ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠮᠣᠩ᠋ᠭᠣᠯ ᠤᠨ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠬᠣᠯᠪᠤᠭᠠᠨ ᠤ ᠦᠨᠳᠦᠰᠦᠨ ᠦ ᠳᠡᠭᠡᠳᠦ ᠯᠢᠭᠢ ᠢᠢᠨ ᠑᠐ ᠤᠳᠠᠭᠠ ᠢᠢᠨ ᠠᠪᠤᠷᠭᠤ «ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ ᠤᠨ ᠲᠠᠮᠢᠷᠴᠢᠳ᠂ ᠳᠠᠰᠬᠠᠯᠵᠢᠭᠤᠯᠤᠭᠴᠢ᠂ ᠠᠷᠤ ᠢᠢᠨ ᠠᠯᠪᠠᠨ ᠤ ᠬᠢᠨ᠂ ᠪᠠᠭ ᠤᠨ ᠡᠵᠡᠳ᠂ ᠢᠪᠡᠭᠡᠨ ᠲᠡᠳᠬᠦᠭ᠍ᠴᠢᠳ ᠢ ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠯᠠ᠃
ᠦᠨᠳᠦᠰᠦᠨ ᠦ ᠳᠡᠭᠡᠳᠦ ᠯᠢᠭᠢ ᠳᠥ ᠰᠡᠭᠦᠯ ᠦᠨ ᠭᠤᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠠᠪᠤᠷᠭᠤᠯᠠᠵᠤ᠂ ᠒᠐᠒᠕-᠒᠐᠒᠖ ᠣᠨ ᠤ ᠲᠡᠮᠡᠴᠡᠭᠡᠨ ᠳᠥ ᠮᠥᠨ ᠴᠣᠮᠤ ᠡᠷᠭᠦᠨ᠂ ᠑᠐ ᠳ᠋ᠠᠬᠢ ᠤᠳᠠᠭᠠ ᠪᠠᠨ ᠲᠦᠷᠦᠭᠦᠯᠡᠭᠰᠡᠨ ᠪᠠᠭ ᠤᠨ ᠨᠡᠢᠢᠲᠡ ᠬᠠᠮᠲᠤ ᠣᠯᠠᠨ ᠳᠤ ᠶᠡᠷᠦᠩᠬᠡᠢᠢᠯᠡᠭᠴᠢ ᠪᠠᠶᠠᠷ ᠬᠦᠷᠭᠡᠵᠦ᠂ ᠠᠮᠵᠢᠯᠲᠠ ᠬᠦᠰᠡᠨ ᠢᠷᠦᠭᠡᠯᠡ᠃
ᠲᠡᠷᠡ ᠪᠡᠷ᠂ ᠬᠡᠦᠬᠡᠳ᠂ ᠵᠠᠯᠠᠭᠤᠰ ᠲᠤ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠰᠫᠣᠷᠲ ᠢᠶᠠᠷ ᠬᠢᠴᠢᠶᠡᠯᠯᠡᠬᠦ᠂ ᠪᠠᠭ ᠤᠨ ᠠᠵᠢᠯᠯᠠᠭᠠ᠂ ᠠᠮᠵᠢᠯᠲᠠ᠂ ᠰᠠᠬᠢᠯᠭᠠ ᠪᠠᠲᠤ᠂ ᠰᠫᠣᠷᠲ ᠤᠨ ᠦᠨᠡ ᠴᠡᠨᠡ ᠢᠢ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠳᠤ ᠪᠠᠭ ᠲᠠᠮᠢᠷᠴᠢᠳ ᠤᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠣᠨᠴᠤᠭᠤᠢ ᠬᠤᠪᠢ ᠨᠡᠮᠡᠷᠢ ᠣᠷᠤᠭᠤᠯᠵᠤ ᠪᠠᠢᠢᠭᠠ ᠢᠢ ᠲᠡᠮᠳᠡᠭᠯᠡᠯᠡ᠃
ᠮᠣᠩ᠋ᠭᠣᠯ ᠤᠨ ᠰᠠᠭᠰᠤᠨ ᠪᠥᠮᠪᠦᠭᠡᠴᠢᠳ ᠤᠯᠤᠰ ᠤᠨ ᠢᠶᠠᠨ ᠨᠡᠷᠡ ᠢᠢ ᠲ᠋ᠢᠢᠪ᠂ ᠳᠡᠯᠡᠬᠡᠢ ᠳᠥ ᠴᠤᠤᠷᠢᠶᠠᠲᠤᠭᠤᠯᠵᠤ ᠪᠠᠢᠢᠭᠠ ᠢᠢᠨ ᠳᠣᠲᠤᠷᠠ «ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ ᠶᠠᠫᠣᠨ᠂ ᠰᠣᠯᠤᠩ᠋ᠭᠤᠰ ᠤᠨ ᠯᠢᠭᠢ ᠢᠢᠨ ᠠᠪᠤᠷᠭᠤ ᠨᠤᠭᠤᠳ ᠢ ᠤᠳᠠᠭᠠ ᠳᠠᠷᠠᠭᠠ ᠬᠣᠵᠢᠵᠤ᠂ ᠠᠽᠢ ᠲ᠋ᠢᠢᠪ ᠲᠥ ᠪᠡᠨ ᠰᠢᠯᠢᠳᠡᠭ ᠪᠠᠭ ᠪᠣᠯᠤᠭᠰᠠᠨ ᠢ ᠣᠨᠴᠠᠯᠠᠯᠠ᠃
ᠡᠨᠡ ᠨᠢ ᠮᠣᠩ᠋ᠭᠤᠯᠴᠤᠳ ᠪᠠᠭ ᠤᠨ ᠰᠫᠣᠷᠲ ᠢᠶᠠᠷ ᠠᠮᠵᠢᠯᠲᠠ ᠦᠵᠡᠭᠦᠯᠵᠦ ᠴᠢᠳᠠᠨᠠ ᠭᠡᠳᠡᠭ ᠢ ᠣᠯᠠᠨ ᠤᠯᠤᠰ ᠲᠤ ᠬᠠᠷᠠᠭᠤᠯᠵᠤ ᠪᠤᠢ ᠢᠢᠨ ᠲᠣᠳᠤ ᠢᠯᠡᠷᠡᠯ ᠭᠡᠳᠡᠭ ᠢ ᠬᠡᠯᠡᠯᠡ᠃
«ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ:
• ᠒᠐᠒᠕-᠒᠐᠒᠖ ᠣᠨ ᠳᠤ ᠠᠽᠢ ᠢᠢᠨ ᠬᠠᠮᠤᠭ ᠤᠨ ᠲᠣᠮᠤ ᠯᠢᠭᠢ ᠪᠣᠯᠬᠤ EASL ᠪᠤᠶᠤ ᠵᠡᠭᠦᠨ ᠠᠽᠢ ᠢᠢᠨ ᠰᠦᠫᠧᠷ ᠯᠢᠭᠢ ᠳᠥ ᠲᠣᠭᠯᠠᠭᠰᠠᠨ ᠠᠩᠬᠠᠨ ᠤ ᠪᠠᠭ᠂
