ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ ᠢᠢᠨ ᠰᠠᠨᠠᠭᠠᠴᠢᠯᠠᠭᠠ ᠪᠠᠷ ᠬᠥᠪᠰᠥᠭᠥᠯ ᠨᠠᠭᠤᠷ ᠤᠨ ᠡᠺᠣ ᠰᠢᠰᠲ᠋ᠧᠮ ᠢ ᠬᠠᠮᠠᠭᠠᠯᠠᠬᠤ᠂ ᠨᠠᠭᠤᠷ ᠤᠨ ᠢᠷᠤᠭᠠᠷ ᠤᠨ ᠠᠶᠤᠯᠲᠠᠢ ᠬᠣᠭ ᠬᠠᠶᠠᠭᠳᠠᠯ ᠢ ᠴᠡᠪᠡᠷᠯᠡᠬᠦ᠂ ᠪᠣᠬᠢᠷᠳᠠᠯ ᠢ ᠪᠠᠭᠤᠷᠠᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ ᠵᠢᠪᠬᠥᠭ᠍ᠰᠡᠨ ᠲᠡᠭᠡᠭᠡᠪᠦᠷᠢ ᠢᠢᠨ ᠬᠡᠷᠡᠭᠰᠡᠯ ᠢ ᠢᠯᠡᠷᠡᠭᠦᠯᠬᠦ᠂ ᠪᠠᠢᠢᠷᠢᠰᠢᠯ ᠢ ᠲᠣᠭᠲᠠᠭᠠᠬᠤ᠂ ᠲᠠᠲᠠᠨ ᠭᠠᠷᠭᠠᠬᠤ ᠠᠵᠢᠯᠯᠠᠭᠠ ᠢᠢ ᠡᠨᠡ ᠣᠨ ᠤ ᠵᠢᠷᠭᠤᠭᠠᠳᠤᠭᠠᠷ ᠰᠠᠷᠠ ᠠᠴᠠ ᠡᠬᠢᠯᠡᠨ ᠵᠣᠬᠢᠶᠠᠨ ᠪᠠᠢᠢᠭᠤᠯᠵᠤ ᠪᠠᠢᠢᠨᠠ᠃
ᠲᠠᠲᠠᠨ ᠭᠠᠷᠭᠠᠬᠤ ᠠᠵᠢᠯᠯᠠᠭᠠᠨ ᠳᠤ ᠠᠰᠢᠭᠯᠠᠬᠤ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠢᠢ ᠮᠣᠩ᠋ᠭᠣᠯ ᠡᠷᠳᠡᠮᠲᠡᠳ᠂ ᠵᠦᠪᠯᠡᠬᠦ ᠢᠨᠵᠧᠨᠧᠷ ᠦᠳ ᠵᠣᠬᠢᠶᠠᠨ ᠪᠦᠲᠦᠭᠡᠭ᠍ᠰᠡᠨ ᠪᠥᠭᠡᠳ ᠡᠷᠳᠡᠮᠲᠡᠨ ᠰᠤᠳᠤᠯᠤᠭᠠᠴᠢ᠂ ᠴᠡᠷᠢᠭ ᠦᠨ ᠵᠦᠪᠯᠡᠬᠦ ᠢᠨᠵᠧᠨᠧᠷ ᠦᠳ ᠦᠨ ᠲᠣᠭᠠᠴᠠᠭᠠ᠂ ᠰᠤᠳᠤᠯᠭᠠᠨ ᠳᠤ ᠦᠨᠳᠦᠰᠦᠯᠡᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠪᠣᠳᠣᠯᠭᠠ ᠲᠥᠯᠥᠪᠯᠡᠭᠡ᠂ ᠲᠧᠭᠨᠣᠯᠣᠭᠢ ᠢᠢᠨ ᠺᠠᠷᠲ ᠤᠨ ᠳᠠᠭᠠᠭᠤ ᠵᠢᠷᠭᠤᠭᠠᠨ ᠲᠧᠭᠨᠢᠭ ᠬᠡᠷᠡᠭᠰᠡᠯ ᠢ ᠲᠠᠲᠠᠨ ᠭᠠᠷᠭᠠᠭᠠᠳ ᠪᠠᠢᠢᠨᠠ᠃
