ᠲᠤᠯᠭᠤᠷ ᠲᠥᠷᠥ ᠢᠢᠨ 2227 ᠵᠢᠯ᠂ ᠶᠡᠬᠡ ᠮᠣᠩᠭ᠋ᠣᠯ ᠤᠯᠤᠰ ᠪᠠᠢᠢᠭᠤᠯᠤᠭᠳᠠᠰᠤᠨ ᠤ 812 ᠵᠢᠯ᠂ ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠤᠭᠰᠠᠨ ᠤ 107 ᠵᠢᠯ᠂ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ 97 ᠵᠢᠯ᠂ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ 29 ᠵᠢᠯ᠂ ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ.ᠪᠠᠲᠤᠲᠤᠯᠭᠠ ᠵᠠᠷᠯᠢᠭ ᠭᠠᠷᠭᠠᠵᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠪᠠᠭᠠᠲᠤᠷ ᠴᠣᠯᠠ᠂ ᠠᠷᠠᠳ ᠤᠨ ᠪᠣᠯᠤᠨ ᠭᠠᠪᠢᠶᠠᠲᠤ ᠴᠣᠯᠠ᠂ ᠲᠥᠷᠥ ᠢᠢᠨ ᠣᠳᠣᠨ ᠮᠧᠳᠠᠯ ᠬᠦᠷᠲᠡᠭᠡᠯ ᠠ᠃
ᠲᠥᠷᠥ ᠢᠢᠨ ᠳᠡᠭᠡᠳᠦ ᠴᠣᠯᠠ᠂ ᠣᠳᠣᠨ᠂ ᠮᠧᠳᠠᠯ ᠭᠠᠷᠳᠠᠭᠤᠯᠬᠤ ᠶᠣᠰᠣᠯᠠᠯ ᠥᠨᠥᠳᠥᠷ ᠲᠥᠷᠥ ᠢᠢᠨ ᠣᠷᠳᠣᠨ ᠤ ᠶᠢᠰᠦᠨ ᠬᠥᠯᠲᠦ᠂ ᠴᠠᠭᠠᠨ ᠲᠤᠭ ᠲᠤ ᠲᠠᠩᠬᠢᠮ ᠳᠤ ᠪᠣᠯᠵᠤ᠂ ᠱᠠᠩᠨᠠᠯ ᠢ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ.ᠪᠠᠲᠤᠲᠤᠯᠭᠠ ᠭᠠᠷᠳᠠᠭᠤᠯᠤᠨ ᠥᠭ᠍ᠪᠡ᠃
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠬᠥᠳᠡᠯᠮᠦᠷᠢ ᠢᠢᠨ ᠪᠠᠭᠠᠲᠤᠷ ᠴᠣᠯᠠ
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠡᠳ᠋ ᠍ ᠦᠨ ᠵᠠᠰᠠᠭ ᠪᠣᠯᠤᠨ ᠠᠭᠤᠯᠠ ᠠᠭᠤᠷᠬᠠᠢ ᠢᠢᠨ ᠰᠠᠯᠪᠤᠷᠢ ᠳᠤ ᠥᠨᠳᠥᠷ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠤᠭᠰᠠᠨ ᠠᠭᠤᠯᠠ ᠢᠢᠨ ᠪᠠᠶᠠᠵᠢᠭᠤᠯᠬᠤ 《ᠡᠷᠳᠡᠨᠢᠲᠦ》 ᠦᠢᠯᠡᠳᠪᠦᠷᠢ ᠢᠢᠨ ᠮᠢᠩᠭ᠋ᠠ ᠮᠢᠩᠭ᠋ᠠᠨ ᠠᠵᠢᠯᠲᠠᠨ ᠨᠤᠭᠤᠳ ᠤᠨ ᠲᠥᠯᠥᠭᠡᠯᠡᠯ ᠪᠣᠯᠭᠠᠵᠤ᠂ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠳᠤ ᠪᠠᠨ ᠣᠯᠠᠨ ᠵᠢᠯ ᠦᠷᠡ ᠪᠦᠲᠦᠭᠡᠯ᠂ ᠢᠳᠡᠪᠬᠢ ᠵᠢᠳᠬᠦᠯ ᠲᠡᠢ ᠠᠵᠢᠯᠯᠠᠵᠤ ᠢᠷᠡᠭᠰᠡᠨ 《ᠡᠷᠳᠡᠨᠢᠲᠦ》 ᠦᠢᠯᠡᠳᠪᠦᠷᠢ ᠢᠢᠨ ᠥᠷᠥᠮ ᠦᠨ ᠮᠠᠱᠢᠨᠴᠢ ᠪᠠᠲᠤᠬᠦᠦ ᠢᠢᠨ ᠪᠠᠲᠤᠪᠠᠶᠠᠷ ᠲᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠬᠥᠳᠡᠯᠮᠦᠷᠢ ᠢᠢᠨ ᠪᠠᠭᠠᠲᠤᠷ ᠴᠣᠯᠠ ᠬᠦᠷᠲᠡᠭᠡᠵᠦ᠂ ᠬᠥᠳᠡᠯᠮᠦᠷᠢ ᠢᠢᠨ ᠪᠠᠭᠠᠲᠤᠷ ᠤᠨ ᠠᠯᠲᠠᠨ ᠰᠣᠶᠣᠮᠪᠣ ᠲᠡᠮᠳᠡᠭ᠂ ᠰᠦᠬᠡᠪᠠᠭᠠᠲᠤᠷ ᠤᠨ ᠣᠳᠣᠨ ᠢ ᠨᠢ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ.ᠪᠠᠲᠤᠲᠤᠯᠭᠠ ᠵᠡᠭᠦᠵᠦ ᠥᠭ᠍ᠪᠡ᠃
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠠᠷᠠᠳ ᠤᠨ ᠵᠦᠵᠦᠭᠡᠴᠢᠨ᠂ ᠠᠷᠠᠳ ᠤᠨ ᠪᠠᠭᠰᠢ ᠴᠣᠯᠠ
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠺᠣᠨ᠋ᠰᠧᠷᠸᠠᠲ᠋ᠣᠷ ᠤᠨ ᠦᠨᠳᠦᠰᠦ ᠰᠠᠭᠤᠷᠢ ᠢᠢ ᠪᠡᠯᠡᠳᠬᠡᠬᠦ᠂ ᠶᠡᠷᠦᠩᠬᠡᠢ ᠪᠣᠯᠪᠠᠰᠤᠷᠠᠯ ᠤᠨ ᠪᠣᠯᠤᠨ ᠮᠡᠷᠭᠡᠵᠢᠯ ᠦᠨ ᠤᠷᠠᠯᠢᠭ ᠤᠨ ᠰᠤᠷᠭᠠᠯᠲᠠ ᠢᠢᠨ ᠪᠣᠳᠣᠯᠭᠠ ᠢᠢᠨ ᠵᠥᠪ ᠲᠥᠯᠥᠪᠯᠡᠯᠲᠡ᠂ ᠣᠨᠣᠪᠴᠢᠲᠠᠢ ᠰᠢᠢᠳᠦᠯ ᠦᠳ ᠢ ᠰᠠᠨᠠᠭᠠᠴᠢᠯᠠᠨ ᠬᠡᠷᠡᠭᠵᠢᠭᠦᠯᠬᠦ ᠳᠥ ᠣᠷᠣᠭᠤᠯᠤᠭᠰᠠᠨ ᠥᠨᠡᠲᠡᠢ ᠬᠤᠪᠢ ᠨᠡᠮᠡᠷᠢ ᠢᠢ ᠨᠢ ᠥᠨᠳᠥᠷ ᠢᠶᠡᠷ ᠦᠨᠡᠯᠡᠵᠦ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠺᠣᠨ᠋ᠰᠧᠷᠸᠠᠲ᠋ᠣᠷ ᠤᠨ ᠠᠬᠠᠮᠠᠳ ᠪᠠᠭᠰᠢ ᠮᠢᠰᠢᠭ ᠢᠢᠨ ᠴᠡᠷᠢᠩᠳᠣᠷᠵᠢ᠂
