ᠳᠡᠯᠡᠬᠡᠢ ᠢᠢᠨ ᠲᠣᠮᠣᠬᠠᠨ ᠺᠣᠷᠫᠣᠷᠠᠼᠢ ᠨᠤᠭᠤᠳ ᠤᠨ ᠨᠢᠭᠡ᠂ ᠨᠣᠮ ᠦᠢᠯᠡᠳᠪᠦᠷᠢᠯᠡᠯ ᠦᠨ 《Penguin Random House》 ᠺᠣᠮᠫᠠᠨᠢ ᠢᠢᠨ ᠰᠢᠩ᠋ᠭᠠᠫᠦᠢᠷ ᠳᠠᠬᠢ ᠲᠥᠪ ᠡᠴᠡ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠢᠢᠨ ᠲᠤᠬᠠᠢ ᠨᠣᠮ ᠢ ᠭᠠᠷᠭᠠᠬᠤ ᠡᠷᠬᠡ ᠢᠢ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠭᠡᠵᠦ ᠵᠠᠷᠯᠠᠯᠠ᠃
ᠵᠣᠬᠢᠶᠠᠯᠴᠢ᠂ ᠰᠡᠳᠬᠦᠯᠴᠢ ᠳ ∙ ᠲᠥᠷᠥᠮᠥ᠋ᠩᠬᠡ ᠢᠢᠨ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠲᠤᠬᠠᠢ ᠪᠦᠲᠦᠭᠡᠯ ᠢ᠂ ᠮᠥᠨ ᠵᠣᠬᠢᠶᠠᠯᠴᠢ ᠢᠢᠨ 《ᠰᠠᠨ᠋ᠺᠠᠷᠠ》 ᠡᠰᠧ ᠷᠣᠮᠠᠨ ᠢ ᠡᠨᠡ ᠣᠨ ᠳᠠᠭᠠᠨ ᠪᠠᠭᠲᠠᠭᠠᠨ ᠠᠩᠯᠢ᠂ ᠬᠢᠲᠠᠳ ᠬᠡᠯᠡ ᠪᠡᠷ ᠲᠤᠰ ᠪᠦᠷᠢ 20 ᠮᠢᠩ᠋ᠭᠠᠨ ᠬᠤᠪᠢ ᠬᠡᠪᠯᠡᠬᠦ ᠶᠤᠮ ᠪᠠᠢᠢᠨᠠ᠃
ᠮᠥᠨ 《Penguin Random House》 ᠺᠣᠮᠫᠠᠨᠢ ᠢᠢᠨ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠬᠠᠷᠢᠭᠤᠴᠠᠭᠰᠠᠨ ᠵᠠᠬᠢᠷᠤᠯ《…ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠡᠩ ᠦᠨ ᠪᠤᠰᠤ ᠠᠮᠢᠳᠤᠷᠠᠯ ᠢ ᠲᠤᠭᠤᠯᠤᠭᠰᠠᠨ ᠪᠥᠭᠡᠳ ᠲᠡᠭᠦᠨ ᠦ ᠠᠮᠢᠳᠤᠷᠠᠯ ᠤᠨ ᠲᠡᠦᠬᠡ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠ ᠢᠢᠨ ᠭᠠᠢᠢᠬᠠᠮᠰᠢᠭᠲᠤ ᠠᠮᠢᠳᠤᠷᠠᠯ ᠲᠠᠢ ᠬᠦᠮᠦᠰ ᠦᠨ ᠲᠡᠦᠬᠡ ᠢᠢᠨ ᠰᠠᠩ ᠳᠤ ᠦᠨᠡ ᠲᠡᠢ ᠪᠠᠢᠢᠷᠢ ᠰᠠᠭᠤᠷᠢ ᠡᠵᠡᠯᠡᠬᠦ ᠪᠣᠯᠤᠨᠠ》 ᠬᠡᠮᠡᠨ ᠦᠭᠦᠯᠡᠵᠡᠢ᠃
《Penguin Random House》 1800 ᠍ ᠊ᠭᠠᠳ ᠣᠨ ᠳᠤ ᠪᠷᠢᠲ᠋ᠠᠨ ᠳᠤ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠪᠥᠭᠡᠳ 2018 ᠣᠨ ᠤ ᠪᠠᠢᠢᠳᠠᠯ ᠢᠶᠠᠷ 11 ᠮᠢᠩ᠋ᠭᠠ ᠣᠷᠴᠢᠮ ᠠᠵᠢᠯᠲᠠᠨ ᠲᠠᠢ᠂ 250 ᠰᠠᠯᠪᠤᠷᠢ ᠨᠢᠭᠡᠴᠡ ᠪᠡᠷ ᠢᠶᠡᠨ ᠳᠠᠮᠵᠢᠭᠤᠯᠤᠨ ᠵᠢᠯ ᠪᠦᠷᠢ 15 ᠮᠢᠩ᠋ᠭᠠᠨ ᠨᠡᠷᠡ ᠲᠥᠷᠥᠯ ᠦᠨ 800 ᠰᠠᠶᠠ ᠣᠷᠴᠢᠮ ᠨᠣᠮ ᠬᠡᠪᠯᠡᠨ ᠪᠣᠷᠣᠯᠠᠭᠤᠯᠵᠤ ᠪᠠᠢᠢᠨᠠ᠃