“ᠬᠦᠨᠡᠰᠦᠨ ᠤ ᠬᠠᠩ᠋ᠭᠠᠮᠵᠢ᠂ ᠠᠶᠤᠯ ᠥᠭᠡᠢ ᠪᠠᠶᠢᠳᠠᠯ” ᠦᠨᠳᠦᠰᠦᠨ ᠤ ᠬᠥᠳᠡᠯᠭᠡᠭᠡᠨ ᠤ ᠬᠦᠷᠢᠶᠡᠨ ᠳ᠋ᠦ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠤᠢᠬᠡ ᠬᠠᠨ ᠠᠭᠤᠯᠠ ᠳᠡᢉᠦᠷᠭᠡ ᠶ᠋ᠢᠨ ᠓ ᠳ᠋ᠤᠭᠠᠷ ᠬᠣᠷᠢᠶᠠᠨ ᠳ᠋ᠤ ᠪᠠᠢᠢᠷᠢᠯᠠᠬᠤ “ᠡᠻᠤᠫᠠᠻ ᠮᠣᠩ᠋ᠭᠤᠯ” ᠬᠢ᠂ ᠬᠠ᠂ ᠻᠣ᠂ ᠢᠢᠨ ᠴᠠᠭᠠᠰᠤ ᠳᠠᠬᠢᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠳᠦ ᠠᠵᠢᠯᠯᠠᠪᠠ᠃
ᠲᠤᠰ ᠻᠣᠮᠫᠠᠨᠢ ᠨᠢ ᠑᠐᠐ ᠭᠠᠷᠤᠢ ᠠᠵᠢᠯᠲᠠᠨ ᠲᠠᠢ ᠪᠥᠭᠡᠳ ᠒᠐᠑᠐ ᠣᠨ ᠳ᠋ᠤ ᠳᠣᠲᠤᠭᠠᠳᠤ ᠶ᠋ᠢᠨ ᠬᠥᠷᠦᠩ᠋ᠭᠡ ᠣᠷᠤᠭᠤᠯᠤᠯᠲᠠ ᠪᠦᠬᠦᠢ ᠴᠠᠭᠠᠰᠤᠨ ᠬᠠᠶᠢᠷᠴᠠᠭ᠂ ᠰᠠᠪᠠ᠂ ᠪᠠᠭᠯᠠᠭᠠ ᠪᠣᠭᠤᠳᠠᠯ ᠤᠨ ᠪᠦᠷᠢᠨ ᠠᠦᠲ᠋ᠤᠮᠠᠲ ᠦᠢᠯᠡᠳᠪᠦᠷᠢ ᠶ᠋ᠢ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠭᠤᠯᠵᠤ ᠪᠠᠶᠢᠭᠰᠠᠨ᠃ ᠲᠡᠭᠡᠪᠡᠯ ᠒᠐᠒᠒ ᠣᠨ ᠳ᠋ᠤ ᠮᠣᠩ᠋ᠭᠣᠯ ᠤᠨ ᠠᠩᠬᠠᠨ ᠤ᠋ ᠴᠠᠭᠠᠰᠤᠨ ᠬᠣᠭ ᠬᠠᠶᠠᠭᠳᠠᠯ ᠢ᠋ ᠳᠠᠬᠢᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠶ᠋ᠢ ᠨᠡᠭᠡᠭᠡᢉᠰᠡᠨ ᠪᠠᠶᠢᠨᠠ᠃
