ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ 2020 ᠣᠨ ᠤ 02 ᠍ ᠳᠤᠭᠠᠷ ᠰᠠᠷᠠ ᠢᠢᠨ 12 ᠍ ᠤ ᠡᠳᠦᠷ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢ ᠲᠡᠮᠳᠡᠭᠯᠡᠬᠦ ᠦᠭᠡᠢ ᠪᠠᠢᠢᠬᠤ᠂ ᠪᠣᠯᠵᠣᠰᠢ ᠦᠭᠡᠢ ᠠᠶᠤᠯ ᠠᠴᠠ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ ᠠᠰᠠᠭᠤᠳᠠᠯ ᠢᠶᠠᠷ 《ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠴᠢᠭᠯᠡᠯ ᠥᠭ᠍ᠬᠦ ᠲᠤᠬᠠᠢ》 /《ᠰᠢᠨᠡ ᠺᠣᠷᠤᠨᠠᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢ ᠠᠴᠠ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ ᠲᠤᠬᠠᠢ/ ᠵᠠᠷᠯᠢᠭ ᠭᠠᠷᠭᠠᠭᠰᠠᠨ ᠪᠢᠯᠡ᠃
ᠮᠥᠨ ᠥᠨᠥᠳᠥᠷ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢ ᠥᠷᠭᠡᠨ ᠳᠡᠯᠭᠡᠷ ᠲᠡᠮᠳᠡᠭᠯᠡᠬᠦ ᠦᠭᠡᠢ ᠪᠠᠢᠢᠬᠤ ᠤᠷᠢᠶᠠᠯᠭᠠ ᠭᠠᠷᠭᠠᠵᠤ᠂ ᠠᠷᠠᠳ ᠲᠦᠮᠡᠨ ᠳᠥ ᠪᠡᠨ ᠬᠠᠨᠳᠤᠨ ᠦᠭᠡ ᠬᠡᠯᠡᠯᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠄
《ᠡᠷᠬᠢᠮ ᠮᠣᠩ᠋ᠭᠣᠯᠴᠤᠳ ᠠ᠋᠂
ᠠᠷᠠᠳ ᠢᠷᠭᠡᠳ ᠡ᠂
ᠠᠬᠠᠮᠠᠳ ᠨᠠᠰᠤᠲᠠᠨ ᠪᠤᠭᠤᠷᠠᠯ ᠤᠳ ᠠ᠋᠂
ᠲᠠ ᠪᠦᠬᠦᠨ ᠦ ᠡᠨᠡ ᠡᠳᠦᠷ ᠦᠨ ᠠᠮᠤᠭᠤᠯᠠᠩ ᠢ ᠠᠢᠢᠯᠠᠳᠬᠠᠶᠠ᠃
