ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠰᠢᠨᠡ ᠣᠨ ᠤ ᠡᠬᠢᠨ ᠦ ᠡᠳᠦᠷ ᠨᠡᠢᠢᠰᠯᠡᠯ ᠦᠨ ᠥᠷᠭᠦᠭᠡ ᠠᠮᠤᠷᠵᠢᠬᠤ ᠭᠠᠵᠠᠷ ᠪᠤᠶᠤ ᠤᠤᠭᠠᠨ ᠲᠥᠷᠥᠬᠦ ᠡᠮᠨᠡᠯᠭᠡ ᠳᠥ ᠣᠴᠢᠵᠤ᠂ ᠣᠨ ᠰᠣᠯᠢᠭᠳᠠᠬᠤ ᠰᠥᠨᠢ ᠠᠮᠤᠷᠵᠢᠭᠰᠠᠨ ᠡᠬᠡᠴᠦᠳ ᠪᠣᠯᠤᠨ ᠡᠮᠨᠡᠯᠭᠡ ᠢᠢᠨ ᠠᠵᠢᠯᠴᠢᠳ ᠲᠤ ᠰᠢᠨᠡ ᠣᠨ ᠤ ᠮᠡᠨᠳᠦ ᠳᠡᠪᠰᠢᠭᠦᠯᠦᠯᠡ᠃
ᠨᠡᠢᠢᠰᠯᠡᠯ ᠦᠨ ᠥᠷᠭᠦᠭᠡ ᠠᠮᠤᠷᠵᠢᠬᠤ ᠭᠠᠵᠠᠷ ᠲᠤ 2019 ᠣᠨ ᠭᠠᠷᠤᠭᠰᠠᠭᠠᠷ 13 ᠡᠬᠡ ᠠᠮᠤᠷᠵᠢᠭᠰᠠᠨ ᠪᠠᠢᠢᠨᠠ᠃ ᠬᠠᠷᠢᠨ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠥ 00᠄00 ᠴᠠᠭ ᠠᠴᠠ ᠬᠣᠢᠢᠰᠢ 75 ᠬᠡᠦᠬᠡᠳ ᠮᠡᠨᠳᠦᠯᠡᠭᠰᠡᠨ ᠦ 39 ᠨᠢ ᠬᠦᠦ᠂ 36 ᠨᠢ ᠥᠬᠢᠨ ᠪᠠᠢᠢᠵᠠᠢ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠲᠤᠰ ᠡᠮᠨᠡᠯᠭᠡ ᠳᠥ ᠠᠮᠤᠷᠵᠢᠭᠰᠠᠨ ᠡᠬᠡᠴᠦᠳ ᠲᠡᠢ ᠠᠭᠤᠯᠵᠠᠵᠤ ᠡᠷᠡᠭᠦᠯ ᠡᠩᠬᠡ᠂ ᠰᠠᠢᠢᠨ ᠰᠠᠢᠢᠬᠠᠨ ᠪᠦᠬᠦᠨ ᠢ ᠬᠦᠰᠡᠭᠡᠳ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠰᠠᠢᠢᠳ ᠲ∙ ᠰᠠᠷᠠᠨᠭᠡᠷᠡᠯ ᠳᠥ ᠲᠥᠷᠥᠬᠦ ᠡᠮᠨᠡᠯᠭᠡ ᠢᠢᠨ ᠣᠷᠴᠢᠨ᠂ ᠲᠥᠷᠥᠬᠦ ᠣᠷᠣ ᠢᠢ ᠰᠢᠨᠡᠳᠭᠡᠬᠦ ᠠᠵᠢᠯ ᠳᠤ ᠠᠩ᠋ᠬᠠᠷᠤᠯ ᠬᠠᠨᠳᠤᠭᠤᠯᠵᠤ ᠠᠵᠢᠯᠯᠠᠬᠤ ᠢᠢ ᠬᠦᠰᠡᠭᠰᠡᠨ ᠶᠤᠮ᠃
ᠡᠨᠡ ᠦᠶᠡ ᠪᠡᠷ ᠮᠥᠨ ᠨᠡᠢᠢᠰᠯᠡᠯ ᠦᠨ ᠥᠷᠭᠥᠭᠡ ᠠᠮᠤᠷᠵᠢᠬᠤ ᠭᠠᠵᠠᠷ ᠤᠨ ᠳᠠᠷᠤᠭᠠ᠂ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠳ᠋ᠣᠺᠲ᠋ᠣᠷ ᠭ ∙ ᠪᠠᠶᠠᠰᠬᠤᠯᠠᠩ᠄
《ᠨᠡᠢᠢᠰᠯᠡᠯ ᠦᠨ ᠥᠷᠭᠦᠭᠡ ᠠᠮᠤᠷᠵᠢᠬᠤ ᠭᠠᠵᠠᠷ ᠲᠤ 2018 ᠣᠨ ᠳᠤ 11800 ᠣᠷᠴᠢᠮ ᠡᠬᠡ ᠠᠮᠤᠷᠵᠢᠭᠰᠠᠨ᠃ ᠥᠩᠭᠡᠷᠡᠭᠰᠡᠨ ᠰᠥᠨᠢ 35 ᠡᠬᠡ ᠠᠮᠤᠷᠵᠢᠭᠰᠠᠨ᠃ ᠥᠷᠯᠥᠭᠡᠨ ᠦ ᠨᠠᠢᠢᠮᠠᠨ ᠴᠠᠭ ᠠᠴᠠ ᠬᠣᠢᠢᠰᠢ ᠲᠠᠪᠤᠨ ᠡᠵᠢ ᠠᠮᠤᠷᠵᠢᠵᠤ᠂ 11 ᠡᠬᠡ ᠲᠥᠷᠥᠬᠦ ᠪᠡᠷ ᠪᠡᠯᠡᠳᠬᠡᠭ᠍ᠳᠡᠵᠦ ᠪᠠᠢᠢᠨᠠ᠃ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ 2018 ᠣᠨ ᠤ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠢᠢᠨ 1 ᠍ ᠦ ᠡᠳᠦᠷ ᠮᠠᠨ ᠤ ᠪᠠᠢᠢᠭᠤᠯᠤᠯᠭᠠ ᠢᠢ ᠬᠥᠳᠡᠯᠮᠦᠷᠢ ᠢᠢᠨ ᠭᠠᠪᠢᠶᠠᠨ ᠤ ᠤᠯᠠᠭᠠᠨ ᠲᠤᠭ ᠤᠨ ᠣᠳᠣᠨ ᠢᠶᠠᠷ ᠱᠠᠩᠨᠠᠭᠰᠠᠨ᠃ ᠡᠨᠡ ᠦᠶᠡ ᠪᠡᠷ ᠢᠶᠡᠨ ᠮᠠᠨ ᠤ ᠲᠥᠷᠥᠬᠦ ᠡᠮᠨᠡᠯᠭᠡ ᠳᠥ ᠬᠤᠪᠢ ᠠᠴᠠ ᠪᠠᠨ 100 ᠰᠠᠶᠠ ᠲᠥᠭᠦᠷᠢᠭ᠌ ᠥᠭ᠍ᠬᠦ ᠪᠡᠷ ᠠᠮᠠᠯᠠᠭᠰᠠᠨ ᠪᠠᠢᠢᠭᠰᠠᠨ᠃ ᠲᠡᠷᠡ ᠠᠮᠠᠯᠠᠯᠲᠠ ᠪᠠᠨ ᠪᠡᠶᠡᠯᠡᠭᠦᠯᠵᠦ᠂ ᠥᠩᠭᠡᠷᠡᠭᠰᠡᠨ 11 ᠳᠦᠭᠡᠷ ᠰᠠᠷᠠ ᠳᠤ ᠮᠠᠰᠢ ᠰᠠᠢᠢᠨ ᠦᠢᠯᠡ ᠠᠵᠢᠯᠯᠠᠭᠠ᠂ ᠲᠣᠨᠣᠭᠯᠠᠯᠲᠠᠢ ᠰᠡᠭᠦᠯ ᠦᠨ ᠦᠶᠡ ᠢᠢᠨ ᠲᠥᠷᠥᠬᠦ ᠣᠷᠣ ᠨᠤᠭᠤᠳ ᠢ ᠪᠡᠯᠡᠭᠯᠡᠭᠰᠡᠨ᠃ ᠡᠬᠡᠴᠦᠳ ᠣᠳᠣ ᠡᠨᠡ ᠣᠷᠣᠨ ᠳᠡᠭᠡᠷᠡ ᠠᠮᠤᠷᠵᠢᠵᠤ ᠪᠠᠢᠢᠭᠠ》 ᠭᠡᠰᠡᠨ ᠶᠤᠮ᠃
ᠮᠥᠨ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠳᠤ ᠬᠠᠨᠳᠤᠨ 《ᠮᠠᠨ ᠤ ᠡᠮᠨᠡᠯᠭᠡ ᠳᠥ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠡᠦᠬᠡᠳ ᠮᠡᠨᠳᠦᠯᠡᠵᠦ ᠪᠠᠢᠢᠳᠠᠭ᠃ ᠣᠳᠣ ᠴᠤ ᠭᠡᠰᠡᠨ ᠡᠬᠡᠴᠦᠳ ᠣᠷᠢᠯᠠᠵᠤ᠂ ᠤᠬᠢᠯᠠᠭᠰᠠᠭᠠᠷ ᠪᠠᠢᠢᠨᠠ᠃ ᠲᠥᠷᠦᠯᠲᠡ ᠭᠡᠳᠡᠭ ᠰᠠᠢᠢᠬᠠᠨ ᠶᠠᠪᠤᠴᠠ᠃ ᠲᠥᠷᠦᠭᠰᠡᠨ ᠦ ᠳᠠᠷᠠᠭᠠ ᠡᠵᠢ ᠢᠢᠨ ᠪᠦᠬᠦ ᠡᠪᠡᠳᠦᠯᠲᠡ᠂ ᠰᠢᠨᠠᠯᠤᠭᠠ ᠮᠠᠷᠲᠠᠭᠳᠠᠳᠠᠭ᠃ ᠰᠢᠨᠡ ᠬᠦᠮᠦᠨ ᠮᠡᠨᠳᠦᠯᠡᠨᠡ ᠭᠡᠳᠡᠭ ᠬᠠᠮᠤᠭ ᠤᠨ ᠠᠵᠠ ᠵᠢᠷᠭᠠᠯᠲᠠᠢ ᠮᠥᠴᠡ᠃ ᠡᠢᠢᠮᠦ ᠰᠠᠢᠢᠬᠠᠨ ᠮᠥᠴᠡ ᠢᠢ ᠬᠤᠪᠢᠶᠠᠯᠴᠠᠭᠰᠠᠨ ᠳᠤ ᠨᠡᠢᠢᠲᠡ ᠡᠮᠨᠡᠯᠭᠡ ᠢᠢᠨ ᠠᠵᠢᠯᠴᠢᠳ ᠤᠨ ᠢᠶᠠᠨ ᠡᠮᠦᠨᠡ ᠡᠴᠡ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠶᠡ》 ᠭᠡᠰᠡᠨ ᠶᠤᠮ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠠᠮᠤᠷᠵᠢᠭᠰᠠᠨ ᠵᠠᠷᠢᠮ ᠡᠬᠡᠴᠦᠳ ᠲᠡᠢ ᠳᠤᠷᠠᠰᠬᠠᠯ ᠤᠨ ᠵᠢᠷᠤᠭ ᠲᠠᠲᠠᠭᠤᠯᠵᠤ᠂ ᠭᠠᠷ ᠤᠨ ᠪᠡᠯᠡᠭ ᠭᠠᠷᠳᠠᠭᠤᠯᠤᠯᠠ᠃
