ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬᠠᠯᠲᠠᠮᠠ ᠢᠢᠨ ᠪᠠᠲᠤᠲᠤᠯᠭᠠ ᠵᠠᠷᠯᠢᠭ ᠭᠠᠷᠭᠠᠵᠤ᠂ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠰᠠᠯᠪᠤᠷᠢ ᠢᠢᠨ ᠳᠥᠷᠪᠡᠨ ᠪᠦᠲᠦᠭᠡᠯ ᠳᠥ ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠯᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ ∙ ᠪᠠᠲᠤᠲᠤᠯᠭᠠ ᠱᠠᠩᠨᠠᠯ ᠭᠠᠷᠳᠠᠭᠤᠯᠤᠭᠰᠠᠨ ᠤ ᠪᠠᠨ ᠳᠠᠷᠠᠭᠠ᠄
《 ᠡᠷᠬᠢᠮ ᠲᠥᠷᠦ ᠢᠢᠨ ᠱᠠᠩᠨᠠᠯᠲᠠᠨ ᠨᠤᠭᠤᠳ ᠠ᠋᠂ ᠡᠷᠡᠭᠦᠯ ᠡᠩᠬᠡ ᠢᠢᠨ ᠦᠢᠯᠡᠰ ᠦᠨ ᠮᠠᠩᠯᠠᠢᠢᠯᠠᠭᠴᠢᠳ ᠠ᠋
ᠮᠣᠩ᠋ᠭᠣᠯ ᠲᠦᠮᠡᠨ ᠦ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷ ᠴᠠᠭᠠᠨ ᠰᠠᠷᠠ ᠢᠢᠨ ᠪᠠᠶᠠᠷ ᠤᠨ ᠮᠡᠨᠳᠦ ᠢᠢ ᠲᠠ ᠪᠦᠬᠦᠨ ᠳᠥ ᠤᠭᠲᠤᠭᠤᠯᠤᠨ ᠠᠢᠢᠯᠠᠳᠬᠠᠶᠠ᠃
ᠠᠨᠠᠭᠠᠬᠤ ᠢᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦᠨ ᠦ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠲᠥᠪ ᠡᠮᠨᠡᠯᠭᠡ ᠢᠢᠨ ᠡᠷᠳᠡᠮᠲᠡᠨ ᠪᠠᠭᠰᠢ᠂ ᠡᠮᠴᠢ ᠨᠠᠷ ᠤᠨ 《ᠪᠥᠭᠡᠷᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠡᠮᠴᠢᠯᠡᠭᠡ ᠢᠢ ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠨᠡᠪᠲᠡᠷᠡᠭᠦᠯᠦᠭᠰᠡᠨ ᠦᠷᠡ ᠳ᠋ᠦᠩ》᠂ 《ᠡᠯᠢᠭᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠡᠮᠴᠢᠯᠡᠭᠡ ᠢᠢ ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠨᠤᠲᠤᠭᠰᠢᠭᠤᠯᠤᠭᠰᠠᠨ ᠨᠢ》᠂ ᠭᠡᠮᠲᠦᠯ᠂ ᠰᠣᠭᠣᠭ ᠰᠤᠳᠤᠯᠤᠯ ᠤᠨ ᠦᠨᠳᠦᠰᠦᠨ ᠦ ᠲᠥᠪ ᠦᠨ ᠡᠮᠴᠢ ᠨᠠᠷ ᠤᠨ 《ᠡᠪᠦᠳᠦᠭ ᠲᠦᠩᠬᠡᠨ ᠳᠥ ᠬᠢᠮᠡᠯ ᠦᠶᠡ ᠰᠠᠭᠤᠯᠭᠠᠬᠤ ᠮᠡᠰᠡ ᠵᠠᠰᠠᠯ᠂ ᠡᠮᠴᠢᠯᠡᠭᠡᠨ ᠦ ᠠᠷᠭᠠ ᠢᠢ ᠨᠡᠪᠲᠡᠷᠡᠭᠦᠯᠵᠦ ᠨᠤᠲᠤᠭᠰᠢᠭᠤᠯᠤᠭᠰᠠᠨ ᠨᠢ》᠂ ᠡᠬᠡ ᠬᠡᠦᠬᠡᠳ ᠦᠨ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠦᠨᠳᠦᠰᠦᠨ ᠦ ᠲᠥᠪ ᠦᠨ ᠡᠮᠴᠢ ᠨᠠᠷ ᠤᠨ 《ᠤᠷᠤᠭᠤᠯ᠂ ᠲᠠᠩᠨᠠᠢ ᠢᠢᠨ ᠲᠥᠷᠥᠯᠬᠢ ᠢᠢᠨ ᠰᠡᠲᠡᠷᠬᠡᠢ ᠢᠢᠨ ᠡᠮᠴᠢᠯᠡᠭᠡ ᠦᠢᠯᠡᠴᠢᠯᠡᠭᠡ ᠢᠢ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠥ ᠴᠣᠭᠴᠠ ᠰᠢᠢᠳᠦᠭᠰᠡᠨ ᠨᠢ》 ᠪᠦᠲᠦᠭᠡᠯ ᠦᠳ ᠲᠥ ᠥᠨᠥᠳᠥᠷ ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠭᠡᠯᠡ᠃
ᠲᠠ ᠪᠦᠬᠦᠨ ᠦ ᠢᠷᠭᠡᠳ ᠦᠨ ᠢᠶᠡᠨ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠲᠥᠯᠦᠭᠡ ᠵᠣᠷᠢᠭᠤᠯᠤᠭᠰᠠᠨ ᠣᠶᠤᠨ ᠰᠡᠳᠬᠢᠯ᠂ ᠣᠯᠠᠨ ᠵᠢᠯ ᠦᠨ ᠬᠦᠴᠦ ᠬᠥᠳᠡᠯᠮᠦᠷᠢ ᠢᠢ ᠲᠥᠷᠦ ᠦᠨᠡᠯᠡᠬᠦ ᠶᠣᠰᠣᠲᠠᠢ᠃ ᠲᠥᠷᠥ ᠪᠠᠢᠢᠭᠠ ᠳᠣᠣᠷᠠ ᠭᠠᠪᠢᠶᠠ ᠱᠠᠩᠨᠠᠯ ᠪᠤᠢ᠃ ᠭᠠᠪᠢᠶᠠ ᠱᠠᠩᠨᠠᠯ ᠪᠠᠢᠢᠭᠠ ᠳᠣᠣᠷᠠ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ ᠪᠤᠢ ᠬᠡᠮᠡᠬᠦ ᠤᠯᠠᠮᠵᠢᠯᠠᠯᠲᠤ ᠦᠵᠡᠯ ᠪᠠᠷᠢᠮᠲᠠᠯᠠᠯ ᠢ ᠮᠣᠩ᠋ᠭᠣᠯ ᠤᠨ ᠲᠥᠷᠦ ᠦᠯᠦ ᠲᠠᠰᠤᠯᠳᠠᠭᠤᠯᠤᠨ ᠠᠪᠴᠤ ᠶᠠᠪᠤᠭᠠ ᠢᠢᠨ ᠨᠢᠭᠡᠨ ᠢᠯᠡᠷᠡᠯ ᠨᠢ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠳᠥ ᠣᠯᠭᠤᠳᠠᠭ ᠲᠥᠷᠦ ᠢᠢᠨ ᠱᠠᠩᠨᠠᠯ ᠶᠤᠮ᠃
ᠥᠨᠥᠳᠥᠷ ᠪᠥᠭᠡᠷᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠪᠠᠭ ᠤᠨ ᠭᠡᠰᠢᠭᠦᠨ᠂ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠭᠠᠪᠢᠶᠠᠲᠤ ᠡᠮᠴᠢ ᠳᠠᠸᠠᠵᠠᠪ ᠤᠨ ᠨᠢᠮᠠᠰᠦ᠋ᠷᠦᠩ ᠬᠣᠶᠠᠷ ᠳᠠᠬᠢ ᠤᠳᠠᠭᠠ ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠵᠦ ᠪᠠᠢᠢᠭᠠ ᠨᠢ ᠪᠠᠬᠠᠷᠬᠠᠯᠲᠠᠢ ᠪᠠᠢᠢᠨᠠ᠃ ᠪᠠᠭ ᠤᠨ ᠭᠡᠰᠢᠭᠦᠳ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠬᠦᠮᠦᠨ ᠦ ᠭᠠᠪᠢᠶᠠᠲᠤ ᠡᠮᠴᠢ ᡀᠠᠮᠣᠰᠦ᠋ᠷᠦᠩ ᠦᠨ ᠵᠢᠮᠪᠠᠯᠵᠢᠪ᠂ ᠣᠷᠭᠣᠢ ᠢᠢᠨ ᠰᠡᠷᠭᠦᠯᠡᠩ᠂ ᠫᠠᠨᠳᠠᠭᠠ ᠤ ᠪᠠᠲᠤᠴᠢᠯᠠᠭᠤᠨ᠂ ᠯᠤᠪᠰᠠᠩᠳᠣᠷᠵᠢ ᠢᠢᠨ ᠠᠮᠤᠭᠤᠯᠠᠩ᠂ ᠰᠠᠮᠳᠠᠨ ᠤ ᠣᠳᠬᠠᠠᠨᠭᠡᠷᠡᠯ᠂ ᠳᠠᠭᠪᠠᠳᠣᠷᠵᠢ ᠢᠢᠨ ᠪᠠᠶᠠᠨ-ᠥᠨᠳᠥᠷ᠂ ᠳᠦᠭᠡᠷ ᠦᠨ ᠳᠠᠸᠠᠳᠣᠷᠵᠢ᠂ ᠳᠣᠩᠬᠢᠮ ᠤᠨ ᠴᠢᠯᠠᠭᠤᠨᠪᠠᠭᠠᠲᠤᠷ᠂ ᠵᠢᠭᠵᠢᠳᠰᠦ᠋ᠷᠦᠩ ᠦᠨ ᠰᠠᠷᠠᠨᠴᠡᠴᠡᠭ᠂ ᠵᠢᠭᠤᠨᠠᠢ ᠢᠢᠨ ᠲᠦᠮᠡᠨ-ᠥᠯᠵᠡᠢ᠂ ᠷᠢᠭᠵᠢᠨ ᠤ ᠪᠠᠶᠠᠷᠲᠤᠯᠭᠠ᠂ ᠭᠣᠩ᠋ᠭᠣᠷᠵᠠᠪ ᠤᠨ ᠠᠶᠤᠩ᠋ᠭᠠ᠂ ᠪᠠᠰᠠᠩ ᠤᠨ ᠪᠤᠯᠠᠭᠠᠨ ᠨᠠᠷ ᠤᠨ ᠲᠡᠷᠢᠭᠦᠲᠡᠢ 27 ᠡᠮᠴᠢ ᠳᠥ ᠲᠥᠷᠥ ᠢᠢᠨ ᠱᠠᠩᠨᠠᠯ ᠬᠦᠷᠲᠡᠵᠦ ᠪᠠᠢᠢᠭᠠ ᠳᠤ ᠨᠢ ᠲᠠᠯᠠᠷᠬᠠᠯ᠂ ᠪᠠᠬᠠᠷᠬᠠᠯ ᠢᠢᠠᠨ ᠬᠠᠮᠲᠤ ᠳᠤ ᠨᠢ ᠢᠯᠡᠷᠬᠡᠢᠢᠯᠡᠶᠡ᠃
ᠠᠨᠠᠭᠠᠬᠤ ᠢᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦᠨ ᠦ ᠶᠡᠬᠡ ᠰᠤᠷᠭᠠᠭᠤᠯᠢ ᠢᠢᠨ ᠪᠠᠭᠰᠢ ᠨᠠᠷ ᠤᠯᠤᠰ ᠤᠨ ᠨᠢᠭᠡᠳᠦᠭᠡᠷ ᠲᠥᠪ ᠡᠮᠨᠡᠯᠭᠡ ᠢᠢᠨ ᠥᠨᠳᠥᠷ ᠮᠡᠷᠭᠡᠰᠢᠯ ᠦᠨ ᠡᠮᠴᠢ᠂ ᠰᠤᠪᠢᠯᠠᠭᠴᠢᠳ ᠬᠠᠮᠲᠤᠷᠠᠨ ᠪᠥᠭᠡᠷᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠮᠡᠰᠡ ᠵᠠᠰᠠᠯ ᠢ 1996 ᠣᠨ ᠠᠴᠠ ᠡᠬᠢᠯᠡᠵᠦ᠂ 2006 ᠣᠨ ᠳᠤ ᠦᠨᠳᠦᠰᠦᠨ ᠦ ᠪᠠᠭ ᠪᠠᠢᠢᠭᠤᠯᠤᠭᠳᠠᠰᠤᠨ ᠢᠶᠠᠷ ᠡᠳᠦᠭᠡ 234 ᠬᠦᠮᠦᠨ ᠳᠥ᠂ 2011 ᠣᠨ ᠠᠴᠠ ᠡᠯᠢᠭᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠮᠡᠰᠡ ᠵᠠᠰᠠᠯ ᠢ ᠡᠬᠢᠯᠡᠵᠦ᠂ ᠥᠨᠥᠳᠥᠷ ᠦᠨ ᠪᠠᠢᠢᠳᠠᠯ ᠢᠶᠠᠷ 115 ᠬᠦᠮᠦᠨ ᠳᠥ᠂ ᠡᠬᠡ᠂ ᠬᠡᠦᠬᠡᠳ ᠦᠨ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠦᠨᠳᠦᠰᠦᠨ ᠦ ᠲᠥᠪ ᠦᠨ ᠤᠷᠤᠭᠤᠯ᠂ ᠲᠠᠩᠨᠠᠢ ᠢᠢᠨ ᠲᠥᠷᠥᠯᠬᠢ ᠢᠢᠨ ᠰᠡᠲᠡᠷᠬᠡᠢ ᠢᠢᠨ ᠮᠡᠰᠡ ᠵᠠᠰᠠᠯ ᠤᠨ ᠪᠠᠭ ᠰᠡᠭᠦᠯ ᠦᠨ 22 ᠵᠢᠯ ᠳᠥ 3280 ᠬᠡᠦᠬᠡᠳ ᠲᠥ᠂ ᠭᠡᠮᠲᠦᠯ ᠰᠣᠭᠣᠭ ᠰᠤᠳᠤᠯᠤᠯ ᠤᠨ ᠦᠨᠳᠦᠰᠦᠨ ᠦ ᠲᠥᠪ ᠦᠨ ᠡᠪᠦᠳᠦᠭ᠂ ᠲᠦᠩᠬᠡᠨ ᠳᠥ ᠬᠢᠮᠡᠯ ᠦᠶᠡ ᠰᠠᠭᠤᠯᠭᠠᠬᠤ ᠮᠡᠰᠡ ᠵᠠᠰᠠᠯ ᠤᠨ ᠪᠠᠭ 1998 ᠣᠨ ᠠᠴᠠ ᠥᠨᠥᠳᠥᠷ ᠢ ᠬᠦᠷᠲᠡᠯᠡ 3000 ᠭᠠᠷᠤᠢ ᠬᠦᠮᠦᠨ ᠳᠥ ᠮᠡᠰᠡ ᠵᠠᠰᠠᠯ ᠤᠨ ᠡᠮᠴᠢᠯᠡᠭᠡ ᠢᠢ ᠠᠮᠵᠢᠯᠲᠠᠲᠠᠢ ᠬᠢᠭ᠍ᠰᠡᠨ ᠪᠠᠢᠢᠨᠠ᠃
ᠡᠯᠢᠭᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠭ᠍ᠰᠡᠨ ᠡᠪᠡᠳᠴᠢᠲᠡᠨ ᠦ ᠨᠢᠭᠡ ᠵᠢᠯ ᠠᠮᠢᠳᠤᠷᠠᠬᠤ ᠬᠤᠪᠢ 93.6᠂ ᠪᠥᠭᠡᠷᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠭ᠍ᠰᠡᠨ ᠡᠪᠡᠳᠴᠢᠲᠡᠨ ᠦ ᠨᠢᠭᠡ ᠵᠢᠯ ᠠᠮᠢᠳᠤᠷᠠᠬᠤ ᠬᠤᠪᠢ 98.9 ᠪᠠᠢᠢᠭᠠ ᠨᠢ ᠳᠡᠯᠡᠬᠡᠢ ᠢᠢᠨ ᠥᠨᠳᠦᠷ ᠬᠥᠭ᠍ᠵᠢᠯᠲᠡᠢ ᠣᠷᠣᠨ ᠤ ᠡᠯᠢᠭᠡ᠂ ᠪᠥᠭᠡᠷᠡ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠪᠤᠰᠤᠳ ᠲᠥᠪ ᠦᠳ ᠦᠨ ᠦᠵᠡᠭᠦᠯᠦᠯᠲᠡ ᠲᠡᠢ ᠳᠦᠢᠴᠡᠬᠦ ᠬᠡᠮᠵᠢᠶᠡᠨ ᠳᠥ ᠬᠦᠷᠴᠦ᠂ ᠳᠡᠯᠡᠬᠡᠢ ᠢᠢᠨ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠪᠠᠢᠢᠭᠤᠯᠤᠯᠭᠠ᠂ ᠳᠡᠯᠡᠬᠡᠢ ᠢᠢᠨ ᠡᠷᠬᠡᠲᠡᠨ ᠰᠢᠯᠵᠢᠭᠦᠯᠦᠨ ᠰᠠᠭᠤᠯᠭᠠᠬᠤ ᠬᠣᠯᠪᠣᠭᠠᠨ ᠠᠴᠠ ᠥᠨᠳᠦᠷ ᠦᠨᠡᠯᠡᠭᠡ ᠠᠪᠴᠠᠢ᠃
