XVII ᠵᠢᠷᠠᠨ ᠤ 《ᠡᠯᠳᠡᠪ ᠡᠷᠳᠡᠨᠢᠲᠦ》 ᠬᠡᠮᠡᠬᠦ ᠮᠣᠳᠤᠨ ᠮᠣᠭᠠᠢ ᠵᠢᠯ ᠦᠨ ᠰᠠᠷ ᠠ ᠰᠢᠨᠡ ᠢᠢᠨ ᠪᠠᠶᠠᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠥᠨᠦᠳᠦᠷ ᠮᠣᠷᠢᠨ ᠴᠠᠭ ᠲᠤ 《ᠴᠢᠩᠭᠢᠰ ᠬᠠᠭᠠᠨ》 ᠦᠨᠳᠦᠰᠦᠨ ᠦ ᠮᠦᠽᠧᠢ ᠢᠢᠨ ᠶᠡᠬᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ ᠤ ᠠᠯᠲᠠᠨ ᠬᠥᠰᠢᠢ ᠡ᠂ ᠰᠢᠲᠦᠭᠡᠨ ᠶᠡᠬᠡ ᠴᠠᠭᠠᠨ ᠲᠤᠭ᠂ ᠲᠥᠷᠦ ᠢᠢᠨ ᠬᠠᠰᠪᠤᠤ ᠲᠠᠮᠠᠭᠠ ᠢᠢᠨ ᠬᠠᠮᠲᠤ ᠭᠦᠨᠳᠦᠳᠬᠡᠨ ᠵᠠᠯᠠᠭᠰᠠᠨ ᠶᠡᠬᠡ ᠬᠠᠭᠠᠨ ᠤ ᠥᠷᠭᠦᠭᠡᠨ ᠳᠥ 《ᠮᠥᠩᠬᠡ ᠰᠠᠢᠢᠬᠠᠨ ᠲᠥᠷᠦᠲᠦ ᠠᠯᠲᠠᠨ ᠲᠣᠷᠴᠠ》 ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠬᠠᠢᠢᠯᠠᠯ ᠠ᠃
ᠤᠭ ᠲᠤᠤᠯᠢ ᠢᠢ ᠮᠣᠩᠭ᠋ᠤᠯ ᠤᠯᠤᠰ ᠤᠨ ᠰᠣᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ᠂ ᠲᠤᠤᠯᠢᠴᠢ ᠠ᠊᠂ ᠪᠠᠯᠳᠠᠨᠳᠣᠷᠵᠢ᠂ ᠮᠣᠩᠭ᠋ᠤᠯ ᠤᠯᠤᠰ ᠤᠨ ᠰᠣᠶᠤᠯ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ᠂ ᠲᠤᠤᠯᠢᠴᠢ ᠡ᠊᠂ ᠪᠠᠭᠠᠲᠠᠷᠵᠠᠪ ᠨᠠᠷ ᠬᠠᠢᠢᠯᠠᠪᠠ᠃ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠻᠠᠳᠧᠮᠢ ᠢᠢᠨ ᠬᠡᠯᠡ ᠵᠣᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ ᠦᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠲᠡᠷᠢᠭᠦᠯᠡᠬᠦ ᠠᠵᠢᠯᠲᠠᠨ᠂ ᠲᠤᠤᠯᠢ ᠰᠤᠳᠤᠯᠤᠭᠠᠴᠢ᠂ ᠳ᠋ᠣᠻᠲ᠋ᠣᠷ ᠲ᠂ ᠪᠠᠶᠠᠰᠬᠤᠯᠠᠩ᠂ 《ᠮᠣᠩᠭ᠋ᠤᠯ ᠳᠤᠮᠤᠭ ᠲᠤᠤᠯᠢ》 ᠬᠣᠯᠪᠤᠭᠠᠨ ᠤ ᠲᠥᠯᠦᠭᠡᠯᠡᠨ ᠤᠳᠤᠷᠢᠳᠬᠤ ᠵᠥᠪᠯᠡᠯ ᠦᠨ ᠭᠡᠰᠢᠭᠦᠨ᠂ ᠲᠤᠤᠯᠢ ᠰᠤᠳᠤᠯᠤᠭᠠᠴᠢ᠂ ᠰᠣᠶᠤᠯ ᠰᠤᠳᠤᠯᠤᠯ ᠤᠨ ᠳ᠋ᠣᠻᠲ᠋ᠣᠷᠠᠨ᠋ᠲ᠋ ᠰ᠂ ᠨᠠᠷᠠᠨᠬᠦ᠋ᠦ ᠨᠠᠷ ᠮᠣᠩᠭ᠋ᠤᠯ ᠲᠤᠤᠯᠢ ᠬᠠᠢᠢᠯᠠᠬᠤ ᠵᠠᠩ ᠦᠢᠯᠡ᠂ ᠲᠤᠤᠯᠢ ᠢᠢᠨ ᠬᠡᠯᠬᠢᠶ ᠡ ᠬᠣᠯᠪᠤᠭᠠ᠂ ᠤᠭ ᠦᠨᠳᠦᠰᠦ ᠢᠢᠨ ᠤᠳᠬ ᠠ ᠵᠠᠩᠭᠢᠯᠠᠭᠠ ᠢᠢ ᠲᠠᠢᠢᠯᠪᠤᠷᠢᠯᠠᠪᠠ᠃
