ᠮᠣᠩ᠋ᠭᠣᠯᠴᠤᠳ ᠤᠨ ᠰᠤᠶᠤᠯ ᠤᠨ ᠥᠪ᠂ ᠤᠯᠠᠮᠵᠢᠯᠠᠯ᠂ ᠪᠠᠬᠠᠷᠬᠠᠯ ᠪᠣᠯᠤᠭᠰᠠᠨ ᠮᠣᠩ᠋ᠭᠣᠯ ᠨᠠᠭᠠᠳᠤᠮ ᠢ ᠦᠨᠳᠦᠰᠦᠨ ᠦ ᠬᠡᠮᠵᠢᠶᠡᠨ ᠳᠥ ᠳᠡᠯᠭᠡᠷᠡᠭᠦᠯᠦᠨ ᠲᠠᠨᠢᠭᠤᠯᠬᠤ᠂ ᠵᠣᠬᠢᠶᠠᠨ ᠪᠠᠢᠢᠭᠤᠯᠤᠯᠲᠠ ᠢᠢ ᠥᠭᠡᠷᠡ ᠲᠦᠪᠰᠢᠨ ᠳᠥ ᠭᠠᠷᠭᠠᠬᠤ᠂ ᠳᠡᠯᠡᠬᠡᠢ ᠳᠠᠬᠢᠨ ᠳᠤ ᠰᠤᠷᠲᠠᠯᠴᠢᠯᠠᠬᠤ ᠵᠣᠷᠢᠯᠭᠠ ᠪᠠᠷ ᠤᠯᠠᠷᠢᠯ ᠤᠨ ᠣᠨᠴᠠᠯᠢᠭ ᠲᠤ ᠲᠣᠬᠢᠷᠠᠭᠰᠠᠨ᠂ ᠣᠯᠠᠨ ᠨᠡᠢᠢᠲᠡ ᠳᠥ ᠬᠦᠷᠲᠡᠭᠡᠮᠵᠢᠲᠡᠢ ᠪᠠᠢᠢᠳᠠᠯ ᠢ ᠨᠡᠮᠡᠭᠳᠡᠭᠦᠯᠦᠭᠰᠡᠨ᠂ ᠦᠵᠡᠭᠴᠢ᠂ ᠰᠣᠨᠢᠷᠬᠠᠭᠴᠢ᠂ ᠬᠥᠭ᠍ᠵᠢᠶᠡᠨ ᠳᠡᠮᠵᠢᠭᠴᠢᠳ ᠦᠨ ᠲᠠᠪᠠ ᠲᠤᠬᠠ ᠢᠢ ᠬᠠᠩ᠋ᠭᠠᠭᠰᠠᠨ᠂ ᠦᠢᠯᠡᠴᠢᠯᠡᠭᠡᠨ ᠦ ᠰᠢᠨᠡ ᠰᠤᠶᠤᠯ ᠪᠦᠬᠦᠢ ᠣᠯᠠᠨ ᠤᠯᠤᠰ ᠤᠨ ᠪᠣᠯᠤᠨ ᠦᠨᠳᠦᠰᠦᠨ ᠦ ᠰᠲ᠋ᠠᠨ᠋ᠳᠠᠷᠲ ᠱᠠᠭᠠᠷᠳᠠᠯᠭᠠ ᠬᠠᠩ᠋ᠭᠠᠭᠰᠠᠨ ᠰᠢᠨᠡ ᠴᠡᠩᠭᠡᠯᠳᠦᠬᠦ ᠬᠦᠷᠢᠶᠡᠯᠡᠩ 《World Naadam Center》 ᠍ ᠢ ᠪᠠᠢᠢᠭᠤᠯᠬᠤ ᠲᠥᠰᠥᠯ ᠦᠨ ᠺᠣᠨ᠋ᠼᠧᠫᠼ ᠪᠣᠯᠤᠨ ᠵᠠᠭᠪᠤᠷ ᠵᠢᠷᠤᠭ ᠤᠨ ᠰᠢᠢᠳᠦᠯ ᠢ ᠮᠡᠷᠭᠡᠵᠢᠯ ᠦᠨ ᠪᠠᠢᠢᠭᠤᠯᠤᠯᠭᠠ᠂ ᠣᠯᠠᠨ ᠨᠡᠢᠢᠲᠡ ᠢᠢᠨ ᠣᠷᠣᠯᠴᠠᠭᠠ ᠲᠠᠢ ᠲᠣᠳᠣᠷᠬᠠᠢᠢᠯᠠᠬᠤ ᠵᠣᠷᠢᠯᠭᠠ ᠢᠢᠨ ᠬᠦᠷᠢᠶᠡᠨ ᠳᠥ ᠡᠨᠡᠬᠦ ᠤᠷᠤᠯᠳᠤᠭᠠᠨ ᠢ ᠵᠠᠷᠯᠠᠵᠤ ᠪᠠᠢᠢᠨᠠ᠃
ᠲᠤᠰ ᠤᠷᠤᠯᠳᠤᠭᠠᠨ ᠳᠤ ᠭᠠᠳᠠᠭᠠᠳᠤ᠂ ᠳᠣᠲᠣᠭᠠᠳᠤ ᠢᠢᠨ ᠵᠢᠷᠤᠭ ᠲᠥᠰᠥᠯ ᠦᠨ ᠮᠡᠷᠭᠡᠵᠢᠯ ᠦᠨ ᠪᠠᠢᠢᠭᠤᠯᠤᠯᠭᠠ᠂ ᠬᠤᠪᠢ ᠬᠦᠮᠦᠨ᠂ ᠮᠡᠷᠭᠡᠵᠢᠯ ᠦᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ᠂ ᠲᠡᠳᠡᠭᠡᠷ ᠦᠨ ᠨᠢᠭᠡᠳᠦᠯ᠂ ᠬᠣᠯᠪᠣᠭᠠᠨ ᠠᠴᠠ ᠢᠷᠡᠭᠦᠯᠦᠭᠰᠡᠨ ᠮᠠᠲ᠋ᠧᠷᠢᠶᠠᠯ ᠢ 2020 ᠣᠨ ᠤ 10 ᠳ᠋ᠤᠭᠠᠷ ᠰᠠᠷᠠ ᠢᠢᠨ 20 ᠍ ᠠᠴᠠ 11 ᠳᠦᠭᠡᠷ ᠰᠠᠷᠠ ᠢᠢᠨ 21 ᠍ ᠦ ᠡᠳᠦᠷ ᠢ ᠬᠦᠷᠲᠡᠯᠡ ᠬᠦᠯᠢᠶᠡᠨ ᠠᠪᠤᠨᠠ᠃
ᠤᠷᠤᠯᠳᠤᠭᠠᠨ ᠳᠤ ᠨᠢᠭᠡ ᠣᠷᠣᠯᠴᠠᠭᠴᠢ ᠬᠡᠳᠦᠨ ᠴᠤ ᠪᠦᠲᠦᠭᠡᠯ ᠢᠷᠡᠭᠦᠯᠬᠦ ᠪᠣᠯᠣᠮᠵᠢ ᠲᠠᠢ᠃ ᠮᠥᠨ ᠣᠷᠣᠯᠴᠠᠭᠴᠢ ᠪᠦᠲᠦᠭᠡᠯ ᠲᠤᠰ ᠪᠦᠷᠢ ᠳᠥ ᠥᠪᠡᠷ ᠦᠨ ᠨᠡᠷᠡ᠂ ᠬᠣᠯᠪᠣᠭᠠ ᠪᠠᠷᠢᠬᠤ ᠤᠲᠠᠰᠤ᠂ ᠬᠠᠶ᠋ᠢᠭ ᠢ ᠲᠣᠳᠣᠷᠬᠠᠢ ᠢᠷᠡᠭᠦᠯᠬᠦ ᠪᠥᠭᠡᠳ ᠤᠷᠤᠯᠳᠤᠭᠠᠨ ᠳᠤ ᠵᠢᠷᠤᠭ ᠲᠥᠰᠥᠯ ᠦᠨ ᠮᠡᠷᠭᠡᠵᠢᠯ ᠦᠨ ᠪᠠᠢᠢᠭᠤᠯᠤᠯᠭᠠ /ᠭᠠᠳᠠᠭᠠᠳᠤ ᠪᠣᠯᠤᠨ ᠳᠣᠲᠣᠭᠠᠳᠤ ᠢᠢᠨ/᠂ ᠬᠤᠪᠢ ᠬᠦᠮᠦᠨ᠂ ᠮᠡᠷᠭᠡᠵᠢᠯ ᠦᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ᠂ ᠲᠡᠳᠡᠭᠡᠷ ᠦᠨ ᠨᠢᠭᠡᠳᠦᠯ᠂ ᠬᠣᠯᠪᠣᠭᠠ ᠳᠤ ᠬᠠᠮᠤᠷᠤᠭᠳᠠᠬᠤ ᠶᠤᠮ᠃
ᠮᠠᠲ᠋ᠧᠷᠢᠶᠠᠯ ᠳᠤ ᠲᠠᠯᠪᠢᠭᠳᠠᠬᠤ ᠦᠨᠳᠦᠰᠦᠨ ᠱᠠᠭᠠᠷᠳᠠᠯᠭᠠ᠄
- ᠮᠣᠩ᠋ᠭᠣᠯ ᠦᠨᠳᠦᠰᠦᠲᠡᠨ ᠦ ᠬᠡᠪ ᠰᠢᠨᠵᠢ ᠠᠭᠤᠯᠠᠭᠰᠠᠨ ᠭᠡᠷ ᠬᠡᠯᠪᠡᠷᠢᠲᠡᠢ ᠪᠠᠢᠢᠬᠤ ᠪᠥᠭᠡᠳ ᠦᠨᠳᠦᠰᠦᠨ ᠦ ᠣᠨᠴᠠᠯᠢᠭ᠂ ᠪᠡᠯᠭᠡᠳᠡᠯ ᠢ ᠠᠭᠤᠯᠠᠭᠰᠠᠨ ᠪᠠᠢᠢᠬᠤ;
- ᠣᠯᠠᠨ ᠤᠯᠤᠰ ᠤᠨ ᠪᠣᠯᠤᠨ ᠦᠨᠳᠦᠰᠦᠨ ᠦ ᠰᠲ᠋ᠠᠨ᠋ᠳᠠᠷᠲ ᠤᠨ ᠳᠠᠭᠠᠭᠤ ᠳᠣᠲᠣᠭᠠᠳᠤ᠂ ᠭᠠᠳᠠᠭᠠᠳᠤ ᠣᠷᠴᠢᠨ ᠨᠢ ᠣᠯᠠᠨ ᠨᠡᠢᠢᠲᠡ ᠢᠢᠨ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ᠂ ᠲᠠᠪᠠ ᠲᠤᠬᠠ᠂ ᠡᠷᠡᠭᠦᠯ ᠠᠬᠤᠢ ᠢᠢᠨ ᠱᠠᠭᠠᠷᠳᠠᠯᠭᠠ ᠢᠢ ᠪᠦᠷᠢᠨ ᠬᠠᠩ᠋ᠭᠠᠭᠰᠠᠨ ᠪᠠᠢᠢᠬᠤ;
