ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠭᠡᠭᠡᠨ ᠰᠢᠷᠡᠭᠡᠲᠦ ᠤᠯᠤᠰ ᠤᠨ ᠲᠥᠷᠦ ᠢᠢᠨ ᠲᠡᠷᠢᠭᠦᠨ ᠫᠠᠫ ᠠᠷᠪᠠᠨ ᠳᠥᠷᠪᠡ᠊ᠳ᠋ᠦᠭᠡᠷ ᠯᠧᠣ᠋ ᠢᠢᠨ ᠤᠷᠢᠯᠭᠠ ᠪᠠᠷ ᠲᠤᠰ ᠤᠯᠤᠰ ᠲᠤ ᠬᠢᠵᠦ ᠪᠤᠢ ᠲᠥᠷᠦ ᠢᠢᠨ ᠠᠢᠢᠯᠴᠢᠯᠠᠯ ᠤᠨ ᠦᠶᠡ ᠪᠡᠷ ᠸᠠᠲ᠋ᠢᠻᠠᠨ ᠤ ᠠᠫᠣᠰᠲ᠋ᠣᠯ ᠤᠨ ᠠᠷᠬᠢᠸ᠂ ᠨᠣᠮ ᠤᠨ ᠰᠠᠩ ᠳᠤ ᠵᠣᠴᠢᠯᠠᠯᠠ᠃
ᠶᠡᠷᠦᠩᠬᠡᠢᠢᠯᠡᠭᠴᠢ ᠤ·ᠬᠦᠷᠡᠯᠰᠦ᠋ᠬᠡ ᠸᠠᠲ᠋ᠢᠻᠠᠨ ᠤ ᠠᠫᠣᠰᠲ᠋ᠣᠯ ᠤᠨ ᠠᠷᠬᠢᠸ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠤᠢ ᠮᠣᠩ᠋ᠭᠤᠯ ᠤᠨ ᠡᠵᠡᠨᠲᠦ ᠭᠦᠷᠦᠨ ᠦ ᠶᠡᠬᠡ ᠬᠠᠭᠠᠨ ᠭᠦᠶᠦᠭ ᠡᠴᠡ ᠑᠒᠔᠖ ᠣᠨ ᠳᠤ ᠫᠠᠫ ᠳᠥᠷᠪᠡ᠊ᠳ᠋ᠦᠭᠡᠷ ᠢᠨ᠋᠊ᠨᠣᠰᠧᠨ᠋ᠲ᠋ ᠳᠥ ᠢᠯᠡᠭᠡᠭ᠍ᠰᠡᠨ ᠵᠠᠬᠢᠳᠠᠯ ᠪᠣᠯᠤᠨ ᠮᠣᠩ᠋ᠭᠤᠯ ᠡᠵᠡᠨᠲᠦ ᠭᠦᠷᠦᠨ ᠦ ᠦᠶᠡ ᠳᠥ ᠬᠠᠷᠢᠯᠴᠠᠵᠤ ᠪᠠᠢᠢᠭᠰᠠᠨ ᠵᠠᠬᠢᠳᠠᠯ ᠤᠳ ᠤᠨ ᠡᠬᠢ ᠢᠢ ᠦᠵᠡᠵᠦ ᠰᠣᠨᠢᠷᠬᠠᠯᠠ᠃
