ᠲᠥᠪ ᠠᠢᠢᠮᠠᠭ ᠤᠨ ᠰᠡᠷᠬᠦᠯᠡᠩ ᠰᠤᠮᠤ ᠢᠢᠨ ᠬᠥᠰᠢᠭᠡ ᠢᠢᠨ ᠬᠥᠨᠳᠡᠢ ᠳᠥ ᠪᠠᠷᠢᠭᠳᠠᠭᠰᠠᠨ ᠰᠢᠨᠡ ᠨᠢᠰᠬᠦ ᠪᠠᠭᠤᠳᠠᠯ ᠪᠤᠶᠤ 《ᠴᠢᠩᠭᠢᠰ ᠬᠠᠭᠠᠨ 》 ᠣᠯᠠᠨ ᠤᠯᠤᠰ ᠤᠨ ᠨᠢᠰᠬᠦ ᠪᠠᠭᠤᠳᠠᠯ ᠤᠨ ᠠᠩᠬᠠᠨ ᠤ ᠨᠢᠰᠦᠯᠭᠡ ᠢᠢᠨ ᠶᠣᠰᠤᠯᠠᠯ ᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠥᠨᠦᠳᠦᠷ ᠪᠣᠯᠵᠤ᠂ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠊ ∙ ᠬᠦᠷᠡᠯᠰᠦ᠋ᠬᠡ ᠣᠷᠤᠯᠴᠠᠵᠤ᠂ ᠦᠭᠡ ᠬᠡᠯᠡᠯᠡ᠃
ᠮᠣᠩ᠋ᠭᠣᠯ ᠤᠯᠤᠰ᠂ ᠶᠠᠫᠣᠨ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠬᠠᠮᠲᠤᠷᠠᠨ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠲᠣᠮᠤᠬᠠᠨ ᠲᠥᠰᠦᠯ ᠦᠳ ᠦᠨ ᠨᠢᠭᠡ ᠪᠣᠯᠬᠤ 《ᠴᠢᠩᠭᠢᠰ ᠬᠠᠭᠠᠨ》 ᠣᠯᠠᠨ ᠤᠯᠤᠰ ᠤᠨ ᠰᠢᠨᠡ ᠨᠢᠰᠬᠦ ᠪᠠᠭᠤᠳᠠᠯ ᠤᠨ ᠪᠦᠲᠦᠭᠡᠨ ᠪᠠᠢᠢᠭᠤᠯᠤᠯᠲᠠ ᠪᠠᠷ᠄
• ᠵᠢᠯ ᠳᠥ 3 ᠰᠠᠶᠠ ᠵᠣᠷᠴᠢᠭᠴᠢ ᠬᠦᠯᠢᠶᠡᠨ ᠠᠪᠬᠤ ᠬᠦᠴᠦᠨ ᠴᠢᠳᠠᠯ ᠪᠦᠬᠦᠢ ᠵᠣᠷᠴᠢᠭᠴᠢ ᠦᠢᠯᠡᠴᠢᠯᠡᠭᠡᠨ ᠦ ᠪᠠᠷᠢᠯᠭᠠ᠂
• 24 ᠠᠭᠠᠷ ᠤᠨ ᠬᠥᠯᠭᠡ ᠵᠣᠭᠰᠤᠬᠤ ᠫᠧᠷᠷᠣᠨ ᠲᠠᠯᠠᠪᠠᠢ᠂
• 43 ᠮᠧᠲ᠋ᠷ ᠥᠨᠳᠦᠷ ᠨᠢᠰᠦᠯᠭᠡ ᠢᠢᠨ ᠬᠥᠳᠡᠯᠭᠡᠭᠡᠨ ᠦ ᠪᠠᠷᠢᠯᠭᠠ᠂
• 8000 ᠳᠣᠨᠠ ᠢᠢᠨ ᠪᠠᠭᠲᠠᠭᠠᠮᠵᠢ ᠪᠦᠬᠦᠢ ᠰᠢᠲᠠᠬᠤᠨ ᠤ ᠠᠭᠤᠯᠬᠤ᠂
• ᠵᠢᠯ ᠳᠥ 11900 ᠳᠣᠨᠠ ᠺᠠᠷᠭᠣ ᠠᠴᠢᠶᠠ ᠰᠢᠤᠳᠠᠨ ᠨᠡᠪᠲᠡᠷᠡᠭᠦᠯᠬᠦ ᠬᠦᠴᠦᠨ ᠴᠢᠳᠠᠯ ᠪᠦᠬᠦᠢ ᠺᠠᠷᠭᠣ ᠲᠧᠷᠮᠢᠨᠠᠯ᠂
• ᠣᠯᠠᠨ ᠤᠯᠤᠰ ᠤᠨ C9 ᠵᠡᠷᠭᠡᠯᠡᠯ ᠲᠡᠢ ᠠᠪᠠᠷᠠᠬᠤ ᠭᠠᠯ ᠤᠨᠳᠠᠷᠠᠭᠠᠬᠤ ᠪᠠᠷᠢᠯᠭᠠ᠂