• ᠒᠐᠒᠕ ᠣᠨ ᠳᠤ ᠠᠽᠢ ᠢᠢᠨ ᠠᠪᠤᠷᠭᠤ ᠨᠤᠭᠤᠳ ᠤᠨ ᠯᠢᠭᠢ ᠢᠢᠨ (BCL Asia-East) ᠵᠡᠭᠦᠨ ᠠᠽᠢ ᠢᠢᠨ ᠠᠪᠤᠷᠭᠤ᠂
• ᠒᠐᠒᠕ ᠣᠨ ᠳᠤ ᠠᠽᠢ ᠢᠢᠨ ᠠᠪᠤᠷᠭᠤ ᠨᠤᠭᠤᠳ ᠤᠨ ᠯᠢᠭᠢ ᠢᠢᠨ (BCL Asia) ᠬᠦᠷᠡᠯ ᠮᠧᠳᠠᠯᠢ ᠬᠦᠷᠲᠡᠭᠰᠡᠨ᠃
ᠪᠠᠭ ᠠᠴᠠ ᠤᠯᠤᠰ ᠤᠨ ᠰᠢᠭᠰᠢᠭᠡ ᠪᠠᠭ ᠤᠨ ᠒᠐ ᠭᠠᠷᠤᠢ ᠲᠠᠮᠢᠷᠴᠢᠨ᠂ ᠑ ᠭᠠᠪᠢᠶᠠᠲᠤ ᠲᠠᠮᠢᠷᠴᠢᠨ᠂ ᠣᠯᠠᠨ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠦ ᠬᠡᠳᠦ ᠬᠡᠳᠦᠨ ᠮᠠᠰᠲ᠋ᠧᠷ ᠲᠥᠷᠦᠨ ᠭᠠᠷᠤᠭᠰᠠᠨ ᠪᠥᠭᠡᠳ ᠯᠢᠭᠢ ᠢᠢᠨ ᠑᠐ ᠤᠳᠠᠭᠠ ᠢᠢᠨ ᠠᠪᠤᠷᠭᠤ᠂ ᠑᠐ ᠤᠳᠠᠭᠠ ᠢᠢᠨ ᠳᠡᠳ᠋ ᠠᠪᠤᠷᠭᠤ ᠪᠣᠯᠤᠨ ᠬᠦᠷᠡᠯ ᠮᠧᠳᠠᠯᠢ ᠢᠢᠨ ᠡᠵᠡᠨ ᠪᠣᠯᠵᠤ᠂ ᠒᠒ ᠵᠢᠯ ᠦᠨ ᠲᠤᠷᠰᠢ ᠮᠧᠳᠠᠯᠢ ᠢᠢᠨ ᠪᠤᠤᠬᠢᠶᠠ ᠪᠠᠨ ᠦᠷᠭᠦᠯᠵᠢᠯᠡᠭᠦᠯᠵᠦ ᠪᠠᠢᠢᠨᠠ᠃
«ᠬᠠᠰ ᠤᠨ ᠬᠦᠯᠦᠭ ᠦᠳ» ᠪᠠᠭ ᠤᠨ ᠮᠧᠨᠧᠵᠮᠧᠨ᠋ᠲ ᠢ «ᠭᠦᠨ᠋ᠳ᠋ ᠢᠨ᠋ᠸᠧᠰᠲ᠋ᠮᠧᠨ᠋ᠲ᠋» ᠾᠣᠯᠳᠢᠩ ᠢᠢᠨ ᠬᠥᠷᠦᠩ᠋ᠭᠡ ᠣᠷᠤᠭᠤᠯᠤᠯᠲᠠ ᠲᠠᠢ «ᠬᠦᠯᠦᠭ ᠦᠳ ᠰᠫᠣᠷᠲ ᠮᠧᠨᠧᠵᠮᠧᠨ᠋ᠲ» ᠻᠣᠮᠫᠠᠨᠢ ᠬᠠᠷᠢᠭᠤᠴᠠᠳᠠᠭ᠃ ᠮᠥᠨ ᠦᠨᠳᠦᠰᠦᠨ ᠦ ᠳᠡᠭᠡᠳᠦ ᠯᠢᠭᠢ ᠢᠢᠨ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠪᠠᠭ ᠠᠴᠠ ᠭᠠᠳᠠᠨᠠ «ᠬᠦᠯᠦᠭ ᠦᠳ» ᠠᠻᠠᠳᠧᠮᠢ ᠪᠠᠷ ᠳᠠᠮᠵᠢᠭᠤᠯᠤᠨ ᠵᠠᠯᠠᠭᠤ ᠦᠶᠡ ᠪᠡᠨ ᠪᠡᠯᠡᠳᠳᠡᠭ ᠶᠤᠮ᠃