ᠸᠠᠲ᠋ᠢᠻᠠᠨ ᠤ ᠠᠫᠣᠰᠲ᠋ᠣᠯ ᠤᠨ ᠨᠣᠮ ᠤᠨ ᠰᠠᠩ ᠪᠣᠯᠤᠨ ᠠᠷᠬᠢᠸ ᠳᠤ ᠳᠡᠯᠡᠬᠡᠶ ᠳ᠋ᠠᠬᠢᠨ ᠤ ᠲᠡᠦᠬᠡ ᠢᠢ ᠭᠡᠷᠡᠴᠢᠯᠠᠭ᠍ᠰᠡᠨ ᠣᠯᠠᠨ ᠭᠠᠷ ᠪᠢᠴᠢᠮᠡᠯ᠂ ᠪᠦᠲᠦᠭᠡᠯ᠂ VIII ᠵᠠᠭᠤᠨ ᠠᠴᠠ ᠬᠣᠢᠢᠰᠢᠬᠢ ᠤᠯᠤᠰ ᠣᠷᠤᠨ ᠨᠤᠭᠤᠳ ᠤᠨ ᠬᠣᠭᠤᠷᠤᠨᠳᠤ ᠪᠠᠨ ᠬᠠᠷᠢᠯᠴᠠᠵᠤ ᠪᠠᠢᠢᠭᠰᠠᠨ ᠵᠠᠬᠢᠳᠠᠯ ᠤᠳ ᠪᠠᠢᠢᠳᠠᠭ᠃
ᠲᠡᠭᠦᠨ ᠦ ᠳᠣᠲᠤᠷᠠ ᠮᠣᠩ᠋ᠭᠤᠯ ᠤᠨ ᠡᠵᠡᠨᠲᠦ ᠭᠦᠷᠦᠨ ᠪᠣᠯᠤᠨ ᠢᠯᠡ ᠬᠠᠭᠠᠳ ᠠᠴᠠ ᠲᠤᠬᠠᠶ ᠢᠢᠨ ᠦᠶᠡ ᠢᠢᠨ ᠫᠠᠫ ᠨᠠᠷ ᠲᠤ ᠢᠯᠡᠭᠡᠭ᠍ᠰᠡᠨ ᠵᠠᠬᠢᠳᠠᠯ ᠡᠬᠢ ᠬᠤᠪᠢ ᠪᠠᠷ ᠢᠶᠠᠨ᠂ ᠫᠠᠫ ᠨᠠᠷ ᠠᠴᠠ ᠮᠣᠩ᠋ᠭᠤᠯ ᠤᠨ ᠬᠠᠭᠠᠳ ᠲᠤ ᠢᠯᠡᠭᠡᠭ᠍ᠰᠡᠨ ᠵᠠᠬᠢᠳᠠᠯ ᠤᠳ ᠨᠢ ᠠᠷᠬᠢᠸ ᠤᠨ ᠵᠣᠷᠢᠭᠤᠯᠤᠯᠲᠠ ᠪᠠᠷ ᠵᠠᠬᠢᠳᠠᠯ ᠤᠨ ᠪᠢᠴᠢᠪᠦᠷᠢ᠂ ᠣᠨ ᠰᠠᠷᠠ᠂ ᠬᠦᠯᠢᠶᠡᠨ ᠠᠪᠤᠭᠴᠢ ᠢᠢᠨ ᠮᠡᠳᠡᠭᠡᠯᠡᠯ ᠦᠨ ᠰᠠᠩ ᠪᠠᠢᠢᠳᠠᠯ ᠢᠶᠠᠷ ᠬᠠᠳᠠᠭᠠᠯᠠᠭᠳᠠᠳᠠᠭ ᠶᠤᠮ᠃
XII-XX ᠵᠠᠭᠤᠨ ᠢ ᠬᠠᠮᠤᠷᠤᠭᠰᠠᠨ ᠕᠐ ᠰᠠᠶᠠ ᠭᠠᠷᠤᠶ ᠪᠠᠷᠢᠮᠲᠠ ᠪᠦᠬᠦᠢ ᠡᠨᠡ ᠠᠷᠬᠢᠸ ᠵᠥᠪᠬᠡᠨ ᠱᠠᠰᠢᠨ ᠤ ᠪᠠᠷᠢᠮᠲᠠ ᠪᠢᠴᠢᠭ᠌ ᠦᠨ ᠰᠠᠩ ᠪᠢᠰᠢ᠂ ᠳᠡᠯᠡᠬᠡᠶ ᠢᠢᠨ ᠰᠣᠶᠤᠯ᠂ ᠤᠯᠤᠰ ᠲᠥᠷᠦ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠲᠡᠦᠬᠡ ᠢᠢ ᠭᠡᠷᠡᠴᠢᠯᠠᠬᠦ᠂ ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠦ ᠣᠶᠤᠨ ᠤ ᠥᠪ ᠢ ᠬᠠᠳᠠᠭᠠᠯᠠᠭᠰᠠᠨ ᠦᠨᠡᠲᠦ ᠡᠷᠳᠡᠨᠢ ᠭᠡᠵᠦ ᠦᠵᠡᠳᠡᠭ᠃
