ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠢᠢᠨ ᠵᠠᠷᠯᠢᠭ ᠢᠶᠠᠷ ᠲᠥᠷᠥ ᠢᠢᠨ ᠳᠡᠭᠡᠳᠦ ᠱᠠᠩᠨᠠᠯ᠂ 《ᠴᠢᠩ᠋ᠭᠢᠰ ᠬᠠᠭᠠᠨ》 ᠲᠡᠷᠢᠭᠦᠨ ᠵᠡᠷᠭᠡ ᠢᠢᠨ ᠣᠳᠣᠨ ᠬᠦᠷᠲᠡᠭᠰᠡᠨ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠹᠢᠯᠠᠷᠮᠣᠨᠢ ᠢᠢᠨ ᠮᠣᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ ᠢᠢᠨ ᠬᠠᠮᠲᠤ ᠣᠯᠠᠨ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠢᠯᠡᠪᠡ᠃
ᠴᠢᠭᠤᠯᠭᠠ ᠢᠢᠨ ᠶᠡᠷᠦᠩᠬᠡᠢ ᠤᠳᠤᠷᠢᠳᠤᠭᠠᠴᠢ᠂ ᠤᠷᠠᠯᠢᠭ ᠤᠨ ᠭᠠᠪᠢᠶᠠᠲᠤ ᠵᠢᠳᠬᠦᠯᠲᠡᠨ ᠲ᠂ ᠲᠦᠪᠰᠢᠨᠰᠠᠢᠢᠬᠠᠨ ᠤ ᠬᠡᠯᠡᠭᠰᠡᠨ ᠦᠭᠡᠨ ᠡᠴᠡ ᠬᠦᠷᠭᠡᠵᠦ ᠪᠠᠢᠢᠨᠠ᠃
ᠡᠷᠬᠢᠮ ᠬᠦᠨᠳᠦᠳᠥ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ᠂
ᠡᠷᠬᠢᠮ ᠬᠦᠨᠳᠦᠳᠥ ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢ ᠰᠠᠢᠢᠳ᠂
ᠡᠷᠬᠢᠮ ᠬᠦᠨᠳᠦᠳᠥ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ᠂
