ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠢᠢᠨ ᠢᠪᠡᠭᠡᠯ ᠳᠣᠣᠷᠠ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ ᠪᠤᠢ «ABU ROBOCON 2025 ULAANBAATAR» ᠣᠯᠠᠨ ᠤᠯᠤᠰ ᠤᠨ ᠲᠡᠮᠡᠴᠡᠭᠡᠨ ᠦ ᠨᠡᠭᠡᠭᠡᠯᠲᠡ «ᠠᠰᠠ ᠠᠷᠧᠨᠠ» ᠴᠣᠭᠴᠠᠯᠠᠪᠤᠷᠢ ᠳᠤ ᠪᠣᠯᠤᠯᠠ᠃
ᠲᠡᠮᠡᠴᠡᠭᠡᠨ ᠳᠥ ᠮᠣᠩ᠋ᠭᠤᠯ᠂ ᠻᠠᠮᠪᠣᠵ᠂ ᠶᠧᠭᠢᠫᠧᠲ᠋᠂ ᠹᠢᠵᠢ᠂ ᠪᠦ᠊᠂ ᠨᠠᠢᠢ᠊᠂ ᠬᠢ᠊᠂ ᠠ᠊᠂ ᠤᠯᠤᠰ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠣᠨᠴᠤᠭᠤᠶ ᠪᠦᠰᠡ ᠾᠣᠩ ᠻᠣᠩ᠂ ᠡᠨᠡᠳᠬᠡᠭ᠌᠂ ᠢᠨ᠋ᠳ᠋ᠣᠨᠧᠰᠢᠶ ᠠ᠂ ᠶᠠᠫᠣᠨ᠂ ᠮᠠᠯᠠᠢᠢᠽ᠂ ᠨᠸᠫᠠᠯ᠂ ᠱᠷᠢ ᠯᠠᠨ᠋ᠻᠠ᠂ ᠲᠠᠢᠢᠯᠠᠨ᠋ᠳ᠋᠂ ᠸᠢᠶᠧᠲ᠋ᠨᠠᠮ ᠭᠡᠰᠡᠨ 13 ᠤᠯᠤᠰ ᠤᠨ 14 ᠪᠠᠭ ᠣᠷᠤᠯᠴᠠᠵᠤ ᠪᠠᠢᠢᠨᠠ᠃
«ᠬᠠᠮᠲᠤ ᠢᠢᠨ ᠵᠢᠳᠬᠦᠯ-ᠦᠨᠡᠮᠯᠡᠬᠦᠶ ᠠᠮᠵᠢᠯᠲᠠ» ᠤᠷᠢᠶᠠᠨ ᠳᠣᠣᠷᠠ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ ᠪᠠᠢᠢᠭᠠ ᠲᠡᠮᠡᠴᠡᠭᠡᠨ ᠢ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ·ᠬᠦᠷᠡᠯᠰᠦ᠋ᠬᠡ ᠨᠡᠭᠡᠭᠡᠵᠦ᠂ ᠵᠣᠬᠢᠶᠠᠨ ᠪᠦᠲᠦᠭᠡᠭ᠍ᠴᠢ ᠵᠠᠯᠠᠭᠤᠰ᠂ ᠰᠢᠭᠦᠭ᠍ᠴᠢ᠂ ᠪᠠᠭᠰᠢ᠂ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠨᠠᠷ ᠲᠤ ᠠᠮᠵᠢᠯᠲᠠ ᠬᠦᠰᠡᠨ ᠢᠷᠦᠭᠡᠯᠡ᠃
