳᠡᠭᠰᠡᠨ ᠪᠥᠭᠡᠳ 11.00 ᠴᠠᠭ ᠤᠨ ᠪᠠᠢᠢᠳᠠᠯ ᠢᠶᠠᠷ ᠰᠠᠨᠠᠯ ᠬᠤᠷᠢᠶᠠᠯᠲᠠ ᠢᠢᠨ ᠶᠠᠪᠤᠴᠠ 16.28 ᠬᠤᠪᠢ ᠲᠠᠢ ᠪᠠᠢᠢᠯ᠎ᠠ᠃

ᠡᠨᠡ ᠤᠳᠠᠭ᠎ᠠ ᠢᠢᠨ ᠰᠣᠩ᠋ᠭᠣᠭᠤᠯᠢ ᠠᠩᠬᠠᠳᠤᠭᠠᠷ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠲᠤᠯᠠᠭᠳᠠᠭᠰᠠᠨ ᠤ ᠲᠡᠦᠬᠡᠲᠦ 100 ᠵᠢᠯ ᠦᠨ ᠣᠢ ᠲᠠᠢ ᠳᠠᠪᠬᠤᠴᠠᠵᠤ ᠪᠠᠢᠢᠭ᠎ᠠ ᠢᠢ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠊᠂ ᠬᠦᠷᠡᠯᠰᠦ᠋ᠬᠡ ᠣᠨᠴᠠᠯᠠᠯ᠎ᠠ᠃ ᠲᠡᠷᠡ ᠪᠡᠷ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠷ ᠣᠯᠭᠣᠭᠳᠠᠭᠰᠠᠨ ᠡᠷᠬᠡ ᠪᠡᠨ ᠡᠳ᠋ᠯᠡᠵᠦ᠂ ᠠᠷᠠᠳᠴᠢᠯᠠᠭᠰᠠᠨ ᠰᠣᠩ᠋ᠭᠣᠭᠤᠯᠢ ᠳᠠᠭᠠᠨ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠬᠤ ᠢᠢ ᠠᠷᠠᠳ ᠢᠷᠭᠡᠳ ᠲᠥ ᠤᠷᠢᠶᠠᠯᠠᠯ᠎ᠠ᠃

ᠡᠨᠡ ᠤᠳᠠᠭ᠎ᠠ ᠢᠢᠨ ᠰᠣᠩ᠋ᠭᠣᠭᠤᠯᠢ ᠢᠢᠨ ᠳ᠋ᠦᠩ᠋ ᠪᠡᠷ ᠲᠣᠭᠣᠷᠢᠭ ᠠᠴᠠ 78᠂ ᠵᠢᠭᠰᠠᠭᠠᠯᠲᠠ ᠪᠠᠷ 48 ᠭᠡᠰᠢᠭᠦᠨ ᠰᠣᠩ᠋ᠭᠣᠭᠳᠠᠨ᠎ᠠ᠃ ᠨᠡᠢᠢᠰᠯᠡᠯ ᠳᠥ ᠬᠠᠮᠢᠶᠠᠷᠬᠤ ᠵᠢᠷᠭᠤᠭᠠᠨ ᠲᠣᠭᠣᠷᠢᠭ ᠲᠤ 24᠂ ᠬᠥᠳᠡᠭᠡ᠂ ᠣᠷᠣᠨ ᠨᠤᠲᠤᠭ ᠲᠤ ᠬᠠᠮᠢᠶᠠᠷᠬᠤ ᠳᠣᠯᠣᠭᠠᠨ ᠲᠣᠭᠣᠷᠢᠭ ᠲᠤ 54 ᠰᠠᠭᠤᠳᠠᠯ ᠨᠣᠭᠳᠠᠵᠤ ᠪᠠᠢᠢᠨ᠎ᠠ᠃

19 ᠨᠠᠮ᠂ ᠬᠣᠶᠠᠷ ᠡᠪᠰᠡᠯ ᠡᠴᠡ ᠪᠣᠯᠤᠨ ᠪᠡᠶ᠎ᠡ ᠳᠠᠭᠠᠭᠠᠨ ᠨᠡᠢᠢᠲᠡ 1.341 ᠬᠦᠮᠦᠨ ᠨᠡᠷ᠎ᠡ ᠳᠡᠪᠰᠢᠭᠰᠡᠨ ᠨᠢ 1992 ᠣᠨ ᠠᠴᠠ ᠬᠣᠢᠢᠰᠢ ᠬᠠᠮᠤᠭ ᠤᠨ ᠶᠡᠬᠡ ᠨᠠᠮ᠂ ᠡᠪᠰᠡᠯ ᠣᠷᠣᠯᠴᠠᠵᠤ ᠪᠠᠢᠢᠭ᠎ᠠ ᠰᠣᠩ᠋ᠭᠣᠭᠤᠯᠢ ᠶᠤᠮ᠃

