ᠬᠡᠷᠯᠡᠨ ᠭᠣᠣᠯ ᠢ ᠬᠠᠮᠠᠭᠠᠯᠠᠬᠤ ᠴᠣᠭᠴᠠ ᠠᠵᠢᠯ ᠬᠢᠬᠦ ᠡᠭᠦᠷᠭᠡ ᠪᠦᠬᠦᠢ ᠠᠵᠢᠯ ᠤᠨ ᠬᠡᠰᠡᠭ ᠦᠨ ᠠᠩ᠋ᠬᠠᠳᠤᠭᠠᠷ ᠬᠤᠷᠠᠯ ᠪᠠᠢᠢᠭᠠᠯᠢ ᠣᠷᠴᠢᠨ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠶᠠᠮᠤᠨ ᠳᠤ ᠪᠣᠯᠪᠠ᠃
ᠬᠤᠷᠠᠯ ᠠᠴᠠ᠄
ᠬᠡᠷᠯᠡᠨ ᠭᠣᠣᠯ ᠳᠠᠮᠵᠢᠨ ᠤᠷᠤᠰᠳᠠᠭ ᠲᠠᠪᠤᠨ ᠠᠢᠢᠮᠠᠭ᠂ ᠨᠢᠭᠡ ᠳᠡᠭᠦᠷᠭᠡ ᠲᠤᠰ ᠪᠦᠷᠢ ᠬᠡᠷᠯᠡᠨ ᠭᠣᠣᠯ ᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠤᠨ ᠬᠡᠰᠡᠭ ᠪᠠᠢᠢᠭᠤᠯᠵᠤ᠂ ᠲᠥᠯᠦᠪᠯᠡᠭᠡᠨ ᠦ ᠳᠠᠭᠠᠭᠤ ᠠᠵᠢᠯᠯᠠᠬᠤ;
ᠭᠣᠣᠯ ᠪᠣᠯᠤᠨ ᠲᠡᠭᠦᠨ ᠦ ᠡᠬᠡ ᠴᠢᠳᠬᠤᠯᠠᠨᠭ᠌ ᠭᠣᠣᠯ ᠤᠳ ᠲᠤ ᠠᠰᠢᠭᠲᠤ ᠮᠠᠯᠲᠠᠮᠠᠯ ᠤᠨ ᠲᠤᠰᠬᠠᠢ ᠵᠥᠪᠰᠢᠶᠡᠷᠡᠯ ᠣᠯᠭᠤᠬᠤ ᠦᠭᠡᠢ ᠪᠠᠢᠢᠬᠤ;
ᠭᠣᠣᠯ ᠳᠠᠭᠠᠭᠤ ᠦᠢᠯᠡ ᠠᠵᠢᠯᠯᠠᠭᠠ ᠡᠷᠬᠢᠯᠡᠵᠦ ᠪᠤᠢ ᠠᠵᠤ ᠠᠬᠤᠢ ᠢᠢᠨ ᠨᠢᠭᠡᠴᠡ᠂ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠲᠤ ᠬᠢᠨᠠᠯᠲᠠ ᠰᠢᠯᠭᠠᠯᠲᠠ ᠬᠢᠵᠦ᠂ ᠰᠲ᠋ᠠᠨᠳᠠᠷᠲ ᠮᠥᠷᠳᠡᠭᠦᠯᠬᠦ;
ᠤᠰᠤᠨ ᠤ ᠨᠥᠭᠡᠴᠡ᠂ ᠭᠣᠷᠢᠮ᠂ ᠴᠢᠨᠠᠷ ᠤᠨ ᠰᠤᠳᠤᠯᠭᠠ ᠬᠢᠬᠦ;
ᠭᠣᠣᠯ ᠤᠨ ᠪᠤᠷᠭᠠᠰᠤ ᠢᠢ ᠨᠥᠬᠥᠨ ᠰᠡᠷᠭᠦᠭᠡᠬᠦ᠂ ᠮᠣᠳᠣ ᠲᠠᠷᠢᠵᠤ᠂ ᠤᠷᠭᠤᠭᠤᠯᠬᠤ;
ᠣᠨᠤᠴᠤᠭᠠᠢ ᠬᠠᠮᠠᠭᠠᠯᠠᠯᠲᠠ ᠢᠢᠨ ᠪᠦᠰᠡ ᠢᠢᠨ ᠲᠡᠮᠳᠡᠭ᠂ ᠲᠡᠮᠳᠡᠭᠯᠡᠭᠡ ᠢᠢ ᠨᠡᠮᠡᠬᠦ ᠪᠡᠷ ᠰᠢᠢᠳᠪᠦᠷᠢᠯᠡᠯᠡ᠃
