ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠤᠬᠤᠨᠠ ᠢᠢᠨ ᠬᠦᠷᠡᠯᠰᠦ᠋ᠬᠡ 《ᠬᠦᠨᠡᠰᠦᠨ ᠦ ᠬᠠᠩ᠋ᠭᠠᠮᠵᠢ᠂ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠦ ᠬᠦᠷᠢᠶᠡᠨ ᠳᠥ ᠬᠣᠨᠢᠨ ᠤ ᠨᠣᠣᠰᠣ ᠪᠠᠷ ᠪᠢᠣ ᠪᠣᠷᠳᠣᠭᠠ ᠦᠢᠯᠡᠳᠪᠦᠷᠢᠯᠡᠭᠴᠢ 《ᠮᠣᠨ᠋ᠫᠧᠯᠯᠧᠲ᠋ᠰ》 ᠬᠠ᠊᠂ ᠬᠤ᠊᠂ ᠻᠤ᠂ ᠢᠢᠨ ᠦᠢᠯᠡᠳᠪᠦᠷᠢ ᠳᠥ ᠠᠵᠢᠯᠯᠠᠯᠠ᠃
ᠲᠥᠪ ᠠᠢᠢᠮᠠᠭ ᠤᠨ ᠡᠷᠳᠡᠨᠢ ᠰᠤᠮᠤ ᠢᠢᠨ ᠨᠤᠲᠤᠭ ᠲᠤ ᠪᠠᠢᠢᠷᠢᠯᠠᠬᠤ ᠦᠢᠯᠡᠳᠪᠦᠷᠢ ᠵᠢᠯ ᠳᠥ 2.500 ᠲᠣᠨᠠ ᠪᠣᠷᠳᠣᠭᠠ ᠦᠢᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠴᠢᠳᠠᠯ ᠲᠠᠢ᠂ ᠣᠳᠣ ᠪᠠᠷ ᠵᠢᠯ ᠳᠥ 125 ᠲᠣᠨᠠ ᠢᠢ ᠦᠢᠯᠡᠳᠪᠦᠷᠢᠯᠡᠵᠦ ᠬᠤ᠊᠂ ᠪᠥ᠊᠂ ᠨᠠᠢ᠂ ᠭᠸ᠂ ᠤᠯᠤᠰ᠂ ᠠᠮᠧᠷᠢᠻᠠ ᠢᠢᠨ ᠨᠢᠭᠡᠳᠦᠭᠰᠡᠨ ᠤᠯᠤᠰ ᠲᠤ ᠡᠻᠰᠫᠣᠷᠲ᠋ᠯᠠᠵᠤ ᠪᠠᠢᠢᠨᠠ᠃ ᠴᠢᠨᠠᠭᠰᠢᠳᠠ ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠪᠦᠷᠢᠨ ᠠᠰᠢᠭᠯᠠᠵᠤ᠂ ᠪᠦᠲᠦᠭᠡᠭ᠍ᠳᠡᠬᠦᠨ ᠢᠶᠡᠨ ᠶᠠᠫᠣᠨ᠂ ᠪᠥ᠂ ᠨᠠᠢ᠂ ᠰᠤ᠂ ᠤᠯᠤᠰ ᠲᠤ ᠨᠡᠢᠢᠯᠡᠭᠦᠯᠬᠦ᠂ ᠪᠤᠰᠤᠳ ᠤᠯᠤᠰ ᠣᠷᠣᠨ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠪᠠᠷ ᠲᠥᠯᠥᠪᠯᠡᠵᠡᠢ᠃
ᠠᠽᠣᠲ ᠤᠨ ᠥᠨᠳᠦᠷ ᠠᠭᠤᠯᠤᠮᠵᠢ ᠲᠠᠢ ᠪᠢᠣ ᠪᠣᠷᠳᠣᠭᠠ ᠢᠢ ᠦᠢᠯᠡᠳᠪᠦᠷᠢᠯᠡᠬᠦ ᠳᠡᠭᠡᠨ ᠵᠥᠪᠬᠡᠨ ᠤᠭᠢᠶᠠᠭᠠ ᠦᠭᠡᠢ ᠬᠣᠨᠢᠨ ᠤ ᠨᠣᠣᠰᠣ ᠬᠡᠷᠡᠭᠯᠡᠳᠡᠭ ᠪᠥᠭᠡᠳ ᠬᠢᠮᠢ ᠢᠢᠨ ᠪᠣᠯᠤᠨ ᠨᠡᠮᠡᠯᠲᠡ ᠲᠤᠰᠯᠠᠬᠤ ᠪᠣᠳᠠᠰ᠂ ᠤᠰᠤ ᠠᠰᠢᠭᠯᠠᠳᠠᠭ ᠦᠭᠡᠢ ᠪᠡᠷ ᠢᠶᠡᠨ ᠣᠨᠴᠠᠯᠢᠭ ᠲᠠᠢ ᠶᠤᠮ ᠪᠠᠢᠢᠨᠠ᠃
ᠬᠦᠨᠡᠰᠦᠨ ᠦ ᠨᠣᠭᠣᠭᠠ ᠲᠠᠷᠢᠶᠠᠯᠠᠭᠴᠢ ᠵᠢᠵᠢᠭ᠂ ᠳᠤᠮᠳᠠ ᠠᠵᠤ ᠠᠬᠤᠢ ᠢᠢᠨ ᠨᠢᠭᠡᠴᠡ ᠨᠤᠭᠦᠳ ᠪᠢᠣ ᠪᠣᠷᠳᠣᠭᠠ ᠢᠢ ᠬᠤᠳᠠᠯᠳᠤᠨ ᠠᠪᠬᠤ ᠴᠢᠳᠠᠪᠤᠷᠢ ᠪᠠᠭᠠ᠃ ᠡᠢᠢᠮᠦ ᠡᠴᠡ ᠲᠥᠷᠥ ᠢᠢᠨ ᠪᠣᠳᠣᠯᠭᠠ ᠪᠠᠷ ᠳᠡᠮᠵᠢᠬᠦ᠂ ᠢᠯᠠᠩ᠋ᠭᠤᠶᠠ ᠻᠯᠠᠰᠲ᠋ᠸᠷ ᠤᠨ ᠰᠢᠰᠲ᠋ᠧᠮ ᠳᠥ ᠣᠷᠣᠭᠤᠯᠤᠨ ᠵᠣᠬᠢᠴᠠᠭᠤᠯᠤᠯᠲᠠ ᠬᠢᠪᠡᠯ ᠪᠣᠭᠣᠨᠢ ᠬᠤᠭᠤᠴᠠᠭᠠᠨ ᠳᠤ ᠢᠷᠭᠡᠳ ᠢᠶᠡᠨ ᠡᠷᠡᠭᠦᠯ ᠨᠣᠭᠣᠭᠠ ᠪᠠᠷ ᠬᠠᠩ᠋ᠭᠠᠬᠤ᠂ 《ᠲᠡᠷᠪᠤᠮ ᠮᠣᠳᠣ》 ᠦᠨᠳᠦᠰᠦᠨ ᠦ ᠬᠥᠳᠡᠯᠭᠡᠭᠡᠨ ᠢ ᠠᠮᠵᠢᠯᠲᠠᠲᠠᠢ ᠬᠡᠷᠡᠭᠵᠢᠭᠦᠯᠬᠦ ᠳᠥ ᠲᠣᠮᠣᠬᠠᠨ ᠬᠤᠪᠢ ᠨᠡᠮᠡᠷᠢ ᠤᠷᠤᠭᠤᠯᠬᠤ᠂ ᠢᠮᠫᠣᠷᠲ ᠤᠨ ᠪᠣᠷᠳᠣᠭᠠ ᠢᠢ ᠤᠷᠤᠯᠠᠬᠤ ᠪᠦᠷᠢᠨ ᠪᠣᠯᠤᠮᠵᠢᠲᠠᠢ ᠢᠢ ᠻᠣᠮᠫᠠᠨᠢ ᠢᠢᠨ ᠤᠳᠤᠷᠢᠳᠤᠯᠭᠠ ᠲᠠᠨᠢᠯᠴᠠᠭᠤᠯᠤᠯᠠ᠃
ᠮᠠᠨ ᠤ ᠤᠯᠤᠰ ᠤᠨ ᠬᠥᠷᠦᠰᠦᠨ ᠦ ᠴᠢᠨᠠᠷ ᠮᠠᠭᠤᠳᠠᠵᠤ᠂ ᠢᠯᠵᠠᠮᠠᠭ ᠤᠨ ᠠᠭᠤᠯᠤᠮᠵᠢ 60᠂ ᠤᠷᠭᠤᠮᠠᠯ ᠰᠢᠨᠵᠢᠳᠡᠢ ᠲᠡᠵᠢᠭᠡᠯ ᠦᠨ ᠪᠣᠳᠠᠰ 60-80 ᠬᠤᠪᠢ ᠪᠠᠭᠤᠷᠠᠭᠰᠠᠨ ᠨᠢ ᠬᠦᠨᠡᠰᠦᠨ ᠦ ᠨᠣᠭᠣᠭᠠ ᠲᠠᠷᠢᠬᠤ᠂ ᠠᠷᠪᠢᠨ ᠤᠷᠭᠤᠴᠠ ᠠᠪᠬᠤ ᠳᠤ ᠰᠥᠷᠭᠥ ᠪᠡᠷ ᠨᠥᠯᠦᠭᠡᠯᠡᠳᠡᠭ᠃
ᠡᠢᠢᠮᠦ ᠦᠶᠡ ᠳᠥ ᠪᠢᠣ ᠪᠣᠷᠳᠣᠭᠠ ᠢᠢ ᠵᠢᠮᠢᠰ᠂ ᠵᠢᠮᠢᠰᠬᠡᠨᠡ᠂ ᠮᠣᠳᠣ᠂ ᠪᠤᠲᠠ᠂ ᠰᠥᠭᠡᠭ᠌᠂ ᠲᠠᠰᠤᠯᠭᠠᠨ ᠤ ᠪᠣᠯᠤᠨ ᠮᠠᠨᠳᠠᠯ ᠤᠨ ᠴᠡᠴᠡᠭ᠂ ᠬᠥᠷᠦᠰᠦ᠂ ᠵᠠᠳᠠᠭᠠᠢ ᠲᠠᠯᠠᠪᠠᠢ᠂ ᠬᠦᠯᠡᠮᠵᠢ ᠢᠢᠨ ᠨᠣᠭᠣᠭᠠ᠂ ᠠᠭᠤᠯᠠ ᠠᠭᠤᠷᠬᠠᠢ ᠢᠢᠨ ᠪᠢᠣᠯᠣᠭᠢ ᠢᠢᠨ ᠨᠥᠬᠦᠨ ᠰᠡᠷᠭᠦᠭᠡᠯᠲᠡ ᠳᠥ ᠠᠰᠢᠭᠯᠠᠬᠤ ᠳᠤ ᠦᠷᠡ ᠳ᠋ᠦᠩ ᠲᠡᠢ ᠨᠢ ᠳᠣᠲᠣᠭᠠᠳᠤ᠂ ᠭᠠᠳᠠᠭᠠᠳᠤ ᠢᠢᠨ ᠤᠯᠤᠰ ᠣᠷᠣᠨ ᠨᠤᠭᠤᠳ ᠤᠨ ᠲᠤᠷᠰᠢᠯᠲᠠ ᠪᠠᠷ ᠪᠠᠲᠤᠯᠠᠭᠳᠠᠵᠠᠢ᠃