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠪᠣᠺᠰ ᠤᠨ ᠰᠫᠣᠷᠲ ᠤᠨ ᠬᠥᠭ᠍ᠵᠢᠯ ᠢ ᠣᠯᠠᠨ ᠤᠯᠤᠰ ᠤᠨ ᠲᠦᠪᠰᠢᠨ ᠳᠥ ᠬᠦᠷᠭᠡᠵᠦ᠂ ᠲᠢᠪ ᠳᠡᠯᠡᠬᠡᠢ ᠳᠥ ᠡᠬᠡ ᠣᠷᠣᠨ ᠤ ᠪᠠᠨ ᠨᠡᠷᠡ ᠢᠢ ᠳᠠᠭᠤᠷᠢᠰᠬᠠᠭᠰᠠᠨ ᠣᠯᠠᠨ ᠠᠷᠪᠠᠨ ᠲᠠᠮᠢᠷᠴᠢᠳ ᠲᠥᠷᠥᠨ ᠭᠠᠷᠬᠤ ᠬᠥᠷᠥᠰᠥ ᠰᠠᠭᠤᠷᠢ ᠢᠢ ᠪᠡᠬᠢᠵᠢᠭᠦᠯᠬᠦ ᠦᠢᠯᠡᠰ ᠲᠥ ᠣᠷᠣᠭᠤᠯᠤᠭᠰᠠᠨ ᠬᠤᠪᠢ ᠨᠡᠮᠡᠷᠢ ᠢᠢ ᠨᠢ ᠦᠨᠡᠯᠡᠵᠦ ᠮᠣᠩᠭ᠋ᠣᠯ ᠤᠨ ᠪᠣᠺᠰ ᠤᠨ ᠬᠣᠯᠪᠣᠭᠠᠨ ᠤ ᠵᠥᠪᠯᠡᠬᠦ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠬᠠᠢᠢᠳᠤᠪ ᠤᠨ ᠠᠯᠲᠠᠨᠬᠤᠶᠠᠭ ᠨᠠᠷᠠᠲᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠠᠷᠠᠳ ᠤᠨ ᠪᠠᠭᠰᠢ ᠴᠣᠯᠠ ᠬᠦᠷᠲᠡᠭᠡᠯᠠ᠃
ᠮᠥᠨ ᠲᠠᠢᠢᠵᠠ᠂ ᠳᠡᠯᠭᠡᠴᠡ ᠢᠢᠨ ᠤᠷᠠᠯᠢᠭ ᠲᠤ ᠰᠡᠳᠬᠢᠯ ᠳᠥ ᠬᠣᠨᠣᠭᠰᠢᠭᠰᠠᠨ ᠣᠯᠠᠨ ᠳᠦᠷᠢ ᠪᠦᠲᠦᠭᠡᠵᠦ᠂ ᠪᠠᠷᠢᠮᠲᠠᠲᠤ ᠪᠣᠯᠤᠨ ᠣᠷᠴᠢᠭᠤᠯᠭᠠ ᠢᠢᠨ ᠰᠢᠯᠢᠳᠡᠭ ᠤᠷᠠᠨ ᠪᠦᠲᠦᠭᠡᠯ ᠦᠳ ᠲᠥ ᠳᠠᠭᠤ ᠬᠣᠭᠣᠯᠠᠢ ᠪᠠᠨ ᠮᠥᠩᠬᠡᠯᠡᠵᠦ᠂ ᠮᠣᠩᠭ᠋ᠣᠯ ᠤᠨ ᠲᠠᠢᠢᠵᠠ᠂ ᠳᠡᠯᠭᠡᠴᠡ᠂ ᠲᠧᠯᠧᠸᠢᠽ ᠷᠠᠳᠢᠣ᠋ ᠍ ᠢᠢᠨ ᠬᠥᠭ᠍ᠵᠢᠯ ᠳᠥ ᠣᠷᠣᠭᠤᠯᠤᠭᠰᠠᠨ ᠥᠨᠳᠥᠷ ᠬᠤᠪᠢ ᠨᠡᠮᠡᠷᠢ ᠢᠢ ᠦᠨᠡᠯᠡᠵᠦ ᠮᠣᠩᠭ᠋ᠣᠯ ᠤᠨ ᠷᠠᠳᠢᠣ᠋ ᠍ ᠢᠢᠨ ᠨᠡᠪᠲᠡᠷᠡᠭᠦᠯᠦᠭᠴᠢ ᠭᠣᠮᠪᠣ ᠢᠢᠨ ᠷᠠᠪᠳᠠᠨ ᠳᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠠᠷᠠᠳ ᠤᠨ ᠵᠦᠵᠦᠭᠡᠴᠢᠨ ᠴᠣᠯᠠ ᠬᠦᠷᠲᠡᠭᠡᠪᠡ᠃
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠴᠣᠯᠠ
ᠮᠥᠨ ᠪᠣᠯᠪᠠᠰᠤᠷᠠᠯ᠂ ᠰᠤᠶᠤᠯ ᠤᠷᠠᠯᠢᠭ᠂ ᠰᠫᠣᠷᠲ᠂ ᠡᠷᠡᠭᠦᠯ ᠮᠡᠨᠳᠦ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠡᠷᠴᠢᠮ ᠬᠦᠴᠦ᠂ ᠮᠠᠯ ᠠᠵᠤ ᠠᠬᠤᠢ᠂ ᠳᠡᠳ᠋ ᠪᠦᠲᠦᠴᠡ᠂ ᠪᠠᠢᠢᠭᠠᠯᠢ ᠣᠷᠴᠢᠨ᠂ ᠠᠵᠤ ᠦᠢᠯᠡᠳᠪᠦᠷᠢ ᠢᠢᠨ ᠰᠠᠯᠪᠠᠷ ᠤᠳ ᠲᠤ ᠣᠯᠠᠨ ᠵᠢᠯ ᠦᠷᠡ ᠪᠦᠲᠦᠭᠡᠯ ᠲᠡᠢ ᠠᠵᠢᠯᠯᠠᠭᠰᠠᠨ ᠳᠠᠷᠠᠭᠠᠬᠢ ᠨᠡᠷᠡ ᠪᠦᠬᠦᠢ ᠬᠦᠮᠦᠰ ᠲᠥ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠴᠣᠯᠠ ᠬᠦᠷᠲᠡᠭᠡᠪᠡ᠃
ᠠᠵᠤ ᠦᠢᠯᠡᠳᠪᠦᠷᠢ ᠢᠢᠨ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ ᠴᠣᠯᠠ ᠪᠠᠷ 《ᠮᠣᠩᠭ᠋ᠣᠯᠴᠧᡁᠮᠧᠲ᠋ᠠᠯ》 ᠺᠣᠮᠫᠠᠨᠢ ᠢᠢᠨ ᠭᠦᠢᠴᠡᠳᠭᠡᠬᠦ ᠵᠠᠬᠢᠷᠤᠯ ᠪᠢᠴᠢᠭᠡᠷ ᠦᠨ ᠳᠠᠯᠠᠢ ᠢᠢ᠂
ᠤᠯᠠᠭᠠᠨᠪᠠᠭᠠᠲᠤᠷ ᠳᠤᠯᠠᠭᠠᠨ ᠤ ᠰᠦᠯᠵᠢᠶᠡ ᠲᠥᠷᠦ ᠢᠢᠨ ᠥᠮᠴᠢᠲᠦ ᠺᠣᠮᠫᠠᠨᠢ ᠢᠢᠨ ᠠᠬᠠᠮᠠᠳ ᠤᠨ ᠵᠥᠪᠯᠡᠯ ᠦᠨ ᠭᠡᠰᠢᠭᠦᠨ ᠳᠠᠰᠢᠳᠠᠸᠠ ᠢᠢᠨ ᠳᠠᠷᠵᠢᠶᠠ ᠢᠢ᠂
《ᠡᠷᠳᠡᠨᠢᠲᠦ》 ᠦᠢᠯᠡᠳᠪᠦᠷᠢ ᠦᠨ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠢᠢᠨ ᠵᠠᠰᠠᠪᠤᠷᠢᠴᠢᠨ ᠡᠷᠳᠡᠨᠢᠸᠴᠢᠷ ᠤᠨ ᠳᠣᠷᠵᠢᠪᠣᠯᠣᠳ ᠢ᠂
