ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ 2018 ᠣᠨ ᠤ ᠨᠠᠮᠤᠷ ᠤᠨ ᠡᠭᠡᠯᠵᠢᠲᠦ ᠴᠢᠭᠤᠯᠭᠠᠨ ᠥᠨᠥᠳᠥᠷ ᠡᠬᠢᠯᠡᠯᠡ᠃ ᠴᠢᠭᠤᠯᠭᠠᠨ ᠤ ᠨᠡᠭᠡᠭᠡᠯᠲᠡ ᠳᠥ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠣᠷᠣᠯᠴᠠᠵᠤ᠂ ᠦᠭᠡ ᠬᠡᠯᠡᠪᠡ᠃ ᠲᠥᠷᠥ ᠢᠢᠨ ᠲᠡᠷᠢᠭᠦᠨ ᠦ ᠬᠡᠯᠡᠭᠰᠡᠨ ᠦᠭᠡ ᠢᠢ ᠪᠦᠷᠢᠨ ᠡᠬᠢ ᠪᠡᠷ ᠨᠢ ᠬᠦᠷᠭᠡᠵᠦ ᠪᠠᠢᠢᠨᠠ᠃
ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠄
《ᠡᠷᠬᠢᠮ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠳ ᠡ᠂
ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠠ᠋᠂
ᠶᠡᠷᠦᠩᠬᠡᠢ ᠰᠠᠢᠢᠳ ᠠ᠋᠂
ᠬᠦᠨᠳᠦᠳᠦ ᠵᠣᠴᠢᠳ ᠠ᠋᠂
ᠮᠣᠩᠭ᠋ᠣᠯᠴᠤᠳ ᠠ᠋᠂ ᠨᠡᠢᠢᠲᠡ ᠠᠷᠠᠳ ᠢᠷᠭᠡᠳ ᠡ᠃
ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠰᠣᠩᠭᠣᠭᠤᠯᠢ ᠢᠢᠨ ᠮᠥᠴᠡᠯᠭᠡ ᠶᠠᠭ ᠲᠠᠯᠠ ᠳᠤ ᠪᠠᠨ ᠣᠷᠣᠵᠤ᠂ ᠲᠠ ᠪᠦᠬᠦᠨ ᠦ ᠢᠷᠭᠡᠳ᠂ ᠰᠣᠩᠭ᠋ᠣᠭᠴᠢᠳ ᠲᠤ ᠠᠮᠠᠯᠠᠭᠰᠠᠨ ᠠᠮᠠᠯᠠᠯᠲᠠ᠂ ᠮᠥᠷ ᠦᠨ ᠬᠥᠲᠥᠯᠪᠦᠷᠢ ᠳᠥ ᠪᠡᠨ ᠲᠤᠰᠬᠠᠭᠰᠠᠨ ᠠᠵᠢᠯ ᠤᠳ ᠤᠨ ᠲᠠᠯᠠ ᠨᠢ ᠴᠤ ᠪᠣᠯᠲᠤᠭᠠᠢ ᠪᠡᠶᠡᠯᠡᠭᠰᠡᠨ ᠪᠠᠢᠢᠬᠤ ᠤᠴᠢᠷᠲᠠᠢ ᠴᠠᠭ ᠦᠶᠡ ᠳᠥ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠨᠠᠮᠤᠷ ᠤᠨ ᠡᠭᠡᠯᠵᠢᠲᠦ ᠴᠢᠭᠤᠯᠭᠠᠨ ᠡᠬᠢᠯᠡᠵᠦ ᠪᠠᠢᠢᠨᠠ᠃
ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠲᠠᠩᠬᠢᠮ ᠪᠣᠯ ᠬᠣᠭᠣᠰᠣᠨ ᠶᠠᠷᠢᠵᠤ᠂ ᠰᠡᠴᠡ ᠪᠤᠯᠢᠶᠠᠯᠳᠤᠬᠤ ᠪᠤᠰᠤ ᠪᠣᠳᠠᠲᠤ ᠠᠵᠢᠯ ᠥᠷᠨᠢᠵᠦ᠂ ᠰᠢᠢᠳᠦᠯ ᠦᠳ ᠭᠠᠷᠭᠠᠳᠠᠭ᠂ ᠲᠡᠷᠡ ᠨᠢ ᠨᠡᠢᠢᠲᠡ ᠤᠯᠤᠰ ᠣᠷᠣᠨ ᠤ ᠠᠵᠢᠯ᠂ ᠠᠮᠢᠳᠤᠷᠠᠯ ᠳᠤ ᠨᠥᠯᠥᠭᠡ ᠪᠡᠨ ᠦᠵᠡᠭᠦᠯᠳᠡᠭ ᠶᠡᠨᠳᠡᠷ ᠪᠠᠢᠢᠬᠤ ᠤᠴᠢᠷᠲᠠᠢ᠃ ᠬᠠᠷᠠᠮᠰᠠᠯᠲᠠᠢ ᠨᠢ᠂ ᠡᠨᠡ ᠲᠠᠩᠬᠢᠮ ᠳᠤ ᠬᠡᠯᠡᠭᠰᠡᠨ ᠦᠭᠡ᠂ ᠡᠨᠳᠡ ᠡᠴᠡ ᠭᠠᠷᠤᠭᠰᠠᠨ ᠰᠢᠢᠳᠪᠦᠷᠢ ᠨᠦᠭᠦᠳ ᠠᠮᠢᠳᠤᠷᠠᠯ ᠳᠡᠭᠡᠷᠡ ᠬᠡᠷᠡᠭᠵᠢᠳᠡᠭ ᠦᠭᠡᠢ᠂ ᠲᠥᠷᠥ ᠢᠢᠨ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠤᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠳᠤ ᠬᠠᠷᠢᠭᠤᠴᠠᠯᠭᠠ ᠦᠭᠡᠢ᠂ ᠢᠳᠡᠪᠬᠢ ᠰᠠᠨᠠᠭᠠᠴᠢᠯᠭᠠ ᠦᠭᠡᠢ ᠪᠠᠢᠢᠳᠠᠯ ᠨᠣᠶᠠᠯᠠᠭᠰᠠᠨ ᠠᠴᠠ ᠠᠷᠠᠳ ᠢᠷᠭᠡᠳ ᠦᠨ ᠢᠲᠡᠭᠡᠯ ᠠᠯᠳᠠᠷᠠᠭᠰᠠᠨ ᠪᠠᠢᠢᠳᠠᠯ ᠲᠠᠢ 28 ᠵᠢᠯ ᠶᠠᠪᠤᠵᠤ ᠢᠷᠡᠯᠡ᠃ ᠮᠠᠰᠢ ᠶᠡᠬᠡ ᠰᠢᠭᠦᠮᠵᠢᠯᠡᠯ᠂ ᠠᠰᠤᠷᠤ ᠣᠯᠠᠨ ᠰᠠᠨᠠᠯ ᠰᠠᠨᠠᠭᠠᠴᠢᠯᠭᠠ ᠭᠠᠷᠴᠤ ᠪᠠᠢᠢᠭᠠ ᠴᠤ ᠬᠡᠷᠡᠭᠵᠢᠳᠡᠭ ᠦᠭᠡᠢ ᠪᠤᠶᠤ ᠬᠡᠷᠡᠭᠵᠢᠬᠦ ᠦᠨᠳᠦᠰᠦ ᠦᠭᠡᠢ ᠪᠠᠢᠢᠭᠠ᠂ ᠲᠥᠷᠥ ᠢᠢᠨ ᠠᠯᠪᠠᠨ ᠤ ᠪᠣᠯᠤᠨ ᠬᠠᠤᠯᠢ ᠢᠢᠨ ᠪᠠᠢᠢᠭᠤᠯᠤᠯᠭᠠ ᠢᠢᠨ ᠵᠠᠪᠬᠠᠷᠠᠯ᠂ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠤ ᠬᠡᠷᠡᠭ ᠢᠯᠡᠷᠡᠭᠰᠡᠨ ᠴᠤ ᠬᠠᠤᠯᠢ ᠢᠢᠨ ᠬᠠᠷᠢᠭᠤᠴᠠᠯᠭᠠ ᠠᠴᠠ ᠮᠤᠯᠲᠤᠷᠠᠵᠤ ᠪᠠᠢᠢᠭᠠ᠂ ᠪᠠᠶᠠᠯᠢᠭ ᠲᠠᠢ ᠣᠷᠣᠨ ᠮᠥᠷᠲᠡᠯᠡ ᠪᠠᠶᠠᠯᠢᠭ ᠤᠨ ᠡᠵᠡᠳ ᠶᠠᠳᠠᠭᠤ ᠪᠠᠢᠢᠭᠠ ᠵᠡᠷᠭᠡ ᠢᠢᠨ ᠰᠢᠯᠲᠠᠭᠠᠨ᠂ ᠤᠭ ᠦᠨᠳᠦᠰᠦ ᠨᠢ ᠶᠠᠪᠤᠵᠤ ᠶᠠᠪᠤᠵᠤ ᠨᠢᠭᠡ ᠵᠦᠢᠯ ᠳᠡᠭᠡᠷᠡ ᠲᠤᠯᠵᠤ ᠢᠷᠡᠵᠡᠢ᠃ ᠮᠣᠩᠭ᠋ᠣᠯ ᠤᠯᠤᠰ ᠰᠢᠰᠲ᠋ᠧᠮ ᠦᠨ ᠬᠢᠮᠤᠷᠠᠯ ᠳᠤ ᠨᠡᠷᠪᠡᠭ᠍ᠳᠡᠭᠰᠡᠨ ᠨᠢ ᠲᠣᠳᠣᠷᠬᠠᠢ ᠪᠣᠯᠵᠤ ᠪᠠᠢᠢᠨᠠ᠃ 1992 ᠣᠨ ᠠᠴᠠ ᠬᠣᠢᠢᠰᠢ ᠪᠦᠷᠢᠯᠳᠦᠭᠰᠡᠨ ᠤᠯᠤᠰ ᠲᠥᠷᠥ᠂ ᠵᠠᠰᠠᠭᠯᠠᠯ ᠤᠨ ᠲᠣᠭᠲᠠᠯᠴᠠᠭᠠ ᠮᠠᠨᠢ ᠮᠣᠩᠭ᠋ᠣᠯ ᠤᠨ ᠨᠡᠢᠢᠭᠡᠮ ᠤᠨ ᠠᠰᠠᠭᠤᠳᠠᠯ ᠤᠳ ᠢ ᠰᠢᠢᠳᠬᠦ᠂ ᠵᠣᠬᠢᠴᠠᠭᠤᠯᠬᠤ ᠴᠢᠳᠠᠪᠤᠷᠢ ᠪᠠᠨ ᠦᠨᠳᠦᠰᠦᠨ ᠳᠥ ᠪᠡᠨ ᠪᠦᠷᠢᠮᠦᠰᠦᠨ ᠠᠯᠠᠳᠠᠵᠠᠢ᠃