- 12᠂000-18᠂000 ᠦᠵᠡᠭᠴᠢ ᠢᠢᠨ ᠰᠠᠭᠤᠳᠠᠯ ᠲᠠᠢ᠂ ᠦᠵᠡᠭᠴᠢᠳ ᠦᠨ ᠰᠠᠭᠤᠳᠠᠯ ᠤᠨ ᠲᠥᠯᠦᠪᠯᠡᠯᠲᠡ ᠨᠢ ᠲᠠᠯᠠᠪᠠᠢ ᠳᠡᠭᠡᠷᠡ ᠪᠣᠯᠤᠨ ᠠᠭᠠᠷ ᠤᠨ ᠣᠷᠣᠨ ᠵᠠᠢ ᠳᠤ ᠪᠣᠯᠵᠤ ᠪᠤᠢ ᠶᠠᠮᠠᠷ ᠴᠤ ᠦᠵᠡᠭᠦᠯᠪᠦᠷᠢ ᠢᠢ ᠪᠦᠲᠦᠨ ᠬᠠᠷᠠᠵᠤ ᠴᠢᠳᠠᠬᠤᠢᠢᠴᠠ ᠪᠠᠷ ᠲᠥᠯᠦᠪᠯᠡᠬᠦ;
- ᠦᠵᠡᠭᠴᠢᠳ ᠦᠨ ᠲᠠᠪᠠ ᠲᠤᠬᠠ ᠢᠢ ᠬᠠᠩ᠋ᠭᠠᠬᠤ ᠨᠡᠪᠲᠡᠷᠡᠬᠦ ᠰᠢᠰᠲ᠋ᠧᠮ᠂ ᠠᠷᠢᠭᠤᠨ ᠴᠡᠪᠡᠷ ᠦᠨ ᠥᠷᠦᠭᠡ᠂ ᠬᠤᠪᠴᠠᠰᠤᠨ ᠤ ᠡᠯᠭᠦᠭᠦᠷ᠂ ᠠᠦ᠋ᠲ᠋ᠣᠮᠠᠱᠢᠨ᠂ ᠮᠣᠲ᠋ᠣᠼᠢᠺᠯ᠂ ᠤᠨᠤᠳᠠᠭ ᠳᠤᠭᠤᠢ᠂ ᠨᠢᠰᠳᠡᠭ ᠲᠡᠷᠭᠡᠨ ᠦ ᠵᠣᠭᠰᠣᠭᠠᠯ᠂ ᠠᠮᠠᠷᠠᠯᠲᠠ᠂ ᠬᠣᠭᠣᠯᠠ᠂ ᠤᠤᠭᠤᠬᠤ ᠵᠦᠢᠯ ᠢᠶᠡᠷ ᠦᠢᠯᠡᠴᠢᠯᠡᠬᠦ ᠦᠢᠯᠡᠴᠢᠯᠡᠭᠡᠨ ᠦ ᠬᠡᠰᠡᠭ ᠦᠳ ᠪᠣᠯᠤᠨ ᠪᠤᠰᠤᠳ ᠱᠠᠭᠠᠷᠳᠠᠯᠭᠠ ᠲᠠᠢ ᠥᠷᠦᠭᠡ ᠲᠠᠰᠤᠯᠭᠠ ᠢᠢ ᠲᠥᠯᠦᠪᠯᠡᠭᠰᠡᠨ ᠪᠠᠢᠢᠬᠤ;
- ᠪᠠᠷᠢᠯᠭᠠ ᠪᠠᠢᠢᠭᠤᠯᠤᠮᠵᠢ ᠢᠢᠨ ᠱᠠᠭᠠᠷᠳᠠᠯᠭᠠ ᠲᠠᠢ ᠬᠡᠰᠡᠭ ᠦᠳ ᠢ ᠦᠨᠢᠧᠧᠷᠰᠠᠯ ᠳ᠋ᠢᠽᠠᠢᠢᠨ ᠤ ᠵᠠᠷᠴᠢᠮ ᠢᠶᠠᠷ ᠲᠤᠰᠬᠠᠢ ᠬᠡᠷᠡᠭᠴᠡᠭᠡᠲᠦ ᠬᠦᠮᠦᠰ᠂ ᠪᠠᠭᠠ ᠨᠠᠰᠤᠨ ᠤ ᠬᠡᠦᠬᠡᠳ ᠲᠡᠢ ᠬᠦᠮᠦᠰ᠂ ᠥᠨᠳᠦᠷ ᠨᠠᠰᠤᠲᠠᠢ ᠬᠦᠮᠦᠰ ᠲᠥ ᠵᠣᠷᠢᠭᠤᠯᠤᠨ ᠵᠠᠢᠢᠯᠠᠰᠢ ᠦᠭᠡᠢ ᠲᠥᠯᠦᠪᠯᠡᠭᠰᠡᠨ ᠪᠠᠢᠢᠬᠤ;