《ᠡᠷᠳᠡᠨᠢᠲᠦ》 ᠦᠢᠯᠡᠳᠪᠦᠷᠢ ᠢᠢᠨ ᠵᠥᠪᠯᠡᠬᠦ ᠢᠨᠵᠧᠨᠧᠷ ᠭᠦᠨᠳᠦᠰᠠᠮᠪᠤᠤ ᠢᠢᠨ ᠰᠠᠨᠳᠤᠢᠢᠵᠠᠪ ᠢ᠂
ᠡᠷᠳᠡᠨᠢᠲᠦ ᠦᠢᠯᠡᠳᠪᠦᠷᠢ ᠦᠨ ᠠᠦ᠋ᠲ᠋ᠣ᠋ ᠲᠡᠭᠡᠭᠡᠪᠦᠷᠢ ᠢᠢᠨ ᠬᠡᠰᠡᠭ ᠦᠨ ᠳᠠᠷᠤᠭᠠ ᠳᠣᠶᠠᠳ ᠤᠨ ᠴᠢᠳᠠᠷᠭᠠᠪᠠᠯ ᠢ᠂
《ᠬᠥᠲᠥᠯ ᠦᠨ ᠼᠧᠮᠧᠨ᠋ᠲ ᠴᠣᠬᠣᠢ》 ᠬᠤᠪᠢᠴᠠᠭᠠᠲᠤ ᠺᠣᠮᠫᠠᠨᠢ ᠢᠢᠨ ᠵᠠᠬᠢᠷᠤᠯ ᠠᠰᠠᠷᠪᠠᠨᠢ ᠢᠢᠨ ᠱᠣᠭᠣᠳᠪᠤᠷᠢ ᠢ ᠲᠤᠰ ᠲᠤᠰ ᠱᠠᠩᠨᠠᠯᠠ᠃
ᠭᠠᠪᠢᠶᠠᠲᠤ ᠵᠦᠵᠦᠭᠡᠴᠢᠨ ᠴᠣᠯᠠ ᠪᠠᠷ ᠤᠯᠤᠰ ᠤᠨ ᠳᠠᠭᠤᠷᠢ ᠪᠦᠵᠢᠭ᠌ ᠦᠨ ᠡᠷᠳᠡᠮ ᠦᠨ ᠲᠢᠶᠠᠲ᠋ᠷ ᠤᠨ ᠪᠠᠯᠧᠲ ᠤᠨ ᠭᠣᠴᠣᠯᠠᠯ ᠪᠦᠵᠢᠭ᠍ᠴᠢᠨ ᠣᠳᠬᠠᠨᠲᠡᠭᠦᠰ ᠦᠨ ᠠᠨᠤᠵᠢᠨ ᠢ᠂
ᠴᠢᠯᠦᠭᠡᠲᠦ ᠤᠷᠠᠨ ᠪᠦᠲᠦᠭᠡᠯᠴᠢ ᠰᠠᠮᠪᠤᠤ ᠢᠢᠨ ᠪᠠᠯᠳᠠᠨᠫᠦᠷᠪᠦ ᠪᠣᠯᠤᠨ ᠲᠠᠩᠭ᠋ᠤᠳ ᠤᠨ ᠪᠣᠷᠣᠬᠦᠦ ᠢᠢ᠂
ᠪᠤᠯᠠᠭᠠᠨ ᠠᠢᠢᠮᠠᠭ ᠤᠨ ᠬᠥᠭ᠍ᠵᠢᠮᠲᠦ ᠵᠦᠵᠦᠭᠡ ᠢᠢᠨ ᠲᠢᠶᠠᠲ᠋ᠷ ᠤᠨ ᠳᠠᠭᠤᠴᠢᠨ᠂ ᠨᠠᠢᠢᠷᠠᠯ ᠳᠠᠭᠤᠨ ᠤ ᠪᠠᠭᠰᠢ ᠲᠡᠮᠦᠷᠪᠠᠲᠤ ᠢᠢᠨ ᠣᠶᠤᠨᠴᠡᠴᠡᠭ ᠢ᠂
《ᠮᠠᠰᠺ》 ᠫᠷᠣᠳᠠᠺᠱᠢᠨ ᠤ ᠵᠦᠵᠦᠭᠡᠴᠢᠨ ᠫᠤᠨᠴᠠᠭ ᠤᠨ ᠡᠷᠳᠡᠨᠢᠵᠠᠭᠠᠨ ᠢ ᠲᠤᠰ ᠲᠤᠰ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠵᠦᠵᠦᠭᠡᠴᠢᠨ ᠴᠣᠯᠠ ᠪᠠᠷ ᠱᠠᠩᠨᠠᠪᠠ᠃
ᠭᠠᠪᠢᠶᠠᠲᠤ ᠮᠠᠯ ᠵᠦᠢᠴᠢ ᠴᠣᠯᠠ ᠪᠠᠷ ᠬᠣᠪᠳᠣ ᠠᠢᠢᠮᠠᠭ ᠤᠨ ᠬᠣᠪᠳᠣ ᠰᠤᠮᠤ ᠢᠢᠨ ᠠᠬᠠᠮᠠᠳ ᠤᠨ ᠬᠣᠯᠪᠣᠭᠠᠨ ᠤ ᠲᠡᠷᠢᠭᠦᠨ᠂ ᠮᠠᠯ ᠤᠨ ᠡᠮᠴᠢ ᠷᠠᠢᠢᠬᠠᠨ ᠤ ᠬᠠᠰᠢᠮᠬᠠᠨ ᠢ ᠱᠠᠩᠨᠠᠯᠠ᠃
ᠭᠠᠪᠢᠶᠠᠲᠤ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠴᠣᠯᠠ ᠪᠠᠷ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠳᠤ ᠲᠤᠰᠠᠯᠠᠬᠤ ᠨᠡᠢᠢᠭᠡᠮᠯᠢᠭ᠌ ᠦᠨ ᠵᠠᠬᠢᠷᠤᠯ ᠪᠢᠮᠪᠠᠵᠠᠪ ᠤᠨ ᠠᠯᠲᠠᠨᠴᠡᠴᠡᠭ ᠢ᠂
ᠨᠡᠢᠢᠰᠯᠡᠯ ᠦᠨ ᠰᠦᠬᠡᠪᠠᠭᠠᠲᠤᠷ ᠳᠡᠭᠦᠷᠭᠡ ᠢᠢᠨ ᠪᠡᠶᠡ ᠢᠢᠨ ᠲᠠᠮᠢᠷ᠂ ᠰᠫᠣᠷᠲ ᠤᠨ ᠵᠥᠪᠯᠡᠯ ᠦᠨ ᠭᠡᠰᠢᠭᠦᠨ ᠪᠠᠰᠠᠩ ᠤᠨ ᠳᠣᠷᠵᠢᠫᠠᠯᠠᠮ ᠨᠠᠷ ᠢ ᠲᠤᠰ ᠲᠤᠰ ᠱᠠᠩᠨᠠᠪᠠ᠃
ᠭᠠᠪᠢᠶᠠᠲᠤ ᠪᠠᠭᠰᠢ ᠴᠣᠯᠠ ᠪᠠᠷ ᠠᠬᠠᠮᠠᠳ ᠪᠠᠭᠰᠢ ᠴᠡᠷᠢᠩ ᠦᠨ ᠠᠳ᠋ᠢᠶᠠᠰᠦ᠋ᠷᠦᠩ ᠢ ᠪᠣᠯᠤᠨ ᠵᠤᠨᠳᠤᠢ ᠢᠢᠨ ᠪᠢᠮᠪᠠ ᠠ᠋ ᠨᠠᠷ ᠢ᠂
ᠨᠡᠢᠢᠰᠯᠡᠯ ᠦᠨ ᠬᠠᠨ - ᠠᠭᠤᠯᠠ ᠳᠡᠭᠦᠷᠭᠡ ᠢᠢᠨ 34 ᠍ ᠳᠦᠭᠡᠷ ᠰᠤᠷᠭᠠᠭᠤᠯᠢ ᠢᠢᠨ ᠠᠬᠠᠮᠠᠳ ᠪᠠᠭᠰᠢ ᠳᠣᠨᠳᠣᠪ ᠤᠨ ᠠᠯᠲᠠᠨᠴᠡᠴᠡᠭ ᠢ᠂
ᠣᠷᠬᠣᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠰᠤᠷᠭᠠᠯᠲᠠ ᠡᠷᠳᠡᠮ ᠰᠢᠨᠵᠢᠯᠡᠭᠡ ᠡᠷᠬᠢᠯᠡᠭᠰᠡᠨ ᠫᠷᠣᠷᠧᠺᠲ᠋ᠣᠷ ᠨᠠᠢᠢᠳᠠᠨ ᠤ ᠪᠠᠭᠠᠲᠤᠷᠵᠠᠪ ᠢ᠂
ᠬᠡᠯᠡ ᠪᠢᠴᠢᠭ᠌ ᠦᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠳ᠋ᠣᠺᠲ᠋ᠣᠷ᠂ ᠫᠷᠣᠹᠧᠰᠰᠣᠷ ᠭᠣᠨᠴᠣᠭ ᠤᠨ ᠭᠠᠩᠲᠣᠭᠲᠠᠬᠤ ᠢᠢ᠂
ᠪᠣᠯᠪᠠᠰᠤᠷᠠᠯ ᠤᠨ ᠬᠦᠷᠢᠶᠡᠯᠡᠩ ᠦᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠲᠡᠷᠢᠭᠦᠯᠡᠬᠦ ᠵᠡᠷᠭᠡ ᠢᠢᠨ ᠠᠵᠢᠯᠲᠠᠨ ᠸᠴᠢᠷ ᠤᠨ ᠫᠦᠷᠪᠦ ᠢᠢ᠂
ᠪᠤᠯᠠᠭᠠᠨ ᠠᠢᠢᠮᠠᠭ ᠤᠨ ᠰᠢᠲᠠᠷᠠ ᠢᠢᠨ 《ᠰᠥᠷᠲᠦ》 ᠺᠯᠤᠢᠪ ᠤᠨ ᠪᠠᠭᠰᠢ ᠵᠠᠮᠶᠠᠩᠳᠣᠷᠵᠢ ᠢᠢᠨ ᠫᠦᠷᠪᠦᠰᠦ᠋ᠷᠦᠩ ᠢ᠂