ᠬᠦᠮᠦᠰ ᠲᠥ ᠪᠡᠨ ᠪᠢᠰᠢ᠂ ᠨᠠᠮ ᠳᠤ ᠪᠠᠨ ᠪᠢᠰᠢ ᠲᠣᠭᠲᠠᠯᠴᠠᠭᠠᠨ ᠳᠤ ᠪᠦᠬᠦ ᠠᠰᠠᠭᠤᠳᠠᠯ ᠪᠠᠢᠢᠨᠠ᠃ ᠶᠠᠮᠠᠷ ᠴᠤ ᠰᠠᠢᠢᠨ ᠬᠦᠮᠦᠨ᠂ ᠨᠠᠮ ᠪᠠᠢᠢᠯᠠ ᠭᠡᠳ ᠬᠠᠷᠢᠭᠤᠴᠠᠯᠭᠠ ᠦᠭᠡᠢ᠂ ᠤᠶᠠᠯᠳᠤᠭᠠ ᠦᠭᠡᠢ᠂ ᠡᠵᠡᠨ ᠦᠭᠡᠢ ᠲᠣᠭᠲᠠᠯᠴᠠᠭᠠᠨ ᠤ ᠵᠣᠯᠢᠶᠠᠰᠤ ᠪᠣᠯᠵᠤ᠂ ᠠᠰᠠᠭᠤᠳᠠᠯ ᠤᠳ ᠬᠤᠷᠢᠮᠲᠤᠯᠠᠭᠳᠠᠭᠰᠠᠭᠠᠷ᠂ ᠨᠡᠢᠢᠭᠡᠮ ᠪᠤᠬᠢᠨᠢᠲᠤᠭᠰᠠᠭᠠᠷ ᠪᠠᠢᠢᠬᠤ ᠲᠡᠢᠢᠮᠦ ᠨᠥᠬᠥᠴᠡᠯ ᠪᠠᠲᠤ ᠲᠣᠭᠲᠠᠵᠠᠢ᠃ ᠡᠭᠦᠨ ᠢ ᠨᠤᠲᠠᠯᠠᠬᠤ ᠭᠡᠬᠦ ᠳᠥ ᠪᠡᠨ ᠣᠯᠠᠨ ᠲᠣᠭᠠ᠂ ᠪᠠᠷᠢᠮᠲᠠ ᠳᠤᠷᠠᠳᠴᠤ ᠪᠣᠯᠬᠤ ᠴᠤ ᠢᠯᠡᠭᠦᠴᠡ ᠭᠡᠵᠦ ᠦᠵᠡᠯᠡ᠃ ᠭᠠᠭᠴᠠᠬᠠᠨ ᠵᠢᠱᠢᠶᠡ ᠳᠤᠷᠠᠳᠬᠤ ᠳᠤ᠂ ᠬᠣᠶᠠᠷ ᠵᠢᠯ ᠦᠨ ᠡᠮᠦᠨᠡ ᠡᠴᠡ ᠢᠯᠡᠴᠢᠯᠡᠭᠳᠡᠵᠦ᠂ ᠶᠠᠷᠢᠭᠳᠠᠵᠤ ᠡᠬᠢᠯᠡᠭᠰᠡᠨ 《60 ᠲᠡᠷᠪᠤᠮ ᠤᠨ》 ᠭᠡᠬᠦ ᠲᠣᠳᠣᠳᠬᠠᠯ ᠲᠠᠢ ᠬᠡᠷᠡᠭ ᠢ ᠡᠴᠦᠰᠯᠡᠬᠦ ᠲᠠᠯᠠ ᠪᠠᠷ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠴᠢᠭᠤᠯᠭᠠᠨ ᠢ ᠵᠠᠪᠰᠠᠷᠯᠠᠭᠤᠯᠬᠤ ᠦᠭᠡᠢ ᠪᠡᠷ ᠬᠡᠯᠡᠯᠴᠡᠬᠦ ᠬᠡᠷᠡᠭᠲᠡᠢ ᠭᠡᠰᠡᠨ ᠰᠠᠨᠠᠯ ᠢ ᠪᠢ ᠭᠠᠷᠭᠠᠭᠰᠠᠨ᠃ ᠳᠠᠷᠠᠭᠠ ᠨᠢ ᠡᠭᠡᠯᠵᠢᠲᠦ ᠪᠤᠰᠤ ᠴᠢᠭᠤᠯᠭᠠᠨ ᠢᠶᠠᠷ ᠬᠡᠯᠡᠯᠴᠡᠬᠦ ᠨᠥᠬᠥᠴᠡᠯ ᠪᠠᠢᠢᠳᠠᠯ ᠡᠭᠦᠰᠦᠭᠰᠡᠨ ᠢ ᠰᠠᠨᠠᠭᠤᠯᠵᠤ᠂ ᠡᠭᠡᠯᠵᠢᠲᠦ ᠪᠤᠰᠤ ᠴᠢᠭᠤᠯᠭᠠᠨ ᠢ ᠵᠠᠷᠯᠠᠨ ᠬᠤᠷᠠᠯᠳᠤᠭᠤᠯᠬᠤ ᠰᠠᠨᠠᠯ ᠬᠦᠷᠭᠡᠭᠦᠯᠦᠭᠰᠡᠨ᠃ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠳ ᠦᠨ ᠭᠤᠷᠪᠠᠨ ᠤ ᠨᠢᠭᠡ ᠡᠴᠡ ᠳᠡᠭᠡᠭ᠍ᠰᠢᠬᠢ ᠨᠢ ᠪᠠᠰᠠ ᠱᠠᠭᠠᠷᠳᠠᠭᠰᠠᠨ᠂ ᠶᠡᠷᠦᠩᠬᠡᠢᠢᠯᠡᠭᠴᠢ ᠰᠠᠨᠠᠯ ᠭᠠᠷᠭᠠᠭᠰᠠᠨ ᠵᠡᠷᠭᠡ ᠡᠭᠡᠯᠵᠢᠲᠦ ᠪᠤᠰᠤ ᠴᠢᠭᠤᠯᠭᠠᠨ ᠢ ᠵᠠᠷᠯᠠᠨ ᠬᠤᠷᠠᠯᠳᠤᠭᠤᠯᠬᠤ ᠬᠠᠤᠯᠢ ᠳᠤ ᠵᠢᠭᠠᠭᠰᠠᠨ ᠬᠣᠶᠠᠷ ᠦᠨᠳᠦᠰᠦᠯᠡᠯ ᠨᠢᠭᠡᠨ ᠵᠡᠷᠭᠡ ᠪᠤᠢ ᠪᠣᠯᠤᠭᠰᠠᠨ ᠲᠣᠬᠢᠶᠠᠯᠳᠤᠯ ᠳᠤ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠦᠨᠳᠦᠰᠦᠨ ᠬᠠᠤᠯᠢ ᠪᠣᠯᠤᠨ ᠬᠣᠯᠪᠣᠭᠳᠠᠬᠤ ᠪᠤᠰᠤᠳ ᠬᠠᠤᠯᠢ ᠪᠠᠷ ᠬᠦᠯᠢᠶᠡᠭᠰᠡᠨ ᠡᠭᠦᠷᠭᠡ ᠪᠡᠨ ᠴᠢᠩᠳᠠ ᠰᠠᠬᠢᠨ ᠪᠡᠶᠡᠯᠡᠭᠦᠯᠬᠦ ᠶᠣᠰᠣᠲᠠᠢ᠃ ᠭᠡᠲᠡᠯᠡ ᠡᠭᠦᠷᠭᠡ ᠪᠡᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠦᠭᠡᠢ᠃ ᠬᠠᠤᠯᠢ ᠲᠣᠭᠲᠠᠭᠠᠬᠤ ᠳᠡᠭᠡᠳᠦ ᠪᠠᠢᠢᠭᠤᠯᠤᠯᠭᠠ ᠨᠢ ᠪᠠᠲᠤᠯᠠᠭᠰᠠᠨ ᠬᠠᠤᠯᠢ ᠪᠠᠨ ᠦᠯᠦ ᠲᠣᠭᠣᠮᠰᠠᠷᠯᠠᠬᠤ ᠪᠣᠯᠤᠭᠰᠠᠨ ᠨᠢ ᠡᠷᠬᠡ ᠵᠦᠢ ᠢᠢᠨ ᠬᠢᠮᠤᠷᠠᠯ ᠤᠨ ᠨᠢᠭᠡᠨ ᠲᠣᠳᠣ᠂ ᠪᠣᠳᠠᠲᠤ ᠵᠢᠱᠢᠶᠡ᠃
ᠪᠢᠳᠡ ᠨᠡᠢᠢᠲᠡ ᠪᠡᠷ ᠢᠶᠡᠨ ᠵᠠᠰᠠᠭᠯᠠᠯ ᠤᠨ ᠲᠣᠭᠲᠠᠯᠴᠠᠭᠠᠨ ᠤ ᠮᠤᠬᠤᠷᠳᠠᠯ᠂ ᠬᠢᠮᠤᠷᠠᠯ ᠢ ᠭᠡᠲᠦᠯᠦᠨ ᠳᠠᠪᠠᠬᠤ ᠰᠢᠢᠳᠦᠯ ᠢ ᠣᠯᠵᠤ᠂ ᠨᠡᠢᠢᠭᠡᠮ ᠢᠶᠡᠷ ᠢᠶᠡᠨ ᠵᠣᠷᠢᠯᠭᠠ ᠪᠠᠨ ᠰᠢᠨᠡ ᠪᠡᠷ ᠲᠣᠳᠣᠷᠬᠠᠢᠢᠯᠠᠬᠤ ᠦᠭᠡᠢ ᠶᠤᠮ ᠪᠣᠯ ᠴᠠᠰᠢᠳᠠᠭᠠ ᠶᠠᠮᠠᠷ ᠴᠤ ᠠᠰᠠᠭᠤᠳᠠᠯ ᠢ ᠰᠢᠢᠳᠴᠦ ᠴᠢᠳᠠᠬᠤ ᠦᠭᠡᠢ᠃ ᠮᠠᠨ ᠤ ᠣᠳᠣ ᠢᠢᠨ ᠲᠣᠭᠲᠠᠯᠴᠠᠭᠠᠨ ᠤ ᠴᠢᠳᠠᠪᠤᠷᠢ᠂ ᠪᠣᠯᠤᠮᠵᠢ ᠨᠢᠭᠡᠨᠲᠡ ᠪᠦᠷᠢᠮᠦᠰᠦᠨ ᠰᠢᠪᠬᠠᠭᠳᠠᠵᠠᠢ᠃