ᠠᠢᠢᠯᠴᠢᠯᠠᠯ ᠤᠨ ᠬᠦᠷᠢᠶᠡᠨ ᠳᠥ ᠮᠣᠩ᠋ᠭᠤᠯ ᠤᠯᠤᠰ ᠤᠨ «ᠴᠢᠩᠬᠢᠰ ᠬᠠᠭᠠᠨ» ᠦᠨᠳᠦᠰᠦᠨ ᠦ ᠮᠦᠽᠧᠶ ᠪᠣᠯᠤᠨ ᠸᠠᠲ᠋ᠢᠻᠠᠨ ᠤ ᠠᠫᠣᠰᠲ᠋ᠣᠯ ᠤᠨ ᠠᠷᠬᠢᠸ ᠬᠣᠭᠤᠷᠤᠨᠳᠤ ᠬᠠᠮᠲᠤ ᠢᠢᠨ ᠠᠵᠢᠯᠯᠠᠭᠠᠨ ᠤ ᠰᠠᠨᠠᠮᠵᠢ ᠪᠢᠴᠢᠭ᠌ ᠲᠥ ᠭᠠᠷ ᠤᠨ ᠦᠰᠦᠭ ᠵᠢᠷᠤᠯᠠ᠃
ᠨᠣᠮ ᠤᠨ ᠰᠠᠩ ᠑᠔᠗᠕ ᠣᠨ ᠳᠤ ᠫᠠᠫ ᠳᠥᠷᠪᠡ᠊ᠳ᠋ᠦᠭᠡᠷ ᠰᠢᠻᠰᠲ᠋ ᠦᠨ ᠵᠠᠷᠯᠢᠭ ᠢᠶᠠᠷ ᠪᠠᠢᠢᠭᠤᠯᠤᠭᠰᠠᠨ ᠲᠡᠦᠬᠡ ᠲᠡᠢ᠃ ᠗᠕ ᠮᠢᠩ᠋ᠭᠠᠨ ᠭᠠᠷ ᠪᠢᠴᠢᠮᠡᠯ᠂ ᠑᠂᠑ ᠰᠠᠶᠠ ᠬᠡᠪᠯᠡᠮᠡᠯ ᠨᠣᠮ᠂ XV ᠵᠠᠭᠤᠨ ᠤ ᠦᠶᠡ ᠢᠢᠨ ᠘᠂᠐᠐᠐ ᠨᠣᠮ᠂ ᠓᠐᠐ ᠮᠢᠩ᠋ᠭᠠᠨ ᠵᠣᠭᠤᠰ᠂ ᠮᠧᠳᠠᠯᠢ᠂ ᠑᠕᠐ ᠮᠢᠩ᠋ᠭᠠᠨ ᠵᠢᠷᠤᠭ᠂ ᠭᠠᠵᠠᠷ ᠤᠨ ᠵᠢᠷᠤᠭ ᠵᠡᠷᠭᠡ ᠬᠣᠪᠤᠷ ᠴᠤᠭᠯᠠᠭᠤᠯᠭᠠ ᠲᠠᠢ᠃
ᠫᠯᠠᠨᠣ᠋ ᠻᠠᠷᠫᠢᠨ ᠤ ᠮᠠᠨ ᠤ ᠤᠯᠤᠰ ᠲᠤ ᠬᠢᠭ᠍ᠰᠡᠨ ᠠᠶᠠᠯᠠᠯ ᠤᠨ ᠲᠡᠮᠳᠡᠭᠯᠡᠯ᠂ ᠮᠣᠩ᠋ᠭᠤᠯ ᠤᠨ ᠡᠵᠡᠨᠲᠦ ᠭᠦᠷᠦᠨ ᠦ ᠲᠠᠯᠠᠭᠠᠷᠬᠢ ᠧᠦ᠋ᠷᠣᠫᠠ ᠢᠢᠨ ᠠᠩᠬᠠᠨ ᠤ ᠪᠠᠷᠢᠮᠲᠠ ᠨᠤᠭᠤᠳ ᠡᠨᠳᠡ ᠪᠠᠢᠢᠳᠠᠭ ᠶᠤᠮ᠃
