ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ «ᠴᠠᠭᠠᠨ ᠠᠯᠲᠠ» ᠦᠨᠳᠦᠰᠦᠨ ᠦ ᠬᠥᠲᠦᠯᠪᠦᠷᠢ ᠢᠢᠨ ᠬᠦᠷᠢᠶᠡᠨ ᠳᠥ ᠬᠥᠩ᠋ᠭᠡᠨ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠰᠠᠯᠪᠤᠷᠢ ᠳᠤ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠵᠤ ᠪᠤᠢ ᠦᠨᠳᠦᠰᠦᠨ ᠦ ᠠᠵᠤ ᠠᠬᠤᠶ ᠢᠢᠨ ᠨᠢᠭᠡᠴᠡ ᠨᠤᠭᠦᠳ ᠲᠥ ᠠᠵᠢᠯᠯᠠᠯᠠ᠃
ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠡᠬᠢᠯᠡᠵᠦ ᠣᠴᠢᠭᠰᠠᠨ «ᠲᠣᠳᠤ ᠣᠢᠢᠮᠤᠰᠤ» ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠᠲᠠᠶ ᠻᠣᠮᠫᠠᠨᠢ ᠒᠐᠑᠑ ᠣᠨ ᠳᠤ ᠪᠠᠢᠢᠭᠤᠯᠤᠭᠳᠠᠭᠰᠠᠨ᠃ ᠒᠐᠐ ᠭᠠᠷᠤᠶ ᠠᠵᠢᠯᠲᠠᠨ ᠲᠠᠢ᠃ ᠵᠢᠯ ᠳᠥ ᠪᠡᠨ ᠑᠂᠐᠐᠐ ᠲᠣᠨ᠋᠊ᠨ᠋ ᠲᠡᠭᠦᠬᠡᠶ ᠨᠣᠣᠰᠤ ᠪᠡᠯᠡᠳᠬᠡᠬᠦ᠂ ᠒᠐᠐ ᠲᠣᠨ᠋᠊ᠨ᠋ ᠤᠲᠠᠰᠤ᠂ ᠑᠐ ᠰᠠᠶᠠ ᠬᠣᠣᠰ ᠣᠢᠢᠮᠤᠰᠤ ᠦᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠴᠢᠳᠠᠯ ᠲᠠᠢ᠃
