ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬᠠᠯᠲᠠᠮᠠ ᠢᠢᠨ ᠪᠠᠲᠤᠲᠤᠯᠭᠠ ᠮᠣᠩ᠋ᠭᠣᠯ ᠲᠦᠮᠡᠨ ᠦ ᠪᠠᠬᠠᠷᠬᠠᠯᠳᠤ ᠥᠪ ᠰᠤᠶᠤᠯ᠂ ᠦᠶᠡ ᠡᠴᠡ ᠦᠶᠡ ᠳᠥ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠭᠰᠡᠨ ᠠᠮᠠᠨ ᠪᠢᠯᠢᠭ᠌ ᠦᠨ ᠡᠬᠡ ᠤᠨᠳᠤᠷᠭᠠ ᠪᠣᠯᠤᠭᠰᠠᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠢᠶᠠᠨ ᠳᠡᠭᠡᠳᠦᠯᠡᠨ᠂ ᠳᠡᠯᠭᠡᠷᠡᠭᠦᠯᠬᠦ ᠵᠣᠷᠢᠯᠭᠠ ᠪᠠᠷ 2019 ᠣᠨ ᠤ 01 ᠳᠦᠭᠡᠷ ᠰᠠᠷᠠ ᠢᠢᠨ 29 ᠍ ᠦ ᠡᠳᠦᠷ 《ᠮᠣᠩ᠋ᠭᠣᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠢᠶᠠᠨ ᠳᠡᠭᠡᠳᠦᠯᠡᠨ ᠳᠡᠯᠭᠡᠷᠡᠭᠦᠯᠬᠦ ᠲᠤᠬᠠᠢ》 13 ᠳ᠋ᠤᠭᠠᠷ ᠵᠠᠷᠯᠢᠭ ᠭᠠᠷᠭᠠᠭᠰᠠᠨ ᠪᠢᠯᠡ᠃
ᠵᠠᠷᠯᠢᠭ ᠢ ᠡᠨᠳᠡ ᠳᠠᠷᠤᠵᠤ ᠳᠡᠯᠭᠡᠷᠡᠩ᠋ᠭᠦᠢ ᠤᠩᠰᠢᠨᠠ ᠤᠤ᠃
ᠵᠠᠷᠯᠢᠭ ᠲᠤ ᠪᠢᠴᠢᠭᠰᠡᠨᠴᠢᠯᠡᠨ᠂ ᠵᠢᠯ ᠪᠦᠷᠢ ᠢᠢᠨ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠬᠠᠪᠤᠷ ᠤᠨ ᠲᠡᠷᠢᠭᠦᠨ ᠰᠠᠷᠠ ᠢᠢᠨ ᠰᠢᠨᠡ ᠢᠢᠨ ᠭᠤᠷᠪᠠᠨ ᠤ ᠡᠳᠦᠷ᠂ ᠮᠣᠩ᠋ᠭᠣᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠡᠪᠦᠯ ᠦᠨ ᠲᠡᠷᠢᠭᠦᠨ ᠰᠠᠷᠠ ᠢᠢᠨ ᠰᠢᠨᠡ ᠢᠢᠨ ᠭᠤᠷᠪᠠᠨ ᠤ ᠡᠳᠦᠷ ᠲᠥᠷᠥ ᠢᠢᠨ ᠶᠣᠰᠣᠯᠠᠯ ᠬᠦᠨᠳᠦᠳᠬᠡᠯ ᠦᠨ ᠥᠷᠭᠦᠭᠡᠨ ᠳᠥ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠢ ᠬᠠᠢᠢᠯᠠᠵᠤ ᠪᠠᠢᠢᠬᠤ ᠪᠠᠷ ᠲᠣᠭᠲᠠᠭᠠᠭᠰᠠᠨ ᠤ ᠳᠠᠭᠠᠭᠤ ᠥᠨᠥᠳᠥᠷ ᠲᠥᠷᠥ ᠢᠢᠨ ᠣᠷᠳᠣᠨ ᠤ ᠶᠣᠰᠣᠯᠠᠯ ᠬᠦᠨᠳᠦᠳᠬᠡᠯ ᠦᠨ ᠥᠷᠭᠥᠭᠡ ᠭᠡᠷ ᠲᠥ 《ᠮᠥᠩᠬᠡ ᠰᠠᠢᠢᠬᠠᠨ ᠲᠥᠷᠥᠳᠥ ᠠᠯᠲᠠᠨ ᠲᠣᠷᠴᠠ》 ᠲᠤᠤᠯᠢ ᠢᠢ ᠬᠠᠢᠢᠯᠠᠯᠠ᠃