ᠠᠷᠤᠬᠠᠩᠭᠠᠢ ᠠᠢᠢᠮᠠᠭ ᠤᠨ ᠶᠡᠬᠡ ᠲᠠᠮᠢᠷ ᠰᠤᠮᠤ ᠢᠢᠨ ᠶᠡᠷᠦᠩᠬᠡᠢ ᠪᠣᠯᠪᠠᠰᠤᠷᠠᠯ ᠤᠨ ᠰᠤᠷᠭᠠᠭᠤᠯᠢ ᠢᠢᠨ ᠵᠠᠬᠢᠷᠤᠯ ᠠᠰᠠᠨ᠂ ᠠᠬᠠᠮᠠᠳ ᠪᠠᠭᠰᠢ ᠮᠥᠩᠬᠡᠸᠴᠢᠷ ᠤᠨ ᠨᠠᠴᠤᠭᠶᠤᠢᠮ ᠢ᠂
ᠰᠢᠨᠵᠢᠯᠡᠬᠦᠢ ᠤᠬᠠᠭᠠᠨ ᠤ ᠲᠧᠭᠨᠣᠯᠣᠭᠢ ᠢᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠲᠡᠷᠢᠭᠦᠯᠡᠬᠦ ᠫᠷᠣᠹᠧᠰᠰᠣᠷ ᠭᠡᠩᠳᠤᠨ ᠦ ᠤᠬᠤᠨᠠ ᠢᠢ᠂
ᠭᠣᠪᠢ ᠰᠦᠮᠪᠦᠷ ᠠᠢᠢᠮᠠᠭ ᠤᠨ ᠳᠠᠯᠠᠨᠵᠢᠷᠭᠠᠯᠠᠩ ᠰᠤᠮᠤ ᠢᠢᠨ ᠶᠡᠷᠦᠩᠬᠡᠢ ᠪᠣᠯᠪᠠᠰᠤᠷᠠᠯ ᠤᠨ ᠰᠤᠷᠭᠠᠭᠤᠯᠢ ᠢᠢᠨ ᠵᠦᠪᠯᠡᠬᠦ ᠪᠠᠭᠰᠢ ᠮᠡᠨᠳᠦ ᠢᠢᠨ ᠰᠡᠷᠲᠦᠪ ᠢ᠂
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠺᠣᠨ᠋ᠰᠧᠷᠸᠠᠲ᠋ᠣᠷ ᠤᠨ ᠲᠡᠭᠦᠯᠳᠡᠷ ᠬᠤᠭᠤᠷ ᠤᠨ ᠪᠠᠭᠰᠢ ᠳᠠᠰᠢᠳᠣᠷᠵᠢ ᠢᠢᠨ ᠲᠤᠩᠭ᠋ᠠᠯᠠᠭ ᠢ᠂
ᠮᠣᠩᠭ᠋ᠤᠯ ᠤᠯᠤᠰ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠹᠢᠽᠢᠺ ᠡᠯᠧᠺᠲ᠋ᠷᠣᠨᠢᠺ ᠤᠨ ᠰᠤᠷᠭᠠᠭᠤᠯᠢ ᠢᠢᠨ ᠪᠠᠭᠰᠢ ᠬᠢᠨᠠᠶᠠᠲᠤ ᠢᠢᠨ ᠴᠣᠭᠣᠬᠦᠦ ᠢᠢ ᠲᠤᠰ ᠲᠤᠰ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠪᠠᠭᠰᠢ ᠴᠣᠯᠠ ᠪᠠᠷ ᠱᠠᠩᠨᠠᠯ ᠢᠶᠠᠨ᠃
ᠭᠠᠪᠢᠶᠠᠲᠤ ᠪᠠᠷᠢᠯᠭᠠᠴᠢᠨ ᠴᠣᠯᠠ ᠪᠠᠷ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠵᠦᠪᠯᠡᠬᠦ ᠢᠨ᠋ᠵᠧᠨᠧᠷ ᠺᠠᠷᠮᠧᠨ ᠤ ᠶᠡᠷᠦᠮᠧᠷᠧᠢ ᠢᠢ᠂
《ᠨᠢᠶᠤᠢᠲᠣᠨ》ᠺᠣᠮᠫᠠᠨᠢ ᠢᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠤᠯ ᠨᠠᠮᠳᠠᠭ ᠤᠨ ᠴᠣᠢᠢᠪᠠᠯᠰᠠᠩ ᠢ ᠲᠤᠰ ᠲᠤᠰ ᠱᠠᠩᠨᠠᠪᠠ᠃
ᠭᠠᠪᠢᠶᠠᠲᠤ ᠲᠠᠮᠢᠷᠴᠢᠨ ᠴᠣᠯᠠ ᠪᠠᠷ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠨᠠᠴᠢᠨ ᠳᠠᠨᠳᠠᠷ ᠤᠨ ᠭᠣᠮᠪᠣᠰᠦ᠋ᠷᠦᠩ ᠢ ᠱᠠᠩᠨᠠᠯᠠ᠃
ᠭᠠᠪᠢᠶᠠᠲᠤ ᠮᠧᠬᠠᠨᠢᠭᠵᠢᠭᠤᠯᠤᠭᠴᠢ ᠴᠣᠯᠠ ᠪᠠᠷ 《ᠥᠭ᠍ᠭᠦᠭᠡᠴᠢ ᠰᠦᠮᠪᠦᠷ》ᠺᠣᠮᠫᠠᠨᠢ ᠢᠢᠨ ᠵᠥᠪᠯᠡᠬᠦ ᠳᠣᠷᠵᠢ ᠢᠢᠨ ᠪᠠᠲᠤ ᠠ᠋ ᠢᠢ ᠱᠠᠩᠨᠠᠪᠠ᠃
ᠬᠥᠳᠡᠭᠡ ᠠᠵᠤ ᠠᠬᠤᠢ ᠢᠢᠨ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ ᠴᠣᠯᠠ ᠪᠠᠷ ᠠᠬᠠᠮᠠᠳ ᠲᠠᠷᠢᠶᠠᠯᠠᠩᠴᠢ ᠪᠣᠭᠣᠵᠢ ᠢᠢᠨ ᠴᠡᠸᠡᠩ ᠢ᠂
《ᠦᠢᠵᠡᠨ ᠲᠠᠯᠠ》ᠺᠣᠮᠫᠠᠨᠢ ᠢᠢᠨ ᠠᠭ᠍ᠷᠣᠨᠣᠮᠢᠴᠢ ᠫᠦᠷᠪᠦ ᠢᠢᠨ ᠳᠠᠸᠠᠨᠢᠮᠠ ᠢᠢ ᠲᠤᠰ ᠲᠤᠰ ᠱᠠᠩᠨᠠᠪᠠ᠃
ᠭᠠᠪᠢᠶᠠᠲᠤ ᠲᠡᠭᠡᠭᠡᠪᠦᠷᠢᠴᠢᠨ ᠴᠣᠯᠠ ᠪᠠᠷ ᠠᠬᠠᠮᠠᠳ ᠲᠡᠭᠡᠭᠡᠪᠦᠷᠢᠴᠢᠨ ᠴᠡᠷᠡᠩ ᠦᠨ ᠮᠢᠭ᠌ᠮᠠᠷᠵᠠᠪ ᠢ᠂
ᠵᠠᠮ᠂ ᠲᠡᠭᠡᠭᠡᠪᠦᠷᠢ ᠢᠢᠨ ᠬᠥᠭ᠍ᠵᠢᠯ ᠦᠨ ᠶᠠᠮᠤᠨ ᠤ ᠰᠠᠢᠢᠳ ᠤᠨ ᠵᠦᠪᠯᠡᠬᠦ ᠵᠠᠪᠴᠢᠭ ᠤᠨ ᠰᠡᠷᠢᠶᠡᠲᠡᠷ ᠢ ᠱᠠᠩᠨᠠᠯ ᠠ᠃
ᠭᠠᠪᠢᠶᠠᠲᠤ ᠠᠭᠤᠷᠬᠠᠢᠢᠴᠢᠨ ᠴᠣᠯᠠ ᠪᠠᠷ 《ᠪᠠᠭᠠᠨᠠᠭᠤᠷ》 ᠬᠤᠪᠢᠴᠠᠭᠠᠲᠤ ᠺᠣᠮᠫᠠᠨᠢ ᠢᠢᠨ ᠲᠣᠺᠠᠷᠴᠢᠨ ᠫᠢᠨᠴᠢᠭ ᠤᠨ ᠴᠢᠯᠠᠭᠤᠨ - ᠡᠷᠳᠡᠨᠢ ᠢᠢ᠂
ᠭᠠᠪᠢᠶᠠᠲᠤ ᠬᠣᠯᠪᠣᠭᠠᠴᠢᠨ ᠴᠣᠯᠠ ᠪᠠᠷ ᠠᠬᠠᠮᠠᠳ ᠬᠣᠯᠪᠣᠭᠠᠴᠢᠨ ᠭᠣᠨᠴᠣᠭ ᠤᠨ ᠪᠠᠲᠤᠳᠤᠭᠲᠠᠬᠤ ᠢᠢ᠂
