ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠢ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠺᠣᠮᠢᠰ ᠠᠴᠠ ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠲᠤᠬᠠᠢ ᠬᠠᠤᠯᠢ ᠳᠤ ᠵᠢᠭᠠᠭᠰᠠᠨ ᠪᠣᠯᠵᠣᠯ ᠬᠠᠩ᠋ᠭᠠᠭᠰᠠᠨ ᠤᠶᠠᠭᠠᠴᠢᠳ ᠲᠤ ᠴᠣᠯᠠ ᠬᠦᠷᠲᠡᠭᠡᠬᠦ ᠪᠡᠷ ᠡᠷᠭᠦᠨ ᠮᠡᠳᠡᠭᠦᠯᠦᠭᠰᠡᠨ ᠰᠠᠨᠠᠯ ᠢ ᠦᠨᠳᠦᠰᠦᠯᠡᠨ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ XVII ᠵᠢᠷᠠᠨ ᠤ 《ᠤᠷᠪᠠᠭᠤᠯᠤᠭᠴᠢ》 ᠬᠡᠮᠡᠬᠦ ᠰᠢᠷᠠᠭᠴᠢᠨ ᠭᠠᠬᠠᠢ ᠵᠢᠯ ᠦᠨ ᠰᠠᠷᠠ ᠰᠢᠨᠡ ᠢᠢᠨ ᠪᠠᠶᠠᠷ ᠤᠨ ᠪᠣᠰᠬᠠᠨ ᠳᠡᠭᠡᠷᠡ ᠵᠠᠷᠯᠢᠭ ᠭᠠᠷᠭᠠᠵᠤ ᠣᠯᠠᠨ ᠵᠢᠯ ᠬᠤᠷᠳᠤᠨ ᠮᠣᠷᠢᠨ ᠤ ᠤᠶᠠᠭᠠ ᠰᠣᠢᠢᠯᠭᠠ ᠲᠠᠭᠠᠷᠠᠭᠤᠯᠵᠤ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠦ ᠨᠠᠭᠠᠳᠤᠮ ᠤᠳ ᠠᠴᠠ ᠲᠦᠷᠦᠭᠦᠦ᠂ ᠠᠢᠢᠷᠠᠭ ᠠᠪᠤᠭᠰᠠᠨ ᠨᠡᠷᠡ ᠪᠦᠬᠦᠢ ᠤᠶᠠᠭᠠᠴᠢᠳ ᠲᠤ ᠤᠯᠤᠰ ᠤᠨ ᠴᠣᠯᠠ ᠬᠦᠷᠲᠡᠭᠡᠯᠡ᠃
ᠤᠶᠠᠭᠠᠴᠢᠳ ᠤᠨ ᠴᠣᠯᠠ ᠢᠢ ᠥᠨᠥᠳᠥᠷ ᠲᠥᠷᠥ ᠢᠢᠨ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭᠲᠤ ᠶᠣᠰᠤᠯᠠᠯ ᠬᠦᠨᠳᠦᠳᠬᠡᠯ ᠦᠨ ᠶᠡᠬᠡ ᠲᠠᠩᠬᠢᠮ ᠳᠤ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠭᠠᠷᠳᠠᠭᠤᠯᠵᠤ ᠥᠭ᠍ᠪᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠤᠶᠠᠭᠠᠴᠢᠳ ᠲᠤ ᠬᠠᠨᠳᠤᠵᠤ᠄
《ᠡᠷᠬᠢᠮ ᠤᠶᠠᠭᠠᠴᠢᠳ ᠤᠨ ᠠᠮᠤᠭᠤᠯᠠᠩ ᠢ ᠠᠢᠢᠯᠠᠳᠬᠠᠵᠤ᠂ ᠠᠢᠢᠰᠤᠢ ᠰᠠᠷᠠ ᠰᠢᠨᠡ ᠢᠢᠨ ᠮᠡᠨᠳᠦ ᠢᠢ ᠳᠡᠪᠰᠢᠭᠦᠯᠦᠶᠡ᠃
ᠤᠯᠠᠮᠵᠢᠯᠠᠯ ᠤᠨ ᠳᠠᠭᠠᠭᠤ ᠰᠠᠷᠠ ᠰᠢᠨᠡ ᠢᠢᠨ ᠪᠠᠶᠠᠷ ᠤᠨ ᠡᠮᠦᠨᠡ ᠤᠶᠠᠭᠠᠴᠢᠳ ᠲᠤ ᠴᠣᠯᠠ᠂ ᠲᠡᠮᠳᠡᠭ ᠭᠠᠷᠳᠠᠭᠤᠯᠤᠯᠠ᠃
ᠮᠣᠩ᠋ᠭᠣᠯᠴᠤᠳ ᠪᠣᠯ ᠮᠣᠷᠢᠲᠠᠨ ᠠᠷᠠᠳ ᠲᠦᠮᠡᠨ᠃ ᠮᠣᠷᠢ ᠦᠭᠡᠢ ᠪᠡᠷ᠂ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠦᠭᠡᠢ ᠪᠡᠷ᠂ ᠮᠣᠷᠢᠨ ᠤ ᠥᠪ ᠰᠣᠶᠣᠯ ᠦᠭᠡᠢ ᠪᠡᠷ ᠮᠣᠩ᠋ᠭᠣᠯ ᠢ᠂ ᠮᠣᠩ᠋ᠭᠣᠯᠴᠤᠳ ᠢ ᠲᠥᠰᠥᠭᠡᠯᠡᠬᠦ ᠪᠣᠯᠤᠮᠵᠢ ᠦᠭᠡᠢ᠃
ᠦᠨᠳᠦᠰᠦᠨ ᠦ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠬᠡᠮᠡᠬᠦ ᠥᠪ ᠰᠤᠶᠤᠯ᠂ ᠶᠣᠰᠣ ᠵᠠᠩᠰᠢᠯ ᠢ ᠲᠡᠭᠡᠭᠡᠵᠦ᠂ ᠬᠥᠭ᠍ᠵᠢᠭᠦᠯᠵᠦ ᠲᠣᠷᠳᠠᠵᠤ ᠶᠠᠪᠤᠭᠠ ᠢᠢᠨ ᠬᠢ ᠨᠢ ᠬᠤᠪᠢ ᠳᠤ ᠮᠣᠷᠢᠨ ᠤᠷᠤᠯᠳᠤᠭᠠᠨᠴᠢᠳ᠂ ᠤᠶᠠᠭᠠᠴᠢᠳ ᠲᠤ ᠲᠠᠯᠠᠷᠬᠠᠬᠤ ᠶᠣᠰᠣᠲᠠᠢ᠃ ᠭᠡᠬᠦ ᠳᠥ ᠪᠡᠨ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠤ ᠥᠨᠥ ᠢᠢᠨ ᠪᠠᠢᠢᠳᠠᠯ ᠢ ᠬᠠᠷᠠᠵᠤ ᠪᠠᠢᠢᠬᠤ ᠳᠤ ᠬᠡᠯᠡᠬᠦ ᠰᠠᠨᠠᠭᠤᠯᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠵᠦᠢᠯᠡᠰ ᠴᠤ ᠴᠥᠭᠡᠨ ᠦᠭᠡᠢ ᠪᠠᠢᠢᠨᠠ᠃ ᠠᠷᠠᠳ ᠲᠦᠮᠡᠨ ᠡᠴᠡ ᠮᠥᠨ ᠣᠯᠠᠨ ᠰᠠᠨᠠᠯ ᠢᠷᠡᠳᠡᠭ᠃
ᠮᠣᠷᠢᠨ ᠤᠷᠤᠯᠳᠤᠭᠠᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠲᠠᠯᠠ ᠳᠡᠭᠡᠷᠡ ᠨᠡᠢᠢᠲᠡ ᠪᠡᠷ ᠳᠠᠭᠠᠵᠤ ᠮᠥᠷᠲᠡᠬᠦ ᠲᠣᠭᠲᠠᠭᠰᠠᠨ ᠵᠢᠷᠤᠮ᠂ ᠦᠨᠡᠯᠡᠭᠡ ᠲᠡᠢ ᠪᠣᠯᠤᠭᠰᠠᠭᠠᠷ ᠪᠠᠢᠢᠭᠠ ᠬᠡᠳᠦᠢ ᠴᠤ ᠲᠠ ᠪᠦᠬᠦᠨ ᠦᠨᠳᠦᠰᠦᠨ ᠦ ᠥᠪ ᠰᠤᠶᠤᠯ ᠢ ᠲᠡᠭᠡᠭᠡᠭ᠍ᠴᠢᠳ ᠦᠨ ᠬᠤᠪᠢ ᠪᠠᠷ ᠣᠯᠠᠨ ᠵᠢᠯ ᠦᠷᠭᠦᠯᠵᠢᠯᠡᠵᠦ ᠪᠠᠢᠢᠭᠠ ᠡᠷᠯᠢᠵᠡ ᠠᠳᠤᠭᠤ᠂ ᠮᠣᠩ᠋ᠭᠣᠯ ᠡᠭᠦᠯᠳᠡᠷ ᠦᠨ ᠠᠳᠤᠭᠤ ᠤᠷᠤᠯᠳᠤᠬᠤ ᠭᠡᠬᠦ ᠮᠡᠲᠦ ᠮᠠᠷᠭᠤᠭᠠᠨ ᠢᠶᠠᠨ ᠡᠴᠦᠰᠯᠡᠵᠦ᠂ ᠨᠢᠭᠡᠳᠦᠭᠰᠡᠨ ᠲᠣᠳᠣᠷᠬᠠᠢ ᠵᠢᠷᠤᠮ ᠳᠤ ᠤᠷᠤᠭᠤᠯᠬᠤ ᠬᠡᠷᠡᠭᠲᠡᠢ᠃
ᠮᠥᠨ ᠤᠨᠤᠭᠠᠴᠢ ᠬᠡᠦᠬᠡᠳ ᠦᠳ ᠦᠨ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ᠂ ᠬᠡᠦᠬᠡᠳ ᠦᠨ ᠡᠷᠬᠡ᠂ ᠬᠥᠳᠡᠯᠮᠦᠷᠢ ᠢᠢᠨ ᠨᠥᠬᠥᠴᠡᠯ᠂ ᠦᠨᠡᠯᠡᠭᠡᠨ ᠦ ᠲᠠᠯᠠ ᠳᠡᠭᠡᠷᠡ ᠣᠷᠴᠢᠨ ᠦᠶᠡ ᠢᠢᠨ ᠨᠥᠬᠥᠴᠡᠯ ᠱᠠᠭᠠᠷᠳᠠᠯᠭᠠ ᠳᠤ ᠨᠡᠢᠢᠴᠡᠭᠦᠯᠦᠨ ᠨᠠᠰᠤᠨ ᠤ ᠬᠢᠵᠠᠭᠠᠷ᠂ ᠪᠡᠶᠡ ᠪᠢᠯᠳᠠᠷ ᠤᠨ ᠱᠠᠭᠠᠷᠳᠠᠯᠭᠠ ᠢᠢ ᠲᠣᠳᠣᠷᠬᠠᠢ ᠪᠣᠯᠭᠠᠵᠤ ᠮᠥᠷᠳᠡᠭᠦᠯᠬᠦ ᠵᠡᠷᠭᠡ ᠲᠤᠯᠭᠠᠷᠠᠵᠤ ᠪᠠᠢᠢᠭᠠ ᠢᠢ ᠠᠩᠬᠠᠷᠤᠯ ᠳᠤ ᠪᠠᠨ ᠠᠪᠤᠨᠠ ᠪᠢᠵᠡ ᠡ᠃
ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ᠂ ᠴᠡᠩᠭᠡᠯ ᠢ ᠬᠡᠷᠡᠭᠦᠯ ᠮᠠᠷᠭᠤᠭᠠᠨ᠂ ᠣᠰᠣᠯ ᠡᠨᠳᠡᠭᠳᠡᠯ ᠴᠢᠨᠠᠭᠰᠢᠳᠠ ᠭᠠᠷᠬᠤ ᠦᠭᠡᠢ ᠪᠠᠢᠢᠬᠤ ᠪᠠᠷ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠢ ᠵᠦᠢ ᠵᠣᠬᠢᠰᠲᠠᠢ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠲᠠᠯᠠ ᠳᠡᠭᠡᠷᠡ ᠤᠶᠠᠭᠠᠴᠢᠳ ᠤᠨ ᠬᠣᠯᠪᠣᠭᠠ᠂ ᠪᠤᠰᠤᠳ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠵᠣᠬᠢᠰᠲᠠᠢ ᠰᠢᠢᠳᠦᠯ ᠦᠳ ᠢ ᠣᠯᠵᠤ ᠠᠵᠢᠯᠯᠠᠨᠠ ᠭᠡᠳᠡᠭ ᠲᠥ ᠢᠲᠡᠭᠡᠯ ᠲᠡᠢ ᠪᠠᠢᠢᠨᠠ᠃
ᠲᠠ ᠪᠦᠬᠦᠨ ᠳᠥ ᠥᠪᠡᠷᠰᠡᠳ ᠦᠨ ᠵᠢᠳᠬᠦᠯ᠂ ᠪᠦᠲᠦᠭᠡᠯ ᠢᠶᠡᠷ ᠴᠣᠯᠠ᠂ ᠲᠡᠮᠳᠡᠭ ᠠᠪᠤᠭᠰᠠᠨ ᠶᠠᠪᠤᠳᠠᠯ ᠳᠤ ᠳᠠᠬᠢᠨ ᠪᠠᠶᠠᠷ ᠬᠦᠷᠭᠡᠶᠡ᠃
ᠠᠢᠢᠰᠤᠢ ᠰᠢᠷᠠᠭᠴᠢᠨ ᠭᠠᠬᠠᠢ ᠵᠢᠯ ᠳᠥ ᠤᠶᠠᠭᠰᠠᠨ ᠬᠦᠯᠦᠭ ᠮᠣᠷᠢᠳ ᠨᠢ ᠬᠤᠷᠳᠤᠨ᠂ ᠤᠨᠤᠭᠠᠴᠢ ᠬᠡᠦᠬᠡᠳ ᠦᠳ ᠨᠢ ᠡᠷᠡᠭᠦᠯ ᠰᠠᠷᠠᠭᠤᠯ᠂ ᠤᠶᠠᠭᠠᠴᠢᠳ ᠨᠢ ᠴᠡᠩᠭᠡᠯ ᠪᠠᠶᠠᠰᠤᠯ ᠲᠠᠢ ᠨᠠᠭᠠᠳᠤᠵᠠᠭᠠᠬᠤ ᠪᠣᠯᠲᠤᠭᠠᠢ᠃
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠣᠣᠷᠠ ᠮᠣᠩ᠋ᠭᠣᠯ ᠤᠨ ᠥᠪ ᠰᠤᠶᠤᠯ ᠤᠯᠠᠮ ᠳᠡᠯᠭᠡᠷᠡᠨ ᠪᠠᠳᠠᠷᠠᠲᠤᠭᠠᠢ» ᠭᠡᠯᠡ᠃
