ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠲᠠᠮᠠᠭᠠ ᠢᠢᠨ ᠭᠠᠵᠠᠷ᠂ ᠳᠣᠲᠤᠭᠠᠳᠤ ᠬᠡᠷᠡᠭ ᠦᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ ᠪᠤᠢ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ᠂ ᠵᠡᠪᠰᠡᠭᠲᠦ ᠬᠦᠴᠦᠨ ᠦ ᠶᠡᠷᠦᠩᠬᠡᠶ ᠻᠣᠮᠠᠨ᠋ᠳ᠋᠋ᠯᠠᠭᠴᠢ ᠢᠢᠨ ᠨᠡᠷᠡᠮᠵᠢᠲᠦ ᠒᠑ ᠳ᠋ᠡᠬᠢ ᠤᠳᠠᠭᠠ ᠢᠢᠨ «ᠰᠣᠨᠤᠰᠤᠭᠴᠢ ᠢᠢᠨ ᠠᠯᠳᠠᠷ» ᠭᠠᠷᠳᠠᠨ ᠲᠤᠯᠤᠭᠠᠨ ᠤ ᠲᠡᠮᠡᠴᠡᠭᠡᠨ «ᠰᠲ᠋ᠧᠫᠫᠧ ᠠᠷᠧᠨᠠ» ᠴᠣᠭᠴᠠᠯᠠᠪᠤᠷᠢ ᠳᠤ ᠡᠬᠢᠯᠡᠯᠡ᠃
ᠲᠡᠮᠡᠴᠡᠭᠡᠨ ᠦ ᠨᠡᠭᠡᠭᠡᠯᠲᠡ ᠳᠥ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ᠂ ᠵᠡᠪᠰᠡᠭᠲᠦ ᠬᠦᠴᠦᠨ ᠦ ᠶᠡᠷᠦᠩᠬᠡᠶ ᠻᠣᠮᠠᠨ᠋ᠳ᠋᠋ᠯᠠᠭᠴᠢ ᠤ·ᠬᠦᠷᠡᠯᠰᠦ᠋ᠬᠡ ᠣᠷᠤᠯᠴᠠᠵᠤ ᠪᠠᠭ ᠲᠠᠮᠢᠷᠴᠢᠳ ᠲᠤ ᠠᠮᠵᠢᠯᠲᠠ ᠬᠦᠰᠡᠨ ᠢᠷᠦᠭᠡᠯᠡ᠃
ᠲᠡᠷᠡ ᠪᠡᠷ᠂ ᠲᠡᠮᠡᠴᠡᠭᠡᠨ ᠦ ᠨᠡᠷᠡ ᠬᠦᠨᠳᠦ᠂ ᠬᠠᠮᠤᠷᠬᠤ ᠬᠦᠷᠢᠶᠡ᠂ ᠣᠷᠤᠯᠴᠠᠭᠴᠢᠳ ᠤᠨ ᠲᠣᠭᠠ ᠵᠢᠯ ᠡᠴᠡ ᠵᠢᠯ ᠳᠥ ᠨᠡᠮᠡᠭᠳᠡᠵᠦ᠂ ᠲᠠᠮᠢᠷᠴᠢᠳ ᠤᠨ ᠤᠷᠠ ᠴᠢᠳᠠᠪᠤᠷᠢ᠂ ᠠᠮᠵᠢᠯᠲᠠ ᠳᠡᠭᠡᠭ᠍ᠰᠢᠯᠠᠵᠦ᠂ ᠭᠠᠷᠳᠠᠨ ᠲᠤᠯᠤᠭᠠᠨ ᠤ ᠰᠫᠣᠷᠲ ᠢᠶᠠᠷ ᠬᠢᠴᠢᠶᠡᠯᠯᠡᠳᠡᠭ ᠬᠡᠦᠬᠡᠳ᠂ ᠵᠠᠯᠠᠭᠤᠴᠤᠳ ᠤᠨ ᠲᠣᠭᠠ ᠥᠰᠴᠦ ᠪᠠᠢᠢᠭᠠᠳ ᠪᠠᠶᠠᠷ ᠲᠠᠢ ᠪᠠᠢᠢᠭᠠ ᠪᠠᠨ ᠢᠯᠡᠷᠬᠡᠢᠢᠯᠡᠯᠡ᠃