ᠶᠦᠨᠧᠰᠻᠣ ᠠᠴᠠ ᠮᠣᠩᠭ᠋ᠤᠯ ᠲᠤᠤᠯᠢ ᠢᠢ 2009 ᠣᠨ ᠳᠤ 《ᠶᠠᠭᠠᠷᠠᠯᠲᠠᠢ ᠬᠠᠮᠠᠭᠠᠯᠠᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠰᠣᠶᠤᠯ ᠤᠨ ᠪᠡᠶᠡᠲᠦ ᠪᠤᠰᠤ ᠥᠪ ᠦᠨ ᠵᠢᠭ᠌ᠰᠠᠭᠠᠯᠲᠠ》 ᠳ᠋ᠤ ᠪᠦᠷᠢᠳᠬᠡᠭ᠍ᠰᠡᠨ ᠨᠢ ᠲᠡᠭᠦᠨ ᠦ ᠦᠨᠡ ᠴᠡᠨᠡ ᠢᠢ ᠳᠠᠷᠬᠠᠯᠠᠵᠤ᠂ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠦ ᠰᠣᠶᠤᠯ ᠤᠨ ᠥᠪ ᠰᠠᠩ ᠤᠨ ᠰᠠᠯᠤᠰᠢ ᠦᠭᠡᠢ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠭᠡᠳᠡᠭ ᠢ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠵᠦ᠂ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠪᠠᠲᠤᠯᠭᠠᠵᠢᠭᠤᠯᠤᠭᠰᠠᠨ ᠬᠡᠷᠡᠭ ᠶᠤᠮ᠃ ᠡᠢᠢᠮᠦ ᠡᠴᠡ ᠮᠣᠩᠭ᠋ᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ 2019 ᠣᠨ ᠳᠤ 《ᠮᠣᠩᠭ᠋ᠤᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠢᠢᠠᠨ ᠳᠡᠭᠡᠳᠦᠯᠡᠨ ᠳᠡᠯᠭᠡᠷᠡᠭᠦᠯᠬᠦ ᠲᠤᠬᠠᠢ》 ᠵᠠᠷᠯᠢᠭ ᠭᠠᠷᠭᠠᠵᠤ᠂ ᠵᠢᠯ ᠪᠦᠷᠢ ᠢᠢᠨ ᠴᠠᠭᠠᠨ ᠰᠠᠷ ᠠ ᠢᠢᠨ ᠪᠠᠶᠠᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠬᠠᠪᠤᠷ ᠤᠨ ᠲᠡᠷᠢᠭᠦᠨ ᠰᠠᠷ ᠠ ᠢᠢᠨ ᠰᠢᠨᠡ ᠢᠢᠨ ᠭᠤᠷᠪᠠᠨ ᠤ ᠡᠳᠦᠷ ᠪᠣᠯᠤᠨ ᠮᠣᠩᠭ᠋ᠤᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠡᠪᠦᠯ ᠦᠨ ᠲᠡᠷᠢᠭᠦᠨ ᠰᠠᠷ ᠠ ᠢᠢᠨ ᠰᠢᠨᠡ ᠢᠢᠨ ᠭᠤᠷᠪᠠᠨ ᠤ ᠡᠳᠦᠷ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠬᠠᠢᠢᠯᠠᠳᠠᠭ ᠤᠯᠠᠮᠵᠢᠯᠠᠯ ᠲᠣᠭᠲᠠᠭᠠᠳ ᠪᠠᠢᠢᠨᠠ᠃