ᠪᠢ ᠶᠡᠷᠦᠩᠬᠡᠢᠢᠯᠡᠭᠴᠢ ᠪᠣᠯᠤᠭᠰᠠᠨ ᠠᠴᠠ ᠪᠠᠨ ᠬᠣᠢᠢᠰᠢ ᠮᠠᠰᠢ ᠣᠯᠠᠨ ᠤᠯᠤᠰ ᠲᠥᠷᠤᠴᠢ᠂ ᠤᠯᠤᠰ ᠲᠥᠷᠥ ᠰᠤᠳᠤᠯᠤᠯ ᠤᠨ ᠡᠷᠳᠡᠮᠲᠡᠳ ᠲᠡᠢ ᠠᠭᠤᠯᠵᠠᠵᠤ᠂ ᠡᠨᠡ ᠠᠰᠠᠭᠤᠳᠠᠯ ᠢ ᠨᠤᠬᠤᠴᠠᠲᠠᠢ ᠠᠪᠴᠤ ᠦᠵᠡᠭᠰᠡᠨ ᠦ ᠳ᠋ᠦᠩ ᠳᠥ ᠲᠣᠭᠲᠠᠯᠴᠠᠭᠠᠨ ᠤ ᠬᠢᠮᠤᠷᠠᠯ ᠢ ᠭᠡᠲᠦᠯᠬᠦ ᠰᠠᠨᠠᠯ᠂ ᠰᠢᠢᠳᠦᠯ ᠦᠳ ᠢ ᠡᠷᠬᠢᠮ ᠭᠡᠰᠢᠭᠦᠳ ᠲᠠ ᠪᠦᠬᠦᠨ ᠳᠥ ᠪᠣᠯᠤᠨ ᠮᠣᠩᠭ᠋ᠣᠯ ᠤᠨ ᠰᠣᠩᠭ᠋ᠣᠭᠴᠢᠳ᠂ ᠨᠡᠢᠢᠲᠡ ᠠᠷᠠᠳ ᠲᠦᠮᠡᠨ ᠳᠥ ᠲᠣᠯᠢᠯᠠᠭᠤᠯᠬᠤ ᠪᠠᠷ ᠰᠢᠢᠳᠦᠯᠡ᠃
ᠲᠣᠭᠲᠠᠯᠴᠠᠭᠠ ᠢᠢ ᠪᠠᠨ ᠥᠭᠡᠷᠡᠴᠢᠯᠡᠬᠦ ᠦᠭᠡᠢ ᠪᠡᠷ ᠶᠠᠭᠤ ᠴᠤ ᠥᠭᠡᠷᠡᠴᠢᠯᠡᠭᠳᠡᠬᠦ ᠦᠭᠡᠢ ᠶᠤᠮ ᠪᠠᠢᠢᠨᠠ᠃ ᠵᠦᠢᠷᠯᠡᠪᠡᠯ᠂ ᠪᠢᠳᠡᠨ ᠦ ᠬᠠᠮᠲᠤᠷᠠᠨ ᠪᠣᠰᠬᠠᠭᠰᠠᠨ ᠡᠷᠦᠬᠡ ᠭᠡᠷ ᠦᠨ ᠮᠢᠨᠢ ᠰᠠᠭᠤᠷᠢ᠂ ᠲᠤᠯᠭᠠᠭᠤᠷᠢ ᠪᠠᠭᠠᠨᠠ ᠳᠤ ᠠᠯᠳᠠᠭᠠ ᠭᠠᠷᠴᠤ᠂ ᠨᠤᠷᠠᠬᠤ ᠡᠷᠦᠰᠳᠡᠯ ᠡᠭᠦᠰᠴᠢᠬᠡᠭᠡᠳ ᠪᠠᠢᠢᠬᠤ ᠳᠤ ᠪᠢᠳᠡ ᠨᠤᠷᠠᠭᠠᠵᠤ᠂ ᠰᠢᠨᠡ ᠪᠡᠷ ᠰᠠᠭᠤᠷᠢ ᠴᠢᠳᠭᠤᠬᠤ᠂ ᠪᠠᠲᠤ ᠪᠥᠬᠡ ᠲᠤᠯᠭᠠᠭᠤᠷᠢ ᠬᠢᠬᠦ ᠢᠢᠨ ᠣᠷᠣᠨ ᠳᠤ ᠭᠠᠭᠴᠠ ᠨᠢᠭᠡ ᠨᠡᠮᠡᠯᠲᠡ ᠪᠡᠬᠢᠯᠡᠭᠡ ᠬᠢᠬᠦ᠂ ᠡᠷᠦᠰᠳᠡᠯ ᠠᠷᠢᠯᠤᠭᠰᠠᠨ ᠮᠡᠲᠦ ᠰᠡᠳᠬᠢᠭ᠍ᠳᠡᠯ ᠲᠥᠷᠥᠭᠦᠯᠬᠦ ᠭᠡᠵᠦ ᠥᠩᠭᠡᠴᠡ ᠵᠠᠰᠠᠪᠤᠷᠢ᠂ ᠪᠤᠳᠤᠭ ᠲᠦᠷᠬᠢᠬᠦ ᠲᠡᠳᠦᠢ ᠪᠠᠢᠢᠳᠠᠯ ᠢᠶᠠᠷ ᠥᠨᠥ ᠢᠢ ᠬᠦᠷᠲᠡᠯᠡ ᠠᠷᠭᠠᠯᠠᠵᠤ ᠢᠷᠡᠵᠡᠢ᠃ ᠣᠳᠣ ᠠᠷᠭᠠᠯᠠᠵᠤ᠂ ᠬᠠᠭᠤᠷᠠᠵᠤ ᠬᠦᠴᠦᠷᠡᠬᠦ ᠦᠭᠡᠢ ᠬᠡᠮᠵᠢᠶᠡᠨ ᠳᠥ ᠬᠢᠮᠤᠷᠠᠯ ᠲᠤᠯᠵᠤ ᠢᠷᠡᠵᠡᠢ᠃ ᠡᠷᠦᠬᠡ ᠭᠡᠷ ᠮᠠᠨᠢ ᠬᠡᠳᠦᠢ ᠨᠢ ᠡ ᠬᠠᠵᠠᠢᠢᠵᠤ ᠡᠬᠢᠯᠡᠭᠰᠡᠨ ᠪᠠᠢᠢᠨᠠ᠃
ᠬᠠᠷᠠᠳᠠᠬᠤ᠂ ᠶᠠᠭᠠᠷᠠᠨ ᠳ᠋ᠦᠩᠨᠡᠬᠦ ᠢᠢᠨ ᠣᠷᠣᠨ ᠳᠤ ᠲᠠ ᠪᠦᠭᠦᠳᠡ ᠢᠢ ᠬᠦᠯᠢᠶᠡᠴᠡᠲᠡᠢ ᠬᠠᠨᠳᠤᠵᠤ᠂ ᠠᠰᠠᠭᠤᠳᠠᠯ ᠢ ᠡᠷᠡᠭᠦᠯ ᠤᠬᠠᠭᠠᠨ ᠢᠶᠠᠷ ᠰᠢᠭᠦᠨ ᠬᠡᠯᠡᠯᠴᠡᠭᠡᠰᠡᠢ ᠬᠡᠮᠡᠨ ᠬᠦᠰᠡᠵᠦ ᠪᠠᠢᠢᠨᠠ᠃ ᠠᠰᠠᠭᠤᠳᠠᠯ ᠤᠨ ᠭᠣᠣᠯ ᠨᠢ ᠨᠡᠢᠢᠭᠡᠮ ᠳᠥ ᠬᠤᠷᠠᠮᠲᠤᠯᠠᠭᠳᠠᠭᠰᠠᠨ ᠠᠰᠠᠭᠤᠳᠠᠯ ᠤᠳ ᠢ ᠰᠢᠢᠳᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢ ᠲᠠᠢ᠂ ᠨᠡᠢᠢᠭᠡᠮ ᠢ ᠤᠳᠤᠷᠢᠳᠬᠤ᠂ ᠵᠣᠬᠢᠴᠠᠭᠤᠯᠬᠤ ᠡᠭᠦᠷᠭᠡ ᠪᠡᠨ ᠬᠠᠩᠭ᠋ᠠᠯᠲᠠᠲᠠᠢ ᠪᠡᠶᠡᠯᠡᠭᠦᠯᠳᠡᠭ᠂ ᠲᠡᠷᠡ ᠬᠢᠷᠢ ᠪᠡᠷ ᠠᠷᠠᠳ ᠲᠦᠮᠡᠨ ᠨᠢ ᠠᠵᠢᠯ ᠲᠠᠢ ᠣᠷᠣᠯᠭᠠ ᠲᠠᠢ᠂ ᠡᠷᠡᠭᠦᠯ᠂ ᠪᠣᠯᠪᠠᠰᠤᠷᠠᠯ ᠲᠠᠢ᠂ ᠠᠮᠢᠳᠤᠷᠠᠯ ᠳᠤ ᠪᠠᠨ ᠰᠡᠳᠬᠢᠯ ᠬᠠᠩᠭ᠋ᠠᠯᠤᠭᠤᠨ᠂ ᠵᠢᠷᠭᠠᠯ ᠲᠠᠢ ᠪᠠᠢᠢᠬᠤ ᠲᠥᠷᠥ ᠢᠢ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ᠂ ᠡᠮᠬᠢᠯᠡᠬᠦ᠂ ᠠᠵᠢᠯᠯᠠᠭᠤᠯᠬᠤ ᠲᠣᠭᠲᠠᠪᠤᠷᠢᠲᠠᠢ ᠲᠣᠭᠲᠠᠯᠴᠠᠭᠠ ᠲᠠᠢ ᠪᠣᠯᠬᠤ ᠳᠤ ᠯᠠ ᠣᠷᠣᠰᠢᠵᠤ ᠪᠠᠢᠢᠭᠠ᠃
ᠮᠣᠩᠭ᠋ᠣᠯ ᠤᠨ ᠲᠥᠷᠥ ᠬᠠᠷᠢᠭᠤᠴᠠᠯᠭᠠ ᠢᠢᠨ ᠬᠢᠮᠤᠷᠠᠯ ᠳᠤ ᠪᠦᠷᠢᠨ ᠥᠷᠲᠦᠭᠰᠡᠨ ᠪᠠᠢᠢᠨᠠ᠃ ᠳᠡᠯᠡᠬᠡᠢ ᠢᠢᠨ ᠪᠠᠩᠬᠢ᠂ ᠪᠤᠰᠤᠳ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠤᠨ ᠲᠣᠳᠣᠷᠬᠠᠢᠢᠯᠠᠯᠲᠠ ᠪᠠᠷ 《ᠬᠠᠷᠢᠭᠤᠴᠠᠯᠭᠠ ᠭᠡᠳᠡᠭ ᠨᠢ ᠰᠢᠢᠳᠪᠦᠷᠢ ᠭᠠᠷᠭᠠᠭᠴᠢᠳ ᠠᠴᠠ ᠠᠰᠠᠭᠤᠳᠠᠯ ᠳᠤ ᠬᠠᠷᠢᠭᠤ ᠥᠭ᠍ᠬᠦ᠂ ᠰᠢᠢᠳᠪᠦᠷᠢ ᠭᠠᠷᠭᠠᠬᠤ ᠴᠢᠳᠠᠪᠤᠷᠢ ᠶᠤᠮ》᠃ ᠢᠷᠭᠡᠳ ᠡᠴᠡ 《ᠡᠨᠡ ᠪᠣᠯᠬᠤ ᠦᠭᠡᠢ ᠪᠠᠢᠢᠨᠠ》 ᠭᠡᠳ ᠭᠣᠮᠣᠳᠠᠯ ᠭᠠᠷᠬᠤ ᠳᠤ ᠲᠥᠷᠥ ᠢᠢᠨ ᠵᠦᠭ ᠡᠴᠡ ᠬᠠᠷᠢᠭᠤ ᠥᠭ᠍ᠬᠦ᠂ ᠰᠢᠢᠳᠦᠯ ᠤᠯᠬᠤ ᠴᠢᠳᠠᠪᠤᠷᠢ ᠢᠢ ᠬᠠᠷᠢᠭᠤᠴᠠᠯᠭᠠ ᠭᠡᠳᠡᠭ᠃ ᠭᠡᠲᠡᠯᠡ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠢᠢᠵᠤ᠂ ᠨᠡᠢᠢᠭᠡᠮ ᠤᠨ ᠲᠣᠭᠲᠠᠯᠴᠠᠭᠠ ᠢᠢ ᠠᠪᠴᠤ ᠶᠠᠪᠤᠬᠤ ᠶᠣᠰᠣᠲᠠᠢ ᠫᠠᠷᠯᠠᠮᠧᠨ᠋ᠲ᠂ ᠵᠠᠰᠠᠭ ᠤᠨ ᠭᠠᠵᠠᠷ ᠵᠡᠷᠭᠡ ᠢᠨ᠋ᠰᠲ᠋ᠢᠲ᠋ᠤᠢᠼᠢ ᠨᠢ ᠥᠪᠡᠷᠰᠡᠳ ᠢᠶᠡᠨ ᠬᠠᠷᠢᠭᠤᠴᠠᠯᠭᠠ ᠢᠢᠨ ᠬᠢᠮᠤᠷᠠᠯ ᠳᠤ ᠣᠷᠣᠴᠢᠬᠠᠭᠠᠳ ᠪᠠᠢᠢᠭᠠ ᠨᠢ ᠲᠣᠳᠣᠷᠬᠠᠢ ᠪᠣᠯᠤᠯᠠ᠃ ᠡᠳ᠋ ᠍ ᠦᠨ ᠵᠠᠰᠠᠭ ᠰᠠᠢᠢᠨ ᠦᠭᠡᠢ ᠶᠠᠳᠠᠭᠤᠷᠠᠯ᠂ ᠣᠷᠣᠯᠭᠠ ᠢᠢᠨ ᠲᠡᠭᠰᠢ ᠪᠤᠰᠤ ᠪᠠᠢᠢᠳᠠᠯ ᠭᠠᠵᠠᠷ ᠠᠪᠤᠭᠰᠠᠨ ᠨᠢ ᠵᠠᠰᠠᠭᠯᠠᠯ ᠮᠠᠭᠤ ᠪᠠᠢᠢᠭᠠ ᠢᠢᠨ ᠢᠯᠡᠷᠬᠡᠢ ᠰᠢᠨᠵᠢ ᠲᠡᠮᠳᠡᠭ ᠶᠤᠮ᠃
2018 ᠣᠨ ᠤ 9 ᠳᠦᠭᠡᠷ ᠰᠠᠷᠠ ᠢᠢᠨ 26-29 ᠍ ᠳᠥ ᠬᠢᠭ᠍ᠳᠡᠭᠰᠡᠨ ᠤᠯᠤᠰ ᠲᠥᠷᠥ ᠢᠢᠨ ᠪᠠᠷᠤᠮᠧᠲ᠋ᠷ ᠤᠨ ᠰᠤᠳᠤᠯᠭᠠ ᠪᠠᠷ 10 ᠣᠨᠣᠭᠣᠨ ᠤ ᠦᠨᠡᠯᠡᠭᠡᠨ ᠡᠴᠡ ᠢᠷᠭᠡᠳ ᠦᠨ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠳᠥ ᠢᠲᠡᠭᠡᠬᠦ ᠢᠲᠡᠭᠡᠯ 3.3 ᠬᠤᠪᠢ᠂ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠦᠵᠡᠭᠦᠯᠬᠦ ᠢᠲᠡᠭᠡᠯ 4.5 ᠬᠤᠪᠢ (МЕС) ᠪᠠᠢᠢᠨᠠ᠃ ᠠᠷᠠᠳ ᠲᠦᠮᠡᠨ ᠦ ᠲᠥᠷᠥ ᠵᠠᠰᠠᠭ ᠲᠤ ᠪᠠᠨ ᠢᠲᠡᠭᠡᠬᠦ ᠢᠲᠡᠭᠡᠯ ᠦᠨᠳᠦᠰᠦᠨ ᠳᠥ ᠪᠡᠨ ᠠᠯᠠᠭᠠ ᠪᠣᠯᠵᠠᠢ᠃ ᠲᠥᠷᠥ ᠢᠢᠨ ᠢᠨ᠋ᠰᠲ᠋ᠢᠲ᠋ᠤᠢᠼᠢ ᠨᠤᠭᠦᠳ ᠳᠤᠮᠳᠠᠴᠢ ᠪᠣᠯᠤᠨ ᠳᠤᠮᠳᠠᠴᠢ ᠠᠴᠠ ᠳᠣᠣᠭᠤᠷ ᠦᠨᠡᠯᠡᠭᠡ ᠲᠡᠢ ᠪᠠᠢᠢᠨᠠ ᠭᠡᠳᠡᠭ ᠨᠢ ᠢᠲᠡᠭᠡᠯᠴᠡᠯ ᠦᠨ ᠬᠢᠮᠤᠷᠠᠯ ᠡᠷᠦᠰᠳᠡᠯᠳᠥ ᠨᠥᠬᠥᠴᠡᠯ ᠳᠥ ᠪᠠᠢᠢᠭᠠ ᠢᠢ ᠵᠢᠭᠠᠵᠤ ᠪᠠᠢᠢᠭᠠ ᠦᠵᠡᠭᠦᠯᠦᠯᠲᠡ᠃
ᠨᠡᠢᠢᠭᠡᠮ ᠤᠨ ᠪᠦᠬᠦ ᠳᠠᠪᠬᠤᠷᠭᠠ᠂ ᠤᠯᠤᠰ ᠲᠥᠷᠥ ᠢᠢᠨ ᠪᠦᠯᠦᠭᠯᠡᠯ᠂ ᠰᠤᠳᠤᠯᠤᠭᠠᠴᠢᠳ ᠤᠨ ᠬᠦᠷᠦᠭᠰᠡᠨ ᠣᠢᠢᠯᠠᠭᠠᠯᠲᠠ᠂ ᠨᠢᠭᠡᠳᠦᠭᠰᠡᠨ ᠴᠡᠭ ᠨᠢ ᠵᠠᠰᠠᠭᠯᠠᠯ ᠤᠨ ᠲᠣᠭᠲᠠᠯᠴᠠᠭᠠ ᠢᠢ ᠪᠠᠨ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠬᠥᠭ᠍ᠵᠢᠯ ᠦᠨ ᠱᠠᠭᠠᠷᠳᠠᠯᠭᠠ᠂ ᠨᠡᠢᠢᠭᠡᠮ ᠤᠨ ᠬᠡᠷᠡᠭᠴᠡᠭᠡᠨ ᠳᠥ ᠵᠣᠬᠢᠴᠠᠭᠤᠯᠤᠨ ᠬᠢᠬᠦ ᠡᠷᠡᠰ ᠰᠢᠨᠡᠴᠢᠯᠡᠯ ᠪᠣᠯᠤᠭᠠᠳ ᠪᠠᠢᠢᠨᠠ᠃ ᠡᠭᠦᠨ ᠢ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠷ ᠯᠠ ᠬᠢᠨᠡ᠃
ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠲᠠᠮᠠᠭᠠ ᠢᠢᠨ ᠭᠠᠵᠠᠷ ᠤᠨ ᠰᠤᠳᠤᠯᠭᠠ ᠰᠢᠨᠵᠢᠯᠡᠭᠡᠨ ᠦ ᠬᠡᠯᠲᠡᠰ ᠡᠴᠡ 2015 ᠣᠨ ᠳᠤ ᠡᠷᠬᠢᠯᠡᠨ ᠭᠠᠷᠭᠠᠭᠰᠠᠨ 《 ᠮᠣᠩᠭ᠋ᠤᠯ ᠤᠯᠤᠰ ᠳᠠᠢ ᠢᠵᠢᠯ ᠳᠥᠰᠦᠲᠡᠢ ᠵᠠᠷᠢᠮ ᠣᠷᠤᠨ ᠤ ᠵᠠᠰᠠᠭᠯᠠᠯ ᠤᠨ ᠪᠣᠯᠤᠨ ᠡᠷᠬᠡ ᠵᠦᠢ ᠢᠢᠨ ᠲᠣᠭᠲᠠᠯᠴᠠᠭᠠ᠂ ᠰᠣᠩᠭ᠋ᠤᠭᠤᠯᠢ ᠢᠢᠨ ᠬᠡᠯᠪᠡᠷᠢ ᠢᠢᠨ ᠲᠠᠯᠠ ᠪᠠᠷ ᠬᠢ ᠮᠡᠳᠡᠭᠡᠯᠡᠯ 》 ᠲᠣᠪᠬᠢᠮᠠᠯ ᠳᠤ ᠳᠤᠷᠠᠳᠤᠭᠰᠠᠨ ᠠᠴᠠ ᠦᠵᠡᠬᠦ ᠳᠥ 1992 ᠣᠨ ᠤ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠷ ᠢᠶᠠᠨ ᠮᠣᠩᠭ᠋ᠣᠯᠴᠤᠳ ᠪᠢᠳᠡ ᠲᠦᠭᠡᠮᠡᠯ ᠪᠤᠰᠤ ᠵᠠᠰᠠᠭᠯᠠᠯ ᠤᠨ ᠲᠣᠭᠲᠠᠯᠴᠠᠭᠠ ᠪᠤᠶᠤ ᠳᠡᠯᠬᠡᠢ̆ ᠢᠢᠨ 196 ᠣᠷᠣᠨ ᠠᠴᠠ ᠪᠣᠯᠭᠠᠷ᠂ ᠹᠢᠨ᠋ᠯᠠᠨ᠋ᠳ᠋᠂ ᠰᠧᠷᠪᠢ᠂ ᠮᠣᠨᠲ᠋ᠧᠨᠧᠭᠷᠣ ᠵᠡᠷᠭᠡ 4 ᠣᠷᠣᠨ ᠳᠤ ᠯᠠ ᠪᠠᠢᠢᠳᠠᠭ ᠬᠠᠭᠠᠰ ᠫᠠᠷᠯᠠᠮᠧᠨ᠋ᠲ᠂ ᠬᠠᠭᠠᠰ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠬᠣᠯᠢᠮᠠᠭ ᠵᠠᠰᠠᠭᠯᠠᠯ ᠢ ᠠᠪᠤᠭᠰᠠᠨ ᠨᠢ ᠬᠥᠭ᠍ᠵᠢᠯ ᠦᠨ ᠮᠤᠬᠤᠷᠳᠠᠯ ᠳᠤ ᠬᠦᠷᠭᠡᠭ᠍ᠰᠡᠨ ᠢ ᠣᠳᠣ ᠬᠠᠷᠠᠵᠤ᠂ ᠮᠡᠳᠡᠵᠦ ᠪᠠᠢᠢᠨᠠ᠃ ᠠᠷᠠᠳᠴᠢᠯᠠᠭᠰᠠᠨ ᠰᠢᠨᠡ ᠦᠨᠳᠦᠰᠦᠨ ᠬᠠᠤᠯᠢ ᠨᠡᠢᠢᠭᠡᠮ ᠤᠨ ᠨᠢᠭᠡ ᠲᠣᠭᠲᠠᠯᠴᠠᠭᠠᠨ ᠠᠴᠠ ᠨᠥᠭᠥᠭᠡ ᠰᠢᠨᠡ ᠲᠣᠭᠲᠠᠯᠴᠠᠭᠠ ᠤᠷᠤᠭᠤ ᠬᠢᠬᠦ ᠰᠢᠯᠵᠢᠯᠲᠡ ᠢᠢ ᠵᠣᠬᠢᠴᠠᠭᠤᠯᠬᠤ ᠳᠤ ᠴᠢᠬᠤᠯᠠ ᠮᠧᠬᠠᠨᠢᠰᠮ ᠪᠣᠯᠵᠠᠢ᠃ ᠣᠳᠣ ᠬᠥᠭ᠍ᠵᠢᠯ ᠦᠨ ᠱᠠᠭᠠᠷᠳᠠᠯᠭᠠ᠂ ᠨᠡᠢᠢᠭᠡᠮ ᠤᠨ ᠬᠡᠷᠡᠭᠴᠡᠭᠡᠨ ᠳᠥ ᠵᠣᠬᠢᠴᠠᠭᠤᠯᠤᠨ ᠰᠢᠨᠡᠳᠭᠡᠬᠦ ᠶᠣᠰᠣᠲᠠᠢ ᠪᠣᠯᠵᠤ ᠪᠠᠢᠢᠨᠠ᠃ ᠰᠢᠨᠡ ᠦᠨᠳᠦᠰᠦᠨ ᠬᠠᠤᠯᠢ᠂ ᠲᠡᠭᠦᠨ ᠢ ᠪᠠᠲᠤᠯᠠᠭᠰᠠᠳ ᠲᠤ 《ᠪᠠᠶᠠᠷᠯᠠᠯᠠ》 ᠭᠡᠵᠦ ᠬᠡᠯᠡᠭᠡᠳ ᠳᠠᠷᠤᠭᠠ ᠢᠢᠨ ᠱᠠᠲᠤᠨ ᠤ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠨ ᠬᠡᠯᠡᠯᠴᠡᠬᠦ ᠴᠠᠭ ᠢᠷᠡᠯᠡ᠃
ᠡᠷᠬᠢᠮ ᠭᠡᠰᠢᠭᠦᠳ ᠡ᠂
ᠲᠠ ᠪᠢᠳᠡ ᠬᠠᠮᠲᠤᠷᠠᠨ ᠲᠣᠭᠲᠠᠯᠴᠠᠭᠠ ᠢᠢ ᠪᠠᠨ ᠪᠦᠬᠦᠯᠢ ᠳᠥ ᠨᠢ ᠬᠠᠮᠤᠷᠤᠭᠰᠠᠨ ᠷᠧᠹᠤᠷᠮ ᠡᠷᠡᠰ ᠰᠢᠨᠡᠴᠢᠯᠡᠯ ᠬᠢᠬᠦ ᠦᠭᠡᠢ ᠯᠠ ᠪᠣᠯ ᠰᠣᠩᠭ᠋ᠣᠭᠤᠯᠢ ᠪᠠᠷ ᠠᠮᠠᠯᠠᠭᠰᠠᠨ ᠠᠮᠠᠯᠠᠯᠲᠠ ᠴᠢᠨᠢ ᠬᠡᠵᠢᠶᠡ ᠴᠤ ᠪᠡᠶᠡᠯᠡᠬᠦ ᠦᠭᠡᠢ᠂ ᠡᠳ᠋ ᠍ ᠦᠨ ᠵᠠᠰᠠᠭ ᠲᠤ ᠶᠠᠮᠠᠷ ᠴᠤ ᠨᠠᠰᠢ ᠲᠠᠢ ᠥᠭᠡᠷᠡᠴᠢᠯᠡᠯᠲᠡ ᠭᠠᠷᠬᠤ ᠦᠭᠡᠢ᠂ ᠮᠣᠩᠭ᠋ᠣᠯ ᠤᠨ ᠲᠥᠷᠥ ᠦᠬᠦᠭᠡᠨᠴᠡ᠂ ᠬᠠᠷᠢᠭᠤᠴᠠᠯᠭᠠ ᠦᠭᠡᠢ᠂ ᠨᠦᠰᠡᠷ᠂ ᠦᠷᠡᠯᠭᠡᠨ᠂ ᠲᠥᠷᠥ ᠢᠢᠨ ᠠᠯᠪᠠ ᠨᠢ ᠨᠠᠮ ᠤᠨ ᠬᠠᠪᠰᠤᠷᠭᠠ ᠠᠯᠪᠠ ᠬᠡᠪ ᠢᠶᠡᠷ ᠦᠯᠡᠳᠡᠬᠦ ᠪᠣᠯᠤᠨᠠ᠃ ᠨᠡᠩ ᠶᠠᠭᠠᠷᠠᠯ ᠲᠠᠢ ᠷᠧᠹᠤᠷᠮ ᠬᠢᠬᠦ ᠦᠭᠡᠢ ᠯᠠ ᠶᠤᠮ ᠪᠣᠯ ᠪᠠᠢᠢᠭᠠᠯᠢ ᠢᠢᠨ ᠪᠠᠶᠠᠯᠢᠭ ᠲᠤ ᠬᠡᠲᠦ ᠴᠥᠭᠡᠩᠬᠢ ᠬᠢᠨᠠᠯᠲᠠ ᠪᠠᠨ ᠲᠣᠭᠲᠠᠭᠠᠭᠰᠠᠭᠠᠷ᠂ ᠪᠠᠶᠠᠯᠢᠭ ᠠᠴᠠ ᠤᠯᠬᠤ ᠣᠷᠣᠯᠭᠠ ᠠᠷᠠᠳ ᠲᠦᠮᠡᠨ ᠳᠥ ᠬᠦᠷᠲᠡᠭᠡᠯ ᠦᠭᠡᠢ ᠪᠡᠷ ᠭᠠᠳᠠᠭᠰᠢ ᠤᠷᠤᠰᠤᠭᠰᠠᠭᠠᠷ ᠯᠠ ᠪᠠᠢᠢᠬᠤ ᠪᠣᠯᠤᠨᠠ᠃
ᠲᠡᠢᠢᠮᠦ ᠤᠴᠢᠷ ᠠᠴᠠ ᠪᠢ ᠤᠯᠤᠰ ᠣᠷᠣᠨ ᠤ ᠪᠠᠨ ᠢᠷᠡᠭᠡᠳᠦᠢ ᠢᠢᠨ ᠲᠥᠯᠥᠭᠡ᠂ ᠬᠥᠭ᠍ᠵᠢᠯ ᠴᠡᠴᠡᠭᠯᠡᠯᠲᠡ ᠳᠥ ᠬᠦᠷᠦᠭᠰᠡᠨ ᠬᠦᠴᠦᠷᠬᠡᠭ᠌ ᠮᠣᠩᠭ᠋ᠣᠯ ᠤᠯᠤᠰ ᠢ ᠪᠤᠢ ᠪᠣᠯᠭᠠᠬᠤ ᠢᠢᠨ ᠲᠥᠯᠥᠭᠡ ᠤᠯᠤᠰ ᠲᠥᠷᠥ ᠢᠢᠨ ᠨᠠᠮ ᠤᠳ᠂ ᠡᠷᠳᠡᠮᠲᠡᠳ ᠰᠤᠳᠤᠯᠤᠭᠠᠴᠢᠳ᠂ ᠢᠷᠭᠡᠳ ᠰᠣᠩᠭ᠋ᠣᠭᠴᠢᠳ ᠲᠠᠢ ᠪᠠᠨ ᠬᠠᠮᠲᠤᠷᠠᠨ ᠪᠦᠬᠦ ᠨᠡᠢᠢᠲᠡ ᠪᠡᠷ ᠢᠶᠡᠨ ᠡᠷᠡᠭᠦᠯ ᠤᠬᠠᠭᠠᠨ ᠢᠶᠠᠷ ᠰᠢᠭᠦᠨ ᠬᠡᠯᠡᠯᠴᠡᠬᠦ ᠵᠠᠮ ᠢᠶᠠᠷ ᠲᠣᠭᠲᠠᠯᠴᠠᠭᠠᠨ ᠤ ᠷᠧᠹᠤᠷᠮ ᠬᠢᠶᠡ ᠬᠡᠮᠡᠨ ᠤᠷᠢᠶᠠᠯᠠᠵᠤ ᠪᠠᠢᠢᠨᠠ᠃
ᠶᠠᠭᠤᠨ ᠤ ᠡᠮᠦᠨᠡ ᠨᠡᠢᠢᠭᠡᠮ ᠤᠨ ᠥᠨᠥ ᠢᠢᠨ ᠪᠣᠯᠤᠨ ᠢᠷᠡᠭᠡᠳᠦᠢ ᠢᠢᠨ ᠵᠣᠷᠢᠯᠲᠠ᠂ ᠬᠡᠷᠡᠭᠴᠡᠭᠡ ᠢᠢ ᠪᠦᠷᠢᠨ ᠲᠤᠰᠬᠠᠭᠰᠠᠨ ᠰᠢᠨᠡ ᠦᠨᠳᠦᠰᠦᠨ ᠬᠠᠤᠯᠢ ᠢᠢ ᠪᠦᠬᠦ ᠠᠷᠠᠳ ᠲᠦᠮᠡᠨ ᠦ ᠢᠳᠡᠪᠬᠢᠲᠡᠢ ᠬᠡᠯᠡᠯᠴᠡᠭᠦᠯᠭᠡ᠂ ᠣᠷᠣᠯᠴᠠᠭᠠ ᠲᠠᠢ ᠪᠠᠷ ᠪᠠᠲᠤᠯᠠᠨ ᠭᠠᠷᠭᠠᠶᠠ᠃ ᠲᠠ ᠪᠢᠳᠡᠨ ᠦ ᠰᠢᠢᠳᠪᠦᠷᠢᠯᠡᠬᠦ ᠶᠣᠰᠣᠲᠠᠢ ᠬᠠᠮᠤᠭ ᠤᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠡᠨᠡ ᠪᠣᠯᠤᠭᠠᠳ ᠪᠠᠢᠢᠨᠠ᠃
ᠰᠢᠨᠡ ᠦᠨᠳᠦᠰᠦᠨ ᠬᠠᠤᠯᠢ ᠮᠠᠨᠢ᠄
