ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠊ ∙ ᠬᠦᠷᠡᠯᠰᠦ᠋ᠬᠡ ᠢᠢᠨ ᠢᠪᠡᠭᠡᠯ ᠳᠣᠣᠷᠠ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ ᠪᠤᠢ 《ᠨᠡᠢᠢᠭᠡᠮ ᠤᠨ ᠬᠥᠭ᠍ᠵᠢᠯ ᠳ᠋ᠦ ᠡᠷᠡᠭᠲᠡᠢᠢᠴᠦᠳ ᠦᠨ ᠣᠷᠣᠯᠴᠠᠭᠠ᠂ ᠮᠠᠩᠯᠠᠢᠢᠯᠠᠯ》 ᠰᠡᠳᠦᠪ ᠲᠥ ᠦᠨᠳᠦᠰᠦᠨ ᠦ ᠴᠢᠭᠤᠯᠭᠠᠨ ᠲᠥᠷᠥ ᠢᠢᠨ ᠣᠷᠳᠣᠨ ᠳᠤ ᠡᠬᠢᠯᠡᠯᠡ᠃
ᠴᠢᠭᠤᠯᠭᠠᠨ ᠳᠤ ᠣᠷᠣᠯᠴᠠᠭᠰᠠᠳ ᠡᠷᠡᠭᠲᠡᠢᠢᠴᠦᠳ ᠦᠨ ᠠᠮᠢᠳᠤᠷᠠᠯ ᠤᠨ ᠴᠢᠨᠠᠷ᠂ ᠣᠷᠣᠯᠴᠠᠭᠠ᠂ ᠮᠠᠩᠯᠠᠢᠢᠯᠠᠯ ᠢ ᠳᠡᠮᠵᠢᠬᠦ ᠳᠥ ᠲᠤᠯᠭᠠᠷᠴᠤ ᠪᠤᠢ ᠰᠣᠷᠢᠯᠲᠠ᠂ ᠪᠡᠷᠬᠡᠰᠢᠶᠡᠯ᠂ ᠲᠡᠳᠡᠭᠡᠷ ᠦᠨ ᠭᠠᠷᠴᠠ ᠰᠢᠢᠳᠦᠯ ᠢ ᠬᠠᠮᠲᠤ ᠳᠤ ᠪᠠᠨ ᠲᠣᠳᠣᠷᠬᠠᠢᠢᠯᠠᠨᠠ᠃
ᠡᠨᠡ ᠬᠦᠷᠢᠶᠡᠨ ᠳᠥ 《ᠡᠷᠡᠭᠲᠡᠢᠢᠴᠦᠳ ᠲᠥ ᠲᠤᠯᠭᠠᠮᠳᠠᠵᠤ ᠪᠤᠢ ᠵᠠᠷᠢᠮ ᠠᠰᠠᠭᠤᠳᠠᠯ》᠂ ᠡᠷᠡᠭᠲᠡᠢᠢᠴᠦᠳ ᠦᠨ ᠮᠠᠩᠯᠠᠢᠢᠯᠠᠯ᠂ ᠶᠣᠰᠣ ᠵᠦᠢ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ᠂ ᠣᠷᠣᠯᠴᠠᠭᠠ》᠂ 《ᠡᠷᠡᠭᠲᠡᠢᠢᠴᠦᠳ ᠦᠨ ᠡᠷᠡᠭᠦᠯ ᠮᠡᠨᠳᠦ᠂ ᠡᠷᠡᠭᠦᠯ ᠠᠮᠢᠳᠤᠷᠠᠯ ᠤᠨ ᠬᠡᠪ ᠮᠠᠶᠢᠭ》᠂ 《ᠡᠷᠡᠭᠲᠡᠢᠢᠴᠦᠳ ᠦᠨ ᠲᠠᠯᠠᠭᠠᠷᠬᠢ ᠬᠡᠪᠰᠢᠮᠡᠯ ᠣᠢᠢᠯᠠᠭᠠᠯᠲᠠ ᠪᠣᠯᠪᠠᠰᠤᠷᠠᠯ᠂ ᠠᠮᠢᠳᠤᠷᠠᠯ ᠤᠨ ᠤᠬᠠᠭᠠᠨ》᠂ 《ᠡᠷᠡᠭᠲᠡᠢᠢᠴᠦᠳ ᠦᠨ ᠬᠥᠳᠡᠯᠮᠦᠷᠢ ᠡᠷᠬᠢᠯᠡᠯᠲᠡ᠂ ᠨᠡᠢᠢᠭᠡᠮ ᠤᠨ ᠬᠠᠮᠠᠭᠠᠯᠠᠯ》 ᠵᠡᠷᠭᠡ ᠰᠡᠳᠦᠪ ᠢᠶᠡᠷ ᠢᠯᠡᠳᠬᠡᠯ ᠰᠣᠨᠣᠰᠴᠤ ᠬᠡᠯᠡᠯᠴᠡᠭᠦᠯᠭᠡ ᠥᠷᠨᠢᠭᠦᠯᠦᠨ᠂ ᠵᠥᠪᠯᠡᠮᠵᠢ ᠭᠠᠷᠭᠠᠬᠤ ᠶᠤᠮ᠃
ᠦᠨᠳᠦᠰᠦᠨ ᠦ ᠴᠢᠭᠤᠯᠭᠠᠨ ᠢ ᠨᠡᠭᠡᠭᠡᠵᠦ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠊ ∙ ᠬᠦᠷᠡᠯᠰᠦ᠋ᠬᠡ ᠢᠢᠨ ᠬᠡᠯᠡᠭᠰᠡᠨ ᠦᠭᠡ ᠢᠢ ᠪᠦᠷᠢᠨ ᠡᠬᠢ ᠪᠡᠷ ᠨᠢ ᠬᠦᠷᠭᠡᠵᠦ ᠪᠠᠢᠢᠨᠠ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤ᠊.ᠬᠦᠷᠡᠯᠰᠦ᠋ᠬᠡ᠄
ᠡᠷᠬᠢᠮ ᠬᠦᠨᠳᠡᠥ ᠴᠢᠭᠤᠯᠭᠠᠨ ᠤ ᠲᠥᠯᠥᠭᠡᠯᠡᠭᠴᠢᠳ ᠡ᠂
ᠤᠯᠤᠰ ᠣᠷᠣᠨ ᠤ ᠲᠥᠰᠢᠭ ᠲᠤᠯᠭᠠᠭᠤᠷᠢ᠂ ᠠᠢᠢᠯ ᠭᠡᠷ ᠦᠨ ᠨᠣᠶᠠᠨ ᠨᠢᠷᠤᠭᠤ ᠪᠣᠯᠤᠭᠰᠠᠨ ᠡᠷᠡᠴᠦᠳ ᠡ᠂
ᠲᠠ ᠪᠦᠬᠦᠨ ᠳᠥ ᠡᠨᠡ ᠡᠳᠦᠷ ᠦᠨ ᠮᠡᠨᠳᠦ ᠢᠢ ᠡᠷᠭᠦᠨ ᠳᠡᠪᠰᠢᠭᠦᠯᠦᠶᠡ!