ᠰᠢᠨᠡ ᠣᠨ ᠤ ᠡᠬᠢᠨ ᠳᠥ ᠦᠨᠳᠦᠰᠦᠨ ᠦ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ ᠤᠨ ᠵᠥᠪᠯᠡᠯ ᠡᠴᠡ ᠠᠬᠠᠮᠠᠳ ᠤᠳ ᠤᠨ ᠢᠶᠠᠨ ᠲᠡᠳᠬᠦᠪᠦᠷᠢ ᠢᠢᠨ ᠵᠡᠭᠡᠯᠢ ᠢᠢ ᠲᠡᠭᠯᠡᠬᠦ ᠵᠥᠪᠯᠡᠮᠵᠢ ᠭᠠᠷᠭᠠᠭᠰᠠᠨ ᠢ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠬᠤᠷᠠᠯᠳᠤᠭᠠᠨ ᠢᠶᠠᠷ ᠳᠡᠮᠵᠢᠵᠦ᠂ ᠤᠯᠠᠮ ᠢᠶᠠᠷ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠠᠴᠠ ᠢᠷᠭᠡᠳ ᠦᠨ ᠲᠡᠳᠬᠦᠪᠦᠷᠢ ᠪᠠᠷᠢᠴᠠᠭᠠᠯᠠᠭᠰᠠᠨ ᠵᠡᠭᠡᠯᠢ ᠢᠢᠨ ᠲᠥᠯᠥᠪᠦᠷᠢ ᠢᠢ ᠲᠥᠷᠥ ᠡᠴᠡ ᠨᠢᠭᠡ ᠤᠳᠠᠭᠠ ᠤᠯᠭᠤᠬᠤ ᠲᠤᠬᠠᠢ ᠬᠠᠤᠯᠢ ᠢᠢ ᠪᠠᠲᠤᠯᠠᠭᠰᠠᠨ ᠪᠢᠯᠡ᠃ ᠡᠨᠡ ᠪᠣᠯ ᠨᠢᠭᠡ ᠲᠠᠯᠠ ᠪᠠᠷ ᠮᠣᠩ᠋ᠭᠣᠯ ᠤᠨ ᠲᠥᠷᠥ ᠡᠴᠡ ᠠᠬᠠᠮᠠᠳ ᠨᠠᠰᠤᠲᠠᠨ ᠨᠤᠭᠤᠳ ᠲᠠᠭᠠᠨ ᠪᠠᠷᠢᠵᠤ ᠪᠤᠢ ᠰᠠᠷᠠ ᠰᠢᠨᠡ ᠢᠢᠨ ᠪᠡᠯᠡᠭ ᠶᠤᠮ᠃
ᠮᠣᠩ᠋ᠭᠣᠯ ᠤᠨ ᠲᠥᠷᠥ ᠨᠢᠭᠡ ᠤᠳᠠᠭᠠ ᠢᠢᠨ ᠦᠢᠯᠡᠳᠦᠯ ᠢᠶᠡᠷ ᠪᠤᠰᠤ ᠪᠣᠯᠤᠮᠵᠢᠲᠤ ᠪᠦᠬᠦ ᠠᠷᠭᠠ ᠢᠢ ᠠᠰᠢᠭᠯᠠᠨ ᠠᠬᠠᠮᠠᠳ ᠤᠳ ᠤᠨ ᠢᠶᠠᠨ ᠨᠡᠢᠢᠭᠡᠮ ᠤᠨ ᠬᠠᠯᠠᠮᠵᠢ ᠢᠢ ᠨᠡᠮᠡᠭᠳᠡᠭᠦᠯᠬᠦ ᠪᠡᠷ ᠴᠢᠷᠮᠠᠢᠢᠨ ᠠᠵᠢᠯᠯᠠᠵᠤ ᠪᠠᠢᠢᠨᠠ᠃ ᠴᠢᠨᠠᠭᠰᠢᠳᠠ ᠪᠠᠨ ᠲᠡᠳᠬᠦᠪᠦᠷᠢ ᠢᠢᠨ ᠳᠣᠣᠷᠠᠳᠤ ᠬᠡᠮᠵᠢᠶᠡ ᠢᠢ 500 ᠮᠢᠩ᠋ᠭᠠᠨ ᠲᠥᠭᠥᠷᠢᠭ᠌ ᠬᠦᠷᠲᠡᠯᠡ ᠥᠰᠬᠡᠬᠦ ᠪᠣᠯᠤᠮᠵᠢ ᠢᠢ ᠡᠷᠢᠯᠬᠢᠯᠡᠨᠡ᠃ ᠡᠨᠡ ᠨᠢ ᠤᠯᠤᠰ ᠤᠨ ᠲᠥᠰᠥᠪ ᠲᠡᠢ ᠰᠢᠭᠤᠳ ᠬᠣᠯᠪᠣᠭᠠ ᠲᠠᠢ ᠤᠴᠢᠷ ᠨᠠᠷᠢᠨ ᠲᠣᠭᠠᠴᠠᠭᠠ ᠰᠤᠳᠤᠯᠭᠠ᠂ ᠲᠥᠰᠥᠪ ᠦᠨ ᠲᠣᠳᠣᠳᠬᠠᠯ ᠬᠢᠬᠦ ᠵᠡᠷᠭᠡ ᠦᠢᠯᠡ ᠠᠵᠢᠯᠯᠠᠭᠠ ᠱᠠᠭᠠᠷᠳᠠᠯᠭᠠ ᠲᠠᠢ ᠶᠤᠮ᠃