ᠲᠡᠮᠡᠴᠡᠭᠡᠨ ᠨᠢ «ᠡᠷᠡᠭᠦᠯ ᠮᠣᠩ᠋ᠭᠤᠯ ᠬᠦᠮᠦᠨ»᠂ «ᠡᠬᠡ ᠣᠷᠤᠨᠴᠢ ᠮᠣᠩ᠋ᠭᠤᠯ» ᠬᠥᠳᠡᠯᠭᠡᠭᠡᠨ᠂ ᠦᠨᠳᠦᠰᠦᠨ ᠦ ᠰᠥᠷᠦᠨ ᠲᠡᠰᠪᠦᠷᠢᠯᠡᠬᠦ ᠰᠲ᠋ᠷᠠᠲ᠋ᠧᠭᠢ ᠲᠠᠢ ᠤᠶᠠᠯᠳᠤᠵᠤ᠂ ᠬᠣᠢᠢᠴᠢ ᠦᠶᠡ ᠪᠡᠨ ᠲᠥᠷᠦᠲᠦ ᠶᠣᠰᠤ᠂ ᠥᠪ ᠰᠣᠶᠤᠯ᠂ ᠦᠨᠳᠦᠰᠦᠨ ᠦ ᠦᠨᠡᠲᠦ ᠵᠦᠢᠯ ᠢᠶᠡᠨ ᠡᠷᠬᠢᠮᠯᠡᠳᠡᠭ ᠡᠷᠡᠭᠦᠯ ᠴᠢᠭᠢᠷᠠᠭ᠂ ᠶᠣᠰᠤ ᠰᠤᠷᠲᠠᠬᠤᠨ᠂ ᠰᠡᠳᠬᠢᠯ ᠵᠦᠢ ᠢᠢᠨ ᠵᠥᠪ ᠲᠥᠯᠦᠪᠰᠢᠯ ᠲᠡᠢ ᠪᠣᠯᠭᠠᠬᠤ ᠳᠤ ᠴᠢᠭᠯᠡᠭᠰᠡᠨ ᠣᠯᠠᠨ ᠠᠵᠢᠯ ᠤᠨ ᠨᠢᠭᠡ ᠭᠡᠳᠡᠭ ᠢ ᠲᠡᠮᠳᠡᠭᠯᠡᠯᠡ᠃
ᠴᠢᠨᠠᠭᠰᠢᠳᠠ ᠬᠡᠦᠬᠡᠳ᠂ ᠵᠠᠯᠠᠭᠤᠰ ᠲᠤ ᠵᠥᠪ ᠲᠥᠯᠦᠪᠰᠢᠯ᠂ ᠰᠡᠳᠬᠢᠯ ᠵᠦᠢ᠂ ᠪᠡᠶᠡ ᠪᠢᠯᠳᠠᠷ ᠤᠨ ᠥᠪ ᠲᠡᠭᠰᠢ ᠬᠦᠮᠦᠵᠢᠯ ᠣᠯᠭᠤᠬᠤ ᠵᠣᠷᠢᠯᠭᠠ ᠪᠠᠷ ᠭᠠᠷᠳᠠᠨ ᠲᠤᠯᠤᠭᠠᠨ᠂ ᠥᠪᠡᠷ ᠢ ᠪᠡᠨ ᠬᠠᠮᠠᠭᠠᠯᠠᠬᠤ ᠤᠷᠠᠯᠢᠭ ᠢ ᠪᠦᠬᠦ ᠱᠠᠲᠤᠨ ᠤ ᠰᠤᠷᠭᠠᠭᠤᠯᠢ ᠢᠢᠨ ᠪᠡᠶᠡ ᠢᠢᠨ ᠲᠠᠮᠢᠷ ᠤᠨ ᠬᠢᠴᠢᠶᠡᠯ ᠳᠥ ᠪᠠᠭᠲᠠᠭᠠᠬᠤ ᠰᠠᠨᠠᠭᠠᠴᠢᠯᠠᠭᠠ ᠢᠢ ᠳᠡᠮᠵᠢᠬᠦ ᠪᠡᠨ ᠬᠡᠯᠡᠯᠡ᠃
ᠲᠡᠮᠡᠴᠡᠭᠡᠨ ᠢ «ᠲᠤᠯᠤᠭᠠᠨ»᠂ «ᠥᠪᠡᠷ ᠢ ᠪᠡᠨ ᠬᠠᠮᠠᠭᠠᠯᠠᠬᠤ» ᠭᠡᠰᠡᠨ ᠬᠣᠶᠠᠷ ᠲᠥᠷᠦᠯ ᠢᠶᠡᠷ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠪᠥᠭᠡᠳ ᠲᠥᠷᠦ ᠢᠢᠨ ᠴᠡᠷᠢᠭ ᠦᠨ ᠪᠣᠯᠤᠨ ᠬᠠᠤᠯᠢ ᠰᠠᠬᠢᠭᠤᠯᠬᠤ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠤᠨ ᠠᠯᠪᠠ ᠬᠠᠭᠠᠭᠴᠢ᠂ ᠶᠡᠬᠡ᠂ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠣᠶᠤᠲᠠᠨ᠂ ᠰᠣᠨᠤᠰᠤᠭᠴᠢ᠂ ᠰᠤᠷᠤᠯᠴᠠᠭᠴᠢ᠂ «ᠪᠡᠶᠡ ᠬᠠᠮᠠᠭᠠᠯᠠᠬᠤ ᠤᠷᠠᠯᠢᠭ ᠤᠨ ᠬᠣᠯᠪᠤᠭᠠ»᠂ ᠻᠯᠦ᠋ᠪ᠂ ᠨᠢᠭᠡᠳᠦᠯ ᠦᠨ ᠲᠠᠮᠢᠷᠴᠢᠳ᠂ ᠬᠤᠪᠢ ᠬᠦᠮᠦᠰ ᠡᠷᠡᠭᠲᠡᠶ᠂ ᠡᠮᠡᠭᠲᠡᠶ ᠲᠥᠷᠦᠯ ᠢᠶᠡᠷ ᠥᠷᠢᠰᠦᠯᠳᠦᠨᠡ᠃
ᠵᠢᠩ ᠲᠤᠰ ᠪᠦᠷᠢ ᠪᠡᠷ ᠡᠬᠢᠨ ᠦ ᠭᠤᠷᠪᠠᠨ ᠪᠠᠢᠢᠷᠢ ᠢᠢᠨ ᠡᠵᠡᠨ ᠢ ᠲᠣᠳᠣᠷᠠᠭᠤᠯᠬᠤ ᠠᠴᠠ ᠭᠠᠳᠠᠨᠠ «ᠲᠤᠯᠤᠭᠠᠨ»᠂ «ᠥᠪᠡᠷ ᠢ ᠪᠡᠨ ᠬᠠᠮᠠᠭᠠᠯᠠᠬᠤ» ᠲᠥᠷᠦᠯ ᠳᠥ ᠲᠦᠷᠦᠭᠦᠯᠡᠭᠰᠡᠨ᠂ ᠰᠢᠯᠢᠳᠡᠭ ᠲᠧᠭᠨᠢᠭ ᠲᠡᠢ᠂ ᠤᠷᠠᠨ ᠵᠣᠷᠢᠭ ᠲᠠᠢ ᠲᠠᠮᠢᠷᠴᠢᠨ ᠳᠤ ᠤᠯᠠᠭᠠᠨ ᠪᠷᠧᠲ᠋ ᠮᠠᠯᠠᠭᠠᠶ ᠣᠯᠭᠤᠬᠤ ᠶᠤᠮ᠃
ᠮᠥᠨ «ᠰᠢᠯᠢᠭᠳᠡᠮᠡᠯ ᠰᠢᠭᠦᠭ᠍ᠴᠢ»᠂ «ᠰᠢᠯᠢᠳᠡᠭ ᠳᠠᠰᠬᠠᠯᠵᠢᠭᠤᠯᠤᠭᠴᠢ»᠂ ᠲᠤᠯᠤᠭᠠᠨ ᠤ ᠲᠥᠷᠦᠯ ᠳᠥ «ᠤᠷᠠᠨ ᠵᠣᠷᠢᠭ ᠲᠠᠢ ᠲᠣᠭᠯᠠᠭᠴᠢ»᠂ «ᠥᠪᠡᠷ ᠢ ᠪᠡᠨ ᠬᠠᠮᠠᠭᠠᠯᠠᠬᠤ ᠲᠥᠷᠦᠯ» ᠳ᠋ᠥ «ᠰᠢᠯᠢᠳᠡᠭ ᠤᠷᠠ ᠴᠢᠳᠠᠪᠤᠷᠢ ᠲᠠᠢ ᠲᠠᠮᠢᠷᠴᠢᠨ» ᠰᠢᠯᠭᠠᠷᠠᠭᠤᠯᠤᠨᠠ᠃