ᠲᠤᠤᠯᠢ ᠬᠠᠢᠢᠯᠠᠬᠤ ᠢᠢᠨ ᠡᠮᠦᠨᠡ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠭᠠᠷᠭᠠᠭᠰᠠᠨ 《ᠮᠣᠩ᠋ᠭᠣᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠢᠶᠠᠨ ᠳᠡᠭᠡᠳᠦᠯᠡᠨ ᠳᠡᠯᠭᠡᠷᠡᠭᠦᠯᠬᠦ ᠲᠤᠬᠠᠢ》 ᠵᠠᠷᠯᠢᠭ ᠢ ᠤᠩᠰᠢᠵᠤ ᠰᠣᠨᠣᠷᠳᠠᠭᠤᠯᠪᠠ᠃
ᠮᠥᠨ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠠᠷᠠᠳ ᠤᠨ ᠪᠡᠭᠰᠢ ᠰ᠂ᠳᠤᠯᠮᠠ᠄
《ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ 《ᠮᠣᠩ᠋ᠭᠣᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠢᠶᠠᠨ ᠳᠡᠭᠡᠳᠦᠯᠡᠨ ᠳᠡᠯᠭᠡᠷᠡᠭᠦᠯᠬᠦ ᠲᠤᠬᠠᠢ》 ᠭᠦᠨᠵᠡᠭᠡᠢ ᠤᠳᠬᠠ ᠠᠭᠤᠯᠭᠠ ᠲᠠᠢ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ᠂ ᠲᠤᠤᠯᠢᠴᠢᠳ ᠪᠣᠯᠤᠨ ᠲᠤᠤᠯᠢ ᠰᠤᠳᠤᠯᠤᠭᠠᠴᠢᠳ ᠤᠨ ᠮᠠᠩᠨᠠᠢ ᠢᠢ ᠲᠡᠨᠢᠢᠯᠭᠡᠭ᠍ᠰᠡᠨ᠃ ᠮᠣᠩ᠋ᠭᠣᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠢᠢᠨ ᠭᠦᠨ ᠵᠤᠵᠠᠭᠠᠨ ᠤᠯᠠᠮᠵᠢᠯᠠᠯ ᠢ ᠬᠣᠢᠢᠴᠢ ᠦᠶᠡ ᠳᠡᠭᠡᠨ ᠦᠯᠡᠳᠡᠭᠡᠬᠦ᠂ ᠲᠥᠷᠥ ᠢᠢᠨ ᠲᠦᠪᠰᠢᠨ ᠳᠥ ᠬᠦᠨᠳᠦᠳᠬᠡᠨ ᠳᠡᠭᠡᠳᠦᠯᠡᠬᠦ ᠲᠤᠬᠠᠢ ᠣᠨᠴᠠᠭᠠᠢ ᠴᠢᠬᠤᠯᠠ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠪᠠᠢᠢᠨᠠ᠃ ᠥᠨᠥᠳᠥᠷ ᠮᠣᠩ᠋ᠭᠣᠯ ᠳᠤ ᠬᠡᠳᠦᠢ ᠬᠣᠪᠣᠷᠳᠠᠵᠤ ᠪᠠᠢᠢᠭᠠ ᠴᠤ ᠤᠯᠠᠮᠵᠢᠯᠠᠯ ᠢᠶᠠᠨ ᠠᠪᠴᠤ ᠦᠯᠡᠳᠡᠭᠰᠡᠨ ᠲᠤᠤᠯᠢᠴᠢᠳ᠂ ᠲᠤᠤᠯᠢ ᠢᠢᠨ ᠲᠥᠯᠥᠭᠡᠯᠡᠭᠴᠢᠳ ᠵᠠᠯᠠᠷᠠᠨ ᠢᠷᠡᠭᠰᠡᠨ ᠳᠥ ᠪᠠᠶᠠᠷᠲᠠᠢ ᠪᠠᠢᠢᠨᠠ᠃
ᠮᠣᠩ᠋ᠭᠣᠯ ᠤᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠢᠢᠨ ᠶᠣᠰᠣ ᠵᠠᠩᠰᠢᠯ ᠢ ᠶᠠᠷᠢᠪᠠᠯ ᠳᠠᠭᠤᠰᠬᠤ ᠦᠭᠡᠢ ᠶᠡᠬᠡ ᠵᠦᠢᠯ ᠪᠤᠢ᠃《ᠳᠡᠯᠭᠡᠪᠡᠯ ᠳᠡᠭᠡᠪᠦᠷ ᠦᠨ ᠴᠢᠨᠡᠭᠡ᠂ ᠬᠤᠮᠢᠪᠠᠯ ᠬᠤᠷᠤᠭᠤᠪᠴᠢ ᠢᠢᠨ ᠴᠢᠨᠡᠭᠡ》 ᠪᠣᠯᠤᠨᠠ᠃ ᠮᠣᠩ᠋ᠭᠣᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠢᠢ ᠬᠠᠢᠢᠯᠠᠬᠤ ᠢᠢᠨ ᠡᠮᠦᠨᠡ ᠠᠯᠲᠠᠢ᠂ ᠬᠠᠩ᠋ᠭᠠᠢ ᠬᠣᠶᠠᠷ ᠢᠶᠠᠨ ᠬᠠᠢᠢᠯᠠᠵᠤ᠂ ᠮᠠᠭᠲᠠᠳᠠᠭ᠃ ᠠᠯᠲᠠᠢ᠂ ᠬᠠᠩ᠋ᠭᠠᠢ ᠬᠣᠶᠠᠷ ᠢ ᠬᠠᠢᠢᠯᠠᠬᠤ ᠦᠭᠡᠢ ᠪᠡᠷ ᠲᠤᠤᠯᠢ ᠡᠬᠢᠯᠡᠨᠡ ᠭᠡᠰᠡᠨ ᠵᠢᠷᠤᠮ ᠪᠠᠢᠢᠬᠤ ᠦᠭᠡᠢ᠃ ᠠᠯᠲᠠᠢ ᠦᠭᠡᠢ ᠲᠤᠤᠯᠢ ᠭᠡᠵᠦ ᠪᠠᠢᠢᠬᠤ ᠦᠭᠡᠢ᠂ ᠠᠪᠠᠭᠠᠢ ᠦᠭᠡᠢ ᠠᠢᠢᠯ ᠭᠡᠵᠦ ᠪᠠᠢᠢᠬᠤ ᠦᠭᠡᠢ ᠭᠡᠰᠡᠨ ᠵᠦᠢᠷ ᠦᠭᠡ ᠬᠦᠷᠲᠡᠯᠡ ᠭᠠᠷᠤᠭᠰᠠᠨ ᠪᠠᠢᠢᠳᠠᠭ᠃ ᠠᠯᠲᠠᠢ᠂ ᠬᠠᠩ᠋ᠭᠠᠢ ᠬᠠᠢᠢᠯᠠᠨᠠ ᠭᠡᠳᠡᠭ ᠨᠢ ᠠᠯᠲᠠᠢ ᠢᠢᠨ ᠡᠵᠡᠨ᠂ ᠬᠠᠩ᠋ᠭᠠᠢ ᠢᠢᠨ ᠡᠵᠡᠨ ᠢ ᠤᠷᠢᠵᠤ ᠳᠠᠭᠤᠳᠠᠨ᠂ ᠭᠡᠷ ᠡᠴᠡ ᠪᠡᠨ ᠭᠠᠷᠴᠤ ᠰᠠᠴᠤᠯᠢ ᠡᠷᠭᠦᠳᠡᠭ ᠵᠠᠩᠰᠢᠯ ᠲᠠᠢ ᠶᠤᠮ》 ᠬᠡᠮᠡᠯᠡ᠃
ᠲᠤᠤᠯᠢ ᠢᠢᠨ ᠲᠤᠬᠠᠢ ᠲᠣᠪᠴᠢ᠄
ᠮᠣᠩ᠋ᠭᠣᠯ ᠲᠦᠮᠡᠨ ᠦ ᠪᠦᠲᠦᠭᠡᠭ᠍ᠰᠡᠨ ᠠᠭᠤᠤ ᠶᠡᠬᠡ ᠲᠤᠭᠤᠷᠪᠢᠯ ᠤᠳ ᠤᠨ ᠨᠢᠭᠡ ᠪᠠᠭᠠᠲᠤᠷᠯᠢᠭ ᠤᠨ ᠡᠷᠡᠨ ᠦᠶᠡ ᠢᠢᠨ ᠳᠠᠭᠤᠯᠠᠯ ᠪᠣᠯᠤᠭᠰᠠᠨ ᠲᠤᠤᠯᠢ ᠪᠣᠯ ᠮᠣᠩ᠋ᠭᠣᠯᠴᠤᠳ ᠤᠨ ᠶᠢᠷᠲᠢᠨᠴᠦ ᠢᠢ ᠦᠵᠡᠬᠦ ᠦᠵᠡᠯ᠂ ᠠᠬᠤᠢ ᠰᠤᠶᠤᠯ᠂ ᠰᠢᠲᠦᠯᠭᠡ ᠪᠢᠰᠢᠷᠡᠯ᠂ ᠵᠠᠩ ᠵᠠᠩᠰᠢᠯ᠂ ᠲᠡᠦᠬᠡ ᠢᠢ ᠪᠠᠭᠲᠠᠭᠠᠭᠰᠠᠨ ᠦᠨᠡᠲᠦ ᠥᠪ ᠶᠤᠮ᠃
ᠮᠣᠩ᠋ᠭᠣᠯ ᠲᠤᠤᠯᠢᠰ ᠨᠢ ᠠᠭᠤᠯᠭᠠ᠂ ᠬᠡᠯᠪᠡᠷᠢ᠂ ᠳᠦᠷᠢ ᠳᠦᠷᠰᠦᠯᠡᠯ᠂ ᠥᠭᠦᠯᠡᠮᠵᠢ ᠪᠡᠷ ᠢᠶᠡᠨ ᠳᠡᠯᠡᠬᠡᠢ ᠳᠠᠬᠢᠨ ᠳᠤ ᠨᠢᠭᠡᠨᠲᠡ ᠬᠦᠯᠢᠶᠡᠨ ᠵᠥᠪᠰᠢᠶᠡᠷᠡᠭᠳᠡᠵᠦ ᠲᠦᠭᠡᠨ ᠲᠠᠷᠬᠠᠭᠰᠠᠨ ᠭᠷᠧᠺ ᠦᠨ ᠠᠯᠳᠠᠷᠲᠤ 《ᠢᠯᠢᠶᠠᠳ᠋》᠂ 《ᠣᠳᠢᠰᠰᠧᠢ》᠂ ᠹᠷᠠᠨ᠋ᠼ ᠤᠨ 《ᠷᠣᠯᠠᠨ᠋ᠳ᠋ ᠪᠠᠭᠠᠲᠤᠷ ᠤᠨ ᠳᠠᠭᠤᠯᠠᠯ》᠂ ᠡᠨᠡᠳᠬᠡᠭ᠌ ᠦᠨ 《ᠮᠡᡁᠠᠪᠠᡁᠷᠠᠲ᠋》᠂ ᠣᠷᠣᠰ ᠤᠨ 《ᠢᠭᠣᠠᠷ ᠤᠨ ᠬᠣᠷᠢᠶᠠᠨ ᠤ ᠳᠠᠭᠤᠯᠠᠯ》 ᠵᠡᠷᠭᠡ ᠪᠦᠲᠦᠭᠡᠯ ᠦᠳ ᠲᠡᠢ ᠡᠩ ᠵᠡᠷᠭᠡᠴᠡᠬᠦ᠂ ᠵᠠᠷᠢᠮ ᠠᠴᠠ ᠨᠢ ᠪᠦᠬᠦ ᠲᠠᠯᠠ ᠪᠠᠷ ᠢᠶᠠᠨ ᠬᠣᠯᠠ ᠢᠯᠡᠭᠦᠦ ᠪᠥᠭᠡᠳ 《ᠲᠤᠤᠯᠢᠴᠢ ᠬᠦᠮᠦᠨ》 ᠠᠶᠠᠯᠭᠤᠯᠠᠨ ᠬᠠᠢᠢᠯᠠᠵᠤ ᠬᠡᠯᠡᠳᠡᠭ ᠢᠶᠡᠷ ᠢᠶᠡᠨ ᠢᠯᠭᠠᠷᠠᠳᠠᠭ ᠶᠤᠮ ᠭᠡᠳᠡᠭ ᠢ ᠲᠤᠤᠯᠢ ᠰᠤᠳᠤᠯᠤᠭᠠᠴᠢᠳ ᠴᠣᠬᠣᠨ ᠲᠡᠮᠳᠡᠭᠯᠡᠵᠡᠢ᠃