ᠮᠠᠯᠴᠢᠳ ᠤᠨ ᠬᠣᠲᠠᠨ ᠠᠴᠠ ᠪᠡᠯᠡᠳᠬᠡᠭ᠍ᠰᠡᠨ ᠲᠡᠭᠦᠬᠡᠶ ᠡᠳ᠋ ᠢᠶᠡᠨ ᠑᠒ ᠱᠠᠲᠤ ᠳᠠᠮᠵᠢᠯᠭᠠ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠨ ᠡᠴᠦᠰ ᠦᠨ ᠪᠦᠲᠦᠭᠡᠭ᠍ᠳᠡᠬᠦᠨ ᠪᠣᠯᠭᠠᠵᠤ᠂ ᠳᠣᠲᠤᠭᠠᠳᠤ ᠳᠤ ᠪᠠᠨ ᠑᠖ ᠰᠠᠯᠪᠤᠷᠢ ᠪᠠᠷ ᠪᠣᠷᠤᠯᠠᠭᠤᠯᠬᠤ ᠢᠢᠨ ᠵᠡᠷᠭᠡᠴᠡᠭᠡ ᠣᠷᠤᠰ᠂ ᠻᠠᠽᠠᠻᠰᠲ᠋ᠠᠨ᠂ ᠰᠣᠯᠤᠩ᠋ᠭᠤᠰ᠂ ᠶᠠᠫᠣᠨ᠂ ᠠᠮᠧᠷᠢᠻᠠ᠂ ᠭᠧᠷᠮᠠᠨ᠂ ᠹᠷᠠᠨ᠋ᠼᠠ ᠵᠡᠷᠭᠡ ᠑᠖ ᠤᠯᠤᠰ ᠲᠤ ᠨᠡᠢᠢᠯᠡᠭᠦᠯᠳᠡᠭ᠃
«ᠴᠠᠭᠠᠨ ᠠᠯᠲᠠ» ᠬᠥᠲᠦᠯᠪᠦᠷᠢ ᠢᠢᠨ ᠬᠦᠷᠢᠶᠡᠨ ᠳᠥ ᠔.᠒ ᠲᠡᠷᠪᠤᠮ ᠲᠥᠭᠦᠷᠢᠭ᠌ ᠦᠨ ᠡᠷᠭᠢᠯᠲᠡ ᠢᠢᠨ ᠬᠥᠷᠦᠩ᠋ᠭᠡ ᠢᠢᠨ ᠵᠢᠭᠡᠯᠡ ᠠᠪᠴᠤ ᠲᠡᠭᠦᠬᠡᠶ ᠡᠳ᠋ ᠢᠶᠡᠨ ᠨᠥᠭᠡᠴᠡᠯᠡᠨ᠂ ᠦᠢᠯᠡᠳᠪᠦᠷᠢᠯᠡᠯ ᠢᠶᠡᠨ ᠦᠷᠭᠡᠳᠬᠡᠵᠡᠶ᠃
«ᠴᠠᠭᠠᠨ ᠠᠯᠲᠠ» ᠬᠥᠲᠦᠯᠪᠦᠷᠢ ᠢᠢᠨ ᠳ᠋ᠦᠩ ᠳᠥ «ᠭᠣᠶᠤᠯ ᠻᠠᠱᠮᠧᠷ» ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠᠲᠠᠶ ᠻᠣᠮᠫᠠᠨᠢ ᠬᠦᠴᠦᠨ ᠴᠢᠳᠠᠯ ᠢᠢᠠᠨ ᠓᠐ ᠬᠤᠪᠢ ᠪᠠᠷ ᠨᠡᠮᠡᠵᠡᠶ
«ᠭᠣᠶᠤᠯ ᠻᠠᠱᠮᠧᠷ» ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠᠲᠠᠶ ᠻᠣᠮᠫᠠᠨᠢ ᠒᠐᠐᠕ ᠣᠨ ᠠᠴᠠ ᠨᠣᠣᠰᠤ᠂ ᠨᠣᠯᠤᠤᠷ ᠤᠨ ᠰᠦᠯᠵᠢᠮᠡᠯ᠂ ᠣᠶᠣᠮᠠᠯ᠂ ᠨᠡᠬᠡᠮᠡᠯ᠂ ᠰᠢᠷᠢᠮᠡᠯ ᠪᠦᠲᠦᠭᠡᠭ᠍ᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠵᠦ ᠡᠬᠢᠯᠡᠭᠰᠡᠨ᠃ ᠬᠣᠨᠤᠭ ᠲᠤ ᠕᠐᠐-᠑᠂᠐᠐᠐ ᠪᠦᠲᠦᠭᠡᠭ᠍ᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠴᠢᠳᠠᠯ ᠲᠠᠢ᠃
᠒᠐᠐ ᠭᠠᠷᠤᠶ ᠠᠵᠢᠯᠲᠠᠨ ᠲᠠᠢ᠃ ᠑᠐ ᠰᠠᠯᠪᠤᠷᠢ ᠳᠡᠯᠭᠡᠭᠦᠷ ᠲᠡᠢ᠂ ᠒᠐ ᠭᠠᠷᠤᠶ ᠤᠯᠤᠰ ᠲᠤ ᠪᠦᠲᠦᠭᠡᠭ᠍ᠳᠡᠬᠦᠨ ᠢᠶᠡᠨ ᠡᠻᠰᠫᠣᠷᠲ᠋ᠯᠠᠳᠠᠭ᠃ «ᠴᠠᠭᠠᠨ ᠠᠯᠲᠠ» ᠬᠥᠲᠦᠯᠪᠦᠷᠢ ᠢᠢᠨ ᠬᠦᠷᠢᠶᠡᠨ ᠳᠥ ᠒᠔ ᠲᠡᠷᠪᠤᠮ ᠲᠥᠭᠦᠷᠢᠭ᠌ ᠦᠨ ᠡᠷᠭᠢᠯᠲᠡ ᠢᠢᠨ ᠪᠣᠯᠤᠨ ᠬᠥᠷᠦᠩ᠋ᠭᠡ ᠣᠷᠤᠭᠤᠯᠤᠯᠲᠠ ᠢᠢᠨ ᠵᠢᠭᠡᠯᠡ ᠠᠪᠴᠤ ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠦᠷᠭᠡᠳᠬᠡᠭ᠍ᠰᠡᠨ ᠪᠠᠢᠢᠨᠠ᠃
ᠲᠤᠬᠠᠢᠢᠯᠠᠪᠠᠯ᠂ ᠒᠐᠒᠔ ᠣᠨ ᠳᠤ ᠒᠖.᠘ ᠲᠣᠨ᠋᠊ᠨ᠋ ᠲᠡᠭᠦᠬᠡᠶ ᠡᠳ᠋ ᠪᠡᠯᠡᠳᠬᠡ᠍ᠭ᠍ᠰᠡᠨ ᠪᠣᠯ ᠡᠨᠡ ᠣᠨ ᠳᠤ ᠘᠑.᠕ ᠲᠣᠨ᠋᠊ᠨ᠋ ᠢᠢ ᠪᠡᠯᠡᠳᠬᠡᠵᠡᠶ᠃ ᠮᠥᠨ ᠬᠤᠭᠤᠴᠠᠭᠠᠨ ᠳᠤ ᠲᠣᠨᠤᠭ ᠲᠥᠬᠦᠭᠡᠷᠦᠮᠵᠢ ᠢᠢᠨ ᠬᠦᠴᠦᠨ ᠴᠢᠳᠠᠯ᠂ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠬᠡᠮᠵᠢᠶᠡ᠂ ᠡᠻᠰᠫᠣᠷᠲ ᠤᠨ ᠪᠣᠷᠤᠯᠠᠭᠤᠯᠤᠯᠲᠠ ᠢᠢᠨ ᠣᠷᠤᠯᠭᠠ ᠲᠤᠰ ᠪᠦᠷᠢ ᠓᠐ ᠬᠤᠪᠢ ᠪᠠᠷ᠂ ᠠᠵᠢᠯ ᠤᠨ ᠪᠠᠢᠢᠷᠢ ᠒᠕ ᠬᠤᠪᠢ ᠪᠠᠷ ᠨᠡᠮᠡᠭᠳᠡᠵᠡᠶ᠃ «ᠭᠣᠶᠤᠯ ᠻᠠᠱᠮᠧᠷ» ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠᠲᠠᠶ ᠻᠣᠮᠫᠠᠨᠢ ᠦᠨᠳᠦᠰᠦᠨ ᠦᠢᠯᠡᠳᠪᠦᠷᠢᠯᠡᠯ ᠡᠴᠡ ᠭᠠᠳᠠᠨᠠ ᠬᠦᠨᠡᠰᠦᠨ ᠦ ᠬᠠᠶᠠᠭᠳᠠᠯ ᠢᠶᠠᠷ ᠬᠥᠷᠦᠰᠦᠨ ᠦ ᠻᠣᠮᠫᠣᠰᠲ᠋ ᠪᠣᠷᠳᠤᠭᠠ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠪᠥᠭᠡᠳ ᠨᠢᠭᠡ ᠲᠣᠨ᠋᠊ᠨ᠋ ᠪᠣᠷᠳᠤᠭᠠ ᠓᠂᠐᠐᠐ ᠲᠣᠨ᠋᠊ᠨ᠋ ᠨᠡᠭᠦᠷᠡᠰᠦ ᠬᠦᠴᠢᠯ ᠦᠨ ᠬᠡᠶ ᠪᠠᠭᠤᠷᠠᠭᠤᠯᠳᠠᠭ ᠶᠤᠮ ᠪᠠᠢᠢᠨᠠ᠃
«ᠴᠠᠭᠠᠨ ᠠᠯᠲᠠ» ᠦᠨᠳᠦᠰᠦᠨ ᠦ ᠬᠥᠲᠦᠯᠪᠦᠷᠢ ᠢᠢᠨ ᠬᠦᠷᠢᠶᠡᠨ ᠳᠥ ᠲᠥᠷᠦ᠂ ᠵᠠᠰᠠᠭ ᠠᠴᠠ ᠪᠣᠳᠤᠯᠭᠠ ᠢᠢᠨ ᠪᠣᠯᠤᠨ ᠰᠠᠩᠬᠦᠦ ᠢᠢᠨ ᠳᠡᠮᠵᠢᠯᠭᠡ ᠦᠵᠡᠭᠦᠯᠵᠦ ᠪᠠᠢᠢᠭᠠᠳ ᠠᠵᠤ ᠠᠬᠤᠶ ᠢᠢᠨ ᠨᠢᠭᠡᠴᠡ ᠨᠤᠭᠦᠳ ᠦᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ ᠲᠠᠯᠠᠷᠬᠠᠵᠤ᠂ ᠬᠥᠲᠦᠯᠪᠦᠷᠢ ᠢᠢ ᠴᠢᠨᠠᠭᠰᠢᠳᠠ ᠲᠤᠭᠤᠰᠢᠲᠠᠢ ᠦᠷᠭᠦᠯᠵᠢᠯᠡᠭᠦᠯᠬᠦ᠂ ᠢᠯᠠᠩ᠋ᠭᠤᠶᠠ ᠠᠯᠢ ᠪᠣᠯᠬᠤ ᠣᠯᠠᠨ ᠡᠭᠡᠷᠡᠬᠦ ᠦᠢᠯᠡᠳᠪᠦᠷᠢ ᠪᠠᠷᠢᠬᠤ ᠨᠢ ᠵᠦᠢ ᠲᠡᠢ ᠭᠡᠳᠡᠭ ᠢ ᠬᠡᠯᠡᠵᠦ ᠪᠠᠢᠢᠯᠠ᠃
