ᠲᠤᠯᠭᠤᠷ ᠲᠥᠷᠦ ᠶᠢᠨ 2228 ᠵᠢᠯ᠂ ᠶᠡᠬᠡ ᠮᠣᠩ᠋ᠭᠣᠯ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ 813 ᠵᠢᠯ᠂ ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠲᠤᠯᠭᠤᠷ ᠮᠠᠨᠳᠤᠭᠤᠯᠤᠭᠰᠠᠨ ᠤ 108 ᠵᠢᠯ᠂ ᠠᠷᠠᠳ ᠤᠨ ᠬᠤᠪᠢᠰᠬᠠᠯ ᠤᠨ 98 ᠵᠢᠯ᠂ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ 30 ᠵᠢᠯ ᠦᠨ ᠣᠢ ᠶᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠥᠨᠥᠳᠥᠷ ᠲᠥᠷᠦ ᠶᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠬᠦ ᠲᠤᠬᠠᠢ ᠵᠠᠷᠯᠢᠭ ᠭᠠᠷᠭᠠᠯᠠ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠢᠢᠨ ᠲᠥᠷᠦ ᠶᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠬᠦ ᠲᠤᠬᠠᠢ ᠄
《…ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠣᠷᠴᠢᠨ ᠦᠶᠡ ᠶᠢᠨ ᠬᠥᠭ᠍ᠵᠢᠮ ᠦᠨ ᠷᠣᠺ ᠤᠷᠤᠰᠬᠠᠯ ᠤᠨ ᠦᠨᠳᠦᠰᠦ ᠶᠢ ᠲᠠᠯᠪᠢᠨ᠂ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠵᠦ᠂ ᠠᠷᠠᠳ ᠲᠦᠮᠡᠨ ᠦ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠥ ᠬᠣᠨᠣᠭᠰᠢᠭᠰᠠᠨ᠄
ᠴ ∙ ᠴᠢᠯᠠᠭᠤᠨᠪᠠᠲᠤ ᠶᠢᠨ ᠠᠶᠠ᠂ ᠭ ∙ ᠪᠠᠲᠤᠬᠦᠦ ᠶᠢᠨ ᠦᠭᠡ 《ᠲᠣᠯᠢᠨ ᠬᠤᠯᠠ》᠂
ᠴ ∙ ᠡᠩᠬᠡᠮᠠᠩᠯᠠᠢ ᠶᠢᠨ ᠦᠭᠡ᠂ ᠠᠶᠠ 《ᠠᠮᠢᠳᠤᠷᠠᠯ》᠂
ᠴ ∙ ᠴᠢᠯᠠᠭᠤᠨᠪᠠᠲᠤ ᠶᠢᠨ ᠠᠶᠠ᠂ ᠪ ∙ ᠢᠪᠠᠤᠬᠤᠯᠠᠨ ᠤᠨ ᠰᠢᠯᠦᠭ 《ᠵᠥᠪᠬᠡᠨ ᠮᠣᠩ᠋ᠭᠣᠯ ᠳᠤ ᠪᠠᠨ》᠂
ᠴ ∙ ᠴᠢᠯᠠᠭᠤᠨᠪᠠᠲᠤ ᠶᠢᠨ ᠠᠶᠠ᠂ ᠰ ∙ ᠣᠶᠤᠨ ᠤ ᠦᠭᠡ 《ᠦᠭᠡᠶᠢᠯᠡᠨ ᠰᠠᠨᠠᠨᠠ 》᠂