ᠨᠡᠷ᠎ᠡ ᠳᠡᠪᠰᠢᠭᠴᠢᠳ ᠦᠨ 61.2 ᠬᠤᠪᠢ ᠨᠢ ᠡᠷᠡᠭᠲᠡᠢ᠂ 38.8 ᠬᠤᠪᠢ ᠨᠢ ᠡᠮᠡᠭᠲᠡᠢ᠃ ᠬᠠᠮᠤᠭ ᠤᠨ ᠠᠬᠠᠮᠠᠳ ᠨᠢ 79 ᠨᠠᠰᠤᠲᠠᠢ᠂ ᠬᠠᠮᠤᠭ ᠤᠨ ᠵᠠᠯᠠᠭᠤ ᠨᠢ 25 ᠨᠠᠰᠤᠲᠠᠢ᠃

ᠰᠣᠩ᠋ᠭᠣᠭᠴᠢ ᠢᠢᠨ ᠨᠡᠷ᠎ᠡ ᠢᠢᠨ ᠵᠢᠭᠰᠠᠭᠠᠯᠲᠠ ᠳᠤ ᠪᠦᠷᠢᠳᠬᠡᠭ᠍ᠳᠡᠭᠰᠡᠨ 2.224.233 ᠢᠷᠭᠡᠨ ᠰᠠᠨᠠᠯ ᠢᠶᠠᠨ ᠥᠭ᠍ᠬᠦ ᠪᠥᠭᠡᠳ 1.143.172 ᠨᠢ ᠣᠷᠣᠨ ᠨᠤᠲᠤᠭ ᠲᠤ᠂ 1.081.061 ᠨᠢ ᠨᠡᠢᠢᠰᠯᠡᠯ ᠦᠨ ᠬᠢ ᠶᠤᠮ᠃

ᠰᠣᠩ᠋ᠭᠣᠭᠴᠢ ᠢᠢᠨ ᠰᠠᠨᠠᠯ ᠢ 2.198 ᠰᠠᠨᠠᠯ ᠠᠪᠬᠤ ᠪᠠᠢᠢᠷᠢᠨ ᠳᠤ 2.943 ᠰᠠᠨᠠᠯ ᠲᠣᠭᠠᠯᠠᠬᠤ ᠲᠥᠬᠥᠭᠡᠷᠦᠮᠵᠢ ᠪᠡᠷ ᠤᠩᠰᠢᠭᠤᠯᠤᠨ᠂ ᠳ᠋ᠦᠩ ᠭᠠᠷᠭᠠᠵᠤ᠂ 100 ᠬᠤᠪᠢ ᠭᠠᠷ ᠠᠷᠭ᠎ᠠ ᠪᠠᠷ ᠬᠢᠨᠠᠯᠲᠠ ᠢᠢᠨ ᠲᠣᠭᠠᠯᠠᠯᠭ᠎ᠠ ᠬᠢᠨ᠎ᠡ᠃

ᠢᠷᠭᠡᠳ ᠰᠣᠩ᠋ᠭᠣᠭᠤᠯᠢ ᠳᠠᠭᠠᠨ ᠤᠷᠤᠯᠴᠠᠬᠤ ᠪᠣᠯᠤᠮᠵᠢ ᠢᠢ ᠪᠦᠷᠢᠳᠦᠭᠦᠯᠬᠦ ᠢᠢᠨ ᠲᠥᠯᠥᠭᠡ 25 ᠮᠢᠩ᠋ᠭ᠎ᠠ ᠭᠠᠷᠤᠢ ᠲᠥᠷᠥ ᠢᠢᠨ ᠠᠯᠪᠠᠨ ᠬᠠᠭᠠᠭᠴᠢ ᠠᠵᠢᠯᠯᠠᠵᠤ ᠪᠠᠢᠢᠨ᠎ᠠ᠃

ᠰᠣᠩ᠋ᠭᠣᠭᠤᠯᠢ ᠢᠢ ᠳᠣᠲᠣᠭᠠᠳᠤ ᠢᠢᠨ 30 ᠮᠢᠩ᠋ᠭ᠎ᠠ᠂ ᠭᠠᠳᠠᠭᠠᠳᠤ ᠢᠢᠨ 260 ᠣᠷᠴᠢᠮ ᠠᠵᠢᠭᠯᠠᠭᠴᠢ ᠠᠵᠢᠭᠯᠠᠵᠤ᠂ ᠳᠣᠲᠣᠭᠠᠳᠤ ᠢᠢᠨ ᠬᠡᠪᠯᠡᠯ ᠮᠡᠳᠡᠭᠡᠯᠡᠯ ᠦᠨ ᠪᠠᠢᠢᠭᠤᠯᠤᠯᠭ᠎ᠠ ᠠᠴᠠ ᠭᠠᠳᠠᠨ᠎ᠠ ᠣᠯᠠᠨ ᠤᠯᠤᠰ ᠤᠨ 12 ᠠᠭᠧᠨ᠋ᠲ᠋ᠯᠢᠭ ᠰᠤᠷᠪᠤᠯᠵᠢᠯᠠᠵᠤ ᠪᠠᠢᠢᠨ᠎ᠠ᠃