ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠂ ᠬᠦᠷᠡᠯᠰᠦ᠋ᠬᠡ ᠡᠨᠡ ᠡᠳᠦᠷ ᠦᠳ ᠲᠥ ᠳᠤᠮᠳᠠᠭᠣᠪᠢ ᠠᠢᠢᠮᠠᠭ ᠤᠨ ᠮᠠᠨᠳᠠᠯᠭᠣᠪᠢ ᠬᠣᠲᠠ ᠳᠤ ᠠᠵᠢᠯᠯᠠᠵᠤ᠂ ᠢᠷᠭᠡᠳ᠂ ᠮᠠᠯᠴᠢᠳ ᠲᠠᠶ ᠠᠭᠤᠯᠵᠠᠨ᠂ ᠲᠡᠮᠡᠭᠡᠴᠢᠳ ᠦᠨ ᠤᠯᠤᠰ ᠤᠨ V ᠵᠥᠪᠯᠡᠭᠡᠨ ᠳᠥ ᠣᠷᠤᠯᠴᠠᠯᠠ᠃
ᠲᠥᠷᠦ ᠢᠢᠨ ᠲᠡᠷᠢᠭᠦᠨ ᠦᠨᠳᠦᠰᠦᠨ ᠦ ᠦᠢᠯᠡᠳᠪᠦᠷᠢᠯᠡᠯ ᠢᠶᠡᠨ ᠳᠡᠮᠵᠢᠨ᠂ ᠤᠯᠠᠮ ᠢᠶᠠᠷ ᠡᠻᠰᠫᠣᠷᠲ᠋ᠯᠠᠭᠴᠢ ᠣᠷᠤᠨ ᠪᠣᠯᠬᠤ ᠵᠣᠷᠢᠯᠲᠠ ᠳᠡᠪᠰᠢᠭᠦᠯᠦᠨ «ᠴᠠᠭᠠᠨ ᠠᠯᠲᠠ»᠂ «ᠬᠦᠨᠡᠰᠦᠨ ᠦ ᠬᠤᠪᠢᠰᠬᠠᠯ» ᠵᠡᠷᠭᠡ ᠬᠥᠳᠡᠯᠭᠡᠭᠡᠨ ᠥᠷᠨᠢᠭᠦᠯᠵᠦ ᠪᠠᠢᠢᠭᠠ᠃
ᠲᠤᠬᠠᠢᠢᠯᠠᠪᠠᠯ᠂ «ᠴᠠᠭᠠᠨ ᠠᠯᠲᠠ» ᠬᠥᠲᠦᠯᠪᠦᠷᠢ ᠨᠢ ᠮᠠᠯ ᠤᠨ ᠭᠠᠷᠤᠯ ᠲᠠᠶ ᠲᠡᠭᠦᠬᠡᠢ ᠡᠳ᠋ ᠢ ᠦᠨᠡ ᠴᠡᠨᠡ ᠲᠡᠶ ᠪᠣᠯᠭᠠᠬᠤ᠂ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠪᠠᠢᠢᠭᠤᠯᠬᠤ᠂ ᠮᠠᠯ ᠰᠦᠷᠦᠭ ᠦᠨ ᠠᠰᠢᠭ ᠰᠢᠮᠡ ᠢᠢ ᠪᠦᠷᠢᠨ ᠠᠰᠢᠭᠯᠠᠬᠤ᠂ ᠮᠠᠯᠴᠢᠳ ᠤᠨ ᠠᠰᠢᠭ ᠣᠷᠤᠯᠭᠠ ᠢᠢ ᠨᠡᠮᠡᠭᠳᠡᠭᠦᠯᠬᠦ ᠵᠣᠷᠢᠯᠭᠠ ᠲᠠᠶ ᠢᠢ ᠣᠨᠴᠠᠯᠠᠯᠠ᠃
