ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠤᠢᠬᠡ ᠶ᠋ᠢᠨ ᠰᠠᠨᠠᠭᠠᠴᠢᠯᠠᠭᠰᠠᠨ “ᠬᠦᠨᠡᠰᠦᠨ ᠤ ᠬᠠᠩ᠋ᠭᠠᠮᠵᠢ᠂ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ ᠢ᠋ ᠬᠠᠩ᠋ᠭᠠᠬᠤ ᠲᠠᠯ ᠠ ᠪᠠᠷ ᠠᠪᠬᠤ ᠵᠠᠷᠢᠮ ᠠᠷᠭᠠ ᠬᠡᠮᠵᠢᠶᠡᠡ ᠤ ᠲᠤᠬᠠᠢ” ᠲᠣᠭᠲᠠᠭᠠᠯ ᠤᠨ ᠲᠥᠰᠦᠯ ᠢ᠋ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠨᠢᠭᠡᠳᠦᢉᠰᠡᠨ ᠴᠢᠭᠤᠯᠭᠠᠨ ᠢᠢᠠᠷ ᠬᠡᠯᠡᠯᠴᠡᠨ ᠪᠠᠲᠤᠯᠠᠭᠰᠠᠨ᠃
ᠮᠥᠨ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠲᠦᠷ ᠬᠣᠷᠢᠶᠠ ᠒᠐᠒᠓ ᠣᠨ ᠤ᠋ ᠐᠑ ᠳ᠋ᠦᠭᠡᠷ ᠰᠠᠷᠠ ᠶ᠋ᠢᠨ ᠑᠑᠆ ᠤ ᠡᠳᠦᠷ ᠵᠠᠰᠠᠭ ᠤᠨ ᠭᠠᠵᠠᠷ ᠲᠤ ᠴᠢᢉᠯᠡᠯ ᠥᢉᠬᠦ ᠲᠤᠬᠠᠢ ᠲᠣᠭᠲᠠᠭᠠᠯ ᠭᠠᠷᠭᠠᠭᠠᠳ ᠪᠠᠢᠢᠨᠠ᠃
ᠲᠣᠭᠲᠠᠭᠠᠯ ᠳ᠋ᠤ “…ᠵᠢᠭᠡᠯᠡᠳᠦᢉᠴᠢ ᠶ᠋ᠢᠨ ᠲᠥᠯᠦᠬᠦ ᠬᠦᠦ ᠶ᠋ᠢ ᠓᠂᠐᠆᠂ ᠕ ᠬᠤᠪᠢ ᠪᠠᠢᠢᠬᠤ ᠪᠠᠷ ᠲᠣᠭᠠᠴᠠᠵᠤ᠂ ᠨᠡᠢᠢᠲᠡ ᠵᠢᠭᠡᠯᠡ ᠶ᠋ᠢᠨ ᠓᠐᠆ ᠡᠴᠠ ᠳᠣᠭᠤᠭᠰᠢ ᠦᠭᠡᠢ ᠬᠤᠪᠢ ᠶ᠋ᠢ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶ᠋ᠢᠨ ᠦᠢᠯᠡᠳᠪᠦᠷᠢᠯᠡᠯ ᠰᠢᠨᠡ ᠪᠡᠷ ᠡᠷᠬᠢᠯᠡᠵᠦ ᠪᠠᠢᠢᠭᠠ ᠪᠣᠯᠤᠨ ᠵᠢᠵᠢᠭ ᠂ ᠳᠤᠮᠳᠠ ᠪᠢᠽᠢᠨᠧᠰ ᠡᠷᠬᠢᠯᠡᢉᠴᠢ ᠢᠷᠭᠡᠨ᠂ ᠠᠵᠤ ᠠᠬᠤᠢ ᠶ᠋ᠢᠨ ᠨᠢᠭᠡᠴᠡ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠥᠷᠭᠡᠳᠬᠡᠬᠦ᠂ ᠑᠐᠆ ᠡᠴᠠ ᠳᠣᠭᠤᠭᠰᠢ ᠦᠭᠡᠢ ᠬᠤᠪᠢ ᠶ᠋ᠢ ᠢᠮᠫᠤᠷᠲ᠋ ᠢ ᠣᠷᠤᠯᠠᠬᠤ᠂ ᠡᠻᠰᠫᠤᠷᠲ᠋ ᠲᠤ ᠴᠢᢉᠯᠡᢉᠰᠡᠨ ᠲᠥᠰᠦᠯ ᠦ᠋ᠳ ᠲᠦ ᢉᠦᠢᠢᠴᠡᠳᠬᠡᠯ ᠲᠡᠢ ᠨᠢ ᠤᠶᠠᠯᠳᠤᠭᠤᠯᠤᠨ ᠦᠶᠡ ᠱᠠᠲᠤ ᠲᠠᠢ ᠰᠠᠩᠬᠦᠵᠢᠯᠲᠡ ᠣᠯᠭᠠᠬᠤ…” ᠵᠡᠷᠭᠡ ᠶ᠋ᠢ ᠲᠤᠰᠬᠠᠵᠡᠢ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ “ᠬᠦᠨᠡᠰᠦᠨ ᠤ ᠬᠠᠩ᠋ᠭᠠᠮᠵᠢ᠂ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ” ᠦᠨᠳᠦᠰᠦᠨ ᠤ ᠬᠥᠳᠡᠯᠭᠡᠭᠡᠨ ᠤ ᠬᠦᠷᠢᠶᠡᠨ ᠳ᠋ᠦ “ᠶᠢᠰᠦᠨ ᠣᠳᠤ” ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠻᠣᠮᠫᠠᠨᠢ ᠳ᠋ᠤ ᠠᠵᠢᠯᠯᠠᠯᠠ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ ᠦᠨᠳᠦᠰᠦᠨ ᠤ ᠤᠤᠭᠠᠨ ᠦᠢᠯᠡᠳᠪᠦᠷᠢ “ᠰᠦᠨ” ᢈᠢᠵᠠᠭᠠᠷᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠻᠣᠮᠫᠠᠨᠢ ᠳ᠋ᠤ ᠠᠵᠢᠯᠯᠠᠯᠠ᠃
ᠲᠤᠰ ᠦᠢᠯᠡᠳᠪᠦᠷᠢ ᠶ᠋ᠢ ᠑᠙᠕᠘ ᠣᠨ ᠳ᠋ᠤ ᠨᠡᠢᠢᠰᠯᠡᠯ ᠦ᠋ᠨ ᠬᠦᠮᠦᠨ ᠠᠮᠠ ᠶ᠋ᠢ ᠰᠦᠨ᠂ ᠰᠦᠨ ᠪᠦᠲᠦᠭᠡᢉᠳᠡᠬᠦᠨ ᠢᠢᠡᠷ ᠬᠠᠩ᠋ᠭᠠᠬᠤ ᠵᠣᠷᠢᠯᠭᠠ ᠪᠠᠷ ᠪᠠᠢᠢᠭᠤᠯᠤᠭᠰᠠᠨ ᠲᠡᠦᠬᠡᠲᠡᠢ᠃ ᠣᠳᠤ ᠪᠠᠷ ᠔᠂᠒᠐᠐ ᠬᠠᠷᠢᠯᠴᠠᠭᠴᠢ᠂ ᠕᠑᠑ ᠠᠵᠢᠯᠲᠠᠨ᠂ ᠗᠂᠐᠐᠐ ᠬᠤᠪᠢᠴᠠᠭᠠ ᠡᠵᠡᠮᠰᠢᢉᠴᠢ ᠲᠡᠢ ᠪᠡᠷ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠵᠤ᠂ ᠬᠣᠨᠤᠭ ᠲᠤ ᠑᠓᠐᠆᠑᠘᠐ ᠲᠤᠨᠨ ᠰᠦᠨ᠂ ᠰᠦᠨ ᠪᠦᠲᠦᠭᠡᢉᠳᠡᠬᠦᠨ ᠪᠣᠯᠪᠠᠰᠤᠷᠠᠭᠤᠯᠤᠨ᠂ ᠗᠐ ᠭᠠᠷᠤᠢ ᠨᠡᠷᠡ ᠲᠥᠷᠦᠯ ᠦ᠋ᠨ ᠪᠦᠲᠦᠭᠡᢉᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠵᠦ ᠪᠠᠢᠢᠨᠠ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ ᠮᠥᠨ ᠡᠳᠦᠷ “ᠡᠢᠢᠯ ᠪᠢ ᠡᠢᠢᠴᠢ ᠲᠧᠻᠨᠤᠯᠤᢉᠢ” ᢈᠢᠵᠠᠭᠠᠷᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠻᠣᠮᠫᠠᠨᠢ ᠳ᠋ᠤ ᠠᠵᠢᠯᠯᠠᠯᠠ᠃
ᠲᠤᠰ ᠻᠣᠮᠫᠠᠨᠢ ᠒᠐᠑᠙ ᠣᠨ ᠠ᠋ᠴᠠ ᠪᠢᠣ᠋ ᠲᠧᠻᠨᠣᠯᠣᢉᠢ ᠶ᠋ᠢᠨ ᠴᠢᢉᠯᠡᠯ ᠢᠢᠡᠷ ᠰᠤᠳᠤᠯᠭᠠ ᠰᠢᠨᠵᠢᠯᠡᠭᠡ᠂ ᠦᠢᠯᠡᠳᠪᠦᠷᠢᠯᠡᠯ ᠶᠠᠪᠤᠭᠤᠯᠵᠤ ᠪᠠᠢᠢᠭᠠ ᠪᠥᠭᠡᠳ ᠮᠠᠯ᠂ ᠠᠮᠢᠲᠠᠨ ᠳ᠋ᠤ ᠵᠣᠷᠢᠭᠤᠯᠤᠭᠰᠠᠨ “ᠮᠢᠮᠣ᠋” ᠡᠷᠦᠳᠡᠰᠦ ᠶ᠋ᠢᠨ ᠨᠡᠮᠡᠯᠲᠡ ᠪᠦᠲᠦᠭᠡᢉᠳᠡᠬᠦᠨ ᠢ᠋ ᠵᠠᠬᠠ ᠵᠡᠭᠡᠯᠢ ᠳ᠋ᠦ ᠨᠡᠢᠢᠯᠡᢉᠦᠯᠵᠦ ᠪᠠᠢᠢᠨᠠ᠃
ᠲᠤᠰ ᠪᠦᠲᠦᠭᠡᢉᠳᠡᠬᠦᠨ ᠨᠢ ᠮᠠᠯ ᠤᠨ ᠶᠡᠷᠦᠩᠬᠡᠢ ᠡᠷᠡᢉᠦᠯ ᠮᠡᠨᠳᠦ᠂ ᠳᠠᠷᠬᠠᠯᠠᠭᠠᠨ ᠠ᠋ᠴᠠ ᠭᠠᠳᠠᠨᠠ ᠲᠡᠵᠢᠭᠡᠯ ᠰᠢᠩᠭᠡᠴᠡ ᠶ᠋ᠢ ᠑᠐᠆᠒᠐ ᠬᠤᠪᠢ ᠰᠠᠢᠢᠵᠢᠷᠠᠭᠤᠯᠳᠠᠭ᠃ ᠮᠥᠨ ᠲᠡᠵᠢᠭᠡᠯ ᠦ᠋ᠨ ᠵᠠᠷᠤᠳᠠᠯ ᠢ᠋ ᠑᠐᠆᠒᠐ ᠬᠤᠪᠢ ᠪᠠᠭᠤᠷᠠᠭᠤᠯᠵᠤ᠂ ᠰᠦᠨ ᠠᠰᠢᠭ ᠰᠢᠮᠡ ᠶ᠋ᠢ ᠑᠐᠆᠑᠕ ᠬᠤᠪᠢ᠂ ᠮᠢᠬᠠᠨ ᠠᠰᠢᠭ ᠰᠢᠮᠡ ᠶ᠋ᠢ ᠒᠐᠆᠒᠕ ᠬᠤᠪᠢ ᠨᠡᠮᠡᢉᠳᠡᢉᠦᠯᠦᠨ᠂ ᠮᠠᠯ ᠤᠨ ᠪᠡᠶᠡ ᠶ᠋ᠢᠨ ᠬᠣᠣᠷᠠ ᠶ᠋ᠢ ᠰᠠᠭᠠᠷᠮᠠᠭᠵᠢᠭᠤᠯᠵᠤ᠂ ᠬᠣᠣᠷᠠᠲᠤ ᠪᠣᠳᠠᠰ ᠢ᠋ ᠭᠠᠳᠠᠭᠰᠢᠯᠠᠭᠤᠯᠳᠠᠭ ᠪᠠᠢᠢᠨᠠ᠃
