ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠢᠪᠡᠭᠡᠯ ᠳᠣᠣᠷᠠ «ᠲᠡᠮᠡᠭᠡᠨ ᠳᠡᠭᠡᠷᠡ ᠡᠴᠡ ᠨᠠᠷᠠᠨ ᠣᠢᠢᠷᠠᠬᠠᠨ» ᠡᠪᠦᠯ ᠦᠨ ᠶᠡᠬᠡ ᠨᠠᠭᠠᠳᠤᠮ᠂ ᠲᠡᠮᠡᠭᠡᠴᠢᠳ ᠦᠨ V ᠵᠥᠪᠯᠡᠭᠡᠨ ᠢ ᠒᠐᠒᠖ ᠣᠨ ᠤ ᠨᠢᠭᠡ᠊ᠳ᠋ᠦᠭᠡᠷ ᠰᠠᠷᠠ ᠢᠢᠨ ᠒᠔-᠒᠕ ᠳᠤ ᠳᠤᠮᠳᠠᠭᠣᠪᠢ ᠠᠢᠢᠮᠠᠭ ᠤᠨ ᠮᠠᠨᠳᠠᠯᠭᠣᠪᠢ ᠬᠣᠲᠠᠨᠠ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠭᠡᠵᠦ ᠪᠠᠢᠢᠨᠠ᠃
ᠡᠨᠡ ᠨᠢ ᠮᠣᠩ᠋ᠭᠤᠯ ᠲᠡᠮᠡᠭᠡ ᠢᠢ ᠰᠤᠷᠲᠠᠯᠴᠢᠯᠠᠬᠤ᠂ ᠠᠰᠢᠭ ᠰᠢᠮᠡ ᠢᠢ ᠨᠢ ᠡᠳ᠋ ᠦᠨ ᠵᠠᠰᠠᠭ ᠤᠨ ᠡᠷᠭᠢᠯᠲᠡ ᠳᠥ ᠣᠷᠤᠭᠤᠯᠬᠤ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠢ ᠲᠡᠮᠡᠭᠡᠨ ᠦ ᠰᠫᠣᠷᠲ ᠲᠠᠶ ᠤᠶᠠᠯᠳᠤᠭᠤᠯᠤᠨ ᠬᠥᠭ᠍ᠵᠢᠭᠦᠯᠬᠦ᠂ ᠲᠡᠮᠡᠭᠡᠨ ᠦ ᠰᠣᠶᠤᠯ ᠢ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦ ᠵᠣᠷᠢᠯᠭᠠ ᠲᠠᠶ ᠶᠤᠮ᠃
ᠨᠠᠭᠠᠳᠤᠮ ᠤᠨ ᠦᠶᠡ ᠪᠡᠷ ᠳᠥᠷᠪᠡᠨ ᠨᠠᠰᠤᠨ ᠤ ᠬᠤᠷᠳᠤᠨ ᠲᠡᠮᠡᠭᠡᠨ ᠦ ᠤᠷᠤᠯᠳᠤᠭᠠᠨ᠂ ᠬᠠᠷᠪᠤᠭᠠ᠂ ᠫᠣᠯᠤ᠋᠂ ᠲᠡᠮᠡᠭᠡᠨ ᠤ ᠳᠡᠭᠡᠷᠡ ᠡᠴᠡ ᠱᠠᠭᠠ ᠰᠢᠭᠦᠷᠡᠬᠦ ᠪᠣᠯᠤᠨ ᠪᠤᠢᠢᠯᠠ ᠵᠣᠷᠬᠤ᠂ ᠪᠤᠷᠠᠨᠲᠠᠭ ᠲᠣᠮᠤᠬᠤ᠂ ᠡᠮᠨᠢᠭ ᠲᠡᠮᠡᠭᠡᠨ ᠦ ᠲᠤᠢᠢᠯᠠᠭᠠ ᠵᠡᠷᠭᠡ ᠪᠤᠤᠬᠢᠶᠠ ᠲᠡᠮᠡᠴᠡᠭᠡᠨ ᠵᠣᠬᠢᠶᠠᠵᠤ᠂ ᠰᠠᠢᠢᠬᠠᠨ ᠲᠡᠮᠡᠭᠡ ᠲᠡᠶ ᠭᠠᠩ᠋ᠭᠠᠩ ᠬᠣᠣᠰ᠂ ᠰᠢᠯᠢᠮᠡᠯ ᠪᠤᠤᠷᠠ᠂ ᠢᠩ᠋ᠭᠡ ᠰᠢᠯᠭᠠᠷᠠᠭᠤᠯᠤᠨᠠ᠃
ᠮᠥᠨ ᠲᠡᠮᠡᠭᠡᠨ ᠦ ᠰᠦᠨ᠂ ᠴᠠᠭᠠᠨ ᠢᠳᠡᠭᠡ᠂ ᠨᠣᠣᠰᠤ᠂ ᠠᠷᠠᠰᠤ ᠪᠠᠷ ᠬᠢᠭ᠍ᠰᠡᠨ ᠪᠦᠲᠦᠭᠡᠭ᠍ᠳᠡᠬᠦᠨ ᠦ ᠦᠵᠡᠰᠬᠦᠯᠡᠩ ᠬᠤᠳᠠᠯᠳᠤᠭᠠ᠂ ᠥᠪᠯᠡᠨ ᠤᠯᠠᠮᠵᠢᠯᠠᠭᠴᠢᠳ ᠤᠨ ᠲᠤᠰᠬᠠᠢ ᠦᠵᠡᠰᠬᠦᠯᠡᠩ ᠭᠠᠷᠭᠠᠬᠤ ᠶᠤᠮ᠃
ᠲᠡᠮᠡᠭᠡᠴᠢᠳ ᠦᠨ V ᠵᠥᠪᠯᠡᠭᠡᠨ ᠢᠶᠡᠷ «ᠲᠡᠮᠡᠭᠡᠨ ᠦ ᠰᠣᠶᠤᠯ ᠢ ᠬᠠᠳᠠᠭᠠᠯᠠᠬᠤ᠂ ᠬᠠᠮᠠᠭᠠᠯᠠᠬᠤ ᠪᠣᠳᠤᠯᠭᠠ᠂ ᠦᠢᠯᠡ ᠠᠵᠢᠯᠯᠠᠭᠠ»᠂ «ᠠᠭᠤᠷ ᠠᠮᠢᠰᠬᠤᠯ ᠤᠨ ᠥᠭᠡᠷᠡᠴᠢᠯᠡᠯᠲᠡ᠂ ᠴᠥᠯᠵᠢᠯᠲᠡ ᠢᠢᠨ ᠨᠥᠯᠦᠭᠡ᠂ ᠪᠣᠳᠤᠯᠭᠠ᠂ ᠠᠷᠭᠠ ᠬᠡᠮᠵᠢᠶᠡ» ᠪᠣᠯᠤᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠢ ᠲᠡᠮᠡᠭᠡᠨ ᠦ ᠰᠣᠶᠤᠯ ᠲᠠᠶ ᠤᠶᠠᠯᠳᠤᠭᠤᠯᠤᠨ ᠬᠥᠭ᠍ᠵᠢᠭᠦᠯᠬᠦ ᠵᠡᠷᠭᠡ ᠰᠡᠳᠦᠪ ᠢᠶᠡᠷ ᠢᠯᠡᠳᠬᠡᠯ ᠬᠡᠯᠡᠯᠴᠡᠨ ᠵᠥᠪᠯᠡᠮᠵᠢ ᠭᠠᠷᠭᠠᠨᠠ᠃
ᠡᠪᠦᠯ ᠦᠨ ᠶᠡᠬᠡ ᠨᠠᠭᠠᠳᠤᠮ᠂ ᠲᠡᠮᠡᠭᠡᠴᠢᠳ ᠦᠨ ᠵᠥᠪᠯᠡᠭᠡᠨ ᠢ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠲᠠᠮᠠᠭᠠ ᠢᠢᠨ ᠭᠠᠵᠠᠷ᠂ ᠳᠤᠮᠳᠠᠭᠣᠪᠢ ᠠᠢᠢᠮᠠᠭ ᠤᠨ ᠵᠠᠰᠠᠭ ᠳᠠᠷᠤᠭᠠ ᠢᠢᠨ ᠲᠠᠮᠠᠭᠠ ᠢᠢᠨ ᠭᠠᠵᠠᠷ᠂ ᠰᠣᠶᠤᠯ᠂ ᠰᠫᠣᠷᠲ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ᠂ ᠵᠠᠯᠠᠭᠤᠴᠤᠳ ᠤᠨ ᠶᠠᠮᠤᠨ᠂ ᠬᠦᠨᠡᠰᠦ᠂ ᠬᠥᠳᠡᠭᠡ ᠠᠵᠤ ᠠᠬᠤᠢ᠂ ᠬᠥᠩ᠋ᠭᠡᠨ ᠦᠢᠯᠡᠳᠪᠦᠷᠢ ᠢᠢᠨ ᠶᠠᠮᠤᠨ᠂ ᠮᠣᠩ᠋ᠭᠣᠯ ᠤᠨ ᠲᠡᠮᠡᠭᠡᠨ ᠦ ᠰᠣᠶᠤᠯ᠂ ᠤᠷᠤᠯᠳᠤᠭᠠᠨ ᠤ ᠬᠣᠯᠪᠤᠭᠠ᠂ ᠮᠣᠩ᠋ᠭᠣᠯ ᠤᠨ ᠲᠡᠮᠡᠭᠡᠨ ᠦ ᠫᠣᠯᠤ ᠰᠫᠣᠷᠲ ᠤᠷᠤᠯᠳᠤᠭᠠᠨ᠂ ᠠᠶᠠᠯᠠᠯ ᠤᠨ ᠬᠣᠯᠪᠤᠭᠠ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠤᠨᠠ᠃
ᠥᠩ᠋ᠭᠡᠷᠡᠭᠰᠡᠨ ᠵᠢᠯ ᠦᠨ ᠲᠡᠮᠡᠭᠡᠴᠢᠳ ᠦᠨ ᠪᠠᠶᠠᠷ ᠳᠣᠷᠤᠨᠠᠭᠣᠪᠢ ᠠᠢᠢᠮᠠᠭ ᠲᠤ «ᠶᠡᠬᠡ ᠭᠣᠪᠢ ᠢᠢᠨ ᠲᠡᠮᠡᠭᠡ-᠒᠐᠒᠕» ᠨᠡᠷᠡ ᠲᠡᠶ ᠪᠡᠷ ᠪᠣᠯᠵᠤ ᠪᠠᠢᠢᠵᠠᠶ᠃ ᠒᠐᠒᠔ ᠣᠨ ᠳᠤ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠥ ᠔᠘᠐ ᠮᠢᠩ᠋ᠭᠠᠨ ᠲᠡᠮᠡᠭᠡ ᠲᠣᠭᠠᠯᠠᠭᠤᠯᠤᠭᠰᠠᠨ ᠪᠣᠯ ᠒᠐᠒᠕ ᠣᠨ ᠤ ᠪᠠᠢᠢᠳᠠᠯ ᠢᠶᠠᠷ ᠕᠐᠑ ᠮᠢᠩ᠋ᠭᠠ ᠪᠣᠯᠵᠤ ᠥᠰᠦᠭᠰᠡᠨ ᠪᠠᠢᠢᠨᠠ᠃