ᠡᠷᠬᠢᠮ ᠬᠦᠨᠳᠦᠳᠥ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ᠂ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠭᠡᠰᠢᠭᠦᠳ ᠡ᠂
ᠡᠨᠡ ᠬᠦ ᠬᠦᠨᠳᠦᠳᠬᠡᠯ᠂ ᠪᠠᠬᠠᠳᠤᠯ ᠳᠦᠭᠦᠷᠡᠩ ᠴᠠᠭ ᠮᠥᠴᠡ ᠳᠥ ᠶᠡᠬᠡ ᠬᠦᠨᠳᠦᠳᠬᠡᠯ ᠲᠡᠭᠡᠭᠡᠨ ᠡᠨᠡ ᠥᠷᠭᠦᠭᠡᠨᠡ ᠬᠤᠷᠠᠨ ᠴᠤᠭᠯᠠᠭᠰᠠᠨ ᠲᠥᠷᠥ᠂ ᠨᠡᠢᠢᠭᠡᠮ ᠤᠨ ᠵᠢᠳᠬᠦᠯᠲᠡᠨ ᠨᠦᠭᠦᠳ᠂ ᠮᠣᠩ᠋ᠭᠣᠯ ᠦᠨᠳᠦᠰᠦᠨ ᠦ ᠣᠶᠤᠨ ᠰᠡᠳᠬᠢᠯᠭᠡᠨ ᠦ ᠪᠠᠶᠠᠯᠢᠭ ᠢ ᠪᠦᠲᠦᠭᠡᠨ ᠲᠤᠭᠤᠷᠪᠢᠭᠴᠢ ᠡᠷᠳᠡᠮᠲᠡᠨ ᠮᠡᠷᠭᠡᠳ᠂ ᠤᠷᠠᠯᠢᠭ᠂ ᠰᠤᠶᠤᠯ᠂ ᠲᠡᠦᠬᠡ᠂ ᠱᠠᠰᠢᠨ ᠤ ᠪᠣᠯᠤᠭᠠᠳ ᠲᠥᠷᠥ ᠶᠣᠰᠣᠨ ᠤ ᠶᠡᠬᠡ ᠬᠦᠨᠳᠦᠳᠬᠡᠯ ᠢ ᠬᠦᠯᠢᠶᠡᠭᠰᠡᠨ ᠡᠷᠬᠢᠮ ᠵᠣᠴᠢᠳ ᠠ᠋᠃
ᠲᠠ ᠪᠦᠬᠦᠨ ᠳᠥ ᠶᠡᠬᠡ ᠡᠵᠡᠨ ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠮᠡᠨᠳᠦᠯᠡᠭᠰᠡᠨ ᠡᠳᠦᠷ᠂ 《ᠮᠣᠩ᠋ᠭᠣᠯ ᠪᠠᠬᠠᠷᠬᠠᠯ ᠤᠨ ᠡᠳᠦᠷ》 ᠍ ᠦᠨ ᠮᠡᠨᠳᠦ ᠢᠢ ᠳᠡᠪᠰᠢᠭᠦᠯᠦᠶᠡ᠃
ᠰᠤᠤᠲᠤ ᠪᠣᠭᠳᠠ᠂ ᠶᠡᠬᠡ ᠡᠵᠡᠨ ᠴᠢᠩ᠋ᠭᠢᠰ ᠬᠠᠭᠠᠨ ᠤ ᠪᠠᠨ ᠮᠡᠨᠳᠦᠯᠡᠭᠰᠡᠨ ᠡᠳᠦᠷ᠂ ᠡᠨᠡ ᠶᠡᠬᠡ ᠠᠯᠳᠠᠷ ᠢᠶᠠᠷ ᠣᠪᠤᠭᠯᠠᠭᠰᠠᠨ ᠮᠣᠩ᠋ᠭᠣᠯ ᠲᠥᠷᠥ ᠢᠢᠨ ᠲᠡᠷᠢᠭᠦᠨ ᠵᠡᠷᠭᠡ ᠢᠢᠨ ᠣᠳᠣᠨ ᠬᠦᠷᠲᠡᠵᠦ ᠪᠠᠢᠢᠭᠠ ᠳᠤ ᠪᠠᠨ ᠮᠣᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ ᠢᠢᠨ ᠦᠶᠡ ᠦᠶᠡ ᠢᠢᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠪᠣᠯᠤᠨ ᠮᠢᠨᠦ ᠪᠡᠶᠡ ᠮᠠᠰᠢ ᠶᠡᠬᠡ ᠳᠣᠭᠳᠣᠯᠵᠤ ᠪᠠᠢᠢᠨᠠ᠃
ᠬᠦᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠪᠤᠭᠤᠷᠤᠯ ᠲᠡᠦᠬᠡᠨ ᠳᠥ ᠮᠣᠩ᠋ᠭᠣᠯᠴᠤᠳ ᠤᠨ ᠪᠤᠢ ᠪᠣᠯᠭᠠᠭᠰᠠᠨ ᠦᠯᠡᠮᠵᠢ ᠶᠡᠬᠡ ᠥᠪ ᠤᠯᠠᠮᠵᠢᠯᠠᠯ᠂ ᠣᠶᠤᠨ ᠰᠡᠳᠬᠢᠯᠭᠡᠨ ᠦ ᠦᠨᠡᠲᠦ ᠵᠦᠢᠯᠡᠰ ᠪᠦᠳᠡᠭᠡᠷᠡᠬᠦ᠂ ᠮᠠᠷᠲᠠᠭᠳᠠᠬᠤ᠂ ᠰᠡᠷᠭᠦᠬᠦ ᠣᠯᠠᠨ ᠣᠯᠠᠨ ᠴᠠᠭ ᠦᠶᠡ ᠢᠢ ᠭᠡᠲᠦᠯᠭᠡᠨ ᠡᠨᠡ ᠴᠠᠭ ᠲᠤ ᠥᠷᠲᠡᠭᠡᠯᠡᠨ ᠢᠷᠡᠭᠰᠡᠨ ᠢᠶᠡᠷ ᠰᠢᠨᠡ ᠮᠣᠩ᠋ᠭᠣᠯ ᠰᠢᠨᠡ ᠲᠡᠦᠬᠡᠨ ᠳᠥ ᠲᠣᠳᠣᠷᠠᠨ ᠭᠡᠷᠡᠯᠲᠦᠨ ᠪᠤᠢ ᠨᠢ ᠣᠶᠤᠨ ᠰᠠᠨᠠᠭᠠᠨ ᠤ ᠰᠤᠶᠤᠯ᠂ ᠤᠯᠠᠮᠵᠢᠯᠠᠯ ᠤᠨ ᠠᠰᠤᠷᠤ ᠶᠡᠬᠡ ᠪᠠᠶᠠᠯᠢᠭ ᠲᠠᠢ᠂ ᠨᠥᠭᠡᠴᠡ ᠲᠡᠢ ᠠᠷᠠᠳ ᠲᠦᠮᠡᠨ ᠭᠡᠳᠡᠭ ᠢ ᠳᠡᠯᠡᠬᠡᠢ ᠳᠥ ᠬᠦᠴᠦᠲᠡᠢ ᠮᠡᠳᠡᠷᠡᠭᠦᠯᠵᠦ ᠪᠤᠢ ᠨᠢ ᠳᠠᠮᠵᠢᠭ ᠦᠭᠡᠢ᠃
