ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠢ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠺᠣᠮᠢᠰ ᠠᠴᠠ ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠲᠤᠬᠠᠢ ᠬᠠᠤᠯᠢ ᠳᠤ ᠵᠢᠭᠠᠭᠰᠠᠨ ᠪᠣᠯᠵᠣᠯ ᠬᠠᠩᠭ᠋ᠠᠭᠰᠠᠨ ᠤᠶᠠᠭᠠᠴᠢᠳ ᠲᠤ ᠴᠣᠯᠠ ᠬᠦᠷᠲᠡᠭᠡᠬᠦ ᠪᠡᠷ ᠡᠷᠭᠦᠨ ᠮᠡᠳᠡᠭᠦᠯᠦᠭᠰᠡᠨ ᠰᠠᠨᠠᠯ ᠢ ᠦᠨᠳᠦᠰᠦᠯᠡᠨ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬᠠ᠂ᠪᠠᠲᠤᠲᠤᠯᠭᠠ 17 ᠳᠤᠭᠠᠷ ᠵᠢᠷᠠᠨ ᠤ 《ᠲᠡᠢᠢᠨ ᠤᠨᠵᠢᠯᠭᠠᠳᠤ》 ᠬᠡᠮᠡᠬᠦ ᠰᠢᠷᠤᠢ ᠨᠣᠬᠠᠢ ᠵᠢᠯ ᠦᠨ ᠰᠠᠷᠠ ᠰᠢᠨᠡ ᠢᠢᠨ ᠪᠠᠶᠠᠷ ᠤᠨ ᠪᠣᠱᠤᠭᠠᠤᠨ ᠳᠡᠭᠡᠷᠡ ᠵᠠᠷᠯᠢᠭ ᠭᠠᠷᠭᠠᠵᠤ ᠣᠯᠠᠨ ᠵᠢᠯ ᠬᠤᠷᠳᠤᠨ ᠮᠣᠷᠢᠨ ᠤ ᠤᠶᠠᠭᠠ ᠰᠣᠢᠢᠯᠭᠠ ᠲᠠᠭᠠᠷᠠᠭᠤᠯᠵᠤ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠦ ᠨᠠᠭᠠᠳᠤᠮ ᠤᠳ ᠠᠴᠠ ᠲᠦᠷᠦᠭᠦᠦ᠂ ᠠᠢᠢᠷᠠᠭ ᠠᠪᠤᠭᠰᠠᠨ ᠨᠡᠷᠡ ᠪᠦᠬᠦᠢ ᠤᠶᠠᠭᠠᠴᠢᠳ ᠲᠤ ᠤᠯᠤᠰ ᠤᠨ ᠴᠣᠯᠠ ᠬᠦᠷᠲᠡᠭᠡᠯ ᠠ᠃
ᠤᠶᠠᠭᠠᠴᠢᠳ ᠤᠨ ᠴᠣᠯᠠ ᠢᠢ ᠥᠨᠥᠳᠥᠷ ᠲᠥᠷᠦ ᠢᠢᠨ ᠶᠢᠰᠦᠨ ᠬᠥᠯᠲᠦ ᠴᠠᠭᠠᠨ ᠲᠤᠭᠲᠤ ᠲᠠᠩᠬᠢᠮ ᠳᠤ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬᠠ᠂ᠪᠠᠲᠤᠲᠤᠯᠭᠠ ᠭᠠᠷᠳᠠᠭᠤᠯᠵᠤ ᠦᠭ᠍ᠪᠡ᠃
ᠱᠠᠩᠨᠠᠯ ᠭᠠᠷᠳᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬᠠ᠂ᠪᠠᠲᠤᠲᠤᠯᠭᠠ ᠤᠯᠤᠰ ᠤᠨ ᠴᠣᠯᠠ ᠬᠦᠷᠲᠡᠭᠰᠡᠨ ᠤᠶᠠᠭᠠᠴᠢᠳ ᠲᠤ ᠬᠠᠨᠳᠤᠵᠤ᠄
《ᠲᠡᠦᠬᠡ ᠰᠣᠶᠣᠯ ᠤᠨ ᠢᠶᠠᠨ ᠶᠡᠬᠡ ᠥᠪ ᠢ ᠬᠠᠳᠠᠭᠠᠯᠠᠵᠤ ᠬᠥᠭ᠍ᠵᠢᠭᠦᠯᠵᠦ ᠶᠠᠪᠤᠭᠠ ᠨᠡᠢᠢᠲᠡ ᠤᠶᠠᠭᠠᠴᠢᠳ ᠲᠤ ᠪᠠᠨ ᠰᠠᠷᠠ ᠰᠢᠨᠡ ᠢᠢᠨ ᠮᠡᠨᠳᠦ ᠳᠡᠪᠰᠢᠭᠦᠯᠦᠶᠡ᠃
ᠦᠨᠳᠦᠰᠦᠨ ᠦ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠲᠤᠬᠠᠢ ᠬᠠᠤᠯᠢ ᠢᠢᠨ ᠳᠠᠭᠠᠭᠤ ᠪᠠᠶᠠᠷ ᠨᠠᠭᠠᠳᠤᠮ ᠢ ᠵᠣᠬᠢᠶᠠᠨ ᠪᠠᠢᠢᠭᠤᠯᠬᠤ ᠬᠣᠷᠢᠶᠠᠨ ᠤ ᠰᠠᠨᠠᠯ ᠢ ᠦᠨᠳᠦᠰᠦᠯᠡᠨ᠂ ᠮᠣᠩᠭ᠋ᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠵᠢᠯ ᠪᠦᠷᠢ ᠢᠢᠨ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠢᠶᠠᠷ ᠤᠶᠠᠭᠠᠴᠢᠳ ᠲᠤ ᠤᠯᠤᠰ ᠤᠨ ᠴᠣᠯᠠ ᠣᠯᠭᠤᠳᠠᠭ᠃ ᠣᠳᠴᠤ ᠪᠤᠢ ᠲᠠᠬᠢᠶᠠ ᠵᠢᠯ ᠳᠥ ᠤᠯᠤᠰ᠂ ᠪᠥᠰᠡ ᠢᠢᠨ ᠤᠷᠤᠯᠳᠤᠭᠠᠨ ᠳᠤ ᠤᠶᠠᠭᠰᠠᠨ ᠮᠣᠷᠢᠳ ᠢᠶᠠᠨ ᠲᠦᠷᠦᠭᠦᠯᠭᠡᠵᠦ᠂ ᠠᠢᠢᠷᠠᠭᠳᠠᠭᠤᠯᠤᠨ ᠤᠯᠤᠰ ᠤᠨ ᠴᠣᠯᠠᠨ ᠤ ᠪᠣᠯᠵᠣᠯ ᠬᠠᠩᠭ᠋ᠠᠭᠰᠠᠨ ᠤᠶᠠᠭᠠᠴᠢᠳ ᠲᠤ ᠴᠣᠯᠠ ᠢᠢ ᠨᠢ ᠭᠠᠷᠳᠠᠭᠤᠯᠵᠤ ᠥᠭ᠍ᠭᠦᠯᠡ᠃
ᠤᠶᠠᠭᠠᠴᠢ ᠢᠢᠨ ᠡᠷᠳᠡᠮ᠂ ᠠᠳᠤᠭᠤᠨ ᠤ ᠬᠡᠢᠢᠮᠣᠷᠢ ᠪᠠᠷ ᠮᠣᠩᠭ᠋ᠣᠯ ᠲᠦᠮᠡᠨ ᠢᠶᠡᠨ ᠪᠠᠶᠠᠰᠬᠠᠵᠤ᠂ ᠲᠥᠷᠥ ᠢᠢᠨ ᠢᠶᠡᠨ ᠴᠣᠯᠠ ᠪᠠᠷ ᠠᠯᠳᠠᠷ ᠢᠶᠠᠨ ᠮᠢᠯᠢᠶᠠᠭᠰᠠᠨ ᠲᠠ ᠪᠦᠬᠦᠨ ᠳᠥ ᠪᠠᠶᠠᠷ ᠬᠦᠷᠭᠡᠶᠡ᠃
ᠳᠡᠯᠡᠬᠡᠢ ᠢᠢᠨ ᠲᠠᠯᠠ ᠢᠢ ᠡᠵᠡᠯᠡᠭᠰᠡᠨ ᠮᠣᠩᠭ᠋ᠣᠯᠴᠤᠳ ᠤᠨ ᠶᠡᠬᠡ ᠲᠡᠦᠬᠡ ᠮᠣᠷᠢᠨ ᠲᠤᠭᠤᠷᠠᠢ ᠪᠠᠷ ᠲᠠᠮᠠᠭᠠᠯᠠᠭᠳᠠᠭᠰᠠᠨ ᠪᠠᠢᠢᠳᠠᠭ᠃ ᠬᠤᠪᠢᠯᠠᠢ ᠰᠡᠴᠡᠨ ᠬᠠᠭᠠᠨ 755 ᠵᠢᠯ ᠦᠨ ᠲᠡᠷᠲᠡᠭᠡ᠂ 1263 ᠣᠨ ᠳᠤ ᠠᠳᠤᠭᠤᠨ ᠰᠦᠷᠦᠭ ᠢ ᠳᠡᠭᠡᠳᠦ ᠢᠢᠨ ᠰᠦᠷᠦᠭ ᠬᠡᠮᠡᠭᠡᠳ ᠠᠳᠤᠭᠤᠨ ᠤ ᠶᠠᠮᠤ ᠪᠠᠢᠢᠭᠤᠯᠤᠨ᠂ ᠲᠥᠷᠥ ᠢᠢᠨ ᠪᠣᠳᠣᠯᠭᠠ ᠢᠢᠨ ᠲᠥᠪ ᠲᠥ ᠪᠠᠢᠢᠯᠭᠠᠵᠤ ᠪᠠᠢᠢᠭᠰᠠᠨ ᠨᠢ ᠮᠣᠩᠭ᠋ᠣᠯ ᠤᠨ ᠴᠡᠷᠢᠭ ᠠᠷᠮᠢ ᠬᠦᠴᠦᠷᠬᠡᠭ᠌ ᠪᠠᠢᠢᠬᠤ ᠢᠢᠨ ᠦᠨᠳᠦᠰᠦ ᠪᠣᠯᠵᠤ ᠪᠠᠢᠢᠭᠰᠠᠨ᠃ 2013 ᠣᠨ ᠳᠤ ᠠᠳᠤᠭᠤᠨ ᠤ ᠶᠠᠮᠤᠨ ᠤ 750 ᠵᠢᠯ ᠦᠨ ᠣᠢ ᠢᠢ ᠲᠣᠬᠢᠶᠠᠯᠳᠤᠭᠤᠯᠤᠨ ᠳᠡᠯᠡᠬᠡᠢ ᠢᠢᠨ ᠳᠡᠭᠡᠳᠦ ᠠᠮᠵᠢᠯᠲᠠ ᠢᠢᠨ ᠭᠢᠨ᠋᠊ᠨᠧᠰ ᠦᠨ ᠨᠣᠮ ᠳᠤ ᠪᠦᠷᠢᠳᠬᠡᠭᠦᠯᠦᠭᠰᠡᠨ 11᠂000 ᠮᠣᠷᠢᠲᠠᠨ ᠤ ᠵᠢᠭ᠌ᠰᠠᠭᠠᠯ᠂ 4200 ᠭᠠᠷᠤᠢ ᠬᠤᠷᠳᠤᠨ ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠪᠣᠯ ᠮᠣᠷᠢᠲᠠᠨ ᠮᠣᠩᠭ᠋ᠣᠯᠴᠤᠳ ᠤᠨ ᠪᠠᠬᠠᠷᠬᠠᠯ ᠢ ᠪᠠᠳᠠᠷᠠᠭᠠᠵᠤ᠂ ᠦᠨᠳᠦᠰᠦᠨ ᠦ ᠰᠤᠶᠤᠯ ᠢ ᠮᠠᠨᠳᠤᠭᠤᠯᠤᠭᠰᠠᠨ ᠣᠨᠴᠠᠭᠠᠢ ᠦᠢᠯᠡ ᠶᠠᠪᠤᠳᠠᠯ ᠪᠣᠯᠤᠭᠰᠠᠨ ᠶᠤᠮ᠃
ᠬᠤᠷᠳᠤᠨ ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠰᠡᠳᠬᠢᠯ ᠨᠢ ᠰᠡᠷᠭᠦᠳᠡᠭ ᠦᠭᠡᠢ᠂ ᠪᠠᠬᠠᠷᠬᠠᠵᠤ ᠣᠭᠰᠢᠳᠠᠭ ᠦᠭᠡᠢ ᠮᠣᠩᠭ᠋ᠣᠯ ᠬᠦᠮᠦᠨ ᠭᠡᠵᠦ ᠪᠠᠢᠢᠳᠠᠭ ᠦᠭᠡᠢ᠃ ᠲᠠ ᠪᠦᠬᠦᠨ ᠦ ᠬᠥᠳᠡᠯᠮᠦᠷᠢ ᠪᠣᠯ ᠠᠳᠤᠭᠤᠨ ᠤ ᠰᠣᠶᠣᠯ ᠢ ᠴᠣᠭᠴᠠ ᠪᠠᠷ ᠨᠢ ᠠᠭᠤᠯᠠᠭᠰᠠᠨ ᠰᠣᠩᠭ᠋ᠣᠳᠠᠭ ᠵᠢᠱᠢᠶᠡ᠃ ᠪᠥᠷᠢᠨ ᠡᠷᠬᠡᠲᠦ᠂ ᠲᠤᠰᠠᠭᠠᠷ ᠮᠣᠩᠭ᠋ᠣᠯ ᠤᠯᠤᠰ ᠪᠠᠢᠢᠭᠠ ᠴᠠᠭ ᠲᠤ ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠮᠠᠨᠢ ᠮᠥᠩᠬᠡ ᠣᠷᠣᠰᠢᠵᠤ᠂ ᠡᠷᠳᠡᠮᠲᠦ ᠤᠶᠠᠭᠠᠴᠢᠳ ᠮᠠᠨᠢ ᠲᠥᠷᠦ ᠢᠢᠨ ᠨᠠᠭᠠᠳᠤᠮ ᠳᠤ ᠪᠠᠨ ᠠᠵᠢᠨᠠᠢ ᠮᠣᠩᠭ᠋ᠣᠯ ᠮᠣᠷᠢᠳ ᠢᠶᠠᠨ ᠤᠶᠠᠵᠤ ᠤᠷᠤᠯᠳᠤᠭᠤᠯᠵᠤ᠂ ᠲᠦᠮᠡᠨ ᠣᠯᠠᠨ ᠢᠶᠠᠨ ᠴᠢᠩᠭᠢᠭᠦᠯᠦᠭᠰᠡᠭᠡᠷ ᠪᠠᠢᠢᠬᠤ ᠪᠣᠯᠤᠨᠠ᠃
ᠮᠣᠷᠢᠨ ᠡᠷᠳᠡᠨᠢ ᠢᠢᠡᠨ ᠳᠡᠭᠡᠳᠦᠯᠡᠭᠰᠡᠨ ᠤᠶᠠᠭᠠᠴᠢᠳ ᠲᠤ ᠮᠠᠨᠢ ᠢᠪᠡᠭᠡᠯ ᠥᠯᠵᠡᠢ ᠪᠡᠨ ᠬᠠᠢᠢᠷᠠᠯᠠᠬᠤ ᠨᠣᠬᠠᠢ ᠵᠢᠯ ᠭᠠᠷᠴᠤ ᠪᠠᠢᠢᠨᠠ᠃
ᠲᠠ ᠪᠦᠬᠦᠨ ᠢ᠂ ᠮᠣᠩᠭ᠋ᠣᠯ ᠤᠨ ᠠᠷᠠᠳ ᠲᠦᠮᠡᠨ ᠢ ᠠᠳᠤᠭᠤᠨ ᠤ ᠰᠦᠯᠳᠡ ᠬᠡᠢᠢᠮᠣᠷᠢ᠂ ᠪᠤᠶᠠᠨ ᠬᠡᠰᠢᠭ᠌ ᠥᠨᠢᠳᠡ ᠢᠪᠡᠭᠡᠬᠦ ᠪᠣᠯᠲᠤᠭᠠᠢ᠃
ᠰᠠᠷᠠ ᠰᠢᠨᠡ ᠳᠥ ᠪᠡᠨ ᠰᠠᠢᠢᠬᠠᠨ ᠰᠢᠨᠡᠯᠡᠭᠡᠷᠡᠢ》 ᠭᠡᠯᠡ᠃