• ᠪᠡᠶᠡ ᠳᠠᠭᠠᠭᠠᠭᠰᠠᠨ ᠳᠤᠯᠠᠭᠠᠨ ᠤ ᠰᠲ᠋ᠠᠨ᠋ᠼᠢ ᠪᠣᠯᠤᠨ ᠴᠠᠬᠢᠯᠭᠠᠨ ᠱᠤᠭᠤᠮ ᠰᠦᠯᠵᠢᠶᠡᠨ ᠦ ᠳᠡᠳ᠋ ᠪᠠᠷᠢᠯᠭᠠ ᠨᠤᠭᠤᠳ᠂
• ᠬᠣᠨᠤᠭ ᠲᠤ 800 ᠱᠣ ᠮᠧᠲ᠋ᠷ ᠴᠡᠪᠡᠷ ᠪᠣᠯᠤᠨ ᠪᠣᠬᠢᠷ ᠤᠰᠤ ᠴᠡᠪᠡᠷᠯᠡᠬᠦ᠂ ᠠᠷᠢᠭᠤᠳᠬᠠᠬᠤ ᠲᠠᠲᠠᠭᠤᠷᠭᠠ ᠤᠰᠤ ᠴᠡᠪᠡᠷᠰᠢᠭᠦᠯᠬᠦ ᠪᠠᠢᠢᠭᠤᠯᠤᠮᠵᠢ ᠵᠡᠷᠭᠡ ᠦᠨᠳᠦᠰᠦᠨ 30 ᠭᠠᠷᠤᠢ ᠪᠠᠷᠢᠯᠭᠠ᠂ ᠪᠠᠢᠢᠭᠤᠯᠤᠮᠵᠢ ᠠᠴᠠ ᠪᠦᠷᠢᠳᠦᠭᠰᠡᠨ᠂ ᠣᠯᠠᠨ ᠤᠯᠤᠰ ᠤᠨ ᠰᠲ᠋ᠠᠨ᠋ᠳᠠᠷᠲ ᠲᠤ ᠨᠡᠢᠢᠴᠡᠭᠰᠡᠨ ᠰᠢᠨᠡ ᠨᠢᠰᠬᠦ ᠪᠠᠭᠤᠳᠠᠯ ᠪᠠᠷᠢᠭᠳᠠᠭᠰᠡᠨ ᠶᠤᠮ᠃
ᠰᠢᠨᠡ ᠨᠢᠰᠬᠦ ᠪᠠᠭᠤᠳᠠᠯ ᠤᠨ ᠠᠩᠬᠠᠨ ᠤ ᠨᠢᠰᠤᠯᠭᠡ ᠢᠢ ᠦᠨᠳᠦᠰᠦᠨ ᠦ ᠠᠭᠠᠷ ᠤᠨ ᠲᠡᠭᠡᠭᠡᠪᠦᠷᠢᠯᠡᠭᠴᠢ 《 ᠮ᠂ᠢ᠂ᠠ᠂ᠲ》 ᠲᠥ᠂ᠦ᠂ᠬᠤ᠂ᠺᠣ ᠢᠢᠨ OM 501 ᠠᠶᠠᠯᠠᠯ ᠤᠨ ᠳᠤᠭᠠᠷᠲᠠᠢ BOEING 737-800 ᠠᠭᠠᠷ ᠤᠨ ᠬᠥᠯᠭᠡ ᠶᠠᠫᠣᠨ ᠤ ᠲᠣᠺᠢᠣ᠂ ᠨᠠᠷᠢᠲ᠋ᠠ ᠴᠢᠭᠯᠡᠯ ᠳᠥ ᠠᠮᠵᠢᠯᠲᠠᠲᠠᠢ ᠭᠦᠢᠢᠴᠡᠳᠬᠡᠯᠡ᠃
ᠠᠩᠬᠠᠨ ᠤ ᠨᠢᠰᠦᠯᠭᠡ ᠢᠢᠨ ᠡᠬᠢᠨ ᠳᠥ ᠨᠢᠰᠬᠦ ᠪᠠᠭᠤᠳᠠᠯ ᠤᠨ ᠵᠣᠷᠴᠢᠭᠴᠢ ᠢᠢᠨ ᠲᠠᠩᠬᠢᠮ ᠳᠠᠬᠢ ᠮᠣᠩ᠋ᠭᠣᠯ – ᠶᠠᠫᠣᠨ ᠤ ᠨᠠᠢᠢᠷᠠᠮᠳᠠᠯ ᠤᠨ ᠳᠤᠷᠠᠰᠬᠠᠯ ᠤᠨ ᠴᠣᠭᠴᠠᠯᠠᠪᠤᠷᠢ ᠢᠢᠨ ᠬᠥᠰᠢᠶᠡ ᠢᠢ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠊ ∙ ᠬᠦᠷᠡᠯᠰᠦ᠋ᠬᠡ᠂ ᠶᠠᠫᠣᠨ ᠤᠯᠤᠰ ᠠᠴᠠ ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠰᠠᠭᠤᠭᠠ ᠣᠨᠴᠠ ᠪᠥᠭᠡᠳ ᠪᠦᠷᠢᠨ ᠡᠷᠬᠡᠲᠦ ᠡᠯᠴᠢᠨ ᠰᠠᠢᠢᠳ ᠺᠣᠪᠠᠶᠠᠱᠢ ᠾᠢᠷᠣᠶᠦ᠋ᠺᠢ ᠨᠠᠷ ᠠᠯᠪᠠᠨ ᠶᠣᠰᠤ ᠪᠠᠷ ᠨᠡᠭᠡᠭᠡᠪᠡ᠃