ᠮᠥᠨ ᠢᠷᠡᠬᠦ ᠣᠨ ᠳᠤ ᠭᠣᠣᠯ ᠤᠨ ᠡᠷᠭᠢ ᠳᠠᠭᠠᠭᠤᠬᠢ ᠬᠤᠷᠠ ᠬᠣᠭ ᠤᠨ ᠴᠡᠭᠡ ᠦᠳ ᠢ ᠴᠡᠭᠴᠡᠯᠡᠵᠦ᠂ ᠨᠦᠬᠡᠨ ᠵᠣᠷᠯᠣᠩ ᠢ ᠪᠠᠭᠤᠯᠭᠠᠨ᠂ ᠡᠪᠳᠡᠷᠡᠴᠥ ᠰᠦᠢᠳᠡᠭᠰᠡᠨ ᠭᠠᠵᠠᠷ ᠢ ᠨᠥᠬᠦᠨ ᠰᠡᠷᠭᠦᠭᠡᠬᠦ ᠪᠡᠷ ᠪᠣᠯᠤᠯᠠ᠃
ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩ᠋ᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠬᠡᠷᠯᠡᠨ ᠭᠣᠣᠯ ᠢ ᠬᠠᠮᠠᠭᠠᠯᠠᠬᠤ ᠰᠠᠨᠠᠭᠠᠴᠢᠯᠠᠭᠠ ᠭᠠᠷᠭᠠᠨ᠂ ᠬᠣᠯᠪᠣᠭᠳᠠᠬᠤ ᠶᠠᠮᠤᠨ᠂ ᠪᠠᠢᠢᠭᠤᠯᠤᠯᠭᠠ ᠳᠤ ᠴᠢᠭᠯᠡᠯ ᠥᠭ᠍ᠭᠦᠭ᠍ᠰᠡᠨ ᠶᠤᠮ᠃
ᠡᠨᠡ ᠬᠦᠷᠢᠶᠡᠨ ᠳᠥ ᠪᠠᠢᠢᠭᠤᠯᠤᠭᠰᠠᠨ ᠠᠵᠢᠯ ᠤᠨ ᠬᠡᠰᠡᠭ ᠢ ᠪᠠᠢᠢᠭᠠᠯᠢ ᠣᠷᠴᠢᠨ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠳᠡᠳ᠋ ᠰᠠᠢᠢᠳ ᠭ ∙ ᠲᠦᠪᠳᠡᠨᠳᠣᠷᠵᠢ ᠠᠬᠠᠯᠠᠵᠤ᠂ ᠭᠡᠰᠢᠭᠦᠳ ᠢᠶᠡᠷ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩ᠋ᠬᠡᠢᠢᠯᠡᠭᠴᠢ ᠢᠢᠨ ᠲᠠᠮᠠᠭᠠ ᠢᠢᠨ ᠭᠠᠵᠠᠷ ᠤᠨ ᠪᠠᠢᠢᠭᠠᠯᠢ ᠣᠷᠴᠢᠨ ᠤ ᠲᠥᠰᠥᠯ᠂ ᠬᠥᠲᠥᠯᠪᠦᠷᠢ ᠬᠠᠷᠢᠭᠤᠴᠠᠭᠰᠠᠨ ᠠᠯᠪᠠᠨ ᠤ ᠳᠠᠷᠤᠭᠠ᠂ ᠬᠡᠨᠲᠡᠢ᠂ ᠲᠥᠪ᠂ ᠭᠣᠪᠢᠰᠦᠮᠪᠦᠷ᠂ ᠰᠦᠬᠡᠪᠠᠭᠠᠲᠤᠷ᠂ ᠳᠣᠷᠣᠨᠠᠲᠤ ᠠᠢᠢᠮᠠᠭ ᠪᠣᠯᠤᠨ ᠪᠠᠭᠠᠨᠠᠭᠤᠷ ᠳᠡᠭᠦᠷᠭᠡ ᠢᠢᠨ ᠵᠠᠰᠠᠭ ᠳᠠᠷᠤᠭᠠ᠂ ᠬᠣᠯᠪᠣᠭᠳᠠᠬᠤ ᠲᠥᠷᠥ ᠢᠢᠨ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠤᠨ ᠤᠳᠤᠷᠢᠳᠤᠯᠭᠠ ᠠᠵᠢᠯᠯᠠᠵᠤ ᠪᠠᠢᠢᠨᠠ᠃