ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠤᠬᠤᠨᠠ ᠶ᠋ᠢᠨ ᠬᠦᠷᠡᠯᠰᠦ᠋ᠬᠡ ᠮᠣᠩ᠋ᠭᠣᠯ ᠤᠨ ᠓х᠓ ᠰᠠᠭᠰᠤᠨ ᠪᠥᠮᠪᠦᠭᠡ ᠶ᠋ᠢᠨ ᠦᠨᠳᠦᠰᠦᠨ ᠤ ᠰᠢᢉᠰᠢᠭᠡ ᠪᠠᠭ ᠤᠨ ᠲᠠᠮᠢᠷᠴᠢᠳ᠂ ᠪᠠᠭᠰᠢ᠂ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠶ᠋ᠢ ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠯᠠ᠃
ᠰᠢᠩ᠋ᠭᠠᠫᠦ᠋ᠷ ᠤᠯᠤᠰ ᠲᠤ ᠵᠣᠬᠢᠶᠠᠨ ᠪᠠᠢᠢᠭᠤᠯᠤᠭᠳᠠᠭᠰᠠᠨ FIBA ᠓х᠓ ᠰᠠᠭᠰᠤᠨ ᠪᠥᠮᠪᠦᠭᠡ ᠶ᠋ᠢᠨ ᠒᠐᠒᠓ ᠣᠨ ᠤ᠋ ᠠᠽᠢ ᠲᠢᠢᠪ ᠦ᠋ᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠳ᠋ᠦ ᠡᠷᠡᢉᠲᠡᠢ ᠒᠔᠂ ᠡᠮᠡᢉᠲᠡᠢ ᠑᠘ ᠪᠠᠭ ᠥᠷᠢᠰᠦᠯᠳᠦᢉᠰᠡᠨ ᠡᠴᠡ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠦᠨᠳᠦᠰᠦᠨ ᠤ ᠰᠢᢉᠰᠢᠭᠡ ᠡᠷᠡᢉᠲᠡᠢ ᠪᠠᠭ ᠑ ᠳ᠋ᠤᠭᠡᠷ ᠪᠠᠢᠢᠷᠢ᠂ ᠡᠮᠡᢉᠲᠡᠢ ᠪᠠᠭ ᠖ ᠳ᠋ᠤᠭᠠᠷ ᠪᠠᠢᠢᠷᠢᠨ ᠳ᠋ᠤ ᠣᠷᠤᠭᠰᠠᠨ ᠶᠤᠮ᠃
ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠲᠠᠮᠢᠷᠴᠢᠳ ᠪᠠᠭ ᠤᠨ ᠰᠫᠤᠷᠲ᠋ ᠢᠢᠠᠷ ᠲᠡᠦᠬᠡᠨ ᠠᠮᠵᠢᠯᠲᠠ ᠭᠠᠷᠭᠠᠵᠤ᠂ ᠠᠽᠢ ᠲᠢᠢᠪ ᠦ᠋ᠨ ᠬᠣᠱᠤᠢ ᠠᠪᠤᠷᠭᠤ ᠪᠣᠯᠤᠭᠰᠠᠨ ᠳ᠋ᠤ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠪᠠᠶᠠᠷ ᠬᠦᠷᠭᠡᠵᠦ᠂ ᠠᠷᠠᠳ ᠲᠦᠮᠡᠨ ᠤ ᠨᠡᠷᠡ ᠶ᠋ᠢᠨ ᠡᠮᠦᠨᠡ ᠡᠴᠡ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠪᠡ᠃
ᠮᠣᠩ᠋ᠭᠣᠯ ᠤᠨ ᠓х᠓ ᠰᠠᠭᠰᠤᠨ ᠪᠥ᠋ᠮᠪᠦᠭᠡ ᠶ᠋ᠢᠨ ᠰᠢᢉᠰᠢᠭᠡ ᠪᠠᠭ ᠤᠨ ᠪᠠᠭᠰᠢ᠂ ᠳᠠᠰᠬᠠᠯᠵᠢᠭᠤᠯᠤᠭᠴᠢ᠂ ᠲᠠᠮᠢᠷᠴᠢᠳ ᠤᠨ ᠨᠥᠷᠢ ᠶᠡᠬᠡ ᠬᠥᠳᠡᠯᠮᠦᠷᠢ ᠵᠢᠳᠬᠦᠯ᠂ ᠡᠪ ᠨᠢᠭᠡᠳᠦᠯ ᠦ᠋ᠨ ᠬᠦᠴᠦ ᠪᠡᠷ ᠲᠤᠰ ᠰᠫᠤᠷᠲ᠋ ᠲᠤ ᠠᠮᠵᠢᠯᠲᠠ ᠪᠠᠨ ᠠᠬᠢᠭᠤᠯᠵᠤ ᠴᠢᠳᠠᠨᠠ ᠭᠡᠳᠡᠭ ᠲᠦ ᠢᠲᠡᠭᠡᠯᠲᠡᠢ ᠪᠠᠢᠢᠭᠠ ᠪᠠᠨ ᠬᠡᠯᠡᠯᠡ᠃
ᠮᠣᠩ᠋ᠭᠣᠯ ᠤᠨ ᠰᠠᠭᠰᠤᠨ ᠪᠥᠮᠪᠦᠭᠡ ᠶ᠋ᠢᠨ ᠬᠣᠯᠪᠤᠭᠠᠨ ᠤ᠋ ᠶᠡᠷᠦᠩᠬᠡᠢᠢᠯᠡᢉᠴᠢ ᠭ᠂ ᠪᠠᠲᠤᠴᠡᠩᠭᠡᠯ ᠰᠠᠭᠰᠤᠨ ᠪᠥᠮᠪᠦᠭᠡ ᠶ᠋ᠢᠨ ᠬᠣᠯᠪᠤᠭᠠᠳ ᠤᠨ ᠠᠰᠠᠭᠤᠳᠠᠯ ᠴᠡᢉᠴᠡᠷᠡᠵᠦ᠂ ᠰᠠᠭᠰᠤᠴᠢᠳ ᠮᠣᠩ᠋ᠭᠣᠯ ᠭᠡᠳᠡᠭ ᠨᠡᠷᠡ ᠶ᠋ᠢᠨ ᠳᠣᠣᠷᠠ ᠨᠢᠭᠡᠳᠴᠦ ᠴᠢᠳᠠᠭᠰᠠᠨ ᠢᠢᠠᠷ ᠲᠢᠢᠪ᠂ ᠳᠡᠯᠡᠬᠡᠢ ᠶ᠋ᠢᠨ ᠲᠦᠪᠰᠢᠨ ᠳ᠋ᠦ ᠥᠨᠳᠦᠷ ᠠᠮᠵᠢᠯᠲᠠ ᠦᠵᠡᢉᠦᠯᠬᠦ ᠢᠲᠡᠭᠡᠯ ᠳᠦᢉᠦᠷᠡᠩ ᠪᠠᠢᠢᠭᠠ ᠶ᠋ᠢ ᠬᠡᠯᠡᠵᠦ᠂ ᠮᠣᠩ᠋ᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠳ᠋ᠦ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠪᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᢉᠴᠢ ᠓х᠓ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠦᠨᠳᠦᠰᠦᠨ ᠤ ᠰᠢᢉᠰᠢᠭᠡ ᠪᠠᠭ ᠤᠨ ᠲᠠᠮᠢᠷᠴᠢᠳ ᠤᠨ ᠣᠯᠢᠮᠫ ᠤᠨ ᠡᠷᠬᠡ ᠠᠪᠬᠤ᠂ ᠣᠨᠤᠭᠠ ᠴᠤᠭᠯᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠨᠦᢉᠦᠳ ᠲᠤᠷ ᠨᠢ ᠠᠮᠵᠢᠯᠲᠠ ᠬᠦᠰᠡ ᠡ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠓х᠓ ᠰᠠᠭᠰᠤᠨ ᠪᠥᠮᠪᠦᠭᠡ ᠢᠢᠨ ᠦᠨᠳᠦᠰᠦᠨ ᠤ ᠰᠢᢉᠰᠢᠭᠡ ᠡᠷᠡᢉᠲᠡᠢ ᠪᠠᠭ ᠳᠡᠯᠡᠬᠡᠢ ᠳ᠋ᠦ ᠕᠂ ᠠᠽᠢ ᠲᠢᠢᠪ ᠲᠦ ᠑ ᠳ᠋ᠤᠭᠡᠷ ᠪᠠᠢᠢᠷᠢ ᠳ᠋ᠤ᠂ ᠦᠨᠳᠦᠰᠦᠨ ᠤ ᠰᠢᢉᠰᠢᠭᠡ ᠡᠮᠡᢉᠲᠡᠢ ᠪᠠᠭ ᠳᠡᠯᠡᠬᠡᠢ ᠳ᠋ᠦ ᠑᠑᠂ ᠠᠽᠢ ᠲᠢᠢᠪ ᠲᠦ ᠓ ᠳ᠋ᠤᠭᠠᠷ ᠪᠠᠢᠢᠷᠢ ᠳ᠋ᠤ ᠡᠷᠢᠮᠪᠡᠯᠡᢉᠳᠡᠵᠦ ᠪᠠᠢᠢᠨᠠ᠃