ᠢᠩ᠋ᠭᠢᠭ᠍ᠰᠡᠨ ᠢᠶᠡᠷ ᠨᠣᠣᠰᠤ᠂ ᠨᠣᠯᠤᠤᠷ ᠢ ᠭᠡᠬᠦ ᠳᠥ ᠯᠠ ᠳᠣᠲᠤᠭᠠᠳᠤ ᠳᠤ ᠪᠠᠨ ᠪᠦᠷᠢᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠨᠡᠮᠡᠭᠦᠦ ᠥᠷᠲᠡᠭ ᠰᠢᠩ᠋ᠭᠡᠭ᠍ᠰᠡᠨ ᠪᠦᠲᠦᠭᠡᠭ᠍ᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠬᠦ ᠰᠠᠭᠤᠷᠢ ᠪᠡᠬᠢᠵᠢᠨᠡ᠃ ᠮᠥᠨ ᠡᠻᠰᠫᠣᠷᠲ ᠤᠨ ᠪᠣᠯᠤᠨ ᠸᠠᠯᠦ᠋ᠲ᠋ᠠ ᠢᠢᠨ ᠬᠡᠮᠵᠢᠶᠡ ᠥᠰᠴᠦ᠂ ᠮᠠᠯᠴᠢᠳ᠂ ᠲᠡᠭᠦᠬᠡᠶ ᠡᠳ᠋ ᠨᠡᠢᠢᠯᠡᠭᠦᠯᠦᠭᠴᠢᠳ ᠦᠨ ᠣᠷᠤᠯᠭᠠ ᠨᠡᠮᠡᠭᠳᠡᠨ᠂ ᠮᠣᠩ᠋ᠭᠤᠯ ᠨᠣᠯᠤᠤᠷ ᠤᠨ ᠦᠨᠡ ᠴᠡᠨᠠ ᠳᠡᠯᠡᠬᠡᠶ ᠳᠥ ᠤᠯᠠᠮ ᠪᠠᠲᠤᠯᠠᠭᠠᠵᠢᠨᠠ ᠭᠡᠵᠦ ᠦᠵᠡᠵᠦ ᠪᠠᠢᠢᠨᠠ᠃
ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠂ ᠬᠦᠷᠡᠯᠰᠦ᠋ᠬᠡ ᠮᠠᠯᠴᠢᠳ᠂ ᠨᠡᠢᠢᠯᠡᠭᠦᠯᠦᠭᠴᠢᠳ᠂ ᠪᠤᠰᠤᠳ ᠲᠠᠢ ᠪᠠᠨ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠢᠢᠨ ᠵᠡᠷᠭᠡᠴᠡᠭᠡ ᠣᠯᠠᠨ ᠠᠷᠪᠠᠨ ᠠᠵᠢᠯ ᠤᠨ ᠪᠠᠢᠢᠷᠢ ᠪᠤᠢ ᠪᠣᠯᠭᠠᠨ᠂ ᠨᠡᠮᠡᠭᠦᠦ ᠥᠷᠲᠡᠭ ᠰᠢᠩ᠋ᠭᠡᠭ᠍ᠰᠡᠨ ᠪᠦᠲᠦᠭᠡᠭ᠍ᠳᠡᠬᠦᠨ ᠢᠶᠡᠨ ᠳᠣᠲᠤᠭᠠᠳᠤ᠂ ᠭᠠᠳᠠᠭᠠᠳᠤ ᠢᠢᠨ ᠵᠠᠬᠠ ᠵᠡᠭᠡᠯᠢ ᠳᠥ ᠨᠡᠢᠢᠯᠡᠭᠦᠯᠵᠦ᠂ ᠲᠠᠲᠠᠪᠤᠷᠢ ᠪᠠᠨ ᠲᠥᠯᠦᠵᠦ ᠪᠠᠢᠢᠭᠠ ᠠᠵᠤ ᠠᠬᠤᠶ ᠢᠢᠨ ᠨᠢᠭᠡᠴᠡ᠂ ᠪᠠᠶᠠᠯᠢᠭ ᠪᠦᠲᠦᠭᠡᠭ᠍ᠴᠢᠳ ᠲᠥ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠯᠡ᠃
«ᠴᠠᠭᠠᠨ ᠠᠯᠲᠠ» ᠬᠥᠲᠦᠯᠪᠦᠷᠢ ᠢᠢᠨ ᠳ᠋ᠦᠩ ᠳᠥ ᠖᠂᠐᠐᠐ ᠲᠣᠨ᠋᠊ᠨ᠋ ᠨᠣᠯᠤᠤᠷ ᠪᠡᠯᠡᠳᠬᠡᠭ᠍ᠰᠡᠨ ᠨᠢ ᠠᠩᠬᠠ ᠤᠳᠠᠭᠠ ᠲᠡᠭᠦᠬᠡᠶ ᠡᠳ᠋ ᠦᠨ ᠗᠐ ᠣᠷᠴᠢᠮ ᠬᠤᠪᠢ ᠢᠢ ᠥᠪᠡᠷᠰᠡᠳ ᠢᠶᠡᠨ ᠪᠡᠯᠡᠳᠬᠡᠭ᠍ᠰᠡᠨ ᠭᠡᠰᠡᠨ ᠦᠭᠡ ᠶᠤᠮ᠃
᠒᠐᠒᠕ ᠣᠨ ᠤ ᠑᠒ ᠳ᠋ᠤᠭᠠᠷ ᠰᠠᠷᠠ ᠢᠢᠨ ᠑᠕ ᠤ ᠪᠠᠢᠢᠳᠠᠯ ᠢᠶᠠᠷ ᠨᠣᠣᠰᠤ᠂ ᠨᠣᠯᠤᠤᠷ᠂ ᠠᠷᠠᠰᠤ᠂ ᠰᠢᠷᠢ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠬᠦᠴᠦᠨ ᠴᠢᠳᠠᠯ ᠢ ᠨᠡᠮᠡᠭᠳᠡᠭᠦᠯᠬᠦ᠂ ᠦᠢᠯᠡ ᠠᠵᠢᠯᠯᠠᠭᠠ ᠢᠢ ᠨᠢ ᠳᠡᠮᠵᠢᠬᠦ ᠵᠣᠷᠢᠯᠭᠠ ᠪᠠᠷ ᠠᠵᠤ ᠠᠬᠤᠶ ᠢᠢᠨ ᠨᠢᠭᠡᠴᠡ ᠨᠤᠭᠦᠳ ᠲᠥ ᠔᠙᠓ ᠲᠡᠷᠪᠤᠮ ᠲᠥᠭᠦᠷᠢᠭ᠌ ᠦᠨ ᠡᠷᠭᠢᠯᠲᠡ ᠢᠢᠨ ᠪᠣᠯᠤᠨ ᠬᠥᠷᠦᠩ᠋ᠭᠡ ᠣᠷᠤᠭᠤᠯᠤᠯᠲᠠ ᠢᠢᠨ ᠵᠢᠭᠡᠯᠡ ᠣᠯᠭᠤᠭᠠᠳ ᠪᠠᠢᠢᠨᠠ᠃ ᠡᠭᠦᠨ ᠦ ᠦᠷᠡ ᠳ᠋ᠦᠩ ᠳᠥ ᠡᠭᠡᠷᠡᠬᠦ ᠢᠢᠨ ᠬᠦᠴᠦᠨ ᠴᠢᠳᠠᠯ ᠭᠡᠬᠦ ᠳᠥ ᠯᠠ ᠔᠐᠐ ᠲᠣᠨ᠋᠊ᠨ᠋ ᠪᠠᠷ ᠨᠡᠮᠡᠭᠳᠡᠵᠦ ᠒᠂᠐᠐᠐ ᠭᠠᠷᠤᠶ ᠲᠣᠨ᠋᠊ᠨ᠋ ᠪᠣᠯᠤᠭᠰᠠᠨ ᠪᠣᠯ ᠰᠦᠯᠵᠢᠬᠦ ᠬᠦᠴᠦᠨ ᠴᠢᠳᠠᠯ ᠒᠐᠐᠂᠐᠐᠐ ᠰᠢᠷᠬᠡᠭ᠌ ᠢᠶᠡᠷ ᠨᠡᠮᠡᠭᠳᠡᠵᠡᠶ᠃
ᠮᠠᠨ ᠤ ᠤᠯᠤᠰ ᠒᠐᠒᠓ ᠣᠨ ᠳᠤ ᠔᠔᠐ ᠰᠠᠶᠠ ᠠᠮ᠊᠂ ᠳ᠋ᠣᠯᠯᠠᠷ ᠤᠨ ᠦᠨᠡ ᠪᠦᠬᠦᠢ ᠨᠣᠯᠤᠤᠷ᠂ ᠨᠣᠯᠤᠤᠷ ᠤᠨ ᠪᠦᠲᠦᠭᠡᠭ᠍ᠳᠡᠬᠦᠨ ᠡᠻᠰᠫᠣᠷᠲ᠋ᠯᠠᠭᠰᠠᠨ᠃ «ᠴᠠᠭᠠᠨ ᠠᠯᠲᠠ» ᠬᠥᠲᠦᠯᠪᠦᠷᠢ ᠢᠢᠨ ᠳ᠋ᠦᠩ ᠳᠥ ᠰᠠᠮᠨᠠᠭᠰᠠᠨ ᠨᠣᠯᠤᠤᠷ ᠤᠨ ᠡᠻᠰᠫᠣᠷᠲ ᠲᠠᠪᠤ ᠳᠠᠬᠢᠨ ᠨᠡᠮᠡᠭᠳᠡᠭᠡᠳ ᠪᠠᠢᠢᠨᠠ᠃
«ᠴᠠᠭᠠᠨ ᠠᠯᠲᠠ» ᠬᠥᠲᠦᠯᠪᠦᠷᠢ ᠒᠐᠒᠔-᠒᠐᠒᠘ ᠣᠨ ᠳᠤ ᠬᠡᠷᠡᠭᠵᠢᠨᠡ᠃
ᠬᠥᠲᠦᠯᠪᠦᠷᠢ ᠢᠢᠨ ᠳ᠋ᠦᠩ ᠳᠥ ᠨᠣᠯᠤᠤᠷ ᠤᠨ ᠪᠦᠷᠢᠨ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ ᠢᠢᠨ ᠲᠥᠪᠰᠢᠨ ᠢ ᠣᠳᠤ ᠢᠢᠨ ᠒᠐ ᠬᠤᠪᠢ ᠠᠴᠠ ᠔᠐ ᠬᠦᠷᠲᠡᠯᠡ ᠬᠤᠪᠢ᠂ ᠦᠢᠯᠡᠳᠪᠦᠷᠢᠯᠡᠯ ᠢ ᠑᠂᠕ ᠶᠡᠬᠡ ᠨᠠᠶᠤᠳ ᠲᠥᠭᠦᠷᠢᠭ᠌ ᠡᠴᠡ ᠒᠂᠓ ᠶᠡᠬᠡ ᠨᠠᠶᠤᠳ ᠲᠥᠭᠦᠷᠢᠭ᠌᠂ ᠡᠻᠰᠫᠣᠷᠲ ᠢ ᠓᠙᠘ ᠰᠠᠶᠠ ᠠᠮ᠂ ᠳ᠋ᠣᠯᠯᠠᠷ ᠠᠴᠠ ᠖᠙᠐ ᠰᠠᠶᠠ ᠠᠮ᠊᠂ ᠳ᠋ᠣᠯᠯᠠᠷ᠂ ᠰᠢᠨᠡ ᠪᠡᠷ ᠭᠤᠷᠪᠠᠨ ᠮᠢᠩ᠋ᠭᠠ ᠭᠠᠷᠤᠶ ᠠᠵᠢᠯ ᠤᠨ ᠪᠠᠢᠢᠷᠢ ᠪᠤᠢ ᠪᠣᠯᠬᠤ ᠶᠤᠮ᠃
ᠮᠥᠨ:
