ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ᠂ ᠵᠡᠪᠰᠡᠭᠲᠦ ᠬᠦᠴᠦᠨ ᠦ ᠶᠡᠷᠦᠩᠬᠡᠢ ᠺᠣᠮᠠᠨᠳᠠᠯᠠᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠦᠶᠡᠷ᠂ ᠤᠰᠤᠨ ᠤ ᠨᠥᠬᠥᠴᠡᠯ ᠪᠠᠢᠢᠳᠠᠯ ᠲᠠᠢ ᠬᠣᠯᠪᠣᠭᠳᠠᠭᠤᠯᠤᠨ ᠲᠥᠷᠥ ᠢᠢᠨ ᠴᠡᠷᠢᠭ ᠦᠨ ᠪᠣᠯᠤᠨ ᠬᠠᠤᠯᠢ ᠰᠠᠬᠢᠭᠤᠯᠬᠤ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠤᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ ᠲᠠᠢ ᠠᠭᠤᠯᠵᠠᠪᠠ᠃
ᠠᠭᠤᠯᠵᠠᠯᠲᠠ ᠢᠢᠨ ᠡᠬᠢᠨ ᠳᠥ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠰᠢᠳᠠᠷ ᠰᠠᠢᠢᠳ᠂ ᠤᠯᠤᠰ ᠤᠨ ᠣᠨᠴᠤᠭᠤᠢ ᠺᠣᠮᠢᠰᠰ ᠤᠨ ᠳᠠᠷᠤᠭᠠ ᠰ᠂ ᠠᠮᠤᠷᠰᠠᠢᠢᠬᠠᠨ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ ᠬᠢᠵᠦ᠂ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠣᠷᠴᠢᠮ ᠳᠤ 2023 ᠣᠨ ᠤ 07 ᠳ᠋ᠤᠭᠠᠷ ᠰᠠᠷᠠ ᠢᠢᠨ 10᠍ ᠢ ᠬᠦᠷᠲᠡᠯᠡ ᠪᠣᠷᠣᠭᠠ ᠤᠷᠤᠬᠤ ᠤᠴᠢᠷ ᠡᠷᠦᠰᠳᠡᠯ ᠥᠨᠳᠥᠷ ᠬᠡᠪ ᠢᠶᠡᠷ ᠪᠠᠢᠢᠭᠠ ᠢᠢ ᠬᠡᠯᠡᠪᠡ᠃
ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠯᠤᠰ ᠤᠨ ᠣᠨᠴᠤᠭᠤᠢ ᠺᠣᠮᠢᠰᠰ ᠠᠴᠠ ᠲᠣᠭᠲᠠᠮᠠᠯ ᠮᠡᠳᠡᠭᠡᠯᠡᠯ ᠠᠪᠴᠤ ᠪᠠᠢᠢᠭᠠ ᠪᠠᠨ ᠬᠡᠯᠡᠭᠡᠳ᠂ ᠠᠪᠤᠷᠠᠨ ᠬᠠᠮᠠᠭᠠᠯᠠᠬᠤ᠂ ᠨᠡᠭᠦᠯᠭᠡᠨ ᠰᠢᠯᠵᠢᠭᠦᠯᠬᠦ᠂ ᠰᠡᠷᠭᠦᠭᠡᠨ ᠪᠣᠰᠬᠠᠬᠤ ᠳᠤ ᠬᠦᠴᠦ ᠨᠡᠮᠡᠨ ᠠᠵᠢᠯᠯᠠᠵᠤ ᠪᠠᠢᠢᠭᠠ ᠲᠥᠷᠥ ᠢᠢᠨ ᠴᠡᠷᠢᠭ ᠦᠨ ᠪᠣᠯᠤᠨ ᠬᠠᠤᠯᠢ ᠰᠠᠬᠢᠭᠤᠯᠬᠤ ᠪᠠᠢᠢᠭᠤᠯᠤᠯᠭᠠ ᠨᠤᠭᠤᠳ ᠤᠨ ᠤᠳᠤᠷᠢᠳᠤᠯᠭᠠ᠂ ᠪᠡᠶᠡ ᠪᠦᠷᠢᠯᠳᠦᠬᠦᠨ᠂ ᠠᠯᠪᠠ ᠬᠠᠭᠠᠭᠴᠢᠳ ᠴᠢᠨᠠᠭᠰᠢᠳᠠ ᠠᠩᠬᠠᠷᠠᠬᠤ ᠵᠦᠢᠯᠡᠰ ᠦᠨ ᠲᠠᠯᠠ ᠪᠠᠷ ᠡᠭᠦᠷᠭᠡ᠂ ᠴᠢᠭᠯᠡᠯ ᠥᠭ᠍ᠪᠡ᠃
ᠶᠠᠭᠤᠨ ᠤ ᠡᠮᠦᠨᠡ ᠬᠦᠮᠦᠨ ᠦ ᠠᠮᠢ ᠨᠠᠰᠤ ᠡᠷᠥᠰᠳᠡᠬᠦ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ ᠳᠥ ᠣᠨᠴᠤᠭᠤᠢ ᠠᠩᠬᠠᠷᠬᠤ᠂ ᠰᠡᠲᠡᠷᠡᠭᠰᠡᠨ ᠳᠠᠯᠠᠨ ᠢ ᠰᠡᠷᠭᠦᠭᠡᠨ ᠵᠠᠰᠠᠪᠤᠷᠢᠯᠠᠬᠤ᠂ ᠬᠦᠴᠦᠳᠭᠡᠬᠦ᠂ ᠭᠤᠳᠤᠮᠵᠢ᠂ ᠵᠠᠮ᠂ ᠲᠠᠯᠠᠪᠠᠢ᠂ ᠣᠷᠣᠨ ᠰᠠᠭᠤᠴᠠ᠂ ᠪᠠᠷᠢᠯᠭᠠ᠂ ᠪᠠᠢᠢᠭᠤᠯᠤᠮᠵᠢ ᠳᠤ ᠠᠷᠢᠭᠤᠳᠬᠠᠯ᠂ ᠬᠠᠯᠳᠠᠪᠤᠷᠢᠭᠦᠢᠢᠵᠢᠭᠦᠯᠦᠯᠲᠡ ᠢᠢ ᠴᠢᠨᠠᠷ ᠤᠨ ᠥᠨᠳᠥᠷ ᠲᠦᠪᠰᠢᠨ ᠳᠥ ᠬᠢᠬᠦ᠂ ᠴᠠᠬᠢᠯᠭᠠᠨ ᠰᠲ᠋ᠠᠨᠼ ᠵᠡᠷᠭᠡ ᠤᠯᠤᠰ ᠤᠨ ᠣᠨᠴᠤᠭᠤᠢ ᠣᠪᠢᠶᠧᠺᠲ ᠦᠶᠡᠷ᠂ ᠤᠰᠤᠨ ᠤ ᠠᠶᠤᠯ ᠳᠤ ᠥᠷᠲᠥᠬᠦ ᠡᠴᠡ ᠰᠡᠷᠭᠡᠢᠢᠯᠡᠬᠦ᠂ ᠢᠷᠭᠡᠳ᠂ ᠪᠠᠢᠢᠭᠤᠯᠤᠯᠭᠠ᠂ ᠠᠵᠤ ᠠᠬᠤᠢ ᠢᠢᠨ ᠨᠢᠭᠡᠴᠡ ᠢᠢᠨ ᠡᠳ᠋ ᠬᠥᠷᠥᠩ᠋ᠭᠡ ᠢᠢ ᠠᠪᠤᠷᠠᠨ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠴᠢᠭᠯᠡᠯ ᠢᠶᠡᠷ ᠤᠯᠠᠮ ᠡᠷᠴᠢᠮᠲᠡᠢ ᠠᠵᠢᠯᠯᠠᠬᠤ ᠢᠢ ᠡᠭᠦᠷᠭᠡ ᠪᠣᠯᠭᠠᠯᠠ᠃
ᠮᠥᠨ ᠦᠶᠡᠷ ᠲᠥ ᠥᠷᠲᠥᠵᠦ ᠣᠷᠣᠨ ᠭᠡᠷ ᠦᠭᠡᠢ ᠪᠣᠯᠤᠭᠰᠠᠨ ᠢᠷᠭᠡᠳ᠂ ᠢᠯᠠᠩ᠋ᠭᠤᠶᠠ ᠥᠨᠳᠥᠷ ᠨᠠᠰᠤᠲᠠᠨ᠂ ᠵᠢᠷᠮᠦᠰᠦᠨ ᠡᠬᠡ᠂ ᠬᠡᠦᠬᠡᠳ᠂ ᠬᠥᠭ᠍ᠵᠢᠯ ᠦᠨ ᠪᠡᠷᠬᠡᠰᠢᠶᠡᠯ ᠲᠡᠢ ᠢᠷᠭᠡᠳ ᠲᠥ ᠱᠠᠭᠠᠷᠳᠠᠯᠭᠠ ᠲᠠᠢ ᠲᠤᠰᠠᠯᠠᠮᠵᠢ᠂ ᠦᠢᠯᠡᠴᠢᠯᠡᠭᠡ ᠢᠢ ᠲᠤᠰ ᠲᠤᠰ ᠤᠨ ᠱᠤᠭᠤᠮ ᠢᠶᠠᠷ ᠲᠤᠬᠠᠢ ᠪᠦᠷᠢ ᠰᠢᠭᠤᠷᠬᠠᠢ ᠦᠵᠡᠭᠦᠯᠵᠦ ᠪᠠᠢᠢᠬᠤ ᠢᠢ ᠴᠢᠭᠯᠡᠯ ᠪᠣᠯᠭᠠᠪᠠ᠃
ᠬᠤᠯᠠᠭᠠᠢ ᠢᠢᠨ ᠭᠡᠮᠲᠦ ᠬᠡᠷᠡᠭ ᠡᠴᠡ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ᠂ ᠴᠠᠭ ᠠᠭᠠᠷ ᠤᠨ ᠤᠷᠢᠳᠴᠢᠯᠠᠨ ᠰᠡᠷᠭᠡᠢᠢᠯᠡᠬᠦ ᠮᠡᠳᠡᠭᠡ᠂ ᠮᠡᠳᠡᠭᠡᠯᠡᠯ ᠢ ᠢᠷᠭᠡᠳ ᠲᠥ ᠪᠦᠬᠦ ᠰᠤᠪᠠᠭ ᠢᠶᠠᠷ ᠬᠦᠷᠭᠡᠵᠦ ᠪᠠᠢᠢᠬᠤ ᠢᠢ ᠰᠠᠨᠠᠭᠤᠯᠤᠯᠠ᠃
4᠂800 ᠭᠠᠷᠤᠢ ᠠᠵᠢᠯᠲᠠᠨ᠂ ᠠᠯᠪᠠ ᠬᠠᠭᠠᠭᠴᠢ ᠡᠭᠦᠷᠭᠡ ᠭᠦᠢᠴᠡᠳᠭᠡᠵᠦ ᠪᠠᠢᠢᠨᠠ
2023 ᠣᠨ ᠤ 07 ᠳ᠋ᠤᠭᠠᠷ ᠰᠠᠷᠠ ᠢᠢᠨ 07 ᠍ ᠤ ᠡᠳᠦᠷ ᠦᠨ 08.00 ᠴᠠᠭ ᠤᠨ ᠪᠠᠢᠢᠳᠠᠯ ᠢᠶᠠᠷ ᠨᠡᠢᠢᠰᠯᠡᠯ ᠦᠨ ᠬᠠᠨ ᠠᠭᠤᠯᠠ ᠳᠡᠭᠦᠷᠭᠡ᠂ ᠰᠣᠩ᠋ᠭᠢᠨᠠ ᠬᠠᠢᠢᠷᠬᠠᠨ ᠳᠡᠭᠦᠷᠭᠡ᠂ ᠰᠦᠬᠡᠪᠠᠭᠠᠲᠤᠷ ᠳᠡᠭᠦᠷᠭᠡ᠂ ᠪᠠᠶᠠᠨᠵᠢᠷᠦᠬᠡ ᠳᠡᠭᠦᠷᠭᠡ᠂ ᠪᠠᠶᠠᠩᠭ᠋ᠤᠤᠯ ᠳᠡᠭᠦᠷᠭᠡ ᠂ ᠴᠢᠩ᠋ᠭᠢᠯ ᠲᠡᠢ ᠳᠡᠭᠦᠷᠭᠡ ᠦᠨ 18 ᠪᠠᠢᠢᠷᠢᠰᠢᠯ ᠳᠤ ᠨᠡᠢᠢᠰᠯᠡᠯ᠂ ᠳᠡᠭᠦᠷᠭᠡ ᠢᠢᠨ ᠭᠠᠮᠰᠢᠭ ᠠᠴᠠ ᠬᠠᠮᠠᠭᠠᠯᠠᠬᠤ ᠠᠯᠪᠠ᠂ ᠮᠡᠷᠭᠡᠵᠢᠯ ᠦᠨ ᠠᠩ᠋ᠭᠢ᠂ ᠨᠤᠲᠤᠭ ᠤᠨ ᠵᠠᠬᠢᠷᠭᠠ᠂ ᠲᠥᠷᠥ ᠢᠢᠨ ᠴᠡᠷᠢᠭ ᠦᠨ ᠪᠣᠯᠤᠨ ᠲᠤᠰᠬᠠᠢᠢᠯᠠᠭᠰᠠᠨ ᠴᠢᠭ᠌ ᠡᠭᠦᠷᠭᠡ ᠢᠢᠨ ᠪᠠᠢᠢᠭᠤᠯᠤᠯᠭᠠ ᠢᠢᠨ 4᠂800 ᠭᠠᠷᠤᠢ ᠠᠵᠢᠯᠲᠠᠨ᠂ ᠠᠯᠪᠠ ᠬᠠᠭᠠᠭᠴᠢ 403 ᠲᠧᠭᠨᠢᠭ ᠲᠡᠢ ᠡᠭᠦᠷᠭᠡ ᠭᠦᠢᠴᠡᠳᠭᠡᠵᠦ ᠪᠠᠢᠢᠨᠠ᠃
ᠦᠶᠡᠷ ᠦᠨ ᠤᠰᠤ ᠬᠠᠯᠢᠭᠰᠠᠨ ᠪᠠᠢᠢᠷᠢᠰᠢᠯ ᠤᠳ ᠲᠤ 80 ᠮᠢᠩ᠋ᠭᠠ ᠣᠷᠴᠢᠮ ᠰᠢᠭᠤᠳᠠᠢ᠂ 900 ᠮᠧᠲᠷ ᠺᠤᠢᠪ ᠡᠯᠡᠰᠦ ᠢᠢ 300 ᠣᠷᠴᠢᠮ ᠮᠠᠰᠢᠨ ᠮᠧᠾᠠᠨᠢᠽᠮ ᠢᠶᠠᠷ ᠬᠠᠢᠢᠷᠭᠤ᠂ ᠰᠢᠷᠣᠢ ᠪᠠᠭᠤᠯᠭᠠᠵᠤ᠂ ᠭᠣᠣᠯ ᠤᠨ ᠳᠠᠯᠠᠨ ᠢ ᠥᠨᠳᠥᠷᠯᠡᠵᠦ᠂ ᠬᠦᠴᠦᠳᠭᠡᠵᠡᠢ᠃
108 ᠪᠠᠷᠢᠯᠭᠠ᠂ ᠪᠠᠢᠢᠭᠤᠯᠤᠮᠵᠢ ᠢᠢᠨ ᠵᠣᠭᠤᠷᠢ ᠤᠨ ᠤᠰᠤ ᠢᠢ ᠰᠣᠷᠣᠭᠤᠯᠵᠤ ᠪᠠᠢᠢᠭᠠ ᠪᠥᠭᠡᠳ ᠪᠠᠶᠠᠨᠵᠢᠷᠦᠬᠡ ᠳᠡᠭᠦᠷᠭᠡ ᠲᠥ ᠤᠰᠤ ᠰᠣᠷᠣᠭᠤᠯᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ 27 ᠪᠠᠷᠢᠯᠭᠠ᠂ ᠪᠠᠢᠢᠭᠤᠯᠤᠮᠵᠢ ᠪᠠᠢᠢᠨᠠ᠃
ᠵᠠᠷᠢᠮ ᠠᠦ᠋ᠲ᠋ᠣᠵᠠᠮ᠂ ᠭᠦᠭᠦᠷᠭᠡ ᠢᠢᠨ ᠬᠥᠳᠡᠯᠭᠡᠭᠡᠨ ᠢ ᠬᠡᠰᠡᠭᠴᠢᠯᠡᠨ ᠬᠠᠭᠠᠭᠰᠠᠨ ᠬᠡᠪ ᠢᠶᠡᠷ ᠪᠠᠢᠢᠨᠠ
11 ᠠᠦ᠋ᠲ᠋ᠣᠵᠠᠮ ᠪᠣᠯᠤᠨ ᠵᠠᠷᠢᠮ ᠬᠣᠲᠠᠬᠠᠨ ᠤᠰᠤᠨ ᠳᠤ ᠠᠪᠲᠠᠭᠰᠠᠨ ᠲᠤᠯᠠ ᠪᠠᠢᠢᠳᠠᠯ ᠲᠣᠭᠲᠠᠪᠤᠷᠢᠵᠢᠬᠤ ᠬᠦᠷᠲᠡᠯᠡ ᠬᠤᠭᠤᠴᠠᠭᠠᠨ ᠳᠤ᠄
ᠪᠠᠶᠠᠨᠵᠢᠷᠦᠬᠡ ᠳᠡᠭᠦᠷᠭᠡ ᠦᠨ 1᠂ 25 ᠳ᠋ᠤᠭᠠᠷ ᠬᠣᠷᠢᠶᠠ ᠪᠤᠶᠤ ᠵᠠᠮ᠂ ᠲᠡᠭᠡᠭᠡᠪᠦᠷᠢ ᠢᠢᠨ ᠬᠥᠭᠵᠢᠯ ᠦᠨ ᠶᠠᠮᠤᠨ ᠤ ᠠᠭᠤᠯᠵᠠᠪᠤᠷᠢ ᠠᠴᠠ 《ᠨᠠᠷᠠᠨᠲᠤᠭᠤᠯ》 ᠬᠤᠳᠠᠯᠳᠤᠭᠠᠨ ᠤ ᠲᠥᠪ ᠬᠦᠷᠲᠡᠯᠡᠬᠢ ᠨᠠᠷᠠᠨ ᠤ ᠵᠠᠮ᠂
ᠬᠠᠨ ᠠᠭᠤᠯᠠ ᠳᠡᠭᠦᠷᠭᠡ ᠍ ᠦᠨ 3 ᠳ᠋ᠤᠭᠠᠷ ᠬᠣᠷᠢᠶᠠ ᠮᠧᠬᠠᠨᠢᠭ ᠲᠡᠭᠡᠭᠡᠪᠦᠷᠢ ᠢᠢᠨ ᠰᠤᠷᠭᠠᠭᠤᠯᠢ ᠢᠢᠨ ᠠᠭᠤᠯᠵᠠᠪᠤᠷᠢ ᠠᠴᠠ 3 ᠳ᠋ᠤᠭᠠᠷ ᠴᠠᠬᠢᠯᠭᠠᠨ ᠰᠲ᠋ᠠᠨᠼ /ТЭЦ-3/ ᠍ ᠢᠢᠨ ᠠᠭᠤᠯᠵᠠᠪᠤᠷᠢ ᠬᠦᠷᠲᠡᠯᠡᠬᠢ ᠦᠢᠯᠡᠳᠪᠦᠷᠢ ᠢᠢᠨ ᠭᠤᠳᠤᠮᠵᠢ᠂
ᠫᠠᠷᠢᠰ ᠤᠨ ᠭᠤᠳᠤᠮᠵᠢ /S’Outlet/
ᠠᠯᠲᠠᠢ ᠬᠣᠲᠠᠬᠠᠨ ᠣᠷᠴᠢᠮ ᠪᠣᠯᠤᠨ ᠤᠷᠳᠤ ᠲᠠᠯᠠ ᠢᠢᠨ ᠬᠣᠶᠠᠷ ᠭᠦᠭᠦᠷᠭᠡ ᠢᠢᠨ ᠬᠥᠳᠡᠯᠭᠡᠭᠡᠨ ᠢ ᠬᠡᠰᠡᠭᠴᠢᠯᠡᠨ ᠬᠠᠭᠠᠭᠠᠳ ᠪᠠᠢᠢᠨᠠ᠃
11 ᠪᠠᠢᠢᠷᠢᠰᠢᠯ ᠳᠤ ᠭᠤᠳᠤᠮᠵᠢ᠂ ᠵᠠᠮ᠂ ᠲᠠᠪᠤᠨ 5 ᠨᠦᠬᠡᠨ ᠭᠠᠷᠴᠠ ᠤᠰᠤᠨ ᠳᠤ ᠠᠪᠲᠠᠭᠰᠠᠨ ᠪᠥᠭᠡᠳ ᠨᠠᠷᠠᠨ ᠤ ᠵᠠᠮ ᠢ ᠷ ∙ ᠭᠠᠨᠳᠢ ᠢᠢᠨ ᠵᠠᠮ ᠲᠠᠢ ᠬᠣᠯᠪᠣᠭᠰᠠᠨ ᠲᠦᠷᠢ ᠵᠠᠮ ᠢ ᠰᠡᠲᠡᠯᠵᠦ᠂ ᠭᠤᠷᠪᠠᠨ ᠪᠠᠢᠢᠷᠢᠰᠢᠯ ᠳᠤ ᠳᠤᠮᠳᠠ ᠭᠣᠣᠯ ᠤᠨ ᠭᠣᠣᠯᠢᠵᠢᠷᠠᠯ ᠢ ᠥᠷᠭᠡᠰᠬᠡᠨ᠂ ᠤᠷᠤᠰᠠᠴᠠ ᠢᠢ ᠰᠠᠢᠢᠵᠢᠷᠠᠭᠤᠯᠤᠭᠰᠠᠨ ᠢᠶᠠᠷ ᠡᠷᠦᠰᠳᠡᠯ ᠪᠠᠭᠤᠷᠠᠵᠠᠢ᠃
ᠬᠡᠷᠡᠭᠯᠡᠭᠴᠢᠳ ᠦᠨ ᠡᠷᠴᠢᠮ ᠬᠦᠴᠦᠨ ᠦ ᠬᠠᠩ᠋ᠭᠠᠮᠵᠢ ᠢᠢ ᠰᠡᠷᠭᠦᠭᠡᠵᠦ ᠪᠠᠢᠢᠨᠠ
ᠪᠣᠯᠵᠣᠰᠢ ᠦᠭᠡᠢ ᠡᠷᠦᠰᠳᠡᠯ ᠡᠴᠡ ᠰᠡᠷᠭᠡᠢᠢᠯᠡᠵᠦ ᠲᠥᠪ ᠦᠨ ᠵᠢᠷᠭᠤᠭᠠᠨ ᠳᠡᠭᠦᠷᠭᠡ ᠢᠢᠨ 52 ᠮᠢᠩ᠋ᠭᠠ ᠭᠠᠷᠤᠢ ᠬᠡᠷᠡᠭᠯᠡᠭᠴᠢ ᠢᠢᠨ ᠴᠠᠬᠢᠯᠭᠠᠨ ᠢ ᠲᠦᠷᠢ ᠲᠠᠰᠤᠯᠤᠭᠰᠠᠨ᠃
ᠡᠭᠦᠨ ᠡᠴᠡ ᠰᠦᠬᠡᠪᠠᠭᠠᠲᠤᠷ ᠳᠡᠭᠦᠷᠭᠡ ᠢᠢᠨ 14᠂ 15᠂ 17᠂ 19 ᠳᠦᠭᠡᠷ ᠬᠣᠷᠢᠶᠠ-ᠰᠠᠯᠬᠢ ᠳᠤ᠂ ᠳᠠᠮᠪᠠᠳᠠᠷᠵᠢᠶᠠ᠂ ᠰᠢᠷᠭᠠᠮᠣᠷᠢ ᠳᠤ᠂ ᠴᠢᠩ᠋ᠭᠢᠯ ᠲᠡᠢ ᠳᠡᠭᠦᠷᠭᠡ ᠦᠨ 18᠂ 19 ᠳ᠋ᠦᠭ ᠢᠶᠡᠷ ᠬᠣᠷᠢᠶᠠ-ᠱᠠᠳᠢᠪᠯᠠᠨ᠂ ᠵᠢᠭᠵᠢᠳ᠂ ᠳ᠋ᠣᠣ ᠳᠤ ᠰᠠᠯᠬᠢ ᠳᠤ᠂ ᠪᠠᠶᠠᠨᠵᠢᠷᠦᠬᠡ ᠳᠡᠭᠦᠷᠭᠡ ᠢᠢᠨ 21᠂ 27 ᠳ᠋ᠤᠭᠠᠷ ᠬᠣᠷᠢᠶᠠ-ᠳᠠᠷᠢ-ᠡᠬᠡ᠂ ᠭᠠᠭᠴᠠ ᠬᠤᠳᠳᠤᠭ ᠣᠷᠴᠢᠮ ᠤᠨ 32 ᠮᠢᠩ᠋ᠭᠠ ᠭᠠᠷᠤᠢ ᠬᠡᠷᠡᠭᠯᠡᠭᠴᠢ ᠢᠢᠨ ᠴᠠᠬᠢᠯᠭᠠᠨ ᠬᠠᠩ᠋ᠭᠠᠮᠵᠢ ᠢᠢ ᠰᠡᠷᠭᠦᠭᠡᠭᠡᠳ ᠪᠠᠢᠢᠨᠠ᠃
ᠣᠳᠣ ᠪᠠᠷ 20 ᠣᠷᠴᠢᠮ ᠮᠢᠩ᠋ᠭᠠᠨ ᠬᠡᠷᠡᠭᠯᠡᠭᠴᠢ ᠡᠷᠴᠢᠮ ᠬᠦᠴᠢ ᠦᠭᠡᠢ ᠪᠠᠢᠢᠨᠠ᠃
100 ᠭᠠᠷᠤᠢ ᠠᠢᠢᠯ ᠡᠷᠦᠬᠡ ᠢᠢ ᠨᠡᠭᠦᠯᠭᠡᠨ ᠰᠢᠯᠵᠢᠭᠦᠯᠵᠡᠢ