ᠡᠬᠡ ᠬᠡᠦᠬᠡᠳ ᠦᠨ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠦᠨᠳᠦᠰᠦᠨ ᠦ ᠲᠥᠪ ᠦᠨ ᠪᠠᠭ ᠤᠷᠤᠭᠤᠯ ᠲᠠᠩᠨᠠᠢ ᠢᠢᠨ ᠲᠥᠷᠥᠯᠬᠢ ᠢᠢᠨ ᠰᠡᠲᠡᠷᠬᠡᠢ ᠢᠢᠨ ᠮᠡᠰᠡ ᠵᠠᠰᠠᠯ ᠢ ᠡᠬᠡ ᠣᠷᠣᠨ ᠳᠤ ᠪᠠᠨ ᠪᠦᠷᠢᠨ ᠨᠤᠲᠤᠭᠰᠢᠭᠤᠯᠬᠤ ᠢᠢᠨ ᠵᠡᠷᠭᠡᠴᠡᠭᠡ ᠬᠢᠲᠠᠳ᠂ ᠮᠶᠠᠨ᠋ᠮᠠᠷ᠂ ᠢᠨᠳᠥᠨᠧᠽ᠂ ᠹᠢᠯᠢᠫᠫᠠᠨ᠂ ᠣᠷᠣᠰ ᠵᠡᠷᠭᠡ ᠤᠯᠤᠰ ᠲᠤ ᠤᠷᠢᠭᠳᠠᠨ᠂ ᠬᠦᠮᠦᠨᠯᠢᠭ ᠦᠨ ᠠᠵᠢᠯ ᠳᠤ ᠣᠷᠣᠯᠴᠠᠵᠤ᠂ 200 ᠣᠷᠴᠢᠮ ᠬᠡᠦᠬᠡᠳ ᠲᠥ ᠮᠡᠰᠡ ᠵᠠᠰᠠᠯ ᠬᠢᠭ᠍ᠰᠡᠨ ᠪᠠᠢᠢᠨᠠ᠃
ᠭᠡᠮᠲᠦᠯ᠂ ᠰᠣᠭᠣᠭ ᠰᠤᠳᠤᠯᠤᠯ ᠤᠨ ᠦᠨᠳᠦᠰᠦᠨ ᠦ ᠲᠥᠪ ᠦᠨ ᠡᠪᠦᠳᠦᠭ᠂ ᠲᠦᠩᠬᠡᠨ ᠳᠥ ᠬᠢᠮᠡᠯ ᠦᠶᠡ ᠰᠠᠭᠤᠯᠭᠠᠬᠤ ᠮᠡᠰᠡ ᠵᠠᠰᠠᠯ ᠤᠨ ᠪᠠᠭ ᠤᠨ ᠬᠠᠮᠲᠤ ᠣᠯᠠᠨ ᠭᠡᠮᠲᠦᠯ ᠰᠣᠭᠣᠭ ᠤᠨ ᠣᠨᠣᠰᠢᠯᠠᠭᠠ᠂ ᠡᠮᠴᠢᠯᠡᠭᠡᠨ ᠳᠥ ᠮᠡᠰᠡ ᠵᠠᠰᠠᠯ ᠤᠨ 40 ᠭᠠᠷᠤᠢ ᠠᠷᠭᠠ ᠢᠢ ᠨᠡᠪᠲᠡᠷᠡᠭᠦᠯᠦᠨ ᠶᠠᠰᠤ᠂ ᠦᠶᠡᠨ ᠦ ᠡᠮᠭᠡᠭ᠌᠂ ᠬᠤᠭᠤᠷᠠᠯ ᠪᠡᠷᠲᠡᠯ ᠡᠴᠡ ᠰᠢᠯᠲᠠᠭᠠᠯᠠᠵᠤ ᠬᠥᠭ᠍ᠵᠢᠯ ᠦᠨ ᠪᠡᠷᠬᠡᠰᠢᠶᠡᠯ ᠲᠡᠢ ᠪᠣᠯᠬᠤ ᠬᠦᠨᠳᠥᠷᠡᠯ ᠡᠷᠦᠰᠳᠡᠯ ᠡᠴᠡ ᠢᠷᠭᠡᠳ ᠢᠶᠡᠨ ᠬᠠᠮᠠᠭᠠᠯᠠᠵᠤ᠂ ᠲᠡᠳᠡᠨ ᠦ ᠠᠮᠢᠳᠤᠷᠠᠯ ᠤᠨ ᠴᠢᠨᠠᠷ ᠢ ᠰᠠᠢᠢᠵᠢᠷᠠᠭᠤᠯᠬᠤ ᠳᠤ ᠦᠨᠡᠯᠡᠵᠦ ᠪᠠᠷᠠᠰᠢ ᠦᠭᠡᠢ ᠬᠤᠪᠢ ᠨᠡᠮᠡᠷᠢ ᠣᠷᠣᠭᠤᠯᠵᠤ ᠪᠠᠢᠢᠨᠠ᠃
ᠭᠠᠳᠠᠭᠠᠳᠤ ᠢᠢᠨ ᠪᠤᠰᠤᠳ ᠣᠷᠣᠨ ᠳᠤ 10-25 ᠮᠢᠩ᠋ᠭᠠᠨ ᠠᠮ.