ᠶᠡᠬᠡ ᠡᠵᠡᠨ ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠮᠡᠨᠳᠦᠯᠡᠭᠰᠡᠨ ᠡᠪᠦᠯ ᠦᠨ ᠲᠡᠷᠢᠭᠦᠨ ᠰᠠᠷᠠ ᠢᠢᠨ ᠰᠢᠨᠡ ᠢᠢᠨ ᠨᠢᠭᠡᠨ᠂ ᠮᠣᠩ᠋ᠭᠣᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ ᠲᠥ ᠵᠣᠷᠢᠭᠤᠯᠤᠭᠰᠠᠨ ᠤᠯᠤᠰ᠂ ᠠᠢᠢᠮᠠᠭ ᠤᠨ ᠠᠯᠳᠠᠷ᠂ ᠴᠣᠯᠠ ᠲᠠᠢ ᠥᠨᠳᠥᠷ ᠴᠢᠨᠰᠠᠭᠠ ᠲᠠᠢ ᠬᠦᠴᠦᠲᠦ 128 ᠪᠥᠬᠡ ᠢᠢᠨ ᠪᠠᠷᠢᠯᠳᠤᠭᠠᠨ 《ᠪᠤᠶᠠᠨᠲᠤ ᠬᠤᠸᠠ》 ᠰᠫᠣᠷᠲ ᠴᠣᠭᠴᠠᠯᠠᠪᠤᠷᠢ ᠳᠤ ᠡᠬᠢᠯᠡᠯᠡ᠃ ᠬᠦᠴᠦᠲᠦ ᠪᠥᠬᠡ ᠢᠢᠨ ᠪᠠᠷᠢᠯᠳᠤᠭᠠᠨ ᠢ ᠨᠡᠭᠡᠭᠡᠵᠦ᠂ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠠᠷᠠᠳ ᠲᠦᠮᠡᠨ ᠳᠦ ᠪᠡᠨ ᠬᠠᠨᠳᠤᠨ ᠦᠭᠡ ᠬᠡᠯᠡᠪᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ :
ᠮᠣᠩ᠋ᠭᠣᠯᠴᠤᠳ ᠠ᠋᠂
ᠳᠡᠯᠡᠬᠡᠢ ᠳᠠᠶᠠᠭᠠᠷ ᠲᠤ ᠲᠠᠷᠬᠠᠨ ᠰᠠᠭᠤᠷᠢᠰᠢᠭ᠌ᠰᠠᠨ ᠮᠣᠩ᠋ᠭᠣᠯ ᠲᠤᠭᠤᠷᠭᠠᠲᠠᠨ ᠨᠤᠭᠤᠳ ᠠ᠋᠂
ᠮᠣᠩ᠋ᠭᠣᠯ ᠪᠢᠳᠡᠨ ᠦ ᠪᠠᠬᠠᠷᠬᠠᠯ᠂ ᠳᠡᠭᠡᠳᠦ ᠲᠩᠷᠢ ᠡᠴᠡ ᠵᠠᠶᠠᠭᠠᠲᠤ ᠡᠵᠡᠨ ᠪᠣᠭᠳᠠ ᠴᠢᠩ᠋ᠭᠢᠰ ᠬᠠᠭᠠᠨ ᠪᠡᠷ ᠪᠢᠯᠢᠭ᠌ ᠦᠨ ᠲᠣᠭᠠᠯᠠᠯ ᠤᠨ ᠭᠤᠷᠪᠠᠳᠤᠭᠠᠷ ᠵᠢᠷᠠᠨ ᠤ ᠬᠠᠷᠠ ᠮᠣᠷᠢᠨ ᠵᠢᠯ ᠪᠤᠶᠤ 1162 ᠣᠨ ᠤ ᠡᠪᠦᠯ ᠦᠨ ᠲᠡᠷᠢᠭᠦᠨ ᠰᠠᠷᠠ ᠢᠢᠨ ᠰᠢᠨᠡ ᠢᠢᠨ ᠨᠢᠭᠡᠨ ᠦ ᠡᠳᠦᠷ ᠮᠡᠨᠳᠦᠯᠡᠭᠰᠡᠨ ᠪᠢᠯᠡ᠃ ᠶᠡᠬᠡ ᠬᠥᠮᠥᠨ ᠦ ᠮᠡᠯᠮᠡᠢ ᠭᠡᠢᠢᠭᠰᠡᠨ ᠦ 856 ᠵᠢᠯ ᠦᠨ ᠣᠢ-ᠮᠣᠩ᠋ᠭᠣᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ ᠪᠣᠯᠵᠤ ᠪᠠᠢᠢᠨᠠ᠃
ᠳᠡᠯᠡᠬᠡᠢ ᠢᠢᠨ ᠣᠯᠠᠨ ᠨᠡᠢᠢᠲᠡ ᠲᠡᠭᠦᠨ ᠢ ᠮᠢᠩ᠋ᠭᠠᠨ ᠤ ᠰᠤᠤᠲᠤ ᠬᠦᠮᠦᠨ ᠢᠶᠡᠷ ᠲᠣᠳᠣᠷᠠᠭᠤᠯᠤᠭᠰᠠᠨ ᠢ ᠪᠢᠳᠡ ᠪᠦᠭᠦᠳᠡ ᠮᠡᠳᠡᠨᠡ᠃ 2011 ᠣᠨ ᠳᠤ ᠠᠮᠧᠷᠢᠺᠠ ᠢᠢᠨ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠤᠨ ᠺᠠᠷᠠᠩ ᠤᠨ ᠬᠦᠷᠢᠶᠡᠯᠡᠩ ᠥᠪᠡᠷᠰᠡᠳ ᠦᠨ ᠰᠤᠳᠤᠯᠭᠠᠨ ᠳᠤ ᠦᠨᠳᠦᠰᠦᠯᠡᠨ ᠴᠢᠩ᠋ᠭᠢᠰ ᠬᠠᠭᠠᠨ ᠢ 《ᠲᠡᠦᠬᠡᠨ ᠳᠥ ᠲᠣᠳᠣᠷᠠᠭᠰᠠᠨ ᠤᠳᠤᠷᠢᠳᠤᠭᠴᠢ》 ᠬᠡᠮᠡᠨ ᠵᠠᠷᠯᠠᠵᠤ ᠪᠠᠢᠢᠭᠰᠠᠨ ᠪᠢᠯᠡ᠃ ᠮᠣᠩ᠋ᠭᠣᠯ ᠳᠤ ᠲᠡᠳᠦᠢ ᠦᠭᠡᠢ ᠳᠡᠯᠡᠬᠡᠢ ᠳᠠᠬᠢᠨᠠ ᠨᠠᠢᠢᠮᠠᠨ ᠵᠠᠭᠤᠨ ᠤ ᠲᠤᠷᠰᠢᠳᠠ ᠨᠡᠷᠡ ᠠᠯᠳᠠᠷ ᠨᠢ ᠳᠠᠭᠤᠷᠢᠰᠤᠭᠰᠠᠨ ᠠᠤᠭᠠ ᠤᠳᠤᠷᠢᠳᠤᠭᠴᠢ ᠡᠵᠡᠨ ᠪᠣᠭᠳᠠ ᠴᠢᠩ᠋ᠭᠢᠰ ᠬᠠᠭᠠᠨ ᠠᠴᠠ ᠮᠢᠨᠢ ᠥᠭᠡᠷᠡ ᠪᠤᠢ ᠪᠢᠯᠡ ᠥᠥ᠃ ᠪᠣᠭᠳᠠ ᠡᠵᠡᠨ ᠪᠣᠯᠪᠠᠰᠤ ᠤᠳᠤᠷᠢᠳᠤᠭᠴᠢ ᠬᠦᠮᠦᠨ ᠶᠠᠮᠠᠷ ᠪᠠᠢᠢᠬᠤ ᠶᠣᠰᠣᠲᠠᠢ ᠢᠢ ᠪᠡᠶᠡ ᠪᠡᠷ ᠦᠯᠢᠭᠡᠷᠯᠡᠭᠰᠡᠨ᠂ ᠲᠥᠷᠥ ᠢᠢ ᠤᠳᠤᠷᠢᠳᠬᠤᠢ ᠢᠢᠨ ᠵᠢᠱᠢᠭ ᠳᠠᠭᠤᠷᠢᠶᠠᠯ ᠪᠣᠯᠤᠭᠰᠠᠨ ᠰᠣᠳᠣ ᠮᠠᠩᠯᠠᠢᠢᠯᠠᠭᠴᠢ ᠪᠠᠢᠢᠭᠰᠠᠨ ᠤᠴᠢᠷ ᠠᠴᠠ ᠦᠶᠡ ᠢᠢᠨ ᠦᠶᠡ ᠳᠥ ᠳᠤᠷᠠᠰᠤᠭᠳᠠᠬᠤ ᠶᠡᠬᠡ ᠠᠯᠳᠠᠷ ᠤᠨ ᠦᠷᠡ ᠢᠢ ᠲᠠᠷᠢᠵᠠᠢ᠃
ᠲᠡᠦᠬᠡᠴᠢᠳ ᠪᠣᠯᠤᠨ ᠰᠤᠳᠤᠯᠤᠭᠠᠴᠢᠳ ᠤᠨ ᠲᠣᠳᠣᠷᠬᠠᠢᠢᠯᠠᠭᠰᠠᠨ ᠢ ᠲᠣᠭᠠᠴᠢᠨ ᠳᠤᠷᠠᠳᠬᠤ ᠳᠤ᠄
ᠫᠯᠠᠨᠣ ᠺᠠᠷᠫᠢᠨᠢ᠄ 《ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠳᠠᠢᠢᠨ ᠳᠠᠵᠢᠨ᠂ ᠬᠡᠷᠡᠭᠦᠯ ᠲᠡᠮᠡᠴᠡᠯ… ᠨᠠᠮᠵᠢᠨ᠂ ᠳᠡᠭᠡᠷᠡᠮ ᠲᠣᠨᠣᠭᠤᠯ᠂ ᠬᠤᠯᠠᠭᠠᠢ ᠦᠯᠡᠮᠵᠢ ᠬᠡᠮᠵᠢᠶᠡ ᠪᠡᠷ ᠪᠠᠭᠠᠰᠤᠭᠰᠠᠨ᠃ ᠲᠡᠢᠢᠮᠦ ᠤᠴᠢᠷ ᠠᠴᠠ ᠮᠣᠩ᠋ᠭᠣᠯᠴᠤᠳ ᠡᠳ᠋ ᠪᠠᠶᠠᠯᠢᠭ ᠢᠶᠠᠨ ᠬᠠᠳᠠᠭᠠᠯᠠᠳᠠᠭ ᠭᠡᠷ᠂ ᠲᠡᠷᠭᠡ ᠪᠡᠨ ᠲᠦᠭᠵᠢᠳᠡᠭ ᠴᠤ ᠦᠭᠡᠢ᠂ ᠴᠣᠣᠵᠢᠯᠠᠳᠠᠭ ᠴᠤ ᠦᠭᠡᠢ》 ᠪᠣᠯᠵᠠᠢ ᠭᠡᠵᠡᠢ᠃