ᠮᠣᠩ᠋ᠭᠣᠯ ᠲᠤᠤᠯᠢ ᠢᠢ 2009 ᠣᠨ ᠳᠤ ᠨᠢᠭᠡᠳᠦᠭᠰᠡᠨ ᠦᠨᠳᠦᠰᠦᠲᠡᠨ ᠦ ᠪᠠᠢᠢᠭᠤᠯᠤᠯᠭᠠ ᠤᠨ ᠪᠣᠯᠪᠠᠰᠤᠷᠠᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ᠂ ᠰᠤᠶᠤᠯ ᠤᠨ ᠪᠠᠢᠢᠭᠤᠯᠤᠯᠭᠠ ᠪᠤᠶᠤ United Nations Educational Scientific and Cultural Organization ᠍ ᠦᠨ 《ᠶᠠᠭᠠᠷᠠᠯᠲᠠᠢ ᠬᠠᠮᠠᠭᠠᠯᠠᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠰᠤᠶᠤᠯ ᠤᠨ ᠪᠡᠶᠡᠲᠦ ᠪᠤᠰᠤ ᠥᠪ ᠦᠨ ᠵᠢᠭ᠌ᠰᠠᠭᠠᠯᠲᠠ》 ᠍ ᠳᠥ ᠪᠦᠷᠢᠳᠬᠡᠭ᠍ᠰᠡᠨ ᠶᠤᠮ᠃ ᠮᠣᠩ᠋ᠭᠣᠯᠴᠤᠳ ᠡᠷᠲᠡᠨ ᠡᠴᠡ ᠨᠠᠭᠠᠰᠢ ᠲᠤᠤᠯᠢ ᠢᠢ ᠬᠦᠨᠳᠦᠯᠡᠨ ᠳᠡᠭᠡᠳᠦᠯᠡᠵᠦ᠂ ᠳᠠᠢᠢᠨ ᠲᠤᠯᠤᠭᠠᠨ᠂ ᠠᠩ ᠠᠪᠠ ᠳᠤ ᠮᠣᠷᠳᠠᠬᠤ᠂ ᠠᠭᠤᠯᠠ ᠤᠰᠤ ᠲᠠᠬᠢᠬᠤ ᠵᠡᠷᠭᠡ ᠢᠷᠭᠡᠨ ᠦ ᠪᠣᠯᠤᠭᠠᠳ ᠲᠥᠷᠥ ᠢᠢᠨ ᠶᠣᠰᠣᠯᠠᠯ ᠤᠨ ᠦᠶᠡ ᠳᠥ ᠲᠤᠤᠯᠢ ᠬᠠᠢᠢᠯᠠᠭᠤᠯᠵᠤ ᠢᠷᠡᠭᠰᠡᠨ ᠤᠯᠠᠮᠵᠢᠯᠠᠯ ᠲᠠᠢ᠃ ᠲᠤᠤᠯᠢ ᠬᠡᠯᠡᠭᠦᠯᠬᠦ ᠠᠢᠢᠯ ᠲᠤᠤᠯᠢᠴᠢ ᠢᠢᠨ ᠳᠤ ᠬᠡᠳᠦᠨ ᠡᠳᠦᠷ ᠦᠨ ᠡᠮᠦᠨᠡ ᠣᠴᠢᠵᠤ᠂ ᠬᠠᠳᠠᠭ ᠪᠠᠷᠢᠨ ᠵᠠᠯᠠᠯᠭᠠ ᠠᠢᠢᠯᠠᠳᠬᠠᠳᠠᠭ᠃ ᠲᠤᠤᠯᠢᠴᠢ ᠢᠢ ᠵᠠᠯᠠᠷᠠᠨ ᠢᠷᠡᠬᠦ ᠳᠥ ᠠᠢᠢᠯ ᠬᠣᠲᠠᠯᠠ ᠪᠠᠷ ᠢᠶᠠᠨ ᠴᠤᠭᠯᠠᠨ ᠬᠡᠳᠦᠨ ᠰᠥᠨᠢ ᠳᠠᠮᠨᠠᠨ ᠲᠤᠤᠯᠢ ᠰᠣᠨᠣᠰᠳᠠᠭ ᠪᠠᠢᠢᠪᠠ᠃ ᠲᠤᠤᠯᠢ ᠬᠠᠢᠢᠯᠠᠬᠤ ᠢᠢᠨ ᠡᠮᠦᠨᠡ ᠵᠠᠪᠠᠯ ᠠᠯᠲᠠᠢ ᠢᠢᠨ ᠮᠠᠭᠲᠠᠭᠠᠯ ᠬᠡᠯᠡᠵᠦ᠂ ᠠᠯᠲᠠᠢ ᠳᠡᠯᠡᠬᠡᠢ ᠪᠡᠨ ᠠᠷᠭᠠᠳᠠᠭᠠᠳ ᠰᠠᠶᠢ ᠲᠤᠤᠯᠢ ᠪᠠᠨ ᠬᠠᠢᠢᠯᠠᠵᠤ ᠡᠬᠢᠯᠡᠳᠡᠭ᠃ ᠭᠠᠩ ᠭᠠᠴᠢᠭ᠂ ᠵᠤᠳ ᠲᠤᠷᠬᠠᠨ᠂ ᠡᠪᠡᠳᠴᠢᠨ ᠵᠣᠪᠠᠯᠠᠩ᠂ ᠭᠠᠢ ᠪᠠᠷᠴᠠᠳ ᠲᠣᠬᠢᠶᠠᠯᠳᠣᠬᠤ ᠠᠪᠠᠰᠤ ᠠᠯᠲᠠᠢ ᠢᠢ ᠪᠠᠨ ᠮᠠᠭᠲᠠᠬᠤ ᠳᠤ ᠪᠦᠬᠦ ᠶᠠᠭᠤᠮᠠ ᠰᠠᠢᠢᠨ ᠰᠠᠢᠢᠬᠠᠨ ᠪᠣᠯᠳᠠᠭ ᠬᠡᠮᠡᠨ ᠲᠤᠤᠯᠢᠴᠢᠳ ᠦᠵᠡᠳᠡᠭ ᠪᠠᠢᠢᠵᠠᠢ᠃
