ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠣᠷᠤᠰ ᠤᠨ ᠬᠣᠯᠪᠤᠭᠠᠨ ᠤ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠸᠯᠠᠳᠢᠮᠢᠷ ᠫᠦᠲ᠋ᠢᠨ ᠦ ᠤᠷᠢᠯᠭᠠ ᠪᠠᠷ ᠠᠤᠭᠠ ᠶᠡᠬᠡ ᠡᠬᠡ ᠣᠷᠤᠨ ᠤ ᠳᠠᠢᠢᠨ ᠤ ᠢᠯᠠᠯᠲᠠ ᠢᠢᠨ ᠲᠡᠦᠬᠡᠲᠦ 80 ᠵᠢᠯ ᠦᠨ ᠣᠢ ᠢᠢᠨ ᠪᠠᠶᠠᠷ ᠤᠨ ᠶᠣᠰᠤᠯᠠᠯ ᠳᠤ ᠣᠷᠤᠯᠴᠠᠵᠤ ᠪᠠᠢᠢᠨᠠ᠃
ᠶᠡᠷᠦᠩᠬᠡᠢᠢᠯᠡᠭᠴᠢ ᠤ·ᠬᠦᠷᠡᠯᠰᠦ᠋ᠬᠡ ᠣᠷᠤᠰ ᠤᠨ ᠬᠣᠯᠪᠤᠭᠠᠨ ᠤ ᠤᠯᠤᠰ ᠤᠨ ᠨᠡᠢᠢᠰᠯᠡᠯ ᠮᠣᠰᠻᠸᠠ ᠬᠣᠲᠠ ᠢᠢᠨ ᠬᠦᠨᠳᠦᠳᠬᠡᠯ ᠦᠨ ᠳᠡᠨᠵᠢ ᠳ᠋ᠡᠬᠢ «ᠢᠯᠠᠯᠲᠠ ᠢᠢᠨ ᠴᠡᠴᠡᠷᠯᠢᠭ ᠲᠥ ᠬᠦᠷᠢᠶᠡᠯᠡᠩ» ᠳ᠋ᠥ ᠮᠣᠩ᠋ᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠡᠴᠡ ᠪᠡᠯᠡᠭ ᠪᠣᠯᠭᠠᠭᠰᠠᠨ «ᠢᠯᠠᠯᠲᠠ ᠳᠤ ᠲᠡᠮᠡᠦᠯᠦᠭᠰᠡᠨ ᠮᠣᠷᠢᠳ» ᠬᠥᠰᠢᠶᠡᠨ ᠳᠥ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠦᠯᠡ᠃
ᠡᠨᠡ ᠬᠥᠰᠢᠶᠡ ᠨᠢ ᠳᠠᠢᠢᠨ ᠤ ᠬᠦᠨᠳᠦ ᠵᠢᠯ ᠦᠳ ᠲᠥ ᠮᠣᠩ᠋ᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠵᠥᠪᠯᠡᠯᠲᠦ ᠬᠣᠯᠪᠤᠭᠠᠲᠤ ᠤᠯᠤᠰ ᠲᠤ ᠳᠤᠯᠠᠭᠠᠨ ᠬᠤᠪᠴᠠᠰᠤ᠂ ᠬᠦᠨᠡᠰᠦ᠂ ᠠᠭᠲᠠ ᠮᠣᠷᠢ ᠨᠡᠢᠢᠯᠡᠭᠦᠯᠵᠦ᠂ «ᠬᠤᠪᠢᠰᠬᠠᠯᠲᠤ ᠮᠣᠩ᠋ᠭᠤᠯ» ᠲᠠᠩᠻ ᠤᠨ ᠴᠤᠪᠠᠭᠠ᠂ «ᠮᠣᠩ᠋ᠭᠤᠯ ᠠᠷᠠᠳ» ᠨᠢᠰᠬᠦ ᠣᠩ᠋ᠭᠤᠴᠠ ᠢᠢᠨ ᠧᠻᠰᠠᠳ᠋ᠷᠢᠯᠢ ᠬᠠᠨᠳᠢᠪᠯᠠᠭᠰᠠᠨ ᠢ ᠪᠡᠯᠭᠡᠳᠡᠳᠡᠭ ᠶᠤᠮ᠃
ᠬᠥᠰᠢᠶᠡᠨ ᠦ ᠬᠠᠨᠠ ᠳᠤ «ᠮᠣᠩ᠋ᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠠᠤᠭᠠ ᠶᠡᠬᠡ ᠡᠬᠡ ᠣᠷᠤᠨ ᠤ ᠳᠠᠢᠢᠨ ᠤ ᠡᠬᠢᠨ ᠦ ᠡᠳᠦᠷ ᠡᠴᠡ ᠵᠥᠪᠯᠡᠯᠲᠦ ᠢᠢᠨ ᠠᠷᠠᠳ ᠲᠦᠮᠡᠨ ᠦ ᠦᠨᠡᠨᠴᠢ ᠬᠣᠯᠪᠤᠭᠠᠲᠠᠨ ᠪᠠᠢᠢᠵᠤ᠂ ᠲᠠᠩᠻ ᠤᠨ ᠴᠤᠪᠠᠭᠠ᠂ ᠨᠢᠰᠬᠦ ᠣᠩ᠋ᠭᠤᠴᠠ ᠢᠢᠨ ᠧᠻᠰᠠᠳ᠋ᠷᠢᠯᠢ ᠂ ᠬᠠᠭᠠᠰ ᠰᠠᠶᠠ ᠠᠭᠲᠠ ᠮᠣᠷᠢ᠂ ᠪᠤᠰᠤᠳ ᠪᠡᠯᠡᠭ ᠦᠨ ᠴᠤᠪᠠᠭᠠ ᠢᠢ ᠢᠯᠡᠭᠡᠨ᠂ ᠶᠡᠬᠡ ᠢᠯᠠᠯᠲᠠ ᠳᠤ ᠬᠤᠪᠢ ᠨᠡᠮᠡᠷᠢ ᠪᠡᠨ ᠣᠷᠤᠭᠤᠯᠤᠭᠰᠠᠨ ᠪᠢᠯᠡ» ᠬᠡᠮᠡᠨ ᠮᠣᠩ᠋ᠭᠤᠯ᠂ ᠣᠷᠤᠰ ᠬᠡᠯᠡ ᠪᠡᠷ ᠰᠡᠢᠢᠯᠵᠡᠶ᠃
ᠢᠷᠭᠡᠨ ᠭ·ᠭᠠᠩᠪᠠᠶᠠᠷ ᠤᠨ ᠰᠠᠨᠠᠭᠠᠴᠢᠯᠠᠭᠰᠠᠨ᠂ ᠤᠷᠠᠨ ᠪᠠᠷᠢᠮᠠᠯᠴᠢ ᠠ᠊·ᠸᠴᠢᠷᠪᠣᠯᠤᠳ᠂ ᠠᠷᠬᠢᠲ᠋ᠧᠻᠲ᠋ᠣᠷ ᠠ᠊·ᠻ᠊·ᠲᠢᠾᠣᠨᠣᠸ᠂ ᠸ·ᠸ·ᠫᠧᠷᠹᠢᠯᠢᠶᠧᠸ ᠨᠠᠷ ᠤᠨ ᠵᠢᠷᠤᠭ ᠲᠥᠰᠦᠯ ᠢᠶᠡᠷ ᠪᠦᠲᠦᠭᠡᠭ᠍ᠰᠡᠨ ᠬᠥᠰᠢᠶᠡ ᠢᠢ 2017 ᠣᠨ ᠤ 05 ᠳ᠋ᠤᠭᠠᠷ ᠰᠠᠷᠠ ᠢᠢᠨ 05 ᠤ ᠡᠳᠦᠷ ᠪᠤᠶᠤ ᠢᠯᠠᠯᠲᠠ ᠢᠢᠨ ᠪᠠᠶᠠᠷ ᠤᠨ ᠡᠮᠦᠨᠡᠬᠡᠨ «ᠢᠯᠠᠯᠲᠠ ᠢᠢᠨ ᠴᠡᠴᠡᠷᠯᠢᠭ ᠲᠥ ᠬᠦᠷᠢᠶᠡᠯᠡᠩ» ᠳ᠋ᠥ ᠪᠠᠢᠢᠷᠢᠯᠠᠭᠤᠯᠤᠭᠰᠠᠨ ᠶᠤᠮ᠃
ᠮᠣᠩ᠋ᠭᠤᠯ ᠤᠨ ᠲᠥᠷᠦ᠂ ᠵᠠᠰᠠᠭ᠂ ᠮᠣᠩ᠋ᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠳᠠᠢᠢᠨ ᠤ ᠡᠬᠢᠨ ᠦ ᠡᠳᠦᠷ ᠡᠴᠡ «ᠪᠦᠬᠦᠨ ᠢ ᠹᠷᠣᠨ᠋ᠲ ᠲᠤ᠂ ᠪᠦᠬᠦᠨ ᠢ ᠢᠯᠠᠯᠲᠠ ᠢᠢᠨ ᠲᠥᠯᠦᠭᠡ» ᠤᠷᠢᠶᠠᠨ ᠳᠣᠣᠷᠠ ᠵᠥᠪᠯᠡᠯᠲᠦ ᠢᠢᠨ ᠠᠷᠠᠳ ᠲᠦᠮᠡᠨ ᠳᠥ ᠲᠠᠩᠻ ᠤᠨ ᠴᠤᠪᠠᠭᠠ᠂ ᠨᠢᠰᠬᠦ ᠣᠩ᠋ᠭᠤᠴᠠ ᠢᠢᠨ ᠧᠻᠰᠠᠳ᠋ᠷᠢᠯᠢ ᠂ 500 ᠮᠢᠩ᠋ᠭᠠᠨ ᠠᠭᠲᠠ ᠮᠣᠷᠢ ᠨᠡᠢᠢᠯᠡᠭᠦᠯᠵᠦ᠂ ᠨᠣᠣᠰᠤ᠂ ᠨᠡᠬᠡᠶ ᠪᠡᠷ ᠬᠢᠭ᠍ᠰᠡᠨ ᠳᠤᠯᠠᠭᠠᠨ ᠬᠤᠪᠴᠠᠰᠤ ᠪᠣᠯᠤᠨ ᠮᠢᠬᠠ᠂ ᠰᠦᠨ ᠪᠦᠲᠦᠭᠡᠭ᠍ᠳᠡᠬᠦᠨ᠂ ᠬᠦᠨᠡᠰᠦ ᠪᠦᠬᠦᠢ 740 ᠸᠠᠭᠣᠨ ᠲᠤᠰᠠᠯᠠᠮᠵᠢ ᠢᠢᠨ ᠪᠠᠷᠠᠭᠠ ᠢᠯᠡᠭᠡᠭ᠍ᠰᠡᠨ ᠲᠡᠦᠬᠡ ᠲᠡᠢ᠃