ᠶᠠ᠊ ∙ ᠣᠳᠤᠰᠦ᠋ᠷᠦᠩ ᠦᠨ ᠠᠶᠠ᠂ ᠴ ∙ ᠡᠩᠬᠡᠮᠠᠩᠯᠠᠢ ᠶᠢᠨ ᠦᠭᠡ 《ᠡᠨᠡ ᠪᠣᠯ ᠳᠤᠷᠠᠯᠠᠯ ᠪᠢᠰᠢ》 ᠳᠠᠭᠤᠤ ᠵᠣᠬᠢᠶᠠᠵᠤ᠂ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠣᠷᠴᠢᠨ ᠦᠶᠡ ᠶᠢᠨ ᠬᠥᠭ᠍ᠵᠢᠮ ᠦᠨ ᠤᠷᠠᠯᠢᠭ ᠲᠤ ᠣᠨᠴᠤᠭᠤᠢ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠤᠭᠰᠠᠨ 《ᠬᠠᠷᠠᠩ᠋ᠭᠠ》 ᠬᠠᠮᠲᠤᠯᠢᠭ ᠤᠨ ᠭᠡᠰᠢᠭᠦᠨ ᠴᠡᠨᠳᠠᠰᠦ᠋ᠷᠦᠩ ᠦᠨ ᠡᠩᠬᠡᠮᠠᠩᠯᠠᠢ᠂ ᠴᠡᠷᠢᠩᠳᠣᠷᠵᠢ ᠶᠢᠨ ᠴᠢᠯᠠᠭᠤᠨᠪᠠᠲᠤ᠂ ᠬᠠᠲᠠᠨᠪᠠᠭᠠᠲᠤᠷ ᠤᠨ ᡀᠠᠭᠪᠠᠰᠦ᠋ᠷᠦᠩ᠂ ᠶᠠᠷᠢᠨᠫᠡᠯ ᠤᠨ ᠣᠳᠤᠰᠦ᠋ᠷᠦᠩ᠂ ᠨᠡᠮᠡᠬᠦ ᠶᠢᠨ ᠫᠦᠷᠪᠦᠳᠠᠰᠢ᠂ ᠵᠣᠬᠢᠶᠠᠯᠴᠢ᠂ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠰᠠᠩᠵᠠᠢᠢᠵᠠᠪ ᠤᠨ ᠣᠶᠤᠨ ᠨᠠᠷ ᠲᠤ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠲᠥᠷᠦ ᠶᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠰᠦᠭᠡᠢ》 ᠭᠡᠵᠡᠢ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠶᠢᠨ ᠵᠠᠷᠯᠢᠭ ᠢ ᠤᠩᠰᠢᠵᠤ ᠰᠣᠨᠤᠷᠳᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠄
ᠮᠣᠩ᠋ᠭᠣᠯᠴᠤᠳ ᠠ᠋᠂ ᠡᠷᠬᠢᠮ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠡ
ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ᠂ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠨ ᠮᠠᠨᠳᠤᠭᠤᠯᠤᠭᠰᠠᠨ ᠤ 108 ᠵᠢᠯ ᠦᠨ ᠥᠯᠵᠡᠢ ᠪᠡᠯᠭᠡ ᠲᠡᠢ ᠡᠨᠡ ᠡᠳᠦᠷ 2019 ᠣᠨ ᠤ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠲᠥᠷᠥ ᠶᠢᠨ ᠱᠠᠩᠨᠠᠯ ᠢ 《ᠬᠠᠷᠠᠩᠭᠠ》 ᠬᠠᠮᠲᠤᠯᠢᠭ ᠤᠨ ᠤᠷᠠᠨ ᠪᠦᠲᠦᠭᠡᠯ ᠦᠳ ᠲᠦ ᠬᠦᠷᠲᠡᠭᠡᠵᠦ ᠪᠠᠶᠢᠨᠠ᠃