ᠦᠨᠡᠬᠡᠷ ᠪᠢᠳᠡ ᠶᠡᠬᠡ ᠬᠤᠪᠢ ᠵᠠᠶᠠᠭᠠᠨ ᠳᠤ ᠥᠰᠦᠨ ᠥᠨᠳᠡᠢᠢᠵᠦ᠂ ᠰᠤᠷᠴᠤ ᠪᠣᠯᠪᠠᠰᠤᠷᠠᠵᠤ᠂ ᠪᠦᠲᠦᠭᠡᠨ ᠲᠤᠭᠤᠷᠪᠢᠵᠤ ᠶᠠᠪᠤᠭᠠ ᠪᠠᠨ ᠴᠠᠭ ᠬᠣᠷᠤᠮ ᠪᠦᠷᠢ ᠤᠯᠠᠮ ᠶᠡᠬᠡ ᠪᠡᠷ ᠮᠡᠳᠡᠷᠡᠴᠥ ᠪᠠᠢᠢᠨᠠ᠃ ᠶᠠᠭ ᠡᠨᠡ ᠮᠥᠴᠡ ᠳᠥ ᠡᠨᠡ ᠶᠡᠬᠡ ᠥᠪ ᠢ ᠲᠡᠳᠦᠢ ᠡᠴᠡ ᠡᠳᠦᠢ ᠬᠦᠷᠲᠡᠯᠡ ᠥᠪᠯᠡᠨ ᠲᠡᠭᠡᠭᠡᠵᠦ᠂ ᠳᠠᠮᠵᠢᠭᠤᠯᠤᠨ ᠵᠠᠯᠠᠵᠤ ᠢᠷᠡᠭᠰᠡᠨ ᠪᠠᠭᠤᠷᠠᠯ ᠤᠳ ᠲᠠᠭᠠᠨ᠂ ᠬᠡᠳᠦᠢ ᠲᠩᠷᠢ ᠲᠥ ᠳᠡᠪᠰᠢᠭᠰᠡᠨ ᠴᠤ ᠰᠡᠳᠬᠢᠯ ᠳᠥ ᠮᠢᠨᠢ᠂ ᠴᠢᠬᠢᠨ ᠳᠥ ᠮᠢᠨᠢ ᠦᠷᠭᠦᠯᠵᠢ ᠬᠠᠮᠲᠤ ᠳᠤ ᠪᠠᠨ ᠡᠭᠡᠰᠢᠭᠯᠡᠬᠦ ᠶᠡᠬᠡ ᠬᠥᠮᠥᠨ᠂ ᠨᠡᠷᠡᠲᠦ ᠬᠤᠭᠤᠷᠴᠢ᠂ ᠰᠤᠷᠭᠠᠨ ᠬᠦᠮᠦᠵᠢᠭᠦᠯᠦᠭᠴᠢ᠂ ᠤᠳᠤᠷᠢᠳᠤᠭᠠᠴᠢ ᠴᠡᠨᠭᠳᠥ ᠢᠢᠨ ᠪᠠᠲᠤᠴᠢᠯᠠᠭᠤᠨ ᠪᠠᠭᠰᠢ ᠳᠤ ᠪᠠᠨ ᠨᠡᠢᠢᠲᠡ ᠮᠣᠩ᠋ᠭᠣᠯ ᠤᠨ ᠠᠷᠠᠳ ᠲᠦᠮᠡᠨ ᠦ ᠲᠠᠯᠠᠷᠬᠠᠯ ᠶᠠᠭᠤ ᠢᠢ ᠬᠠᠮᠲᠤᠳᠬᠠᠨ ᠡᠷᠭᠦᠶᠡ᠃
ᠮᠣᠩ᠋ᠭᠣᠯ ᠲᠦᠮᠡᠨ ᠦ ᠲᠡᠦᠬᠡ ᠢᠢᠨ ᠶᠡᠬᠡ ᠠᠶᠠᠨ ᠨᠡᠭᠦᠳᠡᠯ ᠦᠨ ᠵᠠᠮ ᠳᠤ ᠪᠦᠲᠦᠭᠰᠡᠨ ᠰᠤᠶᠤᠯ ᠤᠨ ᠣᠯᠤᠯᠲᠠ᠂ ᠠᠬᠤᠢ ᠪᠣᠯᠤᠨ ᠥᠷᠭᠡᠨ ᠶᠡᠬᠡ ᠠᠭᠤᠳᠠᠮ ᠳᠤ ᠲᠠᠷᠬᠠᠨ ᠨᠤᠲᠤᠭᠰᠢᠨ ᠠᠭᠤᠯᠠ ᠤᠰᠤ᠂ ᠪᠠᠢᠢᠭᠠᠯᠢ ᠳᠡᠯᠡᠬᠡᠢ᠂ ᠠᠷᠢᠶᠠᠲᠠᠨ᠂ ᠵᠢᠭᠦᠷᠲᠡᠨ ᠠᠮᠢᠲᠠᠳ ᠤᠨ ᠦᠢᠯᠡ ᠬᠥᠳᠡᠯᠦᠯ ᠢ ᠡᠭᠡᠰᠢᠭ᠌ ᠢᠶᠡᠷ ᠤᠷᠠᠨ ᠢᠶᠠᠷ ᠢᠯᠡᠷᠬᠡᠢᠢᠯᠡᠬᠦ ᠪᠣᠯᠤᠭᠰᠠᠨ ᠨᠢ ᠤᠯᠠᠮᠵᠢᠯᠠᠯᠲᠤ ᠤᠷᠠᠯᠢᠭ ᠬᠡᠮᠡᠭᠳᠡᠨ ᠡᠨᠡ ᠴᠠᠭ ᠲᠤ ᠲᠡᠦᠬᠡ ᠢᠢ ᠮᠡᠳᠡᠷᠡᠭᠦᠯᠦᠨ ᠪᠠᠢᠢᠭᠠ ᠪᠦᠬᠦᠢ ᠵᠦᠢᠯ ᠪᠣᠯᠠᠢ᠃
ᠮᠣᠷᠢᠨ ᠬᠤᠭᠤᠷ ᠪᠣᠯ ᠡᠨᠡ ᠲᠡᠦᠬᠡ᠂ ᠰᠤᠶᠤᠯ᠂ ᠤᠯᠠᠮᠵᠢᠯᠠᠯ ᠢ ᠥᠪᠡᠷ ᠲᠥ ᠪᠡᠨ ᠪᠦᠷᠢᠨ ᠰᠢᠩ᠋ᠭᠡᠭᠡᠭ᠍ᠰᠡᠨ ᠣᠨᠴᠠᠯᠢᠭ ᠲᠠᠢ ᠬᠥᠭ᠍ᠵᠢᠮ ᠪᠢᠯᠡ᠃
ᠮᠣᠩ᠋ᠭᠣᠯ ᠣᠷᠣᠨ ᠳᠤ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠥᠷᠨᠢᠵᠦ ᠪᠠᠢᠢᠭᠰᠠᠨ ᠴᠠᠭ ᠦᠶᠡ ᠳᠥ ᠰᠡᠳᠬᠢᠯ ᠣᠶᠤᠨ ᠢᠶᠠᠨ ᠴᠢᠯᠡᠭᠡᠨ ᠡᠨᠡ ᠬᠦ ᠴᠢᠭᠤᠯᠭᠠ ᠢᠢ ᠪᠠᠢᠢᠭᠤᠯᠬᠤ ᠭᠣᠣᠯ ᠰᠠᠨᠠᠭᠠ ᠢᠢ ᠪᠤᠢ ᠪᠣᠯᠭᠠᠭᠰᠠᠨ ᠶᠡᠬᠡ ᠪᠤᠷᠬᠠᠳ ᠪᠣᠯᠬᠤ ᠭᠤᠷᠪᠠᠨ ᠡᠷᠬᠢᠮ ᠳᠥ ᠭᠦᠨ ᠶᠡᠬᠡ ᠲᠠᠯᠠᠷᠬᠠᠯ ᠳᠡᠪᠰᠢᠭᠦᠯᠬᠦ ᠢᠢ ᠬᠦᠰᠡᠵᠦ ᠪᠠᠢᠢᠨᠠ᠃
ᠠᠯᠳᠠᠷᠲᠤ ᠬᠤᠭᠤᠷᠴᠢ ᠭᠣᠮᠪᠣᠳᠣᠷᠵᠢ ᠢᠢᠨ ᠵᠠᠮᠢᠶᠠᠨᠭ᠌᠂ ᠲᠡᠭᠦᠨ ᠦ ᠱᠠᠪᠢ ᠪᠢᠳᠡᠨ ᠦ ᠶᠡᠬᠡ ᠪᠠᠭᠰᠢ ᠴᠡᠨᠭᠳᠥ ᠢᠢᠨ ᠪᠠᠲᠤᠴᠢᠯᠠᠭᠤᠨ᠂ ᠪᠢᠳᠡᠨ ᠦ ᠡᠭᠡᠰᠢᠭᠯᠡᠭᠡᠨ ᠦ ᠡᠷᠬᠢᠮ ᠬᠥᠮᠥᠨ ᠨᠠᠴᠤᠭ ᠤᠨ ᠵᠠᠩᠴᠠᠨᠨᠣᠷᠪᠤ ᠬᠡᠮᠡᠬᠦ ᠠᠴᠢᠲᠠᠨ ᠨᠤᠭᠤᠳ ᠣᠶᠤᠨ ᠰᠠᠨᠠᠭᠠ ᠪᠠᠨ ᠴᠢᠯᠡᠭᠡᠨ ᠬᠥᠳᠡᠯᠮᠦᠷᠢᠯᠡᠭᠰᠡᠨ ᠦ ᠦᠷᠡ ᠳ᠋ᠦᠩ ᠳᠥ ᠥᠨᠥᠳᠥᠷ ᠪᠢᠳᠡ ᠡᠨᠡ ᠶᠡᠬᠡ ᠠᠯᠳᠠᠷ ᠢ ᠬᠦᠷᠲᠡᠵᠦ ᠪᠤᠢ ᠨᠢ ᠮᠠᠷᠭᠤᠭᠠᠨ ᠦᠭᠡᠢ ᠦᠨᠡᠨ᠃
ᠲᠡᠢᠢᠮᠦ ᠢᠢᠨ ᠲᠤᠯᠠᠳᠠ ᠮᠣᠩ᠋ᠭᠣᠯ ᠬᠦᠮᠦᠨ ᠦ ᠲᠡᠦᠬᠡ᠂ ᠠᠬᠤᠢ ᠠᠮᠢᠳᠤᠷᠠᠯ᠂ ᠰᠤᠶᠤᠯ᠂ ᠰᠡᠳᠬᠢᠯᠭᠡᠨ ᠦ ᠡᠭᠡᠰᠢᠭᠡᠨ ᠢᠯᠡᠷᠬᠡᠢᠢᠯᠡᠯ ᠪᠣᠯᠬᠤ ᠮᠣᠷᠢᠨ ᠬᠤᠭᠤᠷ ᠢᠶᠠᠨ ᠥᠪᠯᠡᠨ ᠤᠯᠠᠮᠵᠢᠯᠠᠬᠤ᠂ ᠳᠡᠭᠡᠳᠦᠯᠡᠨ ᠬᠥ᠍ᠭ᠍ᠵᠢᠭᠦᠯᠬᠦ᠂ ᠳᠡᠯᠭᠡᠷᠡᠭᠦᠯᠦᠨ ᠲᠦᠭᠡᠭᠡᠬᠦ᠂ ᠡᠷᠳᠡᠮᠵᠢᠭᠦᠯᠦᠨ ᠲᠦᠭᠦᠴᠢᠭᠡᠯᠡᠬᠦ ᠢᠢ ᠪᠢᠳᠡ ᠡᠷᠬᠢᠮ ᠵᠣᠷᠢᠯᠭᠠ ᠪᠠᠨ ᠪᠣᠯᠭᠠᠨ ᠠᠵᠢᠯᠯᠠᠵᠤ ᠪᠠᠢᠢᠨᠠ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ 1992 ᠣᠨ ᠤ 07 ᠳ᠋ᠤᠭᠠᠷ ᠰᠠᠷᠠ ᠢᠢᠨ 09 ᠍ ᠦ ᠡᠳᠦᠷ ᠦᠨ 123 ᠳ᠋ᠤᠭᠠᠷ ᠲᠣᠭᠲᠠᠭᠠᠯ ᠢᠶᠠᠷ ᠪᠠᠢᠢᠭᠤᠯᠤᠭᠳᠠᠨ ᠠᠩᠬᠠᠨ ᠤ ᠲᠣᠭᠯᠠᠯᠲᠠ ᠪᠠᠨ 1993 ᠣᠨ ᠤ 04 ᠳ᠋ᠤᠭᠡᠷ ᠰᠠᠷᠠ ᠢᠢᠨ 16 ᠍ ᠤ ᠡᠳᠦᠷ ᠳᠠᠭᠤᠷᠢ ᠪᠦᠵᠢᠭ᠌ ᠦᠨ ᠠᠺᠠᠳᠧᠮᠢᠺ ᠲᠢᠶᠠᠲ᠋ᠷ ᠲᠤ ᠬᠢᠭ᠍ᠰᠡᠨ᠃
