ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠵᠡᠷᠯᠢᠭ᠋ ᠢᠢᠠᠷ ᠵᠢᠯ ᠪᠦᠷᠢ ᠤᠯᠠᠮᠵᠢᠯᠠᠯ ᠪᠣᠯᠭᠠᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠳᠠᠭ ᠦᠨᠳᠦᠰᠦᠨ ᠦ ᠪᠢᠴᠢᠭ᠌ ᠦᠰᠦᠭ ᠦᠨ ᠪᠠᠶᠠᠷ ᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠥᠨᠥᠳᠥᠷ ᠲᠥᠷᠥ ᠢᠢᠨ ᠣᠷᠳᠣᠨ ᠤ ᠮᠣᠩ᠋ᠭᠣᠯ ᠲᠥᠷᠥ ᠢᠢᠨ ᠲᠡᠦᠬᠡ ᠢᠢᠨ ᠮᠦᠽᠧᠢ ᠳᠥ 《ᠴᠢᠯᠠᠭᠤᠨ ᠱᠠᠰᠲᠢᠷ-2019》 ᠦᠵᠡᠰᠬᠦᠯᠡᠩ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠯᠡ᠃
ᠥᠩᠭᠡᠷᠡᠭᠰᠡᠨ ᠵᠢᠯ ᠲᠤᠰ ᠮᠦᠽᠧᠢ ᠳᠥ ᠮᠣᠩ᠋ᠭᠣᠯ ᠤᠨ ᠶᠡᠬᠡ ᠬᠠᠭᠠᠳ ᠭᠠᠳᠠᠭᠠᠳᠤ ᠤᠯᠤᠰ ᠤᠨ ᠬᠠᠭᠠᠳ ᠲᠤ ᠢᠯᠡᠭᠡᠵᠦ ᠪᠠᠢᠢᠭᠰᠠᠨ ᠵᠠᠬᠢᠳᠠᠯ ᠤᠨ ᠬᠠᠭᠤᠯᠪᠤᠷᠢ ᠨᠤᠭᠤᠳ ᠤᠨ ᠳᠡᠯᠭᠡᠨ ᠦᠵᠡᠭᠦᠯᠵᠦ ᠪᠠᠢᠢᠭᠰᠠᠨ ᠪᠣᠯ ᠥᠨᠥ ᠵᠢᠯ ᠤᠷᠠᠯᠢᠭ ᠰᠤᠳᠤᠯᠤᠭᠠᠴᠢ᠂ ᠤᠷᠠᠨ ᠪᠢᠴᠢᠭ᠌ᠡᠴᠢ ᠡ᠊ ∙ ᠠᠷᠢᠭᠤᠨᠪᠣᠯᠤᠳ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠠᠺᠠᠳᠧᠮᠢ ᠢᠢᠨ ᠠᠷᠬᠧᠣᠯᠣᠭᠢ ᠢᠢᠨ ᠬᠦᠷᠢᠶᠡᠯᠡᠩ ᠦᠨ ᠡᠷᠳᠡᠮᠲᠡᠳ᠂ 《ᠰᠡᠮᠡᠭᠦᠨ》 ᠰᠲ᠋ᠦ᠋ᠳᠢ ᠲᠡᠢ ᠬᠠᠮᠲᠤᠷᠠᠨ 《ᠴᠢᠯᠠᠭᠤᠨ ᠱᠠᠰᠲᠢᠷ》 ᠨᠡᠷᠡ ᠲᠡᠢ ᠦᠵᠡᠰᠬᠦᠯᠡᠩ ᠢ ᠡᠨᠡ ᠰᠠᠷᠠ ᠢᠢᠨ 7 ᠤ ᠡᠳᠦᠷ ᠢ ᠬᠦᠷᠲᠡᠯᠡ ᠳᠡᠯᠭᠡᠵᠦ ᠪᠠᠢᠢᠨᠠ᠃
ᠦᠵᠡᠰᠬᠦᠯᠡᠩ ᠢ ᠨᠡᠭᠡᠭᠡᠵᠦ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ᠄
ᠠᠮᠤᠭᠤᠯᠠᠩ ᠪᠠᠢᠢᠵᠠᠭᠠᠨᠠ ᠤᠤ︖
ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠲᠠ ᠪᠦᠬᠦᠨ ᠳᠥ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠵᠦ᠂ ᠵᠢᠯ ᠪᠦᠷᠢ ᠢᠢᠨ ᠲᠠᠪᠤᠳᠤᠭᠠᠷ ᠰᠠᠷᠠ ᠢᠢᠨ ᠡᠬᠢᠨ ᠦ ᠳᠣᠯᠣᠭᠠ ᠬᠣᠨᠣᠭ ᠲᠤ ᠲᠡᠮᠳᠡᠭᠯᠡᠳᠡᠭ ᠦᠨᠳᠦᠰᠦᠨ ᠦ ᠪᠢᠴᠢᠭ᠌ ᠦᠰᠦᠭ ᠦᠨ ᠪᠠᠶᠠᠷ ᠤᠨ ᠮᠡᠨᠳᠦ ᠢᠢ ᠳᠡᠪᠰᠢᠭᠦᠯᠦᠶᠡ᠃
ᠪᠢᠴᠢᠭ᠌ ᠦᠰᠦᠭ ᠪᠣᠯ ᠦᠨᠳᠦᠰᠦᠲᠡᠨ ᠦ ᠲᠡᠦᠬᠡ᠂ ᠥᠪ ᠰᠤᠶᠤᠯ ᠢ ᠦᠶᠡ ᠡᠴᠠ ᠦᠶᠡ ᠳᠥ ᠳᠠᠮᠵᠢᠭᠤᠯᠤᠭᠴᠢ᠂ ᠲᠡᠭᠡᠭᠡᠭᠴᠢ ᠨᠢ ᠪᠥᠭᠡᠳ ᠰᠡᠳᠬᠢᠯᠭᠡᠨ ᠦ ᠴᠠᠷ ᠬᠦᠷᠢᠶᠡ᠂ ᠴᠢᠳᠠᠪᠤᠷᠢ ᠢᠢ ᠢᠯᠡᠳᠬᠡᠨ ᠬᠠᠷᠠᠭᠤᠯᠳᠠᠭ ᠭᠠᠢᠢᠬᠠᠮᠰᠢᠭᠲᠤ ᠳᠤᠷᠠᠰᠬᠠᠯ ᠤᠳ ᠪᠢᠯᠡ᠃