- ᠮᠣᠩᠭ᠋ᠣᠯ ᠤᠨ ᠤᠯᠤᠰ ᠲᠥᠷᠥ᠂ ᠡᠳ᠋ ᠍ ᠦᠨ ᠵᠠᠰᠠᠭ᠂ ᠪᠠᠶᠠᠯᠢᠭ ᠤᠨ ᠬᠤᠪᠢᠶᠠᠷᠢᠯᠠᠯᠲᠠ ᠳᠤ ᠡᠷᠬᠡ ᠮᠡᠳᠡᠯ ᠢᠶᠡᠨ ᠪᠠᠲᠤ ᠲᠣᠭᠲᠠᠭᠠᠭᠰᠠᠨ ᠬᠡᠲᠦ ᠴᠥᠭᠡᠩᠬᠢ ᠢᠢᠨ ᠪᠦᠯᠦᠭᠯᠡᠯ ᠦᠨ ᠮᠣᠨᠣᠫᠣᠯᠢ ᠡᠷᠬᠡ ᠮᠡᠳᠡᠯ ᠢ ᠵᠠᠳᠠᠯᠵᠤ᠂ ᠵᠠᠰᠠᠭᠯᠠᠯ ᠡᠷᠬᠡ ᠮᠡᠳᠡᠯ ᠦᠨ ᠬᠤᠪᠢᠶᠠᠷᠢᠯᠠᠯᠲᠠ ᠢᠢ ᠣᠨᠣᠪᠴᠢᠲᠠᠢ᠂ ᠨᠡᠢᠢᠭᠡᠮ ᠤᠨ ᠱᠠᠭᠠᠷᠳᠠᠯᠭᠠ᠂ ᠬᠦᠯᠢᠶᠡᠯᠲᠡ ᠳᠥ ᠨᠡᠢᠢᠴᠡᠭᠰᠡᠨ᠂ ᠠᠷᠠᠳᠴᠢᠯᠠᠭᠰᠠᠨ᠂ ᠢᠯᠡ ᠲᠣᠳᠣ᠂ ᠲᠡᠩᠴᠡᠪᠦᠷᠢᠲᠡᠢ᠂ ᠬᠠᠷᠢᠯᠴᠠᠨ ᠬᠢᠨᠠᠯᠲᠠᠲᠠᠢ ᠰᠢᠳᠤᠷᠭᠤ ᠲᠣᠭᠲᠠᠯᠴᠠᠭᠠ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠬᠦ ᠶᠣᠰᠣᠲᠠᠢ᠃
- ᠪᠠᠢᠢᠭᠠᠯᠢ ᠢᠢᠨ ᠪᠣᠯᠤᠨ ᠨᠡᠢᠢᠭᠡᠮ ᠤᠨ ᠪᠠᠶᠠᠯᠢᠭ ᠤᠨ ᠠᠰᠢᠭᠯᠠᠯᠲᠠ᠂ ᠬᠤᠪᠢᠶᠠᠷᠢᠯᠠᠯᠲᠠ ᠢᠢ ᠢᠯᠡ ᠲᠣᠳᠣ᠂ ᠰᠢᠳᠤᠷᠭᠤ ᠪᠣᠯᠭᠠᠨ᠂ ᠪᠦᠬᠦ ᠨᠡᠢᠢᠲᠡ ᠢᠢᠨ ᠬᠢᠨᠠᠯᠲᠠ ᠳᠤ ᠤᠷᠤᠭᠤᠯᠬᠤ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠨᠢ ᠳᠠᠪᠬᠤᠷ ᠤᠶᠠᠬᠤ ᠲᠣᠭᠲᠠᠯᠴᠠᠭᠠ ᠢᠢ ᠪᠦᠷᠢᠳᠦᠭᠦᠯᠬᠦ ᠶᠣᠰᠣᠲᠠᠢ᠃
- ᠦᠨᠳᠦᠰᠦᠨ ᠦ ᠡᠷᠬᠡ ᠠᠰᠢᠭ ᠢ ᠪᠦᠬᠦᠨ ᠡᠴᠡ ᠳᠡᠭᠡᠭᠦᠷ ᠲᠠᠯᠪᠢᠵᠤ᠂ ᠦᠨᠳᠦᠰᠦᠨ ᠦ ᠠᠰᠢᠭ ᠰᠣᠨᠢᠷᠬᠠᠯ ᠳᠤ ᠬᠠᠷᠰᠢ ᠣᠯᠠᠨ ᠤᠯᠤᠰ ᠤᠨ ᠭᠡᠷᠡ᠂ ᠬᠡᠯᠡᠯᠴᠡᠭᠡᠷ ᠬᠢᠬᠦ ᠶᠠᠪᠤᠳᠠᠯ ᠢ ᠡᠭᠡᠨᠡᠭᠲᠡ ᠲᠠᠰᠤᠯᠤᠨ ᠵᠣᠭᠰᠣᠭᠠᠵᠤ᠂ ᠬᠠᠷᠢᠭᠤᠴᠠᠯᠭᠠ ᠬᠦᠯᠢᠶᠡᠯᠭᠡᠬᠦ ᠵᠢᠭᠠᠯᠲᠠ ᠨᠤᠭᠤᠳ ᠢ ᠣᠷᠣᠭᠤᠯᠵᠤ ᠥᠭ᠍ᠬᠦ ᠶᠣᠰᠣᠲᠠᠢ᠃
- ᠰᠢᠭᠦᠬᠦ᠂ ᠬᠠᠤᠯᠢ᠂ ᠬᠦᠴᠦᠨ ᠦ ᠪᠠᠢᠢᠭᠤᠯᠤᠯᠭᠠ ᠢᠢ ᠥᠭᠡᠷᠡᠴᠢᠯᠡᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ᠂ ᠡᠷᠬᠡ ᠮᠡᠳᠡᠯᠲᠡᠨ ᠳᠥ ᠪᠤᠰᠤ ᠢᠷᠭᠡᠳ ᠲᠥ ᠪᠡᠨ ᠦᠢᠯᠡᠴᠢᠯᠡᠳᠡᠭ᠂ ᠬᠠᠤᠯᠢ ᠪᠠᠨ ᠴᠢᠩᠳᠠᠯᠠᠨ ᠪᠡᠶᠡᠯᠡᠭᠦᠯᠳᠡᠭ᠂ ᠬᠠᠷᠢᠭᠤᠴᠠᠯᠭᠠ ᠨᠢ ᠲᠣᠳᠣᠷᠬᠠᠢ᠂ ᠰᠢᠭᠦᠬᠦ ᠡᠷᠬᠡ ᠮᠡᠳᠡᠯ ᠢ ᠵᠣᠬᠢᠰᠲᠠᠢ ᠪᠠᠷ ᠡᠳ᠋ᠯᠡᠳᠡᠭ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠬᠦ ᠶᠣᠰᠣᠲᠠᠢ᠃
- ᠤᠯᠤᠰ ᠲᠥᠷᠥ ᠢᠢᠨ ᠨᠠᠮ ᠤᠳ ᠤᠨ ᠲᠤᠬᠠᠢ ᠬᠠᠤᠯᠢ ᠢᠢ ᠰᠢᠨᠡᠴᠢᠯᠡᠨ ᠭᠠᠷᠭᠠᠵᠤ᠂ ᠡᠳ᠋ ᠍ ᠦᠨ ᠵᠠᠰᠠᠭ ᠨᠡᠢᠢᠭᠡᠮ ᠤᠨ ᠠᠮᠢᠳᠤᠷᠠᠯ ᠳᠠᠬᠢ ᠲᠥᠷᠥ ᠪᠠ ᠨᠠᠮ ᠤᠨ ᠣᠷᠣᠯᠴᠠᠭᠠ᠂ ᠠᠵᠢᠯ ᠤᠨ ᠵᠠᠭᠠᠭ ᠢ ᠲᠣᠳᠣᠷᠬᠠᠢ ᠪᠣᠯᠭᠠᠨ᠂ ᠤᠯᠤᠰ ᠲᠥᠷᠦᠵᠢᠯᠲᠡ᠂ ᠤᠯᠤᠰ ᠲᠥᠷᠥ ᠢᠢᠨ ᠨᠠᠮ ᠤᠨ ᠪᠣᠳᠣᠯᠭᠠ ᠠᠴᠠ ᠲᠥᠷᠥ ᠢᠢ ᠠᠩᠭᠢᠳᠠ ᠪᠠᠢᠢᠯᠭᠠᠬᠤ ᠨᠥᠬᠥᠴᠡᠯ ᠪᠦᠷᠢᠳᠦᠭᠦᠯᠬᠦ ᠶᠣᠰᠣᠲᠠᠢ᠃
- ᠮᠣᠩᠭ᠋ᠣᠯ ᠤᠨ ᠨᠡᠢᠢᠭᠡᠮ ᠤᠨ ᠵᠢᠩᠬᠢᠨᠢ ᠡᠵᠡᠳ ᠨᠢ ᠠᠷᠠᠳ ᠲᠦᠮᠡᠨ ᠪᠠᠢᠢᠵᠤ᠂ ᠡᠷᠡᠭᠦᠯ᠂ ᠠᠶᠤᠯ ᠦᠭᠡᠢ ᠠᠮᠢᠳᠤᠷᠠᠬᠤ᠂ ᠰᠤᠷᠴᠤ ᠪᠣᠯᠪᠠᠰᠤᠷᠠᠬᠤ᠂ ᠠᠵᠢᠯ ᠲᠠᠢ ᠣᠷᠣᠯᠭᠠ ᠲᠠᠢ ᠪᠠᠢᠢᠬᠤ ᠨᠥᠬᠥᠴᠡᠯ ᠢ ᠨᠢ ᠲᠥᠷᠥ ᠬᠠᠩᠭ᠋ᠠᠨ ᠪᠡᠶᠡᠯᠡᠭᠦᠯᠬᠦ ᠡᠭᠦᠷᠭᠡ ᠢᠢ ᠬᠣᠭᠣᠰᠣᠨ ᠲᠤᠩᠬᠠᠭᠯᠠᠬᠤ ᠪᠤᠰᠤ ᠪᠣᠳᠠᠲᠤ ᠪᠠᠷ ᠬᠡᠷᠡᠭᠵᠢᠭᠦᠯᠬᠦ ᠠᠷᠭᠠ ᠵᠠᠮ ᠢ ᠲᠣᠳᠣᠷᠬᠠᠢ ᠵᠢᠭᠠᠭᠰᠠᠨ᠂ ᠬᠠᠷᠢᠭᠤᠴᠠᠯᠭᠠ ᠢᠢᠨ ᠮᠧᠬᠠᠨᠢᠰᠮ ᠢ ᠲᠤᠰᠬᠠᠭᠰᠠᠨ ᠪᠠᠢᠢᠬᠤ ᠶᠣᠰᠣᠲᠠᠢ᠃