ᠳᠠᠷᠠᠭᠠ ᠨᠢ ᠳᠠᠢᠢᠴᠢᠨ ᠸᠠᠩ ᠤᠨ ᠬᠣᠰᠢᠭᠤᠨ ᠤ ᠲᠤᠰᠯᠠᠬᠤ ᠲᠠᠢᠢᠵᠢ᠂ ᠲᠥᠷᠥ ᠢᠢᠨ ᠮᠡᠷᠭᠡᠨ ᠲᠦᠰᠢᠶᠡ ᠠᠰᠠᠨ ᠳᠠᠨᠳᠠᠷᠠᠳᠣᠷᠵᠢ ᠢᠢᠨ ᠦᠷᠡ ᠤᠳᠤᠮ᠂ ᠲᠤᠤᠯᠢᠴᠢ ᠳᠠᠨᠳᠠᠷᠳᠣᠷᠵᠢ ᠢᠢᠨ ᠥᠯᠵᠡᠢ᠂ ᠠᠯᠲᠠᠢ ᠢᠢᠨ ᠭᠠᠯ ᠳᠤ ᠪᠠᠭᠳᠠᠬᠤ ᠳᠥᠷᠪᠡ ᠳ᠋ᠡᠬᠢ ᠦᠶᠡ ᠢᠢᠨ ᠤᠳᠤᠮ ᠳᠠᠮᠵᠢᠭᠰᠠᠨ ᠲᠤᠤᠯᠢᠴᠢ ᠡᠷᠳᠡᠨᠢᠴᠣᠭᠲᠤ ᠢᠢᠨ ᠪᠠᠭᠠᠲᠤᠷᠵᠠᠪ᠂ ᠤᠷᠢᠶᠠᠩ᠋ᠬᠠᠢ ᠢᠢᠨ ᠠᠯᠳᠠᠷᠲᠤ ᠬᠥᠯᠭᠡᠨ ᠲᠤᠤᠯᠢᠴᠢ ᠵᠢᠯᠬᠡᠷ ᠦᠨ ᠤᠳᠤᠮ ᠤᠨ 9 ᠳ᠋ᠡᠬᠢ ᠦᠶᠡ ᠢᠢᠨ ᠲᠤᠤᠯᠢᠴᠢ ᠠᠪᠠᠷᠠᠮᠢᠳ ᠦᠨ ᠪᠠᠯᠳᠠᠨᠳᠣᠷᠵᠢ ᠨᠠᠷ ᠠᠯᠲᠠᠢ᠂ ᠬᠠᠩ᠋ᠭᠠᠢ ᠢᠢᠨ ᠮᠠᠭᠲᠠᠭᠠᠯ ᠢ ᠥᠪᠡᠷᠮᠢᠴᠡ ᠳᠢᠭ᠌ ᠦᠨ ᠳᠠᠭᠠᠭᠤ ᠰᠢᠭᠤᠳ ᠴᠡᠴᠡᠯᠡᠯᠲᠡ ᠪᠡᠷ ᠬᠠᠢᠢᠯᠠᠯᠠ᠃
ᠲᠤᠤᠯᠢᠴᠢᠳ ᠠᠯᠲᠠᠢ᠂ ᠬᠠᠩ᠋ᠭᠠᠢ ᠢᠢᠨ ᠮᠠᠭᠲᠠᠭᠠᠯ ᠢ ᠬᠠᠢᠢᠯᠠᠭᠰᠠᠨ ᠤ ᠳᠠᠷᠠᠭᠠ 《ᠮᠥᠩᠬᠡ ᠰᠠᠢᠢᠬᠠᠨ ᠲᠥᠷᠥᠳᠥ ᠠᠯᠲᠠᠨ ᠲᠣᠷᠴᠠ》 ᠲᠤᠤᠯᠢ ᠢᠢ ᠬᠠᠢᠢᠯᠠᠪᠠ᠃
《ᠮᠥᠩᠬᠡ ᠰᠠᠢᠢᠬᠠᠨ ᠲᠥᠷᠥᠳᠥ ᠠᠯᠲᠠᠨ ᠲᠣᠷᠴᠠ》 ᠲᠤᠤᠯᠢ ᠢᠢᠨ ᠲᠣᠪᠴᠢ ᠠᠭᠤᠯᠭᠠ᠄
ᠳᠡᠭᠡᠳᠦ ᠲᠩᠷᠢ ᠡᠴᠡ ᠨᠢᠭᠡᠨ ᠪᠠᠭᠠᠲᠤᠷ ᠬᠦᠦ ᠢᠷᠡᠵᠦ ᠬᠠᠭᠠᠨ ᠴᠢᠩ᠋ᠭᠢᠯ ᠦᠨ ᠳᠥ ᠬᠦᠦ ᠪᠣᠯᠤᠨ ᠮᠡᠨᠳᠦᠯᠡᠭᠡᠳ ᠭᠤᠷᠪᠠᠨ ᠨᠠᠰᠤ ᠬᠦᠷᠬᠦ ᠳᠥ ᠠᠭᠤᠯᠠᠨ ᠳᠤ ᠠᠮᠢᠳᠤᠷᠠᠳᠠᠭ ᠢᠷᠦᠭᠡᠯᠴᠢ ᠴᠠᠭᠠᠨ ᠡᠪᠦᠭᠡᠨ ᠢᠷᠡᠵᠦ᠄ ᠬᠦᠮᠢᠨᠠᠢ /ᠬᠦᠮᠦᠨ ᠦ ᠴᠢᠮᠡᠭ ᠬᠦᠷᠡᠩ ᠬᠠᠯᠵᠠᠨ ᠮᠣᠷᠢ ᠲᠠᠢ ᠠᠷᠪᠠᠨ ᠣᠷᠣᠨ ᠤ ᠠᠯᠲᠠᠨ ᠲᠣᠷᠴᠠ ᠪᠠᠭᠠᠲᠤᠷ ᠪᠣᠯ ᠭᠡᠵᠦ ᠢᠷᠦᠭᠡᠪᠡ᠃ ᠨᠠᠢᠢᠷ ᠤᠨ ᠳᠤᠮᠳᠠ ᠠᠯᠲᠠᠨ ᠲᠣᠷᠴᠠ ᠪᠠᠭᠠᠲᠤᠷ ᠬᠡᠢ ᠬᠦᠯᠦᠭᠡᠨ ᠡᠮᠡᠭᠡᠯᠯᠡᠵᠦ ᠥᠪᠡᠷ ᠦᠨ ᠪᠡᠶᠡ ᠢᠢᠨ ᠢᠳᠡ ᠪᠠᠭᠤᠷᠠᠭᠠ ᠦᠭᠡᠢ ᠪᠠᠢᠢᠬᠤ ᠳᠤ ᠠᠯᠲᠠᠨ ᠵᠠᠮ ᠢᠶᠠᠨ ᠵᠢᠭᠠᠯᠭᠠᠵᠤ ᠬᠣᠯᠠ ᠢᠢᠨ ᠵᠠᠮ ᠳᠤ ᠭᠠᠷᠤᠶᠠ᠂ ᠲᠣᠯᠣᠭᠠᠢ ᠮᠢᠨᠢ ᠡᠷᠦᠬᠡ ᠪᠡᠷ ᠭᠠᠷᠤᠯᠠ ᠬᠠᠭᠠᠨ ᠠᠪᠤ᠂ ᠬᠠᠲᠤᠨ ᠡᠵᠢ ᠮᠢᠨᠢ ᠨᠠᠢᠢᠷ ᠢᠶᠠᠨ ᠲᠠᠰᠤᠯᠤᠯ ᠦᠭᠡᠢ ᠪᠠᠢᠢᠵᠤ ᠪᠠᠢᠢᠭᠲᠤᠨ ᠭᠡᠬᠦ ᠳᠥ ᠬᠠᠭᠠᠨ ᠴᠢᠩ᠋ᠭᠢᠯ ᠬᠦᠦ ᠳᠥ ᠪᠡᠨ ᠳᠠᠭᠢᠨᠢ ᠪᠡᠷᠢ ᠢᠢ ᠨᠢ ᠵᠢᠭᠠᠵᠤ ᠥᠭ᠍ᠭᠦᠨᠡ᠃
