ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ ᠳᠣᠷᠤᠨᠠᠭᠤᠪᠢ ᠠᠢᠢᠮᠠᠭ ᠤᠨ ᠵᠠᠮ ᠤᠨ ᠡᢉᠦᠳᠡ ᠪᠣᠭᠤᠮᠲᠠ ᠳ᠋ᠤ ᠠᠵᠢᠯᠯᠠᠯᠠ᠃
“ᠵᠠᠮ ᠤᠨ ᠡᢉᠦᠳᠡ” ᠪᠣᠭᠤᠮᠲᠠ ᠨᠢ ᠮᠠᠨ ᠤ᠋ ᠤᠯᠤᠰ ᠤᠨ ᠬᠢᠯᠢ ᠪᠡᠷ ᠨᠡᠪᠲᠡᠷᠡᠵᠦ ᠪᠤᠢ ᠠᠴᠢᠶᠠ ᠲᠡᠭᠡᠭᠡᠪᠦᠷᠢ ᠶ᠋ᠢᠨ ᠗᠐ ᠣᠷᠴᠢᠮ ᠬᠤᠪᠢ᠂ ᠵᠣᠷᠴᠢᢉᠴᠢ ᠲᠡᠭᠡᠭᠡᠪᠦᠷᠢ ᠶ᠋ᠢᠨ ᠓᠐ ᠬᠤᠪᠢ ᠶ᠋ᠢ ᠳᠠᠩ ᠢᠢᠠᠷ ᠨᠡᠪᠲᠡᠷᠡᢉᠦᠯᠵᠦ᠂ ᠭᠠᠢᠢᠯᠢ ᠶ᠋ᠢᠨ ᠣᠷᠤᠯᠭᠠ ᠶ᠋ᠢᠨ ᠑᠕ ᠬᠤᠪᠢ ᠶ᠋ᠢ ᠳᠠᠩ ᠢᠢᠠᠷ ᠪᠦᠷᠢᠳᠦᢉᠦᠯᠳᠡᠭ ᠯᠣᠵᠢᠰᠲ᠋ᠢᠭ ᠤᠨ ᠭᠣᠣᠯ ᠪᠣᠭᠤᠮᠲᠠ ᠶᠤᠮ᠃
ᠵᠠᠮ ᠤᠨ ᠡᢉᠦᠳᠡ ᠳ᠋ᠡᠬᠢ ᠯᠣᠵᠢᠰᠲ᠋ᠢᠭ ᠤᠨ ᠲᠥᠪ ᠒᠐᠒᠒ ᠣᠨ ᠳ᠋ᠤ ᠭᠤᠷᠪᠠᠨ ᠰᠠᠶᠠ ᠲᠣᠨᠨ ᠠᠴᠢᠶᠠ ᠨᠡᠪᠲᠡᠷᠡᢉᠦᠯᠵᠡᠢ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ ᠳᠣᠷᠤᠨᠠᠭᠤᠪᠢ ᠠᠢᠢᠮᠠᠭ ᠤᠨ ᠵᠠᠮ ᠤᠨ ᠡᢉᠦᠳᠡ ᠰᠤᠮᠤ ᠳ᠋ᠠᠬᠢ ᠯᠣᠵᠢᠰᠲ᠋ᠢᠭ ᠤᠨ ᠲᠥᠪ ᠲᠦ ᠠᠵᠢᠯᠯᠠᠯᠠ᠃
ᠲᠤᠰ ᠲᠥᠪ ᠨᠢ ᠠᠽᠢ ᠶ᠋ᠢᠨ ᠬᠥᢉᠵᠢᠯ ᠦ᠋ᠨ ᠪᠠᠩᠻᠢ ᠶ᠋ᠢᠨ ᠬᠥᠩᠭᠡᠯᠡᠯᠲᠡ ᠲᠡᠢ ᠵᠢᠭᠡᠯᠡ ᠪᠡᠷ ᠪᠠᠷᠢᠭᠳᠠᠵᠤ᠂ ᠒᠐᠑᠘ ᠣᠨ ᠳ᠋ᠤ ᠠᠰᠢᠭᠯᠠᠯᠲᠠ ᠳ᠋ᠤ ᠣᠷᠤᠭᠰᠠᠨ ᠶᠤᠮ᠃