ᠠᠯᠢᠪᠠ ᠰᠢᠨᠡᠴᠢᠯᠡᠯ ᠷᠧᠹᠤᠷᠮ ᠨᠢ ᠲᠥᠷᠥ ᠵᠠᠰᠠᠭ᠂ ᠢᠷᠭᠡᠳ ᠦᠨ ᠬᠠᠷᠢᠯᠴᠠᠨ ᠣᠢᠢᠯᠠᠭᠠᠯᠴᠠᠯ ᠳᠡᠮᠵᠢᠯᠭᠡ ᠲᠡᠢ ᠪᠡᠷ ᠶᠠᠪᠤᠭᠳᠠᠪᠠᠯ ᠢᠯᠡᠭᠦᠦ ᠠᠮᠢᠳᠤ᠂ ᠢᠯᠡᠭᠦᠦ ᠪᠣᠳᠠᠲᠤ ᠱᠠᠭᠠᠷᠳᠠᠯᠭᠠ ᠳᠤ ᠨᠡᠢᠢᠴᠡᠭᠰᠡᠨ ᠪᠣᠯᠳᠠᠭ ᠠᠵᠢ᠃ ᠮᠠᠨ ᠤ ᠬᠢ ᠲᠠᠢ ᠲᠥᠰᠲᠡᠢ ᠰᠢᠰᠲ᠋ᠧᠮ ᠦᠨ ᠬᠢᠮᠤᠷᠠᠯ ᠳᠤ ᠥᠷᠲᠥᠵᠦ᠂ ᠮᠤᠬᠤᠷᠳᠠᠮᠠᠯ ᠪᠠᠢᠢᠳᠠᠯ ᠳᠤ ᠣᠷᠣᠭᠠᠳ ᠪᠠᠢᠢᠭᠰᠠᠨ ᠭᠦᠷᠵᠢ ᠤᠯᠤᠰ ᠲᠤ 2004-2012 ᠣᠨ ᠳᠤ ᠷᠧᠹᠤᠷᠮ ᠢ ᠲᠥᠷᠥ ᠵᠠᠰᠠᠭ᠂ ᠠᠷᠠᠳ ᠲᠦᠮᠡᠨ ᠨᠢ ᠣᠢᠢᠯᠠᠭᠠᠯᠴᠠᠨ ᠡᠷᠴᠢᠲᠡᠢ ᠬᠢᠭ᠍ᠰᠡᠨ ᠢᠶᠡᠷ ᠨᠡᠢᠢᠭᠡᠮ᠂ ᠡᠳ᠋ ᠍ ᠦᠨ ᠵᠠᠰᠠᠭ ᠤᠨ ᠳᠣᠷᠪᠢᠲᠠᠢ ᠥᠰᠦᠯᠲᠡᠳ ᠬᠦᠷᠴᠦ ᠴᠢᠳᠠᠭᠰᠠᠨ ᠪᠠᠢᠢᠨᠠ᠃ ᠲᠥᠷᠥ ᠢᠢᠨ ᠰᠢᠨᠡᠴᠢᠯᠡᠯ ᠶᠠᠭᠤᠨ ᠤ ᠲᠦᠷᠦᠭᠦᠨ ᠳᠥ ᠢᠷᠭᠡᠳ ᠲᠥ ᠥᠭ᠍ᠭᠦᠭᠡᠵᠢ ᠪᠡᠨ ᠥᠭᠳᠡᠭ᠃ 2003 ᠣᠨ ᠳᠤ ᠭᠦᠷᠵᠢ ᠢᠢᠨ ᠳᠣᠲᠤᠭᠠᠳᠤ ᠢᠢᠨ ᠨᠡᠢᠢᠲᠡ ᠪᠦᠲᠦᠭᠡᠭ᠍ᠳᠡᠬᠦᠨ᠍ ᠦ ᠨᠢᠭᠡ ᠬᠦᠨᠳᠦ ᠨᠣᠭᠳᠠᠬᠤ ᠬᠡᠮᠵᠢᠶᠡ 970 ᠠᠮ.ᠳ᠋ᠣᠯᠯᠠᠷ ᠪᠠᠢᠢᠭᠰᠠᠨ ᠪᠣᠯ 2012 ᠣᠨ ᠳᠤ 4130 ᠠᠮ.ᠳ᠋ᠣᠯᠯᠠᠷ ᠪᠣᠯᠵᠤ ᠳᠥᠷᠪᠡ ᠳᠠᠬᠢᠨ ᠥᠰᠴᠠᠢ᠃ ᠠᠪᠢᠯᠭᠠ ᠢᠢᠨ ᠦᠵᠡᠭᠦᠯᠦᠯᠲᠡ ᠪᠡᠷ ᠳᠡᠯᠡᠬᠡᠢ ᠢᠢᠨ ᠤᠯᠤᠰ ᠤᠳ ᠳᠣᠲᠣᠷᠠ 136 ᠳ᠋ᠤᠭᠠᠷ ᠪᠠᠢᠢᠷᠢᠨ ᠳᠤ ᠵᠢᠭ᠌ᠰᠠᠵᠤ ᠪᠠᠢᠢᠭᠰᠠᠨ ᠭᠦᠷᠵᠢ ᠤᠯᠤᠰ 2012 ᠣᠨ ᠭᠡᠬᠦ ᠳᠥ ᠵᠠᠭᠤᠨ ᠪᠠᠢᠢᠷᠢ ᠪᠠᠷ ᠤᠷᠤᠭᠰᠢᠯᠠᠵᠤ᠂ 35 ᠍ ᠳᠥ ᠣᠷᠣᠵᠤ ᠢᠷᠡᠭᠰᠡᠨ ᠪᠠᠢᠢᠨᠠ᠃ ᠪᠢᠽᠢᠨ᠋᠋ᠧᠰ ᠡᠷᠬᠢᠯᠡᠬᠦ ᠳᠥ ᠲᠠᠭᠠᠲᠠᠢ ᠨᠥᠬᠥᠴᠡᠯ ᠢᠶᠡᠷ 100 ᠍ ᠳᠥ ᠪᠢᠴᠢᠭᠳᠡᠵᠦ ᠪᠠᠢᠢᠭᠰᠠᠨ ᠴᠤ ᠷᠧᠹᠤᠷᠮ ᠤᠨ ᠳᠠᠷᠠᠭᠠ ᠡᠬᠢᠨ ᠦ 8 ᠍ ᠳᠥ ᠪᠢᠴᠢᠭᠳᠡᠬᠦ ᠬᠦᠷᠲᠡᠯᠡ ᠰᠠᠢᠢᠵᠢᠷᠠᠵᠠᠢ᠃ ᠪᠢᠽᠢᠨ᠋᠋ᠧᠰ ᠡᠷᠬᠢᠯᠡᠯᠲᠡ ᠪᠣᠯ ᠢᠷᠭᠡᠳ ᠦᠨ ᠲᠣᠭᠲᠠᠪᠤᠷᠢᠲᠠᠢ ᠠᠮᠢᠵᠢᠷᠠᠭᠠ ᠢᠢ ᠳᠡᠭᠡᠭ᠍ᠰᠢᠯᠡᠭᠦᠯᠬᠦ ᠭᠣᠣᠯ ᠦᠵᠡᠭᠦᠯᠦᠯᠲᠡ ᠶᠤᠮ᠃ ᠭᠠᠳᠠᠭᠠᠳᠤ ᠢᠢᠨ ᠵᠢᠭᠤᠯᠴᠢᠳ ᠤᠨ ᠲᠣᠭᠠ 1249 ᠬᠤᠪᠢ ᠪᠠᠷ ᠥᠰᠦᠭᠰᠡᠨ ᠪᠠᠢᠢᠭᠠ ᠨᠢ ᠮᠥᠨ ᠭᠠᠢᠢᠬᠠᠯᠲᠠᠢ ᠵᠢᠱᠢᠶᠡ᠃ ᠵᠢᠭᠤᠯᠴᠢᠨ ᠤ ᠲᠣᠭᠠ ᠨᠢ ᠲᠤᠬᠠᠢ ᠢᠢᠨ ᠤᠯᠤᠰ ᠤᠨ ᠬᠥᠭ᠍ᠵᠢᠯ᠂ ᠰᠠᠢᠢᠨ ᠵᠠᠰᠠᠭᠯᠠᠯ ᠲᠠᠢ ᠰᠢᠭᠤᠳ ᠬᠠᠮᠢᠶᠠᠷᠤᠯ ᠲᠠᠢ ᠪᠠᠢᠢᠳᠠᠭ ᠨᠢ ᠲᠣᠭᠲᠠᠭᠠᠭᠳᠠᠭᠰᠠᠨ ᠵᠦᠢᠯ ᠰᠢᠦ ᠳ᠋ᠡ᠃ ᠡᠷᠦᠰᠳᠡᠯ ᠲᠡᠢ᠂ ᠬᠥᠭ᠍ᠵᠢᠯ ᠮᠠᠭᠤ ᠲᠠᠢ ᠤᠯᠤᠰ ᠲᠤ ᠵᠣᠴᠢᠯᠠᠬᠤ ᠬᠦᠰᠡᠯ ᠲᠡᠢ ᠬᠦᠮᠦᠨ ᠦ ᠲᠣᠭᠠ ᠡᠷᠡᠰ ᠪᠠᠭᠠ ᠪᠠᠢᠢᠳᠠᠭ ᠵᠦᠢ ᠲᠣᠭᠲᠠᠯ ᠪᠤᠢ᠃ ᠭᠦᠷᠵᠢ ᠢᠢᠨ ᠷᠧᠹᠤᠷᠮ ᠤᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠨᠢ ᠬᠠᠤᠯᠢ ᠢᠢᠨ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠲᠤ ᠢᠲᠡᠭᠡᠬᠦ ᠢᠷᠭᠡᠳ ᠦᠨ ᠢᠲᠡᠭᠡᠯ 5 ᠬᠤᠪᠢ ᠬᠦᠷᠲᠡᠯᠡ ᠤᠨᠠᠵᠤ ᠪᠠᠢᠢᠭᠰᠠᠨ ᠨᠢ 70 ᠬᠤᠪᠢ ᠬᠦᠷᠴᠦ ᠡᠷᠡᠰ ᠳᠡᠭᠡᠭ᠍ᠰᠢᠯᠡᠭᠰᠡᠨ ᠪᠥᠭᠡᠳ ᠣᠳᠣ ᠡᠨᠡ ᠲᠦᠪᠰᠢᠨ ᠡᠴᠡ ᠳᠣᠭᠣᠭᠰᠢ ᠣᠷᠣᠬᠤ ᠦᠭᠡᠢ ᠪᠠᠢᠢᠭᠠ ᠨᠢ ᠵᠥᠪ ᠲᠣᠭᠲᠠᠯᠴᠠᠭᠠ ᠵᠠᠰᠠᠭᠯᠠᠯ ᠢ ᠵᠥᠪ ᠵᠠᠯᠠᠳᠠᠭ ᠢ ᠢᠯᠡᠳᠭᠡᠬᠦ ᠨᠢᠭᠡᠨ ᠦᠵᠡᠭᠦᠯᠦᠯᠲᠡ ᠪᠣᠯᠵᠠᠢ᠃
ᠪᠢ ᠤᠯᠤᠰ ᠲᠥᠷᠦᠴᠢᠳ᠂ ᠠᠷᠠᠳ ᠲᠦᠮᠡᠨ ᠳᠥ ᠪᠡᠨ ᠬᠠᠨᠳᠤᠨ ᠤᠷᠢᠶᠠᠯᠠᠵᠤ ᠪᠠᠢᠢᠨᠠ᠃ ᠤᠯᠤᠰ ᠲᠥᠷᠥ ᠢᠢᠨ ᠲᠣᠭᠲᠠᠯᠴᠠᠭᠠ ᠢᠢ ᠪᠠᠨ ᠣᠨᠣᠪᠴᠢᠲᠠᠢ᠂ ᠴᠡᠭᠴᠡᠲᠡᠢ᠂ ᠢᠯᠡ ᠲᠣᠳᠣ᠂ ᠢᠷᠭᠡᠳ ᠲᠥ ᠥᠭ᠍ᠭᠦᠭᠡᠵᠢ ᠲᠡᠢ ᠪᠣᠯᠭᠠᠨ ᠥᠭᠡᠷᠡᠴᠢᠯᠡᠬᠦ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠥᠭᠡᠳ ᠭᠠᠷᠴᠠᠭᠠ ᠦᠭᠡᠢ ᠬᠢᠭ᠍ᠳᠡᠬᠦ ᠶᠣᠰᠣᠲᠠᠢ ᠡᠨᠡ ᠦᠢᠯᠡᠰ ᠲᠥ ᠨᠢᠭᠡᠳᠬᠦ ᠢᠢ ᠪᠦᠭᠦᠳᠡ ᠡᠪᠯᠡᠯᠳᠦᠨ ᠨᠢᠭᠡᠳᠬᠦ ᠢᠢ ᠲᠠ ᠪᠦᠬᠦᠨ ᠡᠴᠡ ᠬᠦᠰᠡᠶᠡ᠃ ᠷᠧᠹᠤᠷᠮ ᠠᠴᠠ ᠬᠣᠵᠢᠬᠤ ᠲᠠᠯᠠ ᠨᠢ ᠠᠷᠠᠳ ᠲᠦᠮᠡᠨ᠂ ᠬᠣᠬᠢᠷᠠᠬᠤ ᠨᠢ ᠲᠥᠷᠥ ᠢᠢᠨ ᠡᠷᠬᠡ ᠮᠡᠳᠡᠯ ᠢ ᠠᠰᠢᠭᠯᠠᠵᠤ ᠪᠠᠶᠠᠵᠢᠭᠰᠠᠨ ᠣᠯᠢᠭᠠᠷᠬᠢ ᠴᠥᠭᠡᠩᠬᠢ ᠪᠠᠢᠢᠬᠤ ᠪᠣᠯᠤᠨᠠ᠃ ᠪᠤᠰᠤᠳ ᠤᠨ ᠬᠢᠵᠦ ᠴᠢᠳᠠᠭᠰᠠᠨ ᠢ ᠪᠢᠳᠡ ᠴᠢᠳᠠᠬᠤ ᠶᠣᠰᠣᠲᠠᠢ᠃ ᠬᠥᠭ᠍ᠵᠢᠯ ᠦᠨ ᠶᠠᠪᠤᠴᠠ ᠳᠤ ᠭᠠᠷᠴᠤ ᠪᠤᠢ ᠥᠭᠡᠷᠡᠴᠢᠯᠡᠯᠲᠡ ᠢᠢ ᠲᠤᠰᠬᠠᠵᠤ᠂ ᠰᠢᠨᠡᠴᠢᠯᠡᠯᠲᠡ ᠢᠢ ᠬᠤᠷᠳᠤᠲᠠᠢ ᠬᠢᠵᠦ ᠴᠢᠳᠠᠭᠰᠠᠨ ᠨᠡᠢᠢᠭᠡᠮ ᠦᠳ ᠯᠠ ᠬᠥᠭ᠍ᠵᠢᠯ ᠳᠡᠪᠰᠢᠯ ᠳᠥ ᠬᠦᠷᠳᠡᠭ᠃ ᠨᠡᠢᠢᠭᠡᠮ ᠤᠨ ᠰᠣᠷᠢᠯᠲᠠ᠂ ᠰᠢᠯᠭᠠᠷᠠᠯ ᠢ ᠳᠠᠪᠠᠨ ᠲᠤᠭᠤᠯᠤᠭᠰᠠᠨ ᠪᠤᠰᠤᠳ ᠠᠷᠠᠳ ᠲᠦᠮᠡᠨ ᠦ ᠵᠢᠱᠢᠶᠡᠨ ᠡᠴᠡ ᠪᠢᠳᠡ ᠪᠦᠲᠦᠭᠡᠯᠴᠢ ᠪᠡᠷ ᠰᠤᠷᠤᠯᠴᠠᠬᠤ ᠶᠣᠰᠣᠲᠠᠢ᠃
ᠡᠷᠬᠡ ᠮᠡᠳᠡᠯ ᠭᠣᠷᠢᠯᠠᠭᠰᠠᠨ᠂ ᠲᠤᠯᠭᠠ ᠲᠣᠭᠣᠷᠢᠭᠰᠠᠨ ᠬᠡᠷᠡᠭᠦᠯ ᠲᠡᠮᠡᠴᠡᠯ ᠢᠶᠡᠨ ᠣᠷᠬᠢᠵᠤ᠂ ᠲᠣᠭᠲᠠᠯᠴᠠᠭᠠᠨ ᠤ ᠷᠧᠹᠤᠷᠮ ᠢ ᠵᠣᠷᠢᠭᠲᠠᠢ ᠪᠠᠷ ᠨᠡᠩ ᠳᠠᠷᠤᠢ ᠡᠬᠢᠯᠡᠭᠦᠯᠬᠦ ᠨᠢ ᠮᠣᠩᠭ᠋ᠣᠯ ᠤᠯᠤᠰ ᠤᠨ᠂ ᠮᠣᠩᠭ᠋ᠣᠯ ᠤᠨ ᠠᠷᠠᠳ ᠲᠦᠮᠡᠨ ᠦ ᠢᠵᠠᠭᠤᠷ ᠡᠷᠬᠡ ᠠᠰᠢᠭ ᠲᠤ ᠪᠦᠷᠢᠨ ᠨᠡᠢᠢᠴᠡᠨᠡ᠃
ᠦᠨᠳᠦᠰᠦᠨ ᠦ ᠡᠪ ᠨᠢᠭᠡᠳᠦᠯ ᠢ ᠬᠠᠩᠭ᠋ᠠᠬᠤ ᠡᠭᠦᠷᠭᠡ ᠢᠢ ᠦᠨᠳᠦᠰᠦᠨ ᠬᠠᠤᠯᠢ ᠪᠠᠷ ᠬᠦᠯᠢᠶᠡᠭᠰᠡᠨ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠤ ᠬᠤᠪᠢ ᠳᠤ ᠶᠡᠷᠦᠩᠬᠡᠢᠢᠯᠡᠭᠴᠢ ᠮᠢᠨᠦ ᠪᠡᠶᠡ ᠴᠡᠭᠴᠡ ᠰᠢᠳᠤᠷᠭᠤ ᠲᠥᠷᠥ ᠪᠠᠢᠢᠭᠤᠯᠬᠤ ᠤᠯᠤᠰ ᠲᠥᠷᠥ ᠢᠢᠨ ᠷᠧᠹᠤᠷᠮ ᠢ ᠪᠦᠬᠦ ᠲᠠᠯᠠ ᠪᠠᠷ ᠳᠡᠮᠵᠢᠨ ᠠᠵᠢᠯᠯᠠᠬᠤ ᠪᠠᠨ ᠢᠯᠡᠷᠬᠡᠢᠢᠯᠡᠵᠦ ᠪᠠᠢᠢᠨᠠ᠃ ᠤᠴᠢᠷ ᠨᠢ ᠮᠣᠩᠭ᠋ᠣᠯ ᠤᠨ ᠠᠷᠠᠳ ᠲᠦᠮᠡᠨ ᠦ ᠡᠪ ᠨᠢᠭᠡᠳᠦᠯ ᠢ ᠰᠢᠳᠤᠷᠭᠤ ᠲᠥᠷᠥ᠂ ᠬᠡᠷᠡᠭᠵᠢᠳᠡᠭ ᠬᠠᠤᠯᠢ᠂ ᠠᠷᠠᠳ ᠲᠦᠮᠡᠨ ᠦ ᠡᠯᠪᠡᠭ᠌ ᠪᠠᠶᠠᠨ ᠠᠮᠢᠳᠤᠷᠠᠯ ᠯᠠ ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠᠨ ᠳᠤ ᠬᠠᠩᠭ᠋ᠠᠨ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠨᠠ᠃
ᠮᠣᠩᠭ᠋ᠣᠯᠴᠤᠳ ᠪᠢᠳᠡ ᠬᠠᠮᠲᠤ ᠳᠤ ᠪᠠᠨ ᠥᠭᠡᠷᠡᠴᠢᠯᠡᠯᠲᠡ᠂ ᠳᠡᠪᠰᠢᠯ ᠬᠢᠵᠦ ᠴᠢᠳᠠᠨᠠ᠃ ᠭᠠᠭᠴᠠ ᠬᠦ ᠡᠭᠦᠨ ᠳᠥ ᠨᠢᠭᠡᠳᠬᠦ᠂ ᠬᠠᠮᠲᠤᠷᠠᠬᠤ ᠯᠠ ᠴᠢᠬᠤᠯᠠ ᠶᠤᠮ ᠠ᠋᠃
ᠡᠷᠬᠢᠮ ᠭᠡᠰᠢᠭᠦᠳ ᠡ᠂ ᠡᠷᠡᠰ ᠰᠢᠨᠡᠴᠢᠯᠡᠯ ᠳᠥ ᠪᠡᠯᠡᠳᠬᠡᠭ᠍ᠲᠦᠨ᠃
ᠦᠨᠳᠦᠰᠦᠨ ᠬᠠᠤᠯᠢ ᠪᠠᠨ ᠠᠷᠠᠳ ᠲᠦᠮᠡᠨ ᠦ ᠬᠦᠰᠡᠯ ᠵᠣᠷᠢᠯᠭᠠ ᠳᠤ ᠨᠡᠢᠢᠴᠡᠭᠦᠯᠦᠨ ᠥᠭᠡᠷᠡᠴᠢᠯᠡᠵᠦ᠂ ᠲᠡᠳᠡᠨ ᠢᠶᠡᠷ ᠬᠡᠯᠡᠯᠴᠡᠭᠦᠯᠦᠨ ᠳᠡᠮᠵᠢᠭᠦᠯᠦᠭᠲᠦᠨ᠃ ᠡᠭᠦᠨ ᠢ ᠡᠰᠡ ᠬᠢᠪᠡᠰᠦ ᠲᠡᠦᠬᠡᠨ ᠬᠠᠷᠢᠭᠤᠴᠠᠯᠭᠠ ᠠᠴᠠ ᠵᠢᠭᠤᠲᠠᠭᠠᠭᠰᠠᠨ ᠬᠡᠷᠡᠭ ᠪᠣᠯᠤᠨᠠ᠃ ᠲᠣᠭᠲᠠᠯᠴᠠᠭᠠᠨ ᠤ ᠡᠷᠡᠰ ᠰᠢᠨᠡᠴᠢᠯᠡᠯ ᠳᠥ ᠨᠠᠮ ᠤᠨ ᠢᠶᠠᠨ ᠪᠣᠯᠤᠨ ᠪᠦᠯᠦᠭᠯᠡᠯ ᠦᠨ ᠢᠪᠴᠤᠤ ᠡᠷᠬᠡ ᠠᠰᠢᠭ ᠤᠨ ᠡᠭᠦᠳᠡᠨ ᠡᠴᠡ ᠬᠠᠨᠳᠤᠪᠠᠰᠤ ᠦᠨᠳᠦᠰᠦᠨ ᠦ ᠡᠷᠬᠡ ᠠᠰᠢᠭ ᠠᠴᠠ ᠤᠷᠪᠠᠭᠰᠠᠨ ᠲᠠᠢ ᠳᠦᠢᠴᠡᠬᠦ ᠬᠡᠮᠵᠢᠶᠡᠨ ᠦ ᠭᠡᠮᠲᠦ ᠬᠡᠷᠡᠭ᠂ ᠨᠢᠭᠦᠯ ᠪᠣᠯᠬᠤ ᠪᠣᠯᠤᠨᠠ᠃ ᠴᠠᠭ ᠦᠶᠡ ᠪᠢᠳᠡᠨ ᠳᠥ ᠡᠷᠡᠰ ᠰᠢᠨᠡᠴᠢᠯᠡᠯ ᠢ ᠪᠠᠰᠠ ᠲᠤᠯᠭᠠᠵᠤ ᠪᠠᠢᠢᠨᠠ᠃ ᠡᠭᠦᠨ ᠢ ᠠᠷᠠᠳ ᠲᠦᠮᠡᠨ ᠦ ᠡᠮᠦᠨᠡ ᠬᠦᠯᠢᠶᠡᠬᠦ ᠲᠡᠦᠬᠡᠨ ᠬᠠᠷᠢᠭᠤᠴᠠᠯᠭᠠ ᠬᠡᠮᠡᠨ ᠬᠦᠯᠢᠶᠡᠨ ᠠᠪᠤᠭᠲᠤᠨ᠃
ᠠᠩᠬᠠᠷᠤᠯ ᠲᠠᠯᠪᠢᠭᠰᠠᠨ ᠳᠤ ᠪᠠᠶᠠᠷᠯᠠᠯᠠ᠃ ᠠᠮᠵᠢᠯᠲᠠ ᠬᠦᠰᠡᠶᠡ᠃
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠣᠣᠷᠠ ᠮᠣᠩᠭ᠋ᠣᠯ ᠤᠯᠤᠰ ᠬᠥᠭ᠍ᠵᠢᠨ ᠪᠠᠳᠠᠷᠠᠬᠤ ᠪᠣᠯᠲᠤᠭᠠᠢ》 ᠭᠡᠯᠡ᠃
