ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠪᠠᠶᠠᠨ-ᠥᠯᠦᠬᠡᠢ ᠠᠢᠢᠮᠠᠭ ᠲᠤ ᠠᠵᠢᠯᠯᠠᠬᠤ ᠦᠶᠡ ᠪᠡᠷ ᠢᠶᠡᠨ ᠲᠥᠪ ᠲᠠᠯᠠᠪᠠᠢ ᠳᠤ ᠪᠣᠯᠤᠭᠰᠠᠨ «ᠨᠠᠦ᠋ᠷᠢᠽ-᠒᠐᠒᠖» ᠪᠠᠶᠠᠷ ᠤᠨ ᠶᠣᠰᠤᠯᠠᠯ ᠳᠤ ᠣᠷᠤᠯᠴᠠᠯᠠ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ:
«ᠲᠤᠭᠤᠷᠭᠠ ᠲᠤᠰᠠᠭᠠᠷ ᠮᠣᠩ᠋ᠭᠣᠯ ᠡᠬᠡ ᠣᠷᠤᠨ ᠤ ᠪᠠᠨ ᠳᠥᠷᠪᠡᠨ ᠵᠦᠭ᠂ ᠨᠠᠢᠮᠠᠨ ᠵᠣᠪᠬᠢᠰ ᠲᠤ ᠠᠵᠤ ᠲᠥᠷᠦᠨ ᠰᠠᠭᠤᠵᠤ᠂ ᠤᠯᠤᠰ ᠣᠷᠤᠨ ᠤ ᠪᠠᠨ ᠬᠥᠭ᠍ᠵᠢᠯ ᠳᠡᠪᠰᠢᠯ ᠳᠥ ᠦᠨᠡ ᠲᠡᠶ ᠬᠤᠪᠢ ᠨᠡᠮᠡᠷᠢ ᠣᠷᠤᠭᠤᠯᠵᠤ ᠪᠠᠢᠢᠭᠠ ᠠᠪᠢᠶᠠᠰ ᠪᠢᠯᠢᠭᠲᠦ᠂ ᠠᠵᠢᠯᠴᠢ ᠬᠢᠴᠢᠶᠡᠩ᠋ᠭᠦᠢ ᠻᠠᠽᠠᠾ ᠲᠦᠮᠡᠨ ᠳᠥ ᠪᠡᠨ ᠨᠠᠦ᠋ᠷᠢᠽ ᠤᠨ ᠪᠠᠶᠠᠷ ᠤᠨ ᠮᠡᠨᠳᠦ ᠢᠢ ᠡᠷᠭᠦᠨ ᠳᠡᠪᠰᠢᠭᠦᠯᠦᠶ ᠡ᠃
ᠤᠷᠭᠤᠨ ᠲᠥᠯᠵᠢᠬᠦ ᠢᠢᠨ ᠡᠬᠢ᠂ ᠤᠷᠢᠨ ᠬᠠᠪᠤᠷ ᠲᠠᠶ ᠵᠣᠯᠭᠠᠵᠤ᠂ ᠡᠳᠦᠷ ᠰᠥᠨᠢ ᠲᠡᠩᠴᠡᠳᠡᠭ ᠡᠨᠡ ᠡᠳᠦᠷ ᠢ ᠻᠠᠽᠠᠾ ᠲᠦᠮᠡᠨ ᠮᠠᠨᠢ ᠨᠠᠦ᠋ᠷᠢᠽ ᠪᠤᠶᠤ «ᠰᠢᠨᠡ ᠡᠳᠦᠷ ᠦᠨ ᠪᠠᠶᠠᠷ» ᠬᠡᠮᠡᠨ ᠬᠦᠨᠳᠦᠳᠬᠡᠨ ᠶᠤᠰᠤᠯᠠᠵᠤ ᠢᠷᠡᠭᠰᠡᠨ ᠲᠡᠦᠬᠡ ᠲᠡᠶ ᠪᠢᠯᠡ᠃
ᠠᠢᠢᠰᠤᠢ ᠴᠠᠭ ᠤᠨ ᠡᠬᠢᠯᠡᠯ ᠨᠠᠦ᠋ᠷᠢᠽ ᠬᠦᠮᠦᠨ ᠠᠷᠠᠳ ᠤᠨ ᠰᠡᠳᠬᠢᠯ ᠳᠥ ᠢᠲᠡᠭᠡᠯ ᠨᠠᠢᠢᠳᠠᠪᠤᠷᠢ ᠢᠢᠨ ᠭᠡᠷᠡᠯ ᠰᠠᠴᠤᠷᠠᠭᠠᠨ᠂ ᠡᠪ ᠡᠶᠡ ᠢᠢ ᠪᠠᠲᠤᠳᠬᠠᠨ ᠪᠡᠬᠢᠵᠢᠭᠦᠯᠵᠦ᠂ ᠥᠩ᠋ᠭᠡᠷᠡᠭᠰᠡᠨ ᠢ ᠴᠡᠩᠨᠡᠵᠦ᠂ ᠢᠷᠡᠭᠡᠳᠦᠢ ᠢᠢ ᠪᠦᠲᠦᠭᠡᠬᠦ ᠤᠬᠠᠭᠠᠨ ᠢ ᠰᠠᠨᠠᠭᠤᠯᠳᠠᠭ ᠻᠠᠽᠠᠾ ᠲᠦᠮᠡᠨ ᠦ ᠣᠶᠤᠨ ᠰᠠᠨᠠᠭᠠᠨ ᠤ ᠥᠪᠡᠷᠮᠢᠴᠡ ᠥᠪ ᠰᠣᠶᠤᠯ ᠲᠡᠳᠦᠢ ᠦᠭᠡᠢ ᠶᠦ᠋ᠨᠧᠰᠻᠣ ᠢᠢᠨ «ᠬᠦᠮᠦᠨ ᠲᠥᠷᠦᠯᠬᠢᠲᠡᠨ ᠦ ᠰᠣᠶᠤᠯ ᠤᠨ ᠪᠡᠶᠡᠲᠦ ᠪᠤᠰᠤ ᠥᠪ ᠦᠨ ᠵᠢᠭᠰᠠᠭᠠᠯᠲᠠ» ᠳ᠋ᠤ ᠪᠦᠷᠢᠳᠬᠡᠭ᠍ᠳᠡᠭᠰᠡᠨ «ᠣᠯᠠᠨ ᠤᠯᠤᠰ ᠤᠨ ᠪᠠᠶᠠᠷ» ᠶᠤᠮ᠃
ᠰᠢᠨᠡ ᠪᠦᠬᠦᠨ ᠦ ᠡᠬᠢᠯᠡᠯ ᠨᠠᠦ᠋ᠷᠢᠽ ᠤᠨ ᠪᠠᠶᠠᠷ ᠢᠶᠠᠷ ᠻᠠᠽᠠᠾ ᠲᠦᠮᠡᠨ ᠮᠠᠨᠢ ᠦᠭᠡ ᠢᠢᠨ ᠰᠠᠢᠢᠨ ᠢ ᠬᠡᠯᠡᠯᠴᠡᠨ᠂ ᠦᠢᠯᠡ ᠢᠢᠨ ᠰᠠᠢᠢᠨ ᠢ ᠤᠷᠠᠯᠠᠵᠤ᠂ ᠠᠰᠢᠳᠠ ᠢᠢᠨ ᠢᠷᠦᠭᠡᠯ ᠢᠶᠡᠨ ᠪᠡᠯᠭᠡᠳᠡᠵᠦ᠂ ᠤᠭᠲᠤᠨ ᠢᠷᠡᠵᠦ ᠪᠤᠢ ᠵᠢᠯ ᠳᠥ ᠪᠡᠨ ᠰᠠᠢᠢᠨ ᠰᠠᠢᠢᠬᠠᠨ ᠪᠦᠬᠦᠨ ᠰᠡᠳᠬᠢᠯᠴᠢᠯᠡᠨ ᠪᠦᠲᠦᠬᠦ ᠢᠢᠨ ᠢᠷᠦᠭᠡᠯ ᠪᠡᠯᠭᠡ ᠪᠡᠨ ᠡᠷᠭᠦᠳᠡᠭ ᠡᠷᠲᠡᠨ ᠦ ᠰᠠᠢᠢᠬᠠᠨ ᠤᠯᠠᠮᠵᠢᠯᠠᠯ ᠲᠠᠶ᠃
ᠲᠥᠪ ᠠᠽᠢ ᠢᠢᠨ ᠴᠡᠭᠡᠵᠢᠨ ᠳᠥ ᠮᠢᠩ᠋ᠭᠠ ᠮᠢᠩ᠋ᠭᠠᠨ ᠵᠢᠯ ᠨᠡᠭᠦᠳᠡᠯᠯᠡᠨ ᠠᠮᠢᠳᠤᠷᠠᠭᠰᠠᠨ ᠻᠠᠽᠠᠾ᠂ ᠤᠷᠢᠶᠠᠩᠬᠠᠢ᠂ ᠳᠥᠷᠪᠡᠳ᠂ ᠲᠤᠸᠠ ᠤᠭᠰᠠᠭᠠᠲᠠᠨ ᠵᠡᠷᠭᠡᠴᠡᠨ ᠠᠮᠢᠳᠤᠷᠠᠳᠠᠭ᠂ ᠠᠰᠬᠠᠲᠤ ᠢᠢᠨ ᠮᠥᠩ᠋ᠭᠦᠨ ᠦ ᠣᠷᠳᠤ ᠲᠡᠷᠢᠭᠦᠲᠡᠶ ᠪᠠᠢᠢᠭᠠᠯᠢ ᠡᠬᠡ ᠡᠴᠡ ᠬᠠᠢᠢᠷᠠᠯᠠᠭᠰᠠᠨ ᠠᠷᠪᠢᠨ ᠪᠠᠶᠠᠯᠢᠭ ᠲᠠᠶ᠂ ᠠᠯᠲᠠᠶ ᠲᠠᠪᠤᠨ ᠪᠣᠭᠳᠠ᠂ ᠬᠣᠲᠤᠩ᠂ ᠲ᠋ᠣᠯᠪᠣ᠂ ᠬᠤᠷᠠᠭᠠᠨ ᠨᠠᠭᠤᠷ ᠭᠡᠳ ᠠᠭᠤᠯᠠ᠂ ᠤᠰᠤ ᠨᠢ ᠲᠡᠭᠰᠢᠷᠠᠭ᠍ᠰᠡᠨ᠂ ᠰᠣᠶᠤᠯ ᠤᠨ ᠣᠯᠠᠨ ᠶᠠᠩᠵᠤ ᠪᠠᠢᠢᠳᠠᠯ ᠢ ᠰᠣᠯᠤᠩᠬ᠋ᠠ ᠮᠡᠲᠦ ᠴᠣᠭᠴᠠᠯᠠᠭᠠᠭᠰᠠᠨ ᠪᠠᠶᠠᠨ-ᠥᠯᠦᠬᠡᠢ ᠠᠢᠢᠮᠠᠭ ᠬᠥᠭ᠍ᠵᠢᠨ ᠴᠡᠴᠡᠭᠯᠡᠵᠦ ᠪᠠᠢᠢᠨᠠ᠃
ᠨᠠᠷᠠᠨ ᠤ ᠪᠠᠶᠠᠷ ᠨᠠᠦ᠋ᠷᠢᠽ ᠤᠨ ᠪᠣᠰᠬᠠᠨ ᠳᠡᠭᠡᠷᠡ ᠠᠮᠵᠢᠯᠲᠠ ᠪᠦᠲᠦᠭᠡᠯ᠂ ᠠᠵᠢᠯ ᠦᠢᠯᠡᠰ ᠢᠶᠡᠷ ᠢᠶᠡᠨ ᠲᠦᠮᠡᠨ ᠣᠯᠠᠨ ᠳᠤ ᠪᠠᠨ ᠬᠦᠨᠳᠦᠯᠡᠭᠳᠡᠵᠦ᠂ ᠲᠥᠷᠦ ᠤᠯᠤᠰ ᠲᠤ ᠪᠠᠨ ᠦᠨᠡᠯᠡᠭᠳᠡᠭᠰᠡᠨ ᠡᠷᠬᠢᠮ ᠠᠯᠳᠠᠷᠲᠠᠨ᠂ ᠭᠠᠪᠢᠶᠠᠲᠠᠨ ᠨᠤᠭᠤᠳ ᠲᠠ ᠪᠦᠬᠦᠨ ᠦ ᠳᠤᠮᠳᠠ ᠠᠴᠠ ᠣᠯᠠᠨ ᠢᠶᠠᠷ ᠢᠶᠠᠨ ᠲᠥᠷᠦᠨ ᠭᠠᠷᠤᠭᠰᠠᠨ ᠢ ᠪᠠᠶᠠᠷ ᠤᠨ ᠡᠨᠡ ᠡᠳᠦᠷ ᠲᠡᠮᠳᠡᠭᠯᠡᠨ ᠬᠡᠯᠡᠬᠦ ᠳᠥ ᠲᠠᠭᠠ ᠲᠠᠶ ᠪᠠᠢᠢᠨᠠ᠃
ᠪᠡᠯᠭᠡᠲᠦ ᠰᠠᠢᠢᠨ ᠡᠨᠡ ᠡᠳᠦᠷ ᠠᠵᠢᠯ ᠦᠢᠯᠡᠰ ᠢᠶᠡᠷ ᠢᠶᠡᠨ ᠠᠷᠠᠳ ᠣᠯᠠᠨ ᠢᠶᠠᠨ ᠮᠠᠩᠯᠠᠢᠢᠯᠠᠵᠤ᠂ ᠡᠬᠡ ᠣᠷᠤᠨ ᠤ ᠪᠠᠨ ᠬᠥᠭ᠍ᠵᠢᠯ ᠳᠥ ᠦᠨᠡ ᠲᠡᠶ ᠬᠤᠪᠢ ᠨᠡᠮᠡᠷᠢ ᠣᠷᠤᠭᠤᠯᠤᠭᠰᠠᠨ ᠪᠠᠶᠠᠨ-ᠥᠯᠦᠬᠡᠢ ᠠᠢᠢᠮᠠᠭ ᠤᠨ ᠢᠷᠭᠡᠳ ᠢᠶᠡᠨ ᠮᠣᠩ᠋ᠭᠣᠯ ᠲᠥᠷᠦ ᠬᠦᠨᠳᠦᠳᠬᠡᠨ ᠠᠯᠳᠠᠷᠰᠢᠭᠤᠯᠵᠤ᠂ ᠲᠥᠷᠦ ᠢᠢᠨ ᠳᠡᠭᠡᠳᠦ ᠴᠣᠯᠠ᠂ ᠣᠳᠤᠨ᠂ ᠮᠧᠳᠠᠯᠢ ᠪᠠᠷ ᠱᠠᠩᠨᠠᠯᠠ᠃
ᠡᠬᠡ ᠣᠷᠤᠨ ᠤ ᠪᠠᠨ ᠬᠥᠭ᠍ᠵᠢᠯ ᠳᠡᠪᠰᠢᠯ ᠳᠥ ᠦᠨᠡ ᠲᠡᠶ ᠬᠤᠪᠢ ᠨᠡᠮᠡᠷᠢ ᠣᠷᠤᠭᠤᠯᠵᠤ ᠲᠥᠷᠦ ᠢᠢᠨ ᠳᠡᠭᠡᠳᠦ ᠴᠣᠯᠠ᠂ ᠣᠳᠤᠨ᠂ ᠮᠧᠳᠠᠯᠢ ᠬᠦᠷᠲᠡᠭᠰᠡᠨ ᠡᠷᠬᠢᠮ ᠬᠦᠨᠳᠦᠲᠦ ᠲᠠ ᠪᠦᠬᠦᠨ ᠳᠥ ᠲᠥᠷᠦ᠂ ᠲᠦᠮᠡᠨ ᠦ ᠪᠡᠨ ᠥᠨᠳᠦᠷ ᠢᠲᠡᠭᠡᠯ᠂ ᠡᠷᠭᠦᠨ ᠬᠦᠨᠳᠦᠯᠡᠯ ᠢ ᠬᠦᠷᠲᠡᠵᠦ᠂ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠢᠶᠡᠨ ᠪᠠᠲᠤᠳᠬᠠᠨ᠂ ᠠᠯᠳᠠᠷ ᠴᠣᠯᠠ ᠪᠠᠨ ᠪᠠᠳᠠᠷᠠᠭᠠᠵᠤ ᠶᠠᠪᠤᠬᠤ ᠢᠢᠨ ᠥᠯᠵᠡᠢ ᠲᠡᠶ ᠰᠠᠢᠢᠬᠠᠨ ᠢᠷᠦᠭᠡᠯ ᠢ ᠡᠷᠭᠦᠨ ᠳᠡᠪᠰᠢᠭᠦᠯᠦᠶ ᠡ᠃
ᠪᠠᠬᠠᠳᠤᠮᠠ ᠲᠡᠦᠬᠡ᠂ ᠪᠠᠶᠠᠯᠢᠭ ᠤᠯᠠᠮᠵᠢᠯᠠᠯ ᠲᠠᠶ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠣᠯᠠᠨ ᠶᠠᠰᠤᠲᠠᠨ ᠤ ᠰᠣᠶᠤᠯ ᠤᠨ ᠥᠪ ᠰᠠᠩ ᠤᠨ ᠨᠢᠭᠡᠨ ᠴᠢᠬᠤᠯᠠ ᠬᠡᠰᠡᠭ ᠪᠣᠯᠤᠭᠰᠠᠨ ᠨᠠᠦ᠋ᠷᠢᠽ ᠢᠶᠠᠨ ᠪᠠᠶᠠᠨ-ᠥᠯᠦᠬᠡᠢ ᠠᠢᠢᠮᠠᠭ ᠤᠨ ᠤᠤᠭᠠᠯ᠂ ᠰᠠᠭᠤᠭᠤᠯ ᠻᠠᠽᠠᠾ ᠢᠷᠭᠡᠳ ᠲᠠ ᠪᠦᠬᠦᠨ ᠮᠠᠨᠢ ᠥᠷᠭᠡᠨ ᠳᠡᠯᠭᠡᠷ ᠲᠡᠮᠳᠡᠭᠯᠡᠵᠦ᠂ ᠥᠷᠭᠦᠭᠡ ᠭᠡᠷ ᠦᠨ ᠢᠶᠡᠨ ᠬᠣᠢᠢᠮᠤᠷ ᠲᠤ ᠥᠲᠡᠯᠡ ᠪᠠᠭᠤᠷᠠᠯ ᠠᠻᠰᠠᠻᠠᠯ ᠤᠳ ᠢᠢᠠᠨ ᠬᠦᠨᠳᠦᠳᠬᠡᠨ ᠵᠠᠯᠠᠵᠤ᠂ ᠮᠡᠷᠭᠡᠨ ᠰᠤᠷᠭᠠᠯ ᠢ ᠨᠢ ᠳᠡᠭᠡᠳᠦᠯᠡᠨ ᠰᠣᠨᠤᠰᠴᠤ᠂ ᠠᠶᠠᠯᠭᠤᠲᠤ ᠳᠣᠮᠪᠤᠷ ᠢᠶᠠᠨ ᠡᠭᠡᠰᠢᠭᠯᠡᠭᠦᠯᠵᠦ᠂ ᠠᠮᠲᠠᠲᠤ ᠢᠳᠡᠭᠡ ᠪᠡᠷ ᠢᠶᠡᠨ ᠳ᠋ᠠᠰᠲ᠋ᠠᠷᠬᠠᠨ ᠢᠢᠠᠨ ᠳᠦᠭᠦᠷᠭᠡᠵᠦ ᠬᠣᠲᠠᠯᠠ ᠣᠯᠠᠨ ᠢᠶᠠᠷ ᠢᠶᠠᠨ ᠰᠠᠢᠢᠬᠠᠨ ᠪᠠᠶᠠᠷᠯᠠᠭᠠᠷᠠᠶ᠃
ᠲᠥᠪ ᠲᠠᠯᠠᠪᠠᠢ ᠳᠤ ᠪᠠᠨ ᠬᠤᠷᠠᠨ ᠴᠤᠭᠯᠠᠭᠰᠠᠨ ᠲᠠ ᠪᠦᠬᠦᠨ ᠭᠠᠯ ᠮᠣᠷᠢᠨ ᠵᠢᠯ ᠳᠥ ᠪᠡᠨ ᠬᠥᠬᠡ ᠲᠩᠷᠢ ᠳᠥ ᠬᠠᠯᠢᠨ ᠳᠡᠭᠦᠯᠢᠬᠦ ᠬᠦᠷᠡᠩ ᠪᠦᠷᠭᠦᠳ ᠰᠢᠭ᠌ ᠢᠶᠡᠨ ᠴᠣᠭ ᠵᠣᠯᠪᠤᠭᠠ ᠲᠠᠶ ᠪᠠᠢᠢᠵᠤ᠂ ᠠᠵᠢᠯ ᠦᠢᠯᠡᠰ ᠨᠢ ᠠᠯᠲᠠᠶ ᠲᠠᠪᠤᠨ ᠪᠣᠭᠳᠠ ᠰᠢᠭ ᠰᠦᠨᠳᠡᠷᠯᠡᠨ ᠪᠠᠢᠢᠬᠤ ᠢᠢᠨ ᠥᠯᠵᠡᠢ ᠲᠡᠶ ᠰᠠᠢᠢᠬᠠᠨ ᠢᠷᠦᠭᠡᠯ ᠢ ᠡᠷᠭᠦᠨ ᠳᠡᠪᠰᠢᠭᠦᠯᠦᠶ ᠡ᠃
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠣᠣᠷᠠ ᠮᠣᠩ᠋ᠭᠣᠯ ᠤᠯᠤᠰ ᠮᠠᠨᠳᠤᠨ ᠪᠠᠳᠠᠷᠠᠬᠤ ᠪᠣᠯᠲᠤᠭᠠᠶ» ᠭᠡᠯᠡ᠃
ᠶᠡᠷᠦᠩᠬᠡᠢᠢᠯᠡᠭᠴᠢ ᠻᠠᠽᠠᠾ ᠲᠦᠮᠡᠨ ᠦ ᠬᠠᠮᠲᠤ «ᠨᠠᠦ᠋ᠷᠢᠽ-᠒᠐᠒᠖» ᠪᠠᠶᠠᠷ ᠤᠨ ᠫᠠᠷᠠᠳ᠋᠂ ᠠᠢᠢᠮᠠᠭ ᠤᠨ ᠬᠥᠭ᠍ᠵᠢᠮᠲᠦ ᠳ᠋ᠷᠠᠮ ᠤᠨ ᠲᠢᠶᠠᠲ᠋ᠷ ᠤᠨ ᠤᠷᠠᠯᠢᠭ ᠤᠨ ᠲᠣᠭᠯᠠᠯᠲᠠ ᠢᠢ ᠦᠵᠡᠵᠦ ᠰᠣᠨᠢᠷᠬᠠᠯᠠ᠃