ᠭᠠᠪᠢᠶᠠᠲᠤ ᠡᠳ᠋ ᠍ ᠦᠨ ᠵᠠᠰᠠᠭᠴᠢ ᠴᠣᠯᠠ ᠪᠠᠷ ᠡᠳ᠋ ᠍ ᠦᠨ ᠵᠠᠰᠠᠭᠴᠢ ᠳᠠᠰᠢᠰᠠᠮᠪᠤᠤ ᠢᠢᠨ ᠫᠣᠯᠣᠣᠵᠢ ᠢᠢ ᠲᠤᠰ ᠲᠤᠰ ᠱᠠᠩᠨᠠᠯᠠ᠃
ᠰᠤᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠴᠣᠯᠠ ᠪᠠᠷ 《ᠵᠠᠭᠤᠨ ᠤ ᠰᠢᠤᠳᠠᠨ》᠂ 《ᠦᠨᠳᠦᠰᠦᠨ ᠦ ᠰᠢᠤᠳᠠᠨ》 ᠰᠣᠨᠢᠨ ᠤ ᠣᠷᠣᠯᠠᠭᠴᠢ ᠡᠷᠬᠢᠯᠡᠭᠴᠢ ᠪᠢᠮᠪᠠ ᠢᠢᠨ ᠶᠡᠷᠡᠨᠲᠡᠢ ᠢᠢ᠂
ᠠᠬᠠᠮᠠᠳ ᠵᠣᠬᠢᠶᠠᠯᠴᠢ᠂ ᠰᠡᠳᠬᠦᠯᠴᠢ ᠳᠠᠭᠪᠠ ᠢᠢᠨ ᠵᠠᠮᠢᠶᠠᠨ ᠢ᠂
ᠦᠨᠳᠦᠰᠦᠨ ᠦ ᠪᠥᠬᠡ ᠢᠢᠨ ᠵᠠᠰᠠᠭᠤᠯᠴᠢ ᠬᠠᠳᠠ ᠢᠢᠨ ᠫᠦᠷᠪᠦ ᠢᠢ᠂
ᠠᠬᠠᠮᠠᠳ ᠵᠣᠬᠢᠶᠡᠯᠴᠢ ᠠᠪᠢᠳᠠ ᠢᠢᠨ ᠰᠢᠷᠠᠲᠣᠯᠣᠭᠠᠢ ᠨᠠᠷ ᠢ ᠲᠤᠰ ᠲᠤᠰ ᠰᠤᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠴᠣᠯᠠ ᠪᠠᠷ ᠱᠠᠩᠨᠠᠯᠠ᠃
ᠤᠷᠠᠯᠢᠭ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠴᠣᠯᠠ ᠪᠠᠷ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠺᠣᠨ᠋ᠰᠧᠷᠸᠠᠲ᠋ᠣᠷ ᠤᠨ ᠬᠥᠭ᠍ᠵᠢᠮ ᠪᠦᠵᠢᠭ᠌ ᠦᠨ ᠺᠣᠯᠯᠧᠵᠢ ᠢᠢᠨ ᠪᠦᠵᠢᠭ᠌ ᠦᠨ ᠲᠢᠩᠬᠢᠮ ᠦᠨ ᠡᠷᠬᠢᠯᠡᠭᠴᠢ ᠨᠢᠮᠠᠪᠠᠯᠪᠠᠷ ᠤᠨ ᠣᠶᠤᠨ ᠢ ᠱᠠᠩᠨᠠᠪᠠ᠃
ᠦᠢᠯᠡᠴᠢᠯᠡᠭᠡᠨ ᠦ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ ᠴᠣᠯᠠ ᠪᠠᠷ 《ᠨᠠᠷᠠᠨᠪᠤᠯᠠᠭ ᠲᠷᠧᠢᠳ᠋》 ᠺᠣᠮᠫᠠᠨᠢ ᠢᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠤᠯ ᠰᠠᠮᠪᠤᠤ ᠢᠢᠨ ᠴᠡᠷᠢᠩᠳᠣᠷᠵᠢ ᠢᠢ᠂
ᠬᠣᠪᠳᠣ ᠠᠢᠢᠮᠠᠭ ᠤᠨ ᠤᠯᠤᠰ ᠤᠨ ᠪᠦᠷᠢᠳᠬᠡᠯ ᠦᠨ ᠬᠡᠯᠲᠡᠰ ᠦᠨ ᠳᠠᠷᠤᠭᠠ ᠳᠠᠮᠪᠠ ᠢᠢᠨ ᠰᠢᠷᠢᠨᠳᠢᠪ ᠨᠠᠷ ᠢ ᠲᠤᠰ ᠲᠤᠰ ᠱᠠᠩᠨᠠᠪᠠ᠃
ᠬᠤᠳᠠᠯᠳᠤᠭᠠᠨ ᠤ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ ᠴᠣᠯᠠ ᠪᠠᠷ 《ᠭᠠᠩᠭᠠ ᠢᠮᠫᠧᠺᠰ》ᠺᠣᠮᠫᠠᠨᠢ ᠢᠢᠨ ᠵᠠᠬᠢᠷᠤᠯ ᠳᠠᠮᠳᠢᠨ ᠤ ᠭᠣᠮᠪᠣᠰᠦ᠋ᠷᠦᠩ ᠢ᠂
《ᠨᠠᠷᠠᠨᠲᠤᠤᠯᠠ》 ᠭᠷᠦ᠋ᠫ ᠤᠨ ᠶᠡᠷᠦᠩᠬᠡᠢ ᠵᠠᠬᠢᠷᠤᠯ ᠰᠢᠷᠠᠪ ᠤᠨ ᠣᠶᠤᠨᠰᠤᠭᠤ ᠢᠢ ᠲᠤᠰ ᠲᠤᠰ ᠱᠠᠩᠨᠠᠯᠠ᠃
ᠬᠦᠮᠦᠨ ᠦ ᠭᠠᠪᠢᠶᠠᠲᠤ ᠡᠮᠴᠢ ᠴᠣᠯᠠ ᠪᠠᠷ ᠫ.ᠨ.ᠱᠠᠰᠲ᠋ᠢᠨ ᠤ ᠨᠡᠷᠡᠮᠵᠢᠲᠦ ᠤᠯᠤᠰ ᠤᠨ ᠭᠤᠷᠪᠠᠳᠤᠭᠠᠷ ᠲᠥᠪ ᠡᠮᠨᠡᠯᠭᠡ ᠢᠢᠨ ᠡᠮᠴᠢ ᠴᠡᠷᠢᠩᠳᠣᠷᠵᠢ ᠢᠢᠨ ᠪᠠᠳᠠᠮᠰᠡᠳ ᠢ᠂
《ᠥᠷᠭᠥᠭᠡ》 ᠠᠮᠤᠷᠵᠢᠬᠤ ᠭᠠᠵᠠᠷ ᠤᠨ ᠶᠡᠬᠡ ᠡᠮᠴᠢ ᠮᠠᠰᠢᠯᠠᠢ ᠢᠢᠨ ᠡᠩᠬᠡᠲᠤᠶᠠᠭᠠ ᠢᠢ ᠲᠤᠰ ᠲᠤᠰ ᠱᠠᠩᠨᠠᠯᠠ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠴᠣᠯᠠ ᠪᠠᠷ ᠰᠢᠨᠵᠢᠯᠡᠬᠦᠢ ᠤᠬᠠᠭᠠᠨ ᠤ ᠲᠧᠭᠨᠣᠯᠣᠭᠢ ᠢᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠫᠷᠣᠹᠧᠰᠰᠣᠷ ᠴᠡᠸᠡᠩ ᠦᠨ ᠨᠠᠩᠵᠠᠳ ᠢ ᠱᠠᠩᠨᠠᠯᠠ᠃
ᠡᠷᠡᠭᠦᠯ ᠢ ᠬᠠᠮᠠᠭᠠᠯᠠᠬᠤ ᠢᠢᠨ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ ᠴᠣᠯᠠ ᠪᠠᠷ ᠬᠦᠮᠦᠨ ᠦ ᠪᠠᠭᠠ ᠡᠮᠴᠢ ᠭᠣᠨᠴᠣᠭ ᠤᠨ ᠪᠠᠲᠤᠰᠠᠭᠤᠷ ᠢ᠂
《ᠡᠲᠦᠭᠡᠨ》 ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠷᠧᠺᠲ᠋ᠣᠷ ᠪᠢᠮᠪᠠ ᠠᠠ᠋ ᠢᠢᠨ ᠪᠠᠲᠤᠰᠡᠷᠢᠢᠳᠡᠨ ᠢ᠂