ᠴᠠᠭᠠᠰᠤ ᠳᠠᠬᠢᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠨᠢ ᠨᠡᠶᠢᠯᠡᢉᠦᠯᠦᢉᠴᠢᠳ ᠡᠴᠡ ᠬᠠᠶᠠᠭᠳᠠᠯ ᠴᠠᠭᠠᠰᠤ ᠬᠤᠳᠠᠯᠳᠤᠨ ᠠᠪᠴᠤ᠂ ᠑᠐᠐ ᠬᠤᠪᠢ ᠰᠠᠷᠠᠯ ᠤᠰᠤ ᠠᠰᠢᠭᠯᠠᠨ ᠬᠠᠶᠢᠷᠴᠠᠭ᠂ ᠰᠠᠪᠠ᠂ ᠪᠠᠭᠯᠠᠭᠠ ᠪᠣᠭᠤᠳᠠᠯ ᠤᠨ ᠠᠩᠬᠠᠳᠠᠭᠴᠢ ᠲᠡᢉᠦᠬᠡᠢ ᠡᠳ ᠪᠣᠯᠬᠤ ᠪᠣᠷᠤ ᠴᠠᠭᠠᠰᠤ ᠶ᠋ᠢ ᠬᠣᠨᠤᠭ ᠲᠤ ᠓᠐ ᠲᠣᠨᠨ ᠢ᠋ ᠦᠶᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠴᠢᠳᠠᠯ ᠲᠠᠢ᠃
ᠬᠠᠷᠢᠨ ᠦᠨᠳᠦᠰᠦᠨ ᠦᠢᠯᠡᠳᠪᠦᠷᠢ ᠨᠢ ᠵᠢᠯ ᠳ᠋ᠦ ᠳᠤᠮᠳᠠᠵᠢ ᠪᠠᠷ ᠒᠕᠂᠒ ᠰᠠᠶᠠ ᠰᠢᠷᠬᠡᠭ᠌ ᠴᠠᠭᠠᠰᠤᠨ ᠬᠠᠶᠢᠷᠴᠠᠭ ᠦᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠴᠢᠳᠠᠯ ᠲᠠᠢ᠃ ᠡᠮᠦᠨᠡ ᠨᠢ ᠡᠨᠡ ᠲᠥᠷᠦᠯ ᠤᠨ ᠪᠦᠲᠦᠭᠡᢉᠳᠡᠬᠦᠨ ᠢ᠋ ᠮᠣᠩ᠋ᠭᠣᠯ ᠤᠯᠤᠰ ᠢᠮᠫᠤᠷᠲ᠋ ᠢᠢᠠᠷ ᠠᠪᠳᠠᠭ ᠪᠠᠶᠢᠭᠰᠠᠨ ᠢ᠋ ᠣᠷᠤᠯᠠᠵᠤ ᠴᠢᠳᠠᠭᠰᠠᠨ ᠢᠢᠠᠷ ᠬᠣᠨᠤᠭ ᠲᠤ ᠗᠐᠆᠘᠐ ᠮᠢᠩ᠋ᠭᠠᠨ ᠰᠢᠷᠬᠡᠭ᠌ ᠴᠠᠭᠠᠰᠤᠨ ᠬᠠᠶᠢᠷᠴᠠᠭ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠶᠢᠭᠠ ᠶᠤᠮ᠃
ᠦᠨᠳᠦᠰᠦᠨ ᠤ ᠦᠢᠯᠡᠳᠪᠦᠷᠢ ᠨᠦᢉᠦᠳ ᠠᠮᠵᠢᠯᠲᠠᠲᠠᠢ ᠠᠵᠢᠯᠯᠠᠵᠤ᠂ ᠢᠮᠫᠣᠷᠲ ᠤᠨ ᠪᠦᠲᠦᠭᠡᢉᠳᠡᠬᠦᠨ ᠢ᠋ ᠣᠷᠤᠯᠠᠬᠤ ᠶ᠋ᠢᠨ ᠲᠤᠯᠠᠳᠠ ᠵᠢᠭᠡᠯᠡ ᠶ᠋ᠢᠨ ᠬᠦᠷᠲᠡᠭᠡᠮᠵᠢ ᠶ᠋ᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠤᠷᠲᠤ ᠬᠤᠭᠤᠴᠠᠭᠠ ᠲᠠᠢ ᠪᠣᠭᠤᠨᠢ ᠬᠦᠦ ᠲᠡᠢ ᠵᠢᠭᠡᠯᠡ ᠠᠪᠬᠤ ᠪᠣᠯᠤᠮᠵᠢ ᠶ᠋ᠢ ᠪᠦᠷᠢᠳᠦᢉᠦᠯᠬᠦ᠂ ᠮᠥᠨ ᠲᠣᠭᠲᠠᠪᠤᠷᠢ ᠲᠠᠢ ᠠᠵᠢᠯᠯᠠᠬᠤ ᠪᠣᠯᠪᠠᠰᠤᠨ ᠬᠦᠴᠦᠨ ᠴᠢᠬᠤᠯᠠ ᠪᠠᠶᠢᠭᠠ ᠶ᠋ᠢ ᠻᠣᠮᠫᠠᠨᠢ ᠶ᠋ᠢᠨ ᢉᠦᠶᠢᠴᠡᠳᠬᠡᠬᠦ ᠵᠠᠬᠢᠷᠤᠯ ᠭ᠂ ᠪᠣᠯᠤᠳᠪᠠᠭᠠᠲᠤᠷ ᠡᠨᠡ ᠦᠶᠡ ᠪᠡᠷ ᠬᠡᠯᠡᠵᠦ ᠪᠠᠶᠢᠪᠠ᠃
ᠬᠠᠶᠠᠭᠳᠠᠯ ᠴᠠᠭᠠᠰᠤ ᠶ᠋ᠢ ᠳᠠᠬᠢᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠢᠢᠠᠷ᠂ ᠨᠢᠭᠡ ᠲᠣᠨᠨ ᠴᠠᠭᠠᠰᠤ ᠰᠢᠲᠠᠭᠠᠬᠤ ᠳ᠋ᠤ ᠢᠯᠭᠠᠷᠠᠬᠤ ᠗᠕᠐ ᠻᠢᠯᠥᠭᠷᠠᠮᠮ ᠨᠡᢉᠦᠷᠡᠰᠦᠬᠦᠴᠢᠯ ᠤᠨ ᠬᠡᠢ ᠡᠴᠡ ᠰᠡᠷᠭᠡᠶᠢᠯᠡᠵᠦ᠂ ᠒᠖᠂᠕ ᠮᠢᠩ᠋ᠭᠠᠨ ᠯᠢᠲ᠋ᠷ ᠤᠰᠤ ᠬᠡᠮᠨᠡᠨ᠂ ᠬᠣᠭ ᠤᠨ ᠴᠡᠭ ᠲᠦ ᠳᠠᠷᠤᠵᠤ ᠤᠰᠠᠳᠬᠠᠬᠤ ᠲᠠᠯᠠᠪᠠᠢ ᠶ᠋ᠢᠨ ᠬᠡᠮᠵᠢᠶᠡ ᠶ᠋ᠢ ᠪᠠᠭᠠᠰᠬᠠᠳᠠᠭ ᠳᠠᠪᠠᠭᠤ ᠲᠠᠯᠠ ᠲᠠᠢ᠃
ᠴᠢᠨᠠᠭᠰᠢᠳᠠ ᠬᠠᠶᠢᠷᠴᠠᠭ᠂ ᠰᠠᠪᠠ᠂ ᠪᠠᠭᠯᠠᠭᠠ᠂ ᠪᠣᠭᠤᠳᠠᠯ ᠤᠨ ᠪᠣᠷᠤ ᠴᠠᠭᠠᠰᠤᠨ ᠠ᠋ᠴᠠ ᠭᠠᠳᠠᠨᠠ ᠬᠡᠪᠯᠡᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠦᠨᠳᠦᠰᠦᠨ ᠲᠡᢉᠦᠬᠡᠢ ᠡᠳ ᠪᠣᠯᠬᠤ ᠘᠐ ᠒᠕᠐ ᢉᠷᠠᠮᠮ ᠴᠣᠬᠤᠢ ᠲᠠᠢ ᠪᠣᠯᠤᠨ ᠮᠠᠲ᠋ᠲ ᠴᠠᠭᠠᠰᠤ ᠦᠢᠯᠡᠳᠪᠦᠷᠢᠯᠡᠬᠦ ᠵᠣᠷᠢᠯᠲᠠ ᠲᠠᠯᠪᠢᠭᠰᠠᠨ ᠪᠠᠶᠢᠨᠠ᠃ ᠢᠩᢉᠢᢉᠰᠡᠨ ᠢᠢᠡᠷ ᠢᠮᠫᠣᠷᠲ ᠢᠢᠠᠷ ᠣᠷᠤᠵᠤ ᠢᠷᠡᠵᠦ ᠪᠤᠢ ᠗᠂᠑ ᠮᠢᠩ᠋ᠭᠠᠨ ᠲᠣᠨ᠋ᠨ ᠴᠠᠭᠠᠰᠤ ᠶ᠋ᠢ ᠳᠣᠲᠤᠭᠠᠳᠤ ᠳ᠋ᠠᠭᠠᠨ ᠦᠢᠯᠡᠳᠪᠦᠷᠢᠯᠡᠵᠦ᠂ ᠵᠠᠬᠠ ᠵᠡᠭᠡᠯᠢ ᠶ᠋ᠢ ᠑᠐᠐ ᠬᠤᠪᠢ ᠬᠠᠩ᠋ᠭᠠᠬᠤ ᠪᠣᠯᠤᠮᠵᠢ ᠲᠠᠢ ᠭᠡᠰᠡᠨ ᠦᠭᠡ ᠶᠤᠮ᠃
ᠮᠣᠩ᠋ᠭᠤᠯ ᠤᠯᠤᠰ ᠲᠤ ᠵᠢᠯ ᠳ᠋ᠦ ᠳᠤᠮᠳᠠᠵᠢ ᠪᠠᠷ ᠓᠂᠔ ᠰᠠᠶᠠ ᠲᠣᠨᠨ ᠬᠣᠭ ᠬᠠᠶᠠᠭᠳᠠᠯ ᠭᠠᠷᠳᠠᠭ ᠪᠥᠭᠡᠳ ᠰᠡᢉᠦᠯ ᠤᠨ ᠲᠠᠪᠤᠨ ᠵᠢᠯ ᠳ᠋ᠦ ᠑᠘᠂᠓ ᠬᠤᠪᠢ ᠪᠠᠷ ᠥᠰᠦᢉᠰᠡᠨ ᠪᠠᠶᠢᠨᠠ᠃ ᠒᠐᠔᠐ ᠣᠨ ᠭᠡᠬᠦ ᠳ᠋ᠦ ᠣᠳᠤ ᠶ᠋ᠢᠨ ᠠ᠋ᠴᠠ ᠒᠑ ᠬᠤᠪᠢ ᠪᠠᠷ ᠥᠰᠬᠦ ᠲᠣᠭᠠᠴᠠᠭᠠᠯᠠᠯ ᠭᠠᠷᠴᠡᠢ᠃
“ᠠᠯᠤᠰ ᠤᠨ ᠬᠠᠷᠠᠭᠠ ᠒᠐᠕᠐” ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠤᠷᠲᠤ ᠬᠤᠭᠤᠴᠠᠭᠠᠨ ᠤ᠋ ᠬᠥᢉᠵᠢᠯ ᠤᠨ ᠪᠣᠳᠤᠯᠭᠠ ᠳ᠋ᠤ ᠬᠣᠭ ᠬᠠᠶᠠᠭᠳᠠᠯ ᠤᠨ ᠳᠠᠬᠢᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠬᠡᠮᠵᠢᠶᠡ ᠶ᠋ᠢ ᠒᠐᠓᠐ ᠣᠨ ᠭᠡᠬᠦ ᠳ᠋ᠦ ᠔᠐ ᠬᠤᠪᠢ ᠳ᠋ᠤ ᠬᠦᠷᠭᠡᠵᠦ᠂ “ᠨᠣᠭᠤᠭᠠᠨ ᠬᠥᢉᠵᠢᠯ ᠤᠨ ᠪᠣᠳᠤᠯᠭ᠋ ᠠ”ᠳ᠋ᠤ ᠪᠠᠶᠢᠭᠠᠯᠢ ᠳ᠋ᠤ ᠪᠤᠯᠠᠵᠤ ᠵᠠᠶᠢᠯᠠᠭᠤᠯᠬᠤ ᠬᠠᠶᠠᠭᠳᠠᠯ ᠤᠨ ᠬᠡᠮᠵᠢᠶᠡ ᠶ᠋ᠢ ᠔᠐ ᠬᠤᠪᠢ ᠪᠠᠷ ᠪᠠᠭᠤᠷᠠᠭᠤᠯᠬᠤ ᠵᠣᠷᠢᠯᠲᠠ ᠳᠡᠪᠰᠢᢉᠦᠯᠵᠡᠢ᠃