ᠮᠣᠩ᠋ᠭᠣᠯ ᠲᠥᠷᠥ ᠢᠢᠨ ᠭᠠᠯ ᠭᠣᠯᠣᠮᠲᠠ ᠪᠣᠯᠤᠭᠰᠠᠨ ᠲᠥᠷᠥ ᠢᠢᠨ ᠣᠷᠳᠣᠨ ᠳᠤ ᠪᠠᠨ ᠮᠣᠩ᠋ᠭᠣᠯ ᠡᠷᠡᠴᠦᠳ ᠦᠨ ᠢᠶᠡᠨ ᠲᠠᠯᠠ ᠪᠠᠷ ᠬᠡᠯᠡᠯᠴᠡᠨ ᠶᠠᠷᠢᠯᠴᠠᠵᠤ᠂ ᠡᠬᠡ ᠣᠷᠣᠨ ᠤ ᠪᠠᠨ ᠬᠥᠭ᠍ᠵᠢᠯ ᠳᠡᠪᠰᠢᠯ ᠳᠥ ᠡᠷᠡᠭᠲᠡᠢᠢᠴᠦᠳ ᠦᠨ ᠡᠭᠦᠷᠭᠡ ᠣᠷᠣᠯᠴᠠᠭᠠ᠂ ᠮᠠᠩᠯᠠᠢᠢᠯᠠᠯ ᠤᠨ ᠲᠠᠯᠠ ᠪᠠᠷ ᠰᠠᠨᠠᠯ ᠪᠣᠳᠣᠯ ᠢᠶᠠᠨ ᠰᠣᠯᠢᠯᠴᠠᠨ᠂ ᠪᠣᠳᠣᠯᠭᠠ᠂ ᠵᠣᠷᠢᠯᠲᠠ ᠪᠠᠨ ᠲᠣᠳᠣᠷᠬᠠᠢᠢᠯᠠᠬᠤ ᠪᠠᠷ ᠤᠯᠤᠰ ᠣᠷᠣᠨ ᠤ ᠪᠠᠨ ᠥᠨᠴᠥᠭ ᠪᠤᠯᠤᠨ ᠪᠦᠷᠢ ᠡᠴᠡ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠲᠠ ᠪᠦᠬᠦᠨ ᠳᠥ ᠲᠥᠷᠥ ᠢᠢᠨ ᠲᠡᠷᠢᠭᠦᠨ᠂ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠭᠦᠨ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠵᠦ ᠪᠠᠢᠢᠨᠠ᠃
ᠤᠯᠤᠰ ᠣᠷᠣᠨ ᠤ ᠬᠥᠭ᠍ᠵᠢᠯ ᠳᠡᠪᠰᠢᠯ᠂ ᠭᠡᠷ ᠪᠦᠯᠢ ᠢᠢᠨ ᠠᠮᠢᠳᠤᠷᠠᠯ ᠳᠤ ᠡᠷᠡᠭᠲᠡᠢᠢᠴᠦᠳ ᠦᠨ ᠡᠭᠦᠷᠭᠡ᠂ ᠬᠠᠷᠢᠭᠤᠴᠠᠯᠭᠠ᠂ ᠮᠠᠩᠯᠠᠢᠢᠯᠠᠯ ᠮᠠᠰᠢ ᠴᠢᠬᠤᠯᠠ ᠡᠭᠦᠷᠭᠡ ᠲᠡᠢ᠃
ᠮᠣᠩ᠋ᠭᠣᠯᠴᠤᠳ ᠪᠢᠳᠡ ᠡᠷᠲᠡ ᠳᠡᠭᠡᠷᠡ ᠦᠶᠡ ᠡᠴᠡ ᠡᠷᠡᠴᠦᠳ ᠢᠶᠡᠨ 《ᠡᠷᠦᠬᠡ ᠢᠢᠨ ᠲᠡᠷᠢᠭᠦᠨ᠂ ᠭᠡᠷ ᠦᠨ ᠡᠵᠡᠨ》 ᠬᠡᠮᠡᠨ ᠬᠦᠨᠳᠦᠳᠬᠡᠨ ᠢᠷᠡᠭᠰᠡᠨ ᠰᠠᠢᠢᠬᠠᠨ ᠤᠯᠠᠮᠵᠢᠯᠠᠯ ᠲᠠᠢ᠃ ᠠᠢᠢᠯ ᠡᠷᠦᠬᠡ ᠪᠣᠯ ᠤᠯᠤᠰ ᠤᠨ ᠦᠨᠳᠦᠰᠦ᠂ ᠲᠥᠷᠥ ᠢᠢᠨ ᠲᠤᠯᠭᠠᠭᠤᠷᠢ ᠶᠤᠮ᠃
ᠬᠠᠲᠠᠨ ᠵᠣᠷᠢᠭᠲᠤ ᠮᠣᠩ᠋ᠭᠣᠯ ᠡᠷᠡᠴᠦᠳ ᠾᠢᠦᠩᠨᠦ ᠭᠦᠷᠦᠨ ᠡᠴᠡ ᠡᠬᠢᠯᠡᠨ ᠳᠡᠯᠡᠬᠡᠢ ᠢᠢᠨ ᠲᠠᠯᠠ ᠢᠢ ᠲᠥᠪᠰᠢᠳᠬᠡᠨ ᠲᠥᠷᠥ ᠤᠯᠤᠰ ᠢᠶᠠᠨ ᠪᠠᠢᠢᠭᠤᠯᠵᠤ᠂ ᠳᠠᠶᠠᠩ ᠳᠡᠯᠡᠬᠡᠢ ᠳᠥ ᠮᠣᠩ᠋ᠭᠣᠯ ᠤᠨ ᠶᠡᠬᠡ ᠠᠮᠤᠷ ᠠᠮᠤᠭᠤᠯᠠᠩ ᠢ ᠲᠣᠭᠲᠠᠭᠠᠨ᠂ ᠲᠤᠭᠤᠷᠭᠠ ᠲᠤᠰᠠᠭᠠᠷ ᠤᠯᠤᠰ ᠢᠶᠠᠨ ᠴᠣᠭᠴᠠᠯᠠᠭᠠᠨ ᠮᠠᠨᠳᠤᠭᠤᠯᠵᠤ᠂ ᠮᠣᠩ᠋ᠭᠣᠯ ᠬᠦᠮᠦᠨ᠂ ᠮᠣᠩ᠋ᠭᠣᠯ ᠦᠨᠳᠦᠰᠦᠲᠡᠨ ᠢ ᠳᠡᠯᠡᠬᠡᠢ ᠢᠢᠨ ᠲᠡᠦᠬᠡᠨ ᠳᠥ ᠲᠠᠮᠠᠭᠠᠯᠠᠨ ᠦᠯᠡᠳᠡᠭᠡᠭᠰᠡᠨ ᠪᠠᠬᠠᠳᠤᠮᠠ ᠲᠡᠦᠬᠡ᠂ ᠪᠠᠭᠠᠲᠤᠷᠯᠢᠭ ᠭᠠᠪᠢᠶᠠ ᠲᠠᠢ ᠪᠢᠯᠡ᠃
ᠪᠢᠳᠡᠨ ᠦ ᠡᠪᠦᠭᠡ ᠳᠡᠭᠡᠳᠦᠰ ᠮᠣᠩ᠋ᠭᠣᠯ ᠡᠷᠡ ᠬᠦᠮᠦᠨ ᠢ ᠡᠷᠡ ᠵᠣᠷᠢᠭ ᠲᠠᠢ᠂ ᠡᠷᠳᠡᠮ ᠪᠢᠯᠢᠭ᠋᠍ ᠲᠡᠢ᠂ ᠬᠣᠯᠠᠴᠢ ᠤᠬᠠᠭᠠᠨ ᠲᠠᠢ᠂ ᠠᠭᠤᠵᠢᠭᠤ ᠰᠡᠳᠬᠢᠯ ᠲᠡᠢ᠂ ᠲᠡᠰᠪᠦᠷᠢ ᠬᠠᠲᠠ ᠲᠠᠢ᠂ ᠶᠣᠰᠣ ᠵᠤᠳᠠᠭ ᠲᠠᠢ᠂ ᠰᠢᠳᠤᠷᠭᠤ ᠵᠢᠷᠤᠮ ᠲᠠᠢ᠂ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠲᠤ ᠪᠠᠨ ᠦᠨᠡᠨᠴᠢ᠂ ᠡᠬᠡ ᠬᠦᠨᠳᠦ ᠡᠯᠪᠡᠷᠢᠯ ᠲᠡᠢ ᠪᠠᠢᠢᠬᠤ ᠢᠢ ᠰᠤᠷᠭᠠᠵᠤ᠂ ᠲᠥᠷᠥ ᠤᠯᠤᠰ᠂ ᠲᠥ ᠮᠡᠨ ᠣᠯᠠᠨ ᠳᠤ ᠪᠠᠨ ᠥᠮᠥᠭ ᠲᠥᠰᠢᠭ ᠪᠣᠯᠤᠭᠰᠠᠨ ᠨᠣᠶᠠᠨ ᠨᠢᠷᠤᠭᠤ ᠲᠠᠢ ᠡᠷᠡᠰ ᠢ 《ᠡᠷᠡ ᠬᠦᠮᠦᠨ》 ᠬᠡᠮᠡᠨ ᠡᠷᠭᠦᠮᠵᠢᠯᠡᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠡᠢ᠃