ᠪᠡᠶᠡ ᠢᠢᠨ ᠲᠠᠮᠢᠷ ᠰᠫᠣᠷᠲ ᠤᠨ ᠭᠠᠵᠠᠷ ᠤᠨ ᠪᠠᠭᠠ ᠡᠮᠴᠢ ᠡᠷᠳᠡᠨᠢᠸᠴᠢᠷ ᠤᠨ ᠡᠩᠬᠡᠪᠠᠶᠠᠷ ᠨᠠᠷ ᠢ ᠲᠤᠰ ᠲᠤᠰ ᠱᠠᠩᠨᠠᠪᠠ᠃
ᠪᠠᠢᠢᠭᠠᠯᠢ ᠣᠷᠴᠢᠨ ᠤ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ ᠴᠣᠯᠠ ᠪᠠᠷ ᠤᠰᠤᠵᠢᠭᠤᠯᠤᠭᠴᠢᠳ ᠤᠨ ᠬᠣᠯᠪᠣᠭᠠ ᠢᠢᠨ ᠭᠡᠰᠢᠭᠦᠨ᠂ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠵᠦᠪᠯᠡᠬᠦ ᠢᠨ᠋ᠵᠧᠨᠧᠷ ᠨᠣᠷᠫᠢᠯ ᠤᠨ ᠴᠢᠭᠨᠠ ᠨᠠᠷ ᠢ ᠲᠤᠰ ᠲᠤᠰ ᠱᠠᠩᠨᠠᠯᠠ᠃
ᠮᠥᠨ ᠲᠥᠷᠥ ᠢᠢᠨ ᠣᠳᠣᠨ ᠮᠧᠳᠠᠯ ᠬᠦᠷᠲᠡᠵᠦ ᠪᠤᠢ ᠢᠷᠭᠡᠳ ᠡᠴᠡ ᠲᠥᠯᠥᠭᠡᠯᠡᠯ ᠪᠣᠯᠭᠠᠨ᠄
ᠰᠦᠬᠡᠪᠠᠭᠠᠲᠤᠷ ᠤᠨ ᠣᠳᠣᠨ ᠢᠶᠠᠷ ᠬᠠᠨ - ᠠᠭᠤᠯᠠ ᠳᠡᠭᠦᠷᠭᠡ ᠢᠢᠨ ᠢᠷᠭᠡᠳ ᠶᠨ ᠳᠥᠯᠦᠭᠡᠯᠡᠭᠴᠢᠳ ᠦᠨ ᠬᠤᠷᠠᠯ ᠤᠨ ᠲᠥᠯᠥᠭᠡᠯᠡᠭᠴᠢ ᠳᠠᠰᠢᠳᠣᠷᠵᠢ ᠢᠢᠨ ᠪᠠᠲᠤᠪᠢᠯᠢᠭ᠌ ᠢ᠂
ᠬᠥᠳᠡᠯᠮᠦᠷᠢ ᠢᠢᠨ ᠭᠠᠪᠢᠶᠠᠨ ᠤ ᠤᠯᠠᠭᠠᠨ ᠲᠤᠭ ᠤᠨ ᠣᠳᠣᠨ ᠢᠶᠠᠷ 《ᠢᠢᠭ᠍ᠯ》 ᠲᠧᠯᠧᠸᠢᠽ ᠦᠨ ᠰᠡᠳᠬᠦᠯᠴᠢ ᠪᠠᠳᠢᠷᠴᠢ ᠢᠢᠨ ᠵᠢᠷᠭᠠᠯᠮᠠ ᠢᠢ᠂
ᠴᠡᠷᠢᠭ ᠦᠨ ᠭᠠᠪᠢᠶᠠᠨ ᠤ ᠤᠯᠠᠭᠠᠨ ᠲᠤᠭ ᠤᠨ ᠣᠳᠣᠨ ᠢᠶᠠᠷ ᠵᠡᠪᠰᠡᠭᠲᠦ ᠬᠦᠴᠦᠨ ᠦ ᠵᠠᠩᠵᠤᠨ ᠱᠲ᠋ᠠᠪ ᠤᠨ ᠠᠬᠠᠯᠠᠬᠤ ᠮᠡᠷᠭᠡᠵᠢᠯᠲᠡᠨ᠂ ᠬᠤᠷᠠᠨᠳᠠ ᠼᠡᠳᠡᠨᠳᠣᠷᠵᠢ ᠢᠢᠨ ᠪᠠᠲᠤᠰᠠᠢᠢᠬᠠᠨ ᠢ
ᠴᠡᠷᠢᠭ ᠦᠨ ᠭᠠᠪᠢᠶᠠᠨ ᠤ ᠣᠳᠣᠨ ᠢᠶᠠᠷ ᠦᠨᠳᠦᠰᠦᠨ ᠦ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠦᠨ ᠨᠢᠭᠡᠳᠦᠭᠰᠡᠨ ᠰᠤᠷᠭᠠᠭᠤᠯᠢ ᠢᠢᠨ ᠠᠬᠠᠯᠠᠬᠤ ᠪᠠᠭᠰᠢ ᠳᠣᠷᠵᠢ ᠢᠢᠨ ᠫᠦᠷᠪᠡᠰᠠᠢᠢᠬᠠᠨ ᠢ᠂
ᠴᠡᠷᠢᠭ ᠦᠨ ᠬᠦᠨᠳᠦᠳᠦ ᠮᠧᠳᠠᠯ ᠢᠢᠠᠷ ᠵᠡᠪᠰᠡᠭᠲᠦ ᠬᠦᠴᠦᠨ ᠦ ᠵᠠᠩᠵᠤᠨ ᠱᠲ᠋ᠠᠪ ᠤᠨ ᠡᠩᠬᠡ ᠢᠢ ᠳᠡᠮᠵᠢᠬᠦ ᠴᠡᠷᠢᠭ ᠦᠨ ᠬᠠᠮᠲᠤ ᠢᠢᠨ ᠠᠵᠢᠯᠯᠠᠭᠠᠨ ᠤ ᠬᠡᠯᠲᠡᠰ ᠦᠨ ᠠᠷᠤ ᠳᠤ ᠲᠠᠯᠠ ᠢᠢᠨ ᠮᠡᠷᠭᠡᠵᠢᠯᠲᠡᠨ᠂ ᠳᠡᠳ᠋ ᠬᠤᠷᠠᠨᠳᠠ ᠳᠣᠷᠵᠢ ᠢᠢᠨ ᠲᠤᠩᠭ᠋ᠠᠯᠠᠭ ᠨᠠᠷ ᠢ ᠱᠠᠩᠨᠠᠯ ᠠ᠃
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ.ᠪᠠᠲᠤᠲᠤᠯᠭᠠ ᠱᠠᠩᠨᠠᠯ ᠭᠠᠷᠳᠠᠭᠤᠯᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭᠠ ᠦᠭᠡ ᠬᠡᠯᠡᠪᠡ᠃
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ.ᠪᠠᠲᠤᠲᠤᠯᠭᠠ᠄
《ᠮᠣᠩᠭ᠋ᠣᠯᠴᠤᠳ ᠠ᠋᠂ ᠠᠵᠢᠯ ᠦᠢᠯᠡᠰ ᠢᠶᠡᠷ ᠢᠶᠡᠨ ᠮᠠᠩᠯᠠᠢᠢᠯᠠᠭᠴᠢᠳ ᠠ᠋᠂
ᠲᠠ ᠪᠦᠬᠦᠨ ᠳᠥ ᠲᠤᠯᠭᠤᠷ ᠲᠥᠷᠥ ᠢᠢᠨ 2227᠂ ᠶᠡᠬᠡ ᠮᠣᠩᠭ᠋ᠣᠯ ᠤᠯᠤᠰ ᠤᠨ 812᠂ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ 97 ᠵᠢᠯ ᠦᠨ ᠣᠢ᠂ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ 29 ᠵᠢᠯ ᠦᠨ ᠣᠢ᠂ ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠮᠡᠨᠳᠦ ᠢᠢ ᠳᠡᠪᠰᠢᠭᠦᠯᠦᠶᠡ᠃
ᠲᠥᠷᠥ ᠳᠥ ᠶᠣᠰᠣᠨ ᠤ ᠤᠯᠠᠮᠵᠢᠯᠠᠯ ᠤᠨ ᠳᠠᠭᠠᠭᠤ ᠥᠨᠥᠳᠥᠷ ᠠᠵᠢᠯ ᠦᠢᠯᠡᠰ ᠢᠶᠡᠷ ᠢᠶᠡᠨ ᠮᠠᠩᠯᠠᠢᠢᠯᠠᠭᠴᠢᠳ᠂ ᠭᠠᠪᠰᠢᠭᠠᠢᠢᠯᠠᠭᠴᠢᠳ ᠲᠤ ᠲᠥᠷᠥ ᠢᠢᠨ ᠴᠣᠯᠠ᠂ ᠣᠳᠣᠨ ᠮᠧᠳᠠᠯ ᠭᠠᠷᠳᠠᠭᠤᠯᠵᠤ ᠪᠠᠢᠢᠨᠠ. ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠭᠰᠡᠳ᠂ ᠲᠡᠳᠡᠨ ᠦ ᠭᠡᠷ ᠪᠦᠯᠢ᠂ ᠣᠢᠢᠷᠠ ᠳᠣᠲᠣᠨᠤ ᠢᠢᠨ ᠬᠢᠨ᠂ ᠬᠠᠮᠲᠤ ᠣᠯᠠᠨ ᠳᠤ ᠬᠠᠯᠠᠭᠤᠨ ᠪᠠᠶᠠᠷ ᠬᠦᠷᠭᠡᠶᠡ᠃
