ᠲᠤᠯᠭᠤᠷ ᠲᠥᠷᠥ ᠢᠢᠨ 2228 ᠵᠢᠯ᠂ ᠶᠡᠬᠡ ᠮᠣᠩ᠋ᠭᠣᠯ ᠤᠯᠤᠰ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠤ 813 ᠵᠢᠯ᠂ ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠲᠤᠯᠭᠤᠷ ᠮᠠᠨᠳᠤᠭᠤᠯᠤᠭᠰᠠᠨ ᠤ 108 ᠵᠢᠯ᠂ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ 98 ᠵᠢᠯ᠂ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ 30 ᠵᠢᠯ ᠦᠨ ᠣᠢ ᠢᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠥᠨᠥᠳᠥᠷ ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠬᠦ ᠲᠤᠬᠠᠢ ᠵᠠᠷᠯᠢᠭ ᠭᠠᠷᠭᠠᠯᠠ᠃
ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠬᠦ ᠲᠤᠬᠠᠢ ᠵᠠᠷᠯᠢᠭ ᠲᠤᠷ᠄
ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠣᠷᠴᠢᠨ ᠦᠶᠡ ᠢᠢᠨ ᠍ᠬᠥᠭ᠍ᠵᠢᠮ ᠦᠨ ᠧᠰᠲᠷᠠᠳ᠋᠂ ᠵᠠᠽᠽ ᠤᠷᠤᠰᠬᠠᠯ ᠤᠨ ᠦᠨᠳᠦᠰᠦ ᠰᠠᠭᠤᠷᠢ ᠢᠢ ᠲᠠᠯᠪᠢᠵᠤ᠂ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠵᠦ᠂ ᠮᠣᠩ᠋ᠭᠣᠯ ᠤᠨ ᠣᠷᠴᠢᠨ ᠦᠶᠡ ᠢᠢᠨ ᠍ᠬᠥᠭ᠍ᠵᠢᠮ ᠦᠨ ᠤᠷᠠᠯᠢᠭ ᠤᠨ ᠰᠠᠩ ᠬᠥᠮᠥᠷᠭᠡ ᠳᠥ ᠵᠢᠩᠲᠡᠢ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠵᠤ᠂ ᠠᠷᠠᠳ ᠲᠦᠮᠡᠨ ᠦ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠥ ᠬᠣᠨᠣᠭᠰᠢᠭᠰᠠᠨ ᠦᠶᠡ ᠡᠴᠡ ᠦᠶᠡ ᠳᠥ ᠳᠠᠭᠤᠷᠢᠰᠬᠤ ᠪᠦᠲᠦᠭᠡᠯ ᠦᠳ ᠪᠦᠬᠦᠢ 1981 ᠣᠨ ᠳᠤ ᠭᠠᠷᠭᠠᠭᠰᠠᠨ ᠪᠠᠶᠠᠨ ᠮᠣᠩ᠋ᠭᠣᠯ ᠫᠢᠨᠽᠠ᠂ 2019 ᠣᠨ ᠳᠤ ᠭᠠᠷᠭᠠᠭᠰᠠᠨ ᠪᠠᠶᠠᠨ ᠮᠣᠩ᠋ᠭᠣᠯ -50 ᠵᠢᠯ ᠫᠢᠨᠽᠠ ᠲᠤᠭᠤᠷᠪᠢᠵᠤ᠂ ᠡᠩᠨᠡᠭᠡᠨ ᠡᠴᠡ ᠨᠢ ᠲᠦᠷᠦᠭᠰᠡᠨ ᠣᠯᠠᠨ ᠠᠷᠪᠠᠨ ᠠᠪᠢᠶᠠᠰ ᠪᠢᠯᠢᠭᠲᠦ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠨᠢ ᠧᠰᠲᠷᠠᠳ᠋ ᠵᠠᠽᠽ ᠍ᠬᠥᠭ᠍ᠵᠢᠮ ᠦᠨ 50 ᠵᠢᠯ ᠦᠨ ᠲᠡᠦᠬᠡᠨ ᠳᠥ᠂ ᠣᠨᠴᠤᠭᠤᠢ ᠭᠠᠪᠢᠶᠠ ᠪᠠᠢᠢᠭᠤᠯᠤᠭᠰᠠᠨ ᠤᠯᠤᠰ ᠤᠨ ᠹᠢᠯᠠᠷᠮᠣᠨᠢ ᠢᠢᠨ ᠪᠠᠶᠠᠨ ᠮᠣᠩ᠋ᠭᠣᠯ ᠴᠢᠭᠤᠯᠭᠠ ᠢᠢᠨ ᠦᠶᠡ ᠦᠶᠡ ᠢᠢᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠦᠨ ᠪᠦᠲᠦᠭᠡᠯ ᠲᠤᠭᠤᠷᠪᠢᠯ᠂ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠢ ᠦᠨᠡᠯᠡᠵᠦ᠂ ᠲᠤᠰ ᠴᠢᠭᠤᠯᠭᠠ ᠢᠢᠨ ᠲᠥᠯᠥᠭᠡᠯᠡᠯ ᠪᠣᠯᠬᠤ
᠍ᠬᠥᠭ᠍ᠵᠢᠮ ᠦᠨ ᠵᠣᠬᠢᠶᠠᠯᠴᠢ᠂ ᠭᠢᠲ᠋ᠠᠷᠴᠢᠨ ᠰᠠᠮᠪᠤᠤ ᠢᠢᠨ ᠪᠠᠭᠠᠲᠤᠷᠰᠦ᠋ᠬᠡ᠂
᠍ᠬᠥᠭ᠍ᠵᠢᠮ ᠦᠨ ᠵᠣᠬᠢᠶᠠᠯᠴᠢ᠂ ᠤᠳᠤᠷᠢᠳᠤᠭᠠᠴᠢ ᠪᠠᠳᠮᠠᠳᠣᠷᠵᠢ ᠢᠢᠨ ᠭᠠᠩᠪᠠᠲᠤ᠂
ᠰᠠᠺᠰᠹᠣᠨ ᠍ᠬᠥᠭ᠍ᠵᠢᠮᠴᠢᠨ ᡀᠠᠪᠠᠵᠠᠪ ᠤᠨ ᠰᠦᠬᠡᠪᠠᠭᠠᠲᠤᠷ᠂
ᠳᠠᠭᠤᠨ ᠤ ᠢᠨᠵᠧᠨᠧᠷ ᠳᠣᠨᠳᠣᠢ ᠢᠢᠨ ᠭᠠᠩᠲᠡᠮᠦᠷ᠂