ᠡᠮᠦᠨᠡ ᠨᠢ 1985 ᠣᠨ ᠳᠤ ᠵᠢᠪᠬᠥᠭ᠍ᠰᠡᠨ᠂ 309 ᠲᠣᠨ᠋ᠨ ᠵᠢᠩᠲᠡᠢ ᠰᠦᠬᠡᠪᠠᠭᠠᠲᠤᠷ ᠬᠥᠯᠥᠭ ᠣᠩ᠋ᠭᠣᠴᠠ ᠢᠢ 16 ᠮᠧᠲ᠋ᠷ ᠦᠨ ᠭᠦᠨ ᠡᠴᠡ 2021 ᠣᠨ ᠳᠤ ᠲᠠᠲᠠᠨ ᠭᠠᠷᠭᠠᠭᠰᠠᠨ ᠶᠤᠮ᠃
ᠡᠨᠡ ᠣᠨ ᠳᠤ ᠪᠤᠶᠤ ᠵᠢᠷᠭᠤᠭᠠᠳᠤᠭᠠᠷ ᠰᠠᠷᠠ ᠠᠴᠠ ᠬᠣᠢᠢᠰᠢ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠢᠢᠨ 20 ᠍ ᠢ ᠬᠦᠷᠲᠡᠯᠡᠬᠢ ᠬᠤᠭᠤᠴᠠᠭᠠᠨ ᠳᠤ᠄
• ᠨᠠᠭᠤᠷ ᠤᠨ ᠡᠷᠭᠢ ᠡᠴᠡ 400 ᠣᠷᠴᠢᠮ ᠮᠧᠲ᠋ᠷ ᠵᠠᠢᠢᠲᠠᠢ᠂ 33.4 ᠮᠧᠲ᠋ᠷ ᠦᠨ ᠭᠦᠨ ᠳ᠋ᠤ 1968 ᠣᠨ ᠳᠤ ᠵᠢᠪᠬᠥᠭ᠍ᠰᠡᠨ ᠲ-100 ᠵᠠᠭᠪᠤᠷ ᠤᠨ 11 ᠲᠣᠨ᠋ᠨ ᠵᠢᠩᠲᠡᠢ ᠭᠢᠨᠵᠢᠲᠦ ᠲᠷᠠᠺᠲ᠋ᠣᠷ᠂
• ᠮᠠᠷᠠᠭᠠᠨ ᠤ ᠪᠤᠯᠤᠩ ᠤᠨ ᠡᠷᠭᠢ ᠡᠴᠡ 2᠂5 ᠺᠢᠯᠣᠮᠧᠲ᠋ᠷ ᠵᠠᠢᠢᠲᠠᠢ ᠭᠠᠵᠠᠷ᠂ 128 ᠮᠧᠲ᠋ᠷ ᠦᠨ ᠭᠦᠨ ᠳ᠋ᠤ 1995 ᠣᠨ ᠳᠤ ᠵᠢᠪᠬᠥᠭ᠍ᠰᠡᠨ ᠰᠢᠲᠠᠬᠤᠨ ᠲᠡᠭᠡᠭᠡᠪᠦᠷᠢ ᠢᠢᠨ ᠽᠢᠯ-130 ᠠᠦ᠋ᠲ᠋ᠣᠮᠠᠰᠢᠨ ᠢ ᠴᠢᠷᠭᠡᠦᠯ ᠦᠨ ᠬᠠᠮᠲᠤ᠂
• ᠵᠢᠭᠯᠡᠭ ᠦᠨ ᠳᠠᠪᠠᠭᠠᠨ ᠤ ᠠᠮᠠ ᠬᠡᠮᠡᠬᠦ ᠭᠠᠵᠠᠷ ᠨᠠᠭᠤᠷ ᠤᠨ ᠡᠷᠭᠢ ᠡᠴᠡ 1.4 ᠺᠢᠯᠣᠮᠧᠲ᠋ᠷ ᠦᠨ ᠵᠠᠢ ᠳᠤ 54 ᠮᠧᠲ᠋ᠷ ᠦᠨ ᠤᠰᠤᠨ ᠤ ᠭᠦᠨ ᠳ᠋ᠤ ᠵᠢᠪᠬᠥᠭ᠍ᠰᠡᠨ 6 ᠲᠣᠨ᠋ᠨ ᠰᠢᠲᠠᠬᠤᠨ ᠲᠡᠭᠡᠭᠡᠪᠦᠷᠢ ᠢᠢᠨ ᠠᠦ᠋ᠲ᠋ᠣᠮᠠᠰᠢᠨ ᠢ ᠲᠠᠲᠠᠨ ᠭᠠᠷᠭᠠᠭᠰᠠᠨ ᠶᠤᠮ᠃
ᠡᠳᠡᠭᠡᠷ ᠲᠡᠭᠡᠭᠡᠪᠦᠷᠢ ᠢᠢᠨ ᠬᠡᠷᠡᠭᠰᠡᠯ ᠦᠳ ᠲᠥ ᠪᠠᠢᠢᠭᠰᠠᠨ ᠨᠡᠢᠢᠲᠡ 34.7 ᠲᠣᠨ᠋ᠨ ᠰᠢᠲᠠᠬᠤᠨ᠂ ᠲᠣᠰ᠂ ᠲᠣᠰᠣᠯᠠᠬᠤ ᠮᠠᠲ᠋ᠧᠷᠢᠶᠠᠯ ᠢ ᠶᠡᠭᠦᠯᠡᠵᠦ᠂ ᠪᠣᠬᠢᠷᠳᠠᠯ ᠢ ᠬᠣᠯᠪᠣᠭᠳᠠᠬᠤ ᠳᠦᠷᠢᠮ᠂ ᠵᠢᠭᠪᠤᠷᠢ ᠢᠢᠨ ᠳᠠᠭᠠᠭᠤ ᠤᠰᠠᠳᠬᠠᠵᠤ ᠪᠠᠢᠢᠨᠠ᠃