ᠨᠡᠢᠢᠲᠡ ᠢᠢᠨ ᠲᠣᠭᠠᠯᠠᠯ ᠠᠴᠠ ᠡᠮᠦᠨᠡᠬᠢ 25 ᠮᠢᠩ᠋ᠭᠠᠨ ᠵᠢᠯ ᠦᠨ ᠲᠡᠷᠲᠡᠭᠡ ᠡᠴᠡ ᠬᠦᠮᠦᠰ ᠬᠠᠳᠠ᠂ ᠴᠢᠯᠠᠭᠤᠨ ᠳᠡᠭᠡᠷᠡ ᠵᠢᠷᠤᠭ ᠮᠡᠳᠡᠭᠡᠯᠡᠯ ᠦᠯᠡᠳᠡᠭᠡᠭ᠍ᠰᠡᠨ ᠨᠢ ᠤᠷᠠᠯᠢᠭ ᠤᠨ ᠰᠣᠨᠢᠷᠬᠠᠯᠲᠠᠢ ᠪᠠᠷᠢᠮᠲᠠ ᠲᠡᠳᠦᠢ ᠦᠭᠡᠢ ᠪᠢᠴᠢᠭ᠌ ᠦᠰᠦᠭ ᠦᠨ ᠲᠡᠦᠬᠡ ᠢᠢᠨ ᠡᠬᠢᠯᠡᠯ ᠶᠤᠮ᠃ ᠪᠢᠴᠢᠭ᠌ ᠦᠰᠦᠭ ᠨᠢ ᠵᠢᠷᠤᠭ ᠪᠢᠴᠢᠭ᠌᠂ ᠤᠳᠬᠠ ᠪᠢᠴᠢᠭ᠌᠂ ᠠᠪᠢᠶᠠᠨ ᠤ ᠪᠢᠴᠢᠭ᠌ ᠵᠡᠷᠭᠡ ᠲᠡᠦᠬᠡᠨ ᠦᠶᠡ᠂ ᠬᠡᠯᠪᠡᠷᠢ ᠢ ᠳᠠᠮᠵᠢᠭᠰᠠᠨ ᠪᠠᠢᠢᠨᠠ᠃
ᠮᠣᠩ᠋ᠭᠣᠯ ᠨᠤᠲᠤᠭ ᠠᠴᠠ ᠪᠢᠴᠢᠭ᠌ ᠦᠰᠦᠭ ᠦᠨ ᠪᠦᠬᠦᠢ ᠯᠠ ᠬᠡᠯᠪᠡᠷᠢ᠂ ᠳᠤᠷᠠᠰᠬᠠᠯ ᠤᠳ ᠠᠷᠪᠢᠨ ᠣᠯᠳᠠᠳᠠᠭ᠃ ᠮᠠᠨ ᠤ ᠨᠤᠲᠤᠭ ᠳᠡᠪᠢᠰᠬᠡᠷ ᠳᠡᠭᠡᠷᠡ 4230 ᠬᠥᠰᠢᠶᠡ ᠴᠢᠯᠠᠭᠤ᠂ 6796 ᠬᠠᠳᠠᠨ ᠤ ᠵᠢᠷᠤᠭ᠂ ᠪᠢᠴᠢᠭ᠌ ᠦᠨ ᠳᠤᠷᠠᠰᠬᠠᠯ ᠪᠦᠷᠢᠳᠬᠡᠭ᠍ᠳᠡᠭᠰᠡᠨ ᠦ ᠶᠡᠬᠡᠩᠬᠢ ᠨᠢ ᠪᠠᠢᠢᠭᠠᠯᠢ᠂ ᠨᠡᠢᠢᠭᠡᠮ ᠤᠨ ᠲᠡᠷᠡ ᠳᠤᠮᠳᠠ ᠪᠠᠨ ᠬᠦᠮᠦᠨ ᠦ ᠬᠦᠴᠦᠨ ᠵᠦᠢᠯ ᠦᠨ ᠨᠥᠯᠥᠭᠡ ᠪᠡᠷ ᠶᠡᠬᠡ ᠪᠠᠭᠠ ᠬᠡᠮᠵᠢᠶᠡ ᠪᠡᠷ ᠡᠪᠳᠡᠷᠡᠵᠦ ᠭᠡᠮᠲᠦᠭᠰᠡᠨ ᠭᠡᠰᠡᠨ ᠦᠵᠡᠯᠭᠡ ᠲᠣᠭᠠᠯᠠᠯᠭᠠ ᠢᠢᠨ ᠳ᠋ᠦᠩ ᠭᠠᠷᠤᠭᠰᠠᠨ ᠪᠠᠢᠢᠨᠠ᠃
ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠪᠢᠳᠡᠨ ᠳᠥ ᠦᠯᠡᠳᠡᠭᠡᠭ᠍ᠰᠡᠨ ᠴᠢᠯᠠᠭᠤᠨ ᠰᠤᠳᠤᠷ ᠱᠠᠰᠲᠢᠷ ᠤᠨ ᠳᠤᠷᠠᠰᠬᠠᠯ ᠤᠳ ᠢᠶᠠᠷ ᠤᠷᠠᠨ ᠪᠦᠲᠦᠭᠡᠯᠴᠢᠳ᠂ ᠰᠤᠳᠤᠯᠤᠭᠠᠴᠢ ᠡᠷᠳᠡᠮᠲᠡᠳ ᠴᠢᠯᠠᠭᠤᠨ ᠱᠠᠰᠲᠢᠷ ᠦᠵᠡᠰᠬᠦᠯᠡᠩ ᠭᠠᠷᠭᠠᠭᠰᠠᠨ ᠢ ᠨᠡᠭᠡᠭᠡᠬᠦ ᠪᠡᠷ ᠲᠠ ᠪᠢᠳᠡ ᠬᠤᠷᠠᠨ ᠴᠤᠭᠯᠠᠭᠠᠳ ᠪᠠᠢᠢᠭᠠ ᠪᠢᠯᠡ᠃ ᠦᠵᠡᠰᠬᠦᠯᠡᠩ ᠳᠥ ᠲᠠᠯᠪᠢᠭᠳᠠᠭᠰᠠᠨ ᠳᠤᠷᠠᠰᠬᠠᠯ ᠤᠳ ᠠᠴᠠ ᠵᠠᠷᠢᠮ ᠢ ᠴᠣᠬᠣᠨ ᠳᠤᠷᠠᠳᠤᠮᠠᠷ ᠪᠠᠢᠢᠨᠠ᠃
ᠭᠣᠪᠢ-ᠠᠯᠲᠠᠢ ᠠᠢᠢᠮᠠᠭ ᠤᠨ ᠴᠢᠨᠳᠠᠮᠠᠨᠢ ᠰᠤᠮᠤ ᠢᠢᠨ ᠨᠤᠲᠤᠭ ᠲᠤ ᠤᠷᠤᠰᠢᠬᠤ ᠱᠠᠬᠠᠷ ᠬᠡᠮᠡᠬᠦ ᠭᠠᠵᠠᠷ ᠠᠴᠠ ᠣᠯᠳᠠᠭᠰᠠᠨ ᠬᠠᠳᠠᠨ ᠤ ᠵᠢᠷᠤᠭ ᠳᠤᠷᠠᠰᠬᠠᠯ ᠪᠠᠢᠢᠨᠠ᠃ ᠠᠷᠭᠠᠯᠢ᠂ ᠶᠠᠩᠭᠢᠷ᠂ ᠪᠤᠭᠤ᠂ ᠬᠠᠨᠳᠠᠭᠠᠢ᠂ ᠡᠷᠲᠡᠨ ᠦ ᠠᠩᠴᠢᠳ ᠪᠣᠯᠤᠨ ᠣᠪᠤᠭ ᠠᠢᠢᠮᠠᠭ ᠤᠳ ᠤᠨ ᠲᠠᠮᠠᠭᠠ᠂ ᠲᠡᠮᠳᠡᠭ ᠵᠢᠷᠤᠯᠭᠠ ᠢᠢ ᠲᠣᠳᠣᠷᠬᠠᠢ ᠳᠦᠷᠰᠦᠯᠡᠭᠰᠡᠨ ᠨᠡᠩ ᠴᠢᠬᠤᠯᠠ ᠦᠵᠡᠮᠦᠷᠢ᠃ ᠡᠨᠡ ᠬᠠᠳᠠᠨ ᠳᠡᠭᠡᠷᠡ ᠡᠷᠲᠡᠨ ᠦ ᠲᠦᠷᠦᠭ ᠪᠢᠴᠢᠭ᠌ ᠦᠨ ᠳᠤᠷᠠᠰᠬᠠᠯ ᠴᠤ ᠪᠤᠢ᠃ ᠣᠨᠴᠠᠯᠠᠨ ᠦᠵᠡᠬᠦ ᠳᠦᠷᠰᠦᠯᠡᠯ ᠨᠢ ᠣᠯᠠᠭᠤᠯᠠ ᠪᠠᠨ ᠠᠩ ᠬᠢᠵᠦ ᠪᠤᠢ ᠠᠩᠴᠢᠳ᠃ ᠲᠡᠳᠡ ᠪᠦᠭᠦᠳᠡ ᠮᠣᠩ᠋ᠭᠣᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠶᠡᠦᠳᠡᠨ ᠮᠠᠯᠠᠭᠠᠢ ᠡᠮᠦᠰᠦᠭᠰᠡᠨ ᠪᠠᠢᠢᠭᠠ ᠨᠢ ᠴᠡᠷᠢᠭ ᠡᠷᠡᠰ ᠠᠭᠠᠳ ᠨᠡᠭᠦᠳᠡᠯᠴᠢᠳ ᠦᠨ ᠰᠤᠶᠤᠯ ᠣᠳᠣ ᠢᠢ ᠬᠦᠷᠲᠡᠯᠡ ᠲᠠᠰᠤᠷᠠᠭᠠ ᠦᠭᠡᠢ ᠢᠢ ᠢᠯᠡᠳᠭᠡᠬᠦ ᠪᠣᠯᠤᠯᠲᠠᠢ᠃ ᠱᠠᠬᠠᠷ ᠲᠣᠯᠣᠭᠠᠢ ᠢᠢᠨ ᠬᠠᠳᠠᠨ ᠤ ᠵᠢᠷᠤᠭ ᠨᠢ ᠣᠯᠠᠨ ᠦᠶᠡ ᠢᠢ ᠬᠠᠮᠤᠷᠤᠭᠰᠠᠨ᠂ ᠴᠢᠨᠠᠭᠰᠢᠳᠠ ᠰᠤᠳᠤᠯᠭᠠ ᠬᠢᠬᠦ ᠠᠷᠪᠢᠨ ᠥᠭ᠍ᠭᠥᠭ᠍ᠳᠡᠯ ᠲᠡᠢ ᠳᠤᠷᠠᠰᠬᠠᠯ ᠶᠤᠮ᠃
ᠡᠨᠳᠡ ᠮᠥᠨ ᠠᠷᠭᠤᠨ ᠬᠠᠭᠠᠨ ᠠᠴᠠ ᠹᠷᠠᠨ᠋ᠼ ᠤᠨ ᠭᠣᠸᠠ ᠹᠢᠯᠢᠫᠫ ᠸᠠᠩ ᠳᠤ ᠢᠯᠡᠭᠡᠭᠰᠡᠨ ᠵᠠᠬᠢᠳᠠᠯ ᠪᠠᠢᠢᠨᠠ᠃ ᠠᠷᠭᠤᠨ ᠬᠠᠭᠠᠨ ᠪᠣᠯ ᠶᠡᠬᠡ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠢᠯ ᠬᠠᠭᠠᠨᠲᠤ ᠤᠯᠤᠰ ᠤᠨ ᠳᠥᠷᠪᠡ ᠳ᠋ᠡᠬᠢ ᠤᠳᠤᠷᠢᠳᠤᠭᠴᠢ ᠪᠠᠢᠢᠭᠰᠠᠨ᠃ ᠣᠢᠢᠷᠠᠬᠢ ᠳᠣᠷᠣᠨᠠᠲᠤ ᠳᠤ ᠯᠠᠯᠤ ᠢᠢᠨ ᠱᠠᠰᠢᠨᠲᠠᠨ ᠨᠤᠭᠤᠳ ᠤᠨ ᠡᠰᠡᠷᠬᠦ ᠹᠷᠠᠨ᠋ᠼ-ᠮᠣᠩ᠋ᠭᠣᠯ ᠤᠨ ᠡᠪᠰᠡᠯ ᠪᠠᠢᠢᠭᠤᠯᠬᠤ ᠰᠠᠨᠠᠭᠠ ᠪᠠᠨ ᠢᠯᠡᠷᠬᠡᠢᠢᠯᠡᠵᠦ ᠹᠷᠠᠨ᠋ᠼ ᠢᠢᠨ ᠬᠠᠭᠠᠨ ᠳᠤ ᠵᠠᠬᠢᠳᠠᠯ ᠢᠯᠡᠭᠡᠭ᠍ᠰᠡᠨ ᠪᠠᠢᠢᠨᠠ᠃