ᠮᠣᠩ᠋ᠭᠣᠯᠴᠤᠳ ᠪᠢᠳᠡ ᠡᠷᠲᠡ ᠦᠶᠡ ᠡᠴᠡ ᠬᠤᠭᠤᠷᠴᠢ ᠮᠡᠬᠡᠯᠡᠬᠦ᠂ ᠵᠢᠰᠤᠷᠳᠠᠵᠤ ᠵᠠᠯᠢᠳᠠᠬᠤ᠂ ᠤᠷᠪᠠᠵᠤ ᠰᠢᠷᠪᠠᠬᠤ᠂ ᠶᠡᠬᠡᠷᠬᠡᠵᠦ ᠪᠠᠶᠠᠷᠬᠠᠬᠤ᠂ ᠬᠦᠴᠦᠷᠬᠢᠯᠡᠨ ᠳᠡᠭᠡᠷᠡᠯᠬᠡᠬᠦ᠂ ᠰᠠᠷᠬᠤᠳ ᠲᠤ ᠬᠣᠣᠳᠤᠷᠤᠭᠤᠯᠬᠤ᠂ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠬᠢᠬᠦ᠂ ᠬᠣᠪ ᠵᠢᠪ ᠬᠥᠭᠡᠭᠡᠯᠴᠡᠳᠥᠬᠦ ᠵᠡᠷᠭᠡ ᠢᠢ ᠠᠳᠠᠭ ᠤᠨ ᠠᠷᠠᠨᠰᠢᠨ᠂ ᠬᠦᠮᠦᠨ ᠦ ᠮᠥᠰᠥ ᠴᠢᠨᠠᠷ ᠲᠤ ᠬᠠᠷᠰᠢ ᠬᠡᠮᠡᠨ ᠴᠡᠭᠡᠷᠯᠡᠵᠦ ᠢᠷᠡᠭᠰᠡᠨ ᠵᠠᠩᠰᠢᠯ ᠲᠠᠢ᠃
《ᠨᠡᠷᠡ ᠬᠤᠭᠤᠷᠠᠬᠤ ᠪᠠᠷ ᠶᠠᠰᠤ ᠬᠤᠭᠤᠷᠠ》 ᠬᠡᠮᠡᠨ ᠮᠠᠨ ᠤ ᠠᠷᠠᠳ ᠲᠥᠮᠡᠨ ᠶᠠᠷᠢᠳᠠᠭ ᠪᠢᠯᠡ᠃
ᠡᠴᠢᠭᠡ ᠡᠪᠦᠭᠡᠳ ᠡᠴᠡ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠭᠰᠡᠨ ᠡᠨᠡᠬᠦ ᠶᠣᠰᠣ ᠵᠤᠳᠠᠭ᠂ ᠵᠠᠩ ᠵᠠᠩᠰᠢᠯ᠂ ᠦᠨᠡᠲᠥ ᠵᠦᠢᠯᠡᠰ ᠢᠶᠡᠨ ᠪᠢᠳᠡ ᠬᠡᠵᠢᠶᠡ ᠴᠤ ᠮᠠᠷᠲᠠᠬᠤ ᠶᠣᠰᠣ ᠦᠭᠡᠢ ᠪᠥᠭᠡᠳ ᠦᠶᠡ ᠢᠢᠨ ᠦᠶᠡ ᠳᠥ ᠦᠷᠡ ᠬᠡᠦᠬᠡᠳ ᠦᠳ ᠳᠡᠭᠡᠨ ᠥᠪᠯᠡᠭᠦᠯᠦᠨ ᠤᠯᠠᠮᠵᠢᠯᠠᠭᠤᠯᠵᠤ ᠪᠠᠢᠢᠬᠤ ᠤᠴᠢᠷᠲᠠᠢ᠃
ᠬᠠᠷᠢᠨ ᠪᠢᠳᠡ ᠥᠨᠥᠳᠥᠷ ᠡᠨᠡ ᠵᠠᠩ ᠵᠠᠩᠰᠢᠯ᠂ ᠵᠠᠬᠢᠶᠠ ᠳᠠᠭᠠᠭᠠᠯᠭᠠᠪᠤᠷᠢ᠂ ᠶᠣᠰᠣ ᠵᠤᠳᠠᠭ ᠢᠶᠠᠨ ᠬᠡᠷᠬᠢᠨ ᠬᠠᠳᠠᠭᠠᠯᠠᠵᠤ᠂ ᠬᠡᠷᠬᠢᠨ ᠬᠠᠮᠠᠭᠠᠯᠠᠵᠤ᠂ ᠬᠡᠷᠬᠢᠨ ᠠᠪᠴᠤ ᠶᠠᠪᠤᠭᠠ ᠲᠠᠯᠠ ᠪᠠᠷ ᠢᠶᠠᠨ ᠬᠡᠯᠡᠯᠴᠡᠨ ᠶᠠᠷᠢᠯᠴᠠᠵᠤ᠂ ᠲᠤᠩᠭ᠋ᠠᠨ ᠪᠣᠳᠣᠬᠤ ᠴᠠᠭ ᠪᠣᠯᠵᠠᠢ᠃
ᠮᠣᠩ᠋ᠭᠣᠯ ᠡᠷᠡ ᠬᠦᠮᠦᠨ ᠪᠣᠯ ᠬᠠᠨᠢ ᠢᠵᠢᠯᠢ᠂ ᠭᠡᠷ ᠪᠦᠯᠢ᠂ ᠦᠷᠡ ᠬᠡᠦᠬᠡᠳ ᠢᠶᠡᠨ ᠬᠠᠢᠢᠷᠠᠯᠠᠨ ᠬᠠᠯᠠᠮᠵᠢᠯᠠᠵᠤ᠂ ᠤᠯᠤᠰ ᠣᠷᠣᠨ᠂ ᠭᠡᠷ ᠪᠦᠯᠢ ᠢᠢᠨ ᠢᠶᠡᠨ ᠲᠥᠯᠥᠭᠡ ᠬᠢᠴᠢᠶᠡᠨ ᠵᠢᠳᠬᠦᠵᠦ᠂ ᠡᠬᠡ ᠣᠷᠣᠨ ᠢᠶᠠᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠬᠤ ᠡᠭᠦᠷᠭᠡ ᠪᠡᠨ ᠢᠮᠠᠭᠲᠠ ᠤᠬᠠᠮᠰᠠᠷᠯᠠᠨ ᠨᠡᠷᠡ ᠲᠥᠷᠥ ᠲᠡᠢ ᠪᠡᠷ ᠠᠮᠢᠳᠤᠷᠠᠬᠤ ᠶᠣᠰᠣᠲᠠᠢ᠃
ᠡᠷᠬᠡ ᠴᠢᠯᠦᠭᠡᠲᠥ ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠬᠦᠮᠦᠨ ᠢᠵᠢᠯ ᠲᠡᠭᠰᠢ ᠡᠷᠬᠡ ᠲᠡᠢ ᠪᠠᠢᠢᠳᠠᠭ ᠬᠡᠳᠦᠢ ᠴᠤ ᠡᠷᠡᠴᠦᠳ ᠪᠢᠳᠡ ᠡᠬᠡ ᠣᠷᠣᠨ᠂ ᠠᠷᠠᠳ ᠲᠥᠮᠡᠨ᠂ ᠭᠡᠷ ᠪᠦᠯᠢ᠂ ᠦᠷᠡ ᠬᠡᠦᠬᠡᠳ ᠦᠨ ᠢᠶᠡᠨ ᠡᠮᠦᠨᠡ ᠢᠯᠡᠭᠦᠦ ᠶᠡᠬᠡ ᠡᠭᠦᠷᠭᠡ᠂ ᠬᠠᠷᠢᠭᠤᠴᠠᠯᠭᠠ ᠬᠦᠯᠢᠶᠡᠵᠦ᠂ ᠢᠯᠡᠭᠦᠦ ᠶᠡᠬᠡ ᠠᠴᠢᠶᠠᠨ ᠤ ᠬᠦᠨᠳᠦ ᠡᠭᠦᠷᠬᠦ ᠤᠴᠢᠷᠲᠠᠢ᠃