ᠠᠯᠲᠠᠨ ᠲᠣᠷᠴᠠ ᠪᠠᠭᠠᠲᠤᠷ ᠬᠠᠶᠠᠨ ᠲᠣᠷᠣᠯᠵᠢ ᠮᠣᠷᠳᠠᠭᠠᠳ ᠬᠦᠯᠦᠭ ᠮᠣᠷᠢᠨ ᠤ ᠪᠠᠨ ᠬᠤᠷᠳᠤ ᠪᠠᠷ ᠶᠠᠪᠤᠵᠤ ᠪᠠᠢᠢᠲᠠᠯᠠ ᠬᠦᠯᠦᠭ ᠮᠣᠷᠢ ᠵᠣᠭ ᠲᠤᠰᠴᠤ ᠤᠴᠢᠷ ᠢ ᠨᠢ ᠠᠰᠠᠭᠤᠪᠠᠯ᠂ ᠬᠡᠯᠡ ᠲᠡᠢ ᠬᠦᠮᠦᠨ ᠬᠡᠯᠡᠬᠦ ᠪᠡᠷ ᠬᠡᠴᠡᠭᠦᠦ ᠪᠣᠯᠤᠨ ᠬᠡᠳᠡᠷ᠂ ᠬᠠᠲᠠᠭᠤ ᠪᠣᠯᠤᠭᠠᠳ ᠬᠠᠵᠢᠷ ᠳᠠᠢᠢᠰᠤᠨ ᠬᠦᠯᠢᠶᠡᠵᠦ ᠪᠠᠢᠢᠨᠠ᠃ ᠬᠦᠴᠦᠲᠦ ᠴᠣᠬᠣᠷ ᠪᠠᠷᠰ᠂ ᠬᠦᠷᠡᠩ ᠤᠯᠠᠭᠠᠨ ᠪᠦᠷᠭᠦᠳ᠂ ᠬᠠᠪᠤᠲᠤ ᠬᠠᠷᠠ ᠨᠣᠬᠠᠢ᠂ ᠬᠠᠴᠢᠷᠴᠢ ᠤᠷᠠᠳᠠᠭ ᠬᠠᠮᠠᠷ ᠢᠶᠠᠷ ᠢᠶᠠᠨ ᠰᠢᠪᠠᠳᠠᠳᠠᠭ ᠬᠥᠬᠡ ᠵᠢᠭᠠᠨ᠂ ᠴᠠᠷᠠ ᠢᠢᠨ ᠴᠢᠨᠡᠭᠡ ᠭᠡᠳᠡᠰᠦ ᠲᠡᠢ ᠴᠠᠷᠴᠠᠭᠠᠨ ᠴᠢᠨᠡᠭᠡ ᠭᠤᠶᠠ ᠲᠠᠢ᠂ ᠵᠡᠭᠡᠷᠡᠨ ᠰᠢᠯᠪᠢ ᠲᠠᠢ᠂ ᠵᠡᠰ ᠬᠣᠩᠰᠢᠶᠠᠷᠲᠠᠢ ᠨᠢᠳᠦᠨ ᠳᠥ ᠪᠡᠨ ᠦᠵᠡᠭᠳᠡᠭᠰᠡᠨ ᠢ ᠣᠷᠣ ᠦᠭᠡᠢ ᠬᠢᠳᠡᠭ ᠵᠡᠭᠴᠡ ᠭᠢᠯᠠᠢ ᠢᠢᠨ ᠡᠮᠡᠭᠡᠨ ᠲᠠᠪᠤ ᠢᠢ ᠶᠠᠪᠤᠭᠤᠯᠵᠤ ᠠᠷᠤ ᠠᠴᠠ ᠨᠢ ᠬᠠᠵᠢᠷ ᠬᠠᠲᠠᠭᠤ᠂ ᠬᠡᠴᠡᠭᠦᠦ ᠬᠡᠷᠴᠡᠭᠡᠢ ᠬᠣᠶᠠᠷ ᠵᠠᠭᠤᠨ ᠲᠠᠪᠢᠨ ᠲᠣᠯᠣᠭᠠᠢ ᠲᠠᠢ ᠬᠣᠲᠣᠭᠣᠷ ᠬᠠᠷᠠ ᠮᠠᠩ᠋ᠭᠤᠰ ᠵᠠᠭᠤᠨ ᠠᠭᠤᠯᠠ ᠢᠢᠨ ᠳᠤᠮᠳᠠᠭᠤᠷ ᠲᠣᠭᠣᠰᠣ ᠲᠠᠲᠠᠭᠤᠯᠤᠭᠠᠳ ᠢᠷᠡᠵᠦ ᠶᠠᠪᠤᠭᠠ ᠢᠢ ᠮᠡᠳᠡᠭᠡᠯᠡᠪᠡ᠃ ᠠᠷᠪᠠᠨ ᠣᠷᠣᠨ ᠤ ᠠᠯᠲᠠᠨ ᠲᠣᠷᠴᠠ ᠡᠷᠡ ᠢᠢᠨ ᠰᠠᠢᠢᠨ ᠢᠶᠠᠷ ᠬᠠᠲᠠᠭᠤ ᠬᠡᠴᠡᠭᠦᠦ ᠳᠠᠢᠢᠰᠤᠨ ᠨᠤᠭᠤᠳ ᠢ ᠡᠭᠡᠯᠵᠢ ᠳᠠᠷᠠᠭᠠᠯᠠᠨ ᠠᠷᠭᠠ ᠤᠬᠠᠭᠠᠨ ᠵᠠᠷᠤᠵᠤ ᠢᠯᠠᠨᠠ᠃
ᠬᠦᠯᠦᠭ ᠰᠠᠢᠢᠨ ᠮᠣᠷᠢ ᠨᠢ ᠲᠡᠭᠦᠨ ᠳᠥ ᠬᠠᠮᠵᠢᠨ ᠲᠠᠪᠤᠨ ᠤᠭᠲᠤᠯᠭᠠᠳᠤ ᠳᠠᠢᠢᠰᠤᠨ ᠢ ᠳᠠᠷᠤᠵᠤ ᠤᠰᠠᠳᠬᠠᠭᠠᠳ ᠴᠠᠭᠠᠰᠢ ᠪᠠᠨ ᠶᠠᠪᠤᠵᠤ ᠬᠣᠶᠠᠷ ᠵᠠᠭᠤᠨ ᠲᠠᠪᠢᠨ ᠲᠣᠯᠣᠭᠠᠢ ᠲᠠᠢ ᠬᠦᠴᠦᠲᠦ ᠬᠠᠷᠠ ᠮᠠᠩ᠋ᠭᠤᠰ ᠢ ᠤᠳᠤᠲᠠᠯᠠ ᠲᠡᠮᠡᠴᠡᠯᠳᠦᠨ ᠢᠯᠠᠵᠤ ᠬᠦᠯᠦᠭ ᠡᠵᠡᠨ ᠬᠣᠶᠠᠷ ᠳᠠᠢᠢᠴᠢᠨ ᠲᠩᠷᠢ ᠪᠡᠨ ᠲᠠᠬᠢᠵᠤ ᠮᠠᠩ᠋ᠭᠤᠰ ᠤᠨ ᠭᠡᠳᠡᠰᠦᠨ ᠡᠴᠡ ᠭᠠᠷᠤᠭᠰᠠᠨ ᠣᠯᠠᠨ ᠦᠨᠳᠦᠰᠦ ᠶᠠᠰᠤᠲᠠᠨ ᠰᠠᠢᠢᠨ ᠡᠷᠡᠴᠦᠦᠯ ᠳᠥ ᠬᠤᠪᠢᠶᠠᠵᠤ ᠥᠭ᠍ᠭᠦᠭᠡᠳ᠂ ᠴᠠᠭᠠᠰᠢ ᠪᠠᠨ ᠶᠠᠪᠤᠵᠤ ᠴᠠᠰᠤᠲᠤ ᠨᠢᠷᠤᠭᠤ ᠪᠠᠷ ᠭᠦᠶᠦᠯᠭᠡᠨ᠂ ᠴᠠᠯᠭᠢᠶᠠᠳᠤ ᠲᠡᠩ᠋ᠭᠢᠰ ᠦᠨ ᠬᠠᠶᠠᠭᠠ ᠪᠠᠷ ᠶᠠᠪᠤᠵᠤ ᠠᠶᠤᠰᠢ ᠦᠭᠡᠢ ᠵᠢᠷᠦᠬᠡ ᠲᠡᠢ ᠠᠪᠠᠷᠠᠰᠢ ᠦᠭᠡᠢ ᠰᠡᠳᠬᠢᠯ ᠲᠡᠢ᠂ ᠠᠷᠤ ᠠᠭᠤᠷᠠᠯᠲᠠ ᠠᠭᠤᠯᠠ ᠨᠤᠲᠤᠭ ᠲᠠᠢ ᠠᠷᠪᠠᠨ ᠮᠤᠵᠢ ᠠᠯᠪᠠᠲᠤ ᠲᠠᠢ ᠠᠯᠲᠠᠨ ᠪᠠᠭᠠᠲᠤᠷ ᠲᠠᠢ ᠲᠠᠭᠠᠷᠠᠯᠳᠤᠵᠤ ᠲᠤᠯᠤᠯᠳᠤᠭᠠᠳ ᠠᠯᠲᠠᠨ ᠲᠣᠷᠴᠠ ᠢᠯᠠᠵᠤ ᠠᠯᠠᠬᠤ ᠭᠡᠵᠦ ᠪᠠᠢᠢᠲᠠᠯᠠ ᠮᠣᠷᠢᠨ ᠤ ᠪᠠᠨ ᠵᠥᠪᠯᠡᠭᠰᠡᠨ ᠢᠶᠡᠷ ᠪᠣᠯᠢᠵᠤ ᠲᠡᠷᠡ ᠬᠣᠶᠠᠷ ᠠᠬᠠ ᠳᠡᠭᠦᠦ ᠪᠣᠯᠪᠠ᠃ ᠬᠣᠶᠠᠷ ᠪᠠᠭᠠᠲᠤᠷ ᠵᠢᠰᠦ ᠪᠡᠨ ᠢᠵᠢᠯᠢᠰᠡᠭᠦᠯᠵᠦ ᠠᠯᠲᠠᠨᠪᠠᠭᠠᠲᠤᠷ ᠤᠨ ᠥᠷᠭᠦᠭᠡᠨ ᠳᠥ ᠣᠴᠢᠵᠤ ᠨᠠᠢᠢᠷ ᠬᠢᠭᠡᠳ ᠠᠯᠲᠠᠨ ᠲᠣᠷᠴᠠ ᠴᠠᠭᠠᠰᠢ ᠪᠠᠨ ᠶᠠᠪᠤᠯᠠ᠃ ᠰᠠᠢᠢᠯᠤᠤᠷ ᠮᠥᠩ᠋ᠭᠥᠨ ᠭᠠᠳᠠᠷᠠ ᠳᠠᠯᠠᠢ ᠢᠢᠨ ᠨᠠᠭᠠᠨᠠ ᠴᠢᠮᠡᠭᠲᠦ ᠰᠠᠷᠠᠳᠤ ᠠᠯᠪᠠᠨ ᠠᠭᠤᠯᠠ ᠪᠠᠷ ᠨᠤᠲᠤᠭ ᠲᠠᠢ᠂ ᠰᠠᠶᠠᠲᠤ ᠬᠠᠭᠠᠨ ᠤ ᠥᠷᠭᠦᠭᠡᠨ ᠳᠥ ᠬᠦᠷᠦᠪᠡᠯ ᠳᠠᠭᠢᠨᠢ ᠢᠢ ᠨᠢ ᠮᠥᠨ ᠵᠠᠯᠠᠬᠤ ᠪᠠᠷ ᠨᠢᠭᠡᠨ ᠰᠠᠢᠢᠨ ᠡᠷᠡ ᠪᠣᠯᠬᠤ ᠢᠳᠡᠷ ᠬᠠᠪᠤᠲᠤ ᠪᠠᠭᠠᠲᠤᠷ ᠰᠠᠭᠤᠵᠤ ᠲᠠᠭᠠᠷᠠᠯᠳᠤᠨᠠ᠃
ᠲᠡᠭᠡᠭᠡᠳ ᠬᠣᠶᠠᠷ ᠰᠠᠢᠢᠨ ᠪᠠᠭᠠᠲᠤᠷ ᠮᠥᠷᠥᠢᠴᠡᠵᠦ ᠠᠯᠲᠠᠨ ᠲᠣᠷᠴᠠ ᠮᠥᠷᠥᠢ ᠪᠡᠨ ᠠᠪᠴᠤ ᠰᠠᠢᠢᠬᠠᠨ ᠰᠠᠷᠠᠨ ᠤ ᠠᠯᠲᠠᠨ ᠰᠢᠯ ᠥᠷᠭᠦᠭᠡᠨ ᠳᠥ ᠰᠠᠲᠤᠨ ᠶᠣᠰᠣᠭᠠᠷ ᠨᠢ ᠳᠠᠭᠢᠨᠢ ᠪᠠᠨ ᠵᠠᠯᠠᠵᠤ ᠠᠢᠢᠷᠠᠭ ᠴᠠᠭᠠᠨ ᠤ ᠰᠠᠪᠠ ᠠᠷᠬᠠᠳ᠂ ᠠᠳᠤᠭᠤᠨ ᠤ ᠠᠬᠠᠯᠠᠭᠠᠴᠢ ᠠᠵᠢᠷᠭᠠ᠂ ᠲᠡᠮᠡᠭᠡᠨ ᠦ ᠠᠬᠠᠯᠠᠭᠠᠴᠢ ᠬᠠᠷᠠ ᠪᠤᠤᠷᠠ ᠭᠤᠷᠪᠠ ᠢᠢ ᠨᠢ ᠠᠪᠴᠤ ᠳᠠᠭᠢᠨᠢ ᠪᠡᠷᠢ ᠪᠡᠨ ᠵᠠᠯᠠᠨᠠ᠃ ᠠᠯᠲᠠᠨ ᠲᠣᠷᠴᠠ ᠪᠠᠭᠠᠲᠤᠷ ᠲᠡᠭᠦᠨ ᠦ ᠳᠠᠭᠢᠨᠢ ᠬᠣᠶᠠᠷ ᠲᠤ ᠵᠣᠷᠢᠭᠤᠯᠵᠤ ᠨᠢᠭᠡᠨ ᠶᠡᠬᠡ ᠬᠠᠭᠠᠨ ᠨᠠᠢᠢᠷ ᠬᠤᠷᠢᠮ ᠢ ᠬᠢᠨᠡ᠃ ᠨᠠᠢᠢᠷ ᠤᠨ ᠳᠤᠮᠳᠠ ᠠᠯᠲᠠᠢ ᠴᠢᠩ᠋ᠭᠢᠯ ᠪᠠᠭᠠᠲᠤᠷ ᠶᠡᠬᠡ ᠢᠷᠦᠭᠡᠯ ᠢᠶᠡᠨ ᠪᠠᠭᠤᠯᠭᠠᠬᠤ ᠳᠤ᠂ ᠳᠡᠭᠡᠳᠦ ᠣᠭᠲᠠᠷᠭᠤᠢ ᠢᠢᠨ ᠶᠡᠬᠡ ᠵᠠᠶᠠᠭᠠᠴᠢ ᠳᠤ ᠬᠠᠯᠢᠶᠠᠭᠳᠠᠵᠤ᠂ ᠡᠷᠦᠬᠡ ᠪᠡᠷ 18 ᠥᠩ᠋ᠭᠡ ᠢᠢᠨ ᠰᠣᠯᠣᠩ᠋ᠭᠠ ᠲᠠᠲᠠᠬᠤ ᠳᠤ ᠳᠡᠭᠡᠳᠦ ᠢᠬᠡᠷᠡᠯᠭᠡ ᠢᠢᠨ ᠨᠢᠭᠡᠨ ᠴᠠᠭᠠᠨ ᠠᠢᠢᠳᠠᠭᠠ /ᠡᠭᠦᠳᠬᠡᠭ᠍ᠴᠢ/ ᠲᠠᠰᠢᠷ ᠨᠣᠭᠣᠭᠠᠨ ᠠᠭᠤᠯᠠᠨ ᠳᠡᠭᠡᠷᠡ ᠳᠡᠭᠡᠳᠦ ᠣᠭᠲᠠᠷᠭᠤᠢ ᠠᠴᠠ ᠪᠠᠭᠤᠵᠤ ᠢᠷᠡᠵᠦ ᠬᠠᠷᠠᠭᠳᠠᠨ ᠭᠠᠯᠠᠩ ᠰᠡᠩᠲᠡᠢ ᠳᠡᠭᠡᠷᠡ ᠰᠠᠭᠤᠵᠤ ᠬᠠᠷᠠᠭᠳᠠᠬᠤ ᠳᠤ ᠬᠠᠮᠤᠭ ᠣᠯᠠᠨ ᠬᠤᠷᠤᠢᠢᠯᠠᠵᠤ᠂ ᠢᠳᠡᠷ ᠵᠠᠯᠠᠭᠤ ᠠᠯᠲᠠᠨ ᠲᠣᠷᠴᠠ ᠪᠠᠭᠠᠲᠤᠷ ᠭᠤᠷᠪᠠᠨ ᠶᠡᠬᠡ ᠲᠣᠮᠣ ᠠᠨᠳᠠᠭᠠᠢ ᠲᠠᠯᠪᠢᠨᠠ᠃
ᠳᠡᠭᠡᠳᠦ ᠶᠡᠬᠡ ᠵᠠᠶᠠᠭᠠᠴᠢ ᠠᠢᠢᠳᠠᠭᠠ ᠲᠡᠨᠳᠡ ᠴᠢᠭᠤᠯᠤᠭᠰᠠᠨ ᠬᠦᠮᠦᠰ ᠲᠥ ᠳᠡᠭᠡᠳᠦ ᠣᠭᠲᠠᠷᠭᠤᠢ ᠢᠢᠨ ᠠᠮᠫᠠᠩ᠋ᠭᠠ ᠪᠡᠯᠡᠭᠯᠡᠬᠦ ᠳᠥ ᠲᠡᠷᠡ ᠬᠦᠮᠦᠰ ᠪᠥᠭᠥᠳᠡᠭᠡᠷ ᠣᠶᠤᠨᠳᠤ ᠬᠡᠯᠡ ᠪᠡᠷ ᠶᠠᠷᠢᠯᠴᠠᠵᠤ ᠳᠡᠭᠡᠳᠦ ᠢᠬᠡᠷᠡᠯᠭᠡ ᠢᠢᠨ ᠰᠣᠷ ᠰᠦᠷᠲᠦ ᠬᠠᠰ ᠬᠠᠢᠢᠷᠬᠠᠨ ᠢ ᠬᠠᠷᠠᠵᠤ᠂ ᠭᠤᠷᠪᠠᠨ ᠶᠢᠷᠲᠢᠨᠴᠦ ᠢᠢᠨ ᠳᠠᠯᠳᠠ ᠤᠴᠢᠷ ᠢ ᠮᠡᠳᠡᠬᠦ ᠳᠥ ᠶᠡᠬᠡ ᠠᠢᠢᠳᠠᠭᠠ ᠬᠣᠯᠠ ᠢᠢᠨ ᠣᠳᠣᠨ ᠳᠤ ᠪᠠᠨ ᠪᠤᠴᠠᠨᠠ᠃ ᠠᠯᠲᠠᠨ ᠲᠣᠷᠴᠠ ᠡᠨᠡ ᠠᠯᠲᠠᠨ ᠨᠠᠷᠠᠲᠤ ᠳᠤ ᠭᠤᠷᠪᠠᠨ ᠶᠡᠬᠡ ᠰᠠᠢᠢᠨ ᠦᠢᠯᠡ ᠪᠡᠨ ᠪᠦᠲᠦᠭᠡᠵᠦ ᠭᠠᠯᠲᠤ ᠳᠡᠭᠦᠯᠡᠭᠦᠷ ᠣᠳᠣᠨ ᠤ ᠨᠤᠲᠤᠭ ᠲᠤ ᠣᠴᠢᠵᠤ ᠠᠯᠲᠠᠨ ᠤᠨᠳᠤᠷᠭᠠ ᠠᠴᠠ ᠬᠢᠮᠠ ᠨᠡᠮᠡᠵᠦ ᠢᠷᠡᠭᠡᠳ ᠶᠡᠬᠡ ᠢᠷᠦᠭᠡᠯ ᠪᠠᠭᠤᠯᠭᠠᠨ ᠠᠯᠲᠠᠨ ᠨᠠᠷᠠ ᠲᠠᠢ ᠭᠤᠷᠪᠠᠨ ᠪᠤᠮᠠᠨ ᠵᠢᠯ ᠦᠨ ᠵᠤᠨ ᠠᠪᠴᠢᠷᠠᠵᠤ ᠬᠠᠳᠠ ᠮᠡᠲᠦ ᠰᠠᠭᠤᠷᠢ ᠲᠠᠢ ᠮᠥᠩᠬᠡ ᠰᠠᠢᠢᠬᠠᠨ ᠲᠥᠷᠥ ᠪᠡᠨ ᠪᠠᠢᠢᠭᠤᠯᠵᠤ ᠪᠤᠷ ᠪᠤᠷ ᠬᠤᠷᠠ ᠲᠠᠢ ᠰᠡᠷ ᠰᠡᠷ ᠰᠠᠯᠬᠢ ᠲᠠᠢ ᠠᠮᠤᠷ ᠮᠥᠩᠬᠡ ᠢᠢᠨ ᠪᠦᠷᠭᠢᠯᠳᠡᠭᠦᠦ ᠢᠢᠨ ᠬᠦᠰᠡᠮᠵᠢᠲᠦ ᠣᠷᠣᠨ ᠢᠶᠠᠨ ᠪᠠᠢᠢᠭᠤᠯᠵᠤ ᠮᠠᠨᠳᠤᠭᠤᠯᠤᠨ ᠣᠶᠤᠨ ᠳᠤ ᠤᠬᠠᠭᠠᠷᠠᠯ ᠳᠤ ᠮᠠᠨᠳᠤᠯ ᠤᠨ ᠶᠣᠰᠣᠨ ᠢ ᠲᠣᠭᠲᠠᠭᠠᠵᠤ ᠠᠮᠤᠷ ᠰᠠᠢᠢᠬᠠᠨ ᠣᠷᠣᠰᠢᠨᠠ᠃