ᠲᠡᠷᠡ ᠪᠡᠷ᠂ ᠡᠨᠡ ᠲᠡᠮᠡᠴᠡᠭᠡᠨ ᠡᠪ ᠨᠢᠭᠡᠳᠦᠯ᠂ ᠬᠢᠴᠢᠶᠡᠯ ᠵᠢᠳᠬᠦᠯ᠂ ᠬᠠᠮᠲᠤ ᠢᠢᠨ ᠢᠯᠠᠯᠲᠠ ᠢᠢᠨ ᠦᠨᠡ ᠴᠡᠨᠡ ᠢᠢ ᠮᠡᠳᠡᠷᠡᠭᠦᠯᠵᠥ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠲᠧᠭᠨᠣᠯᠤᠭᠢ᠂ ᠢᠨ᠋᠊ᠨᠣᠸᠠᠼ ᠤᠨ ᠣᠯᠠᠨ ᠤᠯᠤᠰ ᠤᠨ ᠬᠠᠮᠲᠤ ᠢᠢᠨ ᠠᠵᠢᠯᠯᠠᠭᠠ ᠢᠢ ᠥᠷᠭᠡᠵᠢᠭᠦᠯᠦᠨ ᠬᠥᠭ᠍ᠵᠢᠭᠦᠯᠬᠦ ᠳᠥ ᠬᠤᠪᠢ ᠨᠡᠮᠡᠷᠢ ᠪᠡᠨ ᠣᠷᠤᠭᠤᠯᠤᠨᠠ ᠭᠡᠳᠡᠭ ᠲᠥ ᠢᠲᠡᠭᠡᠯ ᠲᠡᠢ ᠪᠠᠢᠢᠭᠠ ᠪᠠᠨ ᠢᠯᠡᠷᠬᠡᠢᠢᠯᠡᠯᠡ᠃
ᠲᠡᠮᠡᠴᠡᠭᠡᠨ ᠳᠥ ᠣᠶᠤᠲᠠᠨ ᠵᠠᠯᠠᠭᠤᠰ ᠤᠨ ᠪᠦᠲᠦᠭᠡᠭ᠍ᠰᠡᠨ ᠷᠣᠪᠤᠲ ᠤᠳ ᠰᠠᠭᠰᠤᠨ ᠪᠥᠮᠪᠦᠭᠡ ᠪᠡᠷ ᠥᠷᠢᠰᠦᠯᠳᠦᠬᠦ ᠬᠡᠳᠦᠢ ᠴᠦ᠂ ᠡᠨᠡ ᠨᠢ ᠲᠧᠭᠨᠢᠭ ᠦᠨ ᠥᠷᠢᠰᠦᠯᠳᠦᠭᠡᠨ ᠲᠡᠳᠦᠶ ᠪᠤᠰᠤ᠂ ᠣᠶᠤᠨ ᠤᠬᠠᠭᠠᠨ᠂ ᠪᠦᠲᠦᠭᠡᠯᠴᠢ ᠰᠡᠳᠬᠢᠯᠭᠡ᠂ ᠬᠠᠮᠲᠤ ᠢᠢᠨ ᠠᠵᠢᠯᠯᠠᠭᠠ᠂ ᠡᠪ ᠨᠢᠭᠡᠳᠦᠯ᠂ ᠠᠨᠳᠠᠯᠠᠯ ᠨᠥᠬᠦᠷᠯᠡᠯ ᠢ ᠳᠡᠮᠵᠢᠨ ᠬᠥᠭ᠍ᠵᠢᠭᠦᠯᠳᠡᠭ ᠣᠯᠠᠨ ᠤᠯᠤᠰ ᠤᠨ ᠨᠡᠷᠡ ᠬᠦᠨᠳᠦᠲᠡᠢ ᠲᠠᠯᠠᠪᠤᠷ ᠭᠡᠳᠡᠭ ᠢ ᠲᠡᠮᠳᠡᠭᠯᠡᠯᠡ᠃
ᠡᠨᠡ ᠵᠢᠯ ᠮᠠᠨ ᠤ ᠤᠯᠤᠰ ᠵᠣᠬᠢᠶᠠᠨ ᠪᠠᠢᠢᠭᠤᠯᠤᠭᠴᠢ ᠢᠢᠨ ᠬᠤᠪᠢ ᠳᠤ ᠳᠠᠪᠠᠭᠤ ᠡᠷᠬᠡ ᠲᠡᠢ ᠪᠡᠷ ᠰᠢ᠊᠂ ᠤ᠊᠂ ᠲᠧ᠊᠂ ᠶᠡ᠊᠂ ᠰᠤᠷᠭᠠᠭᠤᠯᠢ ᠢᠢᠨ ᠮᠡᠳᠡᠭᠡᠯᠡᠯ ᠬᠣᠯᠪᠤᠭᠠ ᠲᠧᠭᠨᠣᠯᠤᠭᠢ ᠢᠢᠨ ᠰᠤᠷᠭᠠᠭᠤᠯᠢ ᠢᠢᠨ «ᠲᠥᠪᠰᠢᠨ ᠡᠯᠧᠻᠲ᠋ᠷᠣᠨᠢᠻᠰ»᠂ «HICH TECH» ᠭᠡᠰᠡᠨ ᠬᠣᠶᠠᠷ ᠪᠠᠭ ᠢᠶᠠᠨ ᠣᠷᠤᠯᠴᠠᠭᠤᠯᠵᠤ ᠪᠠᠢᠢᠨᠠ᠃
ᠲᠡᠮᠡᠴᠡᠭᠡᠨ ᠦ ᠰᠢᠭᠦᠭ᠍ᠴᠢ ᠢᠢᠨ ᠵᠥᠪᠯᠡᠯ ᠳᠥ ᠮᠠᠨ ᠤ ᠤᠯᠤᠰ ᠠᠴᠠ ᠬᠣᠶᠠᠷ᠂ ᠶᠠᠫᠣᠨ᠂ ᠸᠢᠶᠧᠲ᠋ᠨᠠᠮ᠂ ᠾᠣᠩ ᠻᠣᠩ ᠠᠴᠠ ᠲᠤᠰ ᠪᠦᠷᠢ ᠨᠢᠭᠡ᠂ ᠲᠠᠯᠠᠪᠠᠢ ᠢᠢᠨ ᠰᠢᠭᠦᠭ᠍ᠴᠢ ᠢᠢᠨ ᠮᠣᠩ᠋ᠭᠤᠯ ᠠᠴᠠ 10᠂ ᠶᠠᠫᠣᠨ᠂ ᠾᠣᠩ ᠻᠣᠩ ᠠᠴᠠ ᠲᠤᠰ ᠪᠦᠷᠢ ᠨᠢᠭᠡ ᠬᠦᠮᠦᠨ ᠠᠵᠢᠯᠯᠠᠨᠠ᠃
ᠪᠠᠭ ᠤᠳ ᠤᠨ ᠵᠣᠬᠢᠶᠠᠭᠰᠠᠨ ᠷᠣᠪᠤᠲ ᠤᠳ ᠲ᠋ᠣᠻᠢᠣ᠋ ᠬᠣᠲᠠ ᠢᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠳ᠋ᠣᠻᠲ᠋ᠤᠷ᠂ ᠮᠣ᠊᠂ ᠤ᠊᠂ ᠶᠡ᠊᠂ ᠰᠤᠷᠭᠠᠭᠤᠯᠢ ᠢᠢᠨ ᠪᠠᠭᠰᠢ ᠥ᠊·ᠪᠠᠲᠤᠪᠠᠶᠠᠷ ᠤᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠳᠦᠷᠢᠮ ᠦᠨ ᠳᠠᠭᠠᠭᠤ ᠥᠷᠢᠰᠦᠯᠳᠦᠬᠦ ᠶᠤᠮ᠃
«ABU ROBOCON 2025 ULAANBAATAR» ᠣᠯᠠᠨ ᠤᠯᠤᠰ ᠤᠨ ᠲᠡᠮᠡᠴᠡᠭᠡᠨ ᠢ ᠮᠣ᠊᠂ ᠦ᠊᠂ ᠣ᠊᠂ ᠨᠡᠢᠢ᠊᠂ ᠷᠠ᠊᠂ ᠲᠧᠯᠧᠸᠢᠽ᠂ ᠠᠽᠢ-ᠨᠣᠮᠤᠬᠠᠨ ᠳᠠᠯᠠᠢ ᠢᠢᠨ ᠥᠷᠭᠡᠨ ᠨᠡᠪᠲᠡᠷᠡᠭᠦᠯᠭᠡ ᠢᠢᠨ ᠬᠣᠯᠪᠤᠭᠠ (ABU) ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ ᠪᠠᠢᠢᠨᠠ᠃
ᠲᠡᠮᠡᠴᠡᠭᠡᠨ ᠢ ᠨᠡᠢᠢᠰᠯᠡᠯ ᠦᠨ ᠵᠠᠰᠠᠭ ᠳᠠᠷᠤᠭᠠ ᠢᠢᠨ ᠲᠠᠮᠠᠭᠠ ᠢᠢᠨ ᠭᠠᠵᠠᠷ᠂ «ᠡᠷᠳᠡᠨᠢᠲᠦ ᠦᠢᠯᠡᠳᠪᠦᠷᠢ» ᠲᠥ᠊᠂ ᠥ᠊᠂ ᠦᠢ᠊᠂ ᠭᠠᠵᠠᠷ᠂ «ᠮᠣᠪᠢᠻᠣᠮ» ᠻᠣᠷᠫᠤᠷᠠᠼᠢ᠂ «ᠠᠰᠠ ᠠᠷᠧᠨᠠ»᠂ Z·Com᠂ MindTech᠂ KSJ ᠵᠡᠷᠭᠡ ᠪᠠᠢᠢᠭᠤᠯᠤᠯᠭᠠ᠂ ᠠᠵᠤ ᠠᠬᠤᠶ ᠢᠢᠨ ᠨᠢᠭᠡᠴᠡ ᠢᠪᠡᠭᠡᠨ ᠲᠡᠳᠬᠦᠵᠡᠶ᠃