ᠡᠢᠢᠮᠦ ᠡᠴᠡ ᠮᠣᠩ᠋ᠭᠣᠯ ᠡᠷᠡ ᠬᠦᠮᠦᠨ ᠡᠷᠡᠭᠦᠯ ᠪᠡᠶᠡ ᠲᠡᠢ᠂ ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ᠂ ᠵᠥᠪ ᠰᠡᠳᠬᠢᠯ ᠲᠡᠢ᠂ ᠵᠥᠪ ᠬᠠᠨᠳᠤᠯᠭᠠ ᠲᠠᠢ᠂ ᠦᠤᠬᠡ ᠲᠡᠦᠬᠡ᠂ ᠥᠪ ᠰᠤᠶᠤᠯ᠂ ᠦᠨᠡᠲᠥ ᠵᠦᠢᠯ ᠢᠶᠡᠨ ᠡᠷᠬᠢᠮᠯᠡᠨ ᠳᠡᠭᠡᠳᠦᠯᠡᠳᠡᠭ᠂ ᠮᠡᠳᠡᠯᠭᠡ ᠪᠣᠯᠪᠠᠰᠤᠷᠠᠯ ᠲᠠᠢ᠂ ᠠᠵᠢᠯ ᠠᠮᠢᠳᠤᠷᠠᠯ ᠲᠠᠢ᠂ ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠬᠥᠭ᠍ᠵᠢᠯ ᠳᠡᠪᠰᠢᠯ ᠲᠡᠢ ᠬᠥᠯ ᠨᠡᠢᠢᠯᠡᠭᠦᠯᠦᠨ ᠠᠯᠬᠤᠵᠤ ᠴᠢᠳᠠᠳᠠᠭ ᠪᠠᠢᠢᠬᠤ ᠶᠣᠰᠣᠲᠠᠢ᠃
ᠢᠩᠭᠢᠬᠦ ᠢᠢᠨ ᠲᠤᠯᠠᠳᠠ ᠡᠷᠡᠭᠦᠯ ᠮᠡᠨᠳᠦ᠂ ᠰᠡᠳᠬᠢᠯ ᠵᠦᠢ᠂ ᠪᠣᠯᠪᠠᠰᠤᠷᠠᠯ᠂ ᠬᠥᠳᠡᠯᠮᠦᠷᠢ ᠡᠷᠬᠢᠯᠡᠯᠲᠡ᠂ ᠬᠥᠭ᠍ᠵᠢᠯ ᠦᠨ ᠠᠰᠠᠭᠤᠳᠠᠯ ᠳᠤ ᠨᠢ ᠲᠥᠷᠥ ᠢᠢᠨ ᠪᠣᠳᠣᠯᠭᠠ ᠢᠢ ᠴᠢᠭᠯᠡᠭᠦᠯᠬᠦ ᠢᠢᠨ ᠵᠡᠷᠭᠡᠴᠡᠭᠡ ᠡᠷᠡᠴᠦᠳ ᠦᠨ ᠥᠪᠡᠷᠰᠡᠳ ᠦᠨ ᠤᠬᠠᠮᠰᠠᠷ᠂ ᠢᠳᠡᠪᠬᠢ ᠰᠠᠨᠠᠭᠠᠴᠢᠯᠠᠭᠠ᠂ ᠬᠠᠷᠢᠭᠤᠴᠠᠯᠭᠠ ᠢᠢ ᠰᠢᠨᠡ ᠲᠥᠪᠰᠢᠨ ᠳᠥ ᠭᠠᠷᠭᠠᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠣᠯᠵᠠᠢ᠃
ᠡᠷᠡᠴᠦᠳ ᠪᠢᠳᠡᠨ ᠳᠥ ᠰᠠᠨᠠᠭᠠ ᠵᠣᠪᠠᠬᠤ ᠵᠦᠢᠯ ᠴᠢᠮ ᠦᠭᠡᠢ ᠶᠡᠬᠡ ᠪᠠᠢᠢᠨᠠ᠃ ᠵᠠᠰᠠᠵᠤ ᠵᠠᠯᠠᠷᠠᠭᠤᠯᠬᠤ ᠵᠦᠢᠯ ᠴᠤ ᠶᠡᠬᠡ ᠪᠠᠢᠢᠨᠠ᠃
ᠵᠠᠷᠢᠮ ᠨᠥᠬᠥᠳ ᠮᠠᠨᠢ ᠡᠷᠡᠭᠦᠯ ᠮᠡᠨᠳᠦ᠂ ᠠᠬᠤᠢ ᠠᠮᠢᠳᠤᠷᠠᠯ ᠢᠶᠠᠨ ᠬᠥᠰᠡᠷᠳᠡᠭᠦᠯᠵᠦ᠂ ᠡᠷᠡ ᠬᠦᠮᠦᠨ᠂ ᠡᠴᠢᠭᠡ ᠬᠦᠮᠦᠨ ᠦ ᠡᠭᠦᠷᠭᠡ᠂ ᠬᠠᠷᠢᠭᠤᠴᠠᠯᠭᠠ ᠢᠢ ᠤᠮᠠᠷᠲᠠᠵᠤ᠂ ᠭᠡᠷ ᠣᠷᠣᠨ᠂ ᠠᠵᠢᠯ ᠦᠢᠯᠡᠰ ᠢᠶᠡᠨ ᠡᠵᠡᠨᠭᠦᠢᠢᠳᠡᠭᠦᠯᠵᠦ᠂ ᠬᠠᠨᠢ ᠢᠵᠢᠯᠢ᠂ ᠦᠷᠡ ᠬᠡᠦᠬᠡᠳ᠂ ᠭᠡᠷ ᠪᠦᠯᠢ ᠪᠡᠨ ᠵᠣᠪᠠᠭᠠᠵᠤ ᠪᠠᠢᠢᠭᠠ ᠶᠠᠪᠤᠳᠠᠯ ᠴᠥᠭᠡᠨ ᠦᠭᠡᠢ ᠪᠠᠢᠢᠨᠠ᠃
ᠮᠠᠨ ᠤ ᠤᠯᠤᠰ ᠤᠨ ᠬᠦᠮᠦᠨ ᠠᠮᠠ ᠥᠰᠴᠦ᠂ ᠳᠤᠮᠳᠠᠴᠢ ᠨᠠᠰᠤᠯᠠᠯᠲᠠ 70 ᠨᠠᠰᠤ ᠪᠣᠯᠤᠭᠰᠠᠨ ᠰᠠᠢᠢᠬᠠᠨ ᠮᠡᠳᠡᠭᠡ ᠪᠠᠢᠢᠭᠠ ᠬᠡᠳᠦᠢ ᠴᠤ ᠡᠷᠡᠭᠲᠡᠢ᠂ ᠡᠮᠡᠭᠲᠡᠢ ᠬᠦᠮᠦᠨ ᠦ ᠳᠤᠮᠳᠠᠴᠢ ᠨᠠᠰᠤᠯᠠᠯᠲᠠ ᠢᠢᠨ ᠵᠥᠷᠢᠭᠦᠦ 1990 ᠣᠨ ᠳᠤ 5.8 ᠵᠢᠯ ᠪᠠᠢᠢᠭᠰᠠᠨ ᠪᠣᠯ ᠥᠨᠥᠳᠥᠷ 10 ᠵᠢᠯ ᠪᠣᠯᠵᠤ ᠥᠭᠡᠷᠡᠴᠢᠯᠡᠭᠳᠡᠭᠰᠡᠨ ᠪᠠᠢᠢᠨᠠ᠃ ᠡᠨᠡ ᠨᠢ ᠨᠢᠭᠡ ᠶᠣᠰᠣᠨ ᠳᠤ ᠪᠠᠨ ᠡᠷᠡᠭᠲᠡᠢ ᠬᠦᠮᠦᠨ ᠡᠮᠡᠭᠲᠡᠢ ᠬᠦᠮᠦᠨ ᠡᠴᠡ 10 ᠵᠢᠯ ᠢᠶᠡᠷ ᠪᠣᠭᠣᠨᠢ ᠨᠠᠰᠤᠯᠠᠵᠤ ᠪᠠᠢᠢᠨᠠ ᠭᠡᠰᠡᠨ ᠦᠭᠡ ᠶᠤᠮ᠃
ᠡᠭᠦᠨ ᠢ ᠡᠷᠳᠡᠮᠲᠡᠨ᠂ ᠰᠤᠳᠤᠯᠤᠭᠠᠴᠢᠳ ᠳ᠋ᠦᠩᠨᠡᠬᠦ ᠳᠥ ᠪᠡᠨ ᠮᠣᠩ᠋ᠭᠣᠯ ᠡᠷᠡᠭᠲᠡᠢᠢᠴᠦᠳ ᠡᠷᠡᠭᠦᠯ ᠮᠡᠨᠳᠦ ᠳᠥ ᠪᠡᠨ ᠠᠩᠬᠠᠷᠳᠠᠭ ᠦᠭᠡᠢ᠂ ᠬᠣᠣᠷᠲᠤ ᠵᠤᠷᠰᠢᠯ ᠳᠤ ᠬᠡᠲᠥ ᠶᠡᠬᠡ ᠠᠪᠲᠠᠭᠰᠠᠨ ᠲᠠᠢ ᠰᠢᠭᠤᠳ ᠬᠣᠯᠪᠣᠭᠠ ᠲᠠᠢ ᠪᠥᠭᠡᠳ ᠡᠨᠡ ᠨᠢ ᠠᠷᠢᠬᠢ᠂ ᠲᠠᠮᠠᠬᠢ᠂ ᠣᠰᠣᠯ ᠭᠡᠮᠲᠥᠯ᠂ ᠰᠡᠳᠬᠢᠯ ᠭᠤᠲᠤᠷᠠᠯ᠂ ᠭᠡᠷ ᠪᠦᠯᠢ ᠰᠠᠯᠤᠯᠲᠠ᠂ ᠠᠵᠢᠯ ᠦᠭᠡᠢᠢᠳᠡᠯ ᠪᠣᠯᠤᠨ ᠡᠮᠬᠢ ᠴᠡᠭᠴᠡ ᠦᠭᠡᠢ᠂ ᠬᠡᠨᠡᠭ ᠦᠭᠡᠢ᠂ ᠬᠠᠷᠢᠭᠤᠴᠠᠯᠭᠠ ᠦᠭᠡᠢ ᠪᠠᠢᠢᠳᠠᠯ ᠠᠴᠠ ᠪᠣᠯᠵᠤ ᠪᠠᠢᠢᠨᠠ ᠭᠡᠵᠦ ᠦᠵᠡᠵᠡᠢ᠃