ᠥᠰᠪᠦᠷᠢ ᠲᠡᠮᠡᠭᠡ᠂ ᠢᠩ᠋ᠭᠡᠨ ᠦ ᠨᠣᠣᠰᠤ ᠨᠢ ᠢᠮᠠᠭᠠᠨ ᠤ ᠨᠣᠯᠤᠤᠷ ᠲᠠᠶ ᠳᠦᠢᠴᠡᠬᠦᠢᠢᠴᠡ ᠴᠢᠨᠠᠷᠲᠠᠢ ᠬᠡᠮᠡᠨ ᠦᠨᠡᠯᠡᠭᠳᠡᠵᠦ᠂ ᠳᠡᠯᠡᠬᠡᠢ ᠢᠢᠨ ᠵᠠᠬᠠ ᠵᠡᠭᠡᠯᠢ ᠳᠥ ᠲᠡᠮᠡᠭᠡᠨ ᠦ ᠨᠣᠣᠰᠤᠨ ᠪᠦᠲᠦᠭᠡᠭ᠍ᠳᠡᠬᠦᠨ ᠥᠨᠳᠦᠷ ᠦᠨᠡ ᠪᠡᠷ ᠪᠣᠷᠤᠯᠠᠭᠳᠠᠵᠤ ᠪᠠᠢᠢᠭᠠ ᠢᠢ ᠳᠤᠷᠠᠳᠪᠠ᠃
ᠶᠡᠷᠦᠩᠬᠡᠢᠢᠯᠡᠭᠴᠢ ᠮᠠᠨᠳᠠᠯᠭᠣᠪᠢ ᠬᠣᠲᠠᠨᠠ ᠪᠣᠯᠤᠭᠰᠠᠨ ᠲᠡᠮᠡᠭᠡᠴᠢᠳ ᠦᠨ ᠤᠯᠤᠰ ᠤᠨ V ᠵᠥᠪᠯᠡᠭᠡᠨ ᠢ ᠨᠡᠭᠡᠭᠡᠵᠦ ᠦᠭᠡ ᠬᠡᠯᠡᠬᠦ ᠳᠥ ᠪᠡᠨ᠂ ᠮᠠᠯ ᠮᠠᠯᠯᠠᠬᠤ ᠠᠷᠭᠠ ᠤᠬᠠᠭᠠᠨ᠂ ᠮᠡᠳᠡᠯᠭᠡ᠂ ᠲᠤᠷᠰᠢᠯᠭᠠ ᠢᠢ ᠦᠶᠡ ᠡᠴᠡ ᠦᠶᠡ ᠳᠥ ᠥᠪᠯᠡᠨ᠂ ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠤᠨ ᠢᠶᠠᠨ ᠠᠰᠢᠭ ᠰᠢᠮᠡ ᠢᠢ ᠠᠷᠪᠢᠵᠢᠭᠤᠯᠤᠨ ᠥᠰᠬᠡᠵᠦ ᠢᠷᠡᠭᠰᠡᠨ ᠮᠠᠯᠴᠢᠳ ᠲᠤ᠂ ᠲᠡᠷᠡ ᠳᠤᠮᠳᠠ ᠪᠠᠨ ᠲᠡᠮᠡᠭᠡᠴᠢᠳ ᠲᠥ ᠠᠷᠠᠳ ᠲᠦᠮᠡᠨ ᠦ ᠪᠡᠨ ᠨᠡᠷᠡ ᠢᠢᠨ ᠡᠮᠦᠨᠡ ᠡᠴᠡ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠯᠡ᠃