ᠵᠦᠵᠵᠠᠨᠢ ᠬᠡᠯᠡᠬᠦ ᠳᠥ ᠪᠡᠨ᠄ 《ᠭᠠᠵᠠᠷ ᠬᠡᠪᠲᠡᠵᠦ ᠪᠠᠢᠢᠭᠠ ᠲᠠᠰᠢᠭᠤᠷ ᠢ ᠴᠤ ᠡᠵᠡᠨ ᠡᠴᠡ ᠨᠢ ᠥᠭᠡᠷᠡ ᠬᠡᠨ ᠴᠤ ᠠᠪᠴᠤ ᠵᠢᠷᠦᠬᠡᠯᠡᠳᠡᠭ ᠦᠭᠡᠢ ᠪᠣᠯᠤᠭᠰᠠᠨ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠣᠯ ᠵᠥᠸᠡᠢᠢᠨᠢ ᠬᠡᠯᠡᠬᠦ ᠳᠥ ᠪᠡᠨ᠄ 《ᠴᠢᠩ᠋ᠭᠢᠰ ᠬᠠᠭᠠᠨ ᠵᠠᠪᠬᠠᠢᠢᠷᠠᠯ᠂ ᠬᠤᠯᠠᠭᠠᠢ ᠵᠡᠷᠭᠡ ᠰᠢᠪᠰᠢᠭᠲᠦ ᠵᠠᠩᠰᠢᠯ ᠢ ᠮᠣᠩ᠋ᠭᠣᠯᠴᠤᠳ ᠤᠨ ᠳᠤᠮᠳᠠ ᠤᠰᠠᠳᠬᠠᠭᠰᠠᠨ》 ᠭᠡᠵᠦ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠪᠤᠢ᠃
ᠭᠧᠷᠮᠠᠨ ᠤ ᠰᠤᠳᠤᠯᠤᠭᠠᠴᠢ ᠫ ∙ ᠷᠠᠴᠨ᠋ᠧᠸᠰᠺᠢᠢ᠄ 《ᠴᠢᠩ᠋ᠭᠢᠰ ᠬᠠᠭᠠᠨ ᠪᠡᠶᠡ ᠬᠦᠮᠦᠨ ᠦ ᠪᠡᠨ ᠬᠤᠪᠢ ᠳᠤ ᠬᠦᠴᠦ ᠴᠢᠳᠠᠯ᠂ ᠵᠣᠷᠢᠭ ᠡᠷᠡᠮᠡᠯᠵᠡᠯ ᠢ ᠴᠢᠩᠳᠠ ᠰᠠᠬᠢᠯᠭᠠ ᠲᠠᠢ ᠨᠢᠭᠡᠳᠬᠡᠨ ᠪᠢᠯᠢᠭ᠌ ᠤᠬᠠᠭᠠᠨ ᠳᠤ ᠪᠠᠨ ᠵᠠᠬᠢᠷᠤᠭᠤᠯᠤᠭᠰᠠᠨ ᠨᠢᠭᠡᠨ ᠪᠠᠢᠢᠭᠰᠠᠨ᠃ ᠬᠤᠪᠢ ᠢᠢᠨ ᠠᠮᠢᠳᠤᠷᠠᠯ ᠳᠤ ᠪᠠᠨ ᠲᠡᠷᠡ ᠵᠢᠷᠦᠬᠡᠨ ᠦ ᠠᠨᠳᠠ᠂ ᠬᠠᠯᠠᠮᠵᠢᠲᠤ ᠡᠴᠢᠭᠡ ᠪᠠᠢᠢᠵᠤ᠂ ᠮᠠᠰᠢᠳᠠ ᠡᠩ ᠦᠨ᠂ ᠶᠣᠰᠣ ᠰᠤᠷᠲᠠᠬᠤᠨ ᠢ ᠳᠡᠭᠡᠳᠦᠯᠡᠳᠡᠭ ᠬᠦᠮᠦᠨ ᠪᠠᠢᠢᠭᠰᠠᠨ ᠪᠣᠯ ᠲᠥᠷᠥ ᠢᠢ ᠤᠳᠤᠷᠢᠳᠬᠤ ᠳᠤ ᠪᠠᠨ ᠴᠢᠩᠳᠠ ᠬᠠᠲᠠᠭᠤ ᠰᠠᠬᠢᠯᠭᠠ ᠪᠠᠲᠤ ᠢᠢ ᠮᠥᠷᠳᠡᠬᠦ᠂ ᠬᠠᠤᠯᠢ ᠰᠠᠬᠢᠬᠤ ᠢᠢ ᠱᠠᠭᠠᠷᠳᠠᠳᠠᠭ ᠴᠡᠭᠴᠡ ᠤᠳᠤᠷᠢᠳᠤᠭᠴᠢ ᠪᠠᠢᠢᠯᠠ》 ᠬᠡᠮᠡᠨ ᠲᠣᠳᠣᠷᠬᠠᠢᠢᠯᠠᠭᠰᠠᠨ᠃ ᠴᠢᠩ᠋ᠭᠢᠰ ᠬᠠᠭᠠᠨ ᠤᠯᠤᠰ ᠢ ᠠᠷᠠᠳ ᠲᠦᠮᠡᠨ ᠦ ᠪᠢᠯᠢᠭ᠌ ᠰᠤᠷᠭᠠᠯ ᠪᠣᠯᠤᠨ ᠬᠠᠤᠯᠢ ᠪᠠᠷ ᠯᠠ ᠤᠳᠤᠷᠢᠳᠬᠤ ᠶᠣᠰᠣᠲᠠᠢ ᠢᠢ ᠰᠠᠨᠠᠭᠤᠯᠤᠨ ᠵᠠᠬᠢᠳᠠᠭ ᠪᠠᠢᠢᠯᠠ᠃