ᠮᠠᠨ ᠤ ᠡᠷᠡᠭᠲᠡᠢᠢᠴᠦᠳ ᠦᠨ ᠨᠠᠰᠤ ᠪᠠᠷᠤᠯᠲᠠ ᠢᠢᠨ ᠲᠡᠷᠢᠭᠦᠯᠡᠬᠦ ᠲᠠᠪᠤᠨ ᠰᠢᠯᠲᠠᠭᠠᠨ ᠳᠤ ᠵᠢᠷᠦᠬᠡ ᠰᠤᠳᠠᠰᠤᠨ ᠤ ᠡᠪᠡᠳᠴᠢᠨ᠂ ᠬᠠᠪᠤᠳᠠᠷ᠂ ᠭᠡᠮᠲᠥᠯ᠂ ᠬᠣᠣᠷᠳᠠᠯᠭᠠ ᠪᠠ ᠭᠠᠳᠠᠨᠠ ᠢᠢᠨ ᠰᠢᠯᠲᠠᠭᠠᠨᠳᠤ ᠡᠮᠭᠡᠭ᠍ᠭ ᠌᠂ ᠠᠮᠢᠰᠬᠤᠯ ᠤᠨ ᠵᠠᠮ ᠤᠨ ᠪᠣᠯᠤᠨ ᠬᠣᠭᠣᠯᠠ ᠪᠣᠯᠪᠠᠰᠤᠷᠠᠭᠤᠯᠬᠤ ᠲᠣᠭᠲᠠᠯᠴᠠᠭᠠᠨ ᠤ ᠡᠪᠡᠳᠴᠢᠨ ᠨᠦᠭᠦᠳ ᠣᠷᠣᠵᠤ ᠪᠠᠢᠢᠨᠠ᠃
ᠡᠷᠡ ᠬᠦᠮᠦᠨ ᠬᠢᠷᠢ ᠪᠠᠷᠤᠭ ᠤᠨ ᠵᠣᠪᠠᠯᠠᠩ ᠢ ᠳᠠᠭᠠᠳᠠᠭ᠂ ᠡᠷᠡ ᠬᠦᠮᠦᠨ ᠡᠪᠡᠳᠳᠡᠭ ᠦᠭᠡᠢ᠂ ᠡᠮᠡᠭᠲᠡᠢ ᠬᠦᠮᠦᠨ ᠡᠴᠡ ᠳᠣᠯᠣᠭᠠᠨ ᠳᠣᠣᠷᠠ ᠭᠡᠬᠦ ᠵᠡᠷᠭᠡ ᠪᠤᠷᠤᠭᠤ ᠦᠵᠡᠯ᠂ ᠬᠡᠨᠡᠭ ᠦᠭᠡᠢ ᠪᠠᠢᠢᠳᠠᠯ ᠭᠠᠵᠠᠷ ᠠᠪᠤᠭᠰᠠᠨ ᠠᠴᠠ ᠪᠣᠯᠤᠭᠠᠳ ᠡᠷᠡᠭᠲᠡᠢᠢᠴᠦᠳ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ ᠦᠵᠡᠯᠭᠡ ᠳᠥ ᠬᠠᠮᠤᠷᠤᠭᠳᠠᠬᠤ᠂ ᠡᠮᠨᠡᠯᠭᠡ ᠳᠥ ᠡᠮᠴᠢᠯᠡᠭᠦᠯᠬᠦ᠂ ᠡᠷᠡᠭᠦᠯ ᠮᠡᠨᠳᠦ ᠳᠥ ᠪᠡᠨ ᠲᠠᠯᠪᠢᠬᠤ ᠠᠩᠬᠠᠷᠤᠯ ᠬᠠᠷᠢᠴᠠᠩᠭ᠋ᠤᠢ ᠰᠤᠯᠠ ᠪᠠᠢᠢᠨᠠ᠃
ᠡᠨᠡ ᠪᠣᠯ ᠲᠤᠢᠢᠯ ᠤᠨ ᠬᠠᠷᠢᠭᠤᠴᠠᠯᠭᠠ ᠦᠭᠡᠢ ᠶᠠᠪᠤᠳᠠᠯ ᠪᠥᠭᠡᠳ ᠡᠷᠡᠴᠦᠳ ᠦᠨ ᠠᠮᠢᠳᠤᠷᠠᠯ ᠤᠨ ᠴᠢᠨᠠᠷ ᠲᠤ ᠲᠡᠳᠦᠢ ᠦᠭᠡᠢ ᠡᠷᠦᠬᠡ ᠭᠡᠷ᠂ ᠤᠯᠤᠰ ᠦᠨᠳᠦᠰᠦᠲᠡᠨ ᠦ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ ᠳᠤ ᠴᠤ ᠰᠦᠷᠡᠬᠡᠢ ᠨᠥᠯᠦᠭᠡᠯᠡᠵᠦ ᠪᠠᠢᠢᠨᠠ᠃
ᠡᠨᠡ ᠲᠤᠬᠠᠢ ᠥᠨᠥᠳᠥᠷ ᠦᠨ ᠴᠢᠭᠤᠯᠭᠠᠨ ᠳᠡᠭᠡᠷᠡ ᠮᠠᠨ ᠤ ᠡᠷᠳᠡᠮᠲᠡᠨ ᠰᠤᠳᠤᠯᠤᠭᠠᠴᠢᠳ᠂ ᠮᠡᠷᠭᠡᠵᠢᠯ ᠦᠨ ᠬᠦᠮᠦᠰ ᠲᠣᠳᠣᠷᠬᠠᠢ ᠲᠣᠭᠠ ᠪᠠᠷᠢᠮᠲᠠ ᠳᠤ ᠲᠤᠯᠭᠠᠭᠤᠷᠢᠯᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠦᠨᠳᠦᠰᠦᠯᠡᠯ ᠲᠡᠢ ᠶᠠᠷᠢᠵᠤ᠂ ᠠᠷᠠᠳ ᠢᠷᠭᠡᠳ ᠲᠥ ᠪᠡᠨ ᠰᠠᠢᠢᠲᠤᠷ ᠣᠢᠢᠯᠠᠭᠠᠭᠤᠯᠤᠨᠠ ᠭᠡᠵᠦ ᠨᠠᠢᠢᠳᠠᠵᠤ ᠪᠠᠢᠢᠨᠠ᠃
ᠴᠢᠨᠠᠭᠰᠢᠳᠠ ᠲᠥᠷᠦ ᠵᠠᠰᠠᠭ ᠠᠴᠠ ᠠᠷᠠᠳ ᠢᠷᠭᠡᠳ᠂ ᠨᠡᠩ ᠢᠯᠠᠩᠭᠤᠶᠠ ᠡᠷᠡᠭᠲᠡᠢᠢᠴᠦᠳ ᠦᠨ ᠡᠷᠡᠭᠦᠯ ᠮᠡᠨᠳᠦ ᠢᠢᠨ ᠪᠣᠯᠪᠠᠰᠤᠷᠠᠯ ᠢ ᠳᠡᠭᠡᠭ᠍ᠰᠢᠯᠡᠭᠦᠯᠬᠦ᠂ ᠵᠥᠪ ᠠᠮᠢᠳᠤᠷᠠᠯ ᠤᠨ ᠬᠡᠪᠰᠢᠯ ᠢ ᠪᠤᠢ ᠪᠣᠯᠭᠠᠬᠤ ᠴᠢᠭᠯᠡᠯ ᠢᠶᠡᠷ ᠰᠣᠶᠣᠨ ᠭᠡᠭᠡᠷᠡᠭᠦᠯᠬᠦ ᠠᠵᠢᠯ ᠢ ᠪᠦᠬᠦ ᠲᠥᠪᠰᠢᠨ ᠳᠥ ᠡᠷᠴᠢᠮᠲᠡᠢ ᠶᠠᠪᠤᠭᠤᠯᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠢᠢᠨᠠ᠃
ᠡᠷᠬᠢᠮ ᠨᠥᠬᠥᠳ ᠡ᠂
《ᠡᠷᠡ ᠠᠮᠤᠭᠤᠯᠠᠩ ᠪᠣᠯ ᠭᠡᠷ ᠠᠮᠤᠭᠤᠯᠠᠩ》 ᠭᠡᠵᠦ ᠮᠠᠨ ᠤ ᠠᠷᠠᠳ ᠲᠥᠮᠡᠨ ᠬᠡᠯᠡᠳᠡᠭ᠃
ᠡᠷᠡᠴᠦᠳ ᠪᠢᠳᠡ ᠭᠡᠷ ᠪᠦᠯᠢ᠂ ᠡᠬᠡ ᠣᠷᠣᠨ ᠤ ᠪᠠᠨ ᠡᠮᠦᠨᠡ ᠬᠦᠯᠢᠶᠡᠭᠰᠡᠨ ᠡᠭᠦᠷᠭᠡ᠂ ᠬᠠᠷᠢᠭᠤᠴᠠᠯᠭᠠ ᠳᠤ ᠪᠠᠨ ᠡᠵᠡᠨ ᠪᠠᠢᠢᠵᠤ᠂ ᠡᠬᠡ ᠬᠦᠮᠦᠨ᠂ ᠡᠮᠡᠭᠲᠡᠢ ᠬᠦᠮᠦᠨ᠂ ᠦᠷᠡ ᠬᠡᠦᠬᠡᠳ ᠢᠶᠡᠨ ᠬᠠᠢᠢᠷᠠᠯᠠᠨ ᠳᠡᠭᠡᠳᠦᠯᠡᠵᠦ᠂ ᠬᠠᠯᠠᠮᠵᠢᠯᠠᠨ ᠠᠰᠠᠷᠠᠬᠤ ᠤᠴᠢᠷᠲᠠᠢ᠃
ᠡᠨᠡ ᠪᠣᠯ ᠡᠷᠡ ᠬᠦᠮᠦᠨ ᠦ ᠶᠣᠰᠣ ᠵᠤᠳᠠᠭ᠂ ᠨᠡᠷᠡ ᠲᠥᠷᠥ ᠢᠢᠨ ᠬᠡᠷᠡᠭ ᠪᠥᠭᠡᠳ ᠡᠷᠡ ᠬᠦᠮᠦᠨ ᠦ᠂ ᠡᠴᠢᠭᠡ ᠬᠦᠮᠦᠨ ᠦ ᠡᠷᠬᠢᠮ ᠡᠭᠦᠷᠭᠡ ᠶᠤᠮ᠃
ᠥᠬᠢᠨ ᠦᠷᠡ ᠠᠪᠤ ᠢᠢᠨ ᠬᠠᠢᠢᠷᠠ ᠪᠠᠷ ᠡᠷᠡᠴᠦᠳ ᠦᠨ ᠶᠢᠷᠲᠢᠨᠴᠦ ᠢᠢ ᠲᠥᠰᠦᠭᠡᠯᠡᠵᠦ᠂ ᠨᠤᠭᠤᠨ ᠦᠷᠡ ᠡᠴᠢᠭᠡ ᠢᠢᠨ ᠰᠤᠷᠭᠠᠯ ᠢᠶᠠᠷ ᠡᠷᠡ ᠬᠦᠮᠦᠨ ᠪᠣᠯᠤᠨ ᠬᠦᠮᠦᠵᠢᠳᠡᠭ ᠵᠢᠮᠠ ᠲᠠᠢ᠃
ᠡᠢᠢᠮᠦ ᠡᠴᠡ ᠡᠷᠡ ᠬᠦᠮᠦᠨ᠂ ᠡᠴᠢᠭᠡ ᠬᠦᠮᠦᠨ ᠠᠭᠤᠷ ᠣᠮᠤᠭ᠂ ᠬᠡᠯᠡ ᠠᠮᠠ᠂ ᠬᠡᠷᠡᠭᠦᠯ ᠦᠨ ᠪᠤᠵᠠᠷ ᠠᠴᠠ ᠠᠩᠭᠢᠳᠠ ᠪᠠᠢᠢᠵᠤ᠂ ᠪᠡᠶᠡ ᠰᠡᠳᠬᠢᠯ ᠦᠨ ᠲᠡᠩᠴᠡᠪᠦᠷᠢ ᠢᠢ ᠣᠯᠵᠤ᠂ ᠲᠩᠷᠢ ᠰᠢᠭ ᠲᠡᠨᠢᠭᠦᠨ᠂ ᠠᠭᠤᠯᠠ ᠰᠢᠭ ᠲᠥᠰᠢᠭ ᠲᠡᠢ᠂ ᠦᠷᠡ ᠬᠡᠦᠬᠡᠳ᠂ ᠥᠷᠥᠭᠡᠯ ᠪᠤᠰᠤᠳ ᠲᠤ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠤᠨ ᠡᠷᠡ ᠢᠢᠨ ᠬᠡᠢᠢᠮᠣᠷᠢ ᠢᠢ ᠪᠠᠳᠠᠷᠠᠭᠠᠵᠤ᠂ ᠭᠡᠷ ᠦᠨ ᠵᠢᠪᠠᠷ ᠢ ᠦᠷᠭᠦᠭᠡᠳᠡᠭ ᠪᠠᠢᠢᠬᠤ ᠶᠣᠰᠣᠲᠠᠢ᠃
ᠬᠠᠷᠠᠮᠰᠠᠯ ᠲᠠᠢ ᠨᠢ ᠰᠡᠭᠦᠯ ᠦᠨ ᠦᠶᠡ ᠳᠥ ᠭᠡᠷ ᠪᠦᠯᠢ ᠢᠢᠨ ᠬᠦᠴᠦᠷᠬᠡᠢᠢᠯᠡᠯ ᠦᠢᠯᠡᠳᠦᠭᠴᠢᠳ ᠦᠨ 97.4 ᠬᠤᠪᠢ ᠨᠢ ᠡᠷᠡᠴᠦᠳ ᠪᠠᠢᠢᠭᠠ ᠪᠥᠭᠡᠳ ᠳᠡᠢᠢᠯᠦᠩᠬᠢ ᠨᠢ ᠰᠣᠭᠲᠣᠭᠤ ᠪᠠᠷ ᠦᠢᠯᠡᠳᠴᠡᠢ᠃
ᠲᠡᠭᠦᠨᠴᠢᠯᠡᠨ ᠵᠢᠯ ᠢᠷᠡᠬᠦ ᠲᠤᠰᠤᠮ ᠭᠡᠷ ᠪᠦᠯᠢ ᠰᠠᠯᠤᠯᠲᠠ ᠨᠡᠮᠡᠭᠳᠡᠵᠦ᠂ ᠡᠷᠦᠬᠡ ᠲᠣᠯᠣᠭᠠᠢᠢᠯᠠᠭᠰᠠᠨ ᠢᠷᠭᠡᠳ ᠦᠨ 92.5 ᠬᠤᠪᠢ ᠨᠢ ᠡᠮᠡᠭᠲᠡᠢᠢᠴᠦᠳ ᠪᠠᠢᠢᠭᠠ ᠨᠢ ᠡᠷᠡᠴᠦᠳ ᠭᠡᠷ ᠪᠦᠯᠢ ᠢᠢᠨ ᠢᠶᠡᠨ ᠡᠮᠦᠨᠡ ᠬᠦᠯᠢᠶᠡᠭᠰᠡᠨ ᠡᠭᠦᠷᠭᠡ᠂ ᠬᠠᠷᠢᠭᠤᠴᠠᠯᠭᠠ᠂ ᠶᠣᠰᠣ ᠵᠦᠢ ᠪᠡᠨ ᠬᠠᠩᠭ᠋ᠠᠯᠲᠠ ᠲᠠᠢ ᠤᠬᠠᠮᠰᠠᠷᠯᠠᠬᠤ ᠦᠭᠡᠢ ᠪᠠᠢᠢᠨᠠ ᠭᠡᠵᠦ ᠰᠤᠳᠤᠯᠤᠭᠠᠴᠢᠳ ᠳ᠋ᠦᠩᠨᠡᠵᠡᠢ᠃
ᠨᠡᠢᠢᠭᠡᠮ ᠳᠥ ᠭᠠᠷᠴᠤ ᠪᠤᠢ ᠠᠷᠢᠬᠢᠳᠠᠯᠲᠠ᠂ ᠳᠣᠩᠲᠣᠯᠳᠠ᠂ ᠭᠡᠷ ᠪᠦᠯᠢ ᠢᠢᠨ ᠬᠦᠴᠦᠷᠬᠡᠢᠢᠯᠡᠯ᠂ ᠭᠡᠷ ᠪᠦᠯᠢ ᠰᠠᠯᠤᠯᠲᠠ ᠵᠡᠷᠭᠡ ᠰᠥᠷᠭᠦ ᠦᠵᠡᠭᠳᠡᠯ ᠡᠷᠡᠴᠦᠳ ᠦᠨ ᠨᠡᠢᠢᠭᠡᠮ ᠳᠥ ᠡᠵᠡᠯᠡᠬᠦ ᠪᠠᠢᠢᠷᠢ ᠰᠠᠭᠤᠷᠢ᠂ ᠨᠡᠷᠡ ᠬᠦᠨᠳᠦ ᠢᠢ ᠤᠨᠠᠭᠠᠵᠤ ᠪᠠᠢᠢᠨᠠ᠃
ᠴᠢᠨᠠᠭᠰᠢᠳᠠ ᠪᠢᠳᠡ ᠡᠢᠢᠮᠦ ᠪᠠᠢᠢᠳᠠᠯ ᠢᠶᠠᠷ ᠦᠷᠭᠦᠯᠵᠢᠯᠡᠭᠦᠯᠦᠨ ᠠᠮᠢᠳᠤᠷᠠᠵᠤ ᠬᠡᠷᠬᠢᠪᠡᠴᠦ ᠪᠣᠯᠬᠤ ᠦᠭᠡᠢ᠃
ᠪᠤᠷᠬᠠᠨ ᠤ ᠰᠤᠷᠭᠠᠯ ᠳᠤ ᠨᠢᠭᠡ ᠰᠠᠢᠢᠬᠠᠨ ᠦᠭᠡ ᠪᠠᠢᠢᠳᠠᠭ ᠶᠤᠮ᠃
《ᠬᠡᠷᠪᠡ ᠴᠢ ᠵᠣᠪᠠᠯᠠᠩ ᠠᠴᠠ ᠠᠩᠭᠢᠵᠢᠷᠠᠶᠠ ᠭᠡᠪᠡᠯ ᠵᠣᠪᠠᠯᠠᠩ ᠤᠨ ᠰᠢᠯᠲᠠᠭᠠᠨ ᠢ ᠣᠯ》 ᠭᠡᠵᠦ᠃
ᠲᠡᠭᠡᠪᠡᠯ ᠪᠢᠳᠡᠨ ᠦ ᠵᠣᠪᠠᠯᠠᠩ ᠤᠨ ᠨᠢᠭᠡ ᠲᠣᠮᠣ ᠰᠢᠯᠲᠠᠭᠠᠨ ᠪᠣᠯ ᠠᠷᠢᠬᠢᠳᠠᠨ ᠰᠤᠭᠳᠤᠭᠤᠨᠠᠬᠤ᠂ ᠠᠷᠢᠬᠢᠨ ᠳᠤ ᠳᠣᠩᠲᠣᠬᠤ ᠶᠠᠪᠤᠳᠠᠯ ᠶᠤᠮ᠃ ᠠᠷᠢᠬᠢᠳᠠᠯᠲᠠ ᠬᠡᠵᠢᠶᠡ ᠴᠤ ᠰᠠᠢᠢᠨ ᠰᠠᠢᠢᠬᠠᠨ ᠵᠦᠢᠯ ᠳᠠᠭᠠᠭᠤᠯᠳᠠᠭ ᠦᠭᠡᠢ᠃ ᠬᠠᠷᠢᠨ ᠭᠠᠢ ᠵᠣᠪᠠᠯᠠᠩ᠂ ᠬᠠᠭᠠᠴᠠᠯ᠂ ᠬᠠᠷᠠᠭᠤᠰᠤᠯ ᠢ ᠯᠠ ᠳᠠᠭᠠᠭᠤᠯᠳᠠᠭ᠃
ᠡᠷᠡᠴᠦᠳ ᠪᠢᠳᠡ ᠠᠷᠢᠬᠢ ᠢᠢ ᠤᠤᠭᠤᠵᠤ ᠪᠠᠢᠢᠨᠠ ᠭᠡᠵᠦ ᠪᠣᠳᠣᠳᠠᠭ᠃ ᠲᠡᠭᠡᠪᠡᠯ ᠦᠭᠡᠢ ᠡ᠃ ᠬᠠᠷᠢᠨ ᠠᠷᠢᠬᠢ ᠡᠷᠡᠴᠦᠳ ᠪᠢᠳᠡᠨ ᠢ᠂ ᠥᠪᠡᠷᠰᠡᠳ ᠢ ᠮᠠᠨᠢ ᠤᠤᠭᠤᠵᠤ ᠪᠠᠢᠢᠨᠠ᠃ ᠦᠷᠡ ᠬᠡᠦᠬᠡᠳ ᠲᠡᠢ ᠮᠢᠨᠢ᠂ ᠭᠡᠷ ᠪᠦᠯᠢ ᠲᠡᠢ ᠮᠢᠨᠢ᠂ ᠤᠯᠤᠰ ᠦᠨᠳᠦᠰᠦᠲᠡᠨ ᠢ ᠮᠢᠨᠢ ᠤᠤᠭᠤᠵᠤ ᠪᠠᠢᠢᠨᠠ᠃
ᠡᠬᠡ ᠣᠷᠣᠨ ᠤ ᠮᠠᠨᠢ ᠬᠥᠭ᠍ᠵᠢᠯ ᠳᠡᠪᠰᠢᠯ ᠳᠥ ᠴᠢᠳᠦᠷ ᠲᠤᠱᠠ ᠪᠣᠯᠵᠤ ᠪᠠᠢᠢᠨᠠ᠃
《ᠰᠠᠷᠬᠤᠳ ᠰᠠᠪᠠᠨ ᠠᠴᠠ ᠪᠠᠨ ᠪᠤᠰᠤᠳ ᠢ ᠲᠡᠢᠢᠯᠡᠳᠡᠭ》 ᠭᠡᠵᠦ ᠮᠠᠨ ᠤ ᠠᠷᠠᠳ ᠲᠥᠮᠡᠨ ᠬᠡᠯᠡᠳᠡᠭ᠃
ᠡᠭᠦᠨ ᠢ ᠯᠠ ᠪᠢᠳᠡ ᠳᠣᠣᠷᠠ ᠪᠦᠷᠢᠨᠡ ᠤᠬᠠᠭᠠᠷᠠᠵᠤ᠂ ᠤᠯᠤᠰ ᠦᠨᠳᠦᠰᠦᠲᠡᠨ ᠢᠶᠡᠷ ᠢᠶᠡᠨ ᠲᠡᠮᠡᠴᠡᠬᠦ ᠴᠠᠭ ᠪᠣᠯᠵᠠᠢ᠃
ᠪᠢᠳᠡ ᠪᠠᠢᠢᠭᠠᠯᠢ ᠳᠡᠯᠡᠬᠡᠢ ᠪᠡᠨ ᠬᠠᠮᠠᠭᠠᠯᠠᠵᠤ᠂ ᠴᠥᠯᠵᠢᠯᠲᠡ ᠲᠡᠢ ᠲᠡᠮᠡᠴᠡᠬᠦ ᠢᠢᠨ ᠲᠤᠯᠠᠳᠠ ᠲᠡᠷᠪᠤᠮ ᠢᠶᠠᠷ ᠲᠣᠭᠠᠯᠠᠭᠳᠠᠬᠤ ᠮᠣᠳᠣ ᠲᠠᠷᠢᠵᠤ ᠤᠷᠭᠤᠭᠤᠯᠬᠤ ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠢ ᠥᠷᠨᠢᠭᠦᠯᠵᠦ ᠡᠬᠢᠯᠡᠭᠡᠳ ᠪᠠᠢᠢᠨᠠ᠃
ᠠᠷᠠᠳ ᠲᠥᠮᠡᠨ ᠮᠠᠨᠢ ᠴᠤ ᠡᠭᠦᠨ ᠢ ᠲᠠᠯᠠᠷᠬᠠᠨ ᠳᠡᠮᠵᠢᠵᠦ ᠪᠠᠢᠢᠨᠠ᠃
ᠲᠡᠭᠡᠪᠡᠯ ᠥᠨᠥᠳᠥᠷ ᠡᠴᠡ ᠡᠬᠢᠯᠡᠭᠡᠳ ᠤᠯᠤᠰ ᠦᠨᠳᠦᠰᠦᠲᠡᠨ ᠦ ᠪᠡᠨ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ ᠤᠨ ᠲᠥᠯᠥᠭᠡ᠂ ᠮᠣᠩ᠋ᠭᠣᠯ ᠭᠡᠷ ᠪᠦᠯᠢ ᠢᠢᠨ ᠰᠠᠢᠢᠨ ᠰᠠᠢᠢᠬᠠᠨ ᠠᠮᠢᠳᠤᠷᠠᠯ ᠤᠨ ᠲᠥᠯᠥᠭᠡ 《ᠡᠷᠡᠭᠦᠯ ᠮᠣᠩ᠋ᠭᠣᠯ ᠬᠦᠮᠦᠨ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠥᠷᠨᠢᠭᠦᠯᠴᠡᠭᠡᠶᠡ᠃
ᠠᠢᠢᠯ ᠡᠷᠦᠬᠡ᠂ ᠠᠯᠪᠠᠨ ᠪᠠᠢᠢᠭᠤᠯᠤᠯᠭᠠ᠂ ᠠᠵᠤ ᠠᠬᠤᠢ ᠢᠢᠨ ᠨᠢᠭᠡᠴᠡ᠂ ᠲᠥᠷᠥ ᠵᠠᠰᠠᠭ᠂ ᠠᠷᠠᠳ ᠲᠥᠮᠡᠨ ᠢᠶᠡᠷ ᠢᠶᠡᠨ ᠠᠷᠢᠬᠢᠳᠠᠯᠲᠠ ᠢᠢᠨ ᠡᠰᠡᠷᠭᠦ ᠨᠢᠭᠡᠳᠦᠨ ᠳᠡᠮᠡᠴᠡᠴᠡᠭᠡᠶᠡ᠃
ᠬᠠᠨᠢ ᠢᠵᠢᠯᠢ ᠪᠡᠨ᠂ ᠬᠠᠢᠢᠷᠠᠲᠠᠢ ᠬᠦᠮᠦᠰ ᠢᠶᠡᠨ᠂ ᠦᠷᠡ ᠬᠡᠦᠬᠡᠳ ᠢᠶᠡᠨ᠂ ᠭᠡᠷ ᠪᠦᠯᠢ ᠪᠡᠨ᠂ ᠡᠴᠢᠭᠡ ᠡᠬᠡ ᠪᠡᠨ᠂ ᠡᠬᠡ ᠣᠷᠣᠨ ᠢᠶᠠᠨ ᠭᠡᠰᠡᠨ ᠴᠢᠡᠭ ᠰᠡᠳᠬᠢᠯ ᠲᠠᠩᠳᠠ ᠪᠠᠢᠢᠳᠠᠭ ᠪᠣᠯ ᠬᠠᠲᠠᠭᠤ ᠪᠣᠷᠣ ᠰᠠᠷᠬᠤᠳ ᠠᠴᠠ ᠲᠠᠲᠠᠭᠠᠯᠵᠠᠶᠠ᠂ ᠲᠩᠷᠢ ᠵᠠᠶᠠᠭᠠᠲᠤ ᠡᠷᠡᠴᠦᠳ ᠡ᠃
ᠮᠣᠩ᠋ᠭᠣᠯ ᠡᠷᠡ ᠬᠦᠮᠦᠨ ᠬᠡᠯᠡᠭᠰᠡᠨ ᠦᠭᠡᠨ ᠳᠥ ᠪᠡᠨ ᠡᠵᠡᠨ ᠪᠠᠢᠢᠵᠤ᠂ ᠵᠣᠷᠢᠭᠰᠠᠨ ᠬᠡᠷᠡᠭ ᠢᠶᠡᠨ ᠪᠦᠲᠥᠭᠡᠵᠦ ᠴᠢᠳᠠᠳᠠᠭ ᠵᠠᠩ ᠰᠤᠷᠲᠠᠬᠤᠨ ᠲᠠᠢ ᠪᠢᠯᠡ᠃
ᠮᠣᠩ᠋ᠭᠣᠯ ᠡᠷᠡᠴᠦᠳ ᠠᠷᠢᠬᠢ᠂ ᠲᠠᠮᠠᠬᠢ᠂ ᠠᠯᠢᠪᠠ ᠬᠣᠣᠷᠲᠤ ᠵᠤᠷᠰᠢᠯ ᠠᠴᠠ ᠠᠩᠭᠢᠳᠠ ᠪᠠᠢᠢᠵᠤ᠂ ᠡᠷᠡᠭᠦᠯ ᠵᠥᠪ ᠠᠮᠢᠳᠤᠷᠠᠯ ᠢ ᠲᠥᠯᠦᠪᠰᠢᠭᠦᠯᠵᠦ᠂ ᠡᠷᠡᠭᠦᠯ ᠮᠡᠨᠳᠦ ᠳᠥ ᠪᠡᠨ ᠠᠩᠬᠠᠷᠴᠤ᠂ ᠡᠬᠡ ᠣᠷᠣᠨ᠂ ᠭᠡᠷ ᠪᠦᠯᠢ᠂ ᠬᠠᠨᠢ ᠢᠵᠢᠯᠢ ᠳᠥ ᠪᠡᠨ ᠦᠨᠡ ᠴᠡᠨᠡ ᠲᠡᠢ ᠡᠷᠬᠢᠮ ᠬᠦᠮᠦᠨ ᠨᠢ ᠪᠠᠢᠢᠵᠤ᠂ ᠤᠷᠲᠤ ᠨᠠᠰᠤᠯᠠᠵᠤ᠂ ᠶᠡᠬᠡ ᠵᠦᠢᠯ ᠢ ᠬᠢᠵᠦ ᠪᠦᠲᠥᠭᠡᠵᠦ᠂ ᠨᠡᠷᠡ ᠲᠥᠷᠥ ᠲᠡᠢ ᠠᠮᠢᠳᠤᠷᠠᠬᠤ ᠶᠣᠰᠣᠲᠠᠢ᠃
ᠡᠨᠡ ᠪᠦᠬᠦᠨ ᠡᠷᠡᠴᠦᠳ ᠪᠢᠳᠡᠨ ᠦ ᠬᠤᠪᠢ ᠢᠢᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠤᠯᠲᠠ᠂ ᠰᠠᠬᠢᠯᠭᠠ ᠪᠠᠲᠤ᠂ ᠵᠥᠪ ᠠᠮᠢᠳᠤᠷᠠᠯ ᠠᠴᠠ ᠶᠡᠬᠡᠬᠡᠨ ᠰᠢᠯᠲᠠᠭᠠᠯᠠᠨᠠ ᠭᠡᠳᠡᠭ ᠢ ᠡᠷᠡ ᠬᠦᠮᠦᠨ ᠪᠣᠯᠭᠠᠨ ᠰᠠᠢᠢᠲᠤᠷ ᠤᠬᠠᠮᠰᠠᠷᠯᠠᠵᠤ᠂ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠵᠠᠮ ᠮᠥᠷ᠂ ᠴᠢᠭ ᠬᠠᠨᠳᠤᠯᠭᠠ ᠪᠣᠯᠭᠠᠬᠤ ᠤᠴᠢᠷᠲᠠᠢ᠃
ᠮᠣᠩ᠋ᠭᠣᠯ ᠡᠷᠡᠴᠦᠳ ᠬᠦᠴᠦᠷᠬᠡᠭ ᠪᠠᠢᠢᠪᠠᠯ ᠮᠣᠩ᠋ᠭᠣᠯ ᠦᠨᠳᠦᠰᠦᠲᠡᠨ ᠬᠦᠴᠦᠷᠭᠬᠡ᠋᠋᠌᠍
ᠪᠠᠢᠢᠨᠠ᠃
ᠥᠨᠥᠳᠥᠷ ᠦᠨ ᠴᠢᠭᠤᠯᠭᠠᠨ ᠢᠶᠠᠷ ᠡᠷᠡᠭᠲᠡᠢᠢᠴᠦᠳ ᠦᠨ ᠡᠷᠡᠭᠦᠯ ᠮᠡᠨᠳᠦ᠂ ᠪᠣᠯᠪᠠᠰᠤᠷᠠᠯ᠂ ᠬᠥᠳᠡᠯᠮᠦᠷᠢ ᠡᠷᠬᠢᠯᠡᠯᠲᠡ᠂ ᠬᠥᠭ᠍ᠵᠢᠯ ᠦᠨ ᠠᠰᠠᠭᠤᠳᠠᠯ ᠢᠶᠠᠷ ᠲᠠᠯᠠ ᠪᠦᠷᠢ ᠡᠴᠡ ᠨᠢ ᠨᠤᠬᠤᠴᠠᠲᠠᠢ ᠰᠠᠢᠢᠨ ᠬᠡᠯᠡᠯᠴᠡᠵᠦ᠂ ᠡᠷᠡᠴᠦᠳ ᠦᠨ ᠲᠠᠯᠠ ᠪᠠᠷ ᠲᠥᠷᠥ ᠡᠴᠡ ᠪᠠᠷᠢᠮᠲᠠᠯᠠᠬᠤ ᠪᠣᠳᠣᠯᠭᠠ ᠢᠢ ᠲᠣᠳᠣᠷᠬᠠᠢᠢᠯᠠᠬᠤ ᠳᠤ ᠠᠵᠢᠯ ᠬᠡᠷᠡᠭᠴᠢ ᠣᠯᠠᠨ ᠴᠢᠬᠤᠯᠠ ᠰᠠᠨᠠᠯ᠂ ᠰᠠᠨᠠᠭᠠᠴᠢᠯᠠᠭᠠ ᠭᠠᠷᠤᠨᠠ ᠭᠡᠳᠡᠭ ᠲᠥ ᠢᠲᠡᠭᠡᠯ ᠲᠡᠢ ᠪᠠᠢᠢᠨᠠ᠃
ᠴᠢᠭᠤᠯᠭᠠᠨ ᠠᠴᠠ ᠭᠠᠷᠤᠭᠰᠠᠨ ᠵᠥᠪᠯᠡᠮᠵᠢ ᠢᠢ ᠠᠵᠢᠯ ᠬᠡᠷᠡᠭ ᠪᠣᠯᠭᠠᠬᠤ ᠳᠤ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠪᠦᠬᠦ ᠲᠠᠯᠠ ᠪᠠᠷ ᠳᠡᠮᠵᠢᠵᠦ᠂ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠪᠣᠯᠤᠨᠠ ᠭᠡᠳᠡᠭ ᠢᠶᠡᠨ ᠬᠡᠯᠡᠶᠡ᠃
ᠴᠢᠭᠤᠯᠭᠠᠨ ᠤ ᠠᠵᠢᠯᠯᠠᠭᠠᠨ ᠳᠤ ᠠᠮᠵᠢᠯᠲᠠ ᠬᠦᠰᠡᠶᠡ᠃
ᠮᠣᠷᠢᠨ ᠳᠡᠯ ᠳᠡᠭᠡᠷᠡ ᠠᠰᠠᠭᠰᠠᠨ ᠮᠣᠩ᠋ᠭᠣᠯ ᠡᠷᠡᠰ ᠦᠨ ᠴᠣᠭ ᠬᠡᠢᠢᠮᠣᠷᠢ ᠭᠠᠯ ᠤᠨ ᠳᠥᠯᠥ ᠰᠢᠢᠡ᠋᠋᠌᠍ ᠥᠭᠡᠳᠡ ᠪᠡᠨ ᠪᠠᠢᠢᠭ᠃
ᠮᠥᠩᠬᠡ ᠲᠩᠷᠢ ᠢᠢᠨ ᠬᠦᠴᠦᠨ ᠳᠣᠣᠷᠠ ᠮᠣᠩ᠋ᠭᠣᠯ ᠤᠯᠤᠰ ᠮᠠᠨᠳᠤᠨ ᠪᠠᠳᠠᠷᠠᠬᠤ ᠪᠣᠯᠲᠤᠭᠠᠢ᠃