ᠬᠥᠭ᠍ᠵᠢᠯ ᠦᠨ ᠵᠣᠷᠢᠯᠭᠠ᠂ ᠠᠮᠢᠳᠤᠷᠠᠯ ᠤᠨ ᠤᠳᠬᠠ ᠤᠴᠢᠷ ᠨᠢ ᠬᠦᠮᠦᠰ ᠦᠨ ᠲᠥᠯᠥᠭᠡ᠂ ᠪᠤᠰᠤᠳ ᠲᠤ ᠰᠠᠢᠢᠨ ᠰᠠᠢᠢᠬᠠᠨ ᠢ ᠠᠪᠴᠢᠷᠠᠬᠤ ᠢᠢᠨ ᠲᠥᠯᠥᠭᠡ᠂ ᠡᠬᠡ ᠣᠷᠣᠨ ᠳᠤ ᠪᠠᠨ ᠢᠯᠡᠭᠦᠦ ᠰᠠᠢᠢᠨ ᠢ ᠪᠤᠢ ᠪᠣᠯᠭᠠᠬᠤ᠂ ᠪᠦᠲᠦᠭᠡᠬᠦ᠂ ᠥᠷᠨᠢᠭᠦᠯᠬᠦ ᠢᠢᠨ ᠲᠥᠯᠦᠭᠡᠬᠢ ᠴᠤᠴᠠᠯᠲᠠᠭᠦᠢ ᠬᠥᠳᠡᠯᠮᠦᠷᠢ ᠳᠥ ᠣᠷᠣᠰᠢᠳᠠᠭ᠃ ᠠᠵᠢᠯ ᠦᠢᠯᠡᠰ ᠲᠦ ᠪᠡᠨ ᠮᠠᠩᠯᠠᠢᠢᠯᠠᠭᠰᠠᠨ ᠬᠥᠳᠡᠯᠮᠦᠷᠢ᠂ ᠵᠢᠳᠬᠦᠯ ᠭᠠᠷᠭᠠᠭᠰᠠᠨ ᠢᠷᠭᠡᠳ ᠢᠶᠡᠨ ᠮᠣᠩᠭ᠋ᠣᠯ ᠤᠨ ᠲᠥᠷᠥ ᠰᠠᠢᠢᠰᠢᠶᠠᠨ ᠱᠠᠩᠨᠠᠬᠤ ᠨᠢ ᠴᠤ ᠵᠦᠢ ᠢᠢᠨ ᠬᠡᠷᠡᠭ ᠶᠤᠮ᠃
ᠥᠨᠥᠳᠥᠷ ᠲᠥᠷᠥ ᠢᠢᠨ ᠴᠣᠯᠠ᠂ ᠣᠳᠣᠨ ᠮᠧᠳᠠᠯ ᠢᠶᠠᠷ ᠱᠠᠩᠨᠠᠭᠳᠠᠭᠰᠠᠳ ᠤᠨ ᠳᠤᠮᠳᠠ ᠠᠭᠤᠯᠠ ᠢᠢᠨ ᠪᠠᠶᠠᠵᠢᠭᠤᠯᠬᠤ 《ᠡᠷᠳᠡᠨᠢᠲᠦ》 ᠦᠢᠯᠡᠳᠪᠦᠷᠢ ᠢᠢᠨ ᠥᠷᠥᠮ ᠦᠨ ᠮᠠᠱᠢᠨᠴᠢ ᠪᠠᠲᠤᠬᠦᠦ ᠢᠢᠨ ᠪᠠᠲᠤᠪᠠᠶᠠᠷ ᠭᠤᠸᠠᠢ ᠪᠠᠢᠢᠭᠠ᠃ ᠡᠨᠡ ᠦᠢᠯᠡᠳᠪᠦᠷᠢ ᠳᠥ 35 ᠵᠢᠯ ᠠᠵᠢᠯᠯᠠᠭᠰᠠᠨ ᠬᠦᠮᠦᠨ. ᠡᠨᠡ ᠵᠢᠯ 40 ᠵᠢᠯ ᠦᠨ ᠢᠶᠡᠨ ᠲᠡᠦᠬᠡᠲᠦ ᠣᠢ ᠢᠢ ᠲᠡᠮᠳᠡᠭᠯᠡᠵᠦ ᠪᠠᠢᠢᠭᠠ ᠲᠤᠰ ᠦᠢᠯᠡᠳᠪᠦᠷᠢ ᠢᠢᠨ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠦᠨ ᠲᠥᠯᠥᠭᠡ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠶᠡᠬᠡᠩᠬᠢ ᠴᠠᠭ ᠬᠤᠭᠤᠴᠠᠭᠠ ᠢᠢ ᠵᠠᠷᠤᠴᠠᠭᠤᠯᠤᠨ ᠦᠷᠡ ᠪᠦᠲᠦᠭᠡᠯᠲᠡᠢ ᠠᠵᠢᠯᠯᠠᠵᠤ ᠢᠷᠡᠭᠰᠡᠨ ᠲᠠᠨ ᠳᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠬᠥᠳᠡᠯᠮᠦᠷᠢ ᠢᠢᠨ ᠪᠠᠭᠠᠲᠤᠷ ᠴᠣᠯᠠ ᠣᠯᠭᠤᠵᠤ ᠪᠠᠢᠢᠨᠠ᠃ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠡᠳ᠋ ᠍ ᠦᠨ ᠵᠠᠰᠠᠭ ᠲᠤ ᠣᠯᠠᠨ ᠵᠢᠯ ᠦᠷᠡ ᠥᠭ᠍ᠭᠦᠭᠡᠵᠢ ᠪᠡᠨ ᠥᠭᠴᠦ ᠪᠤᠢ 《ᠡᠷᠳᠡᠨᠢᠲᠦ》 ᠦᠢᠯᠡᠳᠪᠦᠷᠢ ᠢᠢᠨ ᠬᠥᠳᠡᠯᠮᠦᠷᠢᠴᠢ ᠬᠠᠮᠲᠤ ᠣᠯᠠᠨ ᠤ 40 ᠵᠢᠯ ᠦᠨ ᠵᠢᠳᠬᠦᠯ ᠢ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠲᠥᠷᠥ ᠦᠨᠡᠯᠡᠵᠦ ᠪᠠᠢᠢᠭᠠ ᠢᠢᠨ ᠨᠢᠭᠡᠨ ᠵᠢᠱᠢᠶᠡ ᠨᠢ ᠡᠨᠡ ᠶᠤᠮ᠃
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠺᠣᠨ᠋ᠰᠧᠷᠸᠠᠲ᠋ᠣᠷ ᠤᠨ ᠪᠠᠭᠰᠢ ᠮᠢᠰᠢᠭ ᠦᠨ ᠴᠡᠷᠢᠩᠳᠣᠷᠵᠢ᠂ ᠮᠣᠩᠭ᠋ᠣᠯ ᠤᠨ ᠪᠣᠺᠰ ᠤᠨ ᠬᠣᠯᠪᠣᠭᠠᠨ ᠤ ᠵᠥᠪᠯᠡᠬᠦ ᠬᠠᠢᠢᠳᠤᠪ ᠤᠨ ᠠᠯᠲᠠᠨᠬᠤᠶᠠᠭ ᠨᠠᠷ ᠲᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠠᠷᠠᠳ ᠤᠨ ᠪᠠᠭᠰᠢ ᠴᠣᠯᠠ ᠢᠢ ᠣᠯᠭᠤᠵᠤ ᠪᠠᠢᠢᠨᠠ᠃ ᠲᠠ ᠪᠦᠬᠦᠨ ᠦ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠬᠦ ᠦᠢᠯᠡᠰ ᠲᠥ ᠭᠠᠷᠭᠠᠭᠰᠠᠨ ᠠᠮᠵᠢᠯᠲᠠ᠂ ᠵᠢᠳᠬᠦᠯ ᠢ ᠮᠣᠩᠭ᠋ᠣᠯᠴᠤᠳ ᠰᠠᠢᠢᠨ ᠮᠡᠳᠡᠨᠡ᠃