ᠳ᠋ᠣᠯᠯᠠᠷ ᠢᠶᠠᠷ ᠬᠢᠭ᠍ᠳᠡᠳᠡᠭ ᠳᠡᠭᠡᠷᠡᠬᠢ ᠬᠠᠭᠠᠯᠭᠠ ᠢᠢ 5000 ᠣᠷᠴᠢᠮ ᠤᠳᠠᠭᠠ ᠬᠢᠭ᠍ᠰᠡᠨ ᠭᠡᠬᠦ ᠪᠡᠷ ᠮᠠᠨ ᠤ ᠢᠷᠭᠡᠳ ᠦᠨ ᠭᠠᠳᠠᠭᠠᠳᠤ ᠤᠯᠤᠰ ᠢ ᠵᠣᠷᠢᠬᠤ᠂ ᠡᠮᠴᠢᠯᠡᠭᠡᠨ ᠳᠥ ᠵᠠᠷᠤᠴᠠᠭᠤᠯᠬᠤ ᠵᠠᠷᠤᠳᠠᠯ ᠡᠢᠢᠮᠦ ᠬᠡᠮᠵᠢᠶᠡ ᠪᠡᠷ ᠬᠡᠮᠨᠡᠭᠳᠡᠭᠰᠡᠨ ᠭᠡᠵᠦ ᠦᠵᠡᠵᠦ ᠪᠣᠯᠬᠣ ᠪᠠᠷ ᠪᠠᠢᠢᠨᠠ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠬᠠᠮᠤᠭ ᠤᠨ ᠦᠨᠡᠲᠦ ᠪᠠᠶᠠᠯᠢᠭ ᠪᠣᠯᠬᠤ ᠢᠷᠭᠡᠳ ᠦᠨ ᠡᠷᠡᠭᠦᠯ ᠮᠡᠨᠳᠦ ᠢᠢ ᠨᠥᠬᠥᠨ ᠰᠡᠷᠭᠦᠭᠡᠬᠦ ᠦᠢᠯᠡᠰ ᠲᠥ ᠵᠢᠳᠬᠦᠵᠦ ᠪᠠᠢᠢᠭᠠ ᠡᠮᠴᠢ᠂ ᠰᠤᠪᠢᠯᠠᠭᠴᠢᠳ ᠤᠨ ᠮᠠᠨᠢ ᠮᠡᠳᠡᠯᠭᠡ ᠪᠣᠯᠪᠠᠰᠤᠷᠠᠯ᠂ ᠮᠡᠷᠭᠡᠰᠢᠯ ᠦᠨ ᠤᠷᠠ ᠴᠢᠳᠠᠪᠤᠷᠢ᠂ ᠥᠨᠳᠥᠷ ᠲᠦᠪᠰᠢᠨ ᠳᠥ ᠬᠦᠷᠦᠭᠰᠡᠨ ᠢ ᠢᠯᠡᠳᠬᠡᠨ ᠬᠠᠷᠠᠭᠤᠯᠤᠭᠰᠠᠨ ᠲᠠ ᠪᠦᠬᠦᠨ ᠳᠥ ᠡᠮᠡᠴᠢᠯᠡᠭᠦᠯᠦᠭᠰᠡᠳ ᠪᠣᠯᠤᠨ ᠨᠡᠢᠢᠲᠡ ᠠᠷᠠᠳ ᠲᠦᠮᠡᠨ ᠦ ᠪᠡᠨ ᠡᠮᠦᠨᠡ ᠡᠴᠡ ᠳᠠᠬᠢᠨ ᠭᠦᠨ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠶᠡ᠃
ᠲᠠ ᠪᠦᠬᠦᠨ ᠦ ᠴᠢᠨᠠᠭᠰᠢᠳᠠ ᠢᠢᠨ ᠠᠵᠢᠯ ᠦᠢᠯᠡᠰ᠂ ᠠᠮᠢᠳᠤᠷᠠᠯ ᠳᠤ ᠲᠠᠨᠢ ᠠᠵᠠ ᠵᠢᠷᠭᠠᠯ᠂ ᠠᠮᠵᠢᠯᠲᠠ᠂ ᠰᠠᠢᠢᠨ ᠰᠠᠢᠢᠬᠠᠨ ᠪᠦᠬᠦᠨ ᠢ ᠬᠦᠰᠡᠨ ᠢᠷᠦᠭᠡᠶᠡ᠃
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠦᠷ ᠮᠣᠩ᠋ᠭᠣᠯ ᠴᠠᠭᠠᠨ ᠰᠠᠷᠠ ᠠᠮᠤᠷ ᠠᠮᠤᠭᠤᠯᠠᠩ᠂ ᠳᠡᠯᠭᠡᠷ ᠰᠠᠢᠢᠬᠠᠨ ᠪᠣᠯᠬᠤ ᠪᠣᠯᠲᠤᠭᠠᠢ᠃ ᠬᠦᠮᠦᠨ ᠠᠷᠠᠳ ᠮᠢᠨᠢ ᠰᠡᠳᠬᠢᠯ ᠲᠡᠨᠢᠭᠦᠨ᠂ ᠡᠩᠬᠡ ᠴᠠᠭ ᠲᠠᠢ ᠤᠴᠠᠷᠠᠨ ᠵᠣᠯᠭᠠᠬᠤ ᠪᠣᠯᠲᠤᠭᠠᠢ》 ᠭᠡᠯᠡ᠃