ᠪᠢᠣ ᠪᠣᠷᠳᠣᠭᠠ ᠨᠢ ᠤᠰᠤ ᠢᠢ ᠥᠪᠡᠷ ᠲᠡᠭᠡᠨ ᠰᠢᠩ᠋ᠭᠡᠭᠡᠨ ᠬᠠᠳᠠᠭᠠᠯᠠᠳᠠᠭ ᠪᠥᠭᠡᠳ ᠱᠠᠭᠠᠷᠳᠠᠯᠭᠠ ᠲᠠᠢ ᠦᠶᠡ ᠳᠥ ᠪᠤᠴᠠᠵᠤ ᠢᠯᠭᠠᠷᠠᠭᠤᠯᠳᠠᠭ᠂ 10-14 ᠰᠠᠷᠠ ᠢᠢᠨ ᠬᠤᠭᠤᠴᠠᠭᠠᠨ ᠳᠤ ᠵᠠᠳᠠᠷᠠᠵᠤ᠂ ᠪᠠᠢᠢᠭᠠᠯᠢ ᠳᠤ ᠰᠢᠩ᠋ᠭᠡᠳᠡᠭ᠃ ᠭᠠᠵᠠᠷ ᠤᠨ ᠬᠥᠷᠥᠰᠥ ᠢᠢ ᠰᠡᠢᠢᠷᠡᠭᠵᠢᠭᠦᠯᠦᠨ ᠬᠥᠪᠰᠦᠢᠯᠭᠡᠵᠦ᠂ ᠬᠣᠷᠣᠬᠠᠢ ᠰᠢᠪᠠᠵᠢ ᠠᠴᠠ ᠬᠠᠮᠠᠭᠠᠯᠠᠳᠠᠭ᠂ ᠤᠷᠭᠤᠮᠠᠯ ᠢ ᠳᠡᠭᠡᠳᠦ ᠵᠡᠷᠭᠡ ᠢᠢᠨ ᠲᠡᠵᠢᠭᠡᠯ ᠪᠣᠯᠤᠨ ᠤᠰᠤ ᠪᠠᠷ ᠬᠠᠩ᠋ᠭᠠᠳᠠᠭ ᠶᠤᠮ ᠪᠠᠢᠢᠨᠠ᠃
ᠮᠣᠩ᠋ᠭᠣᠯ ᠤᠯᠤᠰ ᠤᠨ ᠪᠣᠷᠳᠣᠭᠠᠨ ᠤ ᠵᠢᠯ ᠦᠨ ᠬᠡᠷᠡᠭᠯᠡᠭᠡ 150 ᠮᠢᠩ᠋ᠭᠠᠨ ᠲᠤᠨᠠ ᠪᠥᠭᠡᠳ ᠴᠢᠨᠠᠭᠰᠢᠳᠠ ᠵᠢᠯ ᠳᠥ 10 ᠬᠤᠪᠢ ᠪᠠᠷ ᠥᠰᠬᠦ ᠲᠥᠯᠥᠪᠲᠡᠢ ᠪᠠᠢᠢᠨᠠ᠃ ᠮᠠᠨ ᠤ ᠤᠯᠤᠰ ᠵᠢᠯ ᠳᠥ 170 ᠰᠠᠶᠠ ᠠᠮᠠ᠂ ᠳ᠋ᠣᠯᠯᠠᠷ ᠢᠶᠠᠷ ᠬᠢᠮᠢ ᠢᠢᠨ ᠪᠣᠷᠳᠣᠭᠠ ᠭᠠᠳᠠᠨᠠ ᠠᠴᠠ ᠬᠤᠳᠠᠯᠳᠤᠵᠤ ᠠᠪᠳᠠᠭ ᠶᠤᠮ᠃
