ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ 《ᠫᠠᠷᠢᠰ-2024》 ᠣᠯᠢᠮᠫ᠂ ᠫᠠᠷᠠᠯᠢᠮᠫ ᠤᠨ ᠲᠠᠮᠢᠷᠴᠢᠳ ᠢᠶᠠᠨ ᠦᠳᠡᠵᠦ᠂ ᠲᠥᠷᠥ ᠢᠢᠨ ᠳᠠᠯᠪᠠᠭᠠ ᠭᠠᠷᠳᠠᠭᠤᠯᠤᠯᠠ᠃
ᠲᠡᠷᠡ ᠪᠡᠷ᠂ ᠮᠣᠩ᠋ᠭᠣᠯ ᠤᠯᠤᠰ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠡᠪ ᠰᠠᠨᠠᠭᠠᠨ ᠤ ᠨᠢᠭᠡᠳᠦᠯ ᠦᠨ ᠢᠯᠡᠷᠬᠡᠢᠢᠯᠡᠯ ᠪᠣᠯᠤᠭᠰᠠᠨ ᠣᠯᠢᠮᠫ ᠤᠨ ᠨᠠᠭᠠᠳᠤᠮ ᠳᠤ ᠲᠣᠭᠲᠠᠮᠠᠯ ᠣᠷᠣᠯᠴᠠᠵᠤ᠂ ᠵᠤᠨ ᠤ ᠣᠯᠢᠮᠫ ᠤᠨ ᠨᠠᠭᠠᠳᠤᠮ ᠠᠴᠠ 30᠂ ᠫᠠᠷᠠᠯᠢᠮᠫ ᠤᠨ ᠨᠠᠭᠠᠳᠤᠮ ᠠᠴᠠ 4 ᠮᠧᠳᠠᠯᠢ ᠬᠦᠷᠲᠡᠭᠰᠡᠨ ᠣᠯᠢᠮᠫ ᠤᠨ ᠠᠮᠵᠢᠯᠲᠠ ᠢᠢᠨ ᠲᠡᠦᠬᠡ ᠲᠡᠢ ᠢᠢ ᠳᠤᠷᠠᠳᠤᠯᠠ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠦᠨᠳᠦᠰᠦᠨ ᠦ ᠰᠢᠭᠰᠢᠭᠡ ᠪᠠᠭ ᠡᠨᠡᠬᠦ ᠠᠮᠵᠢᠯᠲᠠ ᠢᠢᠨ ᠪᠤᠤᠬᠢᠶ ᠠ ᠢᠢ ᠦᠷᠭᠦᠯᠵᠢᠯᠡᠭᠦᠯᠬᠦ ᠪᠡᠷ 《ᠫᠠᠷᠢᠰ-2024》 ᠵᠤᠨ ᠤ ᠭᠤᠴᠢᠨ ᠭᠤᠷᠪᠠ ᠳᠠᠬᠢ ᠤᠳᠠᠭᠠ ᠢᠢᠨ ᠣᠯᠢᠮᠫ᠂ ᠠᠷᠪᠠᠨ ᠳᠣᠯᠣᠭᠠ ᠳᠠᠬᠢ ᠤᠳᠠᠭᠠ ᠢᠢᠨ ᠫᠠᠷᠠᠯᠢᠮᠫ ᠤᠨ ᠨᠠᠭᠠᠳᠤᠮ ᠳᠤ ᠤᠷᠤᠯᠴᠠᠬᠤ ᠪᠡᠯᠡᠳᠬᠡᠯ ᠢᠶᠡᠨ ᠬᠠᠩ᠋ᠭᠠᠵᠤ᠂ ᠵᠤᠨ ᠤ ᠣᠯᠢᠮᠫ ᠤᠨ ᠨᠠᠭᠠᠳᠤᠮ ᠤᠨ ᠪᠠᠢᠢᠲᠤ ᠬᠠᠷᠪᠤᠭᠠ᠂ ᠤᠰᠤᠨ ᠳᠤ ᠰᠡᠯᠢᠯᠲᠡ᠂ ᠵᠦ᠋ᠳᠣ᠋᠂ ᠪᠣᠻᠰ᠂ ᠴᠢᠯᠦᠭᠡᠲᠦ ᠪᠥᠬᠡ᠂ ᠳᠤᠭᠤᠢ᠂ ᠪᠤᠤᠳᠠᠯᠭᠠ᠂ ᠬᠥᠩ᠋ᠭᠡᠨ ᠠᠲ᠋ᠯᠧᠲ᠋ᠢᠭ᠋᠂ ᠬᠦᠨᠳᠦ ᠢᠢᠨ ᠡᠷᠭᠦᠯᠲᠡ ᠵᠡᠷᠭᠡ 9 ᠲᠥᠷᠥᠯ ᠳᠥ 34᠂ ᠫᠠᠷᠠᠯᠢᠮᠫ ᠤᠨ ᠨᠠᠭᠠᠳᠤᠮ ᠤᠨ ᠫᠠᠷᠠ ᠫᠠᠦ᠋ᠸᠷᠯᠢᠹᠲ᠋ᠢᠩ᠂ ᠫᠠᠷᠠ ᠪᠠᠢᠢᠲᠤ ᠬᠠᠷᠪᠤᠭᠠ᠂ ᠫᠠᠷᠠ ᠲᠠᠸᠻᠸᠣᠨ᠋ᠳᠣ᠂ ᠫᠠᠷᠠ ᠤᠰᠤᠨ ᠳᠤ ᠰᠡᠯᠢᠯᠲᠡ᠂ ᠫᠠᠷᠠ ᠵᠦ᠋ᠳᠣ᠋᠂ ᠫᠠᠷᠠ ᠬᠥᠩ᠋ᠭᠡᠨ ᠠᠲ᠋ᠯᠧᠲ᠋ᠢᠭ᠋ ᠵᠡᠷᠭᠡ 6 ᠲᠥᠷᠥᠯ ᠳᠥ 10 ᠡᠷᠬᠡ᠂ ᠨᠡᠢᠢᠲᠡ 44 ᠡᠷᠬᠡ ᠢᠢ ᠪᠠᠲᠤᠯᠠᠭᠠᠵᠢᠭᠤᠯᠤᠭᠠᠳ ᠪᠠᠢᠢᠭᠠ ᠢᠢ ᠲᠣᠳᠣᠳᠬᠠᠪᠠ᠃