ᠠᠬᠠᠮᠠᠳ ᠢᠶᠠᠨ ᠠᠴᠢᠯᠠᠬᠤ᠂ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠳ ᠢᠶᠠᠨ ᠲᠡᠳᠭᠦᠬᠦ ᠨᠢ ᠮᠣᠩ᠋ᠭᠣᠯ ᠤᠨ ᠥᠪ ᠤᠯᠠᠮᠵᠢᠯᠠᠯ᠂ ᠶᠣᠰᠣ ᠵᠠᠩᠰᠢᠯ ᠪᠥᠭᠡᠳ ᠦᠶᠡ ᠢᠢᠨ ᠦᠶᠡ ᠳᠥ ᠲᠥᠷᠥ ᠢᠢᠨ ᠡᠷᠬᠢᠮ ᠡᠭᠦᠷᠭᠡ ᠪᠠᠢᠢᠵᠤ ᠢᠷᠡᠭᠰᠡᠨ᠃
ᠰᠠᠷᠠ ᠰᠢᠨᠡ ᠢᠢᠨ ᠪᠠᠶᠠᠷ ᠤᠨ ᠡᠮᠦᠨᠡᠬᠡᠨ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠡᠷᠴᠢᠮᠲᠡᠢ ᠲᠠᠷᠬᠠᠵᠤ ᠪᠤᠢ ᠲᠢᠲᠢᠮᠳᠥ ᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢ᠂ ᠴᠠᠷᠠ ᠲᠠᠷᠬᠠᠯᠲᠠ ᠢᠢᠨ ᠨᠥᠬᠥᠴᠡᠯ ᠪᠠᠢᠢᠳᠠᠯ ᠤᠨ ᠤᠯᠠᠮ ᠠᠴᠠ 17 ᠳ᠋ᠤᠭᠠᠷ ᠵᠢᠷᠠᠨ ᠤ 《ᠬᠣᠲᠠᠯᠠ ᠲᠡᠭᠦᠰ》 ᠬᠡᠮᠡᠬᠦ ᠲᠡᠮᠦᠷ ᠬᠤᠯᠤᠭᠠᠨᠠ ᠵᠢᠯ ᠦᠨ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢ ᠲᠡᠮᠳᠡᠭᠯᠡᠬᠦ ᠦᠭᠡᠢ ᠪᠠᠢᠢᠵᠤ᠂ ᠪᠣᠯᠵᠣᠰᠢ ᠦᠭᠡᠢ ᠠᠶᠤᠯ ᠠᠴᠠ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ ᠵᠣᠷᠢᠯᠭᠠ ᠪᠠᠷ ᠲᠤᠰᠬᠠᠢᠢᠯᠠᠨ ᠵᠠᠷᠯᠢᠭ ᠭᠠᠷᠭᠠᠬᠤ ᠠᠴᠠ ᠠᠷᠭᠠ ᠦᠭᠡᠢ ᠳᠥ ᠬᠦᠷᠦᠭᠰᠡᠨ᠃
ᠤᠴᠢᠷ ᠨᠢ᠂ ᠡᠨᠡ ᠸᠢᠷᠦ᠋ᠰ ᠦᠨ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨ ᠨᠢ ᠸᠢᠷᠦ᠋ᠰ ᠢᠯᠡᠷᠡᠭᠰᠡᠨ ᠤᠯᠤᠰ ᠣᠷᠣᠨ ᠨᠤᠭᠤᠳ ᠤᠨ ᠠᠬᠠᠮᠠᠳ ᠨᠠᠰᠤᠲᠠᠨ ᠨᠤᠭᠤᠳ ᠲᠤ ᠬᠦᠨᠳᠦ ᠪᠡᠷ ᠲᠤᠰᠬᠤ ᠨᠢ ᠣᠯᠠᠨᠲᠠ ᠲᠣᠬᠢᠶᠠᠵᠤ ᠪᠠᠢᠢᠨᠠ᠃ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢᠶᠠᠷ ᠢᠶᠠᠨ ᠪᠢᠳᠡ ᠠᠬᠠᠮᠠᠳ ᠪᠠᠭᠤᠷᠠᠯ ᠤᠳ ᠢᠶᠠᠨ ᠡᠷᠡᠭᠦᠯ ᠡᠩᠬᠡ᠂ ᠠᠮᠤᠷ ᠠᠮᠤᠭᠤᠯᠠᠩ ᠪᠠᠢᠢᠯᠭᠠᠬᠤ ᠳᠤ ᠢᠯᠡᠭᠦᠦ ᠲᠡᠢ ᠠᠩ᠋ᠬᠠᠷᠬᠤ ᠶᠣᠰᠣᠲᠠᠢ ᠪᠢᠯᠡ᠃
ᠮᠣᠩ᠋ᠭᠣᠯᠴᠤᠳ ᠠ᠋᠂
ᠲᠠ ᠪᠦᠬᠦᠨ ᠳᠥ ᠪᠡᠨ ᠬᠠᠨᠳᠤᠨ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠳ ᠲᠠᠭᠠᠨ ᠡᠷᠦᠰᠳᠡᠯ ᠳᠥ ᠤᠴᠠᠷᠠᠭᠤᠯᠬᠤ ᠦᠭᠡᠢ ᠪᠡᠷ ᠣᠷᠴᠢᠨ ᠴᠠᠭ ᠤᠨ ᠲᠧᠭᠨᠣᠯᠣᠭᠢ ᠢᠢᠨ ᠳᠡᠪᠰᠢᠯ ᠵᠡᠷᠭᠡ ᠢᠢ ᠠᠰᠢᠭᠯᠠᠨ ᠠᠮᠤᠷ ᠮᠡᠨᠳᠦ ᠪᠡᠨ ᠮᠡᠳᠡᠯᠴᠡᠨ ᠵᠣᠯᠭᠠᠯᠲᠠ ᠬᠢᠬᠦ ᠢᠢ ᠤᠷᠢᠶᠠᠯᠠᠵᠤ ᠪᠠᠢᠢᠨᠠ᠃
ᠪᠡᠶᠡ ᠪᠡᠷ ᠠᠭᠤᠯᠵᠠᠵᠤ ᠵᠣᠯᠭᠠᠬᠤ ᠨᠢ ᠶᠡᠬᠡᠬᠡᠨ ᠡᠷᠦᠰᠳᠡᠯ ᠢ ᠳᠠᠭᠠᠭᠤᠯᠬᠤ ᠤᠴᠢᠷ ᠡᠨᠡ ᠡᠪᠡᠳᠴᠢᠨ ᠦ ᠲᠠᠷᠬᠠᠯᠲᠠ ᠢᠢ ᠪᠠᠭᠤᠷᠠᠬᠤ ᠬᠦᠷᠲᠡᠯᠡ ᠲᠡᠪᠴᠢᠨ ᠥᠩᠭᠡᠷᠡᠭᠡᠬᠦ ᠨᠢ ᠠᠬᠠᠮᠠᠳ ᠨᠠᠰᠤᠲᠠᠨ ᠨᠤᠭᠤᠳ ᠲᠤ ᠮᠠᠨᠢ ᠲᠤᠰᠠᠲᠠᠢ ᠶᠤᠮ᠃ ᠳᠡᠯᠡᠬᠡᠢ ᠢᠢᠨ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠪᠠᠢᠢᠭᠤᠯᠤᠯᠭᠠ ᠢᠢᠨ ᠠᠩ᠋ᠬᠠᠷᠤᠭᠤᠯᠭᠠ ᠠᠴᠠ ᠦᠵᠡᠬᠦ ᠳᠥ ᠰᠢᠨᠡ ᠲᠢᠲᠢᠮᠳᠥ ᠸᠢᠷᠦ᠋ᠰ ᠦᠨ ᠲᠠᠷᠬᠠᠯᠲᠠ ᠨᠢ ᠮᠡᠷᠭᠡᠵᠢᠯᠲᠡᠨ ᠨᠦᠭᠦᠳ ᠦᠨ ᠲᠠᠭᠠᠮᠠᠭᠯᠠᠵᠤ ᠪᠠᠢᠢᠭᠠ ᠠᠴᠠ ᠢᠯᠡᠭᠦᠦ ᠨᠣᠴᠢᠲᠠᠢ ᠲᠥᠯᠥᠪᠲᠡᠢ ᠪᠠᠢᠢᠨᠠ᠃
ᠸᠢᠷᠦ᠋ᠰ ᠦᠨ ᠡᠪᠡᠳᠴᠢᠯᠡᠯ ᠢ ᠭᠠᠷᠭᠠᠭᠤᠯᠬᠤ ᠦᠭᠡᠢ ᠪᠠᠢᠢᠬᠤ᠂ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ ᠨᠢ ᠣᠳᠣ ᠪᠠᠷ ᠮᠡᠳᠡᠭᠳᠡᠵᠦ ᠪᠠᠢᠢᠭᠠ ᠬᠠᠮᠤᠭ ᠤᠨ ᠨᠠᠢᠢᠳᠠᠪᠤᠷᠢᠲᠠᠢ ᠠᠷᠭᠠ ᠲᠤᠯᠠ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠳ ᠲᠤ ᠬᠦᠨᠳᠦᠷᠡᠯ᠂ ᠡᠷᠦᠰᠳᠡᠯ ᠤᠴᠠᠷᠠᠭᠤᠯᠬᠤ ᠪᠠᠢᠢᠳᠠᠯ ᠢᠶᠠᠷ ᠲᠡᠮᠳᠡᠭᠯᠡᠬᠦ ᠦᠭᠡᠢ ᠪᠠᠢᠢᠬᠤ ᠢᠢ ᠤᠷᠢᠶᠠᠯᠠᠵᠤ ᠪᠠᠢᠢᠨᠠ᠃
ᠪᠢᠳᠡ ᠡᠮᠦᠨᠡᠲᠦ ᠬᠥᠷᠰᠢ ᠢᠢᠨ ᠠᠯᠳᠠᠭᠠ ᠢᠢ ᠳᠠᠪᠲᠠᠵᠤ ᠪᠣᠯᠬᠤ ᠦᠭᠡᠢ᠃ ᠤᠷᠳᠤ ᠬᠥᠷᠰᠢ ᠳᠥ ᠴᠠᠭᠠᠨ ᠰᠠᠷᠠ ᠢᠢ ᠠᠷᠠᠳ ᠢᠷᠭᠡᠳ ᠨᠢ ᠥᠷᠭᠡᠨ ᠲᠡᠮᠳᠡᠭᠯᠡᠭᠰᠡᠨ ᠨᠢ ᠠᠯᠳᠠᠭᠠ ᠪᠣᠯᠵᠤ᠂ ᠬᠠᠯᠳᠠᠪᠤᠷᠢ ᠲᠠᠷᠬᠠᠬᠤ᠂ ᠡᠪᠡᠳᠴᠢᠨ ᠢ ᠬᠢᠨᠠᠯᠲᠠ ᠠᠴᠠ ᠭᠠᠷᠭᠠᠬᠤ ᠳᠤ ᠬᠦᠷᠭᠡᠭ᠍ᠰᠡᠨ ᠪᠣᠯᠬᠤ ᠢᠢ ᠸᠢᠷᠦ᠋ᠰ ᠰᠤᠳᠤᠯᠤᠭᠠᠴᠢᠳ᠂ ᠡᠷᠳᠡᠮᠲᠡᠳ ᠠᠩ᠋ᠬᠠᠷᠤᠭᠤᠯᠵᠤ ᠪᠠᠢᠢᠭᠠ ᠢᠢ ᠦᠯᠦ ᠲᠣᠭᠤᠵᠤ ᠬᠡᠷᠬᠢᠪᠡᠴᠦ ᠪᠣᠯᠬᠤ ᠦᠭᠡᠢ᠃
ᠪᠦᠬᠦ ᠨᠡᠢᠢᠲᠡ ᠢᠢᠨ ᠡᠷᠡᠭᠦᠯ ᠡᠩᠬᠡ ᠢᠢᠨ ᠲᠥᠯᠥᠭᠡ ᠬᠦᠮᠦᠨ ᠪᠦᠷᠢ ᠬᠢᠴᠢᠶᠡᠵᠦ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ᠂ ᠰᠠᠬᠢᠯᠭᠠ ᠪᠠᠲᠤ ᠲᠠᠢ ᠪᠠᠢᠢᠬᠤ ᠴᠠᠭ ᠪᠢᠳᠡᠨ ᠦ ᠡᠮᠦᠨᠡ ᠢᠷᠡᠯᠡ᠃ ᠬᠦᠮᠦᠨ ᠪᠦᠷᠢ ᠬᠤᠪᠢ ᠢᠢᠨ ᠠᠷᠢᠭᠤᠨ ᠴᠡᠪᠡᠷ ᠢ ᠳᠡᠭᠡᠳᠦᠯᠡᠨ ᠰᠠᠬᠢᠵᠤ᠂ ᠡᠮᠴᠢ ᠮᠡᠷᠭᠡᠵᠢᠯᠲᠡᠨ ᠨᠦᠭᠦᠳ ᠦᠨ ᠵᠥᠪᠯᠡᠭᠰᠡᠨ ᠢᠶᠡᠷ ᠭᠠᠷ ᠢᠶᠠᠨ ᠲᠣᠭᠲᠠᠮᠠᠯ ᠤᠭᠢᠶᠠᠵᠤ᠂ ᠠᠮᠠᠨ ᠤ ᠬᠠᠭᠠᠯᠲᠠ ᠢᠢ ᠪᠠᠢᠢᠩ᠋ᠭᠤ ᠵᠡᠭᠦᠵᠦ᠂ ᠪᠡᠶᠡ ᠢᠢᠨ ᠳᠠᠷᠬᠠᠯᠠᠭᠠ ᠪᠠᠨ ᠳᠡᠮᠵᠢᠭᠡᠷᠡᠢ᠃ ᠸᠢᠷᠦ᠋ᠰ ᠦᠨ ᠳᠡᠭᠳᠡᠯᠲᠡ᠂ ᠲᠠᠷᠬᠠᠯᠲᠠ ᠨᠠᠮᠵᠢᠬᠤ ᠬᠦᠷᠲᠡᠯᠡ᠂ ᠡᠪᠡᠳᠴᠢᠨ ᠢ ᠬᠢᠨᠠᠯᠲᠠ ᠳᠤ ᠪᠦᠷᠢᠨ ᠤᠷᠤᠭᠤᠯᠬᠤ ᠴᠠᠭ ᠢᠷᠡᠲᠡᠯᠡ ᠣᠯᠠᠨ ᠢ ᠬᠠᠮᠤᠷᠤᠭᠰᠠᠨ ᠠᠷᠭᠠ ᠬᠡᠮᠵᠢᠶᠡ᠂ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠬᠤ᠂ ᠣᠯᠠᠨ ᠬᠦᠮᠦᠨ ᠲᠡᠢ ᠭᠠᠵᠠᠷ ᠢᠶᠠᠷ ᠬᠡᠰᠦᠭᠦᠯᠴᠢᠯᠡᠬᠦ ᠡᠴᠡ ᠬᠦᠮᠦᠨ ᠪᠦᠷᠢ ᠵᠠᠢᠢᠯᠠᠰᠬᠢᠵᠤ᠂ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠳᠤ ᠲᠡᠪᠴᠢᠬᠦ᠂ ᠬᠠᠮᠲᠤ ᠳᠤ ᠪᠠᠨ ᠡᠷᠦᠰᠳᠡᠯ ᠢ ᠳᠠᠪᠠᠨ ᠲᠤᠭᠤᠯᠬᠤ ᠴᠠᠭ ᠲᠤᠯᠵᠤ ᠢᠷᠡᠵᠡᠢ᠃
ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠬᠦᠨᠡᠰᠦᠨ ᠦ ᠬᠠᠩ᠋ᠭᠠᠮᠵᠢ᠂ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ ᠢ ᠬᠠᠩ᠋ᠭᠠᠬᠤ᠂ ᠦᠨᠡ ᠢᠢᠨ ᠥᠰᠦᠯᠲᠡ ᠢᠢ ᠬᠢᠵᠠᠭᠠᠷᠯᠠᠬᠤ ᠳᠡᠰ ᠳᠠᠷᠠᠭᠠᠯᠠᠭᠰᠠᠨ ᠠᠷᠭᠠ ᠬᠡᠮᠵᠢᠶᠡ ᠨᠦᠭᠦᠳ ᠢ ᠠᠪᠬᠤ ᠪᠠᠷ ᠰᠢᠮᠳᠠᠨ ᠠᠵᠢᠯᠯᠠᠵᠤ ᠪᠠᠢᠢᠨᠠ᠃
ᠠᠷᠠᠳ ᠢᠷᠭᠡᠳ ᠡ᠂
ᠮᠣᠩ᠋ᠭᠣᠯᠴᠤᠳ ᠠ᠋᠂
ᠨᠠᠰᠤᠲᠠᠨ ᠪᠤᠭᠤᠷᠠᠯ ᠤᠳ ᠠ᠋
ᠨᠡᠢᠢᠲᠡ ᠢᠢ ᠬᠠᠮᠤᠷᠤᠭᠰᠠᠨ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠢ ᠳᠡᠯᠭᠡᠷᠡᠭᠦᠯᠬᠦ ᠦᠭᠡᠢ ᠪᠠᠢᠢᠬᠤ᠂ ᠬᠦᠮᠦᠨ ᠪᠦᠷᠢ ᠢᠢᠨ ᠡᠷᠡᠭᠦᠯ ᠰᠠᠷᠠᠭᠤᠯ ᠠᠮᠢᠳᠤᠷᠠᠯ ᠢ ᠲᠡᠳᠭᠦᠬᠦ᠂ ᠬᠠᠮᠠᠭᠠᠯᠠᠬᠤ ᠡᠭᠦᠳᠡᠨ ᠡᠴᠡ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢ ᠵᠥᠪᠬᠡᠨ ᠡᠨᠡ ᠤᠳᠠᠭᠠ ᠳᠤ ᠪᠠᠨ ᠲᠡᠮᠳᠡᠭᠯᠡᠬᠦ ᠦᠭᠡᠢ᠂ ᠲᠡᠪᠴᠢᠨ ᠥᠩᠭᠡᠷᠡᠭᠡᠬᠦ ᠢᠢ ᠲᠠ ᠪᠦᠬᠦᠨ ᠡᠴᠡ ᠠᠬᠢᠨ ᠳᠠᠬᠢᠨ ᠬᠦᠰᠡᠵᠦ᠂ ᠤᠷᠢᠶᠠᠯᠠᠶᠠ ᠠ᠋᠃
ᠡᠷᠡᠭᠦᠯ ᠶᠠᠪᠤᠬᠤ ᠳᠤ ᠣᠯᠠᠨ ᠣᠯᠠᠨ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢ ᠲᠡᠮᠳᠡᠭᠯᠡᠨᠡ᠃ ᠲᠠ ᠪᠢᠳᠡ ᠡᠷᠦᠰᠳᠡᠯᠳᠥ ᠨᠥᠬᠥᠴᠡᠯ ᠢ ᠬᠠᠮᠲᠤ ᠢᠢᠨ ᠬᠦᠴᠦᠨ ᠴᠢᠷᠮᠠᠢᠢᠯᠲᠠ ᠪᠠᠷ ᠳᠠᠪᠠᠨ ᠭᠠᠷᠴᠤ᠂ ᠡᠩᠬᠡ ᠲᠤᠩᠬᠠ ᠰᠠᠢᠢᠨ ᠰᠠᠢᠢᠬᠠᠨ ᠠᠮᠢᠳᠤᠷᠠᠬᠤ ᠪᠣᠯᠤᠨᠠ᠃ ᠢᠲᠡᠭᠡᠯ ᠨᠠᠢᠢᠳᠠᠪᠤᠷᠢ ᠪᠠᠨ ᠪᠤᠤ ᠠᠯᠠᠳᠠᠭᠠᠷᠠᠢ᠂ ᠠᠩ᠋ᠬᠠᠷᠤᠯ ᠰᠡᠷᠡᠮᠵᠢ ᠪᠡᠨ ᠪᠢᠲᠡᠭᠡᠢ ᠰᠤᠯᠠᠷᠠᠭᠤᠯᠤᠭᠠᠷᠠᠢ᠃
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠦᠷ ᠮᠣᠩ᠋ᠭᠣᠯᠴᠤᠳ ᠡᠷᠡᠭᠦᠯ ᠰᠠᠷᠠᠭᠤᠯ᠂ ᠡᠩᠬᠡ ᠲᠤᠩᠬᠠ ᠠᠵᠤ ᠲᠥᠷᠥᠬᠦ ᠪᠣᠯᠲᠤᠭᠠᠢ》 ᠭᠡᠵᠡᠢ᠃