ᠮᠣᠩᠭ᠋ᠣᠯ ᠤᠨ ᠷᠠᠳᠢᠣ᠋ ᠍ ᠢᠢᠨ ᠨᠡᠪᠲᠡᠷᠡᠭᠦᠯᠦᠭᠴᠢ ᠭᠣᠮᠪᠣ ᠢᠢᠨ ᠷᠠᠪᠳᠠᠨ ᠲᠠᠨ ᠳᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠠᠷᠠᠳ ᠤᠨ ᠵᠦᠵᠦᠭᠡᠴᠢᠨ ᠴᠣᠯᠠ ᠣᠯᠭᠤᠯᠠ᠃ ᠲᠢᠶᠠᠲ᠋ᠷ᠂ ᠺᠢᠨᠣᠨ ᠤ ᠤᠷᠠᠯᠢᠭ ᠲᠤ ᠪᠦᠲᠦᠭᠡᠭ᠍ᠰᠡᠨ ᠴᠢᠳᠠᠪᠤᠷᠢᠯᠢᠭ᠋ ᠳᠦᠷᠢ ᠨᠦᠭᠦᠳ ᠪᠣᠯᠤᠨ ᠦᠭᠡ ᠢᠢᠨ ᠤᠷᠠᠯᠢᠭ᠂ ᠥᠭᠦᠯᠡᠬᠦ ᠠᠷᠭᠠ ᠵᠦᠢ ᠢᠢ ᠪᠦᠲᠦᠭᠡᠯᠴᠢ ᠪᠡᠷ ᠬᠥᠭ᠍ᠵᠢᠭᠦᠯᠬᠦ ᠦᠢᠯᠡᠰ ᠲᠥ ᠭᠠᠷᠭᠠᠭᠰᠠᠨ ᠠᠮᠵᠢᠯᠲᠠ᠂ ᠪᠦᠲᠦᠭᠡᠯ ᠢ ᠲᠠᠨᠢ ᠲᠥᠷᠥ ᠥᠨᠳᠥᠷ ᠢᠶᠡᠷ ᠦᠨᠡᠯᠡᠵᠦ ᠪᠠᠢᠢᠨᠠ᠃
ᠨᠡᠢᠢᠰᠯᠡᠯ ᠦᠨ 《ᠥᠷᠭᠥᠭᠡ》 ᠠᠮᠤᠷᠵᠢᠬᠤ ᠭᠠᠵᠠᠷ ᠤᠨ ᠡᠮᠴᠢ ᠮᠠᠰᠢᠯᠠᠢ ᠢᠢᠨ ᠡᠩᠬᠡᠲᠤᠶᠠᠭᠠ ᠲᠠᠨ ᠢ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠡᠮᠴᠢ ᠴᠣᠯᠠ ᠪᠠᠷ ᠱᠠᠩᠨᠠᠵᠤ ᠪᠠᠢᠢᠨᠠ᠃ ᠮᠣᠩᠭ᠋ᠣᠯᠴᠤᠳ ᠤᠨ ᠨᠠᠢᠢᠮᠠᠨ ᠬᠦᠮᠦᠨ ᠲᠤᠲᠤᠮ ᠤᠨ ᠨᠢᠭᠡ᠂ ᠨᠡᠢᠢᠰᠯᠡᠯᠴᠦᠳ ᠦᠨ ᠭᠤᠷᠪᠠᠨ ᠬᠦᠮᠦᠨ ᠲᠤᠲᠤᠮ ᠤᠨ ᠨᠢᠭᠡ ᠨᠢ 《ᠨᠢᠭᠡᠳᠦᠭᠡᠷ ᠲᠥᠷᠥᠬᠦ》 ᠭᠡᠵᠦ ᠣᠯᠠᠨᠠ ᠨᠡᠷᠡᠰᠢᠭᠰᠡᠨ ᠡᠨᠡ ᠡᠮᠨᠡᠯᠭᠡ ᠳᠥ ᠮᠡᠨᠳᠦᠯᠡᠭᠰᠡᠨ ᠪᠠᠢᠢᠳᠠᠭ ᠪᠥᠭᠡᠳ ᠡᠬᠡ ᠪᠠᠷᠢᠬᠤ ᠡᠮᠴᠢ᠂ ᠬᠦᠢ ᠢᠢᠨ ᠡᠵᠢ ᠨᠠᠷᠠ ᠢᠢ ᠲᠥᠯᠦᠭᠡᠯᠡᠭᠦᠯᠦᠨ ᠲᠠᠨ ᠤ ᠨᠥᠷᠢ ᠬᠢᠴᠢᠶᠡᠩᠭᠦᠢ ᠬᠥᠳᠡᠯᠮᠦᠷᠢ ᠢᠢ ᠮᠣᠩᠭ᠋ᠣᠯ ᠤᠨ ᠲᠥᠷᠥ ᠦᠨᠡᠯᠡᠵᠦ ᠪᠠᠢᠢᠭᠠ ᠶᠤᠮ᠃
ᠤᠰᠤᠵᠢᠭᠤᠯᠤᠯᠲᠠ᠂ ᠤᠰᠤᠨ ᠤ ᠰᠠᠯᠪᠤᠷᠢ ᠳᠤ ᠣᠯᠠᠨ ᠵᠢᠯ ᠦᠷᠡ ᠪᠦᠲᠦᠭᠡᠯ ᠲᠡᠢ ᠠᠵᠢᠯᠯᠠᠵᠤ᠂ ᠭᠣᠪᠢ ᠢᠢ ᠤᠰᠤᠵᠢᠭᠤᠯᠬᠤ ᠲᠥᠰᠥᠯ ᠦᠳ ᠦᠨ ᠲᠧᠭᠨᠢᠭ ᠦᠨ ᠦᠨᠳᠦᠰᠦᠯᠡᠯ ᠢ ᠪᠣᠯᠪᠠᠰᠤᠷᠠᠭᠤᠯᠬᠤ᠂ ᠡᠬᠡ ᠣᠷᠣᠨ ᠤ ᠪᠠᠨ ᠤᠰᠤᠨ ᠤ ᠨᠥᠭᠡᠴᠡ ᠢᠢᠨ ᠮᠧᠨᠧᠵᠮᠧᠨᠲ ᠦᠨ ᠲᠥᠯᠥᠪᠯᠡᠭᠡ ᠪᠣᠯᠪᠠᠰᠤᠷᠠᠭᠤᠯᠬᠤ ᠵᠡᠷᠭᠡ ᠦᠢᠯᠡᠰ ᠲᠥ ᠴᠢᠷᠮᠠᠢᠢᠨ ᠠᠵᠢᠯᠯᠠᠭᠰᠠᠨ ᠢ ᠲᠠᠨᠢ ᠦᠨᠡᠯᠡᠵᠦ ᠨᠣᠷᠫᠢᠯ ᠤᠨ ᠴᠠᠭᠨᠠ ᠲᠠᠨ ᠳᠤ ᠪᠠᠢᠢᠭᠠᠯᠢ ᠣᠷᠴᠢᠨ ᠤ ᠭᠠᠪᠢᠶᠠᠲᠤ ᠠᠵᠢᠯᠲᠠᠨ ᠴᠣᠯᠠ ᠣᠯᠭᠤᠵᠤ ᠪᠠᠢᠢᠨᠠ᠃
ᠳᠠᠷᠬᠠᠨ ᠠᠭᠤᠯᠠ ᠠᠢᠢᠮᠠᠭ ᠤᠨ ᠢᠷᠭᠡᠨ ᠪᠣᠭᠣᠵᠢ ᠢᠢᠨ ᠴᠡᠸᠡᠩ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠲᠠᠷᠢᠶᠠᠯᠠᠩᠴᠢ ᠴᠣᠯᠠ ᠪᠠᠷ ᠱᠠᠩᠨᠠᠭᠳᠠᠵᠤ ᠪᠠᠢᠢᠨᠠ᠃ 1961 ᠣᠨ ᠳᠤ ᠬᠣᠩᠭᠣᠷ ᠤᠨ ᠰᠠᠩ ᠤᠨ ᠠᠵᠤ ᠠᠬᠤᠢ ᠳᠤ ᠢᠯᠡᠭᠡᠯᠲᠡ ᠪᠡᠷ ᠢᠷᠡᠭᠰᠡᠨ ᠴᠠᠭ ᠠᠴᠠ ᠪᠠᠨ ᠬᠣᠢᠢᠰᠢ ᠥᠨᠥ ᠬᠦᠷᠲᠡᠯᠡ ᠲᠠᠷᠢᠶᠠᠯᠠᠩ ᠤᠨ ᠲᠠᠯᠠᠪᠠᠢ ᠳᠤ ᠵᠢᠳᠬᠦᠵᠦ᠂ ᠵᠠᠯᠠᠭᠤ ᠲᠠᠷᠢᠶᠠᠯᠠᠩᠴᠢᠳ᠂ ᠬᠠᠳᠤᠯᠠᠩᠴᠢᠳ ᠢ ᠰᠤᠷᠭᠠᠨ ᠳᠠᠳᠤᠯᠭᠠᠵᠢᠭᠤᠯᠵᠤ᠂ ᠨᠤᠲᠤᠭ ᠣᠷᠣᠨ ᠳᠤ ᠪᠠᠨ ᠬᠦᠮᠦᠯᠢᠭ ᠰᠡᠳᠬᠢᠯ ᠢ ᠲᠠᠷᠠᠭᠠᠵᠤ ᠶᠠᠪᠤᠭᠠ ᠢᠢ ᠲᠠᠨᠢ ᠡᠢᠢᠨ ᠬᠦ ᠦᠨᠡᠯᠡᠵᠦ ᠪᠠᠢᠢᠨᠠ᠃
ᠥᠨᠥᠳᠥᠷ ᠱᠠᠩᠨᠠᠯ ᠬᠦᠷᠲᠡᠵᠦ ᠪᠠᠢᠢᠭᠠ ᠪᠦᠬᠦ ᠮᠠᠩᠯᠠᠢᠢᠯᠠᠭᠴᠢᠳ᠂ ᠰᠠᠢᠢᠴᠤᠳ ᠲᠤ ᠬᠠᠯᠠᠭᠤᠨ ᠪᠠᠶᠠᠷ ᠬᠦᠷᠭᠡᠭᠡᠳ᠂ ᠠᠵᠢᠯ ᠠᠮᠢᠳᠤᠷᠠᠯ ᠳᠤ ᠲᠠᠨᠢ ᠰᠠᠢᠢᠨ ᠰᠠᠢᠢᠬᠠᠨ ᠪᠦᠬᠦᠨ ᠢ ᠬᠦᠰᠡᠨ ᠢᠷᠦᠭᠡᠶᠡ᠃
ᠦᠢᠯᠡᠰ᠂ ᠪᠤᠶᠠᠨ ᠲᠠᠨᠢ ᠰᠦᠨ ᠳᠠᠯᠠᠢ ᠰᠢᠭ ᠠᠷᠪᠢᠨ ᠪᠣᠯᠲᠤᠭᠠᠢ᠃
ᠥᠯᠵᠡᠢ᠂ ᠬᠤᠲᠤᠭ ᠲᠠᠨᠢ ᠰᠦᠮᠪᠦᠷ ᠠᠭᠤᠯᠠ ᠰᠢᠭ ᠪᠠᠲᠤ ᠪᠣᠯᠲᠤᠭᠠᠢ᠂
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠦᠷ ᠮᠣᠩᠭ᠋ᠣᠯ ᠤᠯᠤᠰ ᠡᠭᠦᠷᠢᠳᠡ ᠪᠠᠳᠠᠷᠠᠭ》 ᠭᠡᠯᠡ᠃
