ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ 《ᠬᠦᠨᠡᠰᠦᠨ ᠦ ᠬᠠᠩ᠋ᠭᠠᠮᠵᠢ᠂ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠦ ᠬᠦᠷᠢᠶᠡᠨ ᠳᠤ ᠳᠠᠷᠬᠠᠨ-ᠠᠭᠤᠯᠠ ᠠᠢᠢᠮᠠᠭ ᠲᠤ ᠪᠠᠢᠢᠷᠢᠯᠠᠬᠤ ᠮᠠᠯ ᠤᠨ ᠤᠳᠤᠮ ᠤᠨ ᠰᠠᠩ ᠤᠨ ᠦᠨᠳᠦᠰᠦᠨ ᠦ ᠲᠥᠪ᠂ ᠬᠥᠳᠡᠭᠡ ᠠᠵᠤ ᠠᠬᠤᠢ ᠢᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠦᠨ ᠬᠠᠷᠢᠶᠠ ᠤᠷᠭᠤᠮᠠᠯ ᠭᠠᠵᠠᠷ ᠲᠠᠷᠢᠶᠠᠯᠠᠩ ᠤᠨ ᠬᠦᠷᠢᠶᠡᠯᠡᠩ ᠪᠣᠯᠤᠨ ᠲᠤᠰ ᠠᠢᠢᠮᠠᠭ ᠳ᠋ᠠᠬᠢ 《ᠤᠯᠠᠭᠠᠨᠪᠠᠭᠠᠲᠤᠷ ᠭᠤᠯᠢᠷ ᠬᠤᠪᠢᠴᠠᠭᠠᠲᠤ ᠺᠤᠮᠫᠠᠨᠢ ᠍ ᠳᠤ ᠠᠵᠢᠯᠯᠠᠯᠠ᠃
ᠮᠠᠯ ᠤᠨ ᠤᠳᠤᠮ ᠤᠨ ᠰᠠᠩ ᠤᠨ ᠦᠨᠳᠦᠰᠦᠨ ᠦ ᠲᠥᠪ ᠲᠤ 9᠂641 ᠲᠣᠯᠣᠭᠠᠢ ᠮᠠᠯ᠂ ᠠᠮᠢᠲᠠᠨ ᠪᠦᠷᠢᠳᠬᠡᠯ ᠲᠡᠢ ᠪᠠᠢᠢᠨᠠ
ᠮᠠᠯ ᠤᠨ ᠤᠳᠤᠮ ᠤᠨ ᠰᠠᠩ ᠤᠨ ᠦᠨᠳᠦᠰᠦᠨ ᠦ ᠲᠥᠪ 2022 ᠣᠨ ᠳᠤ ᠳᠣᠲᠣᠭᠠᠳᠤ ᠳᠤ ᠪᠠᠨ 22 ᠮᠢᠩ᠋ᠭᠠᠨ ᠲᠤᠩ ᠦᠷᠦ ᠦᠢᠯᠡᠳᠪᠦᠷᠢᠯᠡᠵᠦ᠂ ᠭᠠᠳᠠᠭᠠᠳᠤ ᠤᠯᠤᠰ ᠠᠴᠠ 16 ᠮᠢᠩ᠋ᠭᠠᠨ ᠲᠤᠩ ᠦᠷᠦ ᠢᠮᠫᠣᠷᠲ᠋ᠯᠠᠭᠰᠠᠨ ᠪᠠᠢᠢᠨᠠ᠃ ᠡᠨᠡ ᠵᠢᠯ 24 ᠮᠢᠩ᠋ᠭᠠᠨ ᠲᠤᠩ ᠦᠷᠦ ᠦᠢᠯᠡᠳᠪᠦᠷᠢᠯᠡᠵᠦ᠂ 1᠂000 ᠲᠤᠩ ᠦᠷᠦ ᠢᠮᠫᠤᠷᠲ᠋ᠯᠠᠬᠤ ᠶᠤᠮ᠃
ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳᠤ ᠥᠨᠳᠥᠷ ᠠᠰᠢᠭ ᠰᠢᠮᠡ ᠲᠡᠢ ᠮᠠᠯ ᠭᠠᠷᠭᠠᠨ ᠠᠪᠬᠤ᠂ ᠨᠢᠭᠡᠨ ᠵᠢᠭᠳᠡ ᠥᠩ᠋ᠭᠡ ᠲᠡᠢ 14᠂0-15᠂0 ᠮᠢᠺᠷᠣᠨ ᠨᠠᠷᠢᠨ ᠲᠠᠢ ᠨᠣᠯᠣᠤᠷ ᠥᠭᠳᠡᠭ ᠢᠮᠠᠭᠠ ᠣᠯᠠᠨ ᠢᠶᠠᠷ ᠦᠢᠯᠡᠳᠪᠦᠷᠢᠯᠡᠬᠦ᠂ ᠳᠤᠷᠠᠨ ᠤ ᠠᠷᠭᠠ ᠪᠠᠷ ᠵᠣᠬᠢᠶᠠᠮᠠᠯ ᠬᠡᠭᠡᠯᠲᠦᠭᠦᠯᠭᠡ ᠬᠢᠬᠦ ᠵᠡᠷᠭᠡ ᠲᠥᠰᠥᠯ ᠬᠡᠷᠡᠭᠵᠢᠭᠦᠯᠵᠦ ᠪᠠᠢᠢᠨᠠ᠃
2024 ᠣᠨ ᠭᠡᠬᠦ ᠳᠤ ᠮᠣᠩ᠋ᠭᠣᠯ ᠤᠯᠤᠰ ᠲᠤ ᠪᠠᠲᠤᠯᠠᠭᠠᠵᠢᠭᠰᠠᠨ 56 ᠡᠭᠦᠯᠳᠡᠷ᠂ ᠡᠭᠦᠯᠳᠡᠷ ᠦᠨ ᠬᠡᠰᠡᠭ᠂ ᠣᠮᠤᠭ ᠤᠨ ᠰᠲ᠋ᠠᠨᠳᠠᠷᠲ᠂ ᠱᠠᠭᠠᠷᠳᠠᠯᠭᠠ ᠳᠤ ᠲᠡᠩᠴᠡᠭᠰᠡᠨ ᠬᠡᠭᠡᠯᠲᠦᠭᠦᠯᠦᠭᠴᠢ ᠡᠴᠡ ᠦᠷᠡ ᠦᠢᠯᠡᠳᠪᠦᠷᠢᠯᠡᠨ ᠦᠨᠳᠦᠰᠦᠨ ᠦ ᠭᠧᠨᠢ ᠢᠢᠨ ᠰᠠᠩ ᠳᠤ ᠪᠦᠷᠢᠨ ᠬᠠᠳᠠᠭᠠᠯᠠᠵᠤ ᠳᠠᠭᠤᠰᠬᠤ ᠪᠠᠷ ᠲᠥᠯᠥᠪᠯᠡᠵᠡᠢ᠃
ᠲᠤᠰ ᠲᠥᠪ ᠦᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ 《ᠮᠠᠯ ᠤᠨ ᠦᠷᠡᠵᠢᠭᠦᠯᠦᠭ᠂ ᠪᠢᠣᠲ᠋ᠧᠭᠨᠣᠯᠣᠭᠢ ᠤᠨ ᠣᠯᠤᠯᠲᠠ ᠢᠢ ᠠᠰᠢᠭᠯᠠᠨ ᠲᠣᠭᠠᠨ ᠠᠴᠠ ᠴᠢᠨᠠᠷ ᠲᠤ ᠰᠢᠯᠵᠢᠵᠦ ᠪᠡᠯᠴᠢᠭᠡᠷ ᠨᠤᠲᠤᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠪᠦᠬᠦ ᠨᠡᠢᠢᠲᠡ ᠢᠢᠨ ᠠᠶᠠᠨ》 ᠍ ᠢᠢ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠰᠠᠨᠠᠭᠠᠴᠢᠯᠠᠭᠠ ᠪᠠᠷ ᠣᠷᠣᠨ ᠳᠠᠶᠠᠭᠠᠷ ᠥᠷᠨᠢᠭᠦᠯᠬᠦ ᠰᠠᠨᠠᠯ ᠭᠠᠷᠭᠠᠯᠠ᠃
ᠮᠥᠨ 2026 ᠣᠨ ᠠᠴᠠ ᠥᠪᠡᠷ ᠢᠶᠡᠨ ᠥᠪᠡᠷ ᠢ ᠪᠡᠨ ᠰᠠᠩᠬᠦᠵᠢᠭᠦᠯᠳᠡᠭ ᠬᠡᠯᠪᠡᠷᠢ ᠲᠤ ᠰᠢᠯᠵᠢᠭᠦᠯᠬᠦ ᠢᠢᠨ ᠲᠤᠯᠠᠳᠠ ᠮᠠᠯ ᠤᠨ ᠭᠧᠨᠧᠲ᠋ᠢᠭ ᠨᠥᠭᠡᠴᠡ ᠢᠢᠨ ᠲᠤᠬᠠᠢ ᠬᠠᠤᠯᠢ ᠳᠤ ᠨᠡᠮᠡᠯᠲᠡ ᠥᠭᠡᠷᠡᠴᠢᠯᠡᠯᠲᠡ ᠤᠷᠤᠭᠤᠯᠬᠤ᠂ ᠴᠥᠮ ᠰᠦᠷᠦᠭ ᠦᠨ ᠰᠠᠯᠪᠤᠷᠢ ᠨᠢᠭᠡᠴᠡ ᠢᠢ ᠪᠦᠬᠦ ᠠᠢᠢᠮᠠᠭ ᠲᠤ ᠪᠠᠢᠢᠭᠤᠯᠬᠤ ᠳᠤ ᠳᠡᠮᠵᠢᠯᠭᠡ ᠦᠵᠡᠭᠦᠯᠬᠦ ᠢᠢ ᠬᠦᠰᠡᠪᠡ᠃
ᠡᠯᠢᠲ ᠦᠷᠡ ᠢᠢᠨ ᠬᠠᠩ᠋ᠭᠠᠮᠵᠢ ᠢᠢ ᠨᠡᠮᠡᠭᠳᠡᠭᠦᠯᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠢᠢᠨᠠ
ᠤᠷᠭᠤᠮᠠᠯ ᠭᠠᠵᠠᠷ ᠲᠠᠷᠢᠶᠠᠯᠠᠩ ᠤᠨ ᠬᠦᠷᠢᠶᠡᠯᠡᠩ ᠨᠢ ᠦᠷᠡ ᠲᠠᠷᠢᠶᠠ᠂ ᠲᠥᠮᠥᠰᠥ᠂ ᠬᠦᠨᠡᠰᠦᠨ ᠦ ᠨᠣᠭᠣᠭᠠ᠂ ᠵᠢᠮᠢᠰ ᠵᠢᠮᠢᠰᠬᠡᠨᠡ᠂ ᠴᠢᠮᠡᠭᠯᠡᠯ᠂ ᠲᠧᠭᠨᠢᠭ ᠦᠨ ᠪᠣᠯᠤᠨ ᠲᠡᠵᠢᠭᠡᠯ ᠦᠨ ᠤᠷᠭᠤᠮᠠᠯ ᠤᠨ᠄
ᠰᠢᠨᠡ ᠲᠠᠷᠢᠮᠠᠯ᠂ ᠰᠣᠷᠲ ᠪᠦᠲᠦᠭᠡᠬᠦ
ᠭᠠᠳᠠᠭᠠᠳᠤ ᠢᠢᠨ ᠲᠠᠷᠢᠮᠠᠯ ᠰᠣᠷᠲ ᠨᠤᠲᠤᠭᠰᠢᠭᠤᠯᠬᠤ
ᠰᠢᠨᠡ ᠲᠠᠷᠢᠮᠠᠯ᠂ ᠰᠣᠷᠲ ᠲᠠᠷᠢᠶᠠᠯᠠᠬᠤ ᠲᠧᠭᠨᠣᠯᠣᠭᠢ ᠪᠣᠯᠪᠠᠰᠤᠷᠠᠭᠤᠯᠬᠤ
ᠲᠠᠷᠢᠮᠠᠯ ᠤᠷᠭᠤᠮᠠᠯ ᠪᠣᠷᠣᠳᠠᠬᠤ ᠲᠧᠭᠨᠣᠯᠣᠭᠢ
ᠧᠯᠢᠲ ᠦᠷᠡ᠂ ᠪᠤᠯᠴᠤᠤ᠂ ᠰᠠᠭᠤᠯᠭᠠᠴᠠ ᠦᠢᠯᠡᠳᠪᠦᠷᠢᠯᠡᠯ
ᠲᠠᠷᠢᠮᠠᠯ ᠤᠨ ᠭᠧᠨᠧᠲ᠋ᠢᠭ ᠨᠥᠭᠡᠴᠡ ᠢᠢ ᠬᠠᠮᠠᠭᠠᠯᠠᠬᠤ᠂ ᠪᠠᠶᠠᠵᠢᠭᠤᠯᠬᠤ
ᠲᠠᠷᠢᠮᠠᠯ ᠤᠷᠭᠤᠮᠠᠯ ᠤᠨ ᠪᠢᠣᠬᠢᠮᠢ ᠲᠧᠭᠨᠣᠯᠣᠭᠢ ᠢᠢᠨ ᠦᠨᠡᠯᠡᠭᠡ
ᠬᠥᠷᠦᠰᠦᠨ ᠦ ᠦᠷᠡᠵᠢᠯ ᠰᠢᠮᠡ ᠢᠢᠨ ᠲᠥᠯᠥᠪ ᠪᠠᠢᠢᠳᠠᠯ ᠲᠣᠭᠲᠠᠭᠠᠬᠤ᠂ ᠰᠡᠷᠭᠦᠭᠡᠬᠦ
ᠬᠥᠷᠦᠰᠦᠨ ᠦ ᠪᠢᠴᠢᠯ ᠪᠡᠶᠡᠲᠡᠨ ᠦ ᠰᠤᠳᠤᠯᠭᠠ᠂ ᠪᠣᠷᠳᠣᠭᠠ ᠦᠢᠯᠡᠳᠪᠦᠷᠢᠯᠡᠯ
ᠲᠠᠷᠢᠶᠠᠯᠠᠩᠴᠢᠳ ᠲᠤ ᠰᠤᠷᠭᠠᠯᠲᠠ᠂ ᠵᠥᠪᠡᠯᠭᠡ ᠥᠭ᠍ᠬᠦ ᠵᠡᠷᠭᠡ ᠦᠨᠳᠦᠰᠦᠨ ᠴᠢᠭ᠌ ᠡᠭᠦᠷᠭᠡ ᠲᠡᠢ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭᠤᠯᠳᠠᠭ᠃
ᠦᠷᠡ ᠲᠠᠷᠢᠶᠠᠨ ᠤ ᠰᠧᠯᠧᠺᠼ ᠦᠨ ᠰᠤᠳᠤᠯᠭᠠᠨ ᠤ ᠦᠷᠡ ᠳ᠋ᠦᠩ ᠳᠤ ᠦᠷᠡ ᠲᠠᠷᠢᠶᠠᠨ ᠤ 100 ᠭᠠᠷᠤᠢ ᠰᠢᠨᠡ ᠰᠣᠷᠲ ᠪᠦᠲᠦᠭᠡᠵᠦ᠂ 20 ᠣᠷᠴᠢᠮ ᠰᠣᠷᠲ ᠨᠤᠲᠤᠭᠰᠢᠭᠤᠯᠵᠤ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠨᠡᠪᠲᠡᠷᠡᠭᠦᠯᠦᠭᠰᠡᠨ ᠪᠠᠢᠢᠨᠠ᠃
ᠲᠥᠮᠦᠰᠦᠨ ᠦ ᠲᠠᠪᠤᠨ ᠰᠣᠷᠲ ᠰᠢᠨᠡ ᠪᠡᠷ ᠭᠠᠷᠭᠠᠨ᠂ 13 ᠰᠣᠷᠲ ᠨᠤᠲᠤᠭᠰᠢᠭᠤᠯᠵᠤ᠂ 15 ᠰᠣᠷᠲ ᠢ ᠢᠷᠡᠭᠡᠳᠦᠢ ᠲᠡᠢ ᠰᠣᠷᠲ ᠢᠶᠠᠷ ᠰᠢᠯᠭᠠᠷᠠᠭᠤᠯᠤᠨ ᠦᠢᠯᠡᠳᠪᠦᠷᠢᠯᠡᠯ ᠳᠤ ᠰᠢᠯᠵᠢᠭᠦᠯᠦᠭᠰᠡᠨ᠃ ᠰᠢᠨᠡ ᠰᠣᠷᠲ ᠤᠨ ᠲᠥᠮᠦᠰᠦᠨ ᠦ ᠤᠷᠭᠤᠴᠠ ᠤᠯᠤᠰ ᠤᠨ ᠳᠤᠮᠳᠠᠴᠢ ᠠᠴᠠ 15-30 ᠬᠤᠪᠢ ᠢᠯᠡᠭᠦᠦ ᠪᠠᠢᠢᠨᠠ᠃
ᠮᠥᠨ ᠬᠦᠨᠡᠰᠦᠨ ᠦ ᠨᠣᠭᠣᠭᠠᠨ ᠤ 68 ᠰᠣᠷᠲ᠂ ᠵᠢᠮᠢᠰ᠂ ᠵᠢᠮᠢᠰᠬᠡᠨᠡ ᠢᠢᠨ 50 ᠭᠠᠷᠤᠢ ᠰᠣᠷᠲ ᠢ ᠨᠤᠲᠤᠭᠰᠢᠭᠤᠯᠵᠤ᠂ ᠭᠣᠶᠣᠯ ᠴᠢᠮᠡᠭᠯᠡᠯ ᠦᠨ 5 ᠰᠣᠷᠲ ᠢ ᠲᠠᠷᠢᠮᠠᠯᠵᠢᠭᠤᠯᠤᠭᠰᠠᠨ ᠨᠢ ᠦᠷᠡ ᠳ᠋ᠦᠩ᠋ ᠪᠡᠨ ᠥᠭᠴᠡᠢ᠃
ᠲᠤᠰ ᠬᠦᠷᠢᠶᠡᠯᠡᠩ 25᠂000-30᠂000 ᠰᠣᠷᠲ ᠤᠨ ᠦᠷᠡ ᠢᠢ ᠳᠤᠮᠳᠠ ᠬᠤᠭᠤᠴᠠᠭᠠᠨ ᠤ ᠭᠣᠷᠢᠮ ᠢᠶᠠᠷ ᠬᠠᠳᠠᠭᠠᠯᠠᠬᠤ ᠬᠦᠴᠦᠨ ᠴᠢᠳᠠᠯ ᠲᠠᠢ ᠪᠥᠭᠡᠳ ᠤᠷᠲᠤ ᠬᠤᠭᠤᠴᠠᠭᠠᠨ ᠳᠤ ᠬᠠᠳᠠᠭᠠᠯᠠᠬᠤ ᠲᠥᠬᠥᠭᠡᠷᠦᠮᠵᠢ ᠳᠤ 10᠂000 ᠰᠣᠷᠲ ᠳᠡᠭᠡᠵᠢ ᠬᠠᠳᠠᠭᠠᠯᠠᠵᠤ ᠪᠠᠢᠢᠨᠠ᠃
ᠴᠢᠨᠠᠭᠰᠢᠳᠠ ᠰᠤᠳᠤᠯᠭᠠᠨ ᠤ ᠰᠠᠭᠤᠷᠢ ᠰᠠᠩᠬᠦᠵᠢᠯᠲᠠ ᠢᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠣᠭᠲᠠᠮᠠᠯ ᠣᠯᠭᠤᠳᠠᠭ ᠪᠠᠢᠢᠬᠤ᠂ ᠯᠠᠪᠤᠷᠠᠲ᠋ᠣᠷᠢ᠂ ᠪᠠᠭᠠᠵᠢ᠂ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ᠂ ᠲᠧᠭᠨᠢᠭ ᠬᠡᠷᠡᠭᠰᠡᠯ ᠢᠶᠡᠷ ᠬᠠᠩ᠋ᠭᠠᠬᠤ᠂ ᠰᠤᠳᠤᠯᠤᠭᠠᠴᠢᠳ ᠤᠨ ᠴᠠᠯᠢᠩ᠂ ᠬᠠᠩ᠋ᠭᠠᠮᠵᠢ᠂ ᠣᠷᠣᠨ ᠰᠠᠭᠤᠴᠠᠨ ᠤ ᠨᠥᠬᠥᠴᠡᠯ ᠢ ᠰᠠᠢᠢᠵᠢᠷᠠᠭᠤᠯᠬᠤ ᠵᠡᠷᠭᠡ ᠢᠢ ᠲᠥᠷᠥ ᠢᠢᠨ ᠪᠣᠳᠣᠯᠭᠠ ᠪᠠᠷ ᠳᠡᠮᠵᠢᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠪᠠᠢᠢᠨᠠ᠃
《ᠤᠯᠠᠭᠠᠨᠪᠠᠭᠠᠲᠤᠷ ᠭᠤᠯᠢᠷ》 ᠬᠤᠪᠢᠴᠠᠭᠠᠲᠤ ᠺᠤᠮᠫᠠᠨᠢ ᠳᠣᠲᠣᠭᠠᠳᠤ ᠢᠢᠨ ᠬᠡᠷᠡᠭᠴᠡᠭᠡ ᠢᠢ ᠬᠠᠩ᠋ᠭᠠᠵᠤ᠂ ᠤᠯᠠᠮ ᠢᠶᠠᠷ ᠡᠺᠰᠫᠣᠷᠲ ᠲᠤ ᠭᠠᠷᠭᠠᠨ
《ᠤᠯᠠᠭᠠᠨᠪᠠᠭᠠᠲᠤᠷ ᠭᠤᠯᠢᠷ》ᠬᠤᠪᠢᠴᠠᠭᠠᠲᠤ ᠺᠤᠮᠫᠠᠨᠢ 2001 ᠣᠨ ᠠᠴᠠ ᠬᠣᠢᠢᠰᠢ 1᠂000 ᠭᠠᠷᠤᠢ ᠲᠠᠷᠢᠶᠠᠯᠠᠩᠴᠢ ᠠᠴᠠ 812 ᠲᠡᠷᠪᠤᠮ ᠲᠥᠭᠥᠷᠢᠭ᠌ ᠦᠨ ᠤᠯᠠᠭᠠᠨᠪᠤᠭᠤᠳᠠᠢ ᠬᠤᠳᠠᠯᠳᠤᠨ ᠠᠪᠴᠤ᠂ 1.4 ᠰᠠᠶᠠ ᠲᠣᠨᠨ ᠤᠯᠠᠭᠠᠨᠪᠤᠭᠤᠳᠠᠢ ᠲᠡᠭᠡᠷᠮᠡᠳᠡᠭᠰᠡᠨ ᠪᠠᠢᠢᠨᠠ᠃
2012 ᠣᠨ ᠳᠤ ᠳᠠᠷᠬᠠᠨ-ᠠᠭᠤᠯᠠ ᠠᠢᠢᠮᠠᠭ ᠲᠤ ᠰᠠᠯᠪᠤᠷᠢ ᠦᠢᠯᠡᠳᠪᠦᠷᠢ ᠪᠡᠨ ᠠᠰᠢᠭᠯᠠᠯᠲᠠ ᠳᠤ ᠣᠷᠣᠭᠤᠯᠵᠤ 155 ᠬᠦᠮᠦᠨ ᠢ ᠲᠣᠭᠲᠠᠮᠠᠯ ᠠᠵᠢᠯ ᠤᠨ ᠪᠠᠢᠢᠷᠢ ᠪᠠᠷ ᠬᠠᠩ᠋ᠭᠠᠭᠰᠠᠨ. 《ᠣᠷᠣᠨ ᠰᠠᠭᠤᠴᠠ-I》 ᠬᠥᠲᠥᠯᠪᠦᠷᠢ ᠬᠡᠷᠡᠭᠵᠢᠭᠦᠯᠵᠦ 35 ᠠᠵᠢᠯᠲᠠᠨ ᠢ ᠬᠥᠩ᠋ᠭᠡᠯᠡᠯᠲᠡ ᠲᠡᠢ ᠨᠥᠬᠥᠴᠡᠯ ᠢᠶᠡᠷ ᠣᠷᠣᠨ ᠰᠠᠭᠤᠴᠠ ᠲᠠᠢ ᠪᠣᠯᠭᠠᠵᠤ᠂ 22 ᠬᠦᠮᠦᠨ ᠢ ᠣᠷᠣᠨ ᠰᠠᠭᠤᠴᠠ ᠪᠠᠷ ᠬᠠᠩ᠋ᠭᠠᠬᠤ ᠪᠠᠷ ᠬᠠᠮᠲᠤᠷᠠᠭᠴᠢ ᠠᠵᠤ ᠠᠬᠤᠢ ᠢᠢᠨ ᠨᠢᠭᠡᠴᠡ ᠲᠡᠢ ᠭᠡᠷᠡ ᠪᠠᠢᠢᠭᠤᠯᠵᠠᠢ᠃
ᠵᠠᠬᠠ ᠵᠡᠭᠡᠯᠢ ᠢᠢᠨ 34 ᠬᠤᠪᠢ ᠢᠢ ᠳᠠᠩ ᠢᠶᠠᠷ ᠬᠠᠩ᠋ᠭᠠᠳᠠᠭ ᠲᠤᠰ ᠺᠣᠮᠫᠠᠨᠢ ᠴᠢᠨᠠᠭᠰᠢᠳᠠ ᠳᠣᠲᠣᠭᠠᠳᠤ ᠢᠢᠨ ᠬᠡᠷᠡᠭᠴᠡᠭᠡ ᠢᠢ ᠪᠦᠷᠢᠨ ᠬᠠᠩ᠋ᠭᠠᠬᠤ ᠵᠣᠷᠢᠯᠲᠠ ᠲᠠᠯᠪᠢᠭᠰᠠᠨ ᠤ ᠵᠡᠷᠭᠡᠴᠡᠭᠡ ᠪᠦᠭᠦᠳᠡ ᠨᠠᠢᠢᠷᠠᠮᠳᠠᠬᠤ ᠬᠢᠲᠠᠳ ᠠᠷᠠᠳ ᠤᠯᠤᠰ ᠲᠤ ᠪᠦᠲᠦᠭᠡᠭ᠍ᠳᠡᠬᠦᠨ ᠢᠶᠡᠨ ᠨᠡᠢᠢᠯᠡᠭᠦᠯᠬᠦ ᠵᠥᠪᠰᠢᠶᠡᠷᠡᠯ ᠢ ᠲᠤᠰ ᠤᠯᠤᠰ ᠤᠨ ᠬᠣᠯᠪᠣᠭᠳᠠᠬᠤ ᠪᠠᠢᠢᠭᠤᠯᠤᠯᠭᠠ ᠠᠴᠠ ᠠᠪᠤᠭᠠᠳ ᠪᠠᠢᠢᠨᠠ᠃
