ᠶᠡᠬᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠮᠡᠨᠳᠦᠯᠡᠭᠰᠡᠨ ᠦ 862 ᠵᠢᠯ ᠦᠨ ᠣᠢ᠂ «ᠮᠣᠩ᠋ᠭᠤᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ» ᠲ᠋ᠥ ᠵᠣᠷᠢᠭᠤᠯᠤᠭᠰᠠᠨ ᠤᠯᠤᠰ᠂ ᠠᠢᠢᠮᠠᠭ ᠤᠨ ᠠᠯᠳᠠᠷ᠂ ᠴᠣᠯᠠ ᠲᠠᠢ ᠥᠨᠳᠦᠷ ᠴᠢᠨᠰᠠᠭᠠ ᠲᠠᠢ ᠬᠦᠴᠦᠲᠦ 128 ᠪᠥᠬᠡ ᠢᠢᠨ ᠪᠠᠷᠢᠯᠳᠤᠭᠠᠨ ᠮᠣᠩ᠋ᠭᠤᠯ ᠪᠥᠬᠡ ᠢᠢᠨ ᠥᠷᠭᠦᠭᠡᠨ ᠳᠥ ᠪᠣᠯᠤᠯᠠ᠃
ᠡᠨᠡ ᠤᠳᠠᠭᠠ ᠢᠢᠨ ᠪᠠᠷᠢᠯᠳᠤᠭᠠᠨ ᠳᠤ ᠤᠪᠰᠤ ᠠᠢᠢᠮᠠᠭ ᠤᠨ ᠳᠠᠪᠤᠰᠤᠲᠤ ᠰᠤᠮᠤ ᠢᠢᠨ ᠬᠠᠷᠢᠶᠠᠲᠤ᠂ ᠤᠯᠤᠰ ᠤᠨ ᠠᠪᠤᠷᠭᠤ ᠫ᠊᠃ᠪᠦᠷᠢᠨᠲᠡᠭᠦᠰ᠂ ᠬᠣᠪᠳᠤ ᠠᠢᠢᠮᠠᠭ ᠤᠨ ᠪᠤᠶᠠᠨᠲᠤ ᠰᠤᠮᠤ ᠢᠢᠨ ᠬᠠᠷᠢᠶᠠᠲᠤ᠂ ᠤᠯᠤᠰ ᠤᠨ ᠠᠪᠤᠷᠭᠤ ᠣ᠊᠂ ᠬᠠᠩ᠋ᠭᠠᠢ ᠲᠡᠷᠢᠭᠦᠲᠡᠢ ᠬᠦᠴᠦᠲᠦ 128 ᠪᠥᠬᠡ ᠵᠣᠳᠤᠭᠯᠠᠭᠰᠠᠨ ᠠᠴᠠ ᠳᠤᠮᠳᠠᠭᠤᠪᠢ ᠠᠢᠢᠮᠠᠭ ᠤᠨ ᠡᠷᠳᠡᠨᠢᠳᠠᠯᠠᠢ ᠰᠤᠮᠤ ᠢᠢᠨ ᠬᠠᠷᠢᠶᠠᠲᠤ᠂ ᠤᠯᠤᠰ ᠤᠨ ᠬᠠᠷᠴᠠᠭᠠ ᠡ᠊᠂ ᠳᠠᠰᠢ ᠲᠦᠷᠦᠭᠦᠯᠡᠵᠦ᠂ ᠠᠷᠤᠬᠠᠩ᠋ᠭᠠᠢ ᠠᠢᠢᠮᠠᠭ ᠤᠨ ᠬᠠᠰᠢᠶᠠᠲᠤ ᠰᠤᠮᠤ ᠢᠢᠨ ᠬᠠᠷᠢᠶᠠᠲᠤ᠂ ᠤᠯᠤᠰ ᠤᠨ ᠵᠠᠭᠠᠨ ᠰ᠊᠂ ᠰᠦᠬᠡᠪᠠᠲᠤ ᠦᠵᠦᠭᠦᠷᠯᠡᠪᠡ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠤᠯᠤᠰ ᠤᠨ ᠬᠠᠷᠴᠠᠭᠠ ᠡᠷᠳᠡᠨᠢᠪᠠᠲᠤ ᠢᠢᠨ ᠳᠠᠰᠢ ᠳᠤ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠨᠡᠷᠡᠮᠵᠢᠲᠦ «ᠴᠢᠩᠭᠢᠰ ᠬᠠᠭᠠᠨ» ᠴᠣᠮᠤ ᠢᠢ ᠭᠠᠷᠳᠠᠭᠤᠯᠵᠤ᠂ ᠪᠠᠶᠠᠷ ᠬᠦᠷᠭᠡᠯᠡ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ 2024 ᠣᠨ ᠤ 11 ᠊ᠳ᠋ᠦᠭᠡᠷ ᠰᠠᠷᠠ ᠢᠢᠨ 02 ᠤ ᠡᠳᠦᠷ ᠦᠨ 165 ᠳ᠋ᠤᠭᠠᠷ ᠵᠠᠷᠯᠢᠭ ᠤᠨ ᠳᠠᠭᠠᠭᠤ ᠡᠨᠡ ᠬᠦ ᠴᠣᠮᠤ ᠪᠠᠷ «ᠮᠣᠩ᠋ᠭᠤᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ» ᠲ᠋ᠥ ᠵᠣᠷᠢᠭᠤᠯᠤᠭᠰᠠᠨ ᠪᠠᠷᠢᠯᠳᠤᠭᠠᠨ ᠳᠤ ᠲᠦᠷᠦᠭᠦᠯᠡᠭᠰᠡᠨ ᠪᠥᠬᠡ ᠢᠢ ᠱᠠᠩᠨᠠᠵᠤ ᠪᠠᠢᠢᠬᠤ ᠪᠠᠷ ᠰᠢᠢᠳᠪᠦᠷᠢᠯᠡᠭᠰᠡᠨ ᠶᠤᠮ᠃
ᠠᠩᠬᠠ ᠤᠳᠠᠭᠠ ᠬᠦᠷᠲᠡᠭᠡᠵᠦ ᠪᠤᠢ 126 ᠰᠮ ᠥᠨᠳᠦᠷ᠂ 18 кг ᠵᠢᠩ ᠲᠡᠢ᠂ ᠬᠦᠷᠡᠯ ᠴᠢᠳᠬᠤᠮᠠᠯ᠂ ᠠᠯᠲᠠᠨ ᠰᠢᠷᠠᠮᠠᠯ «ᠴᠢᠩᠭᠢᠰ ᠬᠠᠭᠠᠨ» ᠴᠣᠮᠤ ᠢᠢᠨ ᠨᠢᠭᠤᠷ ᠦᠨ ᠲᠠᠯᠠ ᠳᠤ «ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠣᠣᠷᠠ ᠮᠣᠩ᠋ᠭᠤᠯ ᠤᠯᠤᠰ ᠮᠠᠨᠳᠤᠨ ᠪᠠᠳᠤᠷᠠᠬᠤ ᠪᠣᠯᠲᠤᠭᠠᠢ» ᠬᠡᠮᠡᠨ ᠮᠣᠩ᠋ᠭᠤᠯ ᠪᠢᠴᠢᠭ᠌ ᠢᠶᠡᠷ ᠪᠢᠴᠢᠵᠦ᠂ ᠠᠷᠤ ᠲᠠᠯᠠ ᠳᠤ ᠶᠡᠬᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠣᠩ᠋ᠭᠢ ᠲᠠᠮᠠᠭᠠ ᠢᠢ ᠮᠥᠩᠬᠡᠯᠡᠭᠰᠡᠨ ᠪᠠᠢᠢᠨᠠ᠃
ᠴᠣᠮᠤ ᠢᠢ ᠤᠷᠠᠨ ᠪᠦᠲᠦᠭᠡᠯᠴᠢ᠂ ᠵᠢᠷᠤᠭᠠᠴᠢ᠂ ᠳ᠋ᠢᠽᠠᠢᠢᠨ᠋᠋ᠧᠷ ᠰ᠊᠂ ᠴᠢᠯᠠᠭᠤᠨᠪᠠᠭᠠᠲᠤᠷ ᠪᠦᠲᠦᠭᠡᠭ᠍ᠰᠡᠨ ᠪᠥᠭᠡᠳ ᠳᠥᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠣᠪᠬᠢᠰ ᠲᠤ ᠠᠮᠢᠳᠤᠷᠠᠨ ᠰᠠᠭᠤᠭᠠ ᠮᠣᠩ᠋ᠭᠤᠯᠴᠤᠳ ᠠᠮᠤᠷ ᠠᠮᠤᠭᠤᠯᠠᠩ᠂ ᠳᠠᠢᠢᠴᠢᠨ ᠴᠣᠭ ᠲᠠᠢ᠂ ᠬᠡᠢᠢᠮᠣᠷᠢᠯᠢᠭ᠌ ᠪᠠᠢᠢᠵᠤ᠂ ᠮᠣᠩ᠋ᠭᠤᠯ ᠤᠯᠤᠰ ᠮᠥᠩᠬᠡ ᠳᠥ ᠣᠷᠤᠰᠢᠨ ᠪᠠᠢᠢᠬᠤ ᠪᠡᠯᠭᠡᠳᠡᠯ ᠢ ᠳᠦᠷᠰᠦᠯᠦᠨ ᠤᠷᠠᠯᠠᠵᠡᠢ᠃
ᠲᠤᠰ ᠴᠣᠮᠤ ᠨᠢ «ᠮᠣᠩ᠋ᠭᠤᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ» ᠲ᠋ᠥ ᠵᠣᠷᠢᠭᠤᠯᠤᠭᠰᠠᠨ ᠪᠠᠷᠢᠯᠳᠤᠭᠠᠨ ᠤ ᠲᠦᠷᠦᠭᠦᠦ ᠪᠥᠬᠡ ᠳᠥ ᠰᠢᠯᠵᠢᠨ ᠶᠠᠪᠤᠬᠤ ᠶᠤᠮ᠃ ᠮᠥᠨ «ᠴᠢᠩᠭᠢᠰ ᠬᠠᠭᠠᠨ» ᠴᠣᠮᠤ ᠢᠢᠨ ᠵᠢᠵᠢᠭ ᠬᠤᠪᠢᠯᠪᠤᠷᠢ ᠢᠢ ᠵᠢᠯ ᠪᠦᠷᠶ ᠢᠢᠨ ᠲᠦᠷᠦᠭᠦᠦ ᠪᠥᠬᠡ ᠳᠦ ᠬᠠᠳᠠᠭᠠᠯᠠᠭᠤᠯᠤᠨᠠ᠃