• ᠨᠣᠣᠰᠤᠨ ᠤ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ ᠢᠢᠨ ᠲᠥᠪᠰᠢᠨ ᠢ ᠣᠳᠤ ᠢᠢᠨ ᠒᠕ ᠬᠤᠪᠢ ᠠᠴᠠ ᠕᠕ ᠬᠦᠷᠲᠡᠯᠡ ᠬᠤᠪᠢ᠂ ᠦᠢᠯᠡᠳᠪᠦᠷᠢᠯᠡᠯ ᠢ ᠒᠔᠐ ᠲᠡᠷᠪᠤᠮ ᠲᠥᠭᠦᠷᠢᠭ᠌ ᠡᠴᠡ ᠖᠗᠐ ᠲᠡᠷᠪᠤᠮ ᠲᠥᠭᠦᠷᠢᠭ᠌᠂ ᠡᠻᠰᠫᠣᠷᠲ ᠢ ᠕᠒ ᠰᠠᠶᠠ ᠠᠮ᠊᠂ ᠳ᠋ᠣᠯᠯᠠᠷ ᠠᠴᠠ ᠑᠑᠙ ᠰᠠᠶᠠ ᠠᠮ᠊᠂ ᠳ᠋ᠣᠯᠯᠠᠷ᠂ ᠰᠢᠨᠡ ᠪᠡᠷ ᠒᠂᠒᠐᠐ ᠣᠷᠴᠢᠮ ᠠᠵᠢᠯ ᠤᠨ ᠪᠠᠢᠢᠷᠢ᠂
• ᠠᠷᠠᠰᠤ᠂ ᠰᠢᠷᠢᠨ ᠦ ᠪᠣᠯᠪᠠᠰᠤᠷᠠᠭᠤᠯᠤᠯᠲᠠ ᠢᠢᠨ ᠲᠥᠪᠰᠢᠨ ᠢ ᠣᠳᠤ ᠢᠢᠨ ᠓᠐ ᠬᠤᠪᠢ ᠠᠴᠠ ᠕᠐ ᠬᠦᠷᠲᠡᠯᠡ ᠬᠤᠪᠢ᠂ ᠪᠣᠷᠤᠯᠠᠭᠤᠯᠤᠯᠲᠠ ᠢᠢ ᠕᠗᠂᠘ ᠲᠡᠷᠪᠤᠮ ᠲᠥᠭᠦᠷᠢᠭ᠌ ᠡᠴᠡ ᠙᠐᠐ ᠲᠡᠷᠪᠤᠮ ᠲᠥᠭᠦᠷᠢᠭ᠌᠂ ᠡᠻᠰᠫᠣᠷᠲ ᠢ ᠙᠂᠖ ᠰᠠᠶᠠ ᠠᠮ᠊᠂ ᠳ᠋ᠣᠯᠯᠠᠷ ᠠᠴᠠ ᠒᠒ ᠰᠠᠶᠠ ᠠᠮ᠊᠂ ᠳ᠋ᠣᠯᠯᠠᠷ᠂ ᠰᠢᠨᠡ ᠪᠡᠷ ᠓᠂᠐᠐᠐ ᠭᠠᠷᠤᠶ ᠠᠵᠢᠯ ᠤᠨ ᠪᠠᠢᠢᠷᠢ᠂ ᠨᠡᠢᠢᠲᠡ ᠘᠂᠐᠐᠐ ᠭᠠᠷᠤᠶ ᠠᠵᠢᠯ ᠤᠨ ᠪᠠᠢᠢᠷᠢ ᠪᠤᠢ ᠪᠣᠯᠤᠨᠠ᠃
ᠡᠭᠦᠨ ᠦ ᠵᠡᠷᠭᠡᠴᠡᠭᠡ ᠮᠠᠯ ᠠᠵᠤ ᠠᠬᠤᠶ ᠢᠢᠨ ᠭᠠᠷᠤᠯᠲᠠᠢ ᠲᠡᠭᠦᠬᠡᠶ ᠡᠳ᠋ ᠦᠨ ᠡᠻᠰᠫᠣᠷᠲ ᠤᠨ ᠬᠡᠮᠵᠢᠶᠡ ᠬᠣᠶᠠᠷ ᠳᠠᠬᠢᠨ ᠨᠡᠮᠡᠭᠳᠡᠵᠦ᠂ ᠘᠐᠐ ᠣᠷᠴᠢᠮ ᠰᠠᠶᠠ ᠠᠮ᠊᠂ ᠳ᠋ᠣᠯᠯᠠᠷ ᠲᠤ ᠬᠦᠷᠬᠦ ᠶᠤᠮ᠃