ᠹᠷᠠᠨ᠋ᠼ ᠢᠢᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠠᠰᠠᠨ ᠵᠠᠺ ᠱᠢᠷᠠᠺ᠄ 《ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠦᠯᠡᠳᠡᠭᠡᠭ᠍ᠰᠡᠨ ᠨᠡᠩ ᠴᠢᠬᠤᠯᠠ ᠥᠪ ᠪᠣᠯ ᠮᠣᠩ᠋ᠭᠣᠯ ᠤᠨ ᠡᠩᠬᠡ ᠠᠮᠤᠭᠤᠯᠠᠩ-pax mongolica ᠶᠤᠮ᠃ ᠡᠨᠡ ᠡᠩᠬᠡ ᠠᠮᠤᠭᠤᠯᠠᠩ ᠦᠶᠡ ᠨᠢ ᠧᠦ᠋ᠷᠣᠫᠠ ᠠᠽᠢᠶᠠ ᠢᠢ ᠬᠣᠯᠪᠣᠭᠰᠠᠨ ᠬᠠᠷᠢᠯᠴᠠᠭᠠ ᠢᠢ ᠣᠯᠠᠨ ᠵᠠᠭᠤᠨ ᠤ ᠲᠤᠷᠰᠢᠳᠠ ᠬᠥᠭ᠍ᠵᠢᠨ ᠴᠡᠴᠡᠭᠯᠡᠬᠦ ᠪᠣᠯᠤᠮᠵᠢ ᠢᠢ ᠣᠯᠭᠤᠭᠰᠠᠨ ᠭᠣᠣᠯ ᠬᠦᠴᠦᠨ ᠵᠦᠢᠯ ᠪᠣᠯᠬᠤ ᠢᠢ ᠲᠡᠦᠬᠡᠴᠢᠳ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠳᠡᠭ》 ᠬᠡᠮᠡᠨ ᠲᠣᠳᠣ ᠪᠠᠷ ᠦᠨᠡᠯᠡᠵᠡᠢ᠃
ᠪᠢ ᠡᠨᠳᠡ ᠵᠣᠷᠢᠭᠤᠳᠠ ᠭᠠᠳᠠᠭᠠᠳᠤ ᠢᠢᠨ ᠲᠡᠦᠬᠡᠴᠢᠳ᠂ ᠰᠤᠳᠤᠯᠤᠭᠠᠴᠢᠳ ᠤᠨ ᠦᠭᠡ ᠢᠢ ᠳᠠᠩᠨᠠᠨ ᠡᠰᠢᠯᠡᠵᠦ ᠪᠠᠢᠢᠭᠠ ᠨᠢ ᠬᠥᠨᠳᠡᠯᠡᠩ ᠦᠨ ᠳ᠋ᠦᠩᠨᠡᠯᠲᠡ᠂ ᠲᠣᠳᠣᠷᠬᠠᠢᠢᠯᠠᠯᠲᠠ ᠪᠣᠳᠠᠲᠠᠢ᠂ ᠡᠷᠡᠭᠦᠯ ᠪᠠᠢᠢᠳᠠᠭ ᠢ ᠪᠠᠷᠢᠮᠲᠠᠯᠠᠨ ᠰᠠᠨᠠᠭᠤᠯᠤᠭᠰᠠᠨ ᠬᠡᠷᠡᠭ ᠶᠤᠮ᠃
ᠶᠡᠬᠡ ᠬᠠᠭᠠᠨ ᠤ ᠪᠠᠨ ᠮᠡᠨᠳᠦᠯᠡᠭᠰᠡᠨ ᠡᠳᠦᠷ ᠢ ᠲᠡᠮᠳᠡᠭᠯᠡᠬᠦ ᠳᠥ ᠪᠡᠨ ᠪᠢᠳᠡ ᠲᠡᠭᠦᠨ ᠦ ᠪᠠᠷᠢᠮᠲᠠᠯᠠᠵᠤ ᠠᠰᠠᠨ ᠵᠠᠷᠴᠢᠮ᠂ ᠰᠤᠷᠭᠠᠯ ᠢ ᠡᠷᠭᠢᠨ ᠰᠠᠨᠠᠵᠤ ᠠᠵᠢᠯ ᠠᠮᠢᠳᠤᠷᠠᠯ ᠳᠤ ᠪᠠᠨ ᠮᠥᠷᠳᠡᠯᠭᠡ ᠪᠣᠯᠭᠠᠬᠤ ᠶᠣᠰᠣᠲᠠᠢ ᠢᠢ ᠡᠷᠭᠢᠴᠡᠭᠦᠯᠬᠦ ᠤᠴᠢᠷᠲᠠᠢ᠃ ᠴᠢᠩ᠋ᠭᠢᠰ ᠬᠠᠭᠠᠨ ᠣᠯᠠᠨ ᠤ ᠢᠲᠡᠭᠡᠯ ᠢ ᠠᠯᠠᠳᠠᠬᠤ ᠢᠢ ᠬᠠᠮᠤᠭ ᠤᠨ ᠲᠣᠮᠣ ᠨᠢᠭᠦᠯ ᠬᠡᠮᠡᠨ ᠦᠵᠡᠳᠡᠭ ᠪᠠᠢᠢᠭᠰᠠᠨ ᠪᠥᠭᠡᠳ ᠢᠲᠡᠭᠡᠯ ᠡᠪᠳᠡᠭᠴᠢ ᠢᠢ ᠲᠥᠷᠥ ᠳᠥ ᠲᠡᠷᠰᠯᠡᠭᠴᠢ ᠬᠡᠮᠡᠨ ᠬᠠᠲᠠᠭᠤ ᠪᠠᠷ ᠴᠡᠭᠡᠷᠯᠡᠭᠦᠯᠳᠡᠭ ᠪᠠᠢᠢᠵᠠᠢ᠃ ᠶᠡᠬᠡ ᠬᠠᠭᠠᠨ ᠤ ᠰᠤᠷᠭᠠᠯ ᠳᠤ 《ᠥᠴᠥᠭᠡᠳᠦᠷ ᠶᠡᠬᠡ ᠰᠠᠭᠤᠷᠢᠨ ᠳᠤ ᠰᠠᠭᠤᠮᠠᠭᠴᠠ᠂ ᠥᠨᠥᠳᠥᠷ ᠤᠯᠤᠰ ᠤᠨ ᠬᠡᠷᠡᠭ ᠢ ᠣᠷᠬᠢᠵᠤ ᠪᠡᠶᠡ ᠢᠢᠨ ᠵᠢᠷᠭᠠᠯ ᠢ ᠡᠷᠢᠪᠡᠰᠦ ᠡᠨᠡ ᠦᠶᠡ ᠳᠡᠭᠡᠨ ᠪᠣᠯ ᠲᠥᠷᠥ ᠢᠢᠨ ᠶᠣᠰᠣᠨ ᠳᠤ ᠬᠠᠷᠰᠢ᠂ ᠡᠴᠦᠰ ᠬᠣᠢᠢᠲᠤ ᠳᠤ ᠪᠠᠨ ᠪᠣᠯ ᠦᠷᠡ ᠠᠴᠢ᠂ ᠵᠠᠯᠭᠠᠮᠵᠢᠯᠠᠭᠴᠢ ᠨᠠᠷ ᠲᠤ ᠮᠠᠭᠤ ᠰᠤᠷᠲᠠᠯ ᠢ ᠦᠯᠡᠳᠡᠭᠡᠬᠦ ᠭᠡᠮ ᠲᠡᠢ》 ᠬᠡᠮᠡᠭᠰᠡᠨ ᠢ ᠥᠨᠥ ᠢᠢᠨ ᠪᠢᠳᠡ ᠦᠷᠭᠦᠯᠵᠢ ᠰᠠᠨᠠᠵᠤ ᠶᠠᠪᠤᠬᠤ ᠤᠴᠢᠷᠲᠠᠢ᠃
ᠥᠨᠥᠳᠥᠷ ᠬᠠᠤᠯᠢ ᠲᠣᠭᠲᠠᠭᠠᠬᠤ ᠳᠡᠭᠡᠳᠦ ᠪᠠᠢᠢᠭᠤᠯᠤᠯᠭᠠ ᠳᠤ ᠬᠦᠷᠲᠡᠯᠡ ᠰᠣᠩ᠋ᠭᠣᠭᠴᠢᠳ ᠤᠨ ᠢᠲᠡᠭᠡᠯ ᠢ ᠡᠪᠳᠡᠵᠦ᠂ ᠥᠪᠡᠷᠰᠡᠳ ᠲᠥ ᠪᠡᠨ ᠢᠯᠡᠳᠲᠡ ᠳᠠᠪᠠᠭᠤ ᠪᠠᠢᠢᠳᠠᠯ ᠣᠯᠭᠤᠨ ᠢᠷᠭᠡᠳ ᠦᠨ ᠪᠣᠯᠤᠮᠵᠢ ᠢᠢ ᠬᠤᠯᠠᠭᠠᠢᠢᠯᠠᠬᠤ ᠨᠢᠭᠦᠯ ᠬᠠᠪᠲᠠᠭᠠᠢᠢᠷᠠᠵᠤ ᠪᠠᠢᠢᠨᠠ᠃ ᠡᠨᠡ ᠪᠣᠯ ᠵᠢᠭᠰᠢᠬᠦ ᠶᠣᠰᠣᠲᠠᠢ᠂ ᠬᠠᠲᠠᠭᠤ ᠴᠡᠭᠡᠷᠯᠡᠯ ᠨᠣᠭᠳᠠᠭᠤᠯᠬᠤ ᠶᠣᠰᠣᠲᠠᠢ ᠭᠡᠮᠲᠦ ᠦᠢᠯᠡᠳᠦᠯ᠂ ᠭᠠᠵᠢᠭᠤᠳᠠᠯ ᠮᠥᠨ᠃
ᠬᠠᠤᠯᠢ ᠲᠣᠭᠲᠠᠭᠠᠬᠤ ᠲᠥᠷᠥ ᠢᠢᠨ ᠳᠡᠭᠡᠳᠦ ᠪᠠᠢᠢᠭᠤᠯᠤᠯᠭᠠ ᠠᠴᠠ ᠪᠠᠨ ᠳᠣᠭᠣᠭᠰᠢ ᠲᠥᠷᠥ ᠢᠢᠨ ᠪᠤᠰᠤ ᠪᠠᠢᠢᠭᠤᠯᠤᠯᠭᠠ ᠬᠦᠷᠲᠡᠯᠡ ᠬᠠᠤᠯᠢ ᠢᠢ ᠦᠯᠦ ᠲᠣᠭᠣᠮᠰᠠᠷᠯᠠᠬᠤ᠂ ᠬᠥᠰᠡᠷᠳᠡᠭᠦᠯᠬᠦ ᠶᠠᠪᠤᠳᠠᠯ ᠬᠠᠪᠲᠠᠭᠠᠢᠢᠷᠠᠵᠤ ᠪᠠᠢᠢᠭᠠ ᠨᠢ ᠲᠡᠪᠴᠢᠵᠦ᠂ ᠬᠦᠯᠢᠴᠡᠵᠦ ᠪᠣᠯᠣᠰᠢ ᠦᠭᠡᠢ ᠬᠣᠣᠷᠲᠤ ᠦᠵᠡᠭᠳᠡᠯ ᠶᠤᠮ᠃ ᠨᠢᠭᠡᠨ ᠵᠢᠱᠢᠶᠡ ᠳᠤᠷᠠᠳᠬᠤ ᠳᠤ ᠲᠠ ᠪᠢᠳᠡ ᠥᠨᠥᠳᠥᠷ ᠣᠯᠠᠨ ᠤ ᠬᠠᠨᠳᠢᠪ᠂ ᠲᠥᠷᠥ ᠢᠢᠨ ᠬᠥᠷᠥᠩ᠋ᠭᠡ ᠪᠡᠷ ᠪᠦᠲᠦᠭᠰᠡᠨ ᠪᠥᠬᠡ ᠢᠢᠨ ᠥᠷᠭᠦᠭᠡᠨ ᠳᠥ ᠪᠡᠨ ᠦᠨᠳᠦᠰᠦᠨ ᠦ ᠪᠥᠬᠡ ᠪᠡᠨ ᠪᠠᠷᠢᠯᠳᠤᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠳᠥ ᠬᠦᠷᠦᠭᠡᠳ ᠪᠤᠢ᠃ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠪᠥᠬᠡ ᠢᠢᠨ ᠥᠷᠭᠦᠭᠡᠨ ᠦ ᠪᠠᠷᠢᠯᠭᠠ ᠢᠢᠨ ᠰᠠᠩᠬᠦᠵᠢᠯᠲᠡ ᠳᠥ ᠱᠠᠭᠠᠷᠳᠠᠭᠳᠠᠵᠤ ᠠᠰᠠᠨ 1.1 ᠲᠡᠷᠪᠤᠮ ᠲᠥᠭᠥᠷᠢᠭ᠌ ᠦᠨ 800 ᠰᠠᠶᠠ ᠲᠥᠭᠥᠷᠢᠭ ᠢ ᠨᠢ ᠤᠯᠤᠰ ᠤᠨ ᠲᠥᠰᠥᠪ ᠡᠴᠡ ᠭᠠᠷᠭᠠᠵᠤ᠂ ᠲᠥᠷᠥ ᠢᠢᠨ ᠥᠮᠴᠢᠲᠤ ᠺᠣᠮᠫᠠᠨᠢ ᠨᠤᠭᠤᠳ 142 ᠰᠠᠶᠠ ᠲᠥᠭᠥᠷᠢᠭ᠌ ᠬᠠᠨᠳᠢᠪᠯᠠᠵᠠᠢ᠃ ᠦᠯᠡᠳᠡᠭᠰᠡᠨ ᠨᠢ ᠢᠷᠭᠡᠳ᠂ ᠪᠥᠬᠡ ᠰᠣᠨᠢᠷᠬᠠᠭᠴᠢᠳ ᠤᠨ ᠬᠠᠨᠳᠢᠪ ᠢᠶᠠᠷ ᠰᠠᠩᠬᠦᠵᠢᠭᠳᠡᠭᠰᠡᠨ ᠵᠢᠩᠬᠢᠨᠢ ᠤᠳᠬᠠ ᠪᠠᠷ ᠢᠶᠠᠨ ᠣᠯᠠᠨ ᠨᠡᠢᠢᠲᠡ ᠢᠢᠨ ᠬᠥᠷᠥᠩ᠋ᠭᠡ ᠣᠷᠣᠭᠤᠯᠤᠯᠲᠠ ᠲᠠᠢ ᠪᠠᠢᠢᠭᠤᠯᠤᠮᠵᠢ ᠶᠤᠮ᠃ ᠭᠡᠲᠡᠯᠡ ᠬᠠᠷᠠᠮᠰᠠᠯᠲᠠᠢ ᠨᠢ ᠴᠥᠭᠡᠨ ᠬᠡᠳᠦᠨ ᠬᠦᠮᠦᠨ ᠬᠤᠪᠢ ᠢᠢᠨ ᠥᠮᠴᠢ ᠮᠡᠲᠦ ᠡᠵᠡᠮᠰᠢᠵᠦ᠂ ᠠᠰᠢᠭᠯᠠᠵᠤ᠂ ᠳᠤᠷᠠ ᠪᠠᠷ ᠠᠪᠤᠷᠢᠯᠠᠵᠤ ᠢᠷᠡᠭᠰᠡᠨ ᠪᠥᠭᠡᠳ ᠣᠳᠣ ᠪᠥᠬᠡᠴᠦᠳ᠂ ᠪᠥᠬᠡ ᠰᠣᠨᠢᠷᠬᠠᠭᠴᠢᠳ ᠢ ᠲᠠᠯᠠᠴᠠᠭᠤᠯᠤᠨ ᠬᠤᠪᠢᠶᠠᠵᠤ᠂ ᠦᠢᠯᠡ ᠠᠵᠢᠯᠯᠠᠭᠠ ᠢᠢ ᠨᠢ ᠭᠠᠴᠠᠭᠠᠭᠰᠠᠨ ᠪᠠᠢᠢᠨᠠ᠃
ᠡᠨᠡ ᠦᠯᠦ ᠪᠦᠲᠦᠬᠦ ᠶᠠᠪᠤᠳᠠᠯ ᠤᠨ ᠤᠭ ᠲᠤ ᠥᠨᠥᠬᠢ ᠯᠠ ᠬᠠᠤᠯᠢ ᠢᠢᠨ ᠵᠠᠰᠠᠭᠯᠠᠯ ᠢ ᠦᠯᠦ ᠲᠣᠭᠣᠮᠰᠠᠷᠯᠠᠳᠠᠭ᠂ ᠬᠡᠰᠡᠭ ᠪᠦᠯᠦᠭ ᠬᠦᠮᠦᠨ ᠦ ᠢᠪᠴᠤᠤ ᠡᠷᠬᠡ ᠠᠰᠢᠭ ᠲᠤ ᠬᠥᠲᠦᠯᠦᠭᠳᠡᠳᠡᠭ ᠭᠠᠵᠢᠭᠤᠳᠠᠯ᠂ ᠵᠠᠪᠬᠠᠷᠠᠯ ᠪᠠᠢᠢᠭᠠ᠃ ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠵᠠᠷᠴᠢᠮ᠂ ᠲᠡᠭᠦᠨ ᠦ ᠦᠵᠡᠯ ᠰᠠᠨᠠᠭᠠᠨ ᠤ ᠡᠭᠦᠳᠡᠨ ᠡᠴᠡ ᠪᠣᠯ ᠡᠨᠡ ᠨᠢ ᠬᠠᠤᠯᠢ ᠢᠢᠨ ᠬᠠᠲᠠᠭᠤ ᠴᠡᠭᠡᠷᠯᠡᠯ ᠬᠦᠷᠲᠡᠬᠦ ᠶᠣᠰᠣᠲᠠᠢ ᠭᠡᠮᠲᠦ ᠦᠢᠯᠡᠳᠦᠯ ᠮᠥᠨ ᠡᠴᠡ ᠮᠥᠨ ᠪᠢᠯᠡ᠃ ᠤᠯᠤᠰ ᠲᠥᠷᠥ ᠢᠢᠨ ᠲᠣᠭᠲᠠᠯᠴᠠᠭᠠᠨ ᠤ ᠢᠯᠵᠠᠷᠠᠯ᠂ ᠭᠠᠵᠢᠭᠤᠳᠠᠯ ᠨᠢ ᠨᠡᠢᠢᠭᠡᠮ ᠳᠥ ᠡᠨᠡ ᠮᠡᠲᠦ ᠤᠷᠬᠠᠭ ᠤᠷᠰᠢᠭ ᠢ ᠲᠠᠷᠢᠭᠰᠠᠭᠠᠷ ᠪᠠᠢᠢᠨᠠ᠃ ᠨᠡᠩ ᠳᠠᠷᠤᠢ ᠡᠷᠡᠰ ᠰᠢᠨᠡᠴᠢᠯᠡᠯ ᠬᠢᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠣᠯᠤᠭᠠᠳ ᠪᠠᠢᠢᠭᠠ ᠢᠢ ᠣᠯᠠᠨ ᠨᠡᠢᠢᠲᠡ ᠴᠤ ᠮᠡᠳᠡᠷᠡᠵᠦ᠂ ᠮᠥᠨ ᠪᠢᠳᠡᠨ ᠡᠴᠡ ᠱᠠᠭᠠᠷᠳᠠᠵᠤ ᠪᠠᠢᠢᠨᠠ᠃
ᠡᠵᠡᠨ ᠪᠣᠭᠳᠠ ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠪᠠᠨ ᠮᠡᠨᠳᠦᠯᠡᠭᠰᠡᠨ ᠡᠳᠦᠷ ᠢᠶᠡᠷ ᠲᠡᠭᠦᠨ ᠦ ᠲᠥᠷᠥ ᠢᠢᠨ ᠲᠤᠬᠠᠢ᠂ ᠰᠢᠳᠤᠷᠭᠤ ᠵᠠᠰᠠᠭᠯᠠᠯ ᠤᠨ ᠲᠤᠬᠠᠢ ᠰᠤᠷᠭᠠᠯ᠂ ᠵᠠᠷᠴᠢᠮ ᠪᠠᠷᠢᠮᠲᠠᠯᠠᠯ ᠢ ᠨᠡᠬᠡᠨ ᠰᠠᠨᠠᠵᠤ ᠴᠡᠭᠴᠡ ᠰᠢᠳᠤᠷᠭᠤ ᠲᠥᠷᠥ ᠢᠢ ᠣᠯᠠᠨ ᠠᠷᠠᠳ ᠤᠨ ᠢᠶᠠᠨ ᠰᠡᠳᠬᠢᠯ ᠣᠶᠤᠨ ᠤ ᠲᠤᠰᠠᠯᠠᠯᠴᠠᠭᠠ ᠲᠠᠢ ᠪᠠᠷ ᠤᠷᠠᠯᠠᠨ ᠪᠣᠰᠬᠠᠬᠤ ᠲᠠᠯᠠ ᠪᠠᠷ ᠨᠤᠬᠤᠴᠠᠲᠠᠢ ᠪᠣᠳᠣᠬᠤ ᠴᠠᠭ ᠪᠣᠯᠤᠭᠰᠠᠨ ᠢ ᠳᠠᠪᠲᠠᠨ ᠰᠠᠨᠠᠭᠤᠯᠤᠮᠠᠷ ᠪᠠᠢᠢᠨᠠ᠃
ᠠᠯᠳᠠᠠ ᠪᠡᠶᠡ ᠮᠢᠨᠢ ᠠᠯᠵᠢᠶᠠᠪᠠᠰᠤ ᠠᠯᠵᠢᠶᠠᠲᠤᠭᠠᠢ
ᠠᠬᠤ ᠲᠥᠷᠥ ᠮᠢᠨᠢ ᠪᠤᠤ ᠠᠯᠳᠠᠷᠠᠲᠤᠭᠠᠢ
ᠪᠦᠲᠦᠨ ᠪᠡᠶᠡ ᠮᠢᠨᠢ ᠵᠣᠪᠠᠪᠠᠰᠤ ᠵᠣᠪᠠᠲᠤᠭᠠᠢ
ᠪᠦᠷᠢᠨ ᠤᠯᠤᠰ ᠮᠢᠨᠢ ᠪᠤᠤ ᠰᠠᠨᠳᠤᠷᠲᠤᠭᠠᠢ
ᠬᠡᠮᠡᠨ ᠶᠡᠬᠡ ᠬᠠᠭᠠᠨ ᠠᠢᠢᠯᠠᠳᠬᠤ ᠳᠤ ᠪᠠᠨ ᠲᠥᠷᠥ᠂ ᠤᠯᠤᠰ ᠬᠡᠮᠡᠬᠦᠢ ᠳᠣᠣᠷᠠ ᠣᠯᠠᠨ ᠨᠡᠢᠢᠲᠡ ᠢᠢᠨ ᠡᠷᠬᠡ ᠠᠰᠢᠭ᠂ ᠦᠨᠳᠦᠰᠦᠨ ᠦ ᠬᠥᠭ᠍ᠵᠢᠯ ᠳᠡᠪᠰᠢᠯ ᠢ ᠬᠡᠯᠡᠵᠦ ᠪᠠᠢᠢᠭᠰᠠᠨ ᠨᠢ ᠯᠠᠪᠲᠠᠢ᠃ ᠥᠨᠥᠳᠥᠷ ᠢᠲᠡᠭᠡᠯ ᠬᠦᠯᠢᠶᠡᠨ ᠲᠥᠷᠥ ᠲᠦᠰᠢᠵᠦ ᠪᠠᠢᠢᠭᠠ ᠬᠦᠮᠦᠰ᠂ ᠢᠲᠡᠭᠡᠯ ᠢᠶᠡᠨ ᠥᠭᠴᠦ ᠰᠣᠩ᠋ᠭᠣᠭᠰᠠᠨ ᠢᠷᠭᠡᠳ ᠪᠥᠭᠥᠳᠡᠭᠡᠷ ᠡᠵᠡᠨ ᠪᠣᠭᠳᠠ ᠢᠢᠨ ᠪᠢᠯᠢᠭ᠌ ᠰᠤᠷᠭᠠᠯ ᠢ ᠪᠠᠷᠢᠮᠲᠠᠯᠠᠵᠤ ᠦᠢᠯᠡ ᠬᠥᠳᠡᠯᠦᠯ ᠢᠢᠡᠨ ᠬᠢᠨᠠᠨ ᠮᠣᠩ᠋ᠭᠣᠯ ᠤᠨ ᠲᠥᠯᠥᠭᠡ ᠬᠡᠮᠡᠬᠦ ᠨᠢᠭᠡᠨ ᠦᠵᠦᠭᠦᠷᠲᠦ ᠰᠡᠳᠬᠢᠯ ᠢᠶᠡᠷ ᠡᠪ ᠰᠠᠨᠠᠯ ᠢᠶᠠᠨ ᠨᠢᠭᠡᠳᠬᠡᠪᠡᠯ ᠵᠣᠬᠢᠨᠠ᠃
ᠡᠷᠬᠢᠮ ᠣᠯᠠᠨ ᠮᠣᠩ᠋ᠭᠣᠯᠴᠤᠳ ᠠ᠋᠂ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠲᠤ ᠲᠠᠷᠬᠠᠨ ᠰᠠᠭᠤᠷᠢᠰᠢᠭ᠌ᠰᠠᠨ ᠮᠣᠩ᠋ᠭᠣᠯ ᠲᠤᠭᠤᠷᠭᠠᠲᠠᠨ ᠨᠤᠭᠤᠳ ᠠ᠋᠂
ᠲᠠ ᠪᠦᠬᠦᠨ ᠳᠥ ᠳᠡᠭᠡᠳᠦ ᠲᠩᠷᠢ ᠡᠴᠡ ᠵᠠᠶᠠᠭᠠᠲᠤ ᠲᠦᠷᠦᠭᠰᠡᠨ ᠡᠵᠡᠨ ᠪᠣᠭᠳᠠ ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠮᠡᠯᠮᠡᠢ ᠭᠡᠢᠢᠭᠰᠡᠨ ᠡᠳᠦᠷ ᠦᠨ ᠬᠠᠯᠠᠭᠤᠨ ᠮᠡᠨᠳᠦ ᠢᠢ ᠳᠡᠪᠰᠢᠭᠦᠯᠵᠦ᠂ ᠲᠥᠷᠥᠯ ᠢᠶᠡᠷ ᠢᠶᠡᠨ ᠲᠦᠪᠰᠢᠨ ᠠᠮᠤᠭᠤᠯᠠᠩ᠂ ᠡᠯᠢᠭᠡ ᠪᠡᠷ ᠢᠶᠡᠨ ᠡᠩᠬᠡ ᠠᠮᠤᠭᠤᠯᠠᠩ ᠣᠷᠣᠰᠢᠬᠤ ᠢᠢᠨ ᠥᠯᠵᠡᠢ ᠲᠡᠢ ᠢᠷᠦᠭᠡᠯ ᠢ ᠡᠷᠭᠦᠨ ᠳᠡᠪᠰᠢᠭᠦᠯᠦᠶᠡ᠃
ᠶᠡᠬᠡ ᠬᠠᠭᠠᠨ ᠤ ᠠᠯᠳᠠᠷ ᠪᠠᠳᠠᠷᠠᠲᠤᠭᠠᠢ !
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠦᠷ ᠳᠠᠯᠠᠢ ᠬᠠᠭᠠᠨ ᠤ ᠰᠤᠤ ᠪᠢᠯᠢᠭ᠌ ᠳᠡᠯᠭᠡᠷᠡᠵᠦ᠂ ᠮᠣᠩ᠋ᠭᠣᠯ ᠤᠯᠤᠰ ᠮᠠᠨᠢ ᠴᠡᠴᠡᠭᠯᠡᠨ ᠬᠥᠭ᠍ᠵᠢᠬᠦ ᠪᠣᠯᠲᠤᠭᠠᠢ!》 ᠭᠡᠯᠡ᠃
ᠬᠦᠴᠦᠲᠦ ᠪᠥᠬᠡ ᠢᠢᠨ ᠪᠠᠷᠢᠯᠳᠤᠭᠠᠨ ᠤ ᠳᠠᠷᠠᠭᠠ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠪᠥᠬᠡᠴᠦᠳ ᠲᠥ ᠱᠠᠩᠨᠠᠯ ᠭᠠᠷᠳᠠᠭᠤᠯᠵᠤ᠂ ᠪᠠᠶᠠᠷ ᠬᠦᠷᠭᠡᠨᠡ᠃