᠒᠐ ᠵᠢᠯ ᠦᠨ ᠲᠡᠷᠡᠲᠡᠭᠡ ᠮᠠᠨ ᠤ ᠤᠯᠤᠰ ᠒᠕᠔ ᠮᠢᠩ᠋ᠭᠠᠨ ᠲᠡᠮᠡᠭᠡ ᠲᠡᠶ ᠪᠠᠢᠢᠭᠰᠠᠨ ᠪᠣᠯ ᠡᠳᠦᠭᠡ ᠲᠣᠭᠠ ᠲᠣᠯᠤᠭᠠᠢ ᠨᠢ ᠬᠣᠶᠠᠷ ᠳᠠᠬᠢᠨ ᠥᠰᠴᠦ ᠕᠐᠑ ᠮᠢᠩ᠋ᠭᠠ ᠳᠤ ᠬᠦᠷᠦᠭᠰᠡᠨ ᠨᠢ ᠮᠠᠯᠴᠢᠳ᠂ ᠲᠡᠮᠡᠭᠡᠴᠢᠳ ᠦᠨ ᠨᠥᠷᠢ ᠶᠡᠬᠡ ᠬᠥᠳᠡᠯᠮᠦᠷᠢ ᠢᠢᠨ ᠦᠷᠡ ᠳ᠋ᠦᠩ ᠭᠡᠳᠡᠭ ᠢ ᠬᠡᠯᠡᠯᠡ᠃
«ᠮᠣᠩ᠋ᠭᠣᠯ ᠲᠡᠮᠡᠭᠡ» ᠬᠡᠮᠡᠨ ᠣᠯᠠᠨ ᠤᠯᠤᠰ ᠲᠤ ᠨᠡᠷᠡᠯᠡᠳᠡᠭ ᠬᠣᠣᠰ ᠪᠥᠬᠦᠲᠦ ᠲᠡᠮᠡᠭᠡ ᠪᠡᠨ ᠡᠷᠲᠡ ᠳᠡᠭᠡᠷᠡ ᠦᠶᠡ ᠡᠴᠡ ᠳᠡᠭᠡᠳᠦᠯᠡᠨ᠂ ᠦᠯᠢᠭᠡᠷ᠂ ᠳᠣᠮᠤᠭ᠂ ᠳᠠᠭᠤᠤ᠂ ᠰᠢᠯᠦᠭ ᠲᠥ ᠪᠡᠨ ᠠᠯᠳᠠᠷᠰᠢᠭᠤᠯᠤᠨ ᠮᠥᠩᠬᠡᠵᠢᠭᠦᠯᠦᠭᠰᠡᠨ ᠨᠢ ᠮᠣᠩ᠋ᠭᠤᠯᠴᠤᠳ ᠤᠨ ᠣᠨᠳᠤᠤᠰᠢᠯ᠂ ᠪᠠᠬᠠᠷᠬᠠᠯᠲᠤ ᠥᠪ ᠭᠡᠳᠡᠭ ᠢ ᠲᠡᠮᠳᠡᠭᠯᠡᠯᠡ᠃
ᠴᠢᠨᠠᠭᠰᠢᠳᠠ ᠲᠡᠮᠡᠭᠡᠨ ᠦ ᠠᠰᠢᠭ ᠰᠢᠮᠡ ᠢᠢ ᠰᠠᠢᠢᠵᠢᠷᠠᠭᠤᠯᠬᠤ᠂ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠢᠢᠨ ᠬᠦᠴᠦᠨ ᠴᠢᠳᠠᠯ ᠢ ᠨᠡᠮᠡᠬᠦ᠂ ᠮᠠᠯᠴᠢᠳ ᠤᠨ ᠠᠰᠢᠭ ᠣᠷᠤᠯᠭᠠ ᠢᠢ ᠨᠡᠮᠡᠭᠳᠡᠭᠦᠯᠬᠦ ᠵᠡᠷᠭᠡ ᠳᠥ ᠲᠡᠮᠡᠭᠡᠴᠢᠳ ᠦᠨ ᠡᠭᠦᠷᠭᠡ᠂ ᠣᠷᠤᠯᠴᠠᠭᠠ᠂ ᠲᠥᠷᠦ᠂ ᠬᠤᠪᠢ ᠢᠢᠨ ᠬᠡᠪᠰᠢᠯ᠂ ᠮᠠᠯᠴᠢᠳ ᠤᠨ ᠬᠠᠮᠲᠤ ᠢᠢᠨ ᠠᠵᠢᠯᠯᠠᠭᠠ ᠴᠢᠬᠤᠯᠠ ᠪᠠᠢᠢᠭᠠ ᠢᠢ ᠬᠡᠯᠡᠯᠡ᠃
ᠲᠡᠮᠡᠭᠡᠴᠢᠳ ᠦᠨ ᠵᠥᠪᠯᠡᠭᠡᠨ ᠢᠶᠡᠷ «ᠲᠡᠮᠡᠭᠡᠨ ᠰᠣᠶᠤᠯ ᠢ ᠬᠠᠳᠠᠭᠠᠯᠠᠬᠤ᠂ ᠬᠠᠮᠠᠭᠠᠯᠠᠬᠤ ᠪᠣᠳᠤᠯᠭᠠ᠂ ᠦᠢᠯᠡ ᠠᠵᠢᠯᠯᠠᠭᠠ»᠂ «ᠠᠭᠤᠷ ᠠᠮᠢᠰᠬᠤᠯ ᠤᠨ ᠥᠭᠡᠷᠡᠴᠢᠯᠡᠯᠲᠡ᠂ ᠴᠥᠯᠵᠢᠯᠲᠡ ᠢᠢᠨ ᠨᠥᠯᠦᠭᠡ᠂ ᠪᠣᠳᠤᠯᠭᠠ᠂ ᠠᠷᠭᠠ ᠬᠡᠮᠵᠢᠶᠡ»᠂ «ᠰᠣᠶᠤᠯ ᠤᠨ ᠥᠪ ᠢ ᠬᠠᠮᠠᠭᠠᠯᠠᠬᠤ ᠪᠣᠳᠤᠯᠭᠠ ᠪᠠ ᠲᠡᠮᠡᠭᠡᠨ ᠦ ᠰᠣᠶᠤᠯ»᠂ «ᠳᠡᠯᠡᠬᠡᠢ ᠳᠥ ᠬᠣᠪᠤᠷᠳᠠᠭᠰᠠᠨ ᠮᠣᠩ᠋ᠭᠤᠯ ᠲᠡᠮᠡᠭᠡ᠂ ᠲᠡᠭᠦᠨ ᠦ ᠦᠨᠡᠯᠡᠮᠵᠢ ᠢᠢ ᠳᠡᠭᠡᠭ᠍ᠰᠢᠯᠠᠭᠦᠯᠬᠦ ᠨᠢ» ᠰᠡᠳᠦᠪ ᠢᠶᠡᠷ ᠢᠯᠡᠳᠬᠡᠯ ᠬᠡᠯᠡᠯᠴᠡᠯᠡ᠃
ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠥ ᠑᠙ ᠲᠡᠮᠡᠭᠡᠴᠢᠨ ᠬᠥᠳᠡᠯᠮᠦᠷᠢ ᠢᠢᠨ ᠪᠠᠭᠠᠲᠤᠷ ᠴᠣᠯᠠ ᠬᠦᠷᠲᠡᠭᠰᠡᠨ᠃
ᠳᠡᠯᠡᠬᠡᠢ ᠳᠥ ᠬᠣᠶᠠᠷ ᠰᠠᠶᠠ ᠭᠠᠷᠤᠢ ᠬᠣᠣᠰ ᠪᠥᠬᠦᠲᠦ ᠲᠡᠮᠡᠭᠡ ᠪᠠᠢᠢᠳᠠᠭ ᠤᠨ ᠕᠐᠐ ᠮᠢᠩ᠋ᠭᠠ ᠪᠤᠶᠤ ᠳᠥᠷᠪᠡᠨ ᠦ ᠨᠢᠭᠡ ᠨᠢ ᠮᠠᠨ ᠤ ᠤᠯᠤᠰ ᠲᠤ ᠪᠠᠢᠢᠳᠠᠭ ᠶᠤᠮ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠂ ᠬᠦᠷᠡᠯᠰᠦ᠋ᠬᠡ ᠡᠨᠡ ᠵᠢᠯ ᠲᠣᠳᠤᠷᠬᠠᠢ ᠬᠤᠪᠢᠶᠠᠷᠢ ᠢᠢᠨ ᠳᠠᠭᠠᠭᠤ ᠠᠢᠢᠮᠠᠭ ᠤᠳ ᠲᠤ ᠠᠵᠢᠯᠯᠠᠬᠤ ᠪᠠᠷ ᠲᠥᠯᠦᠪᠯᠡᠵᠦ ᠪᠠᠢᠢᠨᠠ᠃