《ᠫᠠᠷᠢᠰ 2024》 ᠵᠤᠨ ᠤ ᠣᠯᠢᠮᠫ᠂ ᠫᠠᠷᠠᠯᠢᠮᠫ ᠤᠨ ᠨᠠᠭᠠᠳᠤᠮ ᠤᠨ ᠮᠥᠴᠡᠯᠭᠡ ᠳᠥ ᠦᠨᠳᠦᠰᠦᠨ ᠦ ᠰᠢᠭᠰᠢᠭᠡ ᠪᠠᠭ ᠤᠨ ᠲᠠᠮᠢᠷᠴᠢᠳ ᠢ ᠪᠣᠳᠣᠯᠭᠠ ᠢᠢᠨ ᠲᠦᠪᠰᠢᠨ ᠳᠥ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦᠯᠡᠯ ᠲᠡᠢ ᠪᠡᠯᠡᠳᠬᠡᠬᠦ᠂ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠲᠤᠰᠠᠯᠠᠮᠵᠢ ᠦᠢᠯᠡᠴᠢᠯᠡᠭᠡ ᠢᠢ ᠬᠦᠷᠲᠡᠭᠡᠮᠵᠢᠲᠡᠢ ᠪᠣᠯᠭᠠᠬᠤ᠂ ᠰᠫᠣᠷᠲ ᠤᠨ ᠰᠡᠳᠬᠢᠯ ᠵᠦᠢ ᠢᠢᠨ ᠴᠢᠳᠠᠮᠵᠢ ᠢᠢ ᠰᠠᠢᠢᠵᠢᠷᠠᠭᠤᠯᠬᠤ᠂ ᠬᠣᠭᠣᠯᠠ᠂ ᠰᠢᠮᠡ ᠲᠡᠵᠢᠭᠡᠯ ᠢ ᠲᠤᠬᠠᠢ ᠢᠢᠨ ᠰᠫᠣᠷᠲ ᠤᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠤᠯᠤᠨ ᠬᠡᠷᠡᠭᠯᠡᠬᠦ ᠴᠢᠭᠯᠡᠯ ᠢᠶᠡᠷ ᠮᠡᠷᠭᠡᠵᠢᠯ ᠦᠨ ᠠᠷᠭᠠ ᠵᠦᠢ ᠪᠡᠷ ᠬᠠᠩ᠋ᠭᠠᠨ ᠠᠵᠢᠯᠯᠠᠬᠤ 4 ᠲᠥᠷᠥᠯ ᠦᠨ ᠳᠡᠮᠵᠢᠬᠦ ᠪᠠᠭ ᠢ ᠰᠡᠭᠦᠯ ᠦᠨ 2 ᠵᠢᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠲᠠᠰᠤᠷᠠᠯᠲᠠ ᠦᠭᠡᠢ ᠠᠵᠢᠯᠯᠠᠭᠤᠯᠤᠭᠰᠠᠨ ᠢ ᠬᠡᠯᠡᠯᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ 《ᠫᠠᠷᠢᠰ 2024》 ᠣᠯᠢᠮᠫ᠂ ᠫᠠᠷᠠᠯᠢᠮ ᠲᠤ ᠣᠷᠣᠯᠴᠠᠬᠤ ᠳᠤ ᠪᠡᠯᠡᠨ ᠪᠣᠯᠤᠭᠰᠠᠨ ᠨᠡᠢᠢᠲᠡ ᠪᠠᠭ ᠲᠠᠮᠢᠷᠴᠢᠳ ᠲᠤ ᠣᠯᠢᠮᠫ ᠤᠨ ᠥᠨᠳᠥᠷ ᠠᠮᠵᠢᠯᠲᠠ ᠬᠦᠰᠡᠵᠦ᠂ ᠫᠠᠷᠢᠰ ᠤᠨ ᠲᠩᠷᠢ ᠳᠥ ᠠᠯᠲᠠᠨ ᠰᠣᠶᠣᠩᠪᠣᠳᠤ ᠲᠥᠷᠥ ᠢᠢᠨ ᠳᠠᠯᠪᠠᠭᠠ ᠪᠠᠨ ᠣᠯᠠᠨᠲᠠ ᠮᠠᠨᠳᠤᠭᠤᠯᠵᠤ᠂ ᠲᠥᠷᠥ ᠢᠢᠨ ᠳᠠᠭᠤᠯᠠᠯ ᠢᠶᠠᠨ ᠳᠠᠬᠢᠨ᠂ ᠳᠠᠬᠢᠨ ᠡᠭᠡᠰᠢᠭᠯᠡᠭᠦᠯᠬᠦ ᠢᠢᠨ ᠢᠷᠦᠭᠡᠯ ᠢ ᠡᠷᠭᠦᠨ ᠳᠡᠪᠰᠢᠭᠦᠯᠦᠯᠡ᠃