ᠯᠣᠵᠢᠰᠲ᠋ᠢᠻ ᠤᠨ ᠲᠥᠪ ᠨᠢ ᠵᠢᠯ ᠳ᠋ᠦ ᠳᠤᠮᠳᠠᠵᠢ ᠪᠠᠷ ᠬᠣᠶᠠᠷ ᠰᠠᠶᠠ ᠲᠣᠨᠨ ᠠᠴᠢᠶᠠ ᠨᠡᠪᠲᠡᠷᠡᢉᠦᠯᠵᠦ ᠪᠠᠢᠢᠭᠰᠠᠨ ᠪᠥᠭᠡᠳ ᠒᠐᠒᠒ ᠣᠨ ᠳ᠋ᠤ ᠭᠤᠷᠪᠠᠨ ᠰᠠᠶᠠ ᠲᠣᠨᠨ ᠠᠴᠢᠶᠠ ᠨᠡᠪᠲᠡᠷᠡᢉᠦᠯᠵᠦ᠂ ᠠᠴᠢᠶᠠ ᠲᠡᠭᠡᠭᠡᠪᠦᠷᠢ ᠨᠡᠮᠡᢉᠳᠡᢉᠰᠡᠨ᠃
ᠮᠥᠨ ᠯᠣᠵᠢᠰᠲ᠋ᠢᠻ ᠤᠨ ᠲᠥᠪ ᠵᠢᠯ ᠳ᠋ᠦ ᠑᠐᠐ ᠮᠢᠩ᠋ᠭᠠ ᠭᠠᠷᠤᠢ ᠴᠢᠩᠭᠡᠯᠢᠭ ᠨᠡᠪᠲᠡᠷᠡᢉᠦᠯᠵᠦ᠂ ᠴᠠᠷ ᠲᠠᠬᠤᠯ ᠤᠨ ᠬᠦᠨᠳᠦᠷᠡᠯ ᠲᠡᠢ ᠨᠥᠬᠦᠴᠡᠯ ᠪᠠᠢᠢᠳᠠᠯ ᠢ᠋ ᠳᠠᠪᠠᠨ ᠲᠤᠭᠤᠯᠬᠤ ᠳ᠋ᠤ ᠭᠣᠣᠯᠯᠠᠬᠤ ᠡᢉᠦᠷᠭᠡ ᢉᠦᠢᠢᠴᠡᠳᠬᠡᢉᠰᠡᠨ ᠭᠡᠳᠡᠭ ᠢ ᠣᠨᠴᠠᠯᠠᠵᠤ ᠪᠠᠢᠢᠪᠠ᠃
ᠲᠤᠬᠠᠢᠢᠯᠠᠪᠠᠯ᠂ ᠲᠤᠰ ᠲᠥᠪ ᠨᠢ ᠒᠐᠒᠑ ᠣᠨ ᠳ᠋ᠤ ᠨᠡᠢᠢᠲᠡ ᠑᠐᠐ ᠮᠢᠩ᠋ᠭᠠ ᠣᠷᠴᠢᠮ ᠴᠢᠩᠭᠡᠯᠢᠭ᠌ ᠲᠡᠭᠡᠭᠡᠪᠦᠷᠢᠯᠡᢉᠰᠡᠨ ᠤ ᠘᠐ ᠮᠢᠩ᠋ᠭᠠ ᠨᠢ ᠲᠷᠠᠨᠽᠢᠲ ᠴᠢᠩᠭᠡᠯᠢᠭ᠌᠂ ᠒᠐ ᠮᠢᠩ᠋ᠭᠠ ᠨᠢ ᠢᠮᠫᠤᠷᠲ᠋ ᠤᠨ ᠴᠢᠩᠭᠡᠯᠢᠭ᠌ ᠪᠠᠢᠢᠭᠰᠠᠨ ᠪᠠᠢᠢᠨᠠ᠃ ᠬᠠᠷᠢᠨ ᠒᠐᠒᠒ ᠣᠨ ᠳ᠋ᠤ ᠨᠡᠢᠢᠲᠡ ᠳ᠋ᠦ ᠪᠡᠨ ᠑᠓᠐ ᠮᠢᠩ᠋ᠭᠠᠨ ᠴᠢᠩᠭᠡᠯᠢᠭ᠌ ᠲᠡᠭᠡᠭᠡᠪᠦᠷᠢᠯᠡᠵᠦ᠂ ᠡᢉᠦᠨ ᠤ ᠗᠕ ᠮᠢᠩ᠋ᠭᠠ ᠶ᠋ᠢ ᠢᠮᠫᠤᠷᠲ᠋ ᠤᠨ ᠴᠢᠩᠭᠡᠯᠢᠭ᠌ ᠪᠣᠯᠭᠠᠨ ᠨᠡᠮᠡᢉᠳᠡᢉᠦᠯᠵᠦ ᠠᠵᠢᠯᠯᠠᠵᠡᠢ᠃
ᠮᠥᠨ ᠒᠐᠒᠒ ᠣᠨ ᠳ᠋ᠤ ᠮᠣᠩ᠋ᠭᠣᠯ᠂ ᠬᠢᠲᠠᠳ ᠤᠨ ᠬᠤᠳᠠᠯᠳᠤᠭᠠᠨ ᠤ᠋ ᠡᠷᢉᠢᠯᠲᠡ ᠑᠓᠂᠖ ᠲᠡᠷᠪᠤᠮ ᠠᠮ᠂ ᠳ᠋ᠣᠯᠯᠠᠷ ᠲᠤ ᠬᠦᠷᠦᢉᠰᠡᠨ᠃ ᠬᠤᠳᠠᠯᠳᠤᠭᠠᠨ ᠤ᠋ ᠡᠷᢉᠢᠯᠲᠡ ᠶ᠋ᠢ ᠒᠐ ᠲᠡᠷᠪᠤᠮ ᠠᠮ᠂ ᠳ᠋ᠣᠯᠯᠠᠷ ᠲᠤ ᠬᠦᠷᠬᠡᠬᠦ ᠶ᠋ᠢᠨ ᠲᠤᠯᠠᠳᠠ ᠵᠠᠮ ᠤᠨ ᠡᢉᠦᠳᠡ ᠪᠣᠭᠤᠮᠲᠠ ᠳ᠋ᠠᠬᠢ ᠯᠣᠵᠢᠰᠲ᠋ᠢᠭ ᠤᠨ ᠲᠥᠪ ᠲᠡᠢ ᠠᠳᠠᠯᠢ ᠬᠦᠴᠦᠨ ᠴᠢᠳᠠᠯ ᠪᠦᠬᠦᠢ ᠯᠣᠵᠢᠰᠲ᠋ᠢᠭ ᠤᠨ ᠲᠥᠪ ᠦ᠋ᠳ ᠢ᠋ ᠬᠠᠩᢉᠢ᠂ ᠭᠠᠰᠢᠭᠤᠨᠰᠤᠬᠠᠢᠢᠲᠤ᠂ ᠰᠢᠪᠡᠭᠡᠬᠦᠷᠡᠨ ᠪᠣᠭᠤᠮᠲᠠ ᠨᠤᠭᠤᠳ ᠲᠤ ᠨᠡᠩ ᠲᠦᠷᠦᢉᠦᠨ ᠳ᠋ᠦ ᠪᠠᠷᠢᠬᠤ ᠪᠠᠷ ᠲᠥᠯᠦᠪᠯᠡᠵᠦ ᠪᠠᠢᠢᠭᠠ ᠶ᠋ᠢ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠰᠠᠢᠢᠳ᠂ ᠪᠣᠭᠤᠮᠲᠠ ᠶ᠋ᠢᠨ ᠰᠡᠷᢉᠦᠯᠲᠡ ᠶ᠋ᠢᠨ ᠦᠨᠳᠦᠰᠦᠨ ᠤ ᠬᠣᠷᠢᠶᠠᠨ ᠤ᠋ ᠳᠠᠷᠤᠭᠠ ᠬᠥ᠃ ᠪᠤᠯᠠᠭᠠᠨᠲᠤᠶᠠᠭᠠ ᠬᠡᠯᠡᠪᠡ᠃
ᠪᠥᠭᠥᠳᠡ ᠨᠠᠢᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ ᠲᠤ ᠬᠢᢉᠰᠡᠨ ᠲᠥᠷᠦ ᠶ᠋ᠢᠨ ᠠᠢᠢᠯᠴᠢᠯᠠᠯ ᠤᠨ ᠦᠶᠡ ᠪᠡᠷ ᠬᠡᠯᠡᠯᠴᠡᠵᠦ ᠲᠣᠬᠢᠷᠠᠭᠰᠠᠨ ᠠᠵᠢᠯ ᠤᠳ ᠢ᠋ ᠠᠮᠵᠢᠯᠲᠠᠲᠠᠢ ᠬᠡᠷᠡᢉᠵᠢᢉᠦᠯᠬᠦ ᠶ᠋ᠢᠨ ᠲᠤᠯᠠᠳᠠ ᠮᠣᠩ᠋ᠭᠣᠯ ᠤᠨ ᠲᠠᠯᠠ ᠥᠪᠡᠷ ᠡᠴᠡ ᠬᠠᠮᠢᠶᠠᠷᠬᠤ ᠪᠦᠬᠦ ᠠᠷᠭᠠ ᠬᠡᠮᠵᠢᠶᠡ ᠶ᠋ᠢ ᠠᠪᠴᠤ᠂ ᠲᠦᠷᠭᠡᠨ᠂ ᠰᠢᠭᠤᠷᠬᠠᠢ ᠠᠵᠢᠯᠯᠠᠬᠤ ᠬᠡᠷᠡᢉᠲᠡᠢ ᠪᠠᠢᠢᠭᠠ ᠶ᠋ᠢ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠣᠨᠴᠠᠯᠠᠨ ᠲᠡᠮᠳᠡᢉᠯᠡᠯᠡ᠃