ᠢᠩ᠋ᠭᠢᠭ᠍ᠰᠡᠨ ᠢᠶᠡᠷ ᠮᠣᠩ᠋ᠭᠣᠯᠴᠤᠳ ᠮᠣᠷᠢᠨ ᠬᠤᠭᠤᠷ ᠤᠨ ᠴᠢᠭᠤᠯᠭᠠ ᠲᠠᠢ ᠪᠣᠯᠵᠤ᠂ ᠤᠯᠤᠰ ᠦᠨᠳᠦᠰᠦᠨ ᠦ ᠳᠠᠷᠬᠠᠯᠠᠨ ᠳᠤ ᠰᠢᠨᠡ ᠢᠯᠡᠷᠬᠡᠢᠢᠯᠡᠯ ᠪᠤᠢ ᠪᠣᠯᠤᠭᠰᠠᠨ ᠲᠡᠳᠦᠢ ᠦᠭᠡᠢ ᠬᠥᠭ᠍ᠵᠢᠮ ᠦᠨ ᠤᠷᠠᠯᠢᠭ ᠲᠤ ᠬᠡᠳᠦᠢ ᠲᠠᠨᠢᠯ ᠮᠡᠲᠦ ᠪᠣᠳᠣᠭᠳᠠᠪᠠᠴᠤ ᠥᠭᠡᠷᠡ ᠥᠩ᠋ᠭᠡ ᠲᠥᠷᠬᠥ᠂ ᠳᠤᠤᠭᠠᠷᠠᠯᠲᠠ ᠪᠦᠬᠦᠢ ᠨᠠᠢᠢᠷᠠᠯ ᠬᠥᠭ᠍ᠵᠢᠮ ᠡᠭᠦᠰᠦᠭᠰᠡᠨ ᠨᠢ ᠲᠤᠩ ᠰᠠᠶ᠋ᠢᠬᠠᠨ ᠤ ᠲᠡᠦᠬᠡ᠃
ᠲᠡᠦᠬᠡᠨ 31 ᠵᠢᠯ ᠦᠨ ᠬᠤᠭᠤᠴᠠᠭᠠᠨ ᠳᠤ ᠦᠨᠳᠦᠰᠦᠨ ᠦ ᠤᠯᠠᠮᠵᠢᠯᠠᠯᠲᠤ ᠪᠦᠲᠦᠭᠡᠯ ᠦᠳ ᠡᠴᠡ ᠭᠠᠳᠠᠨᠠ ᠥᠷᠥᠨᠡ ᠢᠢᠨ ᠪᠣᠯᠤᠭᠠᠳ ᠳᠣᠷᠣᠨᠠ ᠳᠠᠬᠢᠨ ᠤ ᠰᠡᠳᠬᠢᠯᠭᠡᠨ ᠦ ᠣᠨᠴᠠᠯᠢᠭ ᠰᠢᠩ᠋ᠭᠡᠭ᠍ᠰᠡᠨ ᠪᠠᠶᠠᠯᠢᠭ ᠤᠷᠠ ᠢᠢᠨ ᠰᠠᠩ ᠲᠠᠢ᠂ ᠳᠠᠪᠬᠤᠷᠳᠠᠭᠰᠠᠨ ᠲᠣᠭᠠ ᠪᠠᠷ ᠳᠣᠲᠣᠭᠠᠳᠤ ᠳᠤ ᠪᠠᠨ ᠪᠦᠷᠢᠨ ᠬᠡᠮᠵᠢᠶᠡᠨ ᠦ 5᠂000 ᠭᠠᠷᠤᠢ᠂ ᠳᠡᠯᠡᠬᠡᠢ ᠢᠢᠨ ᠪᠤᠰᠤᠳ 20 ᠭᠠᠷᠤᠢ ᠣᠷᠣᠨ ᠤ ᠲᠠᠢᠢᠵᠠᠨᠠ 600 ᠭᠠᠷᠤᠢ ᠲᠣᠭᠯᠠᠯᠲᠠ ᠪᠠᠨ ᠲᠣᠯᠢᠯᠠᠭᠤᠯᠤᠭᠰᠠᠨ ᠤ ᠳᠡᠭᠡᠷᠡ ᠣᠯᠠᠨ ᠠᠷᠪᠠᠨ ᠨᠡᠷᠡ ᠬᠦᠨᠳᠦᠲᠡᠢ ᠤᠷᠠᠨ ᠪᠦᠲᠦᠭᠡᠯᠴᠢ ᠲᠡᠢ ᠬᠠᠮᠲᠤᠷᠠᠨ ᠪᠦᠲᠦᠭᠡᠯ ᠲᠤᠭᠤᠷᠪᠢᠭᠰᠠᠨ ᠪᠠᠢᠢᠨᠠ᠃
ᠪᠢᠳᠡ ᠲᠡᠦᠬᠡᠨ ᠰᠢᠨᠡ ᠴᠠᠭ ᠤᠨ ᠮᠥᠴᠡᠯᠭᠡ ᠳᠡᠭᠡᠷᠡ ᠤᠯᠤᠰ ᠦᠨᠳᠦᠰᠦᠨ ᠦ ᠪᠡᠨ ᠢᠲᠡᠭᠡᠯ᠂ ᠬᠠᠢᠢᠷᠠ ᠢᠢ ᠬᠦᠷᠲᠡᠭᠰᠡᠨ ᠳᠥ ᠪᠡᠨ ᠳᠣᠭᠳᠣᠯᠤᠯ ᠳᠦᠭᠦᠷᠡᠩ ᠪᠠᠢᠢᠭᠠ ᠬᠡᠳᠦᠢ ᠴᠤ᠂ ᠦᠶᠡ ᠢᠢᠨ ᠦᠶᠡ ᠳᠥ᠂ ᠮᠥᠩᠬᠡ ᠢᠢᠨ ᠮᠥᠩᠬᠡᠳᠡ ᠥᠪᠡᠷᠰᠡᠳ ᠦᠨ ᠤᠷᠠ ᠴᠢᠳᠠᠪᠤᠷᠢ᠂ ᠠᠪᠢᠶᠠᠰ ᠪᠢᠯᠢᠭ᠌᠂ ᠣᠶᠤᠨ ᠴᠢᠳᠠᠮᠵᠢ ᠪᠠᠨ ᠤᠯᠠᠮ ᠪᠠᠲᠤᠳᠬᠠᠨ ᠬᠥᠭ᠍ᠵᠢᠭᠦᠯᠵᠦ᠂ ᠮᠣᠩ᠋ᠭᠣᠯ ᠬᠦᠮᠦᠨ ᠦ ᠴᠢᠳᠠᠮᠵᠢ ᠢᠢ ᠰᠤᠷᠲᠠᠯᠴᠢᠯᠠᠨ ᠲᠦᠭᠡᠭᠡᠬᠦ ᠰᠡᠳᠬᠢᠯ ᠪᠠᠲᠤ ᠳᠦᠭᠦᠷᠡᠩ ᠪᠠᠢᠢᠭᠠ ᠪᠠᠨ ᠢᠯᠡᠷᠬᠡᠢᠢᠯᠡᠶᠡ᠃
ᠪᠢᠳᠡᠨ ᠢ ᠪᠠᠢᠢᠩ᠋ᠭᠤ ᠳᠡᠮᠵᠢᠨ ᠪᠠᠢᠢᠳᠠᠭ ᠮᠣᠩ᠋ᠭᠣᠯ ᠤᠨ ᠲᠥᠷᠥ᠂ ᠨᠡᠢᠢᠲᠡ ᠠᠷᠠᠳ ᠲᠦᠮᠡᠨ ᠳᠥ ᠪᠡᠨ᠂ ᠰᠢᠨᠲᠠᠷᠠᠰᠢ ᠦᠭᠡᠢ᠂ ᠮᠢᠲᠠᠷᠠᠰᠢ ᠦᠭᠡᠢ ᠪᠡᠷ ᠪᠠᠲᠤ ᠲᠠᠢ ᠠᠷᠤ ᠲᠠᠯᠠ ᠨᠢ ᠪᠣᠯᠤᠭᠰᠠᠨ ᠡᠵᠢ᠂ ᠠᠪᠤ ᠨᠤᠭᠤᠳ᠂ ᠭᠡᠷ ᠪᠦᠯᠢ᠂ ᠦᠷᠡ ᠬᠡᠦᠬᠡᠳ ᠦᠳ ᠲᠥ ᠨᠢ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠯᠠ᠃
ᠮᠣᠩ᠋ᠭᠣᠯ ᠲᠥᠷᠥ ᠢᠢᠨ ᠥᠯᠮᠡᠢ ᠪᠠᠲᠤ ᠣᠷᠣᠰᠢᠨ᠂ ᠮᠣᠩ᠋ᠭᠣᠯ ᠲᠦᠮᠡᠨ ᠦ ᠬᠡᠢᠢᠮᠣᠷᠢ ᠥᠭᠡᠳᠡ ᠪᠡᠨ ᠪᠠᠢᠢᠬᠤ ᠢᠢᠨ ᠢᠷᠦᠭᠡᠯ ᠢ ᠡᠷᠭᠦᠨ ᠳᠡᠪᠰᠢᠭᠦᠯᠵᠦ᠂ ᠢᠷᠡᠬᠦ ᠴᠠᠭ ᠲᠤ ᠠᠯᠢᠪᠠ ᠪᠦᠬᠦᠨ ᠢᠷᠠᠭᠤ ᠰᠠᠢᠢᠬᠠᠨ ᠢᠶᠠᠷ ᠨᠡᠢᠢᠲᠡ ᠰᠠᠢᠢᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ᠃