ᠲᠦᠷᠦᠭᠦᠯᠡᠭᠰᠡᠨ ᠪᠠᠭ ᠲᠤ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠨᠡᠷᠡᠮᠵᠢᠲᠦ ᠰᠢᠯᠵᠢᠨ ᠶᠠᠪᠤᠬᠤ ᠴᠣᠮᠤ ᠣᠯᠭᠤᠬᠤ ᠪᠥᠭᠡᠳ ᠭᠤᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠲᠦᠷᠦᠭᠦᠯᠡᠪᠡᠯ ᠴᠣᠮᠤ ᠢᠢ ᠡᠭᠦᠷᠢᠳᠡ ᠬᠠᠳᠠᠭᠠᠯᠠᠭᠤᠯᠬᠤ ᠶᠤᠮ᠃
ᠲᠡᠮᠡᠴᠡᠭᠡᠨ ᠬᠣᠶᠠᠷ ᠡᠳᠦᠷ ᠦᠷᠭᠦᠯᠵᠢᠯᠡᠵᠦ ᠰᠢᠯᠢᠳᠡᠭ ᠦᠳ ᠢᠶᠡᠨ ᠲᠣᠳᠣᠷᠠᠭᠤᠯᠤᠨᠠ᠃
«ᠰᠣᠨᠤᠰᠤᠭᠴᠢ ᠢᠢᠨ ᠠᠯᠳᠠᠷ» ᠲᠡᠮᠡᠴᠡᠭᠡᠨ ᠢ ᠠᠷᠠᠳ ᠤᠨ ᠪᠠᠭᠰᠢ᠂ ᠪᠣᠯᠪᠠᠰᠤᠷᠠᠯ ᠰᠤᠳᠤᠯᠤᠯ ᠤᠨ ᠤᠬᠠᠭᠠᠨ ᠤ ᠳ᠋ᠣᠻᠲ᠋ᠤᠷ᠂ ᠫᠷᠣᠹᠧᠰᠰᠤᠷ᠂ ᠳᠣᠲᠤᠭᠠᠳᠤ ᠬᠡᠷᠡᠭ ᠦᠨ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠪᠣᠯᠪᠠᠰᠤᠷᠠᠯ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠬᠦᠨᠳᠦᠲᠦ ᠫᠷᠣᠹᠧᠰᠰᠤᠷ᠂ ᠴᠠᠭᠳᠠᠭᠠ ᠢᠢᠨ ᠬᠤᠷᠠᠩᠳᠠ ᠰ·ᠬᠠᠶᠠᠩᠭ᠋ᠠᠷᠪᠠ ᠰᠠᠨᠠᠭᠠᠴᠢᠯᠠᠭᠰᠠᠨ ᠶᠤᠮ᠃
᠑᠙᠙᠖ ᠣᠨ ᠠᠴᠠ ᠲᠥᠷᠦ ᠢᠢᠨ ᠴᠡᠷᠢᠭ ᠦᠨ ᠪᠣᠯᠤᠨ ᠬᠠᠤᠯᠢ ᠰᠠᠬᠢᠭᠤᠯᠬᠤ ᠪᠠᠢᠢᠭᠤᠯᠤᠯᠭᠠ ᠢᠢᠨ ᠠᠯᠪᠠᠨ ᠬᠠᠭᠠᠭᠴᠢᠳ᠂ ᠴᠡᠷᠢᠭ᠂ ᠴᠠᠭᠳᠠᠭᠠ ᠢᠢᠨ ᠰᠤᠷᠭᠠᠭᠤᠯᠢ ᠢᠢᠨ ᠰᠣᠨᠤᠰᠤᠭᠴᠢᠳ᠂ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠻᠯᠦ᠋ᠪ᠂ ᠬᠣᠯᠪᠤᠭᠠ᠂ ᠨᠢᠭᠡᠳᠦᠯ᠂ ᠬᠤᠪᠢ ᠬᠦᠮᠦᠰ ᠦᠨ ᠬᠦᠷᠢᠶᠡᠨ ᠳᠥ ᠤᠯᠤᠰ᠂ ᠣᠯᠠᠨ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠥ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ ᠢᠷᠡᠭᠰᠡᠨ ᠲᠡᠦᠬᠡ ᠲᠡᠢ᠃
᠑᠙᠙᠘ ᠣᠨ ᠠᠴᠠ ᠡᠮᠡᠭᠲᠡᠶ ᠲᠠᠮᠢᠷᠴᠢᠳ᠂ ᠬᠡᠦᠬᠡᠳ᠂ ᠵᠠᠯᠠᠭᠤᠴᠤᠳ ᠢ ᠨᠠᠰᠤᠨ ᠤ ᠠᠩ᠋ᠭᠢᠯᠠᠯ᠂ ᠵᠢᠩ ᠢᠢᠡᠷ ᠣᠷᠤᠯᠴᠠᠭᠤᠯᠵᠤ ᠡᠬᠢᠯᠡᠭᠰᠡᠨ᠃ ᠒᠐᠐᠓᠂ ᠒᠐᠐᠘᠂ ᠒᠐᠑᠓ ᠣᠨ ᠳᠤ ᠣᠷᠤᠰ᠂ ᠦᠻᠷᠠᠢᠢᠨ᠂ ᠻᠠᠽᠠᠻᠰᠲ᠋ᠠᠨ᠂ ᠢᠷᠠᠨ᠂ ᠶᠠᠫᠣᠨ᠂ ᠴᠧᠬᠣ᠋᠂ ᠰᠣᠯᠤᠩ᠋ᠭᠤᠰ ᠤᠨ ᠲᠠᠮᠢᠷᠴᠢᠳ ᠣᠷᠤᠯᠴᠠᠵᠤ ᠪᠠᠢᠢᠯᠠ᠃
ᠲᠡᠮᠡᠴᠡᠭᠡᠨ ᠡᠴᠡ ᠬᠣᠯᠢᠮᠠᠭ ᠲᠤᠯᠤᠭᠠᠨ ᠤ ᠳᠡᠯᠡᠬᠡᠶ ᠢᠢᠨ ᠬᠣᠱᠤᠶ ᠠᠪᠤᠷᠭᠤ ᠵ᠊·ᠨᠠᠷᠠᠨᠲᠤᠩ᠋ᠭᠠᠯᠠᠭ᠂ ᠣᠯᠠᠨ ᠤᠯᠤᠰ ᠤᠨ ᠻᠠᠷᠠᠲ᠋ᠧ ᠢᠢᠨ ᠬᠣᠱᠤᠶ ᠠᠪᠤᠷᠭᠤ᠂ ᠳᠡᠯᠡᠬᠡᠶ ᠢᠢᠨ ᠲᠠᠶᠧᠻᠸᠣᠨ᠋ᠳᠣ᠋ ᠢᠢᠨ ᠠᠪᠤᠷᠭᠤ ᠥ᠊·ᠭᠠᠩᠲᠡᠮᠦᠷ᠂ ᠮᠡᠷᠭᠡᠵᠢᠯ ᠦᠨ ᠪᠣᠻᠰ ᠤᠨ ᠳᠡᠯᠡᠬᠡᠶ ᠢᠢᠨ ᠬᠣᠱᠤᠶ ᠠᠪᠤᠷᠭᠤ ᠴ᠊·ᠴᠡᠸᠡᠩᠫᠦ᠋ᠷᠪᠦ ᠨᠠᠷ ᠤᠨ ᠲᠠᠮᠢᠷᠴᠢᠨ ᠲᠥᠷᠦᠨ ᠭᠠᠷᠴᠠᠶ᠃
ᠮᠠᠨ ᠤ ᠤᠯᠤᠰ ᠲᠤ ᠲᠤᠯᠤᠭᠠᠨ ᠤ ᠤᠷᠠᠯᠢᠭ ᠤᠨ ᠒᠐ ᠣᠷᠴᠢᠮ ᠲᠥᠷᠦᠯ ᠢᠶᠡᠷ ᠕᠐ ᠭᠠᠷᠤᠶ ᠮᠡᠷᠭᠡᠵᠢᠯ ᠦᠨ ᠬᠣᠯᠪᠤᠭᠠ᠂ ᠻᠯᠦ᠋ᠪ᠂ ᠑᠂᠐᠐᠐ ᠣᠷᠴᠢᠮ ᠰᠧᠻᠼ᠂ ᠳᠤᠭᠤᠢᠢᠯᠠᠩ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠵᠤ ᠪᠠᠢᠢᠨᠠ᠃