ᠨᠠᠦ᠋ᠷᠢᠽ ᠨᠢ «ᠰᠢᠨᠡ ᠡᠳᠦᠷ» ᠭᠡᠰᠡᠨ ᠤᠳᠬᠠ ᠲᠠᠶ ᠫᠧᠷᠰ ᠭᠠᠷᠤᠯ ᠲᠠᠶ ᠦᠭᠡ ᠶᠤᠮ᠃ ᠻᠠᠽᠠᠾ ᠲᠦᠮᠡᠨ ᠬᠠᠬᠢᠷ ᠬᠠᠲᠠᠭᠤ ᠡᠪᠦᠯ ᠢ ᠳᠠᠪᠠᠵᠤ᠂ ᠤᠷᠢᠨ ᠬᠠᠪᠤᠷ ᠲᠠᠶ ᠵᠣᠯᠭᠠᠭᠰᠠᠨ ᠤ ᠪᠠᠶᠠᠷ ᠪᠣᠯᠭᠠᠨ ᠲᠡᠮᠳᠡᠭᠯᠡᠳᠡᠭ᠃ ᠪᠠᠶᠠᠷ ᠤᠨ ᠰᠢᠷᠡᠭᠡᠨ ᠳᠥ ᠪᠡᠨ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ᠂ ᠠᠵᠠ ᠵᠢᠷᠭᠠᠯ᠂ ᠠᠮᠢᠳᠤᠷᠠᠬᠤ ᠤᠬᠠᠭᠠᠨ᠂ ᠡᠷᠡᠭᠦᠯ ᠮᠡᠨᠳᠦ᠂ ᠡᠳ᠋ ᠪᠠᠶᠠᠯᠢᠭ᠂ ᠥᠰᠦᠯᠲᠡ ᠬᠥᠭ᠍ᠵᠢᠯᠲᠡ᠂ ᠠᠰᠠᠷᠠᠨ ᠬᠠᠮᠠᠭᠠᠯᠠᠯ ᠢ ᠢᠯᠡᠷᠬᠡᠢᠢᠯᠡᠭᠰᠡᠨ ᠢᠳᠡᠭᠡ ᠪᠤᠳᠠᠭᠠ ᠵᠠᠰᠠᠵᠤ᠂ ᠬᠣᠲᠠᠯᠠ ᠣᠯᠠᠨ ᠢᠶᠠᠷ ᠢᠶᠠᠨ ᠪᠠᠶᠠᠷᠯᠠᠨ ᠴᠡᠩ᠋ᠭᠡᠳᠡᠭ᠃
ᠨᠠᠦ᠋ᠷᠢᠽ ᠤᠨ ᠪᠠᠶᠠᠷ ᠢ ᠮᠠᠨ ᠤ ᠤᠯᠤᠰ ᠠᠴᠠ ᠭᠠᠳᠠᠨᠠ ᠣᠢᠢᠷᠠᠬᠢ ᠳᠣᠷᠤᠨᠠᠳᠤ᠂ ᠪᠠᠯᠻᠠᠨ ᠤ ᠬᠣᠢᠢᠭ᠂ ᠲᠥᠪ ᠠᠽᠢ᠂ ᠻᠠᠸᠻᠠᠽ ᠵᠡᠷᠭᠡ ᠨᠤᠲᠤᠭ ᠲᠤ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠓᠐᠐ ᠭᠠᠷᠤᠢ ᠰᠠᠶᠠ ᠻᠠᠽᠠᠾ ᠬᠦᠮᠦᠨ ᠲᠡᠮᠳᠡᠭᠯᠡᠳᠡᠭ ᠶᠤᠮ᠃