ᠦᠵᠡᠰᠬᠦᠯᠡᠩ ᠦᠨ ᠨᠡᠭᠡᠭᠡᠯᠲᠡ ᠢᠢ ᠳᠠᠯᠢᠮᠳᠠᠭᠤᠯᠤᠭᠠᠳ ᠨᠢᠭᠡᠨ ᠵᠦᠢᠯ ᠵᠠᠬᠢᠬᠤ ᠳᠤ ᠬᠡᠦᠬᠡᠳ ᠪᠠᠭᠠᠴᠤᠳ ᠭᠡᠯᠲᠡ ᠦᠭᠡᠢ ᠢᠷᠭᠡᠳ ᠮᠠᠨᠢ ᠡᠬᠡ ᠲᠡᠦᠬᠡ᠂ ᠰᠤᠶᠤᠯ ᠤᠨ ᠢᠶᠠᠨ ᠳᠤᠷᠠᠰᠬᠠᠯ ᠳᠤ ᠬᠦᠨᠳᠦᠳᠬᠡᠯᠲᠡᠢ ᠬᠠᠨᠳᠤᠵᠤ᠂ ᠬᠠᠳᠠᠨ ᠤ ᠵᠢᠷᠤᠭ ᠪᠢᠴᠢᠭ᠌ᠡᠰᠦ ᠢᠢ ᠡᠪᠳᠡᠨ ᠰᠦᠢᠳᠬᠡᠬᠦ ᠦᠭᠡᠢ ᠪᠠᠢᠢᠬᠤ᠂ ᠬᠠᠢᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ᠂ ᠬᠠᠳᠠᠭᠠᠯᠠᠨ ᠦᠯᠡᠳᠡᠭᠡᠬᠦ ᠰᠡᠳᠬᠢᠯ᠂ ᠲᠠᠨᠢᠨ ᠮᠡᠳᠡᠬᠦ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠲᠡᠢ ᠪᠠᠢᠢᠭᠠᠷᠠᠢ ᠭᠡᠵᠦ ᠬᠦᠰᠡᠶᠡ᠃ ᠪᠢᠳᠡᠨ ᠦ ᠲᠡᠦᠬᠡ ᠰᠤᠶᠤᠯ ᠢ ᠪᠢᠳᠡᠨ ᠡᠴᠡ ᠢᠯᠡᠭᠦᠦ ᠬᠠᠢᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠬᠦᠮᠦᠨ ᠪᠠᠢᠢᠬᠤ ᠦᠭᠡᠢ ᠪᠢᠯᠡ᠃
ᠢᠩᠭᠢᠭᠡᠳ 《ᠴᠢᠯᠠᠭᠤᠨ ᠱᠠᠰᠲᠢᠷ》 ᠦᠵᠡᠰᠬᠦᠯᠡᠩ ᠢ ᠲᠠᠭᠠᠯᠠᠨ ᠦᠵᠡᠬᠦ ᠢᠢ ᠤᠷᠢᠵᠤ ᠪᠠᠢᠢᠨᠠ᠃
ᠪᠠᠶᠠᠷᠯᠠᠯᠠ ᠲᠠ ᠪᠦᠬᠦᠨ ᠳᠦ》 ᠭᠡᠯᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠦᠭᠡ ᠬᠡᠯᠡᠭᠰᠡᠨ ᠦ ᠪᠡᠨ ᠳᠠᠷᠠᠭᠠ ᠦᠵᠡᠰᠬᠦᠯᠡᠩ ᠦᠨ ᠨᠡᠭᠡᠭᠡᠯᠲᠡ ᠳᠥ ᠢᠷᠡᠭᠰᠡᠨ ᠬᠦᠮᠦᠰ ᠲᠡᠢ ᠬᠠᠮᠲᠤ ᠪᠦᠲᠦᠭᠡᠯ ᠦᠳ ᠢ ᠦᠵᠡᠵᠦ ᠰᠣᠨᠢᠷᠬᠠᠪᠠ᠃