2019 ᠣᠨ ᠳᠤ ᠮᠠᠨ ᠤ ᠤᠯᠤᠰ ᠡᠨᠡ ᠲᠡᠮᠡᠴᠡᠭᠡᠨ ᠢ ᠶᠡᠷᠦᠩᠬᠡᠶ ᠰᠠᠢᠢᠳ ᠤᠨ ᠢᠪᠡᠭᠡᠯ ᠳᠣᠣᠷᠠ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠳᠤ ᠪᠠᠭ ᠤᠳ ᠪᠠᠢᠢᠭᠠᠯᠢ᠂ ᠡᠦᠬᠡ ᠲᠡᠦᠬᠡ᠂ ᠥᠪ ᠰᠣᠶᠤᠯ᠂ ᠮᠣᠩ᠋ᠭᠤᠯᠴᠤᠳ ᠤᠨ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠦ ᠲᠡᠦᠬᠡᠨ ᠳᠥ ᠣᠷᠤᠭᠤᠯᠤᠭᠰᠠᠨ ᠬᠤᠪᠢ ᠨᠡᠮᠡᠷᠢ ᠪᠣᠯᠬᠤ ᠰᠢᠦᠳᠠᠨ ᠬᠣᠯᠪᠤᠭᠠᠨ ᠤ ᠦᠨᠳᠦᠰᠦ ᠰᠠᠭᠤᠷᠢ «ᠥᠷᠲᠡᠭᠡ»᠂ ᠳ᠋ᠢᠫᠯᠣᠮᠠᠲ ᠫᠠᠰᠫᠣᠷᠲ ᠤᠨ ᠡᠬᠢᠯᠡᠯ ᠪᠣᠯᠤᠭᠰᠠᠨ «ᠭᠡᠷᠡᠭᠡ» ᠢᠢ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠵᠤ᠂ ᠠᠩᠬᠠ ᠤᠳᠠᠭᠠ ᠳᠥᠷᠪᠡᠨ ᠬᠥᠯ ᠲᠡᠢ ᠷᠣᠪᠤᠲ ᠵᠣᠬᠢᠶᠠᠨ ᠣᠷᠤᠯᠴᠠᠵᠤ ᠪᠠᠢᠢᠭᠰᠠᠨ ᠶᠤᠮ᠃
ᠶᠠᠫᠣᠨ ᠳᠤ ᠡᠭᠦᠰᠦᠭᠰᠡᠨ ᠡᠨᠡ ᠲᠡᠮᠡᠴᠡᠭᠡᠨ ᠠᠩᠬᠠ ᠲᠤᠰ ᠤᠯᠤᠰ ᠤᠨ ᠨᠡᠷᠡᠮᠵᠢᠲᠦ ᠪᠠᠢᠢᠭᠰᠠᠨ ᠴᠦ ᠠᠽᠢ᠂ ᠨᠣᠮᠤᠬᠠᠨ ᠳᠠᠯᠠᠢ ᠢᠢᠨ ᠥᠷᠭᠡᠨ ᠨᠡᠪᠲᠡᠷᠡᠭᠦᠯᠭᠡ ᠢᠢᠨ ᠬᠣᠯᠪᠤᠭᠠ (ABU) ᠪᠠᠷ ᠳᠠᠮᠵᠢᠨ ᠠᠽᠢ᠂ ᠨᠣᠮᠤᠬᠠᠨ ᠳᠠᠯᠠᠢ ᠢᠢᠨ ᠪᠦᠰᠡ ᠢᠢᠨ ᠣᠷᠤᠨ ᠨᠤᠭᠤᠳ ᠤᠨ ᠲᠡᠮᠡᠴᠡᠭᠡᠨ ᠪᠣᠯᠵᠤ ᠥᠷᠭᠡᠵᠢᠵᠡᠶ᠃
ᠢᠷᠡᠬᠦ ᠵᠢᠯ ᠦᠨ ᠲᠡᠮᠡᠴᠡᠭᠡᠨ ᠪᠦ᠊᠂ ᠨᠠᠢᠢ᠊᠂ ᠬᠢ᠊᠂ ᠠ᠊᠂ ᠤᠯᠤᠰ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠣᠨᠴᠤᠭᠤᠶ ᠪᠦᠰᠡ ᠾᠣᠩ ᠻᠣᠩ ᠳᠤ ᠪᠣᠯᠤᠨᠠ᠃