- ᠴᠣᠭᠴᠠᠯᠠᠪᠤᠷᠢ ᠢᠢᠨ ᠭᠣᠣᠯ ᠬᠡᠰᠡᠭ ᠢ ᠮᠣᠩ᠋ᠭᠣᠯ ᠭᠡᠷ ᠦᠨ ᠡᠷᠦᠬᠡ ᠮᠠᠶ᠋ᠢᠭ ᠢᠶᠠᠷ ᠣᠩ᠋ᠭᠣᠷᠬᠠᠢ ᠪᠠᠢᠢᠬᠤ ᠪᠠᠷ ᠲᠥᠯᠦᠪᠯᠡᠵᠦ ᠪᠣᠯᠬᠤ ᠪᠥᠭᠡᠳ ᠡᠢᠢᠨ ᠬᠦ ᠲᠥᠯᠦᠪᠯᠡᠭᠰᠡᠨ ᠲᠣᠬᠢᠶᠠᠯᠳᠤᠯ ᠳᠤ ᠴᠠᠭ ᠠᠭᠠᠷ ᠤᠨ ᠨᠥᠬᠥᠴᠡᠯ ᠡᠴᠡ ᠬᠠᠮᠢᠶᠠᠷᠴᠤ ᠨᠡᠭᠡᠭᠡᠵᠦ᠂ ᠬᠠᠭᠠᠬᠤ ᠪᠣᠯᠤᠮᠵᠢ ᠲᠠᠢ ᠪᠠᠢᠢᠳᠠᠯ ᠢᠶᠠᠷ ᠲᠥᠯᠦᠪᠯᠡᠬᠦ;
- ᠪᠠᠷᠢᠯᠭᠠ ᠢᠢᠨ ᠪᠣᠯᠤᠮᠵᠢᠲᠤ ᠲᠣᠳᠣᠷᠬᠠᠢ ᠬᠡᠰᠡᠭ ᠦᠳ ᠲᠥ ᠰᠡᠷᠭᠦᠭᠡᠭ᠍ᠳᠡᠬᠦ ᠡᠷᠴᠢᠮ ᠬᠦᠴᠦ ᠢᠢ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠳᠥ ᠠᠰᠢᠭᠯᠠᠬᠤ᠂ ᠡᠷᠴᠢᠮ ᠬᠦᠴᠦᠨ ᠦ ᠬᠡᠮᠨᠡᠯᠲᠡ ᠲᠡᠢ᠂ ᠳᠤᠯᠠᠭᠠᠨ ᠠᠯᠠᠳᠠᠯ ᠦᠭᠡᠢ᠂ ᠬᠠᠯᠠᠭᠠᠯᠲᠠ ᠠᠭᠠᠷ ᠰᠡᠯᠭᠦᠯᠲᠡ ᠢᠢᠨ ᠬᠠᠮᠤᠭ ᠤᠨ ᠣᠷᠴᠢᠨ ᠦᠶᠡ ᠢᠢᠨ ᠲᠥᠯᠥᠪᠯᠡᠯᠲᠡ ᠲᠡᠢ ᠪᠠᠢᠢᠬᠤ;
- ᠳᠣᠲᠣᠭᠠᠳᠤ᠂ ᠭᠠᠳᠠᠭᠠᠳᠤ ᠢᠢᠨ ᠵᠢᠭᠤᠯᠴᠢᠳ ᠲᠤ ᠵᠣᠷᠢᠭᠤᠯᠵᠤ ᠳᠡᠭᠡᠪᠦᠷ ᠦᠨ ᠬᠡᠰᠡᠭ ᠲᠥ ᠭᠠᠳᠠᠨᠠ ᠣᠷᠴᠢᠨ ᠤ ᠪᠠᠢᠢᠳᠠᠯ ᠢ 360 ᠭᠷᠠᠳᠦ᠋ᠰ ᠬᠠᠷᠠᠵᠤ ᠪᠣᠯᠬᠤᠢᠢᠴᠠ ᠬᠡᠰᠡᠭ ᠲᠡᠢ ᠪᠠᠢᠢᠬᠤ ᠪᠠᠷ ᠲᠥᠯᠦᠪᠯᠡᠬᠦ;
- ᠺᠣᠨ᠋ᠼᠧᠫᠼ ᠵᠢᠷᠤᠭ ᠨᠢ ᠪᠠᠷᠢᠯᠭᠠ ᠪᠦᠲᠦᠭᠡᠴᠡ ᠢᠢᠨ ᠬᠤᠪᠢ ᠳᠤ ᠬᠢᠬᠦ ᠪᠣᠯᠤᠮᠵᠢ ᠲᠠᠢ ᠪᠠᠢᠢᠬᠤ ᠪᠥᠭᠡᠳ ᠪᠠᠷᠢᠯᠭᠠ ᠢᠢᠨ ᠪᠤᠰᠤᠳ ᠬᠢᠴᠡ᠂ ᠮᠠᠲ᠋ᠧᠷᠢᠶᠠᠯ ᠲᠥᠯᠥᠪᠯᠡᠯᠲᠡ ᠢᠢᠨ ᠬᠤᠪᠢ ᠳᠤ ᠡᠳ᠋ ᠍ ᠦᠨ ᠵᠠᠰᠠᠭ ᠤᠨ ᠬᠡᠮᠨᠡᠯᠲᠡ ᠲᠡᠢ᠂ ᠦᠷᠡ ᠠᠰᠢᠭ ᠲᠠᠢ ᠪᠠᠢᠢᠬᠤ;
- ᠮᠣᠩ᠋ᠭᠣᠯ ᠦᠨᠳᠦᠰᠦᠲᠡᠨ ᠦ ᠪᠠᠬᠠᠷᠬᠠᠯ ᠲᠡᠮᠡᠦᠯᠡᠯ ᠦᠨ ᠪᠡᠯᠭᠡᠳᠡᠯ ᠪᠣᠯᠬᠤᠢᠢᠴᠠ ᠪᠠᠷᠢᠯᠭᠠ᠂ ᠠᠷᠬᠢᠲ᠋ᠧᠺᠲ᠋ᠣᠷ ᠤᠨ ᠥᠪᠡᠷᠮᠢᠴᠡ᠂ ᠰᠢᠨᠡᠯᠢᠭ ᠰᠢᠢᠳᠦᠯ ᠲᠡᠢ ᠪᠠᠢᠢᠬᠤ᠃
ᠲᠠ ᠪᠦᠬᠦᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠨ press@president.mn ᠬᠠᠶ᠋ᠢᠭ ᠢᠶᠠᠷ ᠢᠯᠡᠭᠡᠨᠡ ᠦᠦ᠃ ᠮᠥᠨ ᠮᠡᠳᠡᠭᠡᠯᠡᠯ ᠢ 51-265003 ᠤᠲᠠᠰᠤ ᠪᠠᠷ ᠠᠪᠤᠨᠠ ᠤᠤ᠃