ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠮᠣᠩ᠋ᠭᠤᠯ ᠤᠨ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠬᠣᠯᠪᠤᠭᠠᠨ ᠤ ᠦᠨᠳᠦᠰᠦᠨ ᠦ ᠳᠡᠭᠡᠳᠦ ᠯᠢᠭᠢ ᠢᠢᠨ ᠶᠢᠰᠦᠨ ᠤᠳᠠᠭᠠ ᠢᠢᠨ ᠠᠪᠤᠷᠭᠤ «ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ ᠤᠨ ᠪᠦᠷᠢᠯᠳᠦᠬᠦᠨ ᠢ ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠯᠠ᠃
«ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ ᠤᠨ ᠭᠠᠷᠭᠠᠵᠤ ᠪᠠᠢᠢᠭᠠ ᠠᠮᠵᠢᠯᠲᠠ ᠬᠡᠦᠬᠡᠳ᠂ ᠵᠠᠯᠠᠭᠤᠰ ᠲᠤ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠵᠤ᠂ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠰᠫᠣᠷᠲ ᠢᠶᠠᠷ ᠬᠢᠴᠢᠶᠡᠯᠯᠡᠬᠦ ᠰᠣᠨᠢᠷᠬᠠᠯ ᠲᠥᠷᠦᠭᠦᠯᠵᠦ ᠪᠠᠢᠢᠭᠠ ᠢᠢ ᠶᠡᠷᠦᠩᠬᠡᠢᠢᠯᠡᠭᠴᠢ ᠲᠡᠮᠳᠡᠭᠯᠡᠯᠡ᠃
ᠪᠠᠭ ᠤᠨ ᠬᠠᠮᠲᠤ ᠣᠯᠠᠨ ᠦᠨᠳᠦᠰᠦᠨ ᠦ ᠳᠡᠭᠡᠳᠦ ᠯᠢᠭᠢ ᠡᠴᠡ ᠭᠠᠳᠠᠨᠠ ᠠᠽᠢ ᠢᠢᠨ ᠠᠪᠤᠷᠭᠤ ᠨᠤᠭᠤᠳ ᠤᠨ ᠯᠢᠭᠢ ᠢᠢᠨ ᠵᠡᠭᠦᠨ ᠠᠽᠢ ᠢᠢᠨ ᠠᠪᠤᠷᠭᠤ ᠪᠣᠯᠤᠨ ᠬᠦᠷᠡᠯ ᠮᠧᠳᠠᠯᠢ ᠬᠦᠷᠲᠡᠵᠦ᠂ ᠡᠨᠡ ᠣᠨ ᠤ ᠰᠡᠭᠦᠯ ᠢᠶᠡᠷ ᠪᠣᠯᠬᠤ ᠵᠡᠭᠦᠨ ᠠᠽᠢ ᠢᠢᠨ ᠰᠦᠫᠧᠷ ᠯᠢᠭᠢ ᠳᠥ ᠣᠷᠤᠯᠴᠠᠬᠤ ᠮᠣᠩ᠋ᠭᠤᠯ ᠤᠨ ᠠᠩᠬᠠᠨ ᠤ ᠪᠠᠭ ᠢᠶᠠᠷ ᠰᠢᠯᠭᠠᠷᠠᠨ᠂ ᠲ᠋ᠢᠢᠪ ᠦᠨ ᠢᠶᠡᠨ ᠰᠢᠯᠢᠳᠡᠭ ᠭᠤᠷᠪᠠᠨ ᠪᠠᠭ ᠤᠨ ᠨᠢᠭᠡ ᠪᠣᠯᠤᠭᠰᠠᠨ ᠳᠤ ᠪᠠᠶᠠᠷ ᠬᠦᠷᠭᠡᠵᠦ᠂ ᠠᠮᠵᠢᠯᠲᠠ ᠬᠦᠰᠡᠯᠡ᠃
ᠬᠣᠭᠤᠷᠤᠨᠳᠤ ᠢᠢᠨ ᠦᠯᠦ ᠣᠢᠢᠯᠠᠭᠠᠯᠴᠠᠯ ᠠᠴᠠ ᠪᠣᠯᠵᠤ ᠲᠤᠰ ᠲᠤ ᠪᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠵᠤ ᠪᠠᠢᠢᠭᠰᠠᠨ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠬᠣᠯᠪᠤᠭᠠᠳ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ·ᠬᠦᠷᠡᠯᠰᠦ᠋ᠬᠡ ᠢᠢᠨ ᠰᠠᠨᠠᠭᠠᠴᠢᠯᠠᠭᠠ᠂ ᠳᠡᠮᠵᠢᠯᠭᠡ ᠪᠡᠷ ᠨᠢᠭᠡᠳᠦᠭᠰᠡᠨ᠃
ᠨᠢᠭᠡ ᠵᠣᠷᠢᠯᠭᠠ᠂ ᠲᠣᠭᠲᠠᠪᠤᠷᠢ ᠲᠠᠢ ᠪᠣᠳᠤᠯᠭᠠ᠂ ᠵᠥᠪ ᠮᠧᠨᠧᠵᠮᠧᠨ᠋ᠲ᠂ ᠰᠠᠬᠢᠯᠭᠠ ᠪᠠᠲᠤ ᠢᠢᠨ ᠳ᠋ᠦᠩ ᠳᠥ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠰᠫᠣᠷᠲ ᠤᠯᠠᠮ ᠬᠤᠷᠳᠤᠴᠠ ᠲᠠᠢ ᠬᠥᠭ᠍ᠵᠢᠵᠦ᠂ ᠠᠮᠵᠢᠯᠲᠠ ᠭᠠᠷᠭᠠᠵᠤ ᠪᠠᠢᠢᠭᠠ ᠢᠢ «ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ ᠤᠨ ᠡᠵᠡᠨ᠂ ᠬᠥᠷᠦᠩ᠋ᠭᠡ ᠣᠷᠤᠭᠤᠯᠤᠭᠴᠢ ᠵ·ᠪᠠᠲᠤ-ᠢᠷᠡᠭᠡᠳᠦᠶ ᠬᠡᠯᠡᠯᠡ᠃
2024-2025 ᠣᠨ ᠤ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠰᠢᠭᠰᠢᠭᠡ ᠪᠠᠭ ᠤᠨ ᠪᠦᠷᠢᠯᠳᠦᠬᠦᠨ ᠳᠥ ᠲᠤᠰ ᠪᠠᠭ ᠤᠨ ᠲᠠᠪᠤᠨ ᠲᠠᠮᠢᠷᠴᠢᠨ ᠪᠠᠭᠳᠠᠭᠰᠠᠨ ᠪᠠᠢᠢᠨᠠ᠃
ᠪᠠᠭ ᠤᠨ ᠬᠠᠮᠲᠤ ᠣᠯᠠᠨ ᠬᠠᠮᠲᠤᠷᠠᠭᠴᠢ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠪᠣᠯᠤᠨ ᠳᠡᠮᠵᠢᠭ᠍ᠴᠢᠳ ᠦᠨ ᠢᠶᠡᠨ ᠬᠠᠮᠲᠤ «ᠰᠫᠣᠷᠲ ᠪᠢᠽᠢᠨᠧᠰ ᠹᠣᠷᠦᠢᠮ»᠂ ᠣᠯᠠᠨ ᠨᠡᠢᠢᠲᠡ᠂ ᠵᠠᠯᠠᠭᠤᠴᠤᠳ ᠤᠨ ᠳᠤᠮᠳᠠ ᠡᠪ ᠨᠢᠭᠡᠳᠦᠯ᠂ ᠰᠫᠣᠷᠲ ᠤᠨ ᠦᠨᠡᠲᠦ ᠵᠦᠢᠯ ᠳᠥ ᠤᠷᠢᠶᠠᠯᠠᠭᠰᠠᠨ ᠪᠠᠶᠠᠷ ᠤᠨ ᠵᠢᠭ᠌ᠰᠠᠭᠠᠯ ᠵᠡᠷᠭᠡ ᠢᠢ ᠵᠢᠯ ᠪᠦᠷᠢ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠪᠠᠷ ᠲᠥᠯᠦᠪᠯᠡᠵᠡᠶ᠃
«ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ ᠤᠨ ᠮᠧᠨᠧᠵᠮᠧᠨ᠋ᠲ ᠢ «ᠭᠦᠨ ᠳᠥ ᠢᠨ᠋ᠸᠧᠰᠲ᠋ᠮᠧᠨ᠋ᠲ᠋» ᠾᠣᠯᠳᠠᠩ ᠤᠨ ᠬᠥᠷᠦᠩ᠋ᠭᠡ ᠣᠷᠤᠭᠤᠯᠤᠯᠲᠠ ᠲᠠᠢ «ᠬᠦᠯᠦᠭ ᠦᠳ ᠰᠫᠣᠷᠲ ᠮᠧᠨᠧᠵᠮᠧᠨ᠋ᠲ» ᠻᠣᠮᠫᠠᠨᠢ ᠬᠠᠷᠢᠭᠤᠴᠠᠳᠠᠭ ᠪᠥᠭᠡᠳ ᠦᠨᠳᠦᠰᠦᠨ ᠦ ᠳᠡᠭᠡᠳᠦ ᠯᠢᠭᠢ ᠢᠢᠨ ᠡᠷᠡᠭᠲᠡᠶ᠂ ᠡᠮᠡᠭᠲᠡᠶ ᠪᠠᠭ ᠠᠴᠠ ᠭᠠᠳᠠᠨᠠ «ᠬᠦᠯᠦᠭ ᠦᠳ» ᠠᠻᠠᠳᠧᠮᠢ ᠪᠠᠷ ᠳᠠᠮᠵᠢᠭᠤᠯᠤᠨ ᠵᠠᠯᠠᠭᠤ ᠦᠶᠡ ᠪᠡᠨ ᠪᠡᠯᠡᠳᠴᠦ ᠪᠠᠢᠢᠨᠠ᠃