ᠲᠷᠣᠮᠪᠣᠨ ᠍ᠬᠥᠭ᠍ᠵᠢᠮᠴᠢᠨ ᠠᠳᠢᠱᠠ ᠢᠢᠨ ᠬᠡᠰᠢᠭ᠍ᠳᠣᠷᠵᠢ᠂
ᠤᠳᠤᠷᠢᠳᠤᠭᠠᠴᠢ ᠪᠠᠳᠮᠠᠬᠠᠨᠳᠤ ᠢᠢᠨ ᠨᠢᠮᠠᠳᠣᠷᠵᠢ᠂
ᠳᠠᠭᠤᠴᠢᠨ ᠬᠠᠢᠢᠳᠤᠪ ᠤᠨ ᠲᠡᠮᠦᠷᠪᠠᠭᠠᠲᠤᠷ᠂
ᠤᠳᠤᠷᠢᠳᠤᠭᠠᠴᠢ ᠱᠤᠭᠠᠷᠠ ᠢᠢᠨ ᠰᠠᠷᠠᠭᠤᠯ-ᠣᠳᠣ ᠨᠠᠷ ᠲᠤ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠰᠦᠭᠡᠢ》 ᠭᠡᠵᠡᠢ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠵᠠᠷᠯᠢᠭ ᠢ ᠤᠩᠰᠢᠵᠤ ᠰᠣᠨᠣᠷᠳᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠪᠠᠶᠠᠨ ᠮᠣᠩ᠋ᠭᠣᠯ ᠴᠢᠭᠤᠯᠭᠠ ᠢᠢᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠲᠥ ᠲᠥᠷᠥ ᠢᠢᠨ ᠰᠣᠶᠣᠷᠬᠠᠯ ᠬᠦᠷᠲᠡᠭᠡᠵᠦ᠂ ᠪᠠᠶᠠᠷ ᠬᠦᠷᠭᠡᠯᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠄
ᠮᠣᠩ᠋ᠭᠣᠯᠴᠤᠳ ᠠ᠋᠂ ᠡᠷᠬᠢᠮ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠡ
ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠤᠭᠰᠠᠨ ᠤ 108 ᠵᠢᠯ ᠦᠨ ᠣᠢ ᠢᠢᠨ ᠥᠯᠵᠡᠢᠢᠲᠦ ᠡᠨᠡ ᠡᠳᠦᠷ 2019 ᠣᠨ ᠤ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠲᠥᠷᠥ ᠢᠢᠨ ᠱᠠᠩᠨᠠᠯ ᠢ ᠭᠠᠷᠳᠠᠭᠤᠯᠤᠯᠠ᠃
ᠤᠯᠤᠰ ᠤᠨ ᠹᠢᠯᠠᠷᠮᠣᠨᠢ ᠢᠢᠨ 《ᠪᠠᠶᠠᠨ ᠮᠣᠩ᠋ᠭᠣᠯ 》 ᠴᠢᠭᠤᠯᠭᠠ ᠢᠢᠨ ᠪᠠᠭᠴᠠ ᠤᠷᠠᠨ ᠪᠦᠲᠦᠭᠡᠯ ᠦᠳ ᠲᠥ ᠡᠨᠡ ᠱᠠᠩᠨᠠᠯ ᠢ ᠣᠯᠭᠤᠬᠤ ᠪᠠᠷ ᠰᠢᠢᠳᠪᠦᠷᠢᠯᠡᠭᠰᠡᠨ᠃ 1969 ᠣᠨ ᠤ ᠳᠣᠯᠣᠳᠤᠭᠠᠷ ᠰᠠᠷᠠ ᠢᠢᠨ 10 ᠍ ᠤ ᠡᠳᠦᠷ ᠠᠩ᠋ᠬᠠᠨ ᠤ ᠪᠠᠨ ᠲᠣᠭᠯᠠᠯᠲᠠ ᠢᠢ ᠬᠢᠭ᠍ᠰᠡᠨ ᠡᠴᠡ ᠬᠣᠢᠢᠰᠢ ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠣᠷᠴᠢᠨ ᠦᠶᠡ ᠢᠢᠨ ᠳᠠᠭᠤᠤ᠂ ᠍ᠬᠥᠭ᠍ᠵᠢᠮ ᠦᠨ ᠤᠷᠤᠰᠬᠠᠯ ᠤᠳ ᠢ ᠍ᠬᠥᠭ᠍ᠵᠢᠭᠦᠯᠬᠦ ᠦᠨᠳᠦᠰᠦ ᠢᠢ ᠲᠠᠯᠪᠢᠵᠤ᠂ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠵᠦ᠂ 《ᠰᠠᠢᠢᠨ ᠪᠠᠢᠢᠨᠠ ᠤᠤ᠂ ᠤᠯᠠᠭᠠᠨᠪᠠᠭᠠᠲᠤᠷ ᠮᠢᠨᠢ》᠂ 《ᠬᠠᠩ᠋ᠭᠠᠢ ᠢᠢᠨ ᠮᠠᠭᠲᠠᠭᠤ》᠂ 《ᠠᠶᠠᠨ ᠤ ᠰᠢᠪᠠᠭᠤᠳ》᠂ 《ᠨᠠᠪᠴᠢᠨ ᠳᠡᠭᠡᠷᠡᠬᠢ ᠰᠢᠭᠦᠳᠡᠷᠢ》᠂ 《ᠵᠠᠮ ᠳᠡᠭᠡᠷᠡ ᠭᠡᠭᠡᠭ᠍ᠳᠡᠭᠰᠡᠨ ᠴᠡᠴᠡᠭ》᠂ 《ᠳᠥᠷᠪᠡᠨ ᠤᠯᠠᠷᠢᠯ᠂ ᠬᠣᠶᠠᠷ ᠠᠮᠠᠷᠠᠭ》᠂ 《ᠰᠡᠳᠬᠢᠯ ᠦᠨ ᠵᠢᠭᠦᠷ》᠂ 《ᠣᠷᠢ ᠵᠠᠯᠠᠭᠤ ᠨᠠᠰᠤ》 ᠭᠡᠳ ᠠᠷᠠᠳ ᠲᠦᠮᠡᠨ ᠦ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠴᠦ᠂ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠥ ᠬᠣᠨᠣᠭᠰᠢᠭᠰᠠᠨ ᠣᠯᠠᠨ ᠠᠷᠪᠠᠨ ᠪᠦᠲᠦᠭᠡᠯ ᠦᠳ ᠬᠢᠭ᠍ᠰᠡᠭᠡᠷ᠂ 50 ᠵᠢᠯ ᠤᠷᠠᠯᠢᠭ ᠲᠤ ᠵᠢᠳᠬᠦᠵᠦ ᠶᠠᠪᠤᠭᠠ ᠪᠢᠯᠡ᠃ ᠡᠨᠡ ᠴᠢᠭᠤᠯᠭᠠ ᠨᠢ ᠣᠷᠴᠢᠨ ᠦᠶᠡ ᠢᠢᠨ ᠳᠠᠭᠤᠯᠠᠬᠤ ᠤᠷᠠᠯᠢᠭ᠂ ᠍ᠬᠥᠭ᠍ᠵᠢᠮ ᠦᠨ ᠤᠷᠠᠯᠢᠭ ᠢ ᠰᠠᠯᠪᠤᠷᠢᠯᠠᠭᠤᠯᠤᠨ᠂ ᠣᠯᠠᠨ ᠠᠷᠪᠠᠨ ᠰᠢᠯᠢᠳᠡᠭ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠢ ᠲᠥᠷᠥᠭᠦᠯᠦᠨ ᠭᠠᠷᠭᠠᠭᠰᠠᠨ ᠠᠪᠢᠶᠠᠰ ᠤᠨ ᠠᠭᠤᠷᠬᠠᠢ᠂ ᠡᠵᠡᠳ ᠶᠤᠮ᠃
ᠲᠤᠰ ᠴᠢᠭᠤᠯᠭᠠ ᠠᠴᠠ 1981 ᠣᠨ ᠳᠤ ᠭᠠᠷᠭᠠᠭᠰᠠᠨ 《ᠪᠠᠶᠠᠨ ᠮᠣᠩ᠋ᠭᠣᠯ 》 ᠫᠢᠨᠽᠠ᠂ 2019 ᠣᠨ ᠳᠤ ᠭᠠᠷᠭᠠᠭᠰᠠᠨ 《ᠪᠠᠶᠠᠨ ᠮᠣᠩ᠋ᠭᠣᠯ -50 ᠵᠢᠯ》 ᠫᠢᠨᠽᠠᠨ ᠨᠤᠭᠤᠳ ᠲᠤ ᠪᠠᠭᠲᠠᠭᠰᠠᠨ ᠳᠠᠭᠤᠤ᠂ ᠍ᠬᠥᠭ᠍ᠵᠢᠮ ᠦᠨ ᠪᠦᠲᠦᠭᠡᠯ ᠦᠳ᠂ ᠤᠯᠤᠰ ᠤᠨ ᠹᠢᠯᠠᠷᠮᠣᠨᠢ ᠢᠢᠨ 《ᠪᠠᠶᠠᠨ ᠮᠣᠩ᠋ᠭᠣᠯ 》 ᠴᠢᠭᠤᠯᠭᠠ ᠢᠢᠨ ᠦᠶᠡ ᠦᠶᠡ ᠢᠢᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠦᠨ ᠲᠤᠭᠤᠷᠪᠢᠯ᠂ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠢ ᠦᠨᠡᠯᠡᠵᠦ᠂ ᠲᠤᠰ ᠴᠢᠭᠤᠯᠭᠠ ᠢᠢᠨ ᠲᠥᠯᠥᠭᠡᠯᠡᠯ ᠪᠣᠯᠬᠤ ᠍ᠬᠥᠭ᠍ᠵᠢᠮ ᠦᠨ ᠵᠣᠬᠢᠶᠠᠯᠴᠢ᠂ ᠍ᠬᠥᠭ᠍ᠵᠢᠮᠴᠢᠨ᠂ ᠳᠠᠭᠤᠴᠢᠳ ᠲᠤ ᠡᠨᠡ ᠱᠠᠩᠨᠠᠯ ᠢ ᠣᠯᠭᠤᠵᠤ ᠪᠠᠢᠢᠨᠠ᠃
《ᠪᠠᠶᠠᠨ ᠮᠣᠩ᠋ᠭᠣᠯ 》 ᠴᠢᠭᠤᠯᠭᠠ ᠢᠢᠨ ᠣᠨ ᠴᠠᠭ ᠤᠨ ᠰᠢᠯᠭᠠᠭᠤᠷ ᠢ ᠳᠠᠪᠠᠭᠰᠠᠨ᠂ ᠣᠯᠠᠨ ᠨᠡᠢᠢᠲᠡ ᠢᠢᠨ ᠲᠠᠭᠠᠰᠢᠶᠠᠯ᠂ ᠬᠦᠨᠳᠦᠯᠡᠯ ᠢ ᠬᠦᠯᠢᠶᠡᠭᠰᠡᠨ ᠪᠠᠭᠴᠠ ᠤᠷᠠᠨ ᠪᠦᠲᠦᠭᠡᠯ ᠦᠳ ᠲᠥ ᠲᠥᠷᠥ ᠢᠢᠨ ᠱᠠᠩᠨᠠᠯ ᠣᠯᠭᠤᠵᠤ ᠪᠠᠢᠢᠭᠠ ᠢᠢ ᠺᠣᠮᠮᠤᠢᠨᠢᠰᠲ ᠦᠵᠡᠯ ᠰᠤᠷᠲᠠᠯ ᠤᠨ ᠬᠠᠲᠠᠭᠤ ᠰᠢᠯᠭᠠᠭᠤᠷ ᠢᠶᠠᠷ ᠥᠩᠭᠡᠷᠡᠭᠰᠡᠨ ᠨᠡᠢᠢᠭᠡᠮ ᠤᠨ ᠦᠶᠡ ᠳᠥ ᠮᠣᠩ᠋ᠭᠣᠯ ᠤᠨ ᠣᠷᠴᠢᠨ ᠦᠶᠡ ᠢᠢᠨ ᠤᠷᠠᠯᠢᠭ ᠢ ᠦᠨᠡᠯᠡᠬᠦ ᠦᠨᠡᠯᠡᠮᠵᠢ ᠢᠢ ᠲᠥᠷᠥ ᠡᠴᠡ ᠪᠣᠳᠣᠯᠭᠠ ᠪᠠᠷ ᠳᠠᠷᠤᠵᠤ᠂ ᠣᠷᠬᠢᠭᠳᠠᠭᠤᠯᠵᠤ ᠪᠠᠢᠢᠭᠰᠠᠨ ᠠᠯᠳᠠᠭᠠ ᠢᠢ ᠵᠠᠯᠠᠷᠠᠭᠤᠯᠵᠤ ᠪᠠᠢᠢᠭᠠ ᠭᠡᠵᠦ ᠪᠠᠰᠠ ᠣᠢᠢᠯᠠᠭᠠᠵᠤ ᠪᠣᠯᠤᠨᠠ᠃
ᠢᠩᠭᠢᠭᠡᠳ ᠪᠠᠶᠠᠨ ᠮᠣᠩ᠋ᠭᠣᠯ ᠴᠢᠭᠤᠯᠭᠠ ᠢᠢᠨ ᠤᠷᠠᠨ ᠪᠦᠲᠦᠭᠡᠯ ᠦᠳ ᠲᠥ ᠣᠯᠭᠤᠵᠤ ᠪᠤᠢ ᠲᠥᠷᠥ ᠢᠢᠨ ᠱᠠᠩᠨᠠᠯ ᠢ ᠲᠤᠰ ᠴᠢᠭᠤᠯᠭᠠ ᠢᠢᠨ ᠲᠥᠯᠥᠭᠡᠯᠡᠯ ᠪᠣᠯᠤᠭᠰᠠᠨ ᠍ᠬᠥᠭ᠍ᠵᠢᠮ ᠦᠨ ᠵᠣᠬᠢᠶᠠᠯᠴᠢ᠂ ᠭᠢᠲ᠋ᠠᠷᠴᠢᠨ ᠰᠠᠮᠪᠤᠤ ᠢᠢᠨ ᠪᠠᠭᠠᠲᠤᠷᠰᠦ᠋ᠬᠡ᠂ ᠍ᠬᠥᠭ᠍ᠵᠢᠮ ᠦᠨ ᠵᠣᠬᠢᠶᠠᠯᠴᠢ᠂ ᠤᠳᠤᠷᠢᠳᠤᠭᠠᠴᠢ ᠪᠠᠳᠮᠠᠳᠣᠷᠵᠢ ᠢᠢᠨ ᠭᠠᠩᠪᠠᠲᠤ᠂ ᠰᠠᠺᠰᠠᠹᠣᠨ ᠍ᠬᠥᠭ᠍ᠵᠢᠮᠴᠢᠨ ᡀᠠᠪᠠᠵᠠᠪ ᠤᠨ ᠰᠦᠬᠡᠪᠠᠭᠠᠲᠤᠷ᠂ ᠳᠠᠭᠤᠨ ᠤ ᠢᠨᠵᠧᠨᠧᠷ ᠳᠣᠨᠳᠣᠢ ᠢᠢᠨ ᠭᠠᠩᠲᠡᠮᠦᠷ᠂ ᠲᠷᠣᠮᠪᠣᠨ ᠍ᠬᠥᠭ᠍ᠵᠢᠮᠴᠢᠨ ᠠᠳᠢᠱᠠ ᠢᠢᠨ ᠬᠡᠰᠢᠭ᠍ᠳᠣᠷᠵᠢ᠂ ᠤᠳᠤᠷᠢᠳᠤᠭᠠᠴᠢ ᠪᠠᠳᠮᠬᠠᠨᠳᠤ ᠢᠢᠨ ᠨᠢᠮᠠᠳᠣᠷᠵᠢ᠂ ᠳᠠᠭᠤᠴᠢᠨ ᠬᠠᠢᠢᠳᠤᠪ ᠤᠨ ᠲᠡᠮᠦᠷᠪᠠᠭᠠᠲᠤᠷ᠂ ᠤᠳᠤᠷᠢᠳᠤᠭᠠᠴᠢ ᠱᠤᠭᠠᠷᠠ ᠢᠢᠨ ᠰᠠᠷᠠᠭᠤᠯ-ᠣᠳᠣ ᠨᠠᠷ ᠲᠤ ᠬᠦᠷᠲᠡᠭᠡᠯᠡ᠃
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠣᠣᠷᠠ ᠮᠣᠩ᠋ᠭᠣᠯ ᠤᠨ ᠤᠷᠠᠯᠢᠭ ᠰᠤᠶᠤᠯ᠂ ᠳᠠᠭᠤᠤ ᠍ᠬᠥᠭ᠍ᠵᠢᠮ ᠤᠯᠠᠮ ᠪᠦᠷ ᠢᠷᠠᠭᠤᠰᠴᠤ᠂ ᠴᠡᠴᠡᠭᠯᠡᠨ ᠍ᠬᠥᠭ᠍ᠵᠢᠬᠦ ᠪᠣᠯᠲᠤᠭᠠᠢ》 ᠭᠡᠯᠡ᠃
