ᠡᠨᠡ ᠡᠳᠦᠷ ᠦᠳ ᠲᠥ ᠰᠦᠬᠡᠪᠠᠭᠠᠲᠤᠷ ᠠᠢᠢᠮᠠᠭ ᠤᠨ ᠬᠠᠯᠵᠠᠨ ᠰᠤᠮᠤ ᠡᠭᠦᠰᠦᠨ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠤ 100 ᠵᠢᠯ ᠦᠨ ᠣᠢ ᠲᠣᠬᠢᠶᠠᠵᠤ ᠪᠠᠢᠢᠨᠠ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠨᠡᠭᠡᠭᠡᠯᠲᠡ ᠳᠥ ᠣᠷᠤᠯᠴᠠᠨ᠂ ᠠᠪᠤ ᠢᠢᠨ ᠢᠶᠠᠨ ᠨᠤᠲᠤᠭ ᠤᠨ ᠵᠣᠨ ᠣᠯᠠᠨ ᠳᠤ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠵᠦ᠂ ᠲᠤᠯᠭᠤᠷ ᠲᠥᠷᠦ ᠢᠢᠨ 2.234᠂ ᠶᠡᠬᠡ ᠮᠣᠩ᠋ᠭᠤᠯ ᠤᠯᠤᠰ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠤ 819᠂ ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠤᠭᠰᠠᠨ ᠤ 114᠂ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ 104᠂ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ 35᠂ ᠬᠠᠯᠵᠠᠨ ᠰᠤᠮᠤ ᠡᠭᠦᠰᠦᠨ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠤ 100 ᠵᠢᠯ ᠦᠨ ᠣᠢ ᠢᠢᠨ ᠪᠠᠶᠠᠷ ᠤᠨ ᠮᠡᠨᠳᠦ ᠳᠡᠪᠰᠢᠭᠦᠯᠦᠯᠡ᠃
ᠲᠡᠷᠡ ᠪᠡᠷ᠂ ᠬᠠᠯᠵᠠᠨ ᠰᠤᠮᠤ ᠪᠠᠷ ᠣᠪᠤᠭᠯᠠᠭᠰᠠᠨ ᠬᠦᠮᠦᠨ ᠪᠦᠷᠢ ᠰᠡᠳᠬᠢᠯ ᠵᠢᠷᠦᠬᠡ ᠪᠡᠨ ᠨᠢᠭᠡᠳᠬᠡᠨ᠂ ᠰᠤᠮᠤ ᠪᠠᠨ ᠬᠥᠭ᠍ᠵᠢᠭᠦᠯᠬᠦ ᠦᠢᠯᠡᠰ ᠲᠥ ᠪᠦᠬᠦ ᠲᠠᠯᠠ ᠪᠠᠷ ᠬᠢᠴᠢᠶᠡᠨ ᠵᠢᠳᠬᠦᠨᠡ ᠭᠡᠳᠡᠭ ᠲᠥ ᠢᠲᠡᠭᠡᠯ ᠲᠡᠢ ᠪᠠᠢᠢᠭᠠ ᠪᠠᠨ ᠢᠯᠡᠷᠬᠡᠢᠢᠯᠡᠯᠡ᠃
ᠥᠩ᠋ᠭᠡᠷᠡᠭᠰᠡᠨ 100 ᠵᠢᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠬᠠᠯᠵᠠᠨ ᠰᠤᠮᠤ ᠠᠴᠠ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠵᠢᠷᠭᠤᠭᠠ ᠳ᠋ᠠᠬᠢ ᠶᠡᠷᠦᠩᠬᠡᠶ ᠰᠠᠢᠢᠳ ᠴᠡ᠊·ᠵᠢᠭᠵᠢᠳᠵᠠᠪ ᠨᠠᠷ ᠤᠨ ᠲᠥᠷᠦ᠂ ᠨᠡᠢᠢᠭᠡᠮ ᠦᠨ ᠵᠢᠳᠬᠦᠯᠲᠡᠨ 29᠂ ᠡᠷᠳᠡᠮᠲᠡᠨ 55᠂ ᠯ᠊·ᠰᠠᠮᠳᠠᠨ᠂ ᠮ·ᠮᠣᠭᠤᠨᠤᠩ᠂ ᠯ᠊·ᠭᠣᠮᠪᠤᠰᠦ᠋ᠷᠦᠩ᠂ ᠴ᠊·ᠬᠤᠷᠠᠴᠠ ᠨᠠᠷ ᠤᠨ ᠬᠥᠳᠡᠯᠮᠦᠷᠢ ᠢᠢᠨ ᠪᠠᠭᠠᠲᠤᠷ᠂ ᠠᠷᠠᠳ ᠤᠨ ᠵᠢᠷᠤᠭᠠᠴᠢ ᠳ᠊·ᠠᠮᠤᠭᠤᠯᠠᠩ᠂ ᠠᠻᠠᠳᠧᠮᠢᠴᠢ ᠳᠠ᠊·ᠴᠡᠷᠢᠩᠰᠣᠳᠨᠠᠮ ᠨᠠᠷ ᠤᠨ ᠲᠥᠷᠦ ᠢᠢᠨ ᠰᠣᠶᠤᠷᠬᠠᠯᠲᠠ ᠨᠤᠭᠤᠳ ᠠᠴᠠ ᠭᠠᠳᠠᠨᠠ ᠠᠷᠠᠳ ᠤᠨ ᠴᠣᠯᠠᠲᠠᠨ 8᠂ ᠭᠠᠪᠢᠶᠠᠲᠤ ᠴᠣᠯᠠᠲᠠᠨ 70 ᠭᠠᠷᠤᠶ᠂ ᠣᠯᠠᠨ ᠠᠷᠪᠠᠨ ᠤᠯᠤᠰ ᠤᠨ ᠠᠪᠤᠷᠭᠤ᠂ ᠰᠠᠢᠢᠨ ᠮᠠᠯᠴᠢᠨ᠂ ᠮᠠᠩᠯᠠᠶ᠂ ᠠᠯᠳᠠᠷᠲᠤ ᠤᠶᠠᠭᠠᠴᠢ ᠲᠥᠷᠦᠨ ᠭᠠᠷᠴᠠᠶ᠃
ᠬᠠᠯᠵᠠᠨ ᠰᠤᠮᠤ ᠡᠷᠳᠡᠮᠲᠡᠨ᠂ ᠳ᠋ᠣᠻᠲ᠋ᠤᠷ ᠤᠳ ᠤᠨ ᠢᠶᠠᠨ ᠲᠣᠭᠠ ᠪᠠᠷ ᠠᠢᠢᠮᠠᠭ ᠲᠤ ᠪᠠᠨ ᠲᠡᠷᠢᠭᠦᠯᠡᠳᠡᠭ ᠶᠤᠮ᠃
1925 ᠣᠨ ᠳᠤ ᠳᠠᠷᠢᠭᠠᠩ᠋ᠭᠠ ᠢᠢᠨ ᠲᠠᠪᠤᠨ ᠭᠠᠷ ᠰᠦᠷᠦᠭᠲᠡᠨ ᠬᠣᠰᠢᠭᠤ ᠢᠢ 18 ᠰᠤᠮᠤ ᠪᠣᠯᠭᠠᠬᠤ ᠳᠤ ᠪᠠᠨ ᠬᠠᠯᠵᠠᠨ ᠰᠤᠮᠤ ᠢᠢ ᠳᠣᠷᠤᠨᠠᠳᠤ ᠠᠢᠢᠮᠠᠭ ᠤᠨ ᠬᠠᠷᠢᠶᠠᠨ ᠳᠤ ᠴᠣᠭᠪᠠᠶᠠᠨ-ᠠᠭᠤᠯᠠ ᠨᠡᠷᠡ ᠲᠡᠢ ᠪᠠᠢᠢᠭᠤᠯᠤᠭᠰᠠᠨ ᠲᠡᠦᠬᠡ ᠲᠡᠢ᠃
ᠰᠤᠮᠤ ᠢᠢᠨ ᠠᠩᠬᠠᠨ ᠤ ᠳᠠᠷᠤᠭᠠ ᠪᠠᠷ ᠮ·ᠳᠣᠩᠨᠠᠶ᠂ ᠤᠳᠠᠭᠠᠬᠤ ᠳᠠᠷᠤᠭᠠ ᠪᠠᠷ ᠱ·ᠰᠡᠷᠢᠶᠡᠲᠡᠷ ᠨᠠᠷ ᠠᠵᠢᠯᠯᠠᠵᠤ᠂ ᠠᠩᠬᠠᠨ ᠤ ᠨᠢᠭᠡᠳᠦᠯ ᠢᠶᠡᠨ 20 ᠮᠢᠩ᠋ᠭᠠᠨ ᠮᠠᠯ ᠲᠠᠢ ᠪᠠᠢᠢᠭᠤᠯᠵᠤ ᠪᠠᠢᠢᠭᠰᠠᠨ ᠪᠣᠯ ᠥᠨᠦᠳᠦᠷ 15 ᠲᠦᠮᠡᠨ ᠲᠣᠯᠤᠭᠠᠶ ᠮᠠᠯ ᠲᠠᠢ᠂ 2.000 ᠭᠠᠷᠤᠶ ᠬᠦᠮᠦᠨ ᠠᠮᠠ ᠲᠠᠢ ᠪᠣᠯᠵᠠᠶ᠃