1989 ᠣᠨ ᠳᠤ 《ᠠᠮᠢᠳᠤᠷᠠᠯ》 ᠬᠡᠮᠡᠬᠦ ᠠᠩᠬᠠᠨ ᠤ ᠲᠣᠭᠯᠠᠯᠲᠠ ᠪᠠᠨ ᠬᠢᠭᠰᠡᠨ 《ᠬᠠᠷᠠᠩᠭᠠ》 ᠬᠠᠮᠲᠤᠯᠢᠭ ᠵᠠᠮᠨᠠᠯ ᠤᠨ ᠢᠶᠠᠨ ᠲᠤᠷᠰᠢᠳᠠ ᠮᠣᠩ᠋ᠭᠣᠯ ᠴᠤᠳ ᠤᠨ ᠲᠠᠭᠠᠰᠢᠶᠠᠯ ᠳᠤ ᠬᠦᠷᠦᠭᠰᠡᠨ ᠣᠯᠠᠨ ᠠᠷᠪᠠᠨ ᠪᠦᠲᠦᠭᠡᠯ ᠲᠤᠭᠤᠷᠪᠢᠭᠰᠠᠨ᠃ ᠲᠡᠳᠡᠭᠡᠷ ᠡᠴᠡ 10 ᠪᠦᠲᠦᠭᠡᠯ ᠢ ᠣᠨᠴᠠᠯᠠᠨ ᠲᠥᠷᠥ ᠶᠢᠨ ᠱᠠᠩᠨᠠᠯ ᠳᠤ ᠨᠡᠷᠡ ᠳᠡᠪᠰᠢᠭᠦᠯᠵᠦ ᠴ ∙ ᠡᠩᠬᠡᠮᠠᠩᠯᠠᠶᠢᠭᠠ ᠶᠢᠨ ᠦᠭᠡ᠂ ᠠᠶᠠ 《ᠠᠮᠢᠳᠤᠷᠠᠯ》᠂ ᠴ ∙ ᠴᠢᠯᠠᠭᠤᠨᠪᠠᠲᠤ ᠶᠢᠨ ᠠᠶᠠ᠂ ᠪ ∙ ᠢᠪᠠᠤᠬᠤᠯᠤᠩ ᠤᠨ ᠰᠢᠯᠦᠭ 《ᠵᠥᠪᠬᠡᠨ ᠮᠣᠩ᠋ᠭᠣᠯ ᠳᠤ ᠪᠠᠨ》᠂ ᠴ ∙ ᠴᠢᠯᠠᠭᠤᠨᠪᠠᠲᠤ ᠶᠢᠨ ᠠᠶᠠ᠂ ᠰ ∙ ᠣᠶᠤᠨ ᠤ ᠦᠭᠡ 《ᠦᠭᠡᠶᠢᠯᠡᠨ ᠰᠠᠨᠠᠨᠠ》᠂ ᠶᠠ᠊ ∙ ᠣᠳᠤᠰᠦ᠋ᠷᠦᠩ ᠦᠨ ᠠᠶᠠ᠂ ᠴ ∙ ᠡᠩᠬᠡᠮᠠᠩᠯᠠᠢ ᠶᠢᠨ ᠦᠭᠡ 《ᠡᠨᠡ ᠪᠣᠯ ᠳᠤᠷᠠᠯᠠᠯ ᠪᠢᠰᠢ》 ᠴ ∙ ᠴᠢᠯᠠᠭᠤᠨᠪᠠᠲᠤ ᠶᠢᠨ ᠠᠶᠠ᠂ ᠭ ∙ ᠪᠠᠲᠤᠬᠦᠦ ᠶᠢᠨ ᠦᠭᠡ 《ᠲᠣᠯᠢᠨ ᠬᠤᠯᠠ》 ᠵᠡᠷᠭᠡ ᠣᠯᠠᠨ ᠤ ᠰᠡᠳᠬᠢᠯ ᠳᠥ ᠲᠣᠳᠣ ᠪᠠᠭᠤᠭᠰᠠᠨ ᠲᠠᠪᠤᠨ ᠪᠦᠲᠦᠭᠡᠯ ᠢ ᠨᠡᠷᠡ ᠴᠣᠬᠣᠨ ᠱᠠᠩᠨᠠᠵᠤ ᠪᠠᠶᠢᠭᠠ ᠶᠤᠮ᠃
ᠮᠣᠩ᠋ᠭᠣᠯ ᠤᠨ ᠠᠷᠠᠳ ᠲᠦᠮᠡᠨ ᠦ ᠣᠶᠤᠨ ᠰᠠᠨᠠᠭᠠ᠂ ᠰᠡᠳᠬᠢᠯ ᠵᠢᠷᠦᠬᠡᠨ ᠳᠥ ᠬᠣᠨᠣᠭᠰᠢᠭᠰᠠᠨ ᠣᠨᠴᠤᠭᠤᠢ ᠪᠦᠲᠦᠭᠡᠯ ᠦᠳ ᠢ ᠲᠤᠭᠤᠷᠪᠢᠨ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠣᠷᠴᠢᠨ ᠦᠶᠡ ᠶᠢᠨ ᠬᠥᠭ᠍ᠵᠢᠮ ᠦᠨ ᠤᠷᠠᠯᠢᠭ ᠲᠤ ᠦᠨᠡᠲᠡᠢ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠤᠭᠰᠠᠨ 《ᠬᠠᠷᠠᠩ᠋ᠭᠠ》 ᠬᠠᠮᠲᠤᠯᠢᠭ ᠤᠨ ᠤᠷᠠᠨ ᠪᠦᠲᠦᠭᠡᠯ ᠦᠳ ᠲᠥ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠲᠥᠷᠦ ᠶᠢᠨ ᠱᠠᠩᠨᠠᠯ ᠢ ᠣᠯᠭᠤᠯᠠ᠃
ᠲᠠ ᠪᠦᠬᠦᠨ ᠳᠥ ᠤᠷᠠᠨ ᠪᠦᠲᠦᠭᠡᠯ ᠦᠨ ᠰᠢᠨᠡ ᠠᠮᠵᠢᠯᠲᠠ ᠬᠦᠰᠡᠵᠦ᠂ ᠰᠠᠶᠢᠨ ᠰᠠᠶᠢᠬᠠᠨ ᠪᠦᠬᠦᠨ ᠢ ᠢᠷᠦᠭᠡᠶᠡ᠃
ᠮᠥᠩᠬᠡ ᠲᠩᠷᠢ ᠶᠢᠨ ᠬᠦᠴᠦᠨ ᠳᠣᠣᠷᠠ ᠮᠣᠩ᠋ᠭᠣᠯ ᠤᠨ ᠳᠠᠭᠤᠤ ᠬᠥᠭ᠍ᠵᠢᠮ ᠥᠨᠢᠳᠡ ᠳᠠᠭᠤᠷᠢᠰᠤᠨ᠂ ᠮᠣᠩ᠋ᠭᠣᠯ ᠲᠦᠮᠡᠨ ᠢᠶᠡᠨ ᠠᠰᠢᠳᠠ ᠪᠠᠶᠠᠰᠬᠠᠵᠤ ᠪᠠᠶᠢᠬᠤ ᠪᠣᠯᠲᠤᠭᠠᠢ》 ᠭᠡᠯᠡ᠃