ᠴᠢᠩ᠋ᠭᠢᠯ ᠲᠡᠢ ᠳᠡᠭᠦᠷᠭᠡ ᠦᠨ 53᠂ ᠰᠦᠬᠡᠪᠠᠭᠠᠲᠤᠷ ᠳᠡᠭᠦᠷᠭᠡ ᠦᠨ 52 ᠠᠢᠢᠯ ᠡᠷᠦᠬᠡ ᠢᠢ ᠨᠡᠭᠦᠯᠭᠡᠨ ᠰᠢᠯᠵᠢᠭᠦᠯᠦᠭᠰᠡᠨ ᠪᠥᠭᠡᠳ ᠨᠡᠭᠦᠯᠭᠡᠨ ᠰᠢᠯᠵᠢᠭᠦᠯᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠠᠢᠢᠯ ᠡᠷᠦᠬᠡ ᠴᠢᠩ᠋ᠭᠢᠯ ᠲᠡᠢ ᠳᠡᠭᠦᠷᠭᠡ ᠳᠦ 90 ᠭᠠᠷᠤᠢ᠂ ᠰᠦᠬᠡᠪᠠᠭᠠᠲᠤᠷ ᠳᠡᠭᠦᠷᠭᠡ ᠳᠦ 17᠂ ᠰᠣᠩ᠋ᠭᠢᠨᠠ ᠬᠠᠢᠢᠷᠬᠠᠨ ᠳᠡᠭᠦᠷᠭᠡ ᠍ ᠳᠦ 20 ᠪᠠᠢᠢᠨᠠ᠃
ᠲᠡᠷᠡᠯᠵᠢ᠂ ᠤᠯᠢᠶᠠᠰᠤᠲᠠᠢ᠂ ᠰᠡᠯᠪᠢ᠂ ᠲᠤᠭᠤᠯ ᠭᠣᠣᠯ ᠤᠨ ᠤᠰᠤᠨ ᠤ ᠲᠦᠪᠰᠢᠨ ᠦ ᠥᠭᠡᠷᠡᠴᠢᠯᠡᠯᠲᠡ ᠢᠢ ᠲᠣᠭᠲᠠᠮᠠᠯ ᠬᠡᠮᠵᠢᠵᠦ᠂ ᠬᠢᠨᠠᠵᠤ ᠪᠠᠢᠢᠨᠠ᠃
ᠲᠤᠭᠤᠯ ᠭᠣᠣᠯ ᠤᠨ ᠤᠰᠤᠨ ᠤ ᠲᠦᠪᠰᠢᠨ ᠨᠡᠮᠡᠭᠳᠡᠭᠰᠡᠨ ᠤᠴᠢᠷ ᠲᠣᠮᠣ ᠣᠪᠣᠷ ᠤᠨ 100 ᠠᠦ᠋ᠲ᠋ᠣᠮᠠᠰᠢᠨ ᠢᠶᠠᠷ ᠡᠯᠡᠰᠦ᠂ ᠬᠠᠢᠢᠷᠭᠤ ᠲᠠᠲᠠᠨ᠂ ᠬᠠᠨ-ᠬᠢᠯᠢᠰ᠂ ᠷᠢᠤᠧᠷ ᠭᠠᠷᠳᠧᠨ ᠣᠷᠴᠢᠮ ᠤᠨ ᠭᠠᠵᠠᠷ ᠲᠤ 250 ᠤᠷᠲᠤ ᠮᠧᠲ᠋ᠷ ᠳᠠᠯᠠᠨ ᠢ ᠨᠥᠬᠥᠨ ᠰᠡᠷᠭᠦᠭᠡᠬᠦ ᠪᠡᠯᠡᠳᠬᠡᠯ ᠢᠶᠡᠨ ᠬᠠᠩ᠋ᠭᠠᠵᠠᠢ᠃
ᠦᠶᠡᠷ ᠦᠨ ᠬᠣᠣᠷ ᠤᠷᠰᠢᠭ ᠢ ᠠᠷᠢᠯᠭᠠᠬᠤ᠂ ᠬᠠᠷᠢᠭᠤ ᠠᠷᠭᠠ ᠬᠡᠮᠵᠢᠶᠡᠨ ᠳᠦ ᠨᠡᠢᠢᠰᠯᠡᠯ ᠦᠨ ᠵᠠᠰᠠᠭ ᠳᠠᠷᠤᠭᠠ ᠢᠢᠨ ᠨᠥᠭᠡᠴᠡ ᠬᠥᠷᠥᠩ᠋ᠭᠡ ᠡᠴᠡ 2.6 ᠲᠡᠷᠪᠤᠮ ᠲᠥᠭᠥᠷᠢᠭ ᠵᠠᠷᠤᠴᠠᠭᠤᠯᠤᠭᠠᠳ ᠪᠠᠢᠢᠨᠠ᠃