ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ “ᠬᠦᠨᠡᠰᠦᠨ ᠤ ᠬᠤᠪᠢᠰᠬᠠᠯ” ᠦᠨᠳᠦᠰᠦᠨ ᠤ ᠬᠥᠳᠡᠯᠭᠡᠭᠡᠨ ᠤ ᠬᠦᠷᠢᠶᠡᠨ ᠳ᠋ᠦ “ᠥᢉᢉᠦᠭᠡᠮᠵᠢ ᠠᠷᠬᠠᠳ” ᠬᠢᠵᠠᠭᠠᠷᠳᠠᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠻᠣᠮᠫᠠᠨᠢ ᠳ᠋ᠤ ᠠᠵᠢᠯᠯᠠᠯᠠ᠃
᠒᠐᠐᠐ ᠣᠨ ᠳ᠋ᠤ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠲᠤᠰ ᠻᠣᠮᠫᠠᠨᠢ ᠑᠓᠐ ᠭᠠᠷᠤᠢ ᠠᠵᠢᠯᠲᠠᠨ᠂ ᠠᠯᠪᠠᠨ ᠬᠠᠭᠠᠭᠴᠢ ᠲᠠᠢ᠂ ᠓᠐ ᠭᠠᠷᠤᠢ ᠨᠡᠷᠡ ᠲᠥᠷᠦᠯ ᠦ᠋ᠨ ᠨᠠᠷᠢᠨ ᠪᠣᠣᠪᠤ᠂ ᠓᠐ ᠨᠡᠷᠡ ᠲᠥᠷᠦᠯ ᠦ᠋ᠨ ᠪᠢᠯᠠᠭᠤ᠂ ᠪᠡᠢᠢᠻᠧᠷᠢ᠂ ᠻᠣᠹᠧ ᠱᠣᠫ ᠤᠨ ᠪᠦᠲᠦᠭᠡᢉᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠳᠡᠭ᠃
ᠳᠣᠲᠤᠭᠠᠳᠤ ᠶ᠋ᠢᠨ ᠭᠤᠯᠢᠷ᠂ ᠭᠤᠯᠢᠷ ᠪᠦᠲᠦᠭᠡᢉᠳᠡᠬᠦᠨ ᠤ ᠵᠠᠬᠠ ᠵᠡᠭᠡᠯᠢ ᠶ᠋ᠢᠨ ᠑᠔ ᠣᠷᠴᠢᠮ ᠬᠤᠪᠢ ᠶ᠋ᠢ ᠬᠠᠩ᠋ᠭᠠᠳᠠᠭ ᠪᠥᠭᠡᠳ ᠦᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠨᠡᠢᠢᠲᠡ ᠬᠦᠴᠦᠨ ᠴᠢᠳᠠᠯ ᠤᠨ ᠕᠐ ᠬᠤᠪᠢ ᠶ᠋ᠢ ᠬᠥᠭᠡᠭᠡᠮᠡᠯ᠂ ᠒᠕ ᠬᠤᠪᠢ ᠶ᠋ᠢ ᠴᠢᠨᠠᠮᠠᠯ ᠪᠦᠲᠦᠭᠡᢉᠳᠡᠬᠦᠨ ᠡᠵᠡᠯᠡᠳᠡᠭ ᠪᠠᠢᠢᠨᠠ᠃
ᠴᠠᠷ ᠲᠠᠬᠤᠯ ᠤᠨ ᠦᠶᠡ ᠳ᠋ᠦ ᠲᠥᠷᠦ ᠡᠴᠡ ᠠᠵᠤ ᠠᠬᠤᠢ ᠶ᠋ᠢᠨ ᠨᠢᠭᠡᠴᠡ ᠶ᠋ᠢᠨ ᠴᠠᠬᠢᠯᠭᠠᠨ᠂ ᠳᠤᠯᠠᠭᠠᠨ᠂ ᠤᠰᠤ ᠵᠡᠷᠭᠡ ᠶ᠋ᠢᠨ ᠲᠥᠯᠦᠪᠦᠷᠢ ᠶ᠋ᠢ ᠪᠦᠷᠢᠨ ᠬᠠᠷᠢᠭᠤᠴᠠᠵᠤ ᠪᠠᠢᠢᠭᠰᠠᠨ ᠨᠢ ᠠᠵᠢᠯ ᠤᠨ ᠪᠠᠢᠢᠷᠢ ᠶ᠋ᠢ ᠬᠠᠳᠠᠭᠠᠯᠠᠬᠤ᠂ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠬᠡᠪ ᠦ᠋ᠨ ᠶᠠᠪᠤᠭᠤᠯᠬᠤ ᠳ᠋ᠤ ᠲᠣᠮᠤᠬᠠᠨ ᠳᠡᠮᠵᠢᠯᠭᠡ ᠪᠣᠯᠤᠭᠰᠠᠨ ᠢ᠋ ᠬᠡᠯᠡᠵᠦ ᠪᠠᠢᠢᠯᠠ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ ᠮᠥᠨ ᠡᠳᠦᠷ “ᠬᠦᠮᠦᠨ ᠣᠳᠤᠨ”ᠬᠢᠵᠠᠭᠠᠷᠳᠠᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠻᠣᠮᠫᠠᠨᠢ ᠳ᠋ᠤ ᠠᠵᠢᠯᠯᠠᠯᠠ᠃
“ᠬᠦᠮᠦᠨ ᠣᠳᠤᠨ” ᠬᠢᠵᠠᠭᠠᠷᠳᠠᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠻᠣᠮᠫᠠᠨᠢ ᠑᠙᠙᠒ ᠣᠨ ᠳ᠋ᠤ ᠪᠠᠢᠢᠭᠤᠯᠤᠭᠳᠠᠭᠰᠠᠨ᠃ ᠬᠤ᠂ ᠪᠥ᠂ ᠨᠠ᠂ ᠭᠡᠷᠮᠠᠨ ᠤᠯᠦᠰ ᠤᠨ ᠲᠣᠨᠤᠭ ᠲᠥᠬᠦᠭᠡᠷᠦᠮᠵᠢ᠂ ᠲᠧᠻᠨᠤᠯᠤᢉᠢ ᠪᠠᠷ ᠑᠙᠙᠔ ᠣᠨ ᠠ᠋ᠴᠠ ᠬᠢᠮᠠ᠂ ᠮᠢᠬᠠᠨ ᠪᠦᠲᠦᠭᠡᢉᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠵᠦ ᠡᠬᠢᠯᠡᢉᠰᠡᠨ ᠦᠨᠳᠦᠰᠦᠨ ᠤ ᠠᠵᠤ ᠠᠬᠤᠢ ᠶ᠋ᠢᠨ ᠨᠢᠭᠡᠴᠡ ᠶ᠋ᠢᠨ ᠨᠢᠭᠡ ᠶᠤᠮ᠃ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳ᠋ᠦ ᠪᠦᠷᠢᠨ ᠵᠣᠭᠰᠤᠭᠠᠳ ᠪᠠᠢᠢᠭᠰᠠᠨ ᠨᠥᠭᠡᠰᠢᠯᠡᢉᠰᠡᠨ ᠪᠦᠲᠦᠭᠡᢉᠳᠡᠬᠦᠨ ᠤ ᠦᠢᠯᠡᠳᠪᠦᠷᠢᠯᠡᠯ ᠢ᠋ ᠒᠐᠐᠐ ᠣᠨ ᠳ᠋ᠤ ᠠᠩᠬᠠᠯᠠᠨ ᠰᠡᠷᢉᠦᠭᠡᠵᠦ᠂ ᠒᠐᠑᠑ ᠣᠨ ᠳ᠋ᠤ ᠪᠦᠬᠦ ᠲᠥᠷᠦᠯ ᠦ᠋ᠨ ᠬᠢᠮᠠ᠂ ᠮᠢᠬᠠᠨ ᠪᠦᠲᠦᠭᠡᢉᠳᠡᠬᠦᠨ ᠰᠠᠪᠠᠯᠠᠬᠤ ᠼᠧᠬᠡ ᠶ᠋ᠢ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠭᠤᠯᠵᠤ ᠪᠠᠢᠢᠵᠡᠢ᠃
ᠰᠢᠨᠡ ᠪᠡᠷ ᠪᠤᠢ ᠪᠣᠯᠭᠠᠭᠰᠠᠨ Armos ᠪᠷᠧᠨ᠋ᠳ᠋ ᠤᠨ ᠑᠖ ᠨᠡᠷᠡ ᠲᠥᠷᠦᠯ ᠦ᠋ᠨ ᠬᠢᠮᠠ᠂ ᠑᠕ ᠨᠡᠷᠡ ᠲᠥᠷᠦᠯ ᠦ᠋ᠨ ᠨᠥᠭᠡᠰᠢᠯᠡᢉᠰᠡᠨ ᠪᠦᠲᠦᠭᠡᢉᠳᠡᠬᠦᠨ ᠡᠴᠡ ᠭᠠᠳᠠᠨᠠ ᠬᠠᠶᠠᠭᠳᠠᠯ ᠥᠭᠡᠬᠦ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠵᠤ ᠦᠢᠯᠡᠳᠪᠦᠷᠢᠯᠡᢉᠰᠡᠨ ᠰᠠᠪᠤᠩ ᠵᠠᠬᠠ ᠵᠡᠭᠡᠯᠢ ᠳ᠋ᠦ ᠨᠡᠢᠢᠯᠡᢉᠦᠯᠵᠦ ᠪᠠᠢᠢᠨᠠ᠃ ᠖᠐ ᠭᠠᠷᠤᠢ ᠠᠵᠢᠯᠴᠢᠨ ᠲᠠᠢ᠃
ᠢᠵᠢᠯ ᠲᠥᠰ ᠲᠡᠢ ᠢᠮᠫᠤᠷᠲ᠋ ᠤᠨ ᠪᠦᠲᠦᠭᠡᢉᠳᠡᠬᠦᠨ ᠤ ᠲᠠᠲᠠᠪᠤᠷᠢ ᠶ᠋ᠢ ᠥᠨᠳᠦᠷᠡᠰᠬᠡᠪᠡᠯ ᠦᠨᠳᠦᠰᠦᠨ ᠤ ᠦᠢᠯᠡᠳᠪᠦᠷᠢᠯᠡᢉᠴᠢ ᠠᠵᠤ ᠠᠬᠤᠢ ᠶ᠋ᠢᠨ ᠨᠢᠭᠡᠴᠡ ᠨᠦᢉᠦᠳ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠥᠷᠭᠡᠳᠬᠡᠬᠦ᠂ ᠰᠢᠨᠡ ᠲᠧᠻᠨᠢᠭ᠂ ᠲᠧᠻᠨᠣᠯᠣᢉᠢ ᠨᠡᠪᠲᠡᠷᠡᢉᠦᠯᠬᠦ᠂ ᠠᠵᠢᠯ ᠤᠨ ᠪᠠᠢᠢᠷᠢ ᠨᠡᠮᠡᢉᠳᠡᢉᠦᠯᠬᠦ ᠵᠡᠷᠭᠡ ᠳ᠋ᠦ ᠲᠣᠮᠤᠬᠠᠨ ᠳᠡᠮᠵᠢᠯᠭᠡ ᠪᠣᠯᠤᠨᠠ ᠭᠡᠳᠡᠭ ᠢ ᠻᠣᠮᠫᠠᠨᠢ ᠶ᠋ᠢᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ ᠬᠡᠯᠡᠵᠦ ᠪᠠᠢᠢᠯᠠ᠃
“ᠬᠦᠮᠦᠨ ᠣᠳᠤᠨ”ᠬᠢᠵᠠᠭᠠᠷᠳᠠᠯᠠᠭᠳᠠᠮᠠᠯ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠻᠣᠮᠫᠠᠨᠢ ᠣᠳᠤ ᠪᠠᠷ ᠨᠥᠭᠡᠰᠢᠯᠡᢉᠰᠡᠨ ᠪᠦᠲᠦᠭᠡᢉᠳᠡᠬᠦᠨ ᠢᠢᠡᠨ ᠣᠷᠦᠰ ᠤᠨ ᠬᠤᠯᠪᠦᠭᠠᠨ ᠤ ᠤᠯᠤᠰ ᠳᠤ᠂ ᠳᠤᠯᠠᠭᠠᠨ ᠤ᠋ ᠠᠷᠭᠠ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠮᠢᠬᠠᠨ ᠪᠦᠲᠦᠭᠡᢉᠳᠡᠬᠦᠨ ᠢᠢᠡᠨ ᠪᠥᠭᠥᠳᠡ ᠨᠠᠢᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ ᠲᠤ ᠡᠻᠰᠫᠤᠷᠲ᠋ᠯᠠᠵᠤ ᠡᠬᠢᠯᠡᠭᠡᠳ ᠪᠠᠢᠢᠨᠠ